ငွေကြေးအောင်မြင်မှုသည် ပညာရေး၊ အဆက်အသွယ်၊ ကျင့်ဝတ်တို့နှင့်မဆိုင်

saceditor

News Image

  • ငွေကြေးအောင်မြင်မှုသည် ပညာရေး၊ အဆက်အသွယ်၊ ကျင့်ဝတ်တို့နှင့်မဆိုင်

နယူးဇီလန်အခြေစိုက် နှစ် ၅၀ ကြာ သုတေသနတစ်ခုက ငွေကြေးအောင်မြင်မှု၏ လျှို့ဝှက်ချက်မှာ ပညာရေးထူးချွန်မှု၊ အသိုင်းအဝိုင်း အဆက်အသွယ်၊ လုပ်ငန်းကျင့်ဝတ်လိုက်နာမှုတို့နှင့် လုံးဝမဆိုင်ဘဲ စိတ်ခံစားချက်ကို ထိန်းချုပ်နိုင်သည့် အသိဉာဏ် (emotional intelligence) နှင့်သာဆိုင်ကြောင်း ဖော်ထုတ်လိုက်သည်။

စိတ်ပညာရှင်များက နယူးဇီလန်နိုင်ငံ ဒူးနီဒင်မြို့မှ ကလေးအယောက် ၁၀၀၀ ကို ၁၉၇၂ ခုနှစ်ကတည်းက စတင်လေ့လာခဲ့ခြင်းဖြစ်သည်။ ထိုကလေးများကို မွေးကင်းစမှစတင်ကာ ယခုအချိန်ထိ ကြီးပြင်းမှု၊ ဖွံ့ဖြိုးတိုးတက်မှု၊ အောင်မြင်မှုတို့ကို မပြတ်စောင့်ကြည့်ခဲ့ကြခြင်းဖြစ်သည်။ 

ထိုလေ့လာမှုအရ အီးကျူဟု အတိုကောက်ခေါ်သည့် စိတ်ခံစားချက်အရည်အသွေး (Emotional Quotient) သာလျှင် ငွေကြေးအောင်မြင်မှုအတွက် အရေးကြီးသည်ဟု သိပ္ပံပညာရှင်များကကောက်ချက်ချခဲ့ကြသည်။ အီးကျူ၏သဘောသဘာဝများမှာ အကောင်းဘက်မှမြင်တတ်ခြင်း၊ ဆုံးဖြတ်ချက်မချမီ နားထောင်တတ်ခြင်း၊ အမှားဝန်ခံတတ်ခြင်း၊ မကောင်းမြင်ခံစားချက်တို့ကိုသည်းခံပြီး သင့်လျော်အောင် ကိုင်တွယ်တတ်ခြင်းတို့ဖြစ်သည်။

အီးကျူနိမ့်သော က‌လေးများသည် အရွယ်ရောက်လာချိန်တွင် ဝင်ငွေနည်းခြင်း၊ ပိုက်ဆံမစုတတ်ခြင်း၊ အကြွေးပြဿနာများ၊ လူမှုဖူလုံရေးအစီအစဉ်တို့ပေါ် မှီခိုနေရခြင်းတို့နှင့် ကြုံတွေ့ကြရသည်။ အီးကျူမြင့်မားခြင်းနှင့် အိုင်ကျူ(Intelligent Quotient) သည် မသက်ဆိုင်ဟုထင်ရသော်လည်း အီးကျူကောင်းသောက‌‌လေးများသည် အိုင်ကျူလည်း တော်တော်လေးမြင့်ကြသည်ဟု လေ့လာမှုကဆိုသည်။

ကံကောင်းသည်မှာ အီးကျူသည် မွေးရာပါ ဗီဇမျိုးမဟုတ်ဘဲ ပတ်ဝန်းကျင်နှင့် လေ့ကျင့်သင်ယူမှုတို့ဖြင့် ပြောင်းလဲနိုင်ခြင်းဖြစ်သည်။ ငယ်စဉ်ကတည်းက ကိုယ့်ကိုယ်ကို ထိန်းချုပ်နိုင်အောင် လေ့ကျင့်ပေးခြင်းဖြင့် က‌လေးများကို အရွယ်ရောက်လာချိန်တွင် အီးကျူမြင့်မားစေသည်ဟု ဆိုသည်။

