အမေရိကန်ပြည်ထောင်စုတွင် ဖြစ်ပွားလျက်ရှိသော ကြက်ငှက်တုပ်ကွေးရောဂါကြောင့် နိုင်ငံတစ်ဝှမ်းတွင် ကုန်စည်မလုံလောက်မှုဖြစ်ပြီး ဈေးနှုန်းမြင့်တက်လာခြင်းကြောင့် လက်ရှိတွင် တောင်ကိုးရီးယားမှ ကြက်ဥများကို တင်သွင်းနေပြီ ဖြစ်ပါသည်။
ယူကရိန်းပဋိပက္ခဖြေရှင်းနိုင်ရေး ပြဿနာအရင်းအမြစ်ကို ဝိုင်းဝန်း စဉ်းစားဖြေရှင်းရမည့်အစား မိမိတို့စစ်သုံးစရိတ်တိုးမြှင့်ရေးနှင့် ယူကရိန်းကို စစ်တပ်များ စေလွှတ်ရေးဆွေးနွေးနေကြမှုမှာ ပြဿနာကို ပိုမိုဆိုးရွားစေသည်ဟု ကရင်မလင် ပြောခွင့်ရပုဂ္ဂိုလ် ဒင်မီထရီပက်စကိုဗ် က VGTRK သတင်းထောက်နှင့် မတ်လ ၂၃ ရက်တွင် ပြုလုပ်သည့် အင်တာဗျူးတစ်ခုတွင် ဖြေကြားလိုက်ပါသည်။
ဂျာမနီအခြေစိုက် ကမ္ဘာကျော် မော်တော်ကားကုမ္ပဏီဖြစ်သည့် BMW သည် ၂၀၂၃ ခုနှစ် အမြတ်ငွေနှင့် နှိုင်းယှဉ်ပါက ၂၀၂၄ ခုနှစ်တွင် ၃၇ ရာခိုင်နှုန်း (ယူရို ၇ ဒသမ ၇ ဘီလီယံ) အထိ အမြတ်စံချိန်တင်ကျဆင်းခဲ့ကြောင်း အဆိုပါကုမ္ပဏီ၏ ၂၀၂၄ ခုနှစ် ဘဏ္ဍာရေးအစီရင်ခံစာဖော်ပြချက်အရ သိရ ပါသည်။
ဝန်ကြီးချုပ် Han Duck-soo အပေါ် စွဲချက်တင်ရေး အဆိုတင်သွင်းမှုတစ်ခုကို တောင်ကိုရီးယား ဖွဲ့စည်းပုံအခြေခံဥပဒေတရားရုံးက ပယ်ချပြီးနောက် ၎င်းအား ယာယီသမ္မတအဖြစ် ပြန်လည်ခန့်အပ်လိုက်ပါသည်။
လွန်ခဲ့သောနှစ် ဒီဇင်ဘာလအတွင်း သမ္မတ Yoon Suk-yeol အပေါ် ၎င်း၏ စစ်အုပ်ချုပ်ရေးကြေညာမှုနှင့်ပတ်သက်၍ အတိုက်အခံများ ဦးဆောင်နေသည့် လွှတ်တော်တွင် စွဲချက်တင်ရေး အဆိုတင်သွင်းခဲ့ပြီးနောက် Han သည် ယာယီသမ္မတဖြစ်လာခဲ့ခြင်းဖြစ်သည်။