အစ္စရေး၏ လေကြောင်းတိုက်ခိုက်မှုကြောင့် အီရန်ထောင်တစ်ခုတွင် လူ ၇၀ ကျော်သေဆုံးခဲ့ကြောင်း အီရန်နိုင်ငံပိုင်မီဒီယာများက ဆို

saceditor

News Image

  • အစ္စရေး၏ လေကြောင်းတိုက်ခိုက်မှုကြောင့် အီရန်ထောင်တစ်ခုတွင် လူ ၇၀ ကျော်သေဆုံးခဲ့ကြောင်း အီရန်နိုင်ငံပိုင်မီဒီယာများက ဆို

အီရန်တရားစီရင်ရေးဌာနနှင့်သက်ဆိုင်သော Mizan သတင်းဌာန၏ ထုတ်ပြန်ချက်အရ တနင်္လာနေ့ (ဇွန် ၂၃) က အီရန်မြို့တော် တီဟီရန်ရှိ အီဗင်အကျဉ်းထောင်ကို အစ္စရေးတို့ တိုက်ခိုက်မှုကြောင့် လူ ၇၁ ဦး သေဆုံးခဲ့ကြောင်း သိရှိရသည်။

တရားစီရင်ရေးဌာန ပြောရေးဆိုခွင့်ရှိသူ Asghar Jahangir က တနင်္ဂနွေနေ့ (ဇွန် ၂၉) ထုတ်ပြန်ချက်၌ “သေဆုံးသူများတွင် အကျဉ်းထောင် ဝန်ထမ်းများ၊ တာဝန်ထမ်းဆောင်နေသည့် စစ်သားများ၊ အကျဉ်းသားများ၊ အကျဉ်းသားမိသားစုဝင်များ (သွားရောက်တွေ့ဆုံသူများ သို့မဟုတ် တရားရေးကိစ္စများအတွက်) နှင့် အကျဉ်းထောင်အနီးနေထိုင်သူများ ပါဝင်သည်” ဟု ဖော်ပြခဲ့သည်။

အစိုးရနှင့်ဆက်စပ်သော Fars သတင်းဌာနက အနီးအနားတွင် “ပျက်စီးမှု များစွာ ရှိခဲ့ကြောင်း” ဖော်ပြခဲ့သည်။

အစ္စရေးကာကွယ်ရေးဝန်ကြီးနှင့် အီရန်နိုင်ငံပိုင် သတင်းများအရ အစ္စရေး တပ်ဖွဲ့များက အီရန်၏ နာမည်ဆိုးဖြင့်ကျော်ကြားသော အီဗင် အကျဉ်းထောင်၏ ဝင်ပေါက်ကို တနင်္လာနေ့ (ဇွန် ၂၃) က တိုက်ခိုက်ခဲ့သည်။

အစိုးရဝေဖန်သူများ၏ အဆိုအရ အီဗင်အကျဉ်းထောင်ရှိ လုံခြုံရေးတပ်ဖွဲ့ဝင်များသည် လူ့အခွင့်အရေးချိုးဖောက်မှုများဖြင့် ကျော်ကြားပြီး ၎င်းအကျဉ်းထောင်တွင် နိုင်ငံရေးလှုပ်ရှားသူများ၊ သတင်းသမားများနှင့် ဂီတပညာရှင်များလည်း ချုပ်နှောင်ခံထားရဖူးသည်။

အစ္စရေးက အဆိုပါအကျဉ်းထောင်ကို မည်သည့်အတွက်ကြောင့် ပစ်မှတ်ထားခဲ့သည်ကို ရှင်းရှင်းလင်းလင်း မသိရသေးပေ။ အစ္စရေး ကာကွယ်ရေး ဝန်ကြီး Israel Katz က ထုတ်ပြန်ချက်တွင် အီဗင်အကျဉ်းထောင်အပြင် အစ္စလာမ်မစ်တော်လှန်ရေးတပ်မတော် (IRGC) ၏ အဓိက အဆောက်အအုံ နှင့် ဘာဆစ်ဌာနချုပ် (IRGC ၏ စစ်မဟာမိတ်တပ်ဖွဲ့) တို့ကိုလည်းပစ်မှတ်ထားခဲ့ကြောင်း အတည်ပြုခဲ့သော်လည်း အသေးစိတ် အချက်အလက် များ မဖော်ပြခဲ့ပေ။

