ဒုတိယဝန်ကြီး ဒေါက်တာဇော်မြင့် ကာယပညာနှင့်အားကစားနည်းပြ မွမ်းမံသင်တန်း (၁/၂၀၂၅) ဖွင့်ပွဲအခမ်းအနား တက်ရောက်

saceditor

News Image

  • ဒုတိယဝန်ကြီး ဒေါက်တာဇော်မြင့် ကာယပညာနှင့်အားကစားနည်းပြ မွမ်းမံသင်တန်း (၁/၂၀၂၅) ဖွင့်ပွဲအခမ်းအနား တက်ရောက်

နေပြည်တော် ဖေဖော်ဝါရီ ၂၅

ပညာရေးဝန်ကြီးဌာန ဆရာအတတ်ပညာဦးစီးဌာန ကာယပညာနှင့် အားကစားနည်းပြ မွမ်းမံ သင်တန်း (၁/၂၀၂၅) ဖွင့်ပွဲအခမ်းအနားကို ယနေ့နံနက်ပိုင်းတွင် လယ်ဝေးအားကစား လေ့ကျင့်ရေး စခန်း၌ ကျင်းပသည်။

ဖွင့်ပွဲသို့ ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်၊ ဆရာအတတ်ပညာဦးစီးဌာန ညွှန်ကြားရေးမှူးချုပ် ဒေါ်နှင်းကြည်၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ၊ အားကစားနှင့် ကာယပညာဦးစီးဌာနနှင့် အားကစားအဖွဲ့ချုပ်များမှ တာဝန်ရှိသူများ၊ သင်တန်း နည်းပြများ၊ ဒိုင်လူကြီးများ၊ ပညာရေးဒီဂရီ ကောလိပ် များမှ အားကစားနည်းပြဆရာ သင်တန်းသား သင်တန်းသူများနှင့် ဖိတ်ကြားထားသူများ တက်ရောက်ကြသည်။

ဦးစွာ ဒုတိယဝန်ကြီးက ပညာရေးဒီဂရီကောလိပ်ပေါင်းစုံ အားကစားပြိုင်ပွဲများကို နှစ်စဉ် အောင်မြင်စွာ ကျင်းပနိုင်ခဲ့ပြီး ၂၀၂၄ ခုနှစ်၊ ပဉ္စမအကြိမ် အမျိုးသားအားကစားပွဲတော်တွင် အားကစားနည်း ခြောက်မျိုးမှာ ပါဝင် ယှဉ်ပြိုင်ခဲ့ခြင်းအတွက် မှတ်တမ်းတင်ဂုဏ်ပြုကြောင်း၊ ပါဝင်ယှဉ်ပြိုင်ခြင်းမှသည် အနိုင်ရဗိုလ်စွဲရန် လေ့ကျင့် ပေးရမည်ဖြစ်ကြောင်း၊ ထိုမှတစ်ဆင့် စံချိန်သစ်များ တင်နိုင်သည်အထိ ကြိုးစားလေ့ကျင့်ပေးရမည် ဖြစ်ကြောင်း၊ ပညာရေးဒီဂရီကောလိပ် ဆရာ ဆရာမများက အားကစား နည်းစနစ် မှန်ကန်စွာဖြင့် လေ့ကျင့်သင်ကြားပေးနိုင်မှသာ အခြေခံပညာတွင် အားကစားထူးချွန်သည့် ဆရာ၊ ဆရာမများ ပေါ်ထွန်းလာနိုင်မည်ဖြစ်ကြောင်း၊ ထိုမှတစ်ဆင့် ကိုယ်ကာယကြံ့ခိုင်ပြီး အားကစား ထူးချွန်သည့် နိုင်ငံ့သားကောင်းမျိုးဆက်သစ်များကို ပြုစုပျိုးထောင်နိုင်မည်ဖြစ်ကြောင်း ပြောကြားပြီး သင်တန်းသား၊ သင်တန်းသူများကို ရင်းရင်းနှီးနှီး လိုက်လံနှုတ်ဆက်၍ အားပေးစကားပြောကြားသည်။

