ဂျပန်နိုင်ငံ၌ ဆန်ဈေးနှုန်းများ စံချိန်တင်မြင့်တက် ၊ ယမန်နှစ်ကထက် ၉၈ ရာခိုင်နှုန်းရှိလာ

sacadmin

News Image

  • ဂျပန်နိုင်ငံ၌ ဆန်ဈေးနှုန်းများ စံချိန်တင်မြင့်တက် ၊ ယမန်နှစ်ကထက် ၉၈ ရာခိုင်နှုန်းရှိလာ

ဂျပန်နိုင်ငံ၌ ဆန်ဈေးနှုန်းများမြင့်တက်မှုသည် စံချိန်တင်လာပြီး ယမန်နှစ်က ထက် ၉၈ ရာခိုင်နှုန်း မြင့်တက်လာခြင်းဖြစ်ကြောင်း အစိုးရ၏ မေလ ၂၃ ရက်ထုတ်ပြန်ချက်တွင် ဖော်ပြထားသည်။

ယခုကဲ့သို့ဆန်ဈေးနှုန်းများမြင့်တက်လာခြင်းသည် လပေါင်းများစွာကြာမြင့်နေပြီဖြစ်ပြီး ယင်းကိစ္စက ဂျပန်ဝန်ကြီးချုပ် ရှီဂဲရူအီရှီဘာ၏ အစိုးရအဖွဲ့အတွက် ခေါင်းခဲစရာ ကိစ္စတစ်ခုဖြစ်လာသည်။

ဂျပန်နိုင်ငံ၏ယဉ်ကျေးမှုတွင် ရာစုနှစ်ပေါင်းများစွာကြာ အရိုးစွဲနေသည့် ဆန်၏ဈေးနှုန်းများစံချိန်တင် မြင့်တက်ရခြင်းမှာ ဆန်ရှားပါးလာမှုကြောင့်ဖြစ်ကြောင်း လေ့လာသူများက ပြောသည်။

အလားတူ ၂၀၂၃ ခုနှစ်တွင် အပူချိန်မြင့်တက်မှု၊ ၂၀၂၄ ခုနှစ်တွင် ဝယ်လိုအားများ ပြားလာမှု၊   အမှန်တကယ်ဖြစ်ပေါ်လာခြင်းမရှိသည့် ငလျင်ကြီးဖြစ်ပေါ်လာမည်ဟူသော  ကောလာဟလကြောင့် ကြောက်လန့်တကြား ဝယ်ယူမှုစသည့် အကြောင်းရင်းများကြောင့်လည်း ဆန်ဈေးနှုန်းများ မြင့်တက်လာခြင်းဖြစ်သည်။

ပြီးခဲ့သည့်နှစ်များစွာအတွင်း ပြည်သူများအနေဖြင့် ဆန်ကိုစားသုံးမှုနည်းပါးသည့်အတွက် အစိုးရကလည်း လယ်မြေများတွင် စပါးကိုစိုက်ပျိုးမည့်အစား အခြား ကောက်ပဲသီးနှံများကို  ပိုမိုစိုက်ပျိုးရန် မူဝါဒချမှတ်ခဲ့သလို တစ်ချိန်တည်းမှာပင် ဂျပန်နိုင်ငံ၌ သက်ကြီးရွယ်အိုများပြားလာမှုနှင့်အတူ တောင်သူအများစုမှာ အသက်အရွယ်ကြီးရင့်လာသည့်အပြင် ၎င်းတို့၏ မျိုးဆက်များက လယ်ယာစိုက်ပျိုးရေးကို လုပ်ဆောင်လိုခြင်း မရှိမှုတို့ကြောင့် ဂျပန်နိုင်ငံအတွင်း ဆန်စပါးထွက်ရှိမှုနည်းပါးလာခြင်းဖြစ်သည်။ ထို့အတူ ၁၉၆၁ ခုနှစ် တွင် စပါးစိုက်ပျိုးဧရိယာ ဟက်တာပေါင်း ၃ ဒသမ ၄ သန်းရှိရာမှ ၂၀၂၄ ခုနှစ်တွင် ဟက်တာ ၂ ဒသမ ၃ သန်းအထိ ကျဆင်းလာကြောင်း သိရသည်။

Source: Myawady Web Portal

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ရုရှားအပါအဝင် အခြားနိုင်ငံများနှင့် ကုန်သွယ်ရေးပိုမိုတိုးမြှင့်ရန် ကြိုးပမ်းလာသည့်အိန္ဒိယ
ရုရှားအပါအဝင် အခြားနိုင်ငံများနှင့် ကုန်သွယ်ရေးပိုမိုတိုးမြှင့်ရန် ကြိုးပမ်းလာသည့်အိန္ဒိယ
