မန်ယူအသင်းက ဂိုးသမား တွမ်ဟီလ်တန်ကို ၂၀၂၆ ခုနှစ်ထိ သက်တမ်းတိုးစာချုပ် ချုပ်ဆို

saceditor

News Image

  • မန်ယူအသင်းက ဂိုးသမား တွမ်ဟီလ်တန်ကို ၂၀၂၆ ခုနှစ်ထိ သက်တမ်းတိုးစာချုပ် ချုပ်ဆို

မန်ချက်စတာ ဇွန် ၁၈

မန်ယူအသင်းက ဝါရင့်ဂိုးသမား တွမ်ဟီလ်တန်ကို ၂၀၂၆ ခုနှစ် ဇွန်လထိ နောက်ထပ်တစ်နှစ် သက်တမ်းတိုးစာချုပ် ချုပ်ဆိုနိုင်ခဲ့ကြောင်း သိရသည်။

အသက် ၃၉ နှစ်ရှိနေပြီဖြစ်သည့် ဂိုးသမားတွမ်ဟီလ်တန်သည် မန်ယူအသင်းအကယ်ဒမီထွက် ကစားသမားတစ်ဦးဖြစ်ပြီး ပြီးခဲ့သည့် ၂ဝဝ၅ ခုနှစ်က အသင်းနှင့် ပရော်ဖက်ရှင်နယ်စာချုပ် ချုပ်ဆိုကာ စတင်ပါဝင်ကစားခဲ့သူဖြစ်သည်။

သို့သော် တွမ်ဟီလ်တန်သည် မန်ယူအသင်းတွင် ပွဲစဉ်အနည်းငယ်သာ ပါဝင်ကစားခဲ့ပြီး ဆွစ်ဒေါင်းအသင်း၊ ကာဒစ်အသင်း၊ ကျူပီအာအသင်း၊ ရော့ဒါလေအသင်း၊ ဝိုင်ကွမ်ဘီအသင်း၊ ဘန်လေအသင်း စသည့်အသင်းများတွင် အငှားစာချုပ်များဖြင့် အဆင့်ဆင့် ပြောင်းရွှေ့ ကစားခဲ့ပြီးနောက် ၂၀၁၉ ခုနှစ်က အေဒီလာအသင်းထံ အပြီးသတ်စာချုပ်ဖြင့် ပြောင်းရွှေ့ ကစားခဲ့သူဖြစ်သည်။

အေဗီလာအသင်းတွင်လည်း တွမ်ဟီလ်တန်သည် ပွဲစဉ်အနည်းငယ်သာ ပါဝင်ကစားခဲ့ရပြီးနောက် ပြီးခဲ့သည့် ၂၀၂၁ ခုနှစ်က အေဗီလာအသင်းနှင့် စာချုပ်သက်တမ်း ကုန်ဆုံးခဲ့ပြီးနောက် အလွတ်ပြောင်းရွှေ့ကြေးဖြင့် မန်ယူအသင်းထံ ပြန်လည်ပြောင်းရွှေ့ကစားခဲ့သူ ဖြစ်သည်။

မန်ယူအသင်းနှင့် တွမ်ဟီလ်တန်တို့စာချုပ်သက်တမ်းမှာ ယခုလအကုန်တွင် ကုန်ဆုံးမည်ဖြစ်ပြီး မန်ယူအသင်းက အစောပိုင်းက သက်တမ်းတိုးစာချုပ် ချုပ်ဆိုတော့မည်မဟုတ်ဘဲ လက်လွှတ်ရန် ဆုံးဖြတ်ထားသော်လည်း ယခုအခါ နောက်ထပ်တစ်နှစ် သက်တမ်းတိုးစာချုပ် ချုပ်ဆိုရန်အတွက် ဆုံးဖြတ်ခဲ့ကြောင်း သိရသည်။

Source: ရတနာပုံသတင်းစာ

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

MNL League Cup ပြိုင်ပွဲတွင် ရှမ်းယူနိုက်တက်အသင်းနှင့် ရတနာပုံအက်ဖ်စီအသင်းတို့ ဆီမီးဖိုင်နယ်အဆင့် တက်ရောက်
MNL League Cup ပြိုင်ပွဲတွင် ရှမ်းယူနိုက်တက်အသင်းနှင့် ရတနာပုံအက်ဖ်စီအသင်းတို့ ဆီမီးဖိုင်နယ်အဆင့် တက်ရောက်
ရန်ကုန် ဇွန် ၁၈MNL League Cup ပြိုင်ပွဲ ကွာတားဖိုင်နယ်အဆင့် ပွဲစဉ်များ ကို ယနေ့ညနေပိုင်းက ရန်ကုန်မြို့ တွင်ကျင်းပခဲ့ရာ ရှမ်းယူနိုက်တက် အသင်းနှင့် ရတနာပုံအက်ဖ်စီအသင်းတို့ နိုင်ပွဲရရှိခဲ့ပြီး ဆီမီးဖိုင်နယ်အဆင့် တက်ရောက်နိုင်ခဲ့ကြောင်း သိရသည်။MNL League Cup ပြိုင်ပွဲကွာတားဖိုင်နယ်အဆင့် ပွဲစဥ်များကို ယနေ့ ညနေ ၃နာရီခွဲက ရန်ကုန်မြို့ သုဝဏ္ဏအားကစားကွင်း၌ မြဝတီအက်ဖ်စီအသင်းနှင့် ရှမ်း ယူနိုက်တက်အသင်းတို့ ကစားခဲ့ရာ ရှမ်းယူနိုက်တက်အသင်းက နှစ်ဂိုး ဂိုးမရှိဖြင့် အနိုင်ရရှိခဲ့ပြီး ရှမ်းယူနိုက်တက်အသင်းအတွက်သွင်းဂိုးများကို ပွဲချိန် ကိုးမိနစ်တွင် မြတ်ကောင်းခန့်နှင့် ပွဲချိန် ၄၅ မိနစ် တွင် သက်ဟိန်းစိုးတို့က သွင်းယူပေးနိုင်ခဲ့သည်။အလားတူ ညနေ ၃ နာရီခွဲက ဒဂုံပေါ့အသင်းနှင့် ရတနာပုံ အက်ဖ်စီအသင်းတို့ ကစားခဲ့ရာ ပွဲချိန်အတွင်း ဂိုးမရှိသရေရလဒ်ကြောင့် ပင်နယ်တီကန်သွင်းခဲ့ရာ ရတနာပုံအက်ဖ်စီအသင်းက ခုနစ်ဂိုး ခြောက်ဂိုးဖြင့် အနိုင်ရရှိခဲ့ပြီး ဆီမီးဖိုင်နယ်အဆင့်သို့ တက်ရောက်နိုင်ခဲ့သည်။MNL League Cup ကွာတားဖိုင်နယ်အဆင့် ပွဲစဉ်များ ကို ဇွန် ၁၉ ရက်တွင် ရခိုင်ယူနိုက်တက်အသင်းနှင့် ဧရာဝတီယူနိုက်တက်အသင်းရန်ကုန်ယူနိုက်တက် အသင်းနှင့် ဟံသာဝတီယူနိုက်တက်အသင်းတို့ ဆက်လက်ကစားသွားမည်ဖြစ်ကြောင်း သိရသည်။ STAYDNB Newspaper
Thu, 19-Jun-2025
ပြည်ထောင်စုဝန်ကြီး ဒေါက်တာညွန့်ဖေ မန္တလေးတိုင်းဒေသကြီးအတွင်း ၂၀၂၅ ခုနှစ် တက္ကသိုလ်ဝင်စာမေးပွဲ တတိယနေ့ သင်္ချာဘာသာရပ်ဖြေဆိုနေမှု ကြည့်ရှုအားပေး
ပြည်ထောင်စုဝန်ကြီး ဒေါက်တာညွန့်ဖေ မန္တလေးတိုင်းဒေသကြီးအတွင်း ၂၀၂၅ ခုနှစ် တက္ကသိုလ်ဝင်စာမေးပွဲ တတိယနေ့ သင်္ချာဘာသာရပ်ဖြေဆိုနေမှု ကြည့်ရှုအားပေး