ယနေ့ဖွင့်လှစ်သည့် ကာယပညာနှင့် အားကစားနည်းပြမွမ်းမံသင်တန်း (၁/၂၀၂၅) ကို ဖေဖော်ဝါရီ ၂၀ ရက်မှ မတ် ၉ ရက်အထိ လယ်ဝေးအားကစားလေ့ကျင့်ရေးစခန်းတွင် ဒုတိယအကြိမ် မွမ်းမံသင်တန်း ဖွင့်လှစ် လေ့ကျင့် ပေးလျက်ရှိပြီး ပညာရေးဒီဂရီကောလိပ်များမှ အားကစားနည်းပြဆရာ သင်တန်းသား သင်တန်းသူ ၇၅ ဦး တက်ရောက်လျက်ရှိပြီး မြန်မာနိုင်ငံ အားကစားအဖွဲ့ချုပ်များမှ တာဝန်ရှိသူများက အားကစားအခြေခံနည်းစနစ်များ၊ စည်းမျဉ်း၊ စည်းကမ်း၊ ဥပဒေများကို သင်ကြားပို့ချသွားမည် ဖြစ်ကြောင်းသိရသည်။

ကိုးကား- MOI

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

တံတားဦးခရိုင် စီမံအုပ်ရေးအချုပ်ရေးအဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိသူများ ၂၀၂၄-၂၀၂၅ ပညာသင်နှစ် တက္ကသိုလ်ဝင် စာမေးပွဲ (ပဉ္စမနေ့) ရူပဗေဒ ဘာသာရပ်နှင့် သမိုင်းဘာသာရပ်ဖြေဆိုမှုအား ကြည့်ရှုအားပေး
တံတားဦးခရိုင် စီမံအုပ်ရေးအချုပ်ရေးအဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိသူများ ၂၀၂၄-၂၀၂၅ ပညာသင်နှစ် တက္ကသိုလ်ဝင် စာမေးပွဲ (ပဉ္စမနေ့) ရူပဗေဒ ဘာသာရပ်နှင့် သမိုင်းဘာသာရပ်ဖြေဆိုမှုအား ကြည့်ရှုအားပေး
၂၀၂၄-၂၀၂၅ ပညာသင်နှစ် တက္ကသိုလ်ဝင်စာမေးပွဲ (ပဉ္စမနေ့) ရူပဗေဒဘာသာရပ်နှင့် သမိုင်းဘာသာရပ်တို့ကို တံတားဦးခရိုင်အတွင်း သက်ဆိုင်ရာစာဖြေဌာနအသီးသီးတွင် မတ်လ ၂၁ ရက် နံနက် (၉) နာရီအချိန်က အေးချမ်း ပျော်ရွှင်စွာဆက်လက်ဖြေဆိုလျက်ရှိကြောင်းသိရသည် ။အဆိုပါ တက္ကသိုလ်ဝင်တန်း (Grade – 12 ) စာမေးပွဲကို တံတားဦးခရိုင်တွင် စာစစ်ဌာနအနေဖြင့် အထက-တံတားဦး၊  ချောင်းခွစာစစ်ဌာနနှင့် ငါန်းဇွန်စာစစ်ဌာနဟူ၍ သုံးခုရှိပါကြောင်း အထက-တံတားဦး စာစစ်ဌာနတွင် ရူပဗေဒ ဘာသာရပ်  ဝင်ရောက်ဖြေဆိုသူ ကျောင်းသား(၂၁၆)ဦး ၊ ကျောင်းသူ(၂၂၉)ဦး စုစုပေါင်း (၄၄၅)ဦး ရာခိုင်နှုန်းအားဖြင့် (၉၆.၁၁) ရာခိုင်နှုန်း၊ သမိုင်းဘာသာရပ်ဝင်ရောက်ဖြေဆိုသူ ကျောင်းသား(၁၅)ဦး၊ ကျောင်းသူ (၉)ဦး စုစုပေါင်း (၂၄)ဦး ရာခိုင်နှုန်းအားဖြင့်(၈၅.၇၁) ရာခိုင်နှုန်း ရှိပါကြောင်း ၊ ထို့အပြင် ချောင်းခွစာစစ်ဌာနတွင် ‌‌ရူပဗေဒဘာသာရပ် ဝင်ရောက် ဖြေဆိုသူ ကျောင်းသား(၅၉)ဦး၊ ကျောင်းသူ(၁၀၈)ဦး ရာခိုင်နှုန်းအားဖြင့်(၁၀၀.