ပြင်သစ်နိုင်ငံခြားရေးဝန်ကြီးက အဆိုပါအကျဉ်းထောင်ကို တိုက်ခိုက်မှုအား ပြစ်တင်ရှုတ်ချခဲ့သည်။ အဘယ်ကြောင့်ဆိုသော် ထိုအကျဉ်းထောင်တွင် ပြင်သစ်နိုင်ငံသား ၂ ဦး ချုပ်နှောင်ထားခံရသည်ဟု ဆိုသည်။

“တီဟီရန်ရှိ အီဗင်အကျဉ်းထောင်ကို ပစ်မှတ်ထားသည့် တိုက်ခိုက်မှုကြောင့် မိမိတို့၏ နိုင်ငံသား ၂ ဦး (Cecile Kohler နှင့် Jacques Paris) အား အန္တရာယ်ကျရောက်စေနိုင်သည်။ ထိုသူနှစ်ဦးမှာ လွန်ခဲ့သော ၃ နှစ် ကတည်းက အကျဉ်းချထားခံခဲ့ရသူများ ဖြစ်သည်။ ၎င်းမှာ လက်သင့်မခံနိုင်ဖွယ် ဖြစ်သည်” ဟု Jean-Noël Barrot က တိုက်ခိုက်မှုအပြီး X (Twitter) တွင် ရေးသားခဲ့သည်။

၎င်းတို့နှစ်ဦးမှာ ၂၀၂၂ ခုနှစ် မေလက အီရန်သို့ အားလပ်ရက်အဖြစ် သွားရောက်စဉ် အစိုးရက ဖမ်းဆီးခဲ့ပြီး ထောက်လှမ်းရေးစွပ်စွဲချက်ဖြင့် အကျဉ်းချထားခံခဲ့ရသည်။ ထိုနှစ် အောက်တိုဘာလတွင် အီရန်နိုင်ငံပိုင် ရုပ်မြင်သံကြားက ၎င်းတို့နှစ်ဦး၏ အတင်းအကျပ်ဝန်ခံချက်ကို ထုတ်လွှင့်ခဲ့သည်။ ထိုအခါ Kohler က သူမသည် ပြင်သစ်ထောက်လှမ်းရေး DGES အတွက် အလုပ်လုပ်နေသူဖြစ်ကြောင်း ပြောကြားခဲ့သည်။

အစ္စရေးနှင့် အီရန်တို့အကြား ပစ်ခတ်မှုများ ၁၂ ရက်ကြာပြီးနောက် တနင်္လာနေ့ (ဇွန် ၂၃) ညနေပိုင်းတွင် ယာယီအပစ်အခတ်ရပ်စဲရေး ကြေညာခဲ့သည်။ 

(မှတ်ချက် - အီဗင်အကျဉ်းထောင်သည် နိုင်ငံတကာမှ လူ့အခွင့်အရေးအဖွဲ့များက မကြာခဏ ဝေဖန်ခံရသည့် အကျဉ်းစခန်းဖြစ်ပြီး နိုင်ငံရေး အကျဉ်းသားများစွာကို ချုပ်နှောင်ထားရာနေရာအဖြစ် သတ်မှတ်ခံထားရသည်။)