နေပြည်တော် ဇွန် ၁၈ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာညွန့်ဖေသည် ဒုတိယဝန်ကြီး ဦးနေမျိုးလှိုင်၊ ဌာနဆိုင်ရာ တာဝန်ရှိသူများနှင့်အတူ ယနေ့နံနက်ပိုင်းတွင် မိတ္ထီလာမြို့အမှတ် (၁) အခြေခံပညာအထက်တန်း ကျောင်းစာစစ်ဌာန၌ ကျောင်းသား ကျောင်းသူများ တက္ကသိုလ်ဝင်စာမေးပွဲ တတိယနေ့ သင်္ချာဘာသာရပ် အေးချမ်းစွာဖြေဆိုနေမှုကို လှည့်လည်ကြည့်ရှုအားပေးပြီး လိုအပ်သည်များကို ဖြည့်ဆည်းဆောင်ရွက်ပေးသည်။ထို့နောက် ပြည်ထောင်စုဝန်ကြီးသည် မိတ္ထီလာမြို့ အမှတ် (၅) အခြေခံပညာအထက်တန်းကျောင်း၊ ဝမ်းတွင်းမြို့နယ် ဒိုင်ကောင်းကုန်း အခြေခံပညာအထက်တန်းကျောင်းနှင့် ကျောက်ဆည်မြို့ (ဟန်မြင့်မိုရ်) အခြေခံပညာအထက်တန်းကျောင်း၊ စဉ့်ကိုင်မြို့ (ဘယ်လင်း) အခြေခံပညာအထက်တန်းကျောင်းရှိ စာစစ်ဌာနများ၌ ကျောင်းသား ကျောင်းသူများ အေးချမ်းစွာဖြေဆိုနေမှုနှင့် စာစစ်ဌာနအတွင်း လှည့်လည်ကြည့်ရှုစစ်ဆေးပြီး ကျောင်းဥပဓိရုပ် ကောင်းမွန်ရေး၊ စာမေးပွဲကာလအတွင်း စာသင်ရပ်နားထားသည့် ကျောင်းသား ကျောင်းသူများ စာသင်ချိန်ပြည့်မီအောင် ပြန်လည်ဖြည့်ဆည်း သင်ကြားပေးရေး၊ စာသင်ဆောင်၊ ကျောင်းဆောင်များ အရှည်တည်တံ့အောင် ထိန်းသိမ်းစောင့်ရှောက်ရေး မှာကြားကာ လိုအပ်သည်များကို ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။ယနေ့ကျင်းပသည့် စာမေးပွဲတွင် မန္တလေးတိုင်းဒေသကြီးရှိ ခရိုင် ၁၀ ခရိုင်၊ ၂၅ မြို့နယ်တွင် စာစစ်ဌာနစုစုပေါင်း ၁၀၁ ခု၌ စာမေးပွဲဖြေဆိုရန် စုစုပေါင်း ၃၄၂၄၁ ဦး စာရင်းပေးသွင်းကြပြီး သင်္ချာဘာသာရပ်ကို ၃၃၇၆၃ ဦး ဝင်ရောက်ဖြေဆိုသဖြင့် ရာခိုင်နှုန်းအားဖြင့် ၉၈ ဒသမ ၆၀ ရာခိုင်နှုန်းရှိသည်။တက္ကသိုလ်ဝင်စာမေးပွဲ တတိယနေ့ သင်္ချာဘာသာရပ်ကို နေပြည်တော်ကောင်စီနယ်မြေ၊ ကချင်ပြည်နယ်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီးရှိ စာစစ်ဌာနစုစုပေါင်း ၁၉၅ ခုတို့၌ စာမေးပွဲဖြေဆိုရန် စုစုပေါင်း ၆၃၆၇၃ ဦး စာရင်းပေးသွင်းကြပြီး ၆၂၇၉၂ ဦး ဝင်ရောက်ဖြေဆိုသဖြင့် ရာခိုင်နှုန်းအားဖြင့် ၉၈ ဒသမ ၆၂ ရာခိုင်နှုန်းရှိသည်။မွန်းလွဲပိုင်းတွင် ပြည်ထောင်စုဝန်ကြီးသည် ကျောက်ဆည်တက္ကသိုလ်၌ တာဝန်ရှိသူများနှင့်တွေ့ဆုံ၍ စီမံဆိုင်ရာ၊ သင်ကြားသင်ယူမှုဆိုင်ရာ အရည်အသွေးများ တိုးတက်ကောင်းမွန်ရေး ဆောင်ရွက်ကြရန်မှာကြားပြီး လိုအပ်သည်များ ဖြည့်ဆည်းဆောင်ရွက်ပေးသည်။ယင်းနောက် ပြည်ထောင်စုဝန်ကြီးသည် ပြင်ဦးလွင်မြို့ အမှတ် (၂) အခြေခံပညာအထက်တန်းကျောင်းရှိ ကမ္ဘောဇကျောင်းဆောင်ခန်းမ၌ မန္တလေးတိုင်းဒေသကြီး၊ ခရိုင်နှင့် မြို့နယ်ပညာရေးမှူးများ၊ အခြေခံပညာအထက်တန်း၊ အလယ်တန်းကျောင်းအုပ်ကြီးများ၊ ကိုယ်ပိုင်၊ ပုဂ္ဂလိကကျောင်း တည်ထောင်သူ၊ ကျောင်းအုပ်ကြီးများ၊ International School တည်ထောင်သူ၊ ကျောင်းအုပ်ကြီးများနှင့်တွေ့ဆုံပြီး ပညာရေးကဏ္ဍ ဖွံ့ဖြိုးတိုးတက်ရေးဆိုင်ရာများကို ဆွေးနွေးမှာကြားသည်။ဆက်လက်၍ တက်ရောက်လာသူများက သိရှိလိုသည်များနှင့် လိုအပ်ချက်များကို ဆွေးနွေးတင်ပြရာ ပြည်ထောင်စုဝန်ကြီးက ပေါင်းစပ်ညှိနှိုင်း၍ ဖြည့်ဆည်း ဆောင်ရွက်ပေးသည်။တွေ့ဆုံပွဲအပြီးတွင် ပြည်ထောင်စုဝန်ကြီးသည် ပြင်ဦးလွင်မြို့ အမှတ် (၃) အခြေခံပညာအထက်တန်းကျောင်း၊ အမှတ် (၃) အခြေခံပညာအလယ်တန်းကျောင်း၊ အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းခွဲ အလက (၁) ကျောင်းများကို လှည့်လည်ကြည့်ရှုစစ်ဆေးပြီး လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သတင်းရရှိသည်။              MOI
Thu, 19-Jun-2025
မန်ယူအသင်းက ဂိုးသမား တွမ်ဟီလ်တန်ကို ၂၀၂၆ ခုနှစ်ထိ သက်တမ်းတိုးစာချုပ် ချုပ်ဆို
မန်ယူအသင်းက ဂိုးသမား တွမ်ဟီလ်တန်ကို ၂၀၂၆ ခုနှစ်ထိ သက်တမ်းတိုးစာချုပ် ချုပ်ဆို