၀၀) ရာခိုင်နှုန်း၊ သမိုင်းဘာသာရပ်တွင်  ဝင်ရောက်ဖြေဆိုသူ ကျောင်းသား(၉)ဦး ၊ ကျောင်းသူ(၂၁)ဦး စုစုပေါင်း (၃၀)ဦး ရာခိုင်နှုန်းအားဖြင့်(၁၀၀.၀၀) ရာခိုင်နှုန်း ရှိပါကြောင်း ၊ ငါန်းဇွန်စာစစ်ဌာနတွင် ‌ ရူပဗေဒဘာသာရပ် ဝင်ရောက်ဖြေဆိုသူ ကျောင်းသား(၁၁၄)ဦး ၊ ကျောင်းသူ(၁၆၂)ဦး  စုစုပေါင်း(၂၇၆)ဦး ရာခိုင်နှုန်းအားဖြင့်(၉၅.၅၀) ရာခိုင်နှုန်း သမိုင်းဘာသာရပ် ဝင်ရောက် ဖြေဆိုသူ ကျောင်းသား(၇)ဦး ၊ ကျောင်းသူ(၂)ဦး စုစုပေါင်း (၉)ဦး ရာခိုင်နှုန်းအားဖြင့်(၁၀၀.၀၀) ရာခိုင်နှုန်း ရှိပါကြောင်း တံတားဦးခရိုင်အနေဖြင့် ရူပဗေဒဘာသာရပ်ဖြေဆိုရန် လာရောက်စာရင်းပေးထားသူ စုစုပေါင်း (၉၁၉) ဦးရှိရာ ဝင်ဖြေဆိုသူ စုစုပေါင်း (၈၈၈) ဦး ရာခိုင်နှုန်းအနေဖြင့် (၉၆.၆၃)ရာခိုင်နှုန်း သမိုင်းဘာသာရပ်ဖြေဆိုရန် လာရောက်စာရင်းပေးထားသူ စုစုပေါင်း (၆၇)ဦးရှိရာ ဝင်ဖြေဆိုသူ စုစုပေါင်း (၆၃) ဦး ရာခိုင်နှုန်းအနေဖြင့် (၉၄.၀၃) ရာခိုင်နှုန်း ရှိပါကြောင်း ခရိုင်ပညာရေးမှူးရုံးမှသိရသည် ။တံတားဦးခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်ငြိမ်းက တက္ကသိုလ်ဝင်စာမေးပွဲ အေးချမ်းစွာ ဖြေဆိုနေကြသည့် ကျောင်းသား ၊ ကျောင်းသူများအား လိုက်လံကြည့်ရှုအားပေးခဲ့ပြီး ကျောင်းသား ၊ ကျောင်းသူများ အဆင်ပြေစွာ ဖြေဆိုနိုင်ရေး အလေးထားဆောင်ရွက်ကြရန်၊ စာမေးပွဲဖြေဆိုနေစဉ်ကာလအတွင်း လိုအပ်သည်များနှင့် ထူးခြား ဖြစ်စဉ်များဖြစ်ပေါ်လာပါက အချိန်နှင့်တစ်ပြေးညီ တင်ပြကြရန်နှင့် လုံခြုံရေးကိုလည်း အထူးဂရုပြုကြရန် လိုအပ်ကြောင်း မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဖြိုးဇော်ကိုကိုနှင့်တာဝန်ရှိသူများ ၊ တံတားဦးခရိုင်/မြို့နယ် ပညာရေးမှူးများနှင့် ဆရာ/များ၊ ဌာနဆိုင်ရာများ၊ သက်ဆိုင်ရာစာမေးပွဲကြီးကြပ်ရေးမှူးနှင့် တာဝန်ရှိသူများအား ပြောကြားကြောင်းသိရသည် ။ဦးရဲတင့်( ပြန်/ဆက်)၀၉-၇၉၇၄၃၈၃၀၅ 
အပူချိန်မြင့်တက်မှုက နှလုံးရောဂါဖြစ်ပွားရသည့် အဓိက အကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်တွင်ဖော်ပြ
အပူချိန်မြင့်တက်မှုက နှလုံးရောဂါဖြစ်ပွားရသည့် အဓိက အကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်တွင်ဖော်ပြ