ကိုးကား- CNN

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

မြန်မာနိုင်ငံအတွင်းသို့ နယ်စပ်လမ်းကြောင်းများမှတစ်ဆင့် တရားမဝင်ဝင်ရောက်လာသည့် ဗီယက်နမ်နိုင်ငံသား ၁၃ ဦး သက်ဆိုင်ရာနိုင်ငံသို့ထပ်မံပြည်နှင် လွှဲပြောင်းပေးအပ်
မြန်မာနိုင်ငံအတွင်းသို့ နယ်စပ်လမ်းကြောင်းများမှတစ်ဆင့် တရားမဝင်ဝင်ရောက်လာသည့် ဗီယက်နမ်နိုင်ငံသား ၁၃ ဦး သက်ဆိုင်ရာနိုင်ငံသို့ထပ်မံပြည်နှင် လွှဲပြောင်းပေးအပ်
နေပြည်တော် ဩဂုတ် ၁၉ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ် မြဝတီမြို့-ရွှေကုက္ကိုလ်၊ မဲ့ထော်သလေး(KK Park) နှင့် ကျောက်ခတ်နယ်မြေတို့တွင် အွန်လိုင်းလောင်းကစားမှုများ၊ အွန်လိုင်း လိမ်လည်မှုများ၊ ဒုစရိုက်မှုများကျူးလွန်ခဲ့ကြသည့် ဗီယက်နမ်နိုင်ငံသား ၁၃ ဦးအား မြန်မာ-ထိုင်း အမှတ် (၂)ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံသို့ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ ဥပဒေလုပ်ထုံးလုပ်နည်းများနှင့်အညီ ထပ်မံလွှဲပြောင်းပေးသည်။ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေချောမွေ့စေရေးအတွက် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ကရင်ပြည်နယ် ဒုတိယညွှန်ကြားရေးမှူး ဦးမြင့်ဘုန်းနှင့် တာဝန်ရှိသူများက ဌာနဆိုင်ရာပူးပေါင်းအဖွဲ့များနှင့်တွေ့ဆုံ၍ ပြည်ပနိုင်ငံသားများအား ပြည်နှင်လွှဲပြောင်းပေးရေး လုပ်ငန်းစဉ်များ ဆောင်ရွက်နေမှု၊ စာရင်းဇယား၊ အချက်အလက်များ ပြည့်စုံမှန်ကန်မှုရှိရေး ဆောင်ရွက်နေမှုတို့ကို ကြည့်ရှုစစ်ဆေးပြီး လိုအပ်သည်များ ဖြည့်စွက်မှာကြားသည်။ထို့နောက် ပြည်နှင်လွှဲပြောင်းပေးအပ်ပွဲကို ဆက်လက်ကျင်းပရာ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ကရင်ပြည်နယ် ဒုတိယညွှန်ကြားရေးမှူး ဦးမြင့်ဘုန်းနှင့် တာဝန်ရှိသူများ၊ ထိုင်းနိုင်ငံဆိုင်ရာ ဗီယက်နမ်နိုင်ငံသံရုံးမှ First Secretary Mr. Hoang Minh Hai နှင့် တာဝန်ရှိသူများ၊ ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ကြပြီး မြန်မာနိုင်ငံမှ တာဝန်ရှိသူတို့က သက်ဆိုင်ရာနိုင်ငံမှ တာဝန်ရှိသူများထံသို့ ပြည်နှင်လွှဲပြောင်းလက်ခံရေး ဆိုင်ရာအထောက်အထား စာရွက်စာတမ်းများကို စနစ်တကျ လွှဲပြောင်းပေးအပ်သည်။ဇန်နဝါရီ ၃၀ ရက်မှ ဩဂုတ် ၁၉ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက် လာသည့် ပြည်ပနိုင်ငံသား စုစုပေါင်း ၉၃၃၁ ဦး စစ်ဆေးဖော်ထုတ် ထိန်းသိမ်းနိုင်ခဲ့ကာ ၎င်းတို့ အနက်မှ ၉၁၁၁ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်း များနှင့်အညီ စနစ်တကျ ပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား ၂၂၀ ကို သက်ဆိုင်ရာ နိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာထိန်းသိမ်း စောင့်ရှောက်ထားရှိသည်။နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက်နေသူများနှင့် နောက်ကွယ်မှကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်း ထန်ထန် အရေးယူနိုင်ရေးဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် ဒုက္ခရောက်နေကြသော နိုင်ငံခြားသားများနှင့် လူကုန်ကူးခံရသည့် နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံးပြည်နှင်လွှဲပြောင်းပေးနိုင်ရေး တက်ကြွစွာ ပူးပေါင်းဆောင်ရွက်လျက်ရှိကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင် ဦးဆောင်သော မြန်မာကိုယ်စားလှယ်အဖွဲ့ ဗီယက်နမ်နိုင်ငံ ဟနွိုင်းမြို့၌ကျင်းပသည့် နှစ်(၈၀)ပြည့် ပြည်သူ့လုံခြုံရေးတပ်ဖွဲ့နေ့ အခမ်းအနားတက်ရောက်
ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင် ဦးဆောင်သော မြန်မာကိုယ်စားလှယ်အဖွဲ့ ဗီယက်နမ်နိုင်ငံ ဟနွိုင်းမြို့၌ကျင်းပသည့် နှစ်(၈၀)ပြည့် ပြည်သူ့လုံခြုံရေးတပ်ဖွဲ့နေ့ အခမ်းအနားတက်ရောက်
နေပြည်တော် ဩဂုတ် ၁၉ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးထွန်းထွန်းနောင် ဦးဆောင်သော မြန်မာကိုယ်စားလှယ်အဖွဲ့သည် ဗီယက်နမ်နိုင်ငံ ပြည်သူ့လုံခြုံရေးဝန်ကြီးဌာနဝန်ကြီး H.E. Gen. Luong Tam Quang ၏ ဖိတ်ကြားချက်အရ ဗီယက်နမ်နိုင်ငံ ဟနွိုင်းမြို့၌ ဩဂုတ် ၁၇ ရက်တွင် ကျင်းပသည့် နှစ် (၈၀) ပြည့် ပြည်သူ့လုံခြုံရေးတပ်ဖွဲ့နေ့ (The 80th Anniversary of the Traditional Day of the Viet Nam People's Public Security) အခမ်းအနားသို့ တက်ရောက်ရန် ဩဂုတ် ၁၅ ရက်မှ ၁၈ ရက်အထိ ဗီယက်နမ်နိုင်ငံသို့ သွားရောက်ခဲ့သည်။တွေ့ဆုံဆွေးနွေးပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ဩဂုတ် ၁၆ ရက် နံနက်ပိုင်းတွင် ဟိုချီမင်းပြတိုက်သို့ သွားရောက်လေ့လာခဲ့ကြပြီး ညနေပိုင်းတွင် ဗီယက်နမ်ကွန်မြူနစ်ပါတီ၊ ဗဟိုကော်မတီအထွေထွေအတွင်းရေးမှူး H.E. Mr. To Lam နှင့်လည်းကောင်း၊ ဗီယက်နမ်နိုင်ငံ ပြည်သူ့လုံခြုံရေးဝန်ကြီးဌာနဝန်ကြီး H.E. Gen. Luong Tam Quang နှင့်လည်းကောင်း တွေ့ဆုံ၍ နှစ်နိုင်ငံနှင့် ဒေသတွင်းလုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များကို