နေပြည်တော် ဩဂုတ် ၁၂

ရှမ်းပြည်နယ် (မြောက်ပိုင်း) နောင်ချိုမြို့၌ အကြမ်းဖက်သောင်းကျန်းသူများ၏ အကြမ်းဖက်လုပ်ရပ်များကြောင့် တစ်နှစ်နီးပါး ပိတ်ထားခဲ့ရသည့် အခြေခံပညာကျောင်းများကို ဇူလိုင် ၂၅ ရက်မှစ၍ ပြန်လည်ဖွင့်လှစ်ပြီး ကျောင်းသား ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။

တက်ရောက်ပညာသင်ကြား

ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြားနိုင်ရေး ဆောင်ရွက်ပေးလျက်ရှိရာ ယနေ့တွင် အခြေခံပညာကျောင်း ရှစ်ကျောင်း ထပ်မံဖွင့်လှစ်နိုင်ခဲ့သဖြင့် နောင်ချိုမြို့နယ်အတွင်း အခြေခံပညာကျောင်းပေါင်း ၆၁ ကျောင်း ဖွင့်လှစ်နိုင်ခဲ့ပြီး ယနေ့တွင် ကျောင်းသား ကျောင်းသူ ၉၅၆ ဦး ထပ်မံ၍ ကျောင်းအပ်နှံသဖြင့် စုစုပေါင်း ကျောင်းသား ကျောင်း သူ ၇၈၁၇ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။

ထို့အပြင် ဒေသခံတိုင်းရင်းသားပြည်သူများ၏ ကျန်းမာရေးစောင့် ရှောက်မှုလုပ်ငန်းများ အဆင်ပြေချောမွေ့စေရန်အတွက် အကြမ်းဖက်သမားများ ဖျက်ဆီးခဲ့သည့် နောင်ချိုမြို့နယ် ပြည်သူ့ဆေးရုံ ကြီးကို ပြန်လည်ပြုပြင်ခြင်းလုပ်ငန်းများ ဆောင်ရွက်ကာ ဩဂုတ် ၂ ရက်တွင် ပြန်လည်ဖွင့်လှစ်ပေးခဲ့ပြီး ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိရာ ယနေ့တွင် ပြည်သူ့ဆေးရုံကြီး၌ ပြင်ပလူနာ ၈၉ ဦးတို့အား ငှက်ဖျားရောဂါ၊ တုပ်ကွေးရောဂါ၊ အထွေထွေ ရောဂါတို့နှင့်ပတ်သက်၍ လိုအပ်သည့် ကျန်းမာရေးစစ်ဆေးကုသပေးခြင်းများ ဆောင်ရွက်ပေးပြီး ဒေသခံတိုင်းရင်းသားပြည်သူ ၄၈ ဦးအား သွေးအမျိုးအစား စစ်ဆေးပေး၍ အမျိုးသားလေးဦးအား ငှက်ဖျားပိုးစစ်ဆေးပေးခြင်းနှင့် အမျိုးသမီးတစ်ဦးအား သွေးလွန်တုပ်ကွေးရောဂါ စစ်ဆေးမှုများ ဆောင်ရွက်ပေးသည်။ ယင်းအပြင် ပြည်သူ့ဆေးရုံကြီး၌ အတွင်းလူနာအဖြစ် ၃၂ ဦး တက်ရောက် ဆေးကုသမှုခံယူလျက်ရှိရာ ဆေးအဖွဲ့များက လိုအပ်သည့် ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးလျက်ရှိကြောင်း သိရသည်။

MOI

နေပြည်တော် ဩဂုတ် ၁၁

ရှမ်းပြည်နယ်(မြောက်ပိုင်း) နောင်ချိုမြို့၌ အကြမ်းဖက်သောင်းကျန်းသူများ၏ အကြမ်းဖက်လုပ်ရပ်များကြောင့် တစ်နှစ်နီးပါးပိတ်ထားခဲ့ရသည့် အခြေခံပညာကျောင်းများအား ဇူလိုင် ၂၅ ရက်မှစ၍ ပြန်လည်ဖွင့်လှစ်ပြီး ကျောင်းသား ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။

ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြားနိုင်ရေး ဆောင်ရွက်ပေးလျက်ရှိရာ ယနေ့တွင် အခြေခံပညာကျောင်း ၁၁ ကျောင်း ထပ်မံဖွင့်လှစ်နိုင်ခဲ့သဖြင့် နောင်ချို မြို့နယ်အတွင်း အခြေခံပညာကျောင်းပေါင်း ၅၃ ကျောင်း ဖွင့်လှစ်နိုင်ခဲ့ပြီး ယနေ့တွင် ကျောင်းသား ကျောင်းသူ ၁၃၁၀ ထပ်မံ၍ ကျောင်းအပ်နှံသဖြင့် စုစုပေါင်း ကျောင်းသား ကျောင်းသူ ၆၈၆၁ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။