အီးကျူမြင့်သူများသည် လုပ်ငန်းခွင်တွင် အလုပ်ရှင်သဘောကျအောင် ဘယ်လိုလုပ်ရမလဲဆိုသည်ကို မြင်တတ်သလို ပေါင်းသင်းဆက်ဆံရေးလည်းကောင်းပြီး လူမှုရေးလည်းကောင်းကြသဖြင့် ငွေကြေးအရ အောင်မြင်မှရရှိနိုင်ကြခြင်းဖြစ်သည်။

မေမေ၊ ဖေဖေများအနေဖြင့် ကိုယ့်ရင်သွေးလေးများကို ငယ်စဉ်ကတည်းက “သားသား/ မီးမီးကိုကြည့်ရတာ ရောင်စုံအရုပ်လေးတွေတွေ့ရရင် ပျော်နေသလိုပဲနော်” ဆိုသည့် စကားမျိုးဖြင့် စိတ်ခံစားချက်နှင့် အတွေ့အကြုံကို ချိတ်ဆက်ပေးပြီး အီးကျူအားကောင်းအောင် လေ့ကျင့်ပေးနိုင်ကြောင်း ပညာရှင်များက အကြံပေးထားသည်။

Ref: Daily Mail

Source: ကြေးမုံသတင်းစာ

MM-News-Category
လူမှုရေးကဏ္ဍသတင်း
လူမှုရေး-လူငယ်‌ရေးရာ

ဆက်စပ်သတင်းများ

ဆေးယဉ်ပါး ဗက်တီးရီးယားပေါက်ပွားမှုကို အားပေးနေတဲ့ အဝတ်လျှော်စက်များ
ဆေးယဉ်ပါး ဗက်တီးရီးယားပေါက်ပွားမှုကို အားပေးနေတဲ့ အဝတ်လျှော်စက်များ
အဝတ်လျှော်စက်တွေမှာ ပါဝင်တဲ့ ဇီဝဖလင်ပြားတွေမှာ ရောဂါဖြစ်ပွားစေတဲ့ပစ္စည်းများနဲ့ ဆေးယဉ်ပါးမှုကိုဖြစ်ပေါ်စေနိုင်တဲ့ မျိုးရိုးဗီဇများ ပါဝင်နေတယ်လို့ သုတေသနတစ်ခုမှာ ပညာရှင်များကဖော်ပြထားပါတယ်။ ဒီအချက်ဟာ ကျန်းမာရေးဝန်ထမ်းတွေရဲ့ ယူနီဖောင်းတွေကို နေအိမ်မှာလျှော်ခြင်းက အန္တရာယ်များနိုင်တယ် ဆိုတဲ့အချက်ကို ဖော်ပြနေတာ ဖြစ်ပါတယ်။အကြောင်းရင်းကတော့ ကျန်းမာရေးဝန်ထမ်းတွေရဲ့ယူနီဖောင်းတွေကို နေအိမ်မှာရှိတဲ့ အဝတ်လျှော်စက်တွေမှာလျှော်ခြင်းက ဆေးရုံအတွင်း ဆေးယဉ်ပါး ကူးစက်မှုတွေကို ပိုမိုပျံ့နှံ့စေဖို့ ကူညီပေးတဲ့အတွက်ဖြစ်ပါတယ်။ အခုသုတေသနကို မွန့်ဖို့တက္ကသိုလ်မှ သုတေသနပညာရှင် ကေတီလာ့က ဦးဆောင်ပြုလုပ်ထားတာပါ။ဆေးရုံနဲ့ဆက်စပ်နေတဲ့ ကူးစက်ရောဂါတွေဖြစ်ပွားမှုဟာ  ယနေ့အချိန်အခါမှာ ပြည်သူ့ကျန်းမာရေးအတွက်   တကယ့်ကိုစိုးရိမ်ရတဲ့ အခြေအနေတစ်ရပ်အဖြစ် ပေါ်ထွန်းလာနေတာ တွေ့ရပါတယ်။ဒါကြောင့်ပဲ သုတေသနပညာရှင်များက ဒီလိုမျိုးဖြစ်ပေါ်နေရတဲ့ အကြောင်းရင်းကို ရှာဖွေရင်း အခုလိုတွေ့ရှိချက်ကို ဖော်ထုတ်နိုင်တာဖြစ်တယ်လို့ PLOS One ဂျာနယ်က ဖော်ပြထားပါတယ်။Source: https://myawady.net.mm/ 