ဆွေးနွေးခဲ့ကြသည်။ ညပိုင်းတွင် ဗီယက်နမ်နိုင်ငံ ပြည်သူ့လုံခြုံရေးဝန်ကြီးဌာနဝန်ကြီး H.E. Gen. Luong Tam Quang က တည်ခင်းဧည့်ခံသော ဂုဏ်ပြုညစာစားပွဲသို့ တက်ရောက်ခဲ့သည်။ဩဂုတ် ၁၇ ရက် နံနက်ပိုင်းတွင် ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ဗီယက်နမ်အမျိုးသားကွန်ဗင်းရှင်းစင်တာ၌ ကျင်းပသော နှစ်(၈၀)ပြည့် ပြည်သူ့လုံခြုံရေးတပ်ဖွဲ့ နေ့(The 80th Anniversary of the Traditional Day of the Viet Nam People's Public Security)အခမ်းအနားသို့ တက်ရောက်ခဲ့ကြပြီး မွန်းလွဲပိုင်းတွင် ဗီယက်နမ်စစ်သမိုင်းပြတိုက်သို့ သွားရောက်လေ့လာခဲ့ကြသည်။ပြည်သူ့ရဲအကယ်ဒမီလေ့လာဩဂုတ် ၁၈ ရက်တွင် ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ဗီယက်နမ်နိုင်ငံ ပြည်သူ့ရဲအကယ်ဒမီသို့ သွားရောက်လေ့လာခဲ့ကြသည်။ ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့၏ နှစ်(၈၀)ပြည့် ပြည်သူ့လုံခြုံရေးတပ်ဖွဲ့နေ့ အခမ်းအနားသို့ တက်ရောက်ခဲ့သည့်ခရီးစဉ်အတွင်း နှစ်နိုင်ငံဝန်ကြီးဌာနနှစ်ခုအကြား ပူးပေါင်းဆောင်ရွက်မှုများကို ဆွေးနွေးခဲ့ကြကြောင်းနှင့် မြန်မာကိုယ်စားလှယ်အဖွဲ့သည် ညပိုင်းတွင် လေကြောင်းခရီးစဉ်ဖြင့် ရန်ကုန်မြို့သို့ ပြန်လည်ရောက်ရှိကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
တောင်ကိုရီးယားနှင့်အမေရိကန် ပူးတွဲစစ်ရေးလေ့ကျင့်မှုကြီး စတင်တက်ကြွလှုပ်ရှားသူများက ထိုလေ့ကျင့်မှုကို ရပ်တန့်ရန် တိုက်တွန်း
တောင်ကိုရီးယားနှင့်အမေရိကန် ပူးတွဲစစ်ရေးလေ့ကျင့်မှုကြီး စတင်တက်ကြွလှုပ်ရှားသူများက ထိုလေ့ကျင့်မှုကို ရပ်တန့်ရန် တိုက်တွန်း
တောင်ကိုရီးယားနိုင်ငံနှင့် အမေရိကန်နိုင်ငံတို့က နှစ်စဉ်ဆောင်ရွက်မြဲဖြစ်သော အကြီးစားပူးတွဲစစ်ရေး လေ့ကျင့်ခန်းကို ဩဂုတ်လ ၁၈ ရက်တွင်စတင် လုပ်ဆောင်ကြောင်း သိရသည်။Ulchi Freedom Shield (UFS) အမည် ရှိအဆိုပါပူးတွဲစစ်ရေးလေ့ကျင့်ခန်းကို ၁၁ ရက်ကြာဆောင်ရွက် သွားမည်ဖြစ်ပြီး တောင်ကိုရီးယားစစ်သည် ၁၈၀၀၀ ခန့်ပါဝင်လေ့ကျင့်မည်ဖြစ်ကြောင်းနှင့် နယ်ပယ်ပေါင်းစုံတွင် ဖြစ်လာနိုင်သည့်  အခြေအနေများကို ကြိုတင်သုံးသပ်၍ လေ့ကျင့်မှုများ လုပ်ဆောင်သွားမည်ဖြစ်သည်။တစ်ချိန်တည်းမှာပင် တောင်ကိုရီးယားနိုင်ငံမှ ငြိမ်းချမ်းရေး တက်ကြွလှုပ်ရှားသူများသည် အဆိုပါ စစ်ရေးလေ့ကျင့်မှုများကို ရပ်တန့်ရန်တောင်းဆိုထားပြီး ယင်းကဲ့သို့ပူးတွဲစစ်ရေး လေ့ကျင့်မှုများ လုပ်ဆောင်ခြင်းသည် ကိုရီးယားကျွန်းဆွယ်၌ စစ်ရေးတင်းမာမှုများကိုသာ ဖြစ်ပေါ်လာစေမည် ဖြစ်ကြောင်း ပြောထားသည်ဟု သိရသည်။Ref: YH, XinhuaMWD