အာရှအင်အားကြီးနိုင်ငံတစ်နိုင်ငံဖြစ်လာသည့် အိန္ဒိယနိုင်ငံသည် ၂၀၂၄ ခုနှစ်တွင် ရုရှားနိုင်ငံအပါအဝင်  ကမ္ဘာ့နိုင်ငံအများအပြားနှင့် လွတ်လပ်စွာ ကုန်သွယ်ရေး သဘောတူညီချက်များ တိုးမြှင့်ချုပ်ဆိုရန် စီစဉ်လျက်ရှိသည်။အိန္ဒိယနိုင်ငံသည် ၎င်းတို့၏ အလျင်အမြန်ကြီးထွားလာသည့် ဈေးကွက်ကို ချဲ့ထွင်ရန်အတွက် ရုရှားအပါအဝင် အခြားနိုင်ငံများနှင့်  လွတ်လပ်စွာကုန်သွယ်ရေး သဘောတူညီချက်များချမှတ်ရန် ကြိုးပမ်းလာခြင်းဖြစ်ကြောင်း တစ်ကမ္ဘာလုံးဆိုင်ရာ ကုန်သွယ်မှုလေ့လာရေးအဖွဲ့ကြီး (GTRI) က ထုတ်ပြန်သည့် အစီရင်ခံစာတွင်ဖော်ပြထားသည်။လက်ရှိတွင် အိန္ဒ္ဒိယနှင့် ဗြိတိန်၊ အမေရိကန်၊ အီးယူ၊ ဆွစ်ဇာလန်၊ နော်ဝေနှင့် ရုရှား ဦးဆောင်သည့် ယူရေရှားစီးပွားရေးသမဂ္ဂအဖွဲ့တို့နှင့်   စေ့စပ်ညှိနှိုင်းမှုများ လုပ်ဆောင်လျက်ရှိပြီး ယင်းနိုင်ငံများနှင့် စေ့စပ်ညှိနှိုင်းမှုများကို အိန္ဒိယနိုင်ငံအနေဖြင့် ယခုနှစ်ကုန်ခန့်တွင် အပြီးသတ်လုပ်ဆောင်နိုင်မည့် အလားအလာ ရှိကြောင်း အိန္ဒိယ နိုင်ငံ၏ ၂၀၂၄ ခုနှစ်၊ လွတ်လပ်စွာကုန်သွယ်ရေးသဘောတူညီချက်ဆိုင်ရာအစီရင်ခံစာ ဟု အမည်ပေးထားသည့် အစီရင်ခံစာ၌ ဖော်ပြထားသည်။နိုင်ငံအများအပြားသည် အိန္ဒိယနိုင်ငံနှင့် ကုန်သွယ်ရေးသဘောတူညီချက်များ ချမှတ်ရန် လိုလားလျက်ရှိသော်လည်း   အိန္ဒိယနိုင်ငံ၏ ဈေးကွက်အတွင်းသို့ ဝင်ရောက်ရာတွင် ကြုံတွေ့ရသည့် အခွန်ကောက်ခံမှု ကြီးမြင့်မှုကြောင့် အခက်အခဲ၊ စိန်ခေါ်မှုများနှင့် ရင်ဆိုင်ရလျက်ရှိသည်။ ထို့ကြောင့် အိန္ဒိယနိုင်ငံနှင့် လွတ်လပ်စွာကုန်သွယ်ရေးသဘောတူညီချက်များ ချမှတ်နိုင်ခြင်းအားဖြင့် ယင်းနိုင်ငံများက ကုန်သွယ်မှုများ လုပ်ဆောင်ရာ၌ ကြီးမားသည့်အခွန်အခများ ပေးဆောင်ရန်   လိုအပ်မည်မဟုတ်ကြောင်း GTRI ၏ အစီရင်ခံစာတွင် ဆက်လက်ဖော်ပြထားသည်။အိန္ဒိယနိုင်ငံသည် လက်ရှိတွင် နိုင်ငံပေါင်း ၂၂ နိုင်ငံနှင့် လွတ်လပ်စွာကုန်သွယ်ရေး သဘောတူညီချက်များ ချမှတ်ထားပြီး မကြာမီကာလတွင် အခြားနိုင်ငံများနှင့် လွတ်လပ်စွာကုန်သွယ်ရေး သဘောတူညီချက်များ ထပ်မံတိုးမြှင့်ချုပ်ဆိုနိုင်ပါက လွတ်လပ်စွာကုန်သွယ်ရေး သဘောတူညီချက်ချမှတ်သည့် နိုင်ငံအရေအတွက်မှာ ၇၁ နိုင်ငံအထိ မြင့်တက်လာနိုင်မည်ဖြစ်သည်။ထို့ပြင် အဆိုပါနိုင်ငံများသို့ တင်ပို့နိုင်မည့် အိန္ဒိယနိုင်ငံ၏ ပို့ကုန်တန်ဖိုးမှာလည်း ဒေါ်လာ ၃၃၇ ဘီလီယံအထိမြင့်တက်လာနိုင်မည်ဖြစ်သည်။ ယင်းပမာဏသည် အိန္ဒိယအစိုးရအတွက် ရှာဖွေပေးနေသည့် ဘဏ္ဍာငွေစုစုပေါင်း၏ ၇၄ ဒသမ ၇ ရာခိုင်နှုန်းရှိသည်။ထို့ကြောင့်   အိန္ဒိယနိုင်ငံအနေဖြင့် ကမ္ဘာ့ဈေးကွက်သို့တင်ပို့မည့်  နိုင်ငံထုတ်ကုန်များ၏ အရည်အသွေးကို တိုးမြှင့်နိုင်ရန် အဓိကလုပ်ဆောင်ပြီး ပြည်တွင်းဈေးကွက်ကိုလည်း   ထိခိုက်ခြင်းမရှိစေရန်အတွက် မဟာဗျူဟာမြောက်စွာ စီစဉ်လုပ်ဆောင်ရန် လိုအပ်လျက်ရှိကြောင်း အစီရင်ခံစာတွင် ဆက်လက် ဖော်ပြထားသည်။အိန္ဒိယနိုင်ငံသည် လက်ရှိတွင် ဗြိတိန်၊ အိုမန်နှင့် အီးယူတို့နှင့် လွတ်လပ်စွာကုန်သွယ်ရေးသဘောတူညီချက်များကို အပြီးသတ် ချမှတ်နိုင်ရေးအတွက် ဆွေးနွေးလျက်ရှိသည်။ ထို့ပြင် အိန္ဒိယနိုင်ငံသည် ကနေဒါနိုင်ငံနှင့်လည်း ကုန်သွယ်ရေး ကဏ္ဍတွင် ပူးပေါင်းဆောင်ရွက်ရန် ကြိုးပမ်းလျက်ရှိသည်။ သို့ရာတွင် အိန္ဒိယနှင့် ကနေဒါ နိုင်ငံတို့ကြား တင်းမာမှုများကြောင့် အိန္ဒိယ-ကနေဒါ လွတ်လပ်စွာ ကုန်သွယ်ရေးသဘော တူညီချက် ချမှတ်ရေး  ဆွေးနွေးမှုအား လက်ရှိတွင်ဆိုင်းငံ့ထားသည်။တစ်ချိန်တည်းမှာပင်   အိန္ဒိယအစိုးရသည် ရုရှား၊ ကာဇက်စတန်၊ ကာဂျစ္စတန်၊ ဘီလာရုဇ်တို့နှင့် လွတ်လပ်စွာကုန်သွယ်ရေးသဘောတူညီချက်များချမှတ်နိုင်ရေး အတွက် လိုအပ်သည့်စေ့စပ်ဆွေးနွေးမှုများကို ယခုလအတွင်း ပြန်လည်စတင်ရန် စီစဉ်လျက်ရှိရာ မကြာမီကာလအတွင်း အိန္ဒိယအနေဖြင့် ၎င်းတို့ထုတ်လုပ်ထားသည့် ထုတ်ကုန်များကို ရုရှားအပါအဝင် အခြားနိုင်ငံအများအပြားတင်ပို့နိုင်မည့် အလားအလာရှိနေသည်။အိန္ဒိယနိုင်ငံ၏ စီးပွားရေးတိုးတက်မှုနှုန်းသည် ၂၀၂၃   ခုနှစ်အတွင်း ၅ ဒသမ ၈ ရာခိုင်နှုန်း တိုးတက်လာခဲ့ပြီး ယခု ၂၀၂၄ ခုနှစ်တွင် ၆ ဒသမ ၇ ရာခိုင်နှုန်းအထိမြင့်တက်လာဖွယ်ရှိကြောင်း ခန့်မှန်းထားသည်။               Ref: BS, RtnewsMWD Web Portal
Thu, 19-Jun-2025
ကျောက်ဆည်ခရိုင်၌ ကီလိုမာလကာသီးကို စီးပွားဖြစ်စိုက်ပျိုး
ကျောက်ဆည်ခရိုင်၌ ကီလိုမာလကာသီးကို စီးပွားဖြစ်စိုက်ပျိုး
