အင်္ဂါဂြိုဟ်မှပဲ့ထွက်လာသည့် အကြီးမားဆုံး ဂြိုဟ်ပဲ့ကြီးအား ဒေါ်လာ ၅ ဒသမ ၃ သန်းဖြင့် စံချိန်တင်ရောင်းချ

sacadmin

News Image

  • အင်္ဂါဂြိုဟ်မှပဲ့ထွက်လာသည့် အကြီးမားဆုံး ဂြိုဟ်ပဲ့ကြီးအား ဒေါ်လာ ၅ ဒသမ ၃ သန်းဖြင့် စံချိန်တင်ရောင်းချ

အင်္ဂါဂြိုဟ်မှပဲ့ထွက်လာသည့် အကြီးမားဆုံး   ဂြိုဟ်ပဲ့အစိတ်အပိုင်းတစ်ခုအား ဒေါ်လာ ၅ ဒသမ ၃ သန်းဖြင့်  စံချိန်တင် ရောင်းချနိုင်ခဲ့ကြောင်း သိရသည်။

အဆိုပါဂြိုဟ်ပဲ့ကြီးကို   အမေရိကန်ပြည်ထောင်စုရှိ sotheby's လေလံကုမ္ပဏီမှ ပြီးခဲ့သည့် ရက်သတ္တပတ်အတွင်းက ကျင်းပခဲ့သည့် လေလံပွဲတစ်ခု၌ ရောင်းချနိုင်ခဲ့ခြင်းဖြစ်သည်။ အဆိုပါဂြိုဟ်ပဲ့ကြီးသည် အလေးချိန်အားဖြင့် ၂၄ ဒသမ ၆၇ ကီလိုဂရမ်ရှိပြီး ၎င်းအား ဆာဟာရသဲကန္တာရရှိ နိုင်ဂျာနိုင်ငံအတွင်း၌ ၂၀၂၃ ခုနှစ် နိုဝင်ဘာလအတွင်းက  ရှာဖွေတွေ့ရှိခဲ့ခြင်းဖြစ်သည်။

NWA 16788 ဟုအမည်ပေးထားသည့် အဆိုပါဂြိုဟ်ပဲ့ကြီးသည် ဂြိုဟ်သိမ်ဂြိုဟ်မွှားများ ဝင်တိုက်မှုကြောင့် အင်္ဂါဂြိုဟ်မျက်နှာပြင်မှ ပဲ့ထွက်လာခြင်းဖြစ်သည်။

ယခု  လေလံတင်ရောင်းချနိုင်ခဲ့သည့် အင်္ဂါဂြိုဟ်ပဲ့ကြီးသည် ကမ္ဘာမြေမျက်နှာပြင်ပေါ်သို့ ကျရောက်လာသည့် အဆိုပါဂြိုဟ်ပဲ့များထက် အရွယ်အစားအားဖြင့် ၇၀ ရာခိုင်နှုန်းခန့် ပိုမိုကြီးမားကြောင်း သိရသည်။

အဆိုပါ NWA 16788 ဂြိုဟ်ပဲ့ကြီး၏ ပိုင်ရှင်မှာ မည်သူဖြစ်ကြောင်း သို့မဟုတ် ဝယ်ယူသွားသူမှာ မည်သူဖြစ်ကြောင်းကို လေလံကုမ္ပဏီက ထုတ်ပြန်ခဲ့ခြင်း မရှိပေ။

MWD  Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အင်္ဂါဂြိုဟ်မှပဲ့ထွက်လာသည့် အကြီးမားဆုံး ဂြိုဟ်ပဲ့ကြီးအား ဒေါ်လာ ၅ ဒသမ ၃ သန်းဖြင့် စံချိန်တင်ရောင်းချ
အင်္ဂါဂြိုဟ်မှပဲ့ထွက်လာသည့် အကြီးမားဆုံး ဂြိုဟ်ပဲ့ကြီးအား ဒေါ်လာ ၅ ဒသမ ၃ သန်းဖြင့် စံချိန်တင်ရောင်းချ
