အမေရိကန်နှင့် ဆွစ်ဇာလန်တို့ F-35 တိုက်လေယာဉ်ဈေးနှုန်းအပေါ် အငြင်းပွား

saceditor

News Image

  • အမေရိကန်နှင့် ဆွစ်ဇာလန်တို့ F-35 တိုက်လေယာဉ်ဈေးနှုန်းအပေါ် အငြင်းပွား

ဆွစ်ဇာလန်နှင့် အမေရိကန်တို့သည် F-35 ကိုယ်ပျောက်တိုက်လေယာဉ် ၃၆ စီးဝယ်ယူမည့် စာချုပ်နှင့်ပတ်သက်၍ အငြင်းပွားနေကြပြီး အမေရိကန် ဘက်မှ မိတ်ဖက်နိုင်ငံများအား ဈေးနှုန်းမြင့်တက်မှုအတွက် အပိုငွေ ပေး ချေရန် တောင်းဆိုနေသည်။

ဆွစ်ဇာလန်အစိုးရအရာရှိများက ဇွန်လ ၂၅ ရက်နေ့တွင် ပင်တဂွန် လက်အောက်ရှိ အမေရိကန် ကာကွယ်ရေးနှင့် လုံခြုံရေး ပူးပေါင်း ဆောင်ရွက်ရေး အေဂျင်စီ (DSCA) မှ F-35 ကိုယ်ပျောက်တိုက်လေယာဉ် ၃၆ စီးဝယ်ယူရာတွင် ကနဦးစာချုပ်ပါ ဆွစ်ဖရန် ၆ ဘီလီယံ (အမေရိကန် ဒေါ်လာ ၇.၅ ဘီလီယံခန့်) အပြင် အပိုငွေပေးဆောင်ရန် တောင်းဆို နေကြောင်း ပြောကြားခဲ့သည်။

ဆွစ်ဇာလန်၏ အမြင့်ဆုံးအုပ်ချုပ်ရေးအဖွဲ့ဖြစ်သော ဖက်ဒရယ် ကောင်စီ က “လွန်ခဲ့သော လများအတွင်း စိန်ခေါ်မှုများစွာ ပေါ်ပေါက်ခဲ့သည်။ DSCA ၏ အမြင်အရ အမေရိကန်တွင် မကြာသေးမီနှစ်များအတွင်း ငွေကြေး ဖောင်းပွမှုမြင့်မားခြင်းနှင့် Covid-19 ကပ်ရောဂါအလွန် ကုန်ကြမ်းနှင့် စွမ်းအင်ဈေးနှုန်းများ မြင့်တက်လာမှုတို့ကြောင့် ဆွစ်ဇာလန်ဘက်မှ အပိုကုန်ကျစရိတ်များ ကျခံရမည်” ဟု ဖော်ပြခဲ့သည်။

ဆွစ်ဇာလန်ဘက်မှ အေဂျင်စီက DSCA မှ ဖေဖော်ဝါရီလတွင် “သတ်မှတ် ထားသော ဈေးနှုန်းသည် လှည့်ဖြားမှုဖြစ်ပြီး အပိုကုန်ကျစရိတ်များကို ထည့်သွင်းစဉ်းစားနိုင်ခြင်း မရှိကြောင်း” ပြောကြားခဲ့သည်ဟု ဖော်ပြခဲ့သည်။ သို့သော် ဆွစ်ဇာလန် ဖက်ဒရယ်ကောင်စီက “သတ်မှတ် ထားသော ကုန်ကျစရိတ်အတိုင်းသာ လိုက်နာမည်” ဟု ခိုင်မာစွာ ပြောကြားကာ ထိုပမာဏသည် စာချုပ်တွင် သဘောတူညီထားပြီး အမေရိကန် သံရုံး မှလည်း အများသိအောင် အတည်ပြုထားကြောင်း ထပ်လောင်း အလေးပေး ပြောဆိုခဲ့သည်။

ဆွစ်ဇာလန်၏ လက်နက်ဝယ်ယူရေး အေဂျင်စီအကြီးအကဲ အူရ်စ် လိုဟာ (Urs Loher) က အမေရိကန်၏ အခွန်မူဝါဒ၊ ဖြစ်နိုင်ခြေရှိသော ငွေကြေး ဖောင်းပွမှုအခြေအနေနှင့် ပထဝီနိုင်ငံရေး မတည်ငြိမ်မှုတို့၏ သက်ရောက်မှု ပေါ်မူတည်၍ DSCA ၏ ပြင်ဆင်ချက်များကြောင့် ဆွစ်ဇာလန်အနေဖြင့် ဒေါ်လာ ၆၅၀ သန်းမှ ၁.၃ ဘီလီယံ အထိ အပိုကုန်ကျနိုင်ကြောင်း ပြောကြားခဲ့သည်။

ဆွစ်ဇာလန်အရာရှိများက အဆိုပါစာချုပ်ဆိုင်ရာ အငြင်းပွားမှုကို ဖြေရှင်းရန် သံတမန်နည်းလမ်းဖြင့် အဖြေရှာရမည်ဟု ဆိုသည်။ဆွစ်ဇာလန် ကာကွယ်ရေးဝန်ကြီးဌာနအား အငြင်းပွားမှုဖြေရှင်းရန် အဆိုပြုချက် တစ်ရပ် ပြုစုရန် တာဝန်ပေးထားသည်။

ဆွစ်ဇာလန်အစိုးရက “စာချုပ်ဖျက်သိမ်းပါက ကြီးမားသော အကျိုးဆက်များ ရှိလာမည်။ F/A-18 တိုက်လေယာဉ်များ ဝန်ဆောင်မှုသက်တမ်း ကုန်ဆုံးလာသည့်အတွက် ၂၀၃၂ မှစ၍ ဆွစ်ဇာလန်၏ လေကြောင်း နယ်နိမိတ်နှင့် နိုင်ငံသားများ၏ လုံခြုံရေးကို အာမခံနိုင်တော့မည် မဟုတ်” ဟု ထုတ်ပြန်ခဲ့သည်။

ဆွစ်ဇာလန်သည် F-35A တိုက်လေယာဉ် ၃၆ စီး ကို ၂၀၂၂ ခုနှစ်တွင် အမေရိကန်ထံမှ မှာယူခဲ့ပြီး၊ ပထမဆုံးအသုတ်အား ၂၀၂၇ နှစ်တွင် လွှဲပြောင်းရရှိမည်ဖြစ်ကာ ၎င်းတို့၏ အိုဟောင်းနေပြီဖြစ်သော F/A-18Cတိုက်လေယာဉ်များနေရာတွင် အစားထိုးမည်ဖြစ်သည်။ စာချုပ်ချုပ် ဆိုစဉ်က ဆွစ်ဖရန် ၆ ဘီလီယံ (ဒေါ်လာ ၆.၂ ဘီလီယံ) တန်ဖိုးရှိခဲ့သည်။