မန္တလေးတိုင်းဒေသကြီး ကျောက်ဆည်ခရိုင်အတွင်းရှိ ကျေးရွာများသည် လယ်ယာစိုက်ပျိုးရေး လုပ်ငန်းကို လုပ်ကိုင်ကြပြီး သီးနှံမျိုးစုံကို ရာသီမရွေးစိုက်ပျိုးလျက်ရှိရာ ဈေးကွက်ဝယ်လိုအားကောင်းသည့် ဥယျာဉ်ခြံ မြေသီးနှံတစ်မျိုးဖြစ်သော မာလကာသီးများကိုလည်း မိသားစု အပိုဝင်ငွေ ရရှိရန်အတွက် တစ်နိုင်တစ်ပိုင်စိုက်ပျိုးရာမှ စီးပွားဖြစ်စိုက်ပျိုး ကြကြောင်း သိရသည်။အစိုဓာတ်ကောင်းမွန်သည့် မိုးဦးကျကာလများတွင် ယာမြေများ၌ မာလကာကိုင်းကူးမျိုးများကို စိုက်ပျိုးကြကြောင်း၊ ကီလိုမာလကာ မျိုးများကို ပင်ခြားတန်းခြား ၁၅-၁၆ ပေ အကွာဖြင့် တစ်ဧကလျှင် ကီလိုမာလကာပင် ၃၅၀ ခန့် ဝင်ဆံ့စိုက်ပျိုးနိုင်ကြောင်း၊ မျိုး၊ သွင်းအားစု၊ လုပ်သားခအပါအဝင် တစ်ဧကလျှင် စုစုပေါင်း ငွေကျပ် ၅၅ သိန်းခန့် ကုန်ကျကြောင်း၊ စိုက်ပျိုးပြီး နှစ်နှစ်ခန့်အကြာတွင် အသီးများ စတင် ခူးဆွတ်ရောင်းချနိုင်ပြီး နွေရာသီတွင် ရေလောင်း၊ ရေသွင်းခြင်းဖြင့် အပင်များကို ပြုစုပေးပါက ကီလိုမာလကာသီးများကို တစ်နှစ်ပတ်လုံး ခူးဆွတ်ရရှိနိုင်ကြောင်း၊ မြေအနေအထားနှင့် အပင်ဖြစ်ထွန်းအောင်မြင် မှုအပေါ်မူတည်၍ တစ်နှစ်လျှင် ကီလိုမာလကာ တစ်ပင်လျှင် ပျမ်းမျှ အလုံးရေ ၁၅၀ - ၂၀၀ ခန့်ထွက်ရှိရာ တစ်ဧကပျမ်းမျှအလုံးရေ ၅၂၅၀၀ ခန့်ထွက်ရှိကြောင်း၊ ဈေးကွက်အနေဖြင့် ကျောက်ဆည်မြို့ပေါ်ရှိဈေးများနှင့် ရွှေသိမ်တော်ဘုရားရှိ သစ်သီးဆိုင်များသို့ တင်ပို့ရောင်းချ ကြကာ အကျိုးအမြတ်များ ရရှိလျက်ရှိကြောင်း ကီလိုမာလကာသီး စိုက်တောင်သူတစ်ဦးထံမှ သိရသည်။DOCA (မန္တလေး)Source: Myanmar Digital News
Wed, 18-Jun-2025
ကြက်ဟင်းခါးသီး စိုက်ပျိုး ဝင်ငွေတိုး
ကြက်ဟင်းခါးသီး စိုက်ပျိုး ဝင်ငွေတိုး
မန္တလေးတိုင်းဒေသကြီး ကျောက်ဆည်ခရိုင်အတွင်းရှိ ကျေးရွာများသည် လယ်ယာစိုက်ပျိုးရေးလုပ်ငန်းကို လုပ်ကိုင်ကြပြီး စပါး၊ ပဲ၊ ပြောင်း၊ နှမ်း၊ ငရုတ်စသည့် ၊ သီးနှံမျိုးစုံ စိုက်ပျိုးကြသည့်အပြင် ကြက်ဟင်းခါးသီးနှံကိုလည်း တစ်နိုင်တစ်ပိုင်စိုက်ပျိုးကြရာမှ စီးပွားဖြစ်စိုက်ပျိုးလာကြကြောင်း သိရသည်။ကြက်ဟင်းခါးသီးကို ရာသီမရွေးစိုက်ပျိုးနိုင်၍ စိုက်ပျိုးပြီး သုံးလခန့်အကြာတွင် ခူးဆွတ် ရောင်းချ ရကြောင်း၊ ဗိုလ် တစ်ထောင် ကြက်ဟင်းခါးမျိုးများကို စိုက်ပျိုးရာတွင် မျိုးစေ့ကို ပျိုးထောင်၍ ပျိုးပင် ၂၀ ရက် သားခန့်အရွယ်တွင် မြေချစိုက်ပျိုး ရကြောင်း၊ မျိုး၊ မြေပြင်ခြင်း၊ သွင်းအားစု၊ လုပ်သားခ အပါအဝင် တစ်ဧကလျှင် စုစုပေါင်းငွေကျပ် ရှစ်သိန်းခန့် ကုန်ကျကြောင်း၊ ကြက်ဟင်းခါးသီးကို ငါးရက် ခြားတစ်ကြိမ် ခူးဆွတ်ရပြီး အပင်သက်တမ်း ငါးလခန့်အထိခူးဆွတ်နိုင်ကြောင်း၊ တစ်ပတ်နှင့် တစ်ပတ် အထွက်နှုန်းများ ပိုမိုထွက်ရှိလာပြီး တစ်ဧကလျှင် စုစုပေါင်းပိဿာချိန် ၁၅၀၀ ခန့် ထွက်ရှိကြောင်း၊ ဈေးကွက်အနေ ဖြင့် ကုန်စိမ်းပွဲစားများက စိုက်ခင်း သို့ လာရောက်ဝယ်ယူကြပြီး ပွဲစားများမှတစ်ဆင့် ကျောက်ဆည်၊ မန္တလေးနှင့် ရန်ကုန်မြို့များသို့ တင်ပို့ရောင်းချကြကြောင်း၊ ကြက်ဟင်းခါးသီး စိုက်ပျိုး ခြင်းဖြင့် အကျိုးအမြတ်များရရှိကာ အဆင်ပြေလျက်ရှိကြောင်း တောင်သူတစ်ဦးထံမှ သိရသည်။DOCA (မန္တလေး)Source: Myanmar Digital News
Wed, 18-Jun-2025
ထိုင်းနိုင်ငံမှ အမေရိကန်နိုင်ငံသို့ ကုန်သွယ်မှု အဆိုပြုချက် ယခုရက် သတ္တပတ်အတွင်း တင်ပြရန်ရှိသည်ဟု ဘဏ္ဍာရေးဝန်ကြီး ပြောကြား
ထိုင်းနိုင်ငံမှ အမေရိကန်နိုင်ငံသို့ ကုန်သွယ်မှု အဆိုပြုချက် ယခုရက် သတ္တပတ်အတွင်း တင်ပြရန်ရှိသည်ဟု ဘဏ္ဍာရေးဝန်ကြီး ပြောကြား
ထိုင်းနိုင်ငံ၏ တရားဝင်ကုန်သွယ်မှု အဆိုပြုချက်ကို အမေရိကန်နိုင်ငံသို့ ယခုရက်သတ္တပတ်အတွင်း ပေးပို့တင်ပြရန်ရှိပြီး၊ အမေရိကန်နိုင်ငံ၏ အကောက်အခွန်နှုန်းထားများ မြင့်တက်နေသည့် ခြိမ်းခြောက်မှုမှ ကင်းဝေးစေရန် ပထမအကျော့ ဆွေးနွေးပွဲကို Online မှ တစ်ဆင့် ပြုလုပ်မည် ဖြစ်ကြောင်း၊ ထိုင်းနိုင်ငံဘဏ္ဍာရေးဝန်ကြီးက အင်္ဂါနေ့ (ဇွန် ၁၇)က ပြောကြားလိုက်ပါကြောင်း ဘန်ကောက်အခြေစိုက် ရိုက်တာသတင်းဌာနက ဖော်ပြလိုက်ပါသည်။ အရှေ့တောင်အာရှနိုင်ငံများ၏ ပို့ကုန်အပေါ် အကောက်အခွန် ၃၆ ရာခိုင်နှုန်း အမေရိကန်က ကောက်ခံလျက်ရှိပြီး၊ အဆိုပါနှုန်းထား ကို လျှော့ချလိုလျှင်  သမ္မတထရမ့်၏ “အပြန်အလှန်” အခွန်စည်းကြပ်မှု ရပ်နားထားသည့်  ရက် ၉၀ သက်တမ်းကုန်သည့် ဇူလိုင်လ မတိုင်မီ တင်ပြရမည်ဖြစ်ပါသည်။အမေရိကန်ပြည်ထောင်စုနှင့် တရားဝင်ကုန်သွယ်မှုဆိုင်ရာ ဆွေးနွေးပွဲကို ယခုရက်သတ္တပတ်အတွင်း ကျင်းပပြုလုပ်မည်ဖြစ်ပြီး၊  နည်းပညာဆိုင်ရာ အရာထမ်းများအဆင့် ဆွေးနွေးပွဲများကျင်းပမည်ဖြစ် ကြောင်း ဘဏ္ဍာရေးဝန်ကြီး Pichai Chunhavjira က သတင်းထောက်များကို ပြောကြားလိုက် ပါသည်။  “ယခုရက်သတ္တပတ် ဆွေးနွေးမှုများပြီးသည်နှင့် နောက်ဆုံးတရားဝင် အဆိုပြုချက်များကို