ထို့အပြင် ဒေသခံတိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေ ချောမွေ့စေရန်အတွက် အကြမ်းဖက်သမားများဖျက်ဆီးခဲ့သည့် နောင်ချိုမြို့နယ် ပြည်သူ့ဆေးရုံကြီး အား ပြန်လည်ပြုပြင်ခြင်းလုပ်ငန်းများ ဆောင်ရွက်ကာ ဩဂုတ် ၂ ရက်တွင် ပြန်လည်ဖွင့်လှစ်ပေးခဲ့ပြီး ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိရာ ယနေ့တွင် ပြည်သူ့ဆေးရုံကြီး၌ ပြင်ပလူနာ ၇၉ ဦးတို့ကို ငှက်ဖျားရောဂါ၊ တုပ်ကွေးရောဂါ ၊ အထွေထွေရောဂါတို့နှင့်ပတ်သက်၍ လိုအပ် သည့် ကျန်းမာရေးစစ်ဆေးကုသပေးခြင်းများ ဆောင်ရွက်ပေးပြီး ဒေသခံတိုင်းရင်းသားပြည်သူ ၉၉ ဦးကို သွေးအမျိုးအစားစစ်ဆေးပေး၍ ငါးဦးကို ငှက်ဖျားပိုးစစ်ဆေးပေးခြင်းများ ဆောင်ရွက်ပေး သည်။ ယင်းအပြင် ပြည်သူ့ဆေးရုံကြီး၌ အတွင်းလူနာအဖြစ် ၂၈ ဦး တက်ရောက်ဆေးကုသမှုခံယူလျက်ရှိရာ ဆေးအဖွဲ့များက လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိကြောင်း သိရသည်။

MOI

၂၀၂၅ ခုနှစ် မတ်လတွင်ကျင်းပခဲ့သည့် တက္ကသိုလ်ဝင်စာမေးပွဲနှင့် မန္တလေးငလျင်ကြီးဘေးဒဏ်ခံခဲ့ရသည့် တိုင်းဒေသကြီးနှင့်ပြည်နယ်များအတွက် ပြန်လည်ဖြေဆိုသော ၂၀၂၅ ခုနှစ် ဇွန်လတွင် ကျင်းပခဲ့သည့် တက္ကသိုလ်ဝင်စာမေးပွဲအောင်စာရင်းများကို ဇူလိုင် ၂၇ ရက်တွင် တစ်နိုင်ငံလုံးအတိုင်းအတာဖြင့် ထုတ်ပြန်ကြေညာခဲ့ပြီး မန္တလေးတိုင်းဒေသကြီးအတွင်း ဖြေဆိုသူ ၃၃၇၉၁ ဦးရှိသည့်အနက် အောင်မြင်သူ ၁၆၇၆၆ ဦးရှိကာ အောင်မြင်မှုရာခိုင်နှုန်း ၄၉ ဒသမ ၆၂ ရာခိုင်နှုန်းရှိခဲ့သည်။

မန္တလေးတိုင်းဒေသကြီးအတွင်း ဂုဏ်ထူးရရှိမှုအနေဖြင့် ခြောက်ဘာသာဂုဏ်ထူးရှင် ၄၂ ဦး၊ ငါးဘာသာဂုဏ်ထူးရှင် ၁၈၀ ၊ လေးဘာသာ ဂုဏ်ထူးရှင် ၅၄၂ ဦး၊ သုံးဘာသာ ဂုဏ်ထူးရှင် ၂၂၆၁ ဦး၊ နှစ်ဘာသာဂုဏ်ထူးရှင် ၁၈၉၆ ဦးနှင့် တစ်ဘာသာ ဂုဏ်ထူးရှင် ၂၉၉၃ ဦးရှိခဲ့သည်။

အဆိုပါကျောင်းသားကျောင်းသူများအနက် ထူးချွန်အဆင့် ကျောင်းသူအချို့နှင့် တွေ့ဆုံ မေးမြန်းခဲ့ပါသည်။

မသက်မှူးဝေဇင် (မြန်မာတစ်နိုင်ငံလုံးဝိပ္ပံတွဲ ပထမအဆင့် အမှတ်အများဆုံးရရှိသူ)

သမီးကတော့ အမှတ်ပေါင်း ၅၂၀ ရရှိခဲ့ပါတယ်။ အခုလိုဝိပ္ပံတွဲမှာ အမှတ်အများဆုံးနဲ့ အောင်မြင်မှုရရှိတဲ့အတွက် အလွန်ကို ဝမ်းသာပျော်ရွှင်မိပါတယ်။ သမီးငယ်ငယ်ကတည်းက စာကိုတစိုက် မတ်မတ်ကြိုးစားခဲ့ပါတယ်။ သူငယ်တန်းကနေစပြီး ဆုတွေလည်း ရရှိခဲ့ပါတယ်။ မိဘတွေကလည်း ပံ့ပိုးပေးကြပါတယ်။ သမီးအနေနဲ့ စီးပွားရေးကိုဝါသနာပါတဲ့အတွက် ဝိပ္ပံတွဲကိုယူခဲ့တာ ဖြစ်ပါတယ်။ နောက်ပိုင်းကျရင်လည်း စီးပွားရေးကို ထဲထဲဝင်ဝင်ဆောင်ရွက်သွားမှာဖြစ်ပါတယ်။ ဒါကြောင့် စီးပွားရေးတက္ကသိုလ်တက်ရောက်မယ်လို့ စိတ်ကူးထားပါတယ်။

