ဘိုကလေးမြို့နယ်၌ ဒေသထွက်ဓနိချပ်များ ဝယ်လိုအားကောင်းပြီး အရောင်းအဝယ် သွက်နေ

sacadmin

News Image

  • ဘိုကလေးမြို့နယ်၌ ဒေသထွက်ဓနိချပ်များ ဝယ်လိုအားကောင်းပြီး အရောင်းအဝယ် သွက်နေ

ဘိုကလေး    မေ   ၂၈

ဧရာဝတီတိုင်းဒေသကြီး ဘိုကလေးမြို့နယ်၌ ဒေသထွက်ဓနိချပ်များ ဝယ်လိုအားကောင်းပြီး အရောင်းအဝယ်သွက်နေကြောင်း ဘိုကလေးမြို့နယ်မှ ဝါး၊ ဓနိရောင်းဝယ်ရေးလုပ်ငန်း လုပ်ကိုင်သူ ဒေါ်ရီတင့်၏ ပြောဆိုချက်အရ သိရသည်။

ဘိုကလေးမြို့နယ်၌ မေလပထမပတ်မှစ၍ လက်ရှိအချိန်ထိ ဒေသထွက် ဓနိချပ်များ ဝယ်လိုအားကောင်းပြီး  အရောင်းအဝယ်သွက်နေကြောင်းနှင့် တစ်ရက်လျှင် ဓနိချပ်  ၁၅၀၀၀ မှ   ၃၀၀၀၀ အထိ   အရောင်းအဝယ် ဖြစ်နေကြောင်း သိရသည်။

"ဘိုကလေးမြို့နယ်ကနေ ဒေသထွက်ဓနိချပ်တွေကို ဒေသဈေးကွက်အပြင် ရန်ကုန်ဈေးကွက်ကို အဓိကတင်ပို့ရောင်းချနေပါတယ်။ ပြည်တွင်းမှာ ဓနိသုံးစွဲမှုများလာတဲ့အတွက်   ဝယ်လိုအားကောင်းပြီး အရောင်းအဝယ်ကောင်းနေတာဖြစ်ပါတယ်။ ဓနိချပ်တော်တော်များများတင်ပို့ရောင်းချနေရတာကြောင့် ဓနိ ရောင်းဝယ်ရေးလုပ်ငန်း လုပ်ကိုင်သူတွေပါ  အဆင်ပြေနေပါတယ်။  အခုလို  ဓနိချပ်တွေ  ဝယ်လိုအား ကောင်းလာတာကြောင့်  ဒေသခံတွေအနေနဲ့  ဓနိပင်တွေ တိုးချဲ့ စိုက်ပျိုးလာကြပါတယ်"   ဟု  ဒေါ်ရီတင့်က ပြောသည်။

အဆိုပါဒေသ၌ ဓနိချပ်များဝယ်လို အားကောင်းပြီး အရောင်းအဝယ်သွက်နေခြင်းကြောင့် ဓနိစိုက်ပျိုးသူများ၊  ဓနိထိုးလုပ်သားများနှင့် တစ်ဆင့်ပြန် လည် ရောင်းချသူများ   အဆင်ပြေလျက်ရှိကြောင်း သိရ သည်။

Source: Myawady Web Portal

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

အိန္ဒိယနှင့် ရုရှား စီးပွားရေး ဆက်ဆံမှုကို ဂရုမစိုက်ကြောင်း ထရမ့်ပြော
အိန္ဒိယနှင့် ရုရှား စီးပွားရေး ဆက်ဆံမှုကို ဂရုမစိုက်ကြောင်း ထရမ့်ပြော
