ပါမောက္ခချုပ်ဆရာတော်ကြီးသည် မန္တလေးငလျင်ကြီးဒဏ်ကြောင့် ပျက်စီးမှုများဖြစ်ပေါ်ခဲ့သည့် အောင်မြေသာစည်အလယ်တိုက်ကြီးပြုပြင်ရန် အလှူငွေကျပ်သိန်း(၁၀၀)လှူဒါန်းခဲ့သည်။

ပါမောက္ခချုပ်ဆရာတော်ကြီးနှင့် ဝိဇ္ဇာလင်္ကာရဆရာတော်ကြီး၊ အဝေရာရာမရန်ကင်းဆရာတော်ကြီးတို့သည် မန္တလေးမြို့ရှိ မဟာဝိသုဒ္ဓါရုံတိုက်သစ်သို့ ကြွရောက်တော်မူခဲ့ကြပြီး ပါမောက္ခချုပ်ဆရာတော်ကြီးမှ မဟာဝိသုဒ္ဓါရုံတိုက်သစ်အတွင်း ငလျင်ဒဏ်ကြောင့်ထိခိုက်ခဲ့သည့် စံကျောင်းပိဋကတ်တိုက်ကြီးကို ရှေးမူမပျက်ပြန်လည်ပြုပြင်ရန် သြဝါဒပေးတော်မူခဲ့သည်။

ချန်ဒူ၊ ဇွန် ၂၅

တရုတ်နိုင်ငံ၊ စီချွမ်ပြည်နယ် အနောက်ပိုင်းတောင်ရှိ ဧရာမပန်ဒါ ထိန်းသိမ်းရေးနှင့် သုတေသနဗဟို (CCRCGP) သည် ၎င်းတို့၏ စင်ချူပင် အခြေစိုက်စခန်းတွင် ယခုနှစ်အတွင်း ဖမ်းဆီးထိန်းသိမ်းထားသော ပထမဆုံး ဧရာမပန်ဒါကလေး မွေးဖွားလာကြောင်းကြေညာခဲ့သည်။

နေပြည်တော်တွင် (၃) ရက်တာ ကျင်းပနေသည့် ငြိမ်းချမ်းရေးဖိုရမ်သို့ NCA လက်မှတ်ရေးထိုးထားသည့် လက်နက်ကိုင်အဖွဲ့များအပြင် “ဝ” ၊ မိုင်းလား နှင့် SSPP မှ ကိုယ်စားလှယ်များလည်း တက်ရောက်လျက်ရှိသည်။

UWSA၊ NDAA၊ SSPP အဖွဲ့တို့သည် NCA လက်မှတ်မရေးထိုးထားသည့် တိုင်းရင်းသားလက်နက်ကိုင်အဖွဲ့များဖြစ်ပြီး ပြီးခဲ့သည့်တစ်ကြိမ် ငြိမ်းချမ်းရေးဆွေးနွေးပွဲတွင် တက်ရောက်ခဲ့ခြင်း မရှိပေ။

ရန်ကုန်တိုင်းဒေသကြီးရှိ မြို့နယ်များတွင် ဖွင့်လှစ်ထားသော စက်ဘီးပြင်ဆိုင်များသည် ယခုနောက်ပိုင်းတွင် စက်ဘီးပြုပြင်သူပြန်လည်များပြားလာသောကြောင့် အလုပ်ဖြစ်လာသည်။

“ဒီနောက်ပိုင်း လာပြင်တဲ့ဘီးလေးတွေ များလာတယ်၊ ကျွန်တော်က စက်ဘီးဝယ်ရောင်းပါလုပ်တာဆိုတော့ second (သုံးပြီးသား) ဘီးကို လာဝယ်သူတွေလည်း များလာတယ်” ဟု တောင်ဥက္ကလာမြို့နယ်ရှိ စက်ဘီးပြင်၊ရောင်းဝယ် လုပ်သူတစ်ဦးက ပြောပြသည်။

လာမည့် ဝါဆိုလပြည့်နေ့မှစတင်၍ ဝါတွင်းကာလအတွင်းရွှေတိဂုံစေတီတော်မြတ်ကြီးတွင် တရားပွဲ၊ သီလခံယူပွဲ နှင့် ဗုဒ္ဓပူဇနိယပွဲတော်များကျင်းသွားမည် ဖြစ်သည်ဟု သိရသည်။

ကျင်းပရန် စီစဉ်ထားမှုတွင် ဇူလိုင်လ ၉ ရက်( ဝါဆိုလပြည့်နေ့) တွင် ဓမ္မစကြာအခါတော်နေ့အခမ်းအနား၊ ဝါဆိုရွှေကြာသင်္ကန်းကပ်လှူပူဇော်ပွဲအခမ်းအနားကို ကျင်းပမည် ဖြစ်သည်။

၂၀၂၆ အမျိုးသမီး အာရှဖလားပြိုင်ပွဲအတွက် ခြေစစ်ပွဲပြုလုပ်ရာမှာ မြန်မာနိုင်ငံက အိမ်ရှင်နိုင်ငံအဖြစ် ဇွန်(၂၉) ရက်၌ စတင်ကျင်းပတော့မည်ဖြစ်တာကြောင့် မြန်မာအမျိုးသမီးလက်ရွေးစင်အသင်းသည် မိုးထဲရေထဲ အပြင်းအထန်လေ့ကျင့်ပြင်ဆင်နေကြပြီ ဖြစ်သည်။