ဆွစ်ဇာလန်နှင့် အမေရိကန်တို့အကြား အဆိုပါအငြင်းပွားမှုသည် နိုင်ငံ၏ ကာကွယ်ရေးစွမ်းရည်နှင့် ဘဏ္ဍာရေးအပေါ် ကြီးမားသောသက်ရောက်မှု ရှိနိုင်သည့်အတွက် နှစ်နိုင်ငံအကြား ညှိနှိုင်းမှုများ ဆက်လက်ပြုလုပ်နေဆဲ ဖြစ်သည်။

ကိုးကား- VN Espress

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ထိုင်း ပြည်သူ့ပါတီက ပါတီဝင်များအား စစ်အာဏာသိမ်းမှုကို မထောက်ခံရန် သတိပေး
ထိုင်း ပြည်သူ့ပါတီက ပါတီဝင်များအား စစ်အာဏာသိမ်းမှုကို မထောက်ခံရန် သတိပေး
ထိုင်း ပြည်သူ့ပါတီက နိုင်ငံရေးအကျပ်အတည်းဖြေရှင်းရန်အတွက် စစ် အာဏာသိမ်းမှုကို ထောက်ခံသည့် လုပ်ရပ်မျိုး မပြုလုပ်ရန် အဖွဲ့ဝင် များအား “ပါတီ၏မူဝါဒနှင့် လမ်းစဉ်ကို မကျော်လွန်ရ” ဟု သတိပေးထားသည်။ ပါတီအတွင်းရေးမှူး Sarayut Jailak က တနင်္လာနေ့ (ဇွန် ၃၀) တွင် အဖွဲ့ဝင်အားလုံးထံ အဆိုပါသတိပေးချက်ကို ညွှန်ကြားချက် ထုတ်ပြန်ကာ အများပြည်သူသိရှိစေခဲ့သည်။၎င်းက အဖွဲ့ဝင်အားလုံး “ပါတီ၏မူဝါဒနှင့် လမ်းစဉ်ကို ကျော်လွန်ခြင်း မရှိစေရ” ဟု ပြောကြားခဲ့ပြီး တပ်မတော်အား အကြမ်းဖက်မှု နည်းလမ်း အသုံးပြုရန် ထောက်ခံသည့် မည်သည့်သတင်းစကားမျှ မပြောဆိုရန် သို့မဟုတ် အာဏာသိမ်းရန် အားပေးသည့် လှုပ်ရှားမှုများတွင် ပါဝင်ခြင်း မပြုရန် သတိပေးခဲ့သည်။ ဝန်ကြီးချုပ် ပေထုန်တန် ရှင်နာဝပ်ထရာက အောက်လွှတ်တော်ကို ဖျက်သိမ်းပြီး မဲဆန္ဒရှင်များက ဆုံးဖြတ်ခွင့်ပေးရန် တောင်းဆိုချက်ကို ပါတီက ထပ်လောင်းပြောကြားခဲ့သည်။ဝန်ကြီးချုပ်၏ ကမ္ဘောဒီးယား ဆီးနိတ်ဥက္ကဋ္ဌ ဟွန်ဆင်နှင့် ဖုန်းစကား ပြောဆိုမှုဖြစ်စဉ် မီဒီယာများတွင် လျှို့ပေါက်ကြားခဲ့ပြီးနောက် နိုင်ငံရေး အရှုပ်တော်ပုံများ ဖြစ်ပွားကာ ညွန့်ပေါင်းအစိုးရအဖွဲ့ ယိုင်နဲ့ခဲ့သည်။အတိုက်အခံခေါင်းဆောင် Natthaphong Ruengpanyawut က တနင်္ဂနွေနေ့ (ဇွန် ၂၉) တွင် ပြည်သူ့ပါတီအနေဖြင့် စစ်တပ်က နိုင်ငံရေး အကျပ်အတည်းကို ဝင်ရောက်ဖြေရှင်းရန် အခွင့်အရေးဖန်တီးမည့် မည်သည့် လုပ်ရပ်ကိုမဆို အခိုင်အမာ ကန့်ကွက်ကြောင်း ပြောကြား ခဲ့သည်။ “ဝန်ကြီးချုပ်နှင့် အစိုးရ၏ အဆိုပါကျရှုံးမှုအခွင့်အရေးကို အသုံး ချ၍ အာဏာသိမ်းရန် လမ်းဖွင့်ပေးခြင်း သို့မဟုတ် နိုင်ငံရေး ပြဿနာများ ကို ဒီမိုကရေစီမဟုတ်သော နည်းလမ်းများဖြင့် ဖြေရှင်းရန် မည်သူ တစ်ဦး တစ်ယောက်ကိုမျှ ခွင့်ပြုမထားသင့်ပါ” ဟု ၎င်းက ပြောကြားခဲ့သည်။အဓိက အတိုက်အခံပါတီသည် စနေနေ့ (ဇွန် ၂၈) က အစိုးရ ဆန့်ကျင်ရေး အစည်းအဝေးတွင် ဆွေးနွေးသူ Sondhi Limthongkul က စစ်တပ်၏ ဝင်ရောက်စွက်ဖက်နိုင်ခြေအကြောင်း လူထုအစည်းအဝေးကြီးကို သတိပေး ပြောကြားပြီးနောက် အာဏာသိမ်းမှုကို ဆန့်ကျင်သည့် ၎င်းတို့၏ သဘောထားကို ရှင်းလင်းစွာ ဖော်ပြခဲ့သည်။ မီဒီယာလုပ်ငန်းရှင် သူဌေးကြီး နှင့် ယခင်အစိုးရဆန့်ကျင်ရေး ခေါင်းဆောင်ဟောင်းဖြစ်သူ ဆွန်ဒီက ၎င်းသည် အာဏာသိမ်းမှုကို ထောက်ခံသည့်အနေဖြင့် ပြောဆိုခြင်း မဟုတ်ကြောင်း ပြောကြားခဲ့သည်။အောင်ပွဲခံ အထိမ်းအမှတ် ကျောက်တိုင်ရင်ပြင်တွင် ကျင်းပခဲ့သော ဆန္ဒပြပွဲကို “အချုပ်အခြာအာဏာကာကွယ်ရေး ပြည်သူ့စည်းလုံး ညီညွတ်ရေး” အဖွဲ့မှ စီစဉ်ခဲ့သည်။ အရပ်ဘက် ၁၅ ဖွဲ့ပါဝင်သော “ပြည်သူ့ ဒီမိုကရေစီ အတွက် လှုပ်ရှားမှု” အဖွဲ့ချုပ်က တနင်္လာနေ့ (ဇွန် ၃၀) တွင် ဖုန်းစကား ပြောဆိုမှုနှင့်ပတ်သက်သည့် အဖြစ်အပျက်များအတွက် တာဝန်ယူ၍ပေထုန်တန် နုတ်ထွက်ရန် တောင်းဆိုသည့် ထုတ်ပြန်ချက်တစ်ရပ် ထုတ်ပြန်ခဲ့သည်။အဆိုပါအဖွဲ့သည် အာဏာသိမ်းမှုအတွက် မည်သည့်လုပ်ရပ်ကိုမဆို အပြင်းအထန် ကန့်ကွက်ကြောင်း ပြောကြားခဲ့ပြီး ယင်းကြောင့် နိုင်ငံရေး တည်ငြိမ်မှုကို ထိခိုက်စေကာ ထိုင်းနိုင်ငံ၏ အပြည်ပြည် ဆိုင်ရာ ယုံကြည်မှုကို ပျက်ပြားစေမည်ဟု ဆိုသည်။ကိုးကား- Bangkok Postဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
ရုရှားနိုင်ငံက NATO အဖွဲ့ဝင်အသစ် ဆွီဒင်နှင့် နျူကလီးယား သဘောတူညီချက်ကို ရုပ်သိမ်း
ရုရှားနိုင်ငံက NATO အဖွဲ့ဝင်အသစ် ဆွီဒင်နှင့် နျူကလီးယား သဘောတူညီချက်ကို ရုပ်သိမ်း
ရုရှား ဝန်ကြီးချုပ် Mikhail Mishustin က ဆွီဒင်နိုင်ငံနှင့် နျူကလီးယား မတော်တဆမှုများနှင့် နျူကလီးယား စက်ရုံများဆိုင်ရာ အချက်အလက် ဖလှယ်ရေး သဘောတူညီချက်ကို ဖျက်သိမ်းရန် အမိန့်ထုတ်ပြန်လိုက်သည်။ ယင်းဆုံးဖြတ်ချက်ကို ဆွီဒင်နိုင်ငံ ၂၀၂၃ ခုနှစ်တွင် NATO အဖွဲ့ဝင်အဖြစ် ပါဝင်ပြီးနောက် ချမှတ်လိုက်ခြင်းဖြစ်သည်။အဆိုပါ အမိန့်ကို Mishustin က ဇွန် ၂၄ ရက်နေ့တွင် လက်မှတ် ရေးထိုးကာ ဇူလိုင် ၅ ရက်နေ့တွင် ရုရှား၏ တရားဝင် ဥပဒေဆိုင်ရာ အချက်အလက်ဝက်ဘ်ဆိုက်တွင် ထုတ်ပြန်ခဲ့သည်။၁၉၈၈ ခုနှစ်တွင် ဆိုဗီယက်ယူနီယံနှင့် ဆွီဒင်နိုင်ငံတို့ လက်မှတ် ရေးထိုး ခဲ့သော အဆိုပါသဘောတူညီချက်သည် ၁၉၈၆ ခုနှစ် အပြည်ပြည်ဆိုင်ရာ အဏုမြူစွမ်းအင်အေဂျင်စီ (IAEA) ၏ “နျူကလီးယား မတော်တဆမှု များကို အချိန်မီ အသိပေးရန် သဘောတူစာချုပ်” အပေါ် အခြေခံထားသည်။ ယင်းစာချုပ်တွင် IAEA အဖွဲ့ဝင်နိုင်ငံများသည် ၎င်းတို့ နယ်မြေအတွင်း ဖြစ်ပွားသော နျူကလီးယား မတော်တဆမှုများကို အခြားနိုင်ငံများထံ အသိပေးရန် သဘောတူညီခဲ့ကြသည်။၁၉၈၆ ခုနှစ် ယူကရိန်းရှိ ချာနိုဘိုင်း ဓာတ်ပေါင်းဖိုမှူးပေါက်ကွဲမှုပြီး နှစ်ရက်အကြာတွင် ဆွီဒင် Forsmark နျူကလီးယား စွမ်းအင်စက်ရုံမှ သိပ္ပံပညာရှင်များသည် အနောက်နိုင်ငံများအနက် ရေဒီယိုသတ္တိကြွမှု မြင့်တက်လာသည်ကို ပထမဆုံး ထောက်လှမ်းနိုင်ခဲ့သူများ ဖြစ်သည်။ဆွီဒင်နိုင်ငံသည် ၂၀၂၄ ခုနှစ် မတ်လတွင် NATO အဖွဲ့သို့ ဝင်ရောက်ခဲ့ပြီး ရာစုနှစ်ဝက်ကျော်ကြာ ကျင့်သုံးခဲ့သည့် ဘက်မလိုက်ရေးမူကို စွန့်လွှတ် လိုက်သည်။ ၂၀၂၂ ခုနှစ် ဖေဖော်ဝါရီမှစတင်၍ ဆွီဒင်အစိုးရသည် ယူကရိန်းသို့ စစ်ရေးနှင့် အခြားအကူအညီများ အမေရိကန်ဒေါ်လာ ၁၀ ဘီလီယံနီးပါး ထောက်ပံ့ပေးခဲ့သည့်အပြင် ပြည်တွင်းတွင် ကြီးမားသော လက်နက်ပြန်လည်တပ်ဆင်ရေးအစီအစဉ်ကိုလည်း ကြေညာခဲ့သည်။ရုရှားနိုင်ငံသည် ဖွဲ့စည်းပုံအခြေခံဥပဒေအရ ဆိုဗီယက်ယူနီယံ၏ ဆက်ခံသောနိုင်ငံအဖြစ် ရပ်တည်နေဆဲဖြစ်ပြီး ဆိုဗီယက်ပြည်ထောင်စု ပြိုကွဲချိန်တွင် ယင်း၏ကြွေးမြီအားလုံးကိုလည်း တစ်ဦးတည်း ထမ်းဆောင် ခဲ့သည်။ ထို့ကြောင့် မော်စကိုအစိုးရသည် ဆိုဗီယက်ယူနီယံ လက်မှတ် ရေးထိုးခဲ့သော အပြည်ပြည်ဆိုင်ရာ စာချုပ်များကို အသိအမှတ်ပြုဆဲ ဖြစ်သည်။မေလတွင် ရုရှားသံအမတ်ကြီး Sergey Belyaev က RIA-Novosti သတင်းဌာနအား ပြောကြားရာတွင် “ဆွီဒင်၏ လုပ်ရပ်များက ၎င်းတို့သည် ဘက်မလိုက်နိုင်ငံအဆင့်သတ်မှတ်မှုကို အပြည့်အဝ ဆုံးရှုံးသွားပြီး NATO ၏ စစ်ရေးချဲ့ထွင်ရေး ရည်မှန်းချက်များ အကောင်အထည်ဖော်ရာ အခြေစိုက်စခန်းတစ်ခု ဖြစ်လာကြောင်း ညွှန်းဆိုနေသည်” ဟု ထောက်ပြ ခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