မရွှန်းသံသာအေး(မြန်မာတစ်နိုင်ငံလုံး သိပ္ပံတွဲ ဒုတိယအဆင့် အမှတ်အများဆုံးရရှိသူ)

သမီးကတော့ အမှတ်ပေါင်း ၅၄၆ မှတ်ရရှိခဲ့ပါတယ်။ စာကို တစ်နေ့စာတစ်နေ့ ကျက်မှတ်လေ့လာပြီး တစ်ပတ်စာတစ်ပတ် ပြန်လည်လေ့ကျင့်ခဲ့ပါတယ်။ အိပ်ချိန်ကိုလည်း ပုံမှန်ထားပြီး ကြိုးစားလေ့လာခဲ့ပါတယ်။ အခုလို ရလဒ်ထွက်ပေါ်လာတဲ့အတွက် အတိုင်းမသိ ဝမ်းသာပျော်ရွှင်မိပါတယ်။ မိဘတွေရော ဆရာ ဆရာမတွေကိုရော အားလုံးကိုကျေးဇူး အထူးတင်ရှိပါတယ်။ သမီးရဲ့ ရည်ရွယ်ချက်ကတော့ နှလုံးအထူးကု ဆရာဝန်တစ်ယောက်ဖြစ်ချင်တာပါ။

မနှင်းသီရိဝေ (မြန်မာတစ်နိုင်ငံလုံး သိပ္ပံတွဲ သတ္တမအဆင့် အမှတ်အများဆုံးရရှိသူ)

သမီးရဲ့အမှတ်ကတော့ ၅၄၁ မှတ်ဖြစ်ပါတယ်။ စာကိုနှစ်စကတည်းက တစ်နေ့စာတစ်နေ့လုပ်ဖြစ်ပါတယ်။ ပြန်လည်လေ့ကျင့်ခန်းတွေကိုလည်း သေချာလေးလုပ်ဖြစ်ပါတယ်။ ဘာသာရပ်အလိုက်လည်း မျှမျှတတ လေ့လာဆည်းပူးဖြစ်ပါတယ်။ ကိုယ်အားမရတဲ့ ဘာသာရပ်တွေကိုလည်း အားစိုက်ကျက်မှတ်ခဲ့ပါတယ်။ ပုံမှန်စာကျက်ချိန်ထားပြီး အကျိုးရှိစွာ အာရုံစိုက်ကြိုးစားလေ့လာခဲ့ပါတယ်။ စာမေးပွဲနီးလာတာနဲ့ အမျှ ပိုပြီးအားစိုက်လေ့လာဖြစ်ခဲ့ပါတယ်။ အထူးကုဆရာဝန်ကြီးတစ်ယောက်ဖြစ်အောင် ကြိုးစားသွားဖို့ ရည်မှန်းထားပါတယ်။

မခင်ငြိမ်းချမ်း (မြန်မာတစ်နိုင်ငံလုံး သိပ္ပံတွဲ အဋ္ဌမအဆင့် အမှတ်အများဆုံးရရှိသူ)

သမီးကတော့ အမှတ်ပေါင်း ၅၄၀ ရရှိခဲ့ပါတယ်။ စာကိုတစ်နေ့ စာတစ်နေ့အပြတ်လေ့လာပါတယ်။ ဆရာ ဆရာမတွေရဲ့ သင်ကြားမှုတွေကိုလည်း သေချာနားထောင်ဆည်းပူးခဲ့ပါတယ်။ အောင်စာရင်းထွက်မယ့် ညကလည်း အလွန်ကိုရင်ခုန်ခဲ့ပါတယ်။ ကိုယ်မျှော်မှန်းထားသလို ဖြစ်မလာမှာကို ကြောက်မိပါတယ်။ ဒါပေမဲ့ ကြိုးစားထားသလိုဖြစ်လာတဲ့အတွက် အလွန်ကိုဝမ်းသာပျော်ရွှင်မိပါတယ်။ သမီးက ဆရာဝန်တစ်ယောက် ဖြစ်ချင်ခဲ့တာပါ။ အခုလိုအမှတ်တွေ အများကြီးရရှိအောင် သင်ကြားပို့ချပေးကြတဲ့ ဆရာ ဆရာမတွေ အားလုံးကိုလည်း ကျေးဇူးတင်ရှိပါတယ်။

မလှမျိုးခင် (မြန်မာတစ်နိုင်ငံလုံး သိပ္ပံတွဲ ဒသမအဆင့် အမှတ်အများဆုံးရရှိသူ)