တင်ပြ သွားရန်ရှိပါသည်၊ ပြီးလျှင် အမေရိကန်နှင့် ပထမအကျော့ ဆွေးနွေးပွဲကို Online ကနေ ကျင်းပမည် ဖြစ်ပါသည်”ဟု ၎င်းက ပြောကြားခဲ့သော်လည်း နေ့ရက်အတိအကျ ပြောကြားခဲ့ခြင်းမရှိပါ။ကနဦး ဆွေးနွေးပွဲအပြီး လူချင်းတွေ့ဆုံဆွေးနွေးပွဲများ ဖြစ်လာနိုင်မည့် အလားအလာ တစ်ခုခု ရှိလာမည် ဖြစ်ကြောင်း၊ တင်ပြသည့် အဆိုပြုချက်တွင် ယခင်ထုတ်ပြန်ထားပြီဖြစ်သည့် အရေးပါသည့် စံနှုန်းများနှင့် အညီတင်ပြခြင်းဖြစ်ကြောင်း  Pichai က ပြောကြားပါသည်။ ကုန်သွယ်ရေးမညီမျှမှုကို ဖြေရှင်းရန်နှင့် အမေရိကန်ပို့ကုန်များအတွက် ဈေးကွက်ရရှိမှု တိုးမြှင့်ရန်နှင့် ထိုင်းနိုင်ငံ၏ ရင်းနှီး မြှုပ်နှံမှုမှ တစ်ဆင့် အမေရိကန်၌ အလုပ်အကိုင်အခွင့် အလန်းများရရှိစေရန်စသည့် ရည်ရွယ်ချက် များဖြင့်  ဝါရှင်တန်သို့ အဆိုပြုတင်ပြသွားမှာဖြစ်ပါကြောင်း Pichai က ပြောပါသည်။ အခွန်နှုန်းထား ၁၀ ရာခိုင်နှုန်းအောက်၌သာ ထားရှိရေးအတွက် နှစ်နိုင်ငံလုံးက သဘောတူနိုင်ကြောင်း တနင်္လာနေ့ (ဇွန် ၁၆) က ကူးသန်းရောင်းဝယ်ရေးဝန်ကြီးက ပြောကြားပါသည်။ ယမန်နှစ်က အမေရိကန် ပြည်ထောင်စုသည် ထိုင်းနိုင်ငံ၏ အကြီးမားဆုံးသော ပို့ကုန်ဈေးကွက်ကြီးဖြစ်ခဲ့ပြီး တင်ပို့မှု ပမာဏ စုစုပေါင်း၏ ၁၈.၃ ရာခိုင်နှုန်း၊ အမေရိကန်ဒေါ်လာ ၅၅ ဘီလီယံဖိုးအထိ ရှိခဲ့ပါသည်။ ဝါရှင်တန်က ထိုင်းနိုင်ငံနှင့် ကုန်သွယ်မှုလိုငွေ အမေရိကန်ဒေါ်လာ ၄၅.၆ ဘီလီယံရှိခဲ့ပါသည်။နှေးကွေးနေသော စီးပွားရေးအခြေအနေကို အထောက်အကူပြုရန်အတွက် ဘတ် ၁၅၇ ဘီလီယံ (အမေရိကန်ဒေါ်လာ၄.၈ ဘီလီ) တန်ဖိုးရှိ စီးပွားရေး တိုးတက်မှုစေရေး စီမံကိန်းအစည်းအဝေး တစ်ရပ်ကို ဗုဒ္ဓဟူးနေ့ (ဇွန် ၁၈)တွင် ကျင်းပရန်ရှိပြီး အမေရိကန်၏ အကောက်အခွန်နှုန်းထား၏ ရိုက်ခတ်မှုကြောင့် ယခုနှစ်တွင် တိုးတက်မှု ၁ ရာခိုင်နှုန်းအထက်သာ ရှိနိုင်မည်ဖြစ်သည်။ Pichai က လျှောက်ထားသည့် ကိုယ်စားလှယ်လောင်းများအနက်မှ ရွေးချယ်တင်မြှောက်ရေးကော်မတီ၏ ဆုံးဖြတ်ချက်အရ နောက်တက်လာမည့် မည်သည့် ဗဟိုဘဏ် ဥက္ကဋ္ဌနှင့်မဆို ပွင့်ပွင့်လင်းလင်း ဆောင်ရွက်သွားမှာဖြစ်ကြောင်း၊ ၎င်းအနေဖြင့် ဗဟိုဘဏ်နှင့် ကဏ္ဍများစွာမှာ နီးနီးကပ်ကပ် ပူးပေါင်း ဆောင်ရွက်လျက် ရှိပါကြောင်း ပြောကြားပါသည်။ကိုးကား - Reutersဘာသာပြန်ဆိုသူ - ဦးခိုင်ထွဋ်လှ
Tue, 17-Jun-2025