အပူချိန်မြင့်တက်မှုသည် ဩစတြေးလျနိုင်ငံရှိပြည်သူများ၌ နှလုံးရောဂါဖြစ်ပွားရသည့် အဓိကအကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်က မတ်လ ၁၇ရက်တွင် ဖော်ပြထားသည်။လက်ရှိတွင် နိုင်ငံအတွင်းရှိ နှလုံးရောဂါဖြစ်ပွားမှုစုစုပေါင်း၏ ၇ ဒသမ ၃ ရာခိုင်နှုန်းသည် အပူချိန်မြင့်တက်မှုကြောင့်ဖြစ်သည်ဟု အဆိုပါလေ့လာမှုသစ်တွင် ဆက်လက်ဖော်ပြထားသည်။ ၂၀၀၃ ခုနှစ်မှ ၂၀၁၈ ခုနှစ်အတွင်း  အပူချိန်မြင့်တက်လာမှုကြောင့် နှစ်စဉ် လူထောင်ပေါင်းများစွာ သေဆုံးခဲ့ရကြောင်း အက်ဒဲလေးတက္ကသိုလ်နှင့် ဩစတြေးလျသုတေသနကောင်စီမှရှာဖွေလေ့လာမှုအစီအစဉ်က ထောက်ပံ့ပေးထားသည့်လေ့လာမှုတွင် ဖော်ပြထားသည်။နိုင်ငံအတွင်း၌  အပူချိန်မြင့်တက်မှုအများဆုံးဒေသမှာ တောင်ပိုင်းဒေသဖြစ်ပြီး မြောက်ပိုင်းနယ်မြေများသည်  အပူချိန်မြင့်တက်မှုအနိမ့်ဆုံးဖြစ်ကြောင်း လေ့လာမှုအတွင်းဖော်ပြထားသည်။ထို့ကြောင့်  လာမည့်အနာဂတ်တွင် အပူချိန်ဆက်လက်မြင့်တက်လာပါက နိုင်ငံအတွင်း၌  နှလုံးရောဂါဖြစ်ပွားသူအရေအတွက်မှာ ဆက်လက်မြင့်တက်လာဖွယ်ရှိပြီး ၂၀၅၀ ပြည့်နှစ်ခန့်တွင် နှစ်ဆခန့်မြင့်တက်လာနိုင်သည်ဟု သုတေသီများ ကခန့်မှန်းထားသည်။ရာသီဥတုပူပြင်းချိန် သို့မဟုတ် အပူချိန်မြင့်တက်ချိန်တွင်  လူသားများ၏နှလုံးသည်  လူသားများအေးစေရန်အတွက် ပိုမိုအလုပ်လုပ်ဆောင်ရလေ့ရှိပြီး ထိုသို့လုပ်ဆောင်ရခြင်းသည်   အန္တရာယ်ရှိကြောင်း၊  အထူးသဖြင့်  နှလုံးရောဂါရှိသူများအတွက် ပိုမိုအန္တရာယ်ရှိနိုင်ကြောင်းအက်ဒဲလေးတက္ကသိုလ် ပြည်သူ့ကျန်းမာရေးနှင့် ပတ်ဝန်းကျင်ဆိုင်ရာဆေးဝါးဌာနမှ သုတေသီတစ်ဦးဖြစ်သူ ဘိုင်ပန်ကပြောကြားထားသည်။ထို့ကြောင့် ကမ္ဘာ့နိုင်ငံများအနေဖြင့် ရာသီဥတုပြောင်းလဲမှုကို လျှော့ချနိုင်ရေး ပိုမိုလုပ်ဆောင်နိုင်မည်ဆိုပါက လာမည့်အနာဂတ်ကာလတွင်  နှလုံးရောဂါနှင့် သက်ဆိုင်သည့်   လူသေဆုံးမှုများကို ကမ္ဘာ့နိုင်ငံများ၌ လျှော့ချနိုင်မည့်အလားအလာရှိသည်ဟု ဘိုင်ပန်က ဆက်လက် ပြောကြားထားသည်။         Ref: XinhuaSource: https://myawady.net.mm/ 
၂၀၂၆ ကမ္ဘာ့ဖလားပြိုင်ပွဲတွင် ပထမဆုံးခြေစစ်ပွဲအောင်မြင်ခဲ့သည့် အသင်းအဖြစ် ဂျပန်အသင်းမှတ်တမ်းဝင်
၂၀၂၆ ကမ္ဘာ့ဖလားပြိုင်ပွဲတွင် ပထမဆုံးခြေစစ်ပွဲအောင်မြင်ခဲ့သည့် အသင်းအဖြစ် ဂျပန်အသင်းမှတ်တမ်းဝင်
တိုကျို  မတ် ၂၁ကမ္ဘာ့ဖလားခြေစစ်ပွဲ (အာရှဇုန်) တတိယအဆင့် အုပ်စုပွဲစဉ်အဖြစ်ကစားခဲ့သည့် ဂျပန်အသင်းနှင့် ဘာရိန်းအသင်းတို့ပွဲစဉ်တွင် ဂျပန်အသင်းက နှစ်ဂိုး ဂိုးမရှိဖြင့် အနိုင်ရရှိခဲ့ပြီးနောက် အုပ်စုပွဲစဉ်များမပြီးဆုံးမီ ခြေစစ်ပွဲအောင်မြင်ခဲ့သကဲ့သို့ ၂၀၂၆ ကမ္ဘာ့ဖလားပြိုင်ပွဲတွင် ပထမဆုံးခြေစစ်ပွဲအောင်မြင်ခဲ့သည့်အသင်းအဖြစ် မှတ်တမ်းဝင်ခဲ့ကြောင်း သိရသည်။ဂျပန်အသင်းသည် ကမ္ဘာ့ဖလားခြေစစ်ပွဲ (အာရှဇုန်) တတိယအဆင့် အုပ်စု (C) တွင် ဩစတြေးလျအသင်း၊ ဆော်ဒီအာရေဗျအသင်း၊ အင်ဒိုနီးရှားအသင်း၊ ဘာရိန်းအသင်း၊ တရုတ်အသင်းတို့နှင့် တစ်အုပ်စုတည်းကျရောက်ခဲ့ပြီး ယခုအခါ ဘာရိန်းအသင်းကို အနိုင်ရရှိခဲ့ပြီးနောက် အုပ်စုခုနစ်ပွဲကစားပြီးချိန်တွင် ခြောက်ပွဲအနိုင်ရရှိခဲ့ကာ တစ်ပွဲသရေရလဒ်ဖြင့် တစ်ပွဲမှ ရှုံးနိမ့်ခြင်းမရှိဘဲ ရမှတ် ၁၉ မှတ်ဖြင့် အုပ်စုပထမနေရာတွင် ရပ်တည်နေပြီး အုပ်စုပွဲစဉ် သုံးပွဲကစားရန် ကျန်ရှိနေသည့်အချိန်တွင် ဒုတိယနေရာမှ ဩစတြေးလျအသင်းကို ရမှတ်ကိုးမှတ်ထိ ဖြတ်တောက်နိုင်ခဲ့သည့်အတွက် ခြေစစ်ပွဲအောင်မြင်ခဲ့ခြင်းဖြစ်သည်။ဂျပန်အသင်းသည် ကမ္ဘာ့ဖလားခြေစစ်ပွဲ (အာရှဇုန်) တတိယအဆင့် အုပ်စုလက်ကျန်ပွဲစဉ်များအဖြစ် မတ် ၂၅ ရက်တွင် ဆော်ဒီအာရေဗျအသင်း၊ ဇွန် ၅ ရက်တွင် ဩစတြေးလျအသင်းနှင့် ဇွန် ၁၀ ရက်တွင် အင်ဒိုနီးရှားအသင်းတို့နှင့် ဆက်လက်ကစားသွားရမည်ဖြစ်ကြောင်း သိရသည်။Source: ရတနာပုံသတင်းစာ
သစ်သီးဝလံ၊ အမျှင်ဓာတ်၊ နို့ထွက်ပစ္စည်းနှင့် ကဖင်းဓာတ်များ စားသုံးပေးပါက နားအူမှုပြဿနာခံစားရနိုင်ခြေ လျှော့ချနိုင်
သစ်သီးဝလံ၊ အမျှင်ဓာတ်၊ နို့ထွက်ပစ္စည်းနှင့် ကဖင်းဓာတ်များ စားသုံးပေးပါက နားအူမှုပြဿနာခံစားရနိုင်ခြေ လျှော့ချနိုင်