မန်ချက်စတာ ဇွန် ၁၈မန်ယူအသင်းက ဝါရင့်ဂိုးသမား တွမ်ဟီလ်တန်ကို ၂၀၂၆ ခုနှစ် ဇွန်လထိ နောက်ထပ်တစ်နှစ် သက်တမ်းတိုးစာချုပ် ချုပ်ဆိုနိုင်ခဲ့ကြောင်း သိရသည်။အသက် ၃၉ နှစ်ရှိနေပြီဖြစ်သည့် ဂိုးသမားတွမ်ဟီလ်တန်သည် မန်ယူအသင်းအကယ်ဒမီထွက် ကစားသမားတစ်ဦးဖြစ်ပြီး ပြီးခဲ့သည့် ၂ဝဝ၅ ခုနှစ်က အသင်းနှင့် ပရော်ဖက်ရှင်နယ်စာချုပ် ချုပ်ဆိုကာ စတင်ပါဝင်ကစားခဲ့သူဖြစ်သည်။သို့သော် တွမ်ဟီလ်တန်သည် မန်ယူအသင်းတွင် ပွဲစဉ်အနည်းငယ်သာ ပါဝင်ကစားခဲ့ပြီး ဆွစ်ဒေါင်းအသင်း၊ ကာဒစ်အသင်း၊ ကျူပီအာအသင်း၊ ရော့ဒါလေအသင်း၊ ဝိုင်ကွမ်ဘီအသင်း၊ ဘန်လေအသင်း စသည့်အသင်းများတွင် အငှားစာချုပ်များဖြင့် အဆင့်ဆင့် ပြောင်းရွှေ့ ကစားခဲ့ပြီးနောက် ၂၀၁၉ ခုနှစ်က အေဒီလာအသင်းထံ အပြီးသတ်စာချုပ်ဖြင့် ပြောင်းရွှေ့ ကစားခဲ့သူဖြစ်သည်။အေဗီလာအသင်းတွင်လည်း တွမ်ဟီလ်တန်သည် ပွဲစဉ်အနည်းငယ်သာ ပါဝင်ကစားခဲ့ရပြီးနောက် ပြီးခဲ့သည့် ၂၀၂၁ ခုနှစ်က အေဗီလာအသင်းနှင့် စာချုပ်သက်တမ်း ကုန်ဆုံးခဲ့ပြီးနောက် အလွတ်ပြောင်းရွှေ့ကြေးဖြင့် မန်ယူအသင်းထံ ပြန်လည်ပြောင်းရွှေ့ကစားခဲ့သူ ဖြစ်သည်။မန်ယူအသင်းနှင့် တွမ်ဟီလ်တန်တို့စာချုပ်သက်တမ်းမှာ ယခုလအကုန်တွင် ကုန်ဆုံးမည်ဖြစ်ပြီး မန်ယူအသင်းက အစောပိုင်းက သက်တမ်းတိုးစာချုပ် ချုပ်ဆိုတော့မည်မဟုတ်ဘဲ လက်လွှတ်ရန် ဆုံးဖြတ်ထားသော်လည်း ယခုအခါ နောက်ထပ်တစ်နှစ် သက်တမ်းတိုးစာချုပ် ချုပ်ဆိုရန်အတွက် ဆုံးဖြတ်ခဲ့ကြောင်း သိရသည်။Source: ရတနာပုံသတင်းစာ
Thu, 19-Jun-2025
ကယ်လီရီပါဝင်မှုကန့်သတ်ထားသော ဓာတ်စာစားသုံးများက မစားသူများနှင့် နှိုင်းယှဉ်ပါက စိတ်ကျဝေဒနာဝင်ရောက်နိုင်ခြေ မြင့်တက်နိုင်
ကယ်လီရီပါဝင်မှုကန့်သတ်ထားသော ဓာတ်စာစားသုံးသူများက မစားသူများနှင့် နှိုင်းယှဉ်ပါက စိတ်ကျဝေဒနာဝင်ရောက်နိုင်ခြေ မြင့်တက်နိုင်
နယူးယောက်  ဇွန် ၁၈ကယ်လိုရီပါဝင်မှု ကန့်သတ်ထားသော ဓာတ်စာစားသုံးသူများသည် မစားသူများနှင့် နှိုင်းယှဉ်ပါက စိတ်ကျဝေဒနာဝင်ရောက်နိုင်ခြေ မြင့်တက်လာနိုင်ကြောင်း သုတေသနပညာရှင်များက ဇွန် ၁၇ ရက်တွင် ပြောကြားသည်။အမေရိကန် သုတေသနပညာရှင်များ၏ အဆိုအရ ကယ်လိုရီနှင့် အာဟာရဓာတ်များပါဝင်မှု