ပထမဆုံး လွတ်လပ်သော ကုန်သွယ်ရေးဇုန် ထူထောင်ရန် ဗီယက်နမ် အစိုးရ အတည်ပြု
ပထမဆုံး လွတ်လပ်သော ကုန်သွယ်ရေးဇုန် ထူထောင်ရန် ဗီယက်နမ် အစိုးရ အတည်ပြု
ဗီယက်နမ်အစိုးရက ၎င်းနိုင်ငံအလယ်ပိုင်းရှိ ဗဟိုမှ တိုက်ရိုက် အုပ်ချုပ်သော မြို့ ဒါနန်း (Da Nang) မြို့တွင် ဗီယက်နမ်၏ ပထမဆုံး လွတ်လပ်သော ကုန်သွယ်ရေးဇုန် ထူထောင်ရန် ဇွန် ၁၃ ရက်က အတည်ပြုခဲ့ကြောင်း ဗီယက်နမ်မီဒီယာ၏ ဇွန် ၁၆ ရက် သတင်းဖော်ပြမှုအရ သိရသည်။ ဒါနန်း လွတ်လပ်သော ကုန်သွယ်ရေးဇုန်ဧရိယာသည် ၁,၈၈၁ ဟက်တာရှိပြီး ထုတ်လုပ်ရေး၊ ထောက်ပံ့ရေးနှင့် သယ်ယူပို့ဆောင်ရေး၊ ကုန်သွယ်ရေး ဝန်ဆောင်မှု၊ ဒစ်ဂျစ်တယ်ထုတ်ကုန်လုပ်ငန်း၊ အချက်အလက် နည်းပညာ စသည့် စွမ်းဆောင်မှုဧရိယာအများအပြားရှိကြောင်း၊ ဒါနန်းအဆင့်မြင့်နည်းပညာဥယျာဉ်နှင့် စက်မှုလုပ်ငန်းဇုန်အသီးသီး စီမံခန့်ခွဲရေးကော်မတီအား အမျိုးသား စီမံခန့်ခွဲမှုတာဝန် တိုက်ရိုက်ထမ်းဆောင်သော အဖွဲ့အစည်းများအဖြစ် သတ်မှတ်ထားကြောင်း သတင်းဖော်ပြမှုအရ သိရသည်။ဗီယက်နမ်နိုင်ငံ ၁၅ ကြိမ်မြောက် အမျိုးသားလွှတ်တော်၏ နဝမ အကြိမ်မြောက် အစည်းအဝေးက ပြည်နယ်အဆင့် စီမံအုပ်ချုပ်ရေးဌာနများ ပေါင်းစည်းရေးဆိုင်ရာ ဆုံးဖြတ်ချက်ကို ဇွန် ၁၂ ရက်၌ မဲခွဲ ဆုံးဖြတ်၍ အတည်ပြုခဲ့ရာ နိုင်ငံတစ်ဝန်း ပြည်နယ်အဆင့် စီမံအုပ်ချုပ်ရေး ဌာန ၆၃ ခုမှ ၃၄ ခုအထိ ကျစ်လစ်စွာ ဖွဲ့စည်းခဲ့သည်။ ယင်းအနက် ဒါနန်းမြို့နှင့် ကွမ်နန် (Quang Nam) ပြည်နယ် ပေါင်းစည်းကာ ဒါနန်းမြို့ အသစ်ဧရိယာမှာ ၁၁,၀၀၀ စတုရန်းကီလိုမီတာ ရှိသည်။ဒါနန်းမြို့၌ လွတ်လပ်သော ကုန်သွယ်ရေးဇုန် ထူထောင်ရန် ရွေးချယ် ရခြင်းသည် နှစ်များစွာ အစီအစဉ်ရေးဆွဲခြင်း၊ စေ့စပ်သေချာစွာ ပြင်ဆင်ခြင်း ရလဒ်ဖြစ်ကြောင်း၊ ဒါနန်း လွတ်လပ်စွာ ကုန်သွယ်ရေးဇုန်သည် တံခါးဖွင့် စီးပွားရေးပုံစံတစ်မျိုး ဖြစ်သည်သာမက စည်းစနစ်ဆိုင်ရာ စမ်းသပ်ခန်း အဖြစ် ဖြစ်လာရန်၊ ရင်းနှီးမြှုပ်နှံမှု၊ အခွန်စည်းကြပ်မှု၊ အကောက်ခွန်၊ သိပ္ပံနည်းပညာ၊ ဘဏ္ဍာရေး၊ လူအရင်းအမြစ်စွမ်းအားနှင့် ဒစ်ဂျစ်တယ် အသွင်ပြောင်းလဲရေးစသည့် မူဝါဒအသစ်များအတွက် စမ်းသပ်ကျင့်သုံးရာ နေရာဖြစ်လာရန်၊ ဗီယက်နမ်အလယ်ပိုင်း ကုန်းမြင့်ဒေသမှ နိုင်ငံတစ်ဝန်း တိုးတက်မှုဝင်ရိုးစွန်းအသစ်ဖြစ်လာရန် ပို၍ အလားအလာရှိကြောင်း Voice of Vietnam (VOV) ရေဒီယိုလိုင်း သတင်းဖော်ပြမှုအရ သိရသည်။ ကိုးကား- Xinhua Myanmar