အင်္ဂါနေ့, 19-သြဂုတ်လ-2025
ယူကရိန်းစစ်တပ်အတွက် ဒေါ်လာ ၉၀ ဘီလီယံထောက်ပံ့ရေးနှင့် လုံခြုံရေး အာမခံချက်များအတွက် ဆွေးနွေး
ယူကရိန်းစစ်တပ်အတွက် ဒေါ်လာ ၉၀ ဘီလီယံထောက်ပံ့ရေးနှင့် လုံခြုံရေး အာမခံချက်များအတွက် ဆွေးနွေး
ဩဂုတ် ၁၈ ရက်တွင် ဝါရှင်တန် အိမ်ဖြူတော်၌ အမေရိကန်သမ္မတ ဒေါ်နယ်ထရမ့်နှင့် ယူကရိန်းသမ္မတ ဇီလန်စကီး၊ ဥရောပ ခေါင်းဆောင်များ တွေ့ဆုံသော ဆွေးနွေးပွဲတွင် လုံခြုံရေးအာမခံချက်များ နှင့်ပတ်သက်၍ ဆွေးနွေးခဲ့ကြပါသည်။၎င်းတို့အဓိကဆွေးနွေးသည့်အချက်များမှာ ဥရောပနိုင်ငံများအနေဖြင့် အမေရိကန်ထုတ် စစ်လက်နက်များ ဝယ်ယူရန် ဒေါ်လာ ၉၀ ဘီလီယံ ငွေကြေးထောက်ပံ့ရန်၊ ယူကရိန်းထုတ် ဒရုန်းများကို အမေရိကန်က ဝယ်ယူပေးရန် တို့ဖြစ်ပါသည်။ ထို့ပြင် ယူကရိန်းအား ထပ်မံ၍ ရုရှား ကျူးကျော်မှု အန္တရာယ်ရန်မှ ကာကွယ်ရန် လုံခြုံရေးအာမခံချက်များ လိုအပ်ကြောင်း ဇီလန်စကီးက အလေးထားဆွေးနွေးခဲ့ကြပါသည်။ ဇီလန်စကီး၏ အဆိုအရ လုံခြုံရေးသဘောတူညီချက်တွင် အနောက် နိုင်ငံလက်နက်များ၊ လေ့ကျင့်ရေးနှင့် ထောက်လှမ်းရေးဆိုင်ရာမျှဝေမှုအပါအဝင် အားကောင်းသည့် ယူကရိန်းတပ်မတော်နှင့် အင်အားကြီး နိုင်ငံများ၏ ရေရှည်ထောက်ခံမှု ဟူ၍ အပိုင်းနှစ်ပိုင်း ပါဝင်မည်ဟု သိရှိ ရပါသည်။ ငြိမ်းချမ်းရေးသဘောတူညီချက်အပြီးတွင် ဥရောပရှိ နေတိုးနိုင်ငံများ အနေဖြင့် ယူကရိန်းအား လက်တွေ့ကျသော လုံခြုံရေး အာမခံချက် အဖြစ် ငြိမ်းချမ်းရေးတပ်များ စေလွှတ်ရန် မျှော်မှန်းထားပါသည်။ ဆွေးနွေးပွဲအပြီးတွင်   ဇီလန်စကီးက လုံခြုံရေးအာမခံချက်များကို ၇ ရက် မှ ၁၀ ရက်အတွင်း စာရွက်စာတမ်းဖြင့် အတည်ပြုသွားမည်ဟု ပြောကြား ထားပါသည်။ကိုးကား- New York Postဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃
အင်္ဂါနေ့, 19-သြဂုတ်လ-2025
ယူကရိန်းအတွက် အမေရိကန်စစ်လက်နက်များ ဆက်လက်ပေးပို့မည် ဟု နေတိုးအကြီးအကဲပြော
ယူကရိန်းအတွက် အမေရိကန်စစ်လက်နက်များ ဆက်လက်ပေးပို့မည် ဟု နေတိုးအကြီးအကဲပြော