ကန့်သတ်ထားသော အစားအစာများကြောင့် အဝလွန်သူများ၌ စိတ်ကျဝေဒနာဝင်နိုင်ခြေ ပုံမှန်ထက်မြင့်မားလာတတ်ကြောင်း သိရသည်။အမေရိကန်သုတေသနပညာရှင်များသည် လူပေါင်း ၂၈၅၂၅ ဦး တို့၏ အစားအစာ စားသောက်မှုပုံစံများကို လေ့လာခဲ့ကြကြောင်း သိရသည်။လေ့လာချက်မှ ပေါ်ထွက်လာသည့် ရလဒ်များအရ ကယ်လိုရီလျှော့ချထားသော အစားအစာများ၊ အာဟာရဓာတ်ကန့်သတ်ထားသော အစားအစာများကြောင့် အဝလွန်သူများတွင် စိတ်ကျဝေဒနာ ဝင်ရောက်နိုင်ခြေ သိသိသာသာ မြင့်တက်လာသည်ကို တွေ့ရကြောင်း သုတေသနပညာရှင်များက ပြောကြားသည်။သို့ရာတွင် ကယ်လိုရီလျှော့ချထားသော ဓာတ်စာများ၊ အာဟာရကန့်သတ်ထားသော အစားအစာများစားသုံးမှုနှင့် စိတ်ကျဝေဒနာဝင်ရောက်နိုင်ခြေတို့ကြား မည်သို့မည်ပုံဆက်စပ်နေသည်ကို သုတေသနပညာရှင်များက ရှင်းပြနိုင်မှုမရှိသေးကြောင်း သိရသည်။ကိုးကား : ရတနာပုံသတင်းစာPhoto: MSN
Thu, 19-Jun-2025
စမ်းသပ်ဆဲဆေးတစ်မျိုးက သွေးအတွင်း ကိုလက်စထရောပါဝင်မှု အဆင့်ကို လျှော့ချနိုင်
စမ်းသပ်ဆဲဆေးတစ်မျိုးက သွေးအတွင်း ကိုလက်စထရောပါဝင်မှု အဆင့်ကို လျှော့ချနိုင်
ကင်ဘာရာ  ဇွန် ၁၈စမ်းသပ်ဆဲသောက်ဆေးတစ်မျိုးသည် သွေးအတွင်း ကိုလက်စထရောပါဝင်မှုအဆင့်ကို ထိရောက်စွာ လျှော့ချနိုင်ကြောင်း သုတေသနပညာရှင်များက ဇွန် ၁၇ ရက်တွင် ပြောကြားသည်။လက်ရှိအချိန်တွင် Obicetrapib အမည်ရှိ အဆိုပါဆေးကို ဩစတြေးလျနိုင်ငံ မိုးနက်ရှ်တက္ကသိုလ်မှ သုတေသနပညာရှင်များက တတိယအဆင့်စမ်းသပ်မှုများ ပြုလုပ်ထားပြီးဖြစ်ကြောင်း သိရသည်။လက်တွေ့စမ်းသပ်မှုများမှ ပေါ်ထွက်လာသည့် ရလဒ်များအရ Obicetrapib ဆေးသည် စမ်းသပ်မှုတွင် ပါဝင်သူများ၏ သွေးအအတွင်း ကိုလက်စထရောပါဝင်မှု အဆင့်ကို ၃၂ ဒသမ ၆ ရာခိုင်နှုန်းထိ လျှော့ချပေးနိုင်ပြီး နှလုံးရုတ်တရက်ဖောက်နိုင်ခြေနှင့် လေဖြတ်နိုင်ခြေကိုလည်း လျှော့ချပေးနိုင်သည်ကို တွေ့ရကြောင်း သိရသည်။ထို့ပြင် Obicetrapib ဆေးသည် သွေးအတွင်း