သမီးရဲ့အမှတ်ပေါင်း ၅၃၈ မှတ် ရရှိခဲ့ပါတယ်။ ဆရာ ဆရာမတွေ သင်ကြားပေးတဲ့စာတွေကို သေချာလေ့လာသင်ယူခဲ့ပါတယ်။ စာကိုလည်း တစ်ပတ်စာတစ်ပတ် ပုံမှန်လေ့လာကျက်မှတ်ခဲ့ပါတယ်။ ကိုယ်အားနည်းတဲ့ ဘာသာရပ်ကိုလည်း သေချာလေး အားစိုက်လေ့လာဖြစ်ခဲ့ပါတယ်။ ဘာသာရပ်အလိုက် အချိန်ဇယားစွဲပြီး စနစ်တကျကျက်မှတ်ခဲ့ပါတယ်။ ဆေးတက္ကသိုလ်တက်ရောက်ပြီး ဆရာဝန်ကောင်းတစ်ယောက်ဖြစ်အောင် ဆက်လက်ကြိုးစားသွားမှာပါ။ သမီးကကလေးတွေကို ချစ်တတ်တဲ့အတွက် ကလေးအထူးကု ဆရာဝန်တစ်ယောက်ဖြစ်ချင်ပါတယ်။ သမီးဒီလို အောင်မြင်မှုရရှိအောင် သင်ကြားပေးတဲ့ ဆရာကြီး၊ ဆရာမကြီးတွေအားလုံးနဲ့ ကျေးဇူးရှင်မိဘနှစ်ပါးကိုလည်း ကျေးဇူးတင်ရှိပါတယ်။

မအိနဒီကျော် (မြန်မာတစ်နိုင်ငံလုံး သိပ္ပံတွဲ ဒသမအဆင့် အမှတ်အများဆုံးရရှိသူ)

သမီးက အမှတ်ပေါင်း ၅၃၈ မှတ်ရရှိခဲ့ပါတယ်။ ဒီလိုအောင်မြင်မှုရရှိဖို့ စာသင်နှစ်စကတည်းက စာကိုတစိုက်မတ်မတ်နဲ့ တစ်နေ့စာတစ်နေ့ ပြီးပြတ်အောင် လေ့လာဆည်းပူးခဲ့ပါတယ်။ ဆရာ ဆရာမတွေ သင်ကြားပေးတဲ့ ဘာသာရပ်အလိုက် သင်ခန်းစာတွေကိုလည်း သေချာဂရုတစိုက် စိတ်ဝင်တစား နားထောင်သင်ယူခဲ့ပါတယ်။ မိဘတွေကလည်း ဘေးနားကနေ လိုအပ်တာတွေကို ဖြည့်ဆည်း ဆောင်ရွက်ပေးခဲ့ပါတယ်။ သမီးအနေနဲ့ကတော့ နိုင်ငံအတွက်ရော မိဘကိုရော ကျေးဇူးဆပ်နိုင်မယ့် ဆရာဝန်တစ်ယောက် ဖြစ်ချင်ပါတယ်။

မောင်အေးချမ်း

နေပြည်တော် ဩဂုတ် ၉

ရှမ်းပြည်နယ် (မြောက်ပိုင်း) နောင်ချိုမြို့၌ အကြမ်းဖက်သောင်းကျန်းသူများ၏ အကြမ်းဖက်လုပ်ရပ်များကြောင့် တစ်နှစ်နီးပါးပိတ်ထားခဲ့ရသည့် အခြေခံပညာကျောင်းများအား ဇူလိုင် ၂၅ ရက်မှစ၍ ပြန်လည်ဖွင့်လှစ်ပြီး ကျောင်းသား ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။

ပညာသင်ကြားလျက်ရှိ

ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြားနိုင်ရေး ဆောင်ရွက်ပေးလျက်ရှိရာ နောင်ချိုမြို့နယ်အတွင်း အခြေခံပညာကျောင်း ၂၆ ကျောင်း ပြန်လည်ဖွင့်လှစ်နိုင်ခဲ့ပြီး ယနေ့တွင် ၁၆ ကျောင်း ထပ်မံဖွင့်လှစ်နိုင်ခဲ့၍ နောင်ချိုမြို့နယ်အတွင်း အခြေခံပညာကျောင်း ပေါင်း ၄၂ ကျောင်း ဖွင့်လှစ်နိုင်ခဲ့ပြီး ယနေ့တွင်လည်း ကျောင်းသား ကျောင်းသူ ၁၁၄၁ ဦး ထပ်မံ၍ ကျောင်းအပ်နှံသဖြင့် စုစုပေါင်း ကျောင်းသား ကျောင်းသူ ၅၅၅၁ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။

ထို့အပြင် ဒေသခံတိုင်းရင်းသား ပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရန်အတွက် အကြမ်းဖက်သမားများဖျက်ဆီးခဲ့သည့် နောင်ချိုမြို့နယ် ပြည်သူ့ဆေးရုံကြီးအား ပြန်လည်ပြုပြင်ခြင်းလုပ်ငန်းများ ဆောင်ရွက်ကာ ဩဂုတ် ၂ ရက်တွင် ပြန်လည်ဖွင့်လှစ်ပေးခဲ့ပြီး ဒေသခံတိုင်းရင်းသားပြည်သူများအား လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိသည်။ ထိုသို့ ဆောင်ရွက်ပေးလျက်ရှိရာ ယနေ့တွင် ပြည်သူ့ဆေးရုံကြီး၌ ပြင်ပလူနာ ၆၇ ဦး ကို ငှက်ဖျားရောဂါ၊ တုပ်ကွေးရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့်ကျန်းမာရေး စစ်ဆေးကုသပေးခြင်းများ ဆောင်ရွက်ပေးခြင်း၊ သွေးအမျိုးအစားစစ်ဆေးပေးခြင်း ၁၆ ဦးနှင့် ငှက်ဖျားပိုးစစ်ဆေးပေးခြင်း ၁၇ ဦးတို့အား စစ်ဆေးပေးခဲ့ပြီး ပြည်သူ့ဆေးရုံကြီးရှိ OPD လူနာများအား ဆေးစိမ်ခြင်ထောင်အလုံး ၁၀၀ ထောက်ပံ့ပေးသည်။ ထို့ပြင် ပြည်သူ့ဆေးရုံကြီး၌ အတွင်းလူနာအဖြစ် ၃၄ ဦး တက်ရောက်ဆေးကုသမှု ခံယူလျက်ရှိရာ ဆေးအဖွဲ့များက လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိကြောင်း သိရသည်။