ပေကျင်း  မတ် ၂၁သစ်သီးဝလံ၊ အမျှင်ဓာတ်၊ နို့ထွက်ပစ္စည်းနှင့် ကဖင်းဓာတ်များ စားသုံးပေးပါက နားအူမှုပြဿနာခံစားရနိုင်ခြေကို လျှော့ချနိုင်ကြောင်း မတ် ၂၀ ရက် သတင်းများအရ သိရသည်။တရုတ် သုတေသနပညာရှင်များ၏ လေ့လာတွေ့ရှိချက်အရ ကဖင်း၊ သစ်သီးဝလံ၊ အမျှင်ဓာတ်နှင့် နို့ထွက်ပစ္စည်းများ စားသုံးခြင်းဖြင့် နားအူမှုပြဿနာပေါ်လာနိုင်ခြေကို ၃၅ ရာခိုင်နှုန်းလျှော့ချပေးနိုင်ကြောင်း သိရသည်။အထက်ပါ အစားအစာများသည် သွေးစီးဆင်းမှုနှင့် အင်ဆူလင်ဟော်မုန်းတုံ့ပြန်နိုင်စွမ်းတို့ကို မြှင့်တင်ပေးနိုင်ပြီး နားအတွင်း ရောင်ရမ်းမှုပြဿနာ ပေါ်လာနိုင်ခြေကိုလည်း လျှော့ချပေးနိုင်ဖွယ်ရှိသည်ဟု တရုတ်သုတေသနပညာရှင်များက ပြောကြားကြောင်း သိရသည်။တရုတ် သုတေသနပညာရှင်များသည် လူပေါင်း ၁၀၀၀၀၀ ကျော်ပါဝင်သည့် လေ့လာချက်များမှ ပေါ်ထွက်လာသော ရလဒ်များကို စိစစ်ခဲ့ပြီးနောက် ၎င်းတို့၏ တွေ့ရှိချက်ကို တင်ပြခဲ့ကြခြင်းဖြစ်ကြောင်း သိရသည်။Source: ရတနာပုံသတင်းစာ
ပဋိဇီဝဆေးတစ်မျိုးကို အချိန်အဆလျှော့သုံးခြင်းဖြင့် ဆံပင်ကျွတ်ထွက်မှုများကို ကာကွယ်နိုင်ဖွယ်ရှိ
ပဋိဇီဝဆေးတစ်မျိုးကို အချိန်အဆလျှော့သုံးခြင်းဖြင့် ဆံပင်ကျွတ်ထွက်မှုများကို ကာကွယ်နိုင်ဖွယ်ရှိ
နယူးယောက် မတ် ၂၁ပဋိဇီဝဆေးတစ်မျိုးကို အချိန်အဆလျှော့၍ သုံးစွဲခြင်းဖြင့် အရေပြားရောဂါတစ်မျိုးကြောင့် ဖြစ်ပွားတတ်သော ဆံပင်ကျွတ်ထွက်မှုများကို ကာကွယ်နိုင်ဖွယ်ရှိကြောင်း သုတေသန ပညာရှင်များက မတ် ၂၀ ရက်တွင် ပြောကြားသည်။Doxycycline အမည်ရှိ အထက်ပါ ပဋိဇီဝဆေးသည် လူ့ခုခံအးစနစ်က ဆံပင်ဂလင်းအိတ်များကို တိုက်ခိုက်မှုကြောင့် ဖြစ်ပွားတတ်သည့် ဆံပင်ကျွတ်ထွက်မှုကို ကုသရာတွင် အသုံးပြုသော ဆေးတစ်မျိုးဖြစ်သည်။သို့ရာတွင် ၎င်းဆေးကို ဆံပင်ကျွတ်ထွက်မှု ကာကွယ်ရေးအတွက် အသုံးပြုရာတွင် ဆေးအချိန်အဆမြှင့်တင်၍ သုံးစွဲရန်မလိုဘဲ ဆေးအချိန်အဆလျှော့၍ အသုံးပြုနိုင်ကြောင်း အမေရိကန်သုတေသန ပညာရှင်များကပြောကြားသည်။အမေရိကန် သုတေသနပညာရှင်များ၏ လေ့လာတွေ့ရှိချက်အရ Doxycycline ဆေးကို နေ့စဉ် မီလီဂရမ် ၂၀ ခန့် နှစ်ကြိမ် သောက်သုံးမှုကဲ့သို့ပင် ဆံပင်ကျွတ်ထွက်မှုကို ထိရောက်စွာ တားဆီးနိုင်ကြောင်း သိရသည်။Doxycycline ကိုဆေးအချိန်အဆလျှော့၍ သေက်သုံးနိုင်မှုသည် ဆေးအချိန်အဆမြင့်မားမှုကြောင့် ပေါ်ထွက်လာတတ်သော ဘေးထွက်ဆိုးကျိုးများကို ရှောင်ရှားနိုင်မည်ဖြစ်ကြောင်း