အိန္ဒိယနှင့် ရုရှားတို့၏ ကုန်သွယ်ရေးနှင့် စီးပွားရေး ဆက်ဆံမှုကို ဂရုမစိုက်ကြောင်း အမေရိကန်သမ္မတ ဒေါ်နယ်ထရမ့်က ပြောကြားလိုက် ပါသည်။“အိန္ဒိယက ရုရှားနှင့် မည်သို့ပင်ဆောင်ရွက်နေစေကာမူ ဂရုမစိုက်ပါ။ ၎င်းတို့နှစ်နိုင်ငံလုံး စီးပွားပျက်နေတာ အတူတူပဲ ပျက်သွားပါစေ။ အိန္ဒိယ နှင့် အမေရိကန်တို့ ကုန်သွယ်မှု အလွန်နည်းပါးပါသည်။ ၎င်းတို့ ကုန်သွယ်ခွန် က ကမ္ဘာ့အမြင့်ဆုံးထဲမှာ ပါဝင်နေပါသည်။ ရုရှားနှင့် အမေရိကန် ကလည်း ကုန်သွယ်မှု လုံးဝနီးပါး မရှိသလောက်ပါပဲ" ဟု ထရမ့်က ၎င်း၏ Truth Social စာမျက်နှာတွင် ရေးသားဖော်ပြထားပါသည်။ထရမ့်က ယခင်က အမေရိကန်သည် ဩဂုတ်လ ၁ ရက်မှ စတင်၍ အိန္ဒိယ သို့ တင်ပို့သည့် ကုန်စည်များအား ၂၅% ကုန်သွယ်ခွန် စည်းကြပ်မည်ဟု ဖော်ပြခဲ့ပါသည်။ နှစ်နိုင်ငံကြား ဆက်ဆံရေး ကောင်းမွန်သော်လည်းအိန္ဒိယ၏ ကုန်သွယ်ခွန် အလွန်မြင့်မားခြင်း၊ ငွေကြေးမဟုတ်သော အခြား အခက်အခဲဆိုင်ရာ အတားအဆီးများ ရှိခြင်းတို့ကြောင့် အမေရိကန်နှင့် အိန္ဒိယကြား ကုန်သွယ်မှု အလွန်နည်းပါးကြောင်း ၎င်းက ဖြည့်စွက် ပြောကြားခဲ့သည်။အိန္ဒိယသည် တပ်မတော်ဆိုင်ရာ ပစ္စည်းအများစုကို ရုရှားထံမှ အမြဲ ဝယ်ယူလျက်ရှိပြီး တရုတ်နှင့်အတူ ရုရှား စွမ်းအင်အရင်းအမြစ်များ၏ အကြီးဆုံး ဝယ်လက်များဖြစ်ကြောင်း ၊ ထို့အတွက် ဩဂုတ် ၁ ရက်မှ စတင်၍ အိန္ဒိယအနေဖြင့် ၂၅% ကုန်သွယ်ခွန်အပြင် အပိုဒဏ်ငွေပါ ပေးဆောင်ရမည်ဟု ထရမ့်က ဆိုထားပါသည်။ကိုးကား- Tassဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃
Thu, 31-Jul-2025
ထရမ့်က တောင်ကိုရီးယားနှင့် ကုန်သွယ်ရေးသဘောတူညီချက်ကို ကြေညာ
ထရမ့်က တောင်ကိုရီးယားနှင့် ကုန်သွယ်ရေးသဘောတူညီချက်ကို ကြေညာ
သမ္မတ ဒေါ်နယ်ထရမ့်က အမေရိကန်နှင့် တောင်ကိုရီးယားတို့အကြား ကုန်သွယ်ရေးသဘောတူညီချက် ညှိနှိုင်းမှုပြီးဆုံးကြောင်း ကြေညာခဲ့ပြီး ယင်းသဘောတူညီချက်တွင် တောင်ကိုရီးယားမှ တင်သွင်းကုန်များ အပေါ် အကောက်ခွန် ၁၅% ကောက်ခံမည်ဖြစ်သည်။ ထို့အပြင် တောင် ကိုရီးယားဘက်မှ အမေရိကန်ထိန်းချုပ်သည့် ရင်းနှီးမြှုပ်နှံမှုများအတွက် ဒေါ်လာ ၃၅၀ ဘီလီယံ နှင့် အမေရိကန် စွမ်းအင်ထုတ်ကုန်များ ဝယ်ယူရန် ဒေါ်လာ ၁၀၀ ဘီလီယံ ကတိပြုထားသည်။ဇူလိုင်လ ၃၀ ရက်နေ့တွင် Truth Social ၌ ထရမ့်က အမေရိကန် ကုန်ပစ္စည်းများအပေါ် ပြန်လည်ကောက်ခံမည့် အကောက်ခွန်မရှိဟု ဂုဏ်ယူစွာဖော်ပြခဲ့ပြီး၊ ယင်းကို အာရှရှိ အဓိက မဟာမိတ်နိုင်ငံနှင့် စီးပွားရေး ဆက်ဆံရေး တည်ငြိမ်စေရန်ရည်ရွယ်သည့် ပြီးပြည့်စုံသော ကုန်သွယ်ရေးသဘောတူညီချက်အဖြစ် ရည်ညွှန်းခဲ့သည်။တောင်ကိုရီးယားသမ္မတ Lee Jae‑myung က အဆိုပါရလဒ်သည် ဂရု တစိုက် ပြင်ဆင်မှု၏ ရလဒ်ဖြစ်ကြောင်း ဖေ့စ်ဘွတ်ပို့စ်တွင် ဖော်ပြခဲ့ပြီး သဘောတူညီချက်ရရှိရန် "မတူညီသော အမြင်များကို စုစည်းကာ မဟာ ဗျူဟာများကို ပြုပြင်ခဲ့ကြောင်း" ပြောကြားခဲ့သည်။ Lee Jae‑myung က အမေရိကန်စီးပွားရေးတွင် ဒေါ်လာ ၃၅၀ ဘီလီယံ ရင်းနှီး မြှုပ်နှံမှု သည် သင်္ဘောတည်ဆောက်ရေး၊ တစ်ပိုင်းလျှပ်ကူးပစ္စည်း၊ ဘက်ထရီ၊ ဇီဝ နည်းပညာနှင့် စွမ်းအင်ကဏ္ဍများတွင် ကိုရီးယားစက်မှုလုပ်ငန်းများ အမေရိကန်ဈေးကွက်သို့ ဝင်ရောက်နိုင်ရန် အထောက်အကူဖြစ်စေမည် ဟု ဆိုသည်။ကူးသန်းရောင်းဝယ်ရေးဌာန၏ အချက်အလက်များအရ ၂၀၂၄ ခုနှစ်တွင် တောင်ကိုရီးယားသည် အမေရိကန်သို့ ဒေါ်လာ ၁၃၂ ဘီလီယံ တန်ဖိုးရှိ မော်တော်ကား၊ တစ်ပိုင်းလျှပ်ကူးပစ္စည်းနှင့် အီလက်ထရောနစ်ပစ္စည်း များတင်ပို့ခဲ့ပြီး၊ အမေရိကန်ဘက်မှ တောင်ကိုရီးယားသို့ ဒေါ်လာ ၆၆ ဘီလီယံ တန်ဖိုးရှိ စက်မှုလုပ်ငန်းသုံး စက်ယန္တရားများ၊ ရေနံနှင့် သဘာဝ ဓာတ်ငွေ့များ တင်ပို့ခဲ့သည်။ ဤသည်မှာ ဝန်ဆောင်မှုမပါဘဲ အမေရိကန် ၏ ကုန်သွယ်ရေးလိုငွေ ဒေါ်လာ ၆၆ ဘီလီယံ ဖြစ်စေခဲ့သော်လည်း ဝန်ဆောင်မှုများပါဝင်ပါက အဆိုပါကွာဟချက်မှာ ပိုမို ကျဉ်းမြောင်းသွားမည် ဖြစ်သည်။ဝါရှင်တန်-ဆိုးလ် သဘောတူညီချက်သည် ထရမ့်၏ သီးသန့် သတ်မှတ် ထားသော ဩဂုတ် ၁ ရက် အကောက်ခွန်နောက်ဆုံးရက်စွဲမတိုင်မီယူကေ၊ ဂျပန်၊ ဥရောပသမဂ္ဂနှင့် အခြားနိုင်ငံများနှင့် ရရှိထားသည့် အလားတူ သဘောတူညီချက်များပါဝင်သော ကျယ်ပြန့်သည့် မဟာဗျူဟာ၏ အစိတ်အပိုင်းတစ်ခု ဖြစ်သည်။ ဧပြီလတွင် တောင်ကိုရီးယားသည် ၂၅% "ပြန်လည်ကောက်ခံသော" အကောက်ခွန် ကို ခဏတာ ရင်ဆိုင်ခဲ့ရ သော်လည်း နောက်ဆုံး ၁၅% နှုန်းထားသည် အခြားနိုင်ငံများတွင် ယခု အသုံးပြု နေသော ၁၀% အခြေခံနှုန်းထက် ပိုမိုမြင့်မားနေဆဲဖြစ်သည်။ဥရောပသမဂ္ဂသည်လည်း လွန်ခဲ့သည့်သီတင်းပတ်က ညှိနှိုင်းခဲ့သော သဘောတူညီချက်အရ အလားတူ အကောက်ခွန်နှုန်းထားကို ရင်ဆိုင် ရမည်ဖြစ်သည်။ အဆိုပါသဘောတူညီချက်ကို အမေရိကန်၏ တစ်ဖက်သတ် တောင်းဆိုမှုများကို အညံ့ခံခြင်းဟု ဝေဖန်သူများက သုံးသပ်ခဲ့ကြသည်။ အိမ်ဖြူတော်အကြံပေးတစ်ဦးကပင် "ထရမ့်ရှေ့တွင် ဒူးထောက်လိုက်ခြင်း" ဟု ခိုင်းနှိုင်းပြောဆိုခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 31-Jul-2025
ထရမ့်က အိန္ဒိယ ကို အခွန် ၂၅ % ကောက်ခံလိုက်ခြင်းမှာ တစ်စိတ်တစ်ပိုင်းက BRICS ကြောင့် ဖြစ်ပြီး တစ်စိတ်တစ်ပိုင်းက ကုန်သွယ်ရေးကြောင့် ဖြစ်သည်ဟုဆို
ထရမ့်က အိန္ဒိယ ကို အခွန် ၂၅ % ကောက်ခံလိုက်ခြင်းမှာ တစ်စိတ်တစ်ပိုင်းက BRICS ကြောင့် ဖြစ်ပြီး တစ်စိတ်တစ်ပိုင်းက ကုန်သွယ်ရေးကြောင့် ဖြစ်သည်ဟုဆို
ဗုဒ္ဓဟူးနေ့ (ဇူလိုင် ၃၀) က အိမ်ဖြူတော်မှာပြုလုပ်သည့် သတင်းစာရှင်းလင်းပွဲတွင် ၊ ရုရှားကို “ထောက်ခံခြင်း” အတွက် အိန္ဒိယအပေါ် ချမှတ်ထားသည့် နောက်ထပ် ပြစ်ဒဏ် မည်သို့ဖြစ်မည်နှင့် တခြားနိုင်ငံတွေမှာလည်း အလားတူခြိမ်းခြောက်မှုတွေနှင့် ရင်ဆိုင်နေရ ခြင်းရှိ/မရှိ ထရမ့်ကို မေးခွန်းထုတ်ခံခဲ့ရပြီး၊ ယင်းအတွက် အိန္ဒိယက BRICS အဖွဲ့ဝင်ဖြစ်ခြင်းအပေါ် မကျေ နပ်ကြောင်း အမေရိကန်သည် အိန္ဒိယနှင့် ညှိနှိုင်းနေဆဲဖြစ်ကြောင်း ထရမ့်က ပြောကြား ခဲ့သည်။ အပြည့်အစုံဖတ်ရှုရန် https://sacministry.gov.mm/my/subject/10433 
Thu, 31-Jul-2025