ထိုင်းနိုင်ငံတွင် နိုင်ငံမဲ့များစွာအတွက် နိုင်ငံသားအဖြစ် ရရှိရန် စည်းမျဉ်းသစ်ကို ခွင့်ပြု
ထိုင်းနိုင်ငံတွင် နိုင်ငံမဲ့များစွာအတွက် နိုင်ငံသားအဖြစ် ရရှိရန် စည်းမျဉ်းသစ်ကို ခွင့်ပြု
ထိုင်းနိုင်ငံတွင် နေထိုင်ကြသည့် နိုင်ငံမဲ့မိဘများ၏ ကလေးများနှင့် တိုင်းရင်းသားလူနည်းစုများအား ထိုင်းနိုင်ငံသားအဖြစ် ပိုမိုလွယ်ကူစွာ ရရှိစေမည့် စည်းမျဉ်းသစ်တစ်ရပ်ကို တနင်္လာနေ့ (ဇွန် ၃၀) တွင် Royal Gazette တွင် ကြေညာကာ အာဏာသက်ရောက်စေခဲ့သည်။ပြည်ထဲရေးဝန်ကြီးဌာန ဒုတိယဝန်ကြီး Theerarat Samrejvanich က အခြေခံဥပဒေနှင့်ကိုက်ညီသည့် အဆိုပါပြောင်းလဲမှုများသည် နိုင်ငံတွင် ကြာမြင့်စွာနေထိုင်လာခဲ့သော နိုင်ငံမဲ့များအား အရေးပေါ် အသိအမှတ် ပြုရန် အတည်ပြုထားသည့် အစိုးရအဖွဲ့၏ ဆုံးဖြတ်ချက်နှင့်အညီ ဖြစ်ကြောင်း ပြောကြားခဲ့သည်။အဆိုပါစည်းမျဉ်းသစ်အရ ၁၉၉၉ ခုနှစ်အထိ ပြုလုပ်ခဲ့သော လူဦးရေ စာရင်းတွင် မိဘများ၏ အချက်အလက်မှတ်တမ်းရှိသည့် ထိုင်းနိုင်ငံတွင် မွေးဖွားခဲ့သူများ၊ ဥပဒေနှင့်အညီ အခွင့်အရေးဆိုင်ရာ ပြဿနာများကို ဖြေရှင်းရန် မဟာဗျူဟာစီမံကိန်း (၂၀၀၅-၂၀၁၁) အောက်တွင် အသိအမှတ်ပြုထားသော နိုင်ငံမဲ့များ (မိုကင်းလူမျိုးစုအပါအဝင်) သည် သတ်မှတ်စံနှုန်းများနှင့်ကိုက်ညီပါက ထိုင်းနိုင်ငံသားဖြစ်ခွင့် ရရှိမည် ဖြစ်သည်။ပြည်ထဲရေး ဒုတိယဝန်ကြီး Theerarat က အဆိုပါစည်းမျဉ်းသည် ၂၀၂၅ ခုနှစ် ဇွန်လ ၃၀ ရက်နေ့မှစတင်၍ တစ်နှစ်တာအတွက် အာဏာ သက်ရောက်မည်ဖြစ်ပြီး အနာဂတ်တွင် အစိုးရအဖွဲ့က သက်တမ်း မတိုးပါ က အလိုအလျောက်ပျက်ပြယ်မည်ဖြစ်ကြောင်း ပြောကြားခဲ့သည်။ပြည်ထဲရေးဝန်ကြီးဌာန အမြဲတမ်းအတွင်းဝန် Unsit Sampantarat က ဝန်ကြီးချုပ် Paetongtarn Shinawatra အစိုးရက ယခင်သက်တမ်း Srettha Thavisin အစိုးရလက်ထက် ၂၀၂၄ ခုနှစ် အောက်တိုဘာလ ၂၉ ရက်နေ့တွင် အတည်ပြုခဲ့သည့် အစိုးရအဖွဲ့၏ ဆုံးဖြတ်ချက်နှင့်အညီ အဆိုပါစည်းမျဉ်းကို အကောင်အထည်ဖော်ရန် ပြည်ထဲရေး ဝန်ကြီးဌာန အား ညွှန်ကြားခဲ့ကြောင်း ဖော်ပြခဲ့သည်။Unsit က “ထိုင်းနိုင်ငံအနေဖြင့် ယခုကဲ့သို့ ပြဿနာများကို လက်တွေ့ ကျကျ အရှိန်အဟုန်မြှင့် ဖြေရှင်းခြင်းမျိုးသည် ပထမဆုံး အကြိမ် ဖြစ်ပါသည်” ဟု ပြောကြားခဲ့ပါသည်။ ၎င်းက “အဆိုပါစည်းမျဉ်းသည် ထိုင်းနိုင်ငံတွင် နှစ်ပေါင်းများစွာ နေထိုင်လာခဲ့ကြသည့် တိုင်းရင်းသား လူနည်းစုများအတွက် ရည်ရွယ်ခြင်းဖြစ်ပြီး ၎င်းတို့၏ ဇီဝမှတ်တမ်းများက နိုင်ငံတော်ဒေတာဘေ့စ်ထဲမှာ အရင်ကတည်းက ပါဝင်နေပြီး ဖြစ်ပါသည်” ဟု ရှင်းပြခဲ့ပါသည်။ “ထိုပုဂ္ဂိုလ်များသည် စာရင်းမဝင် ရွှေ့ပြောင်း အလုပ်သမားများ (သို့) တရားမဝင်နိုင်ငံခြားသားများ မဟုတ်ဘဲ အရေအတွက်အားဖြင့် ၁၄၀,၀၀၀ ခန့်ရှိပါသည်”ဟု ၎င်းက ဆိုပါသည်။၎င်းက အဆိုပါစည်းမျဉ်းသည် ရွှေ့ပြောင်းအလုပ်သမားများ၊ ယာယီ ခိုလှုံရာ နေရာများ၌ရှိနေသော အိုးမဲ့အိမ်မဲ့များ (သို့) နိုင်ငံခြားသား ပတ်စ်ပို့ပိုင်ဆိုင်သူများနှင့် သက်ဆိုင်ခြင်းမရှိကြောင်း ရှင်းလင်းစွာ ပြောဆို ပါသည်။အသိအမှတ်ပြုထားသည့် အုပ်စုနှစ်စုမှ လျှောက်ထားနိုင်သူများသည် စည်းမျဉ်းတွင် ဖော်ပြထားသည့် အရည်အချင်းများနှင့် ကိုက်ညီရမည် ဖြစ်ပြီး သက်ဆိုင်ရာလမ်းကြောင်းအတိုင်း လျှောက်လွှာတင်သွင်းရမည် ဖြစ်ပါသည်။ဘန်ကောက်တွင် နေထိုင်သူများအနေဖြင့် ခရိုင်အုပ်ချုပ်ရေးဦးစီးဌာန ၊ မှတ်ပုံတင်ရေးဌာနတွင် လျှောက်ထားရမည်ဖြစ်ပြီး အခြားဒေသများတွင် နေထိုင်သူများသည် သက်ဆိုင်ရာခရိုင်ရုံးများမှတဆင့် လျှောက်ထားရမည် ဖြစ်ပါသည်။ကိုးကား- Bangkok Postဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
EU အဖွဲ့ဝင်နိုင်ငံတစ်ခုဖြစ်သည့် စလိုဗက် သမ္မတက အခြား EU အဖွဲ့ဝင် နိုင်ငံများကို ရုရှားနှင့် ဆွေးနွေးရန် တိုက်တွန်း
EU အဖွဲ့ဝင်နိုင်ငံတစ်ခုဖြစ်သည့် စလိုဗက် သမ္မတက အခြား EU အဖွဲ့ဝင် နိုင်ငံများကို ရုရှားနှင့် ဆွေးနွေးရန် တိုက်တွန်း
စလိုဗက်သမ္မတ Peter Pellegrini က EU အဖွဲ့ဝင်နိုင်ငံများအား မော်စကိုနှင့် တိုက်ရိုက်ဆွေးနွေးမှုများ ပြန်လည်စတင်ရန် တိုက်တွန်းခဲ့ပြီး NATO ၏ စစ်ရေးအသုံးစရိတ်များကို ရုရှားအား ကြောက်ရွံ့မှုထက် နိုင်ငံတကာ၏ ဦးစားပေးလိုအပ်ချက်များအရ သတ်မှတ်သင့်ကြောင်း ထည့်သွင်းပြောကြားခဲ့သည်။“မိမိတို့သည် ရုရှားဖက်ဒရေးရှင်းနှင့် စကားပြောဆိုရန် စတင်သင့် ပါသည်” ဟု Pellegrini က တနင်္ဂနွေနေ့ (ဇွန် ၂၉) တွင် TA3 ရုပ်သံလိုင်း သို့ ပြောကြားခဲ့သည်။ “ခေါင်းဆောင် နှစ်ဦး သို့မဟုတ် သုံးဦးက ရှေ့တန်းမှ ဦးဆောင်ပါစေ ၊ ဥပမာ အီတလီ ဝန်ကြီးချုပ် Giorgia Meloni ကဲ့သို့ပုဂ္ဂိုလ်များ” ဟု ၎င်းက ဖြည့်စွက်ခဲ့သည်။၎င်းသည် စလိုဗက်ဝန်ကြီးချုပ် Robert Fico ဦးဆောင်သည့် ရုရှား သမ္မတ Vladimir Putin နှင့် ပြုလုပ်ခဲ့သော တွေ့ဆုံမှုကို ကာကွယ်ခဲ့ပြီး အဆိုပါတွေ့ဆုံမှုအား အနောက်နိုင်ငံအချို့က ဝေဖန်ခဲ့ကြသည်။ ခေါင်းဆောင်နှစ်ဦးသည် မေလအတွင်း ဒုတိယကမ္ဘာစစ် အောင်ပွဲနေ့ အထိမ်းအမှတ်အခမ်းအနားတွင် မော်စကို၌ တွေ့ဆုံခဲ့ပြီး နှစ်နိုင်ငံ ဆက်ဆံရေး နှင့် ယူကရိန်းပဋိပက္ခတို့ကို ဆွေးနွေးခဲ့ကြသည်။Pellegrini သည် NATO ၏ စစ်ရေးတိုးချဲ့မှုအား အရှိန်မြှင့်ရန် ဖိအားပေးမှုကိုလည်း ပယ်ချခဲ့သည်။ “ရုရှားကို ကြောက်ရွံ့မှုကြောင့် လက်နက် ပြန်တပ်ဆင်ရန် မိမိတို့ မလိုအပ်ပါ။ မိမိတို့၏ တပ်မတော်အား မည်သည့် အင်အားနှင့် အခြေအနေတွင် ရှိစေလိုသည်ကို ကိုယ်တိုင်ဆုံးဖြတ်သင့်သည်” ဟု ၎င်းက ပြောကြားခဲ့သည်။ ထို့အပြင် ကာကွယ်ရေး လုပ်ငန်းများသည် စီးပွားရေးအရ အကြီးစားဝယ်ယူမှုများအတွက် အဆင်သင့် မဖြစ်သေးကြောင်းနှင့် EU အဖွဲ့ဝင်နိုင်ငံများတွင် မော်စကိုအပေါ် ရှုမြင်မှုတွင်မတူညီမှုများ ရှိကြောင်း ၎င်းက ထောက်ပြခဲ့သည်။“လူမှုအသိုင်းအဝိုင်းတစ်ဝက်ခန့်သည် ရုရှားကို ခြိမ်းခြောက်မှု တစ်ရပ် အဖြစ် မမြင်ကြပါ” ဟု Pellegrini က ဆိုသည်။ စလိုဗက်ကီးယား နိုင်ငံသည် အီတလီနှင့် ဗြိတိန်တို့နှင့်အတူ NATO ၏ ကာကွယ်ရေး အသုံးစရိတ်အား GDP ၏ ၅% အထိ မြှင့်တင်ရန် ရည်မှန်းချက်နှစ်အဖြစ် ၂၀၃၅ ခုနှစ်ကို ထောက်ခံခဲ့သည်။Pellegrini က ရုရှားကို EU ၏ ၁၈ ကြိမ်မြောက် ပိတ်ဆို့ အရေးယူမှု အစီအစဉ်အား အတည်ပြုချမှတ်မီ စွမ်းအင်လုံခြုံရေးအာမခံချက်များ လိုအပ်ကြောင်း Fico ၏ တောင်းဆိုမှုကို ထောက်ခံခဲ့ပြီး ၎င်းသည် နိုင်ငံ၏ အမျိုးသားအကျိုးစီးပွားကို အထောက်အကူပြုပါက ကန့်ကွက်ရန် အကြောင်းမရှိဟု ပြောကြားခဲ့သည်။စလိုဗက်နိုင်ငံခြားရေးဝန်ကြီး Juraj Blanar ကလည်း Pellegrini ၏ သဘောထားကို ထပ်တူပြုကာ ယူကရိန်းပဋိပက္ခကို စစ်ရေးနည်းဖြင့် ဖြေရှင်း၍မရနိုင်ကြောင်း ပြောကြားခဲ့သည်။ ပြည်တွင်းအများပိုင် ရုပ်သံလိုင်း STVR သို့ ပြောကြားရာတွင် Blanar က ငြိမ်းချမ်းရေးရရှိရန် မော်စကိုနှင့် ဆက်သွယ်ပြောဆိုမှု ပြန်လည်စတင်ရန် လိုအပ်ကြောင်း ဖော်ပြခဲ့သည်။“နိုင်ငံတကာဥပဒေကို လေးစားလိုက်နာမှုသို့ ပြန်သွားကာ ရုရှားဖက်ဒရေးရှင်းနှင့် ဆက်သွယ်ဆောင်ရွက်နိုင်မည့် နည်းလမ်းများကို ရှာဖွေကြပါစို့” ၎င်းက ဆိုသည်။ ထို့အပြင် အနောက်နိုင်ငံများ အနေဖြင့်လည်း ရုရှားနှင့် ပူးပေါင်းဆောင်ရွက်နိုင်မည့် နည်းလမ်းကို ရှာဖွေသင့်ပြီး “ဖြစ်ပျက်ခဲ့သမျှကိုပင် ခွင့်လွှတ်ပေးရန်” လိုအပ်နိုင်ကြောင်း ၎င်းက ဖြည့်စွက်ခဲ့သည်။ဟန်ဂေရီနိုင်ငံနှင့်အတူ စလိုဗက်ကီးယားသည် ရုရှားနှင့် တင်းမာမှုလျှော့ချရန် တောင်းဆိုသည့် NATO အဖွဲ့ဝင် အနည်းငယ်သော နိုင်ငံများထဲမှ တစ်ခုဖြစ်သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
ကမ္ဘောဒီးယား အာဏာရှင် Hun Sen ၏ တိုက်ရိုက်ထုတ်လွှင့်မှုသည် ဥပဒေကိုချိုးဖောက်နေသည်ဟု ထိုင်း နိုင်ငံခြားရေးဌာန ပြောဆို
ကမ္ဘောဒီးယား အာဏာရှင် Hun Sen ၏ တိုက်ရိုက်ထုတ်လွှင့်မှုသည် ဥပဒေကိုချိုးဖောက်နေသည်ဟု ထိုင်း နိုင်ငံခြားရေးဌာန ပြောဆို
ကမ္ဘောဒီးယား ဆီးနိတ်ဥက္ကဋ္ဌ ဟွန်ဆန်၏ သောကြာနေ့ (ဇွန် ၂၇) က တိုက်ရိုက် ထုတ်လွှင့်မှုသည် ထိုင်း၏ ကိစ္စရပ်များတွင် ဝင်ရောက် စွက်ဖက်မှု ဖြစ်ပြီး အပြည်ပြည်ဆိုင်ရာ ဓလေ့ထုံးတမ်းများကို ချိုးဖောက်နေသည်ဟု နိုင်ငံခြားရေးဝန်ကြီးဌာန ဒုတိယဝန်ကြီး Russ Jalichandra က ပြောသည်။Russ က တိုက်ရိုက်ထုတ်လွှင့်မှုတွင် ထိုင်းအစိုးရ၏ တည်ငြိမ်မှုကို ခြိမ်းခြောက်သည့် အကြောင်းအရာများ ပါဝင်နေပြီး ဟွန်ဆန်၏ အစိုးရ ပြောင်းလဲရန် တိုက်တွန်းချက်သည် အပြည်ပြည်ဆိုင်ရာဥပဒေနှင့် အာဆီယံ မူဘောင်များကို ချိုးဖောက်ကြောင်း ထောက်ပြခဲ့သည်။ထို့အပြင် ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC) နှင့် အပြည်ပြည်ဆိုင်ရာလွတ်ငြိမ်းချမ်းသာခွင့် အစရှိသော အဖွဲ့အစည်း များ၏ အစီရင်ခံစာများကို ကိုးကား၍ ကမ္ဘောဒီးယားနိုင်ငံအား တရား မဝင် လုပ်ငန်းများ၏ ဗဟိုချက်အဖြစ် သတ်မှတ်ထားကြောင်း ပြောဆိုကာ ၎င်းကိစ္စများသည် ထိုင်းနှင့် မသက်ဆိုင်ဘဲ ကမ္ဘောဒီးယားကိုယ်တိုင် ဖြေရှင်းသင့်ကြောင်း ပြောကြားခဲ့သည်။ထို့အပြင် ဟွန်ဆန်၏ ပြောကြားချက်များသည် ထိုင်းနိုင်ငံအတွင်းရှိ အချို့သောအုပ်စုများအား အကျိုးပြုရန် နိုင်ငံရေးရည်ရွယ်ချက်ဖြင့် ပြုလုပ်ခြင်းဖြစ်နိုင်ကြောင်း သံသယဖြစ်စရာအချက်အဖြစ် ထောက်ပြ ခဲ့သည်။ဟွန်ဆန်သည် ၎င်း၏ တိုက်ရိုက်ထုတ်လွှင့်မှုတွင် ထိုင်းအစိုးရအပေါ် စွပ်စွဲချက်များ ပြုလုပ်ခဲ့ပြီး အထူးသဖြင့် ဝန်ကြီးချုပ်ဟောင်း Thaksin Shinawatra နှင့် Bhumjaithai ပါတီ ခေါင်းဆောင် Anutin Charnvirakul တို့အပေါ် ထိပါးသည့် ပြောဆိုချက်များ ပါဝင်ခဲ့သည်။ထိုင်းအစိုးရက တရားဝင်တုန့်ပြန်မှု မပြုသေးသော်လည်း အရာရှိများက ကမ္ဘောဒီးယားနှင့် နယ်နိမိတ်အရှုပ်အရှင်းများ ဖြစ်ပေါ်နေချိန်တွင် သံတမန်ရေး (Diplomacy)၊ သည်းခံမှုနှင့် ငြိမ်းချမ်းသော ဆက်ဆံရေး ထိန်းသိမ်းရန် အရေးကြီးကြောင်း ထပ်လောင်းပြောကြားခဲ့သည်။အချို့လေ့လာသူများက အစိုးရ၏ တုံ့ပြန်မှုသည် လုံလောက်မှုမရှိဟု ဝေဖန်ခဲ့ကြသည်။ အထူးသဖြင့် ဝန်ကြီးချုပ်၏ ဟွန်ဆန်နှင့် ဖုန်းစကား ပြောဆိုမှုကြောင့် ဆန္ဒပြမှုများ မြင့်တက်နေချိန်တွင် ပိုမိုထိရောက်သော အရေးယူမှုများ လိုအပ်နေကြောင်း ထောက်ပြခဲ့သည်။ရွေးကောက်ပွဲကော်မရှင်အဖွဲ့ဝင်ဟောင်း Somchai Srisutthiyakorn က ဟွန်ဆန်၏ ပြောကြားချက်များကို တရားဝင်တုံ့ပြန်ရန် အစိုးရအား တိုက်တွန်းခဲ့ပြီး “ဟွန်ဆန်သည် ကမ္ဘောဒီးယားနိုင်ငံရေးတွင် အလွန် အမင်း ဩဇာရှိသူဖြစ်သောကြောင့် ၎င်း၏ပြောဆိုချက်များကို ကိုယ်ရေး ကိုယ်တာ အမြင်အဖြစ် မဟုတ်ဘဲ တရားဝင် ဝေဖန်မှုအဖြစ် သတ်မှတ်သင့်သည်” ဟု ပြောကြားခဲ့သည်။ထို့အပြင် ဟွန်ဆန်၏ “အစိုးရပြောင်းလဲရန်” တိုက်တွန်းချက်သည် သံတမန်ရေးအရ ကြီးလေးသော ချိုးဖောက်မှုဖြစ်ပြီး ထိုင်း၏ ကိစ္စရပ် များတွင် သိသာထင်ရှားစွာ ဝင်ရောက်စွက်ဖက်မှုဖြစ်ကြောင်း ဝေဖန် ခဲ့သည်။ဟွန်ဆန်၏ “ကမ္ဘောဒီးယားက ထွက်ပြေးတိမ်းရှောင်နေသော ဝန်ကြီးချုပ်ဟောင်း ယင်လတ် ရှင်နာဝပ်ထရာအား မလေးရှားနှင့် စင်ကာပူသို့ သွားရောက်ရန် ကူညီခဲ့သည်” ဆိုသော ပြောဆိုချက်ကိုလည်း Somchai က ပြင်းပြင်းထန်ထန် ရှုတ်ချခဲ့ပြီး၊ ၎င်းကဲ့သို့သော အပြုအမူများသည် ထိုင်းဥပဒေကို ချိုးဖောက်သည့် လုပ်ရပ်ဖြစ်ကြောင်း ပြောကြားခဲ့သည်။ဟွန်ဆန်၏ တိုက်ရိုက်ထုတ်လွှင့်မှုတွင် ထိုင်း၏ ဘုရင်စနစ်ကို ထိပါးသည့် ပြောဆိုချက်များ မပါဝင်သော်လည်း “ကမ္ဘောဒီးယားတွင် ဘန်ကောက် မြို့ကို တိုက်ရိုက်ပစ်ခတ်နိုင်သည့် ဒုံးလက်နက်များ ရှိသည်” ဟူသော ပြောဆိုချက်သည် ခြိမ်းခြောက်မှုတစ်ရပ်အဖြစ် အဓိပ္ပာယ်ကောက်ယူ နိုင်ကြောင်း Somchai က သတိပေးခဲ့သည်။ ၎င်းက အစိုးရအားကမ္ဘောဒီးယားအပေါ် ပိုမိုတင်းမာသည့် သဘောထားများထားရှိ ကျင့်သုံးရန် တိုက်တွန်းခဲ့သည်။ကိုးကား- Bangkok Postဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
ထိုင်းနိုင်ငံတွင် အစိုးရအသစ်တစ်ရပ်ဖွဲ့စည်းရန် တောင်းဆိုမှုများ တိုးပွား လာ
ထိုင်းနိုင်ငံတွင် အစိုးရအသစ်တစ်ရပ်ဖွဲ့စည်းရန် တောင်းဆိုမှုများ တိုးပွား လာ
အစိုးရဆန့်ကျင်ရေးဆန္ဒပြသူများသည် ဝန်ကြီးချုပ် ပေထုန်တန် ရှင်နာ ဝပ်ထရာ နုတ်ထွက်ရန် တောင်းဆိုမှုများကို အရှိန်မြှင့်တင်ရန် ကတိပြု ထားပြီး ဖြူထိုင်းပါတီနှင့် ပြည်သူ့ပါတီတို့မှ စစ်အာဏာသိမ်းရန် တောင်းဆို သည်ဟူသော စွပ်စွဲချက်များကို ငြင်းဆိုခဲ့သည်။အချုပ်အခြာအာဏာကို ကာကွယ်ရန် ပြည်သူ့အင်အားစုများ ပူးပေါင်း ဖွဲ့စည်းထားသော ကွန်ရက်မှ ဦးဆောင်သည့် ဆန္ဒပြသူများသည် စနေ နေ့ (ဇွန် ၂၈) က အောင်ပွဲနေ့ အထိမ်းအမှတ် ရင်ပြင်တွင် ကျင်းပခဲ့သော စုဝေးပွဲသို့ မျှော်လင့်မထားသည့် လူအုပ်ကြီး ရောက်ရှိလာမှုအပြီး ထိုကဲ့သို့ ကတိပြုပြောဆိုခဲ့ခြင်းဖြစ်သည်။အဆိုပါစုဝေးပွဲကို ကမ္ဘောဒီးယား