အင်္ဂါဂြိုဟ်မှပဲ့ထွက်လာသည့် အကြီးမားဆုံး   ဂြိုဟ်ပဲ့အစိတ်အပိုင်းတစ်ခုအား ဒေါ်လာ ၅ ဒသမ ၃ သန်းဖြင့်  စံချိန်တင် ရောင်းချနိုင်ခဲ့ကြောင်း သိရသည်။အဆိုပါဂြိုဟ်ပဲ့ကြီးကို   အမေရိကန်ပြည်ထောင်စုရှိ sotheby's လေလံကုမ္ပဏီမှ ပြီးခဲ့သည့် ရက်သတ္တပတ်အတွင်းက ကျင်းပခဲ့သည့် လေလံပွဲတစ်ခု၌ ရောင်းချနိုင်ခဲ့ခြင်းဖြစ်သည်။ အဆိုပါဂြိုဟ်ပဲ့ကြီးသည် အလေးချိန်အားဖြင့် ၂၄ ဒသမ ၆၇ ကီလိုဂရမ်ရှိပြီး ၎င်းအား ဆာဟာရသဲကန္တာရရှိ နိုင်ဂျာနိုင်ငံအတွင်း၌ ၂၀၂၃ ခုနှစ် နိုဝင်ဘာလအတွင်းက  ရှာဖွေတွေ့ရှိခဲ့ခြင်းဖြစ်သည်။NWA 16788 ဟုအမည်ပေးထားသည့် အဆိုပါဂြိုဟ်ပဲ့ကြီးသည် ဂြိုဟ်သိမ်ဂြိုဟ်မွှားများ ဝင်တိုက်မှုကြောင့် အင်္ဂါဂြိုဟ်မျက်နှာပြင်မှ ပဲ့ထွက်လာခြင်းဖြစ်သည်။ယခု  လေလံတင်ရောင်းချနိုင်ခဲ့သည့် အင်္ဂါဂြိုဟ်ပဲ့ကြီးသည် ကမ္ဘာမြေမျက်နှာပြင်ပေါ်သို့ ကျရောက်လာသည့် အဆိုပါဂြိုဟ်ပဲ့များထက် အရွယ်အစားအားဖြင့် ၇၀ ရာခိုင်နှုန်းခန့် ပိုမိုကြီးမားကြောင်း သိရသည်။အဆိုပါ NWA 16788 ဂြိုဟ်ပဲ့ကြီး၏ ပိုင်ရှင်မှာ မည်သူဖြစ်ကြောင်း သို့မဟုတ် ဝယ်ယူသွားသူမှာ မည်သူဖြစ်ကြောင်းကို လေလံကုမ္ပဏီက ထုတ်ပြန်ခဲ့ခြင်း မရှိပေ။MWD  Portal
Sun, 20-Jul-2025
ဗိုလ်ချုပ်အောင်ဆန်းပြတိုက်(ရန်ကုန်)သို့ လာရောက်လေ့လာကြည့်ရှုသူများပြား
ဗိုလ်ချုပ်အောင်ဆန်းပြတိုက်(ရန်ကုန်)သို့ လာရောက်လေ့လာကြည့်ရှုသူများပြား
ယနေ့ ဇူလိုင် ၁၉ ရက်တွင်ကျရောက်သည့် (၇၈) နှစ်မြောက် အာဇာနည်နေ့တွင် မြန်မာ့လွတ်လပ်ရေးဗိသုကာ ဗိုလ်ချုပ်အောင်ဆန်းနေထိုင်ခဲ့သော နေအိမ်ကိုပြတိုက်အဖြစ်ခင်းကျင်းပြသထားသည့် ဗိုလ်ချုပ်အောင်ဆန်းပြတိုက်(ရန်ကုန်)သို့ လာရောက်လေ့လာကြည့်ရှုသူများပြားလျက်ရှိသည်။ဗိုလ်ချုပ်အောင်ဆန်းပြတိုက်(ရန်ကုန်)၌ ဗိုလ်ချုပ်အောင်ဆန်း စီးနင်းခဲ့သည့် အင်္ဂလန်နိုင်ငံထုတ် WOLSELEY အမျိုးအစားမော်တော်ယာဉ်နှင့် မှတ်တမ်းဓာတ်ပုံများပြခန်း၊ ပန်းခြံ၊ ဗိုလ်ချုပ်အောင်ဆန်း၏ပုံတူ၊ ဗိုလ်ချုပ်၏ ငယ်ဘဝ၊ တက္ကသိုလ်ကျောင်းသားဘဝ၊ နိုင်ငံရေးလောကဘဝ၊ တပ်မတော်ခေါင်းဆောင်ဘဝ၊ နိုင်ငံခေါင်းဆောင်ဘဝ၊ မိသားစုဘဝမှတ်တမ်းများနှင့် မှတ်တမ်းဓာတ်ပုံများ၊ အသုံးပြုခဲ့သည့် အသုံးအဆောင်ပစ္စည်းများ၊ ဗိုလ်ချုပ်အောင်ဆန်းပြတိုက်၏ နောက်ခံသမိုင်းအကျဉ်းတို့ကို ခင်းကျင်းပြသထားသည်။ဧည့်ခန်း၊ အိပ်ခန်း၊ ဘုရားခန်း၊ စာကြည့်တိုက်နှင့် အထူးအစည်းအဝေးခန်းများအတွင်း ဗိုလ်ချုပ်အောင်ဆန်းအသုံးပြုခဲ့သော အဝတ်အထည်များနှင့် အသုံးအဆောင်ပစ္စည်းများ၊ ပန်းချီကားများ၊ ဓာတ်ပုံများနှင့် ပရိဘောဂပစ္စည်းများ၊ ဗိုလ်ချုပ်အောင်ဆန်းဖတ်ရှုလေ့လာခဲ့သည့် စာအုပ်များနှင့် ဗိုလ်ချုပ်၏သမိုင်းမှတ်တမ်းများအားရေးသားထားသော ခေတ်အဆက်ဆက်တွင်ထုတ်ဝေခဲ့သည့်စာအုပ်များကိုလည်း ခင်းကျင်းပြသထားသည်။ဗိုလ်ချုပ်အောင်ဆန်းပြတိုက်(ရန်ကုန်)သည် မြန်မာ့လွတ်လပ်ရေးဗိသုကာ ဗိုလ်ချုပ်အောင်ဆန်းနေထိုင်ခဲ့သောအိမ်ကို ပြတိုက်အဖြစ်ခင်းကျင်းပြသထားခြင်းဖြစ်ကာ ၁၉၂၁ ခုနှစ်တွင် တည်ဆောက်ခဲ့သောအဆောက်အဦဖြစ်ပြီး အနောက်တိုင်းဗိသုကာဟန်များရောနှောတည်ဆောက်ထားသော ဥရောပပုံစံအ ဆောက်အဦဖြစ်ပြီး ဗိုလ်ချုပ်အောင်ဆန်းသည် မိ သားစုနှင့်အတူ ယင်းအိမ်၌ ၁၉၄၅ ခုနှစ်၊ မေလမှ ၁၉၄၇ ခုနှစ်၊ ဇူလိုင်လ လုပ်ကြံခံရသည့်နေ့အထိ နေထိုင်ခဲ့သည်။အဆိုပါ ဗိုလ်ချုပ်အောင်ဆန်းပြတိုက်(ရန်ကုန်)အား တနင်္လာနေ့နှင့် ပြန်တမ်းဝင်ရုံးပိတ်ရက်များမှအပ ကျန်နေ့ရက်များနှင့် ဇူလိုင် ၁၉ ရက်နေ့တွင်ကျရောက်သည့် အာဇာနည်နေ့တို့တွင်နေ့စဉ် နံနက် ၉ နာရီခွဲမှ ညနေ ၄ နာရီခွဲအထိ အခမဲ့လေ့လာကြည့်ရှုနိုင်သည်။Popular Myanmar
Sat, 19-Jul-2025
စင်ကာပူနိုင်ငံရှိ အပန်းဖြေစခန်းတွင် ကြီးကြပ်သူလိုက်ပါခြင်း မရှိသည့် မောင်းသူမဲ့ဘတ်စကား ပြေးဆွဲမည်
စင်ကာပူနိုင်ငံရှိ အပန်းဖြေစခန်းတွင် ကြီးကြပ်သူလိုက်ပါခြင်း မရှိသည့် မောင်းသူမဲ့ဘတ်စကား ပြေးဆွဲမည်
စင်ကာပူအစိုးရသည် မောင်းသူမဲ့ယာဉ်ပေါ်တွင် ခရီးသည်များ ဘေးကင်းရေးအတွက် ကြီးကြပ်ပေးမည့် လူလိုက်ပါခြင်း မရှိသည့် မောင်းသူမဲ့ဘတ်စကားအား ပြေးဆွဲခွင့်ပြု လိုက်ပြီဖြစ်သည်။အဆိုပါ မောင်းသူမဲ့ဘတ်စကားပြေးဆွဲမည့် အစီအစဉ်အား စင်ကာပူ ကုန်းလမ်းပို့ဆောင်ရေးအာဏာပိုင်အဖွဲ့က မောင်းသူမဲ့ဘတ်စကားတွင် တပ်ဆင်ထားသည့်  ဘေးအန္တရာယ်ကင်းရှင်းရေး စနစ်များကို အသေးစိတ် စစ်ဆေးခဲ့ပြီးနောက် ဇူလိုင်လ ၁၇ ရက်တွင် ခွင့်ပြုခဲ့ခြင်းဖြစ်သည်။ကြီးကြပ်သူလိုက်ပါခြင်းမရှိသည့် မောင်းသူမဲ့ဘတ်စကား ပြေးဆွဲခွင့်ကို စင်ကာပူအစိုးရက ယခုကဲ့သို့ ခွင့်ပြုလိုက်ခြင်းသည် အရှေ့တောင်အာရှဒေသတွင် ပထမဆုံးအကြိမ် ဖြစ်လာခဲ့ကြောင်း ကွေ့ကျိုးအခြေပြု WeRide ကုမ္ပဏီကပြောသည်။ အဆိုပါမောင်းသူမဲ့ ဘတ်စကားသည် ဆန်တိုဆာ အပန်းဖြေစခန်းတွင် ပြေးဆွဲသွားမည်ဖြစ်သည်။ခရီးသည် ရှစ်ဦးလိုက်ပါ စီးနင်းနိုင်သည့် အဆိုပါမောင်းသူမဲ့ ဘတ်စကားတွင် ကင်မရာများ၊ ညကြည့်ဆင်ဆာများနှင့် အခြားနည်းပညာ အဆင့်မြင့်မားသည့်  ကိရိယာများတပ်ဆင်ထားသည်။WeRide ကုမ္ပဏီသည် အဆိုပါမောင်းသူမဲ့ဘတ်စကား ပြေးဆွဲမှုကို ၂၀၂၄ ခုနှစ်၊ ဇွန်လမှ စတင်ခဲ့ခြင်းဖြစ်သည်။ သို့သော် ထိုအချိန်က မောင်းသူမဲ့ဘတ်စကားတွင် ခရီးသည်များ ဘေးကင်းရေးအတွက် ကြီးကြပ်သူတစ်ဦးအား လိုက်ပါစေခဲ့သော်လည်း ၎င်းကြီးကြပ်သူအား နောက်ပိုင်းတွင် အစိုးရက ဖယ်ရှား ခွင့်ပြုခဲ့ခြင်းဖြစ်သည်။     MWD Portal
Sat, 19-Jul-2025
ရှန်ဟိုင်း ပူးပေါင်းဆောင်ရွက်မှု အဖွဲ့ဝင်နိုင်ငံများ၏ ရုပ်မြင်သံကြားပွဲတော်သို့ မြန်မာကိုယ်စားလှယ်အဖွဲ့ ပါဝင်တက်ရောက်
ရှန်ဟိုင်း ပူးပေါင်းဆောင်ရွက်မှု အဖွဲ့ဝင်နိုင်ငံများ၏ ရုပ်မြင်သံကြားပွဲတော်သို့ မြန်မာကိုယ်စားလှယ်အဖွဲ့ ပါဝင်တက်ရောက်