MOI

ကျောက်ဆည် ၊ ဩဂုတ်-၇

 မန္တလေးတိုင်းဒေသကြီး၊ ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာကြည့်တိုက် များရှင်သန်ဖွံ့ဖြိုးရေးနှင့် စာဖတ်ရှိန်မြှင့်တင်ရေးလုပ်ငန်းဆောင်ရွက်လျက်ရှိရာ ယနေ့နံနက် (၁၀)နာရီခွဲက  အခြေခံပညာဦးစီးဌာနတို့ပူးပေါင်း၍  မုန့်ပေါင်းကျေးရွာ “အလင်းသစ် ” စာကြည့်တိုက်၌ ကျောင်းသား၊ကျောင်းသူများ အသိပညာဗဟုသုတဖွံ့ဖြိုးတိုးတက်စေရန်၊ ဗလငါးတန် ဖွံ့ဖြိုးတိုးတက်လာစေရန်၊ စာဖတ်သည့် အလေ့အကျင့်ကောင်းများရရှိလာပြီး စာကြည့်တိုက်နှင့်ရင်းနှီး ကျွမ်းဝင်လာစေရန် ရည်ရွယ်၍ အသိပညာပေး ဟောပြောပွဲ၊ ပုံပြော၊ ကဗျာရွတ်ပြိုင်ပွဲများ ကျင်းပပြုလုပ်ခဲ့ကြောင်းသိရသည်။

အသိပညာပေးဟောပြောပွဲတွင် ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်နှင်းရီက စာပေဖတ်ရှုခြင်းဖြင့် ရရှိလာသည့် ဗဟုသုတများသည် အဖိုးမဖြတ်နိုင်သောကြောင့် စာအုပ် စာစောင်များကို အချိန်ရသည့်အချိန်တွင် ဖတ်ရှုသွားကြရန်နှင့် စာကြည့်တိုက်နှင့် ရင်းနှီးလာပြီး စာအုပ်များ လာရောက်ဖတ်ရှုလိုသည့်အတွက် အသိပညာပေးဟောပြောပွဲ ပြုလုပ်ပေးရခြင်း အသိပညာပေး ဟောပြော ခဲ့သည်။ 

ထို့နောက် ပုံပြောပြိုင်ပွဲနှင့် ကဗျာရွတ်ဆိုပြိုင်ပွဲများပြုလုပ်ခဲ့ရာ မုံပေါင်းကျေးရွာ အခြေခံပညာမူလတန်းကျောင်း Grade-5 တန်းမှ ကျောင်းသား/ကျောင်းသူများ ပါဝင်ယှဉ်ပြိုင်ခဲ့ကြပြီး ပြိုင်ပွဲအပြီးတွင် ဦးစီးအရာရှိ ဒေါ်ခင်နှင်းရီ က အမှတ်တရလက်ဆောင်များ ပေးဝေခဲ့ကြောင်း သိရသည်။

                                                                                                      သက်မောင်(ကျောက်ဆည်)

နေပြည်တော် ဩဂုတ် ၆

ရှမ်းပြည်နယ် (မြောက်ပိုင်း)၊ နောင်ချိုမြို့၌ အကြမ်းဖက်သောင်းကျန်းသူများ၏ အကြမ်းဖက်လုပ်ရပ်များကြောင့် တစ်နှစ်နီးပါးပိတ်ထားခဲ့ရသည့် အခြေခံပညာကျောင်းများအား ၂၀၂၅ ခုနှစ်၊ ဇူလိုင်လ ၂၅ ရက်နေ့မှစ၍ ပြန်လည်ဖွင့်လှစ်ပြီး ကျောင်းသား၊ ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။

ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြား နိုင်ရေးဆောင်ရွက်ပေးလျက်ရှိရာ နောင်ချိုမြို့နယ်အတွင်း အခြေခံပညာကျောင်း ၂၆ ကျောင်းအထိ ပြန်လည်ဖွင့်လှစ်နိုင်ခဲ့ပြီး ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသဖြင့် ယနေ့တွင် ကျောင်းသား၊ ကျောင်းသူ စုစုပေါင်း ၄၄၀၀ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။