တရုတ်နိုင်ငံက အမေရိကန်၏ ပိတ်ဆို့မှုကိုခုခံ၍ ရုရှားနိုင်ငံမှရေနံများကို ဆက်လက်ဝယ်ယူမည်ဖြစ်ဟု အမေရိကန်ဘဏ္ဍာရေးဝန်ကြီးပြော
တရုတ်နိုင်ငံက အမေရိကန်၏ ပိတ်ဆို့မှုကိုခုခံ၍ ရုရှားနိုင်ငံမှရေနံများကို ဆက်လက်ဝယ်ယူမည်ဖြစ်ဟု အမေရိကန်ဘဏ္ဍာရေးဝန်ကြီးပြော
တရုတ်နိုင်ငံသည် အမေရိကန်အစိုးရ၏  ပိတ်ဆို့မှုကိုခုခံ၍ ရုရှားနိုင်ငံမှ ရေနံများကို ဆက်လက် ဝယ်ယူမည် ဖြစ်ကြောင်း အမေရိကန်ဘဏ္ဍာရေးဝန်ကြီး စကော့ဘက်ဆန့်က ပြောကြားသည်။ထို့ပြင် တရုတ်နိုင်ငံသည် စွမ်းအင်မူဝါဒ ကို နိုင်ငံ၏အချုပ်အခြာအာဏာပိုင် ကိစ္စရပ်တစ်ခုအဖြစ် ရှုမြင်လျက်ရှိပြီး အမေရိကန်၏ အခွန်တိုးမြှင့်ကောက်ခံမည့် ခြိမ်းခြောက်မှုများကိုမမှုဘဲ နိုင်ငံ၏စွမ်းအင်ကဏ္ဍကို ကာကွယ်သွားမည်ဖြစ်ကြောင်း ဘက်ဆန့် က ဆွီဒင်နိုင်ငံ စတော့ဟုမ်းမြို့၌ ဇူလိုင်လ ၂၉ ရက်က တရုတ်နိုင်ငံနှင့် နှစ်ရက်ကြာကျင်းပသည့်  ကုန်သွယ်ရေးဆွေးနွေးပွဲ ပြီးဆုံးပြီးနောက် ပြောကြားခြင်း ဖြစ်သည်။ထို့ကြောင့်  အမေရိကန်လွှတ်တော် အမတ်များအနေဖြင့် ပိတ်ဆို့မှုအသစ်များကို ထပ်မံအတည်ပြု သင့်ကြောင်း ၎င်းက တောင်းဆိုထားသည်။အမေရိကန်သမ္မတ ဒေါ်နယ်ထရမ့်သည် ရုရှားနှင့် ယူကရိန်းနိုင်ငံတို့အကြား ငြိမ်းချမ်းရေး သဘောတူညီချက် ချမှတ်နိုင်ရေးလုပ် ဆောင်ရမည့် အချိန်ကာလကို ရက်ပေါင်း ၅၀ မှ ၁၂ ရက်အတွင်း အပြီးသတ်လုပ်ဆောင် ရန် ဇူလိုင်လ၂၈ ရက်တွင် တောင်းဆိုခဲ့သည်။ အကယ်၍ ရုရှားနှင့် ယူကရိန်းတို့အကြား ငြိမ်းချမ်းရေး သဘောတူညီချက်ချမှတ်နိုင်ခြင်း မရှိပါက ရုရှားနိုင်ငံမှ ထုတ်လုပ်သည့် ထုတ်ကုန်များအား ဝယ်ယူသည့် နိုင်ငံများအပေါ် တစ်ဆင့်ခံပိတ်ဆို့မှုအဖြစ် အခွန် ၁၀၀ ရာခိုင်နှုန်းကောက်ခံမည်ဟု သတိပေး ပြောကြားခဲ့ကြောင်း သိရသည်။အမေရိကန်၏ အဆိုပါသတိပေးချက်ကို ရုရှားနိုင်ငံကဝေဖန်ထားပြီး တရုတ်နိုင်ငံ အနေဖြင့်လည်း စွမ်းအင်ကဏ္ဍသည် နိုင်ငံ၏ အချုပ်အခြာအာဏာနှင့် သက်ဆိုင်သည့် ကဏ္ဍဖြစ်သောကြောင့်   ရုရှားနိုင်ငံမှ  ရေနံကို ဆက်လက်ဝယ်ယူမည်ဟု အမေရိကန်နှင့် ကျင်းပခဲ့သည့် ကုန်သွယ်ရေး ဆွေးနွေးပွဲအတွင်း ပြောကြားခဲ့ကြောင်း သိရသည်။Ref: Rt