Tue, 13-မေလ-2025
သားအိမ်ခေါင်းကင်ဆာရောဂါကို နေအိမ်မှာပင် စစ်ဆေးနိုင်သည့် ကိရိယာတစ်မျိုး FDA ခွင့်ပြု
သားအိမ်ခေါင်းကင်ဆာရောဂါကို နေအိမ်မှာပင် စစ်ဆေးနိုင်သည့် ကိရိယာတစ်မျိုး FDA ခွင့်ပြု
နယူးယောက်   မေ ၁၂သားအိမ်ခေါင်းကင်ဆာရောဂါကို နေအိမ်မှာပင် စစ်ဆေးနိုင်မည့် ကိရိယာတစ်မျိုးကို အမေရိကန်အစိုးရ အစားအစာနှင့် ဆေးဝါးလုံခြုံရေးအေဂျင်စီ (FDA) က မေ ၉ ရက်တွင် ခွင့်ပြုပေးလိုက်ကြောင်း မေ ၁၁ ရက် သတင်းများအရ သိရသည်။The Teal Wand ဟူ၍ အမည်ပေးထားသည့် အဆိုပါ သားအိမ်ခေါင်းကင်ဆာ စစ်ဆေးရေးကိရိယာကို အမေရိကန်နိုင်ငံအခြေစိုက် Teal World ဇီဝ နည်းပညာကုမ္ပဏီက ဖန်တီးထားခြင်းဖြစ်ကြောင်း သိရသည်။The Teal Wand သားအိမ်ခေါင်းကင်ဆာ စစ်ဆေးရေးကိရိယာသည် Human Papillomavirus (HPV) ခေါ် ဗိုင်းရပ်ကို စစ်ဆေးပေးခြင်းဖြင့် သားအိမ်ခေါင်းကင်ဆာရောဂါကို ရှာဖွေပေးနိုင်ကြောင်း သိရသည်။အမျိုးသမီးများ သားအိမ်ခေါင်းကင်ဆာဖြစ်ပွားရမှုအများစုမှာ HPV ဗိုင်းရပ်ကြောင့် ဖြစ်ပွားရသည့် ကင်ဆာရောဂါဖြစ်စဉ်များ ဖြစ်ကြကြောင်း သုတေသနပညာရှင်များ၏ အဆိုအရ သိရသည်။FDA ၏ ခွင့်ပြုချက်အရ The Teal Wand သားအိမ်ခေါင်းကင်ဆာ စစ်ဆေးမှုကိရိယာကို သားအိမ်ခေါင်းကင်ဆာဖြစ်နိုင်ခြေမြင့်မားသည့် အသက် ၂၅ နှစ်နှင့် ၆၅ နှစ်ကြားရှိသူများ အသုံးပြုနိုင်မည်ဖြစ်ကြောင်း သိရသည်။လက်တွေ့ စမ်းသပ်မှုများမှ ပေါ်ထွက်လာသည့် ရလဒ်များအရ The Teal Wand ကိရိယာသည် သားအိမ်ခေါင်းကင်ဆာရောဂါကို ၉၆ ရာခိုင်နှုန်း တိကျစွာဖော်ထုတ်နိုင်ကြောင်း သိရသည်။Source: ရတနာပုံသတင်းစာ
Tue, 13-မေလ-2025
တံတားဦးခရိုင်/ မြို့နယ်တို့စုပေါင်းပြီး ကဆုန်လပြည့်(ဗုဒ္ဓနေ့)တွင် သံဃာ(၁၀၈) ပါး အား ဆွမ်းလောင်းလှူပွဲကျင်းပ
တံတားဦးခရိုင်/ မြို့နယ်တို့စုပေါင်းပြီး ကဆုန်လပြည့်(ဗုဒ္ဓနေ့)တွင် သံဃာ(၁၀၈) ပါး အား ဆွမ်းလောင်းလှူပွဲကျင်းပ