ထို့အပြင် ဒေသခံတိုင်းရင်းသား ပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရန်အတွက် အကြမ်းဖက်သမားများဖျက်ဆီးခဲ့သည့် နောင်ချိုမြို့နယ် ပြည်သူ့ဆေးရုံကြီးအား ပြန်လည်ပြုပြင်ခြင်းလုပ်ငန်းများ ဆောင်ရွက်ကာ ဩဂုတ် ၂ ရက်နေ့တွင် ပြန်လည်ဖွင့်လှစ်ပေးခဲ့ပြီး ဒေသခံတိုင်းရင်းသားပြည်သူများအား လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိသည်။ ထိုသို့ ဆောင်ရွက်ပေးလျက်ရှိရာ ယနေ့တွင် ပြည်သူ့ဆေးရုံကြီး၌ ပြင်ပလူနာ စုစုပေါင်း ၆၇ ဦးတို့ကို ငှက်ဖျားရောဂါ၊ တုပ်ကွေးရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့်ကျန်းမာရေးစစ်ဆေးကုသပေးခြင်းများ ဆောင်ရွက်ပေးပြီး ဝက်သက်ရောဂါ၊ တုပ်ကွေးရောဂါတို့နှင့်ပတ်သက်၍ ကာကွယ်ဆေးထိုးရန်လိုအပ်သည့်လူနာ ၁၂၉ ဦးတို့ကို ကာကွယ်ဆေးထိုးနှံပေးသည်။ ၎င်းအပြင် ပြည်သူ့ဆေးရုံကြီး၌ အတွင်းလူနာအဖြစ် အမျိုးသား ၁၆ ဦး၊ အမျိုးသမီး ၁၁ ဦး၊ စုစုပေါင်း ၂၇ ဦး တက်ရောက် ဆေးကုသမှုခံယူလျက်ရှိရာ ဆေးအဖွဲ့များက လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိကြောင်း သတင်းရရှိသည်။

MOI

ကျောက်ဆည်၊ ဩဂုတ်-၆

မန္တလေးတိုင်းဒေသကြီး၊ ကျောက်ဆည်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပညာရေးဦးစီးဌာန တို့ပူးပေါင်းပြီး ကျောင်းသား/ ကျောင်းသူများ အသိပညာဗဟုသုတများရရှိပြီး စာဖတ်ရှိန်မြှင့်တင်ရေး ကျောက်ဆည်မြို့နယ် ဇရပ်ဖြူကျေးရွာ ရဲကြီးကွေ့အခြေခံပညာ မူလတန်းကျောင်းတွင် ယနေ့နံနက် (၁၀)နာရီက အသိပညာပေး ဟောပြောပွဲ၊ စာအုပ်ပြပွဲနှင့် နံရံကပ်စာစောင်ပြပွဲ ကျင်းပပြုလုပ်ခဲ့ကြောင်း သိရှိရသည်။

အသိပညာပေးဟောပြောပွဲတွင် ကျောက်ဆည်မြို့နယ်၊ ဇရပ်ဖြူကျေးရွာ ရဲကြီးကွေ့ အခြေခံပညာ မူလတန်း ကျောင်းမှ ကျောင်းအုပ်ဆရာမကြီး ဒေါ်တင်နုရီက ငယ်ရွယ်စဉ်အချိန်ကပင် ကျောင်းစာအပြင် ပြင်ပဗဟုသုတ ပြည့်စုံရေးနှင့် အားလပ်ချိန်များတွင် စာပေများလေ့လာဖတ်ရှုစေရေး အသိပညာပေးဟောပြောပွဲ နှင့် စာအုပ်ပြပွဲ များ ကျင်းပပြုလုပ်ပေးခြင်းဖြစ်ကြောင်း ရှင်းလင်းပြောပြောကြားခဲ့ပြီး ကျောက်ဆည်ခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်နှင်းရီက စာပေဖတ်ရှုခြင်း၏အကျိုးကျေးဇူးများ အကြောင်း နှင့် အလိမ္မာစာမှာရှိ၊ ပညာရွှေအိုးလူမခိုး၊ ပညာလိုအိုသည်မရှိ စသည့်စာပေ အကျိုးကျေးဇူးများအကြောင်း  အသိပညာပေးဟောပြောခဲ့သည်။ 

အသိပညာပေးဟောပြောပွဲအပြီးတွင်ကျောင်းသား/ကျောင်းသူများက ကျောက်ဆည်ခရိုင် ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှပြသထားသည့် ကလေးအလုပ်သမားပပျောက်ရေး၊ အရွယ်မရောက်သေးသော ကလေးသူငယ် များ စစ်မှုထမ်းခြင်းမှတားဆီးကာကွယ်ရေး အသိပညာပေးနံရံကပ်စာစောင်များနှင့် စာအုပ်၊ စာစောင်များကို စိတ်ပါဝင်စားစွာ ကြည့်ရှုခဲ့ကြောင်းသိရသည်။

 စုစုအေး(ကျောက်ဆည်)