Thu, 31-Jul-2025
ထရမ့်က ရုရှားနှင့်ကုန်သွယ်မှုကြောင့် အိန္ဒိယအပေါ် အကောက်ခွန် စည်းကြပ်မှုများ ချမှတ်
ထရမ့်က ရုရှားနှင့်ကုန်သွယ်မှုကြောင့် အိန္ဒိယအပေါ် အကောက်ခွန် စည်းကြပ်မှုများ ချမှတ်
အမေရိကန်သမ္မတ ဒေါ်နယ်ထရမ့်က ရုရှားနှင့်ဆက်လက်ကုန်သွယ်မှု ပြုနေခြင်းကြောင့် အိန္ဒိယအပေါ် လာမည့်ဩဂုတ်လမှစ၍ ၂၅% အကောက်ခွန်နှင့် အပိုဒဏ်ကြေးများ စည်းကြပ်မည်ဟု ကြေညာလိုက် သည်။ ပြီးခဲ့သည့် ရက်ပိုင်းတွင် ထရမ့်က ရုရှားအား ယူကရိန်းနှင့် ငြိမ်းချမ်းရေးသဘောတူညီချက်ရရန် ၁၀ ရက်အချိန် ပေးထားခဲ့ပြီးနောက် အဆိုပါကြေညာချက်ထွက်ပေါ်လာခြင်းဖြစ်သည်။ဇူလိုင် ၃၀ ရက်နေ့တွင် ၎င်း၏ Truth Social အကောင့်၌ ရေးသားရာ တွင် ထရမ့်က "အိန္ဒိယသည် မိမိတို့၏မိတ်ဆွေဖြစ်သည်" ဟု ဆိုသော် လည်း အမေရိကန်သည် ၎င်းတို့နှင့်ကုန်သွယ်မှု အနည်းငယ်သာ ရှိသည် ဟု ဖော်ပြခဲ့သည်။ ထို့အပြင် ၎င်းက ယူကရိန်းပဋိပက္ခကာလအတွင်း အိန္ဒိယသည် ရုရှားထံမှ စစ်လက်နက်ပစ္စည်းများနှင့် စွမ်းအင်ဝယ်ယူမှုကို ဆက်လက်ပြုလုပ်နေကြောင်း ထောက်ပြခဲ့သည်။ ထို့အတွက်ကြောင့် အိန္ဒိယသည် သြဂုတ်လ ၁ ရက်မှစတင်၍ ၂၅% အကောက်ခွန်အပြင် အပိုဒဏ်ကြေးများလည်း ပေးဆောင်ရမည်ဟု ထရမ့်က ရေးသား ခဲ့သည်။အမေရိကန်သည် ပြီးခဲ့သည့်မတ်လတွင် အိန္ဒိယကုန်ပစ္စည်းများအပေါ် ၂၆% အကောက်ခွန်စည်းကြပ်ခဲ့ဖူးပြီး ယင်းသည် ထရမ့်၏ 'Liberation Day' အကောက်ခွန်များတွင် ပါဝင်ကာ အလူမီနီယမ်၊ သံမဏိနှင့် အခြား ဆက်စပ်ကုန်ပစ္စည်းများ ပါဝင်ခဲ့သည်။ သို့သော် ယင်းအကောက်ခွန်များကို ယာယီရပ်ဆိုင်းထားခဲ့သည်။ နယူးဒေလီက အမေရိကန်နှင့် ကုန်သွယ်ရေးသဘောတူညီချက်တစ်ခုကို အားကောင်းသော အနေအထား မှသာ ချုပ်ဆိုမည်ဖြစ်ပြီး အချိန် သတ်မှတ်ချက် ပြုလုပ်ခြင်း