Tue, 17-Jun-2025
ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်
ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်
ခင်ဦး   ဇွန် ၁၆စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်ကြောင်း ခင်ဦးမြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးနေဝင်းနိုင် က ပြောပြ၍ သိရသည်။ယခုနှစ် မိုးသီးနှံစိုက်ပျိုးရာသီ၌ ခင်ဦးမြို့နယ်တွင် ကြံ ၄၅၅၁ ဧက စိုက်ပျိုးရန် လျာထားပြီး မေလမှစတင်စိုက်ပျိုးခဲ့ရာ ယနေ့တွင် ၄၁၁၁ ဧကထိစိုက်ပျိုးပြီးစီးပြီးဖြစ်ကြောင်း သိရသည်။“ဒီနှစ် မိုးသီးနှံစိုက်ပျိုးရာသီမှာ ခင်ဦးမြို့နယ်အတွင်း ကြံ ၄၅၅၁ ဧက စိုက်ပျိုးဖို့လျာထားပါတယ်။ ဒီနေ့ထိ ၄၁၁၁ ဧက စိုက်ပျိုးပြီးစီးပြီးဖြစ်ပါတယ်။ လျာထားဧကပြည့်မီအောင် စိုက်ပျိုးနိုင်ဖို့အတွက် ဆောင်ရွက်နေပါတယ်။ ဒေသခံတောင်သူတွေက ကြံကိုပုံမှန်စိုက်ပျိုးကြပါတယ်”ဟု ခင်ဦးမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူး ဦးနေဝင်းနိုင်က ပြောပြသည်။ စစ်ကိုင်းတိုင်းဒေသကြီးတွင် ကြံစိုက်ပျိုးမှုအနေဖြင့် ရွှေဘိုခရိုင်၊ ကန့်ဘလူခရိုင်နှင့် ကသာခရိုင်တို့တွင် စိုက်ပျိုးကြပြီး ကသာခရိုင်နှင့် ကန့်ဘလူခရိုင်၌ ကြံစိုက်ပျိုးမှုအများဆုံးဖြစ်ကြောင်း သိရသည်။ ခင်ဦးမြို့နယ်တွင် ကြံစိုက်ပျိုးရာ၌ ကုန်ကျစရိတ်အနေဖြင့် တစ်ဧကလျှင် ငွေကျပ် ခြောက်သိန်းနှင့် ခုနစ်သိန်းကြား ကုန်ကျပြီး ကြံတစ်ဧကလျှင် တန်ချိန် ၃၀ ထွက်ရှိကြောင်း သိရသည်။စစ်ကိုင်းတိုင်းဒေသကြီး၌ ကြံစိုက်ပျိုးရာတွင် အထွက်ကောင်းမျိုးဖြစ်သည့် K-95/84၊ နဝဒေး-၄၊ ဖော်မိုဇာ၊ ဆင်းရွှေလီမျိုးများကို စိုက်ပျိုးကြကြောင်း သိရသည်။ကြံကို အထွက်နှုန်းတိုးတက်ကောင်းမွန်အောင် စိုက်ပျိုးနိုင်ပါက ဒေသတွင်း စားသုံးမှုဖူလုံစေသည့်အပြင် ပိုလျှံမှုကို ရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် ကြံကို တိုးချဲ့စိုက်ပျိုးနိုင်ရေး ဒေသမရွေး ကြိုးပမ်းသင့်ကြောင်း ခင်ဦးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနေဝင်းနိုင် က ပြောပြ၍ သိရသည်။Source: ရတနာပုံသတင်းစာ
Tue, 17-Jun-2025
© Copyright 2024 SAC All Rights Reserved.