ရှီအန်း ဇူလိုင် ၁၈ရှန်ဟိုင်းပူးပေါင်းဆောင်ရွက်မှု အဖွဲ့ဝင်နိုင်ငံများ၏ ရုပ်မြင်သံကြားပွဲတော်ကို ဒုတိယအကြိမ်အဖြစ် ဇူလိုင် ၁၆ ရက် နံနက်ပိုင်းက တရုတ်နိုင်ငံ ရှန်ရှီးပြည်နယ် ရှီအန်းမြို့တော်ရှိ Xi’an Chanba International Conference Center ၌ ကျင်းပရာ အဖွဲ့ဝင်နိုင်ငံများအပြင် လေ့လာသူနှင့် ဆွေးနွေးဖက်နိုင်ငံများမှ ကိုယ်စားလှယ်အဖွဲ့များ တက်ရောက်ကြသည်။အဆိုပါအဖွဲ့ကို ၂၀၁၁ ခုနှစ်က တရုတ်၊ ရုရှား၊ ဘယ်လာရုစ်၊ ကာဇက်စတန်၊ ကာဂျစ္စတန်၊ တာဂျစ္စတန်၊ ဥဇဘက်ကစ္စတန်၊ အိန္ဒိယ၊ ပါကစ္စတန်နှင့် အီရန် ၁၀ နိုင်ငံတို့ဖြင့် စတင်ဖွဲ့စည်းခဲ့ပြီး ယခုပွဲတော်သို့ လေ့လာသူများအဖြစ် မွန်ဂိုလီးယားနှင့် အာဖဂန်နစ္စတန်နိုင်ငံတို့ အပြင် ဆွေးနွေးဖက်နိုင်ငံများအဖြစ် အီဂျစ်၊ ကာတာ၊ ဆော်ဒီအာရေဗျ၊ ဘာရိန်း၊ ကူဝိတ်၊ ယူအေအီး၊ တူကီယဲ၊ အဇာဘိုင်ဂျန်၊ အာမေးနီးယား၊ မော်လ်ဒိုက်၊ ကမ္ဘောဒီးယား၊ နီပေါ၊ သီရိလင်္ကာနိုင်ငံတို့နှင့်အတူ မြန်မာနိုင်ငံမှ မြန်မာ့အသံနှင့်ရုပ်မြင်သံကြား ညွှန်ကြားရေးမှူး ချုပ်နှင့်အဖွဲ့ တက်ရောက်သည်။အဆိုပါ ရုပ်မြင်သံကြားပွဲတော် ဖွင့်ပွဲအခမ်းအနားတွင် ရှန်ရှီးပြည်နယ်အစိုးရအဖွဲ့အကြီးအကဲ Mr. Zhao Gang က အဖွင့် အမှာစကားပြောကြားပြီး တရုတ်နိုင်ငံ အမျိုးသား ရေဒီယိုနှင့်ရုပ်မြင်သံကြားအုပ်ချုပ်ရေးဝန်ကြီးဌာန ဝန်ကြီး Ms. Cao Shumin က ရှင်းလင်းပြောကြားကာ တက်ရောက်လာကြသည့် နိုင်ငံများမှ တာဝန်ရှိသူများနှင့်အတူ ဖွင့်ပွဲအခမ်းအနားကို စက်ခလုတ်များ တစ်ပြိုင်တည်း နှိပ်၍ ဖွင့်လှစ်ပေးကြသည်။ထိုသို့ဖွင့်လှစ်မှုနှင့် တစ်ချိန်တည်းတွင် တရုတ်နိုင်ငံ၏ ပိုး လမ်းမကြီးမှ မိုင်ပေါင်းတစ်သောင်း ချစ်ကြည်ရေးခရီးစဉ်ကို ယာဉ်ငယ် ၁၂ စီး ခရီးသွား ၄၆ ဦး ပါဝင် သောယာဉ်တန်းဖြင့် တရုတ်နိုင်ငံ ရှီအန်းမြို့မှ SCO အဖွဲ့ဝင်နိုင်ငံများဖြစ်သည့် ကာဇက်စတန်၊ ကာဂျစ္စတန်၊ တာဂျစ္စတန်၊ ဥဇဘက်ကစ္စတန်နိုင်ငံတို့သို့ စုဖွဲ့ ထွက်ခွာသွားကြသည်။ဆက်လက်၍ ဖွင့်ပွဲအခမ်းအနားကို ကျင်းပရာ တက်ရောက်လာကြသည့်နိုင်ငံများမှ တာဝန်ရှိသူများနှင့်အတူ တရုတ်နိုင်ငံမှ မီဒီယာအဖွဲ့အစည်းကြီးများ ဖြစ်ကြသော People’s Daily, Xinhwa News Agency, CGTN, Xian ရုပ်သံဌာနတို့မှ တာဝန်ရှိသူ များက မိတ်ဆက်ပြောကြားကြ သည်။မွန်းလွဲပိုင်းတွင် Audio and Video Content Trade Market, Convergence and Communication of Audio Visual Content and Audio - Video Industry Exchange and Cooperation ခေါင်းစဉ်အကြောင်းအရာများဖြင့် Parallel Session များကို နေရာများခွဲ၍ ကျင်းပရာ မြန်မာ့အသံနှင့်ရုပ်မြင်သံကြား ညွှန်ကြားရေးမှူးချုပ် ဦးရဲနိုင်က နိုင်ငံတကာရုပ်သံများနှင့် မြန်မာရုပ်သံ ဖြစ်ပေါ်ပြောင်းလဲတိုးတက်မှုများ၊ စိန်ခေါ်မှုများနှင့် အခွင့်အလမ်းများအား ရှင်းလင်းဆွေးနွေးပြောကြား သည်။ညပိုင်းတွင် တက်ရောက်လာကြသည့် နိုင်ငံများမှ တာဝန်ရှိသူများသည် ပွဲတော်ကျင်းပရေး တာဝန်ရှိသူများနှင့်အတူ ရှီအန်းမြို့ရှိ OMNI CHANG’AN CONCERT HALL တွင် SCO Night Show ကို Orchestra သံစုံတီးဝိုင်းဖြင့် ဖျော်ဖြေတင်ဆက်မှုကို ကြည့်ရှုအားပေးကြသည်။အဆိုပါ အဖွဲ့များသည် ဇူလိုင် ၁၇ ရက် နံနက်ပိုင်းတွင် ရှီအန်းအသံလွှင့်နှင့် ရုပ်သံဌာနကိုလည်းကောင်း၊ မွန်းလွဲပိုင်းတွင် ရှင်ချွိဟန်ရှေးဟောင်းယဉ်ကျေးမှုနယ်မြေနှင့် ဂူဗိမာန်ကိုလည်းကောင်း သွားရောက်လေ့လာခဲ့ကြကြောင်း သိရသည်။ MOI
Sat, 19-Jul-2025
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဗိုလ်ချုပ်အောင်ဆန်းပြတိုက် (ရန်ကုန်) နှင့် ဝန်ကြီးများရုံး(အတွင်းဝန်ရုံး) ပြင်ဆင်ခင်းကျင်းပြသထားရှိမှုများ ကြည့်ရှုစစ်ဆေး
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဗိုလ်ချုပ်အောင်ဆန်းပြတိုက် (ရန်ကုန်) နှင့် ဝန်ကြီးများရုံး(အတွင်းဝန်ရုံး) ပြင်ဆင်ခင်းကျင်းပြသထားရှိမှုများ ကြည့်ရှုစစ်ဆေး