သို့မဟုတ် "ညှိနှိုင်းရေးကိရိယာ" အဖြစ် အသုံးမပြုရန် ပြောကြားခဲ့သည်။ယခုသီတင်းပတ်အစောပိုင်းတွင် ထရမ့်က ယူကရိန်းပဋိပက္ခကို ဖြေရှင်း ရန် အချိန်ကာလကို ၅၀ ရက်မှ ၁၀ ရက်သို့ ပြောင်းလဲသတ်မှတ်ခဲ့ပြီး မော်စကိုသည် ကိယက်ဗ်နှင့် ငြိမ်းချမ်းရေးသဘောတူညီချက်မရရှိပါက ရုရှားနှင့် ၎င်း၏ကုန်သွယ်ဖက်နိုင်ငံများအပေါ် ၁၀၀% အထိ အကောက်ခွန် များစည်းကြပ်မည်ဟု ခြိမ်းခြောက်ခဲ့သည်။ရုရှားဘက်မှ ယူကရိန်းပဋိပက္ခကို ငြိမ်းချမ်းစွာဖြေရှင်းရန် ညှိနှိုင်း ဆွေးနွေးရန် အဆင်သင့်ရှိကြောင်း ထပ်ခါတလဲလဲပြောဆိုခဲ့သော်လည်း ထရမ့်၏နောက်ဆုံးသတ်မှတ်ချက်ကို ငြင်းဆန်ခဲ့ပြီး ယင်းသည် ငြိမ်းချမ်းရေး အားထုတ်မှုများကို ထိခိုက်စေသည်ဟု ဆိုခဲ့သည်။ ရုရှားအရာရှိများက မည်သည့်ညှိနှိုင်းမှုမဆို မြေပြင်အခြေအနေများနှင့်ကိုက်ညီရမည်ဖြစ်ပြီး ပဋိပက္ခ၏မူလအကြောင်းရင်းများကို ဖြေရှင်းရမည်ဟု အတိအလင်း ပြောဆိုခဲ့သည်။ရုရှားနိုင်ငံခြားရေး ဒုတိယဝန်ကြီး Sergey Ryabkov က “ဖိအားများ သည် ရုရှား၏ အမျိုးသားအကျိုးစီးပွားနှင့် လွတ်လပ်ပြီး အချုပ်အခြာ အာဏာပိုင်သည့် ကိုယ်ပိုင်လမ်းကြောင်းပေါ် ခရီးဆက်လှမ်းမှုကို မတား ဆီးနိုင်” ဟု လွန်ခဲ့သောလအတွင်းက ပြောကြားခဲ့သည်။ ထရမ့်ကလည်း ရုရှားနှင့် ၎င်း၏ကုန်သွယ်ဖက်နိုင်ငံများအပေါ် ထပ်ဆောင်း ကန့်သတ်မှု များ အလုပ်ဖြစ်၊ မဖြစ်ကို မသေချာကြောင်း ဝန်ခံခဲ့သည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ထရမ့်က အိန္ဒိယနှင့် ကုန်သွယ်ရေးသဘောတူညီချက် မပြီးဆုံးသေးဘဲ အကောက်ခွန်များ တိုးမြှင့်နိုင်သည်ဟု သတိပေး
ထရမ့်က အိန္ဒိယနှင့် ကုန်သွယ်ရေးသဘောတူညီချက် မပြီးဆုံးသေးဘဲ အကောက်ခွန်များ တိုးမြှင့်နိုင်သည်ဟု သတိပေး