၁၃၈၇ ခုနှစ် ကဆုန်လပြည့်(ဗုဒ္ဓနေ့)တွင် တံတားဦးခရိုင်/မြို့နယ်စီမံအုပ်ချုပ်ရေးအဖွဲ့မှ ဦးဆောင်ပြီး ဌာနဆိုင်ရာများ ၊ အလှူရှင်များစုပေါင်းပြီး သံဃာ့ (၁၀၈) ပါးအား သံဃာ့ဒါန ဆွမ်းလောင်းလှူပွဲနှင့် ဆွမ်းစိမ်းလောင်းလှူပွဲကို မေလ ၁၁ ရက်နေ့၊ နံနက် (၇) နာရီက တံတားဦးမြို့နယ် ပန်းကျေးရွာ စိန်ဖူးဘုန်းတော်ကြီး ကျောင်းအတွင်း ကျင်းပကြောင်းသိရသည် ။ရှေးဦးစွာ မြို့နယ်သံဃာ့နာယက ဩဝါဒဆရာတော်ကြီးနှင့် မြို့နယ်သံဃာ့နာယက ဥက္ကဋ္ဌဆရာတော်နှင့် ထေကြီးဝါကြီးသက်တော်ရှည်ဆရာတော်ကြီး(၉)ပါးအား တံတားဦးခရိုင် စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ငြိမ်း နှင့် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဖြိုးဇော်ကိုကိုနှင့်အဖွဲ့ဝင်တို့က အာရုဏ်ဆွမ်းဆက်ကပ် လှူဒါန်းပေး ကြသည်။ ထို့နောက် ခရိုင်/မြို့နယ်စီမံအုပ်ချုပ်ရေးအဖွဲ့နှင့်ဌာနဆိုင်ရာများ၊ စေတနာအလှူရှင်များက မြို့နယ် သံဃာ့နာယက ဩဝါဒစရိယ ဂိုဏ်းထောင်ပရိယတ္တိစာသင်တိုက်  ဦးစီးပဓာနနာယက ဘဒ္ဒန္တကောသလ္လထံမှ ငါးပါးသီလခံယူဆောက်တည်ကြပြီး ဆရာတော် သံဃာတော်အပေါင်းမှ ပြည်သူပြည်သားများ ဘေးအန္တရာယ် ကင်းရှင်းစေရန်အတွက် ပရိတ်တရားတော်များ ချီးမြှင့်ပေးကြပြီး မြို့နယ်သံဃာ့နာယက ဩဝါဒစရိယမှ အနုမောဒနာ တရားချီးမြှင့်ကာ လှူဒါန်းမှုအစုစုအတွက် ရေစက်သွန်းချအမျှပေးဝေကြသည် ။ဆက်လက်၍ သံဃာ့ဒါနဆွမ်းလောင်းလှူပွဲနှင့် ဆွမ်းဆန်စိမ်းလောင်းပွဲကို ကျင်းပရာ မြို့ပေါ်ရပ်ကွက်မှ ဘုန်းတော်ကြီး ကျောင်းပေါင်း (၂၀) မှ ဆရာတော်သံဃာတော် (၁၀၈) ပါးအား တံတားဦးခရိုင်/မြို့နယ် စီမံအုပ်ချုပ်ရေးအဖွဲ့နှင့် ဌာနဆိုင်ရာများ ၊ စေတနာရှင်အလှူရှင်များက ဆွမ်းနှင့်ဆွမ်းဟင်းများ ၊ ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများကို လောင်းလှူပေးကြသည်။ အဆိုပါလှူဒါန်းပွဲတွင် ဆရာတော်သံဃာတော်များလှူဒါန်းငွေကျပ် စုစုပေါင်း(လှူဒါန်းငွေကျပ်၃,၂၃၁,၉၀၀) ဖြစ်ကြောင်း သိရသည် ။ပေးပို့သူ- ဦးရဲတင့် (ပြန်/ဆက်)
Mon, 12-မေလ-2025
ပုပ်ရဟန်းမင်းကြီးအရွေးချယ်ခံရမှု ABC မေးမြန်းချက်ကြောင့်ထရမ့် တစ်ယောက် အကြီးအကျယ် ဒေါပွ
ပုပ်ရဟန်းမင်းကြီးအရွေးချယ်ခံရမှု ABC မေးမြန်းချက်ကြောင့်ထရမ့် တစ်ယောက် အကြီးအကျယ် ဒေါပွ