နေပြည်တော် ဇူလိုင် ၁၈နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ခရီးစဉ်တွင်လိုက်ပါလာသည့် ကောင်စီတွဲဖက်အတွင်းရေးမှူး၊ ကောင်စီဝင်များ၊ ပြည်ထောင်စုဝန်ကြီးများနှင့် အဖွဲ့ဝင်များ၊ ရန်ကုန်တိုင်းဒေသကြီး ဝန်ကြီးချုပ်နှင့် တာဝန်ရှိသူများလိုက်ပါ၍ ယနေ့နံနက်ပိုင်းတွင် ရန်ကုန်တိုင်းဒေသကြီး ဗဟန်းမြို့နယ်ရှိ ဗိုလ်ချုပ်အောင်ဆန်းပြတိုက် (ရန်ကုန်) နှင့် ဗိုလ်တထောင်မြို့နယ်ရှိ ဝန်ကြီးများရုံး (အတွင်းဝန်ရုံး) ပြင်ဆင်ခင်းကျင်းပြသထားရှိမှုများကို သွားရောက်ကြည့်ရှုစစ်ဆေးသည်။အပြည့်အစုံဖတ်ရှုရန်- https://www.moi.gov.mm/index.php/news/72458 
Sat, 19-Jul-2025
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကျန်းမာရေးဝန်ကြီးဌာန ဆရာဝန် (သစ်လွင်) များနှင့် သွားနှင့်ခံတွင်းဆရာဝန် (သစ်လွင်) များအား နိုင်ငံ့ဝန်ထမ်း ပြန်တမ်းဝင်အရာရှိအဖြစ် တာဝန်ပေးအပ်ခြင်း ခန့်အပ်လွှာပေးအပ်ပွဲအခမ်းအနားသို့ တက်ရောက်အမှာစကားပြောကြား
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကျန်းမာရေးဝန်ကြီးဌာန ဆရာဝန် (သစ်လွင်) များနှင့် သွားနှင့်ခံတွင်းဆရာဝန် (သစ်လွင်) များအား နိုင်ငံ့ဝန်ထမ်း ပြန်တမ်းဝင်အရာရှိအဖြစ် တာဝန်ပေးအပ်ခြင်း ခန့်အပ်လွှာပေးအပ်ပွဲအခမ်းအနားသို့ တက်ရောက်အမှာစကားပြောကြား
နေပြည်တော် ဇူလိုင် ၁၈ကျန်းမာရေးဝန်ကြီးဌာန ဆရာဝန် (သစ်လွင်) များနှင့် သွားနှင့်ခံတွင်းဆရာဝန် (သစ်လွင်) များအား နိုင်ငံ့ဝန်ထမ်း ပြန်တမ်းဝင်အရာရှိအဖြစ် တာဝန်ပေးအပ်ခြင်းခန့်အပ်လွှာ ပေးအပ်ပွဲအခမ်းအနားအား ယနေ့နံနက်ပိုင်းတွင် ရန်ကုန်မြို့ရှိ မြန်မာကွန်ဗင်းရှင်းစင်တာ (ရန်ကုန်မြို့) ၌ ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားသည်။အပြည့်အစုံဖတ်ရှုရန်- https://www.moi.gov.mm/index.php/news/72454
Sat, 19-Jul-2025
© Copyright 2024 SAC All Rights Reserved.