အမေရိကန်ထုတ် စစ်လက်နက်များ ယူကရိန်းသို့ ဆက်လက် ရောက်ရှိ လာမည်ဖြစ်ကြောင်း နေတိုးအတွင်းရေးမှူးချုပ် Mark Rutte က Fox News သို့ ပြောကြားလိုက်ပါသည်။သတင်းကောင်းမှာ  အမေရိကန်သမ္မတဒေါ်နယ်ထရမ့်သည် မိမိမှတစ်ဆင့် ဥရောပရှိ နေတိုးမဟာမိတ်များနှင့် ညှိနှိုင်းပြီး အမေရိကန် လက်နက် တင်ပို့မှုအတွက် ဥရောပမဟာမိတ်များက ငွေပေးချေမည်ဆိုသော အချက် ကို သဘောတူညီချက် ရရှိခဲ့ပြီးဖြစ်ပါကြောင်း၊ ထိုအချက်မှာ အမေရိကန် အလယ်လတ်တန်းစားများအတွက် သတင်းကောင်းဖြစ်သကဲ့သို့ ယူကရိန်း အတွက်လည်း သတင်းကောင်း ဖြစ်ပါကြောင်း၊ အကြောင်းရင်းမှာ  ယူကရိန်းတပ်မတော်အတွက် အမေရိကန်ထုတ် စစ်လက်နက်များဆက်လက်ရောက်ရှိနေမည် ဆိုသည့် သဘောဖြစ်ပါကြောင်း နေတိုး အကြီးအကဲက ပြောကြားထားသည်ဟု TASS သတင်းဌာနတွင် ဖော်ပြ ထားပါသည်။ ကိုးကား - TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃Photo Crd to apa.az
အင်္ဂါနေ့, 19-သြဂုတ်လ-2025
အလက်စကာ တွေ့ဆုံပွဲ အကြောင်း ပူတင်က မိုဒီထံ ဖုန်းဖြင့် ထပ်ဆင့် ရှင်းပြ
အလက်စကာ တွေ့ဆုံပွဲ အကြောင်း ပူတင်က မိုဒီထံ ဖုန်းဖြင့် ထပ်ဆင့် ရှင်းပြ
အလက်စကာတွင် အမေရိကန်သမ္မတနှင့် ရုရှားသမ္မတတို့ တွေ့ဆုံ ပြီးနောက် ရုရှားသမ္မတ ဗလာဒီမာပူတင်နှင့် အိန္ဒိယဝန်ကြီးချုပ် နာရိန် ဒရာ မိုဒီတို့သည် ဖုန်းဖြင့်ဆက်သွယ်ကာ နှစ်နိုင်ငံကြား မိတ်ဖက် ဆက်ဆံရေး တိုးတက်မှုအတွက် ဆွေးနွေးခဲ့ကြကြောင်း အိန္ဒိယနိုင်ငံခြားရေး ဝန်ကြီး ဌာန၏ ထုတ်ပြန်ချက်အရ သိရပါသည်။ ထိုသို့ ဖုန်းပြောဆိုမှုမတိုင်မီက အိန္ဒိယဝန်ကြီးချုပ် မိုဒီက ၎င်း၏   X တွစ်တာ တွင်  ထရမ့်နှင့် ပူတင်တို့ အလက်စကာတွင် ကျင်းပသော အမေရိကန်-ရုရှား ဆွေးနွေးပွဲများအကြောင်း ဖော်ပြခဲ့ပါသည်။ ပူတင်က အလက်စကာတွင် အမေရိကန်သမ္မတ ဒေါ်နယ်ထရမ့်နှင့် ပြုလုပ်ခဲ့သော တွေ့ဆုံမှုအပေါ်  ၎င်း၏အမြင်ကို မျှဝေခဲ့သည် ဟု နိုင်ငံခြားရေးဝန်ကြီးဌာနက ပြောကြား ထားပါသည်။ ဝန်ကြီးချုပ်မိုဒီက  ပူတင်အား ကျေးဇူးတင်ကြောင်း ပြောကြားရင်း  သံတမန်နည်းလမ်းနှင့် ပြေလည်မှုရှာဖွေခြင်းမှတစ်ဆင့် ပဋိပက္ခများကို ငြိမ်းချမ်းစွာ ဖြေရှင်းရန် အိန္ဒိယ၏ ပုံမှန်ရပ်တည်ချက်ကို အလေးပေးပြောကြားကာ အဆိုပါလမ်းကြောင်းအတိုင်း ကြိုးပမ်းအားထုတ်မှုအားလုံးကို အိန္ဒိယက ထောက်ခံကြောင်း အတည်ပြုပါကြောင်း ဆက်လက် ဖော်ပြထားပါသည်။ နှစ်နိုင်ငံခေါင်းဆောင်များသည် နီးကပ်စွာ ဆက်သွယ်ဆောင်ရွက်ရန် သဘောတူညီခဲ့ကြသည် ဟု အိန္ဒိယနိုင်ငံခြားရေးဝန်ကြီးဌာနက ဖြည့်စွက် ဖော်ပြထားပါသည်။ကိုးကား- Tassဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃Photo Crd to India News Stream
အင်္ဂါနေ့, 19-သြဂုတ်လ-2025
© Copyright 2024 SAC All Rights Reserved.