ကန့်ကွက်နိုင်ကြောင်း အများသိစေရန် ကြေညာခြင်း
News Image
MM-News-Category
ဆက်စပ်သတင်းများ
နေပြည်တော် ဩဂုတ် ၁၉ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရန် ရွေးကောက်ပွဲကော်မရှင် အဖွဲ့ခွဲအဆင့်ဆင့်ရှိဥက္ကဋ္ဌ အဖွဲ့ဝင်များနှင့် ဝန်ထမ်းများအတွက် ရွေးကောက်ပွဲဆိုင်ရာ စွမ်းရည်မြှင့်သင်တန်းဖွင့်ပွဲအခမ်းအနားကို ယနေ့နံနက်ပိုင်းက နေပြည်တော်ရှိ ပြည်ထောင်စုရွေးကောက်ပွဲကော်မရှင်ရုံး၌ကျင်းပရာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး၊ အဖွဲ့ဝင်များ၊ တိုင်းဒေသကြီး၊ ပြည်နယ်၊ ပြည်ထောင်စုနယ်မြေနှင့် ခရိုင်ရွေးကောက်ပွဲကော်မရှင် အဖွဲ့ခွဲအဆင့်ဆင့်မှ ဥက္ကဋ္ဌနှင့်အဖွဲ့ဝင်များ၊ တာဝန်ရှိသူများ တက်ရောက်ကြသည်။အခမ်းအနားတွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌက ရွေးကောက်ပွဲကို ၂၀၂၅ ခုနှစ် ဒီဇင်ဘာ ၂၈ ရက်တွင် စတင်ကျင်းပမည်ဖြစ်ပြီး ယခုကျင်းပမည့်ရွေးကောက်ပွဲတွင် ယခင်ရွေးကောက်ပွဲများနှင့်မတူသည့် အချက်သုံးချက်ရှိကြောင်း၊ ပထမဆုံးအချက်မှာ ရွေးကောက်ပွဲစနစ်ဖြစ်ကြောင်း၊ လာမည့်ရွေးကောက်ပွဲတွင် ယခင်ကျင့်သုံးခဲ့သည့် FPTP စနစ်အပြင် FPTP နှင့် PR စနစ် ပေါင်းစပ်ထား သည့် ရောနှောထားသော ကိုယ်စားလှယ်အချိုးကျစနစ်( Mixed Member Proportional - MMP)ကို အသုံးပြုဆောင်ရွက်မည်ဖြစ်ပြီး ယခုသင်တန်းတွင် အသေးစိတ် ဆွေးနွေးပို့ချပေးမည်ဖြစ်ကြောင်း၊ ဒုတိယအချက်အနေဖြင့် မဲပေးသည့်စနစ်ဖြစ်ပြီး ကြိုတင်မဲများမှလွဲ၍ ရွေးကောက်ပွဲကျင်းပသည့်နေ့ မဲရုံများတွင် မဲပေးရာ၌ မြန်မာအီလက်ထရောနစ် မဲပေးစက်များဖြင့် ခလုတ်နှိပ်မဲပေးရမည်ဖြစ်ကြောင်း၊ နောက်တစ်ချက်အနေဖြင့် ရွေးကောက်ပွဲကျင်းပသည့် ပုံစံဖြစ်ပြီး ရွေးကောက်ပွဲကို အပိုင်းများခွဲ၍ ကျင်းပ သွားမည်ဖြစ်ကြောင်း၊ ရွေးကောက်ပွဲဆိုင်ရာ ဥပဒေ၊ နည်းဥပဒေများကို ပြဋ္ဌာန်းထုတ်ပြန်ထားပြီး ကော်မရှင်အဖွဲ့ခွဲအဆင့်ဆင့်သို့ ဖြန့်ဝေပေးနိုင်ရေး ဆောင်ရွက် ထားကြောင်း၊ ကော်မရှင်အဖွဲ့ခွဲအဆင့်ဆင့်သည် မိမိတို့အတွက်အားဖြစ်ပါကြောင်း၊ ကော်မရှင်အဖွဲ့ခွဲများရှိ အများယုံကြည်လေးစားခြင်းခံရသော ပုဂ္ဂိုလ်များ၊ ဌာနဆိုင်ရာအဖွဲ့ဝင်များ၊ ရွေးကောက်ပွဲဝန်ထမ်းများအနေဖြင့် အောင်မြင်အောင်ဆောင်ရွက်နိုင်မည်ကို ယုံကြည်ပါကြောင်း၊ အတူလက်တွဲပြီး ရွေးကောက်ပွဲအောင်မြင်စွာကျင်းပနိုင်ရေး ဆောင်ရွက်ကြရမည်ဖြစ်ကြောင်း ပြောကြားသည်။ရွေးကောက်ပွဲဆိုင်ရာစွမ်းရည်မြှင့်သင်တန်းကို ဩဂုတ် ၁၉ ရက်မှ ၂၁ ရက်အထိ ဖွင့်လှစ်မည်ဖြစ်ပြီး ဗီဒီယိုကွန်ဖရင့်မှတစ်ဆင့် တက်ရောက်သည့် သင်တန်းသား သင်တန်းသူများအပါအဝင် စုစုပေါင်း ၂၀၀ တက်ရောက်လျက်ရှိကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
နေပြည်တော် ဩဂုတ် ၁၉ပါတီစုံဒီမိုကရေစီအထွေထွေရွေးကောက်ပွဲ အောင်မြင်စွာကျင်းပနိုင်ရန် ရွေးကောက်ပွဲကော်မရှင် အဖွဲ့ခွဲအဆင့်ဆင့်ရှိဥက္ကဋ္ဌ၊ အဖွဲ့ဝင်များနှင့် ဝန်ထမ်းများအတွက် ရွေးကောက်ပွဲဆိုင်ရာ စွမ်းရည်မြှင့်သင်တန်းဖွင့်ပွဲ အခမ်းအနားကို ယနေ့နံနက် ၈ နာရီခွဲက နေပြည်တော်ရှိ ပြည်ထောင်စုရွေးကောက်ပွဲကော်မရှင်ရုံး၌ကျင်းပရာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး၊ အဖွဲ့ဝင်များ၊ တိုင်းဒေသကြီး၊ ပြည်နယ်၊ ပြည်ထောင်စုနယ်မြေနှင့် ခရိုင်ရွေးကောက်ပွဲကော်မရှင် အဖွဲ့ခွဲအဆင့်ဆင့်မှ ဥက္ကဋ္ဌနှင့်အဖွဲ့ဝင်များ၊ တာဝန်ရှိသူများ တက်ရောက်ကြသည်။အခမ်းအနားတွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌက ရွေးကောက်ပွဲကို ၂၀၂၅ ခုနှစ် ဒီဇင်ဘာ ၂၈ ရက်တွင် စတင်ကျင်းပမည်ဖြစ်ပြီး ယခုကျင်းပမည့်ရွေးကောက်ပွဲတွင် ယခင် ရွေးကောက်ပွဲများနှင့်မတူသည့် အချက်သုံးချက်ရှိကြောင်း၊ ပထမဆုံးအချက်မှာ ရွေးကောက်ပွဲစနစ်ဖြစ်ကြောင်း၊ လာမည့်ရွေးကောက်ပွဲတွင် ယခင်ကျင့်သုံးခဲ့သည့် FPTP စနစ်အပြင် FPTP နှင့် PR စနစ် ပေါင်းစပ်ထားသည့် ရောနှောထားသော ကိုယ်စားလှယ်အချိုးကျစနစ် (Mixed Member Proportional - MMP)ကို အသုံးပြုဆောင်ရွက်မည်ဖြစ်ပြီး ယခုသင်တန်းတွင် အသေးစိတ်ဆွေးနွေး ပို့ချပေးမည်ဖြစ်ကြောင်း၊ ဒုတိယအချက်အနေဖြင့် မဲပေးသည့်စနစ်ဖြစ်ပြီး ကြိုတင်မဲများမှလွဲ၍ ရွေးကောက်ပွဲကျင်းပသည့်နေ့ မဲရုံများတွင် မဲပေးရာ၌ မြန်မာအီလက်