ကျောက်ဆည်၊ ဩဂုတ်-၅

မန္တလေးတိုင်းဒေသကြီး၊ ကျောက်ဆည်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပညာရေးဦးစီးဌာန တို့ ပူးပေါင်းပြီး ကျောင်းသား/ကျောင်းသူများ အသိပညာဗဟုသုတများရရှိပြီး စာဖတ်ရှိန်မြှင့်တင်ရေး ကျောက်ဆည် မြို့နယ် လက်ပန်ပင်ကျေးရွာ အခြေခံပညာ မူလတန်းကျောင်းတွင် ဩဂုတ်(၅)ရက် နံနက် (၁၀)နာရီက အသိပညာပေးဟောပြောပွဲ၊ စာအုပ်ပြပွဲနှင့် နံရံကပ်စာစောင်ပြပွဲ ကျင်းပပြုလုပ်ခဲ့ကြောင်း သိရှိရသည်။

အသိပညာပေးဟောပြောပွဲတွင် လက်ပန်ပင်ကျေးရွာအခြေခံပညာမူလတန်းကျောင်းမှ ကျောင်းအုပ်ဆရာမကြီး ဒေါ်မိုးစန္ဒာက ဘက်စုံထူးချွန်ရေး ငယ်ရွယ်စဉ်အချိန်ကပင် ကျောင်းစာအပြင် ပြင်ပဗဟုသုတပြည့်စုံရေးနှင့် အားလပ်ချိန်များတွင် စာပေများလေ့လာဖတ်ရှုစေရေး အသိပညာပေးဟောပြောပွဲနှင့် စာအုပ်ပြပွဲများ ကျင်းပ ပြုလုပ်ပေးခြင်းဖြစ်ကြောင်း ရှင်းလင်းပြောပြောကြားခဲ့ပြီး ကျောက်ဆည်ခရိုင် ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်နှင်းရီက  စာပေဖတ်ရှုခြင်း၏ အကျိုးကျေးဇူးများ အကြောင်းနှင့် အလိမ္မာစာမှာရှိ၊ ပညာရွှေအိုးလူမခိုး၊ ပညာလိုအိုသည်မရှိ စသည့်စာပေအကျိုးကျေးဇူးများအကြောင်း  အသိပညာ ပေးဟောပြောခဲ့သည်။ 

အသိပညာပေးဟောပြောပွဲအပြီးတွင် ကျောင်းသား/ကျောင်းသူများက ကျောက်ဆည်ခရိုင် ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှပြသထားသည့် ကလေးအလုပ်သမားပပျောက်ရေး၊ အရွယ်မရောက်သေးသော ကလေးသူငယ် များ စစ်မှုထမ်းခြင်းမှတားဆီးကာကွယ်ရေး အသိပညာပေးနံရံကပ်စာစောင်များနှင့် စာအုပ်၊ စာစောင်များကို စိတ်ပါဝင်စားစွာ ကြည့်ရှုခဲ့ကြောင်းသိရသည်။

 သက်မောင်(ကျောက်ဆည်)

နေပြည်တော် ဩဂုတ် ၃

ရှမ်းပြည်နယ်(မြောက်ပိုင်း) နောင်ချိုမြို့၌ အကြမ်းဖက်သောင်းကျန်းသူများကြောင့် အခြေခံပညာကျောင်းများအား တစ်နှစ်နီးပါးပိတ်ထားခဲ့ရပြီး ဇူလိုင် ၂၅ ရက်မှစ၍ အခြေခံပညာကျောင်းများကို ပြန်လည်ဖွင့်လှစ်ပြီး ကျောင်းသား ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။

ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြားနိုင်ရေးဆောင်ရွက် ပေးလျက်ရှိရာ နောင်ချိုမြို့နယ်အတွင်း အခြေခံပညာကျောင်း ၂၂ ကျောင်း ပြန်လည်ဖွင့်လှစ်နိုင်ခဲ့ပြီး ယနေ့တွင်လည်း ကျောင်းသား ကျောင်းသူ ၄၉၀ ထပ်မံ၍ ကျောင်းအပ်နှံသဖြင့် စုစုပေါင်း ကျောင်းသား ကျောင်းသူ ၃၄၄၇ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။

ထို့အပြင် ကျောင်းသား ကျောင်းသူများ အေးချမ်းပျော်ရွှင်စွာ ပညာသင်ကြားနိုင်ရေးအတွက် ဌာနဆိုင်ရာဝန်ထမ်းများက အမှတ်(၂) အခြေခံပညာအထက်တန်းကျောင်း၌ ကျောင်းပတ်ဝန်းကျင်ရှိ ချုံနွယ်ပေါင်းမြက်များ ခုတ်ထွင်ရှင်းလင်းခြင်းနှင့် ရေစီးရေလာကောင်းမွန်စေရေး ရေမြောင်းများ တူးဖော်ပေးခြင်းများ ဆောင်ရွက်ပေးသည်။

အလားတူ ဒေသခံတိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရန်အတွက် အကြမ်းဖက်သမားများ ဖျက်ဆီးခဲ့သည့် နောင်ချိုမြို့နယ် ပြည်သူ့ဆေးရုံကြီးအား ဩဂုတ် ၂ ရက်တွင် ပြန်လည်ဖွင့်လှစ်ပေးခဲ့ပြီး ဒေသခံတိုင်းရင်းသားပြည်သူများအား လိုအပ်သည့်ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိသည်။