အမေရိကန် သုတေသနပညာရှင်များက ပြောကြားသည်။အမေရိကန်သုတေသနပညာရှင်များသည် Lymphotic Scarring Alopecia ခေါ် ဆံပင်ကျွတ်ထွက်မှုပြဿနာရှိနေသူ လူနာဦးရေ ၂၄၀ တို့ဖြင့် လက်တွေ့စမ်းသပ်မှုများပြုလုပ်ခဲ့ပြီးနောက် ၎င်းတို့၏ တွေ့ရှိချက်ကို တင်ပြခဲ့ကြခြင်းဖြစ်ကြောင်း သိရသည်။Source : ရတနာပုံသတင်းစာPhoto: Health
မွေးရာပါနှလုံးချို့ယွင်းမှုရှိသည့် ကလေးများ ကလေးဘဝ၌ ကင်ဆာရောဂါဖြစ်နိုင်ခြေမြင့်မားနိုင်
မွေးရာပါနှလုံးချို့ယွင်းမှုရှိသည့် ကလေးများ ကလေးဘဝ၌ ကင်ဆာရောဂါဖြစ်နိုင်ခြေမြင့်မားနိုင်
ဆိုးလ်    မတ် ၂၀မွေးရာပါနှလုံးချို့ယွင်းမှုရှိနေသည့် မွေးကင်းစကလေးများသည် နှလုံးကျန်းမာရေးပုံမှန်ရှိသူ မွေးကင်းစကလေးများထက် ကလေးဘဝ၌ ကင်ဆာရောဂါဖြစ်နိုင်ခြေ ပိုမြင့်မားနိုင်ကြောင်း မတ် ၁၉ ရက် သတင်းများအရ သိရသည်။တောင်ကိုရီးယားသုတေသနပညာရှင်များ၏ လေ့လာတွေ့ရှိချက်အရ မွေးရာပါနှလုံးချို့ယွင်းမှုရှိသည့် မွေးကင်းစကလေးများ၌ ကလေးဘဝကင်ဆာရောဂါဖြစ်နိုင်ခြေမှာ ပုံမှန်ထက် ၆၆ ရာခိုင်နှုန်း ပိုမြင့်မားကြောင်း သိရသည်။ထို့ပြင် နှလုံးသွေးကြော၊ နှလုံးအဆို့ရှင်တို့နှင့် ဆက်စပ်နေသည့် နှလုံးကျန်းမာရေး ပြဿနာများရှိနေသော မွေးကင်းစကလေးများတွင် ကင်ဆာရောဂါဖြစ်နိုင်ခြေမှာ ပို၍ပင် မြင့်မားနေတတ်ကြောင်း သုတေသနပညာရှင်များက ပြောကြားသည်။မိခင်ထံမှရရှိ‌သော မျိုးဗီဇများသည် မွေးရာပါနှလုံးချို့ယွင်းမှုရှိသူ ကလေးများ၌ ကင်ဆာရောဂါ ဖြစ်ပွားရေးအတွက် နောက်ခံအခြေအနေများ ဖန်တီးပေးနိုင်ဖွယ်ရှိကြောင်း သိရသည်။တောင်ကိုရီးယား သုတေသနပညာရှင်များသည် ၂၀၀၅ ခုနှစ်နှင့် ၂၀၁၉ ခုနှစ်ကြား မွေးဖွားခဲ့သည့် ကလေး ၃ ဒသမ ၅ သန်းကို ၁၀ နှစ်ကြာ စောင့်ကြည့်လေ့လာခဲ့ပြီးနောက် ၎င်းတို့၏ တွေ့ရှိချက်ကို တင်ပြခဲ့ခြင်းဖြစ်သည်။တောင်ကိုရီးယား သုတေသနပညာရှင်များ၏ အဆိုအရ မွေးရာပါနှလုံးချို့ယွင်းချက်ပါသူ ကလေးများ မွေးဖွားခဲ့ကြသော မိခင်များတွင်လည်း ကင်ဆာရောဂါများဖြစ်နိုင်‌ခြေ ပုံမှန်ထက် ၁၇ ရာခိုင်နှုန်း မြင့်တက်လာနိုင်ကြောင်း သိရသည်။Source: ရတနာပုံသတင်းစာ
© Copyright 2024 SAC All Rights Reserved.