ယခုခြေစစ်ပွဲစဉ်တွင် မြန်မာလက်ရွေးစင်အမျိုးသမီးအသင်းအနေဖြင့် အုပ်စု(ဂ)၌ အိမ်ရှင်မြန်မာအသင်းနှင့်အတူ အိမ်နီးချင်း ဘင်္ဂလားဒေရှ့်၊ ဗဟိုအာရှအသင်းတစ်သင်းဖြစ်သည့် တက်ခ်မင်နစ္စတန်၊ အရှေ့အလယ်ပိုင်းနိုင်ငံ ဘာရိန်း အမျိုးသမီးအသင်းတို့ ယှဉ်ပြိုင်ကစားကြမည် ဖြစ်သည်။

နယူးယောက် ဇွန် ၂၅

ကုလသမဂ္ဂနိုင်ငံတကာအဏု မြူစွမ်းအင်အေဂျင်စီ (အိုင်အေအီးအေ)နှင့် ပူးပေါင်းဆောင်ရွက်မှု  ရပ်ဆိုင်းရေးဥပဒေကြမ်းကို အီရန်လွှတ်တော်က ယနေ့တွင် အတည်ပြုခဲ့သည်။

အဆိုပါဥပဒေကြမ်းကို ဥပဒေအဖြစ် အတည်ပြုပြဋ္ဌာန်းရေးအတွက် အီရန်အမျိုးသားလုံခြုံရေးကောင်စီ၏ နောက်ဆုံးအတည်ပြုချက် ရယူရန်လိုကြောင်း အီရန် အစိုးရမီဒီယာများက သတင်း ထုတ်ပြန်ထားသည်။

အစ္စရေးနိုင်ငံနှင့် ၁၂ ရက်ကြာ ပဋိပက္ခများဖြစ်ပွားခဲ့ပြီးနောက် အိုင်အေအီးအေနှင့် ပူးပေါင်းဆောင်ရွက်မှု ရပ်ဆိုင်းရေးဥပဒေကြမ်းကို အီရန်လွှတ်တော်က အတည်ပြုခဲ့ခြင်း ဖြစ်ကြောင်း သိရသည်။

တိုကျို ဇွန် ၂၅

ဂျပန်ပိုင်နက်မြေပေါ်မှတစ်ဆင့် ဒုံးကျည်စမ်းသပ် ပစ်ခတ်မှုကို ဂျပန်တပ်မတော်က ပထမဆုံးအကြိမ်အဖြစ် ဇွန် ၂၄ ရက်တွင် ပြုလုပ်ခဲ့ကြောင်း ဂျပန်မီဒီယာများက သတင်းထုတ်ပြန်ထားသည်။

ဇွန် ၂၄ ရက် စမ်းသပ်မှုတွင် ဂျပန်တပ်ဖွဲ့ဝင်များသည် ပုံစံ-၈၈ အမျိုးအစား မြေပြင်မှ ရေပြင်ပစ် ဒုံးကျည်တစ်စင်းကို ဟော့ကိုင်းဒိုး ကျွန်းမှတစ်ဆင့် ပစိဖိတ်ရေပြင် အတွင်းသို့ ပစ်လွှတ်ခဲ့ကြောင်း သိရသည်။

ပုံမှန်အားဖြင့် နေရာအကန့် အသတ်နှင့်လုံခြုံရေးပြဿနာများကြောင့် ဂျပန်နိုင်ငံသည် ဒုံးကျည် စမ်းသပ်ပစ်ခတ်မှုများကို အမေရိကန်နိုင်ငံနှင့် ဩစတြေးလျနိုင်ငံတို့၌ ပြုလုပ်လေ့ရှိသည်။

ဝါရှင်တန် ဇွန် ၂၅ 
အစ္စရေးနှင့် အီရန်တို့ကြား အပစ်အခတ်ရပ်စဲရေး သဘော တူညီချက်တစ်ရပ်ရရှိခဲ့ပြီးနောက် တရုတ်နိုင်ငံအနေဖြင့် အီရန်နိုင်ငံ မှရေနံများ ဆက်လက်ဝယ်ယူ နိုင်ကြောင်း အမေရိကန်သမ္မတ ဒေါ်နယ်ထရမ့်က ဇွန် ၂၄ ရက်တွင် ပြောကြားခဲ့သည်။

လက်ရှိအချိန်တွင် တရုတ်နိုင်ငံ အနေဖြင့် အီရန်ရေနံများကို ဆက်လက် ဝယ်ယူနိုင်ကြောင်း၊ ယင်းအပြင် တရုတ်နိုင်ငံအနေဖြင့် အမေရိကန်ရေနံစိမ်းကို အများ အပြား ဝယ်ယူလိမ့်မည်ဟုလည်း မိမိမျှော်လင့်ထားကြောင်း အမေရိကန် သမ္မတ ဒေါ်နယ်ထရမ့်က လူမှုမီဒီယာ စာမျက်နှာပေါ်၌ ရေးသားထားသည်။

တရုတ်နိုင်ငံသည်    ဉာဏ်ရည်တုနည်းပညာ(AI)အတွက်  ယခုနှစ်အတွင်း ရင်းနှီးမြှုပ်နှံမှုသည် ယွမ်ဘီလီယံ  ၆၀၀ မှ ၇၀၀ အထိရှိလာနိုင်ကြောင်း  အမေရိကန်ဘဏ်က ထုတ်ပြန်ထားသည်။

ထိုပမာဏသည် ပြီးခဲ့သည့်နှစ်အတွင်း တရုတ်နိုင်ငံက အသုံးပြုခဲ့သော AI တွင်ရင်းနှီးမြှုပ်နှံမှု ပမာဏထက် ၄၈ ရာခိုင်နှုန်းအထိ မြင့်တက်လာခြင်း ဖြစ်သည်။