ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းမေတ္တာပို့သ

saceditor

News Image

  • ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းမေတ္တာပို့သ

ရန်ကုန်   မေ ၁

မြန်မာနိုင်ငံခရစ်ယာန်ဂိုဏ်းပေါင်းစုံ ငြိမ်းချမ်းရေးအထောက်အကူပြုဗဟိုကော်မတီက ကြီးမှူးကျင်းသည့် ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းခြင်းအစီအစဉ်ကို ယနေ့မွန်းလွဲပိုင်းက ရန်ကုန်မြို့ ဒဂုံမြို့နယ် အလံပြဘုရားလမ်းရှိ မက်သဒစ် အင်္ဂလိပ်အသင်းတော် ဘုရားရှိခိုးကျောင်း၌ ကျင်းပသည်။

ဆုတောင်းခြင်းအစီအစဉ်သို့ မြန်မာနိုင်ငံခရစ်ယာန်ဂိုဏ်းပေါင်းစုံ ငြိမ်းချမ်းရေးအထောက်အကူပြု ဗဟိုကော်မတီအဖွဲ့ခေါင်းဆောင်၊ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်နှင့် အဖွဲ့ဝင် ဒေါက်တာ မောင်မောင်နိုင်၊ ရန်ကုန်တိုင်းဒေသကြီးအစိုးရအဖွဲ့ တိုင်းရင်းသားရေးရာဝန်ကြီး ဦးစောဂျက်ကော့ထူး၊ မြန်မာနိုင်ငံ ခရစ်ယာန်ဂိုဏ်းပေါင်းစုံမှ ခေါင်းဆောင်များ၊ ဘာသာပေါင်းစုံချစ်ကြည်ညီညွတ်ရေးအဖွဲ့ဝင်များ၊ ဖိတ်ကြားထားသူများ တက်ရောက်ကြသည်။

အခမ်းအနားတွင် နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်က အမှာစကားပြောကြားသည်။

ထို့နောက် အစီအစဉ်အတိုင်း သမ္မာကျမ်းစာဖတ်ကြားခြင်း၊ ဓမ္မဒေသနာရွတ်ဖတ်ခြင်း၊ ဂုဏ်တော်ချီးမွမ်းခြင်းတို့ ဆောင်ရွက်ပြီး ငြိမ်းချမ်းရေးစကားများ ပြောကြားကြသည်။

ယင်းနောက် မန္တလေးငလျင်ကြောင့် ငလျင်ဘေးသင့်ပြည်သူများအပါအဝင် ပြည်တွင်း ပြည်ပကူညီကယ်ဆယ်ရေးအဖွဲ့များ၊ စေတနာရှင် အလှူရှင်များ၊ အသင်းတော်အဖွဲ့အစည်း အသီးသီးတွင် ကူညီဆောင်ရွက်ပေးကြသူများ၊ ဆေးအဖွဲ့များ၊ ပြန်လည်ထူထောင်ရေးအတွက် ပါဝင်ကူညီပံ့ပိုးပေးကြသူများ၊ သဘာဝဘေးအခက်အခဲကြုံတွေ့တိုင်း ပေးလှူကူညီခဲ့ကြသည့် အလှူရှင်များ၊ အမိမြန်မာပြည်နှင့် ကမ္ဘာကြီးငြိမ်းချမ်းရေးအတွက် ဆုတောင်းမေတ္တာများ ပို့သကြသည်။ 

Source: ကြေးမုံသတင်းစာ

MM-News-Category
လူမှုရေးကဏ္ဍသတင်း
လူမှုရေး-ဘာသာ‌ရေး

ဆက်စပ်သတင်းများ

အလွန်အကျွံပြုပြင်ထားသည့်အစာများ စားပါက ငယ်ငယ်ရွယ်ရွယ်ဖြင့် သေဆုံးနိုင်ခြေ မြင့်မားနိုင်
အလွန်အကျွံပြုပြင်ထားသည့်အစာများ စားပါက ငယ်ငယ်ရွယ်ရွယ်ဖြင့် သေဆုံးနိုင်ခြေ မြင့်မားနိုင်
ဘရာဇီးလီးယား  မေ ၁အလွန်အကျွံ ပြုပြင်စီရင်ထားသည့် အစားအစာများကို အစားများပါက အသက်ငယ်ငယ်ရွယ်ရွယ်ဖြင့် သေဆုံးနိုင်ခြေ ပုံမှန်ထက်မြင့်မားလာနိုင်ကြောင်း သုတေသနပညာရှင်များက ဧပြီ ၃၀ ရက်တွင် ပြောကြားသည်။ဘရာဇီး သုတေသနပညာရှင်များ၏ အဆိုအရ အလွန်အကျွံပြုပြင်စီရင်ထားသည့် အစားအစာများကို ၁၀ ရာခိုင်နှုန်းတိုး၍ စားသုံးတိုင်း ငယ်ငယ်ရွယ်ရွယ်ဖြင့် အသက်ဆုံးပါးနိုင်ခြေမှာလည်း ၂ ဒသမ ၇ ရာခိုင်နှုန်း မြင့်တက်လာတတ်ကြောင်း သိရသည်။ဘရာဇီး သုတေသနပညာရှင်များသည် နိုင်ငံပေါင်း ရှစ်နိုင်ငံတို့မှ အသက် ၃၀ နှင့် ၆၉ နှစ်ကြားရှိသူများ၏ နေ့စဉ်စားသောက်ပုံများနှင့် ၎င်းတို့၏ ကျန်းမာရေးအခြေအနေများကို နှိုင်းယှဉ်လေ့လာခဲ့ပြီးနောက် ၎င်းတို့၏ တွေ့ရှိချက်များကို တင်ပြခဲ့ကြခြင်းဖြစ်သည်။အလွန်အကျွံပြုပြင်စီရင်ထားသော အစားအစာများသည် ဆိုးဆေးများ၊ ဓာတုပစ္စည်းများ ထည့်သွင်းအသုံးပြုထားသည့် အစားအစာများဖြစ်ကြပြီး သကြား၊ ပြည့်ဝဆီနှင့် ဆားဓာတ်ပါဝင်မှုမြင့်မားသော အစားအစာများ ဖြစ်ကြကြောင်း သိရသည်။ Source: ရတနာပုံသတင်းစာ
Fri, 2-မေလ-2025
ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းမေတ္တာပို့သ
ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းမေတ္တာပို့သ
ရန်ကုန်   မေ ၁မြန်မာနိုင်ငံခရစ်ယာန်ဂိုဏ်းပေါင်းစုံ ငြိမ်းချမ်းရေးအထောက်အကူပြုဗဟိုကော်မတီက ကြီးမှူးကျင်းသည့် ငလျင်ဒဏ်နှင့် သဘာဝဘေးအန္တရာယ်သင့်ပြည်သူများနှင့် ငြိမ်းချမ်းရေးအတွက် ဆုတောင်းခြင်းအစီအစဉ်ကို ယနေ့မွန်းလွဲပိုင်းက ရန်ကုန်မြို့ ဒဂုံမြို့နယ် အလံပြဘုရားလမ်းရှိ မက်သဒစ် အင်္ဂလိပ်အသင်းတော် ဘုရားရှိခိုးကျောင်း၌ ကျင်းပသည်။ဆုတောင်းခြင်းအစီအစဉ်သို့ မြန်မာနိုင်ငံခရစ်ယာန်ဂိုဏ်းပေါင်းစုံ ငြိမ်းချမ်းရေးအထောက်အကူပြု ဗဟိုကော်မတီအဖွဲ့ခေါင်းဆောင်၊ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်နှင့် အဖွဲ့ဝင် ဒေါက်တာ မောင်မောင်နိုင်၊ ရန်ကုန်တိုင်းဒေသကြီးအစိုးရအဖွဲ့ တိုင်းရင်းသားရေးရာဝန်ကြီး ဦးစောဂျက်ကော့ထူး၊ မြန်မာနိုင်ငံ ခရစ်ယာန်ဂိုဏ်းပေါင်းစုံမှ ခေါင်းဆောင်များ၊ ဘာသာပေါင်းစုံချစ်ကြည်ညီညွတ်ရေးအဖွဲ့ဝင်များ၊ ဖိတ်ကြားထားသူများ တက်ရောက်ကြသည်။အခမ်းအနားတွင် နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်က အမှာစကားပြောကြားသည်။ထို့နောက် အစီအစဉ်အတိုင်း သမ္မာကျမ်းစာဖတ်ကြားခြင်း၊ ဓမ္မဒေသနာရွတ်ဖတ်ခြင်း၊ ဂုဏ်တော်ချီးမွမ်းခြင်းတို့ ဆောင်ရွက်ပြီး ငြိမ်းချမ်းရေးစကားများ ပြောကြားကြသည်။ယင်းနောက် မန္တလေးငလျင်ကြောင့် ငလျင်ဘေးသင့်ပြည်သူများအပါအဝင် ပြည်တွင်း ပြည်ပကူညီကယ်ဆယ်ရေးအဖွဲ့များ၊ စေတနာရှင် အလှူရှင်များ၊ အသင်းတော်အဖွဲ့အစည်း အသီးသီးတွင် ကူညီဆောင်ရွက်ပေးကြသူများ၊ ဆေးအဖွဲ့များ၊ ပြန်လည်ထူထောင်ရေးအတွက် ပါဝင်ကူညီပံ့ပိုးပေးကြသူများ၊ သဘာဝဘေးအခက်အခဲကြုံတွေ့တိုင်း ပေးလှူကူညီခဲ့ကြသည့် အလှူရှင်များ၊ အမိမြန်မာပြည်နှင့် ကမ္ဘာကြီးငြိမ်းချမ်းရေးအတွက် ဆုတောင်းမေတ္တာများ ပို့သကြသည်။ Source: ကြေးမုံသတင်းစာ
Fri, 2-မေလ-2025
မွန်ဂိုလီးယားနိုင်ငံ၌ ဝက်သက်ရောဂါဖြစ်ပွားသူ ၁၀၃၅ ဦးရှိ
မွန်ဂိုလီးယားနိုင်ငံ၌ ဝက်သက်ရောဂါဖြစ်ပွားသူ ၁၀၃၅ ဦးရှိ
အူလန်ဘာတာ   မေ ၁မွန်ဂိုလီးယားနိုင်ငံ၌ လွန်ခဲ့သည့် ၂၄ နာရီအတွင်း ဝက်သက်ရောဂါဖြစ်ပွားသူ ၄၉ ဦးရှိရာ နိုင်ငံတစ်ဝန်း ရောဂါဖြစ်ပွားသူပေါင်း ၁၀၃၅ ဦးရှိကြောင်း နိုင်ငံ၏ အမျိုးသားရောဂါ ကူးစက်ပျံ့နှံ့မှုဆိုင်ရာစင်တာ (အင်န်စီစီဒီ) က မေ ၁ ရက်တွင် ထုတ်ပြန်ထားသည်။ရောဂါကူးစက်ခံရသူ အများစုမှာ ကျောင်းနေအရွယ်ကလေးများဖြစ်ပြီး ၎င်းတို့သည် ဝက်သက်ရောဂါကာကွယ်ဆေး တစ်ကြိမ်သာ ထိုးနှံထားသူများဖြစ်ကြောင်း အဆိုပါ စင်တာက ထုတ်ပြန်ချက်တွင် ပြောကြားသည်။အင်န်စီစီဒီက ဝက်သက်ကာကွယ်ဆေး နှစ်ကြိမ်ထိုးနှံမှုခံယူခြင်းဖြင့် ဖြစ်နိုင်ခြေရှိသည့် ပြင်းထန်ရောဂါများမှ ကလေးများကို ကာကွယ်ရန် မိဘများအား အကြံပြုထားသည်။ဝက်သက်ရောဂါသည် အသက်ရှူလမ်းကြောင်းဆိုင်ရာ အမှုန်အမွှားများနှင့် တိုက်ရိုက်ဆက်သွယ်မှုများမှတစ်ဆင့် ကူးစက်တတ်သော ဗိုင်းရပ်စ်ရောဂါတစ်မျိုးဖြစ်သည်။Source: မြန်မာ့အလင်းသတင်းစာ
Fri, 2-မေလ-2025
စိတ်ကျခြင်းနဲ့စိုးရိမ်ကြောင့်ကြမှုကို အသံလှိုင်းဖြင့်ကုသပေးနိုင်
စိတ်ကျခြင်းနဲ့စိုးရိမ်ကြောင့်ကြမှုကို အသံလှိုင်းဖြင့်ကုသပေးနိုင်
ဦးနှောက်ရဲ့စိတ်ပိုင်းဆိုင်ရာထိန်းချုပ်မှုနေရာကို အဓိကပစ်မှတ်ထားတဲ့ အသံလှိုင်းသုံးကုသနည်းတစ်မျိုးက စိတ်ကျခြင်းနဲ့ စိုးရိမ်ကြောင့်ကြခြင်းတို့လို ရောဂါ လက္ခဏာတွေကို လျော့ပါးသက်သာစေနိုင်တယ်လို့ UT Austin ရဲ့ သုတေသနပြု လေ့လာမှုမှာဖော်ပြထားပါတယ်။လူနာတွေအနေနဲ့ အသံလှိုင်းအသုံးပြုကုသမှုကို သီတင်းပတ်သုံးပတ်ကြာခံယူပြီးတဲ့နောက်မှာ စိတ်ကျန်းမာရေးအရ တိုးတက်မှုများစွာ ရှိလာတာကိုတွေ့ရပါတယ်။ ဒါဟာ စိတ်ပိုင်းဆိုင်ရာကုသမှုအတွက် ရှေ့ပြေးလုပ်ဆောင်ချက်တစ်ခု ဖြစ်လာတယ်လို့ဆိုပါတယ်။သူ့ရဲ့နည်းက ဦးနှောက်အတွင်းပိုင်းရှိ နေရာကို အသံလှိုင်းထုတ်လွှတ်ပြီး လှုံ့ဆော်ပေးတာမျိုးဖြစ်ပါတယ်။Ref: STDK.HSource: https://myawady.net.mm/
Thu, 1-မေလ-2025
မြင်လွှာကြောပါးလွှာမှုပြဿနာကြောင့် ငယ်ငယ်ရွယ်ရွယ်နှင့် Dementia ဖြစ်ပွားနိုင်
မြင်လွှာကြောပါးလွှာမှုပြဿနာကြောင့် ငယ်ငယ်ရွယ်ရွယ်နှင့် Dementia ဖြစ်ပွားနိုင်
ဝယ်လင်တန်   ဧပြီ ၂၉အမြင်အာရုံဝေဝါးမှုနှင့် အစက်အပြောက်များ တွေ့မြင်ရမှုသည် ဦးနှောက်စွမ်းဆောင်ရည် ထိခိုက်ပျက်စီးမှုရောဂါ (Dementia) ငယ်ငယ်ရွယ်ရွယ်နှင့် ဖြစ်ပွားနိုင်ကြောင်း ဧပြီ ၂၈ ရက် သတင်းများအရ သိရသည်။နယူးဇီလန် သုတေသနပညာရှင်များ၏ အဆိုအရ မျက်လုံး၏ နောက်ဘက်ပိုင်းရှိ အလင်းအာရုံခံတစ်ရှူးလွှာများ ပုံမှန်မဟုတ်ဘဲ ပါးလွှာနေသူများတွင် အသက် ၆၀။ ၅၀ နှင့် ၄၀ ခန့်မှာပင် Dementia ရောဂါ ဖြစ်ပွားနိုင်ခြေ မြင့်တက်လာနိုင်ကြောင်း သိရသည်။ဆေးပညာလောက၌ မျက်လုံးမြင်လွှာကြော ပါးလွှာမှုပြဿနာအဖြစ်လည်း လူသိများသည့် အထက်ပါအမြင်အာရုံပြဿနာကြောင့် အမြင်အာရုံဝေဝါးခြင်း၊ အစက်အပြောက်များတွေ့ရခြင်း စသည့် ပြဿနာများ ပေါ်ထွက်လာနိုင်ကြောင်း သိရသည်။မိမိတို့၏ လေ့လာတွေ့ရှိချက်အရ မြင်လွှာကြောပါးလွှာမှုပြဿနာရှိနေသူများ၌ အသက်ငယ်ငယ်ရွယ်ရွယ်နှင့် Dememtia ရောဂါဖြစ်ပွားနိုင်ခြေ မြင့်မားနေတတ်သည်ကိုတွေ့ရကြောင်း နယူးဇီလန် သုတေသနပညာရှင်များက ပြောကြားသည်။ထို့ပြင် မျက်လုံးအတွင်းရှိ သွေးကြောများပုံမှန်ထက် ကျဉ်းမြောင်းသူ၊ ပုံမှန်ထက်ကျယ်နေသူများတွင်လည်း ငယ်ငယ်ရွယ်ရွယ်နှင့် Dementia ဖြစ်နိုင်ခြေ မြင့်တက်နေကြောင်း သိရသည်။Source: ရတနာပုံသတင်းစာ
Wed, 30-Apr-2025