ထိုသို့ဆောင်ရွက်ပေးလျက်ရှိရာ ယနေ့တွင် ပြည်သူ့ဆေးရုံကြီး၌ အဖျားရောဂါနှင့် အထွေထွေရောဂါများဖြင့် ဒေသခံတိုင်းရင်းသားပြည်သူအမျိုးသား ၄၂ ဦး၊ အမျိုးသမီး ၆၆ ဦး စုစုပေါင်း ၁၀၈ ဦးတို့အား တပ်မတော်သားဆရာဝန်များနှင့် ဆေးရုံမှ ကျန်းမာရေးဝန်ထမ်းများ ပူးပေါင်း၍လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ကြောင်း သတင်းရရှိသည်။

MOI

နိုင်ငံတော်အတွက် ရဲရင့်စွာ တိုက်ပွဲဝင်ခဲ့ကြသည့် စစ်သည်များ၏ ရဲစွမ်း သတ္တိကို ဂုဏ်ပြုသောအားဖြင့် စစ်သည်များ၏ ဇနီးနှင့် သားသမီးများ အတွက် ပညာသင်ဆုများ ချီးမြှင့်မည်ဟု ထိုင်းနိုင်ငံရှိ Mahasarakham တက္ကသိုလ်က ဩဂုတ်လ ၁ ရက်နေ့တွင် ထုတ်ပြန်ကြေညာခဲ့သည်။

တက္ကသိုလ် ပါမောက္ခချုပ် Prayuk Sriwilai ၏ ပြောကြားချက်အရ ယင်းပညာရေးအထောက်အပံ့ကို တိုက်ပွဲအတွင်း ကျဆုံးခဲ့သော သို့မဟုတ် ဒဏ်ရာရရှိခဲ့သည့် စစ်သည်များ၏ ဇနီးနှင့် သားသမီးများအတွက် ရည်ရွယ်၍ ချီးမြှင့်ခြင်းဖြစ်ပြီး အပြည့်အဝပညာသင်ဆုများတွင် တက္ကသိုလ်၏ Demonstration School မှ မူလတန်းနှင့် အထက်တန်းအဆင့်များ၊ ဘွဲ့ကြို၊ မဟာဘွဲ့နှင့် ပါရဂူဘွဲ့အဆင့် အစီအစဉ်များအထိ ပါဝင်သည်။

Ramathibodi သူနာပြုကျောင်းအုပ်ကြီး ဒေါက်တာ Poolsuk Janepanish Visudtibhan က ထိုင်း-ကမ္ဘောဒီးယား တိုက်ပွဲတွင် ကျဆုံးခဲ့သော SM1 Teerayut Sijuijai ၏ သမီး ၁၃ နှစ်အရွယ်  Pinmook အမည်ရှိ မိန်းကလေးငယ်တစ်ဦး ဖခင်၏ ဈာပနတွင် ငိုကြွေးနေသောပုံကို မြင်တွေ့ ရပြီးနောက် သူမ၏ Facebook တွင် "နောင်တစ်ချိန်မှာ သူနာပြု တစ်ယောက်ဖြစ်ချင်ပါက ကျွန်မတို့ကျောင်းက ဆရာတွေအားလုံးက စာမေးပွဲမစစ်ဘဲ လက်ခံရန် အဆင်သင့်ရှိပါသည်၊ မင်းမှာ ဖခင်လိုပဲ စွန့်လွှတ်အနစ်နာခံနိုင်သည့် DNA ပြည့်နေသည်ဟု ကျွန်မတို့ ယုံကြည် ပါသည်။ ဒါကြောင့် မင်းဟာ သူနာပြုကောင်းတစ်ယောက်လည်း ဖြစ်လာ မှာပါ" ဟု ဒေါက်တာ Poolsuk က ဩဂုတ် ၂ ရက်နေ့တွင် ရေးသား ခဲ့သည်။

ထိုင်း၏ အဆင့်မြင့်ဆုံးတက္ကသိုလ်ဖြစ်သော Chulalongkorn တက္ကသိုလ် ကလည်း တိုက်ပွဲအတွင်း ကျဆုံးခဲ့သည့် စစ်မှုထမ်းများနှင့် အရပ်သား မိသားစုများအတွက် အပြည့်အဝပညာသင်ဆုများ ချီးမြှင့်မည်ဟု ဩဂုတ် ၃ ရက်နေ့တွင် ကြေညာခဲ့သည်။

"အဆိုပါပညာသင်ဆုများကို ၎င်းတို့၏ စွန့်လွှတ်အနစ်နာခံမှုကို ဂုဏ်ပြုရန် နှင့် ချစ်ခင်ရသူများကို ဆုံးရှုံးခဲ့ရသူများအား ပံ့ပိုးကူညီရန် ရည်ရွယ် ပါသည်" ဟု တက္ကသိုလ်က ထုတ်ပြန်ခဲ့သည်။

အမျိုးသားဖွံ့ဖြိုးရေးအုပ်ချုပ်မှုအစည်းအရုံး (NIDA) ကလည်း အများ ပြည်သူအုပ်ချုပ်ရေးဘွဲ့လွန်ကျောင်းတွင် ပညာသင်လိုသူ ထိုမိသားစုဝင်များ အတွက် ပညာသင်ဆုများ ချီးမြှင့်မည်ဟု ကြေညာခဲ့သည်။

ကိုးကား- Bangkok Post

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