“အမေရိကန်လူမျိုးထဲမှ ပုပ်ရဟန်းမင်းကြီးအဖြစ် အရွေးချယ်ခံရမှုအပေါ် အမေရိကန်သမ္မတ၏ အခန်းကဏ္ဍက ဘယ်လို ပါဝင်ပတ်သက်နေပါသလဲ” ဟု ABC သတင်းဌာန၏ သတင်းထောက်တစ်ဦး မေးခွန်းကြောင့် အမေရိကန် သမ္မတဒေါ်နယ်ထရမ့်က အကြီးအကျယ် ဒေါသထွက်သွားကြောင်း သိရပါသည်။“ထိုမေးခွန်းက မည်သည့်နေရာက ပေါ်လာသည်ကို မသိပါ။ သူမ (သတင်းထောက်) စိတ်ထဲမှာတော့ ထရမ့်ကို မုန်းတီးလိုစိတ် အတော်ရှိနေတာပဲ” ဟု ထရမ့်က ၎င်း၏ Truth Social တွင် ရေးသားဖော်ပြထားပါသည်။ထို့အပြင် အမေရိကန်ခေါင်းဆောင်က ပုပ်ရဟန်းမင်းကြီးသစ် Cardinal Robert Francis Prevost သည် ကက်သလစ်မဲဆန္ဒရှင်များ၏ မဲအများအပြားကို ရရှိခဲ့ကြောင်း အလေးအနက်ပြောကြားခဲ့ပြီး ABC သတင်းဌာနအကြီးအကဲ Robert Iger ကိုလည်း ဝန်ထမ်းများ ခန့်အပ်ရာတွင် ပိုမိုဂရုစိုက်ရန် သတိပေးတိုက်တွန်းလိုက်ပါသည်။ကိုးကား- TASSPhoto: Yahooဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 12-မေလ-2025
Sleep Apnea ပြဿနာကြောင့် ဦးနှောက်စွမ်းဆောင်ရည် ကျဆင်းလာနိုင်
Sleep Apnea ပြဿနာကြောင့် ဦးနှောက်စွမ်းဆောင်ရည် ကျဆင်းလာနိုင်
နယူးယောက်  မေ ၁၁အိပ်စက်ချိန် လေပြွန်ပိတ်ဆို့မှု ပြဿနာ (Sleep Apnea) ကြောင့် ဦးနှောက်စွမ်းဆောင်ရည် ထိခိုက်ပျက်စီးမှုရောဂါ (Dementia) ဖြစ်နိုင်ခြေ မြင့်တက်လာနိုင်ကြောင်း မေ ၁၀ ရက် သတင်းများအရ သိရသည်။အိပ်စက်နေချိန် လေပြွန်ပိတ်ဆို့မှုဖြစ်ပွားချိန်တွင် သွေးအတွင်း အောက်ဆီဂျင် ပါဝင်မှုနှုန်း ကျဆင်းလာတတ်မှုသည် မှတ်ဉာဏ်နှင့် ဆက်စပ်နေသည့် ဦးနှောက်နယ်မြေများ ထိခိုက် ပျက်စီးသွားနိုင်ကြောင်း ကယ်လီဖိုးနီးယားတက္ကသိုလ်မှ အမေရိကန်သုတေသနပညာရှင်များက ပြောကြားသည်။အမေရိကန်သုတေသနပညာရှင်များ၏ လေ့လာတွေ့ရှိချက်အရ အိပ်စက်ချိန် လေပြွန်ပိတ်ဆို့မှုကြောင့် သွေးအတွင်း အောက်ဆီဂျင်ပါဝင်မှုနှုန်း ပိုမိုကျဆင်းလေ ဦးနှောက်နယ်မြေများ ထိခိုက်ပျက်စီးမှုလည်း ပိုမိုကြီးမားလာလေလေဖြစ်ကြောင်း သိရသည်။အမေရိကန်သုတေသနပညာရှင်များသည် အိပ်စက်ချိန်လေပြွန်ပိတ်ဆို့မှုပြဿနာရှိသူ ၂၇ ဦးအပါအဝင် ပျမ်းမျှ အသက် ၇၃ နှစ်အရွယ်ရှိသူ လူပေါင်း ၃၇ ဦးတို့ကို လေ့လာခဲ့ကြသည်။လေ့လာချက်မှပေါ်ထွက်သည့်ရလဒ်များအရ Sleep Apnea ပြဿနာကြောင့် သွေးအတွင်း အောက်ဆီဂျင် ကျဆင်းသွားချိန်တွင် မှတ်ဉာဏ်နှင့် ဆက်စပ်နေသည့် ဦးနှောက်နယ်မြေများ ပျက်စီးမှုအဆင့် မြင့်တက်လာသည်ကို တွေ့ရကြောင်း အမေရိကန် သုတေသနပညာရှင်များက ပြောကြားသည်။Source: ရတနာပုံသတင်းစာ
Mon, 12-မေလ-2025
ကဆုန်လပြည့်နေ့တွင် နေပြည်တော်ကောင်စီနယ်မြေအတွင်းရှိ ဘုရားစေတီများ၌ ကုသိုလ်ဒါနပြုကြ၍ ဗောဓိညောင်ပင်အား ညောင်ရေသွန်းလောင်း ပူဇော်ခြင်းများဆောင်ရွက်
ကဆုန်လပြည့်နေ့တွင် နေပြည်တော်ကောင်စီနယ်မြေအတွင်းရှိ ဘုရားစေတီများ၌ ကုသိုလ်ဒါနပြုကြ၍ ဗောဓိညောင်ပင်အား ညောင်ရေသွန်းလောင်း ပူဇော်ခြင်းများဆောင်ရွက်
နေပြည်တော် မေ ၁၁ယနေ့ကျရောက်သည့် ကဆုန်လပြည့်(ဗုဒ္ဓနေ့) နေ့ထူးနေ့မြတ်တွင် နေပြည်တော်ကောင်စီနယ်မြေအတွင်းရှိ ဘုရားစေတီပုထိုးများ၌ ကုသိုလ်ကောင်းမှုပြုခြင်း၊ ပရိဘောဂစေတီထိုက်သော ဗောဓိညောင်ပင်တို့အား ညောင်ရေသွန်းလောင်းပူဇော်ခြင်း၊ စေတနာရှင်၊ ကုသိုလ်ရှင်များက သံဃာတော်များအား ဆွမ်းဆန်စိမ်းလောင်းလှူပွဲများ ကျင်းပခြင်းနှင့် စတုဒိသာ ကျွေးမွေးလှူဒါန်းကြခြင်းစသည့် ကုသိုလ်ကောင်းမှုများ ပြုလုပ်ကြသည်။ပြည်ထောင်စုနယ်မြေ နေပြည်တော်ရှိ မာရဝိဇယဗုဒ္ဓရုပ်ပွားတော်မြတ်သို့လည်း နံနက်ပိုင်းကစတင်၍ အနယ်နယ်အရပ်ရပ်မှ ရဟန်း၊ ရှင်လူ၊ ပြည်သူများလာရောက်၍ ပန်း၊ ရေချမ်းနှင့်ဆီမီးများ ကပ်လှူပူဇော်ဖူးမြော်ကြည်ညိုကြပြီး ဗုဒ္ဓဥယျာဉ် ပရိဝုဏ်တော်အတွင်းရှိ မဟာဗောဓိညောင်ပင်တော်ကိုလည်း ညောင်ရေသွန်းလောင်းပူဇော်ကြကာ မဟာဗောဓိညောင်ပင်တော်ရှိ ဗုဒ္ဓရုပ်ပွားတော်မြတ်များကိုလည်း ရေသပ္ပာယ်ပူဇော်ကြသည်။ထို့နောက် ဘုရားဖူးလာပြည်သူများသည် မာရဝိဇယဗုဒ္ဓရုပ်ပွားတော်မြတ်ကြီးအပါအဝင် ဗုဒ္ဓဥယျာဉ်တော်အတွင်း တည်ထားပူဇော်ထားသည့် ဂန္ဓကုဋိတိုက်တော်များ၊ ကျောက်စာရုံစေတီတော် မုစလိန္ဒကန်နှင့် နဂါးရုံဘုရားစသည့် ဘုရား၊ ကျောင်း၊ ကန်၊ သာသနိကအဆောက်အအုံများကို လေ့လာဖူးမြော်ကြည်ညိုကြပြီး တရားဘာဝနာ ပွားများအားထုတ်ခြင်း၊ အသင်းအဖွဲ့အလိုက်ဝတ်ရွတ်ပူဇော်ခြင်းများ ဆောင်ရွက်ကြကာ တရားဓမ္မသံတို့ဖြင့် ထုံမွမ်းလျက်ရှိသည်ကိုလည်း တွေ့မြင်ကြားသိရသည်။ထို့ပြင် မာရဝိဇယဗုဒ္ဓရုပ်ပွားတော်မြတ်ကြီး၌ ကဆုန်ညောင်ရေသွန်းလောင်း ပူဇော်ပွဲနှင့်အတူ ဗုဒ္ဓနေ့အထိမ်းအမှတ်အဖြစ် သံဃာတော်များအား လှူဖွယ်ဝတ္ထုပစ္စည်းများနှင့် နေ့ဆွမ်းဆက်ကပ်လှူဒါန်း၍ ဗုဒ္ဓနေ့အထိမ်းအမှတ် စာတမ်းဖတ်ပွဲကျင်းပပြီး ညပိုင်းတွင်လည်း ဘုရားဖူးလာ ပြည်သူများက ကဆုန်လပြည့်ဗုဒ္ဓနေ့ ဓမ္မသဘင်မင်္ဂလာ အခမ်းအနားတွင် သီတဂူဆရာတော်ကြီး ဒေါက်တာ ဘဒ္ဒန္တဉာဏိဿရဟောကြားချီးမြှင့်တော်မူသည့် ကဆုန်လပြည့် ဗုဒ္ဓနေ့ဆိုင်ရာ ဓမ္မကထာဒေသနာတော်ကို ရိုသေလေးမြတ်စွာ နာယူကြည်ညိုကြသည်။အလားတူ နေပြည်တော်ကောင်စီနယ်မြေအတွင်းရှိ တန်ခိုးကြီးဘုရားစေတီတို့တွင်လည်း ဓမ္မစကြာဝတ်အသင်းများ၊ ဘာသာရေးအသင်းအဖွဲ့များ၊ ဒေသခံပြည်သူများ၊ ဝန်ထမ်းမိသားစုများ၊ ဘုရားဖူးလာပြည်သူများက ဆွမ်း၊ ရေချမ်း၊ ပန်းကပ်လှူပူဇော်ခြင်း၊ ဥပုသ်သီလဆောက်တည်ခြင်း၊ ဗောဓိညောင်ပင်အား ကဆုန်ညောင်ရေသွန်း လောင်းပူဇော်ခြင်းတို့ကို ကုသိုလ်စိတ်အား ထက်သန်စွာဖြင့် ဆောင်ရွက်ကြပြီး အလှူရှင်များကရေ၊ အစားအစာနှင့် အချိုရည်များကို စတုဒိသာ အလှူအဖြစ် လှူဒါန်းကြသည်။ညနေပိုင်းတွင်လည်း မြို့နယ်၊ ရပ်ကွက်၊ ကျေးရွာများရှိ ဘုရားစေတီများနှင့် မဟာဗောဓိပင်တို့၌ ဆီမီး၊ ပန်းမန်၊ သောက်တော်ရေချမ်း ကပ်လှူပူဇော်ကြခြင်း၊ ဝတ်ရွတ်ပူဇော်ကြခြင်း၊ ကဆုန်ညောင်ရေသွန်းလောင်း ပူဇော်ကြခြင်းနှင့် စတုဒိသာကျွေးမွေးခြင်းတို့ကိုလည်း ကုသိုလ်သဒ္ဓါတရားထက်သန်စွာ ဆောင်ရွက်ကြသည်။ကဆုန်လပြည့်နေ့တွင် ဘုရားဖူးလာရောက်ကြသည့် ပြည်သူများအား ယာဉ်ထိန်းရဲတပ်ဖွဲ့ဝင်များက ယာဉ်အန္တရာယ်ကင်းရှင်းစေရေးအတွက် ကူညီစောင့်ရှောက်ပေးလျက်ရှိပြီး မြန်မာနိုင်ငံရဲတပ်ဖွဲ့ဝင်များနှင့် ပူးပေါင်းအဖွဲ့များကလည်း ဘုရားဖူးပြည်သူများ စိတ်အေးချမ်းစွာ ကုသိုလ်ပြုနိုင်ရန်လုံခြုံရေး ဆောင်ရွက်ပေးသည်။Source: MOI
Mon, 12-မေလ-2025
© Copyright 2024 SAC All Rights Reserved.