ကစ်ပိုပရိုတင်း (အေ) ပါဝင်မှုအဆင့်ကိုလည်း ၃၁ ဒသမ ၅ ရာခိုင်နှုန်း လျှော့ချပေးနိုင်ပြီး သွေးအတွင်း ကိုလက်စထရောစုစည်းမှုနှင့် ကစ်ပိုပရိုတင်း(အေ) စုစည်းမှုအဆင့်တို့ မြင့်မားမှုသည် နှလုံးကျန်းမာရေးပြဿနာများနှင့် ဆက်စပ်နေကြောင်း သုတေသနပညာရှင်များက ပြောကြားသည်။Source: ရတနာပုံသတင်းစာ
Thu, 19-Jun-2025
ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်နိုင်
ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်နိုင်
နယူးယောက်   ဇွန် ၁၇ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်ပေးနိုင်ဖွယ်ရှိကြောင်း အမေရိကန် သုတေသနပညာရှင်များ၏ အဆိုအရ ဇွန် ၁၆ ရက်သတင်းများတွင် ရေးသားတင်ပြထားသည်။အမေရိကန် သုတေသနပညာရှင်များ၏ လေ့လာတွေ့ရှိချက်အရ ဆေးရုံတက်ကုသမှုခံယူနေရသည့် ကိုဗစ်-၁၉ လူနာများအနေဖြင့် ကာကွယ်ဆေးထိုးနှံထားပြီးဖြစ်ပါက ကျောက်ကပ်ပျက်စီးနိုင်ခြေ နည်းပါးကြောင်း သိရသည်။ဆေးရုံတက် ကိုရိုနာဗိုင်းရပ်လူနာများအနေဖြင့် ကျောက်ကပ်ထိခိုက်ပျက်စီးခဲ့ပါက အဆက်မပြတ် ကျောက်ကပ်ဆေးပေးရန် လိုအပ်ကြောင်း၊ သို့ရာတွင် အမေရိကန် သုတေသနပညာရှင်များ၏ လေ့လာတွေ့ရှိချက်အရ ဆေးရုံတက်လူနာများအနေဖြင့် ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ပျက်စီးနိုင်ခြေ နည်းပါးကြောင်း သိရသည်။မိမိတို့၏ လေ့လာတွေ့ရှိချက်အရ ဆေးရုံတက်လူနာများအနက် ကာကွယ်ဆေးမထိုးထားသူများအစုတွင် ကျောက်ကပ်ပျက်စီးမှုကြောင့် ကျောက်ကပ်ဆေးနေရသူ ၁၆ ရာခိုင်နှုန်းထိ ရှိသော်လည်း ကာကွယ်ဆေးထိုးနှံထားသူများအစုတွင် ၁၁ ရာခိုင်နှုန်းသာ တွေ့ရကြောင်း၊ အမေရိကန် သုတေသနပညာရှင်များသည် ဆေးရုံတက် ကိုဗစ်-၁၉ လူနာ ၃၅၀၀ ခန့်တို့၏ ကျန်းမာရေးအချက်အလက်များကို လေ့လာပြီးနောက် ၎င်းတို့၏ တွေ့ရှိချက်ကို တင်ပြခဲ့ကြခြင်းဖြစ်ကြောင်း သိရသည်။Source: ရတနာပုံသတင်းစာ
Wed, 18-Jun-2025
© Copyright 2024 SAC All Rights Reserved.