ပုပ်ရဟန်းမင်းကြီးသစ် ရွေးချယ်ပွဲကို မေ ၇ ရက်တွင် စတင်မည်ဖြစ်ပြီး ထိုပွဲအတွက် ကမ္ဘာတစ်ဝန်းမှ ကာဒီနယ်ဘုန်းတော်ကြီး ၁၃၅ ဦး တွေ့ကြမည်
ပုပ်ရဟန်းမင်းကြီးသစ် ရွေးချယ်ပွဲကို မေ ၇ ရက်တွင် စတင်မည်ဖြစ်ပြီး ထိုပွဲအတွက် ကမ္ဘာတစ်ဝန်းမှ ကာဒီနယ်ဘုန်းတော်ကြီး ၁၃၅ ဦး တွေ့ကြမည်
Conclave ဟုခေါ်သည့် ပုပ်ရဟန်းမင်းကြီးသစ်ရွေးချယ်ပွဲကို မေလ ၇ ရက် တွင် စတင်တော့မည်ဟု ဗာတီကန်နန်းတော်က ထုတ်ပြန်ကြေညာထားသည်။ဝတ်ပြုရာ Sistine Chapel အတွင်း တံခါးပိတ်ပြုလုပ်မည့် အစည်းအဝေးဖြစ်ပြီး ကမ္ဘာတစ်ဝန်းမှ ကာဒီနယ်ဘုန်းတော်ကြီး ၁၃၅ ဦး ပါဝင်ကြမည်ဖြစ်သည်။ တနင်္လာနေ့ (ဧပြီ ၂၁ ရက်) တွင် ပုပ်ရဟန်းမင်းကြီး ဖရန်စစ် ကွယ်လွန်ပြီးနောက် ၎င်း၏ ဈာပနကို ဧပြီ ၂၆ ရက်တွင် ကျင်းပခဲ့ပြီးဖြစ်ကာ ပုပ်ရဟန်းမင်းကြီးရွေးချယ်ပွဲစမည့်နေ့ သတ်မှတ်လိုက်ခြင်းဖြစ်သည်။Conclave က မည်မျှကြာမည်ဆိုသည့် အချိန်သတ်မှတ်ချက်မရှိပေ။ ၂၀၀၅ ခုနှစ်နှင့် ၂၀၁၃ ခုနှစ်တို့တွင် ကျင်းပခဲ့သည့် ယခင်ပုပ်ရဟန်းမင်းကြီး ရွေးချယ်ပွဲက နှစ်ရက်သာ ကြာခဲ့သည်။ အလွန်လျှို့ဝှက်သည့် ရွေးချယ်ပွဲဖြစ်ပြီး ဘုရားရှိခိုးကျောင်းမီးခိုးခေါင်းတိုင်မှ အဖြူရောင် မီးခိုးထွက်လာပါက ပုပ်ရဟန်းမင်းကြီးသစ်ပေါ်ထွက်ပြီဟု အဓိပ္ပာယ်ရပြီး အမဲရောင် မီးခိုးထွက်နေပါက ပုပ်ရဟန်းမင်းကြီးသစ် မပေါ်သေးဆိုသည့် အဓိပ္ပာယ်ကို ဆောင်သည်။ဗာတီကန်နန်းတော်ပြောခွင့်ရှိသူအဆိုအရ ကာဒီနယ်များက စိန့်ပီတာစ် ဘုရားရှိခိုးကျောင်းတွင် စုစည်းပြီးသည့်အခါ မဲပေးရန်အခွင့်ရှိသူများက Sistine Chapelတွင် စုဝေးကြရမည်။ယင်းသို့စုဝေးပြီးသည်နှင့် ကာဒီနယ်များသည် ပုပ်ရဟန်းမင်းကြီးသစ် မထွက်ပေါ်မချင်း ပြင်ပလောကနှင့် အဆက်အသွယ်လုပ်ခွင့်မရှိပေ။ ပုပ်ရဟန်းမင်းကြီးသစ်ဖြစ်လာမည့်သူက မဲအရေအတွက်၏ သုံးပုံနှစ်ပုံကို ရရန်လိုသည်။ကာဒီနယ်တစ်ဦးစီက လက်တင်ဘာသာဖြင့်ရေးထားသည့် ကတ်ပြားပေါ်တွင် ၎င်းတို့ရွေးထားသည့်နာမည်ကို ဖြည့်ထည့်ရမည်။ အကယ်၍ ရွေးချယ်ပွဲသုံးရက်ကြာပြီးသည့်အထိ အဖြေမရသေးပါက တစ်ရက်ရပ် နားခွင့်ရှိသည်။ Sistine Chapel အပြင်ဘက်တွင်မူ မီးခိုးခေါင်းတိုင်မှ ထွက်လာမည့် မီးခိုးအရောင်ကို တစ်ကမ္ဘာလုံးက စောင့်ကြည့်နေကြမည် ဖြစ်သည်။ကိုးကား- AFP
Tue, 29-Apr-2025
© Copyright 2024 SAC All Rights Reserved.