အမေရိကန်သမ္မတ ဒေါ်နယ်ထရမ့်က အိန္ဒိယနှင့် ကုန်သွယ်ရေး သဘော တူညီချက်ကို ဩဂုတ်လ ၁ ရက်နေ့ နောက်ဆုံးရက် သတ်မှတ်ချက်မတိုင်မီ အပြီးသတ်ရန် မလွယ်ကူသေးကြောင်း ပြောကြားခဲ့သည်။ ၎င်း၏ ပြောကြားချက်များသည် Reuters ၏ ဖော်ပြချက်တစ်ခုနှင့် ဆက်စပ် နေပြီး အိန္ဒိယသည် ကုန်သွယ်ရေးသဘောတူညီချက်မရှိပါက အမေရိကန် သို့ တင်ပို့မည့် ကုန်ပစ္စည်းများအတွက် ၂၀%-၂၅% အထိ အကောက်ခွန် များ တိုးမြှင့်ကျခံရမည်ဖြစ်ကြောင်း ဖော်ပြထားသည်။ထရမ့်က "အိန္ဒိယသည် မိတ်ဆွေကောင်းတစ်ဦးဖြစ်သော်လည်း အခြား နိုင်ငံများထက် ပိုမိုမြင့်မားသော အကောက်ခွန်များ ကောက်ခံခဲ့သည်" ဟု ပြောကြားခဲ့ပြီး ၎င်းကိစ္စသည် မကြာမီ အဆုံးသတ် သွားမည် ဖြစ်ကြောင်း ဖြည့်စွက်ပြောကြားခဲ့သည်။ အိန္ဒိယသည် သြဂုတ်လလယ် တွင် အမေရိကန်ကိုယ်စားလှယ်အဖွဲ့ လာရောက်မည့်အချိန်တွင် ပိုမို ကျယ်ပြန့်သော ကုန်သွယ်ရေးဆွေးနွေးပွဲများ ပြန်လည်စတင်ရန် စီစဉ် နေပြီး အောက်တိုဘာလတွင် နှစ်နိုင်ငံအကြား ကျယ်ပြန့်သော ကုန်သွယ်ရေး သဘောတူညီချက်တစ်ရပ် ရရှိရန် မျှော်လင့်ထားကြောင်း အိန္ဒိယ အရာရှိ များက ပြောကြားခဲ့သည်။အိန္ဒိယသည် ကုန်ပစ္စည်းများစွာတွင် အကောက်ခွန်များ လျှော့ချရန် ကမ်းလှမ်းထားပြီး အကောက်ခွန်မဟုတ်သော အဟန့်အတားများကို ဖြေလျှော့ရန် လုပ်ဆောင်နေသော်လည်း စိုက်ပျိုးရေးနှင့် နို့ထွက်ပစ္စည်း များတင်ပို့မှု ကန့်သတ်ချက်များကို ရင်ဆိုင်နေရဆဲဖြစ်သည်။ ၂၀၂၄ ခုနှစ် တွင် နှစ်နိုင်ငံအကြား ကုန်သွယ်မှုသည် အမေရိကန်ဒေါ်လာ ၁၂၉ ဘီလီယံ ခန့်ရှိခဲ့ပြီး အိန္ဒိယသည် အမေရိကန်ဒေါ်လာ ၄၆ ဘီလီယံခန့် ပိုလျှံမှု ရှိခဲ့သည်။အိန္ဒိယသည် BRICS နိုင်ငံများကို ပစ်မှတ်ထားသော အမေရိကန်၏ အကောက်ခွန်ခြိမ်းခြောက်မှုများကြားတွင် မဟာဗျူဟာကို ချိန်ညှိနေပြီး အိန္ဒိယတင်ပို့သူများအား အခြားနိုင်ငံများထက် ဦးစားပေး အခွင့်အရေး များ ရရှိစေမည့် သဘောတူညီချက်တစ်ရပ်ကို ရရှိရန် မျှော်လင့်နေကြောင်း အရာရှိများက ပြောကြားခဲ့သည်။ကိုးကား- Reutersဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
© Copyright 2024 SAC All Rights Reserved.