ဆီးနိတ်လွှတ်တော်ဥက္ကဋ္ဌ ဟွန်ဆန်နှင့် သူမ၏စကားပြောဆိုမှု အသံဖိုင်ပေါက်ကြားခဲ့သည့် ကိစ္စနှင့်ပတ်သက်၍ ပေထုန်တန် နုတ်ထွက်ရန် ဖိအားပေးနိုင်ရေး ကျင်းပခဲ့ခြင်းဖြစ်သည်။အဆိုပါအုပ်စု၏ ပေါ်ထွန်းလာမှုသည် ထိုင်း၏ ပြောင်းလဲနေသော နိုင်ငံရေး အခြေအနေတွင် အရေးပါသော အပြောင်းအလဲတစ်ခုဖြစ်ပြီး ထောက်ခံ သူများနှင့် ဝေဖန်သူများ၏ အာရုံကို ဆွဲဆောင်နေသည်။ ဆန္ဒပြသူများ အား ထိုင်းနိုင်ငံ ပြုပြင်ပြောင်းလဲရေး ကျောင်းသားနှင့် ပြည်သူများ ကွန်ရက် (NSPRT) နှင့် ပူးပေါင်းရန် အားပေးထားပြီး ယခုနေရာတွင် စခန်းချ ထားသည်။ ဝန်ကြီးချုပ် ချက်ချင်းနုတ်ထွက်ရန်အပြင် ညွန့်ပေါင်း အဖွဲ့ဝင် အားလုံးကို အစိုးရမှ နုတ်ထွက်ရန် တောင်းဆိုခဲ့သည်။အဆိုပါအုပ်စုသည် ကာစီနိုများ ထူထောင်ရန် အစိုးရ၏ အစီအစဉ်များ၊ Land Bridge စီမံကိန်းကြီးနှင့် နိုင်ငံခြားသားများအား ၉၉ နှစ် မြေငှား ရမ်းရန် အဆိုပြုထားသော အစီအစဉ်တို့ကိုလည်း ကန့်ကွက်ခဲ့ပြီး ပြည်သူ များက ဖွဲ့စည်းပုံအခြေခံဥပဒေအသစ်ကို ရေးဆွဲရန် တောင်းဆိုခဲ့သည်။ အချို့သော အဓိက ခေါင်းဆောင်များသည် ၎င်းတို့၏ ဆန့်ကျင်ဘက် များက စွပ်စွဲထားသော စစ်အာဏာသိမ်းရန် တောင်းဆိုသည်ဟူသော စွပ်စွဲချက်များကို ငြင်းဆိုခဲ့သည်။ ဇူလိုင်လ ၁ ရက်နေ့မတိုင်မီ နိုင်ငံရေး အပြောင်းအလဲများ မဖြစ်ပေါ်ပါက ကြာရှည်သော ဆန္ဒပြမှုများအတွက် ပြင်ဆင်ရန် ထောက်ခံသူများအား တိုက်တွန်းခဲ့သည်။ အုပ်စု၏ ခေါင်းဆောင်တစ်ဦးဖြစ်သူ Pichit Chaimongkol က ဆန္ဒပြသူများသည် အစိုးရနှင့် အတိုက်အခံပါတီများထံမှ အာဏာသိမ်းမှုကို ထောက်ခံ သည်ဟု မတရားစွပ်စွဲခံနေရပြီး အမှန်တကယ်တွင် ပေထုန်တန်အား ဝန်ကြီးချုပ်ရာထူးမှ နုတ်ထွက်ခြင်းကို ဖိအားပေးရန် အာရုံစိုက်သင့် သည်ဟု ပြောကြားခဲ့သည်။ဝါရင့်ဆန္ဒပြမှု ခေါင်းဆောင်ဟောင်း Sondhi Limthongkul က အခြေအနေသည် နောက်ထပ် အာဏာသိမ်းမှုတစ်ခု ဖြစ်ပွားသည်အထိ ဆိုးရွားလာမည်ကို မမြင်တွေ့လိုသော်လည်း စနေနေ့ (ဇွန် ၂၈) ညနေက အောင်ပွဲနေ့ အထိမ်းအမှတ်ရင်ပြင်တွင် စုဝေးနေသော ပရိတ်သတ်ထောင်ပေါင်းများစွာကို “စစ်တပ်က တစ်ခုခုလုပ်မည်ဆိုပါက ကန့်ကွက်မည် မဟုတ်ပါ” ဟု ပြောကြားခဲ့သည်။စနေနေ့က စုဝေးပွဲအပြီးတွင် ယခင်က ရှပ်နီလှုပ်ရှားမှု၏ ခေါင်းဆောင် ဟောင်းဖြစ်ပြီး ယခုအခါ ၀န်ကြီးချုပ်ဟောင်း သက်ဆင်ရှင်နာဝပ်ကို ပြတ်ပြတ်သားသား ဝေဖန်သူ Jatuporn Prompan က သက်ဆင်၏ သမီးသည် အာဏာကိုဆုပ်ကိုင်ထားပါက နောက်ဆက်တွဲ ဆန္ဒပြမှုများရှိလာမည်ဟု ကတိပြုခဲ့သည်။အစိုးရပြောရေးဆိုခွင့်ရှိသူ Jirayu Houngsub က အစိုးရက အာဏာ သိမ်းရန် တောင်းဆိုမှုကို ရှုတ်ချကြောင်းနှင့် ထိုသို့သော လုပ်ရပ်များသည် နိုင်ငံတော်၏ တိုးတက်မှုကို အန္တရာယ်ဖြစ်စေကြောင်း သတိပေးခဲ့သည်။ ပြည်သူ့ပါတီသည် စနေနေ့က ဆန္ဒပြပွဲအပြီးတွင် ၎င်း၏ Facebook စာမျက်နှာတွင် စစ်အာဏာသိမ်းမှုကို တရားဝင်ဖြစ်စေရန် မည်သည့် ကြိုးပမ်းမှုကိုမဆို ရှုတ်ချကြောင်း ပြောကြားခဲ့ပြီး ပြည်သူများအား ဆန္ဒ ပြအုပ်စုကို ထောက်ခံမှုကို ပြန်လည်သုံးသပ်ရန် တောင်းဆိုခဲ့သည်။ကိုးကား- Bangkok Postဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 30-Jun-2025
© Copyright 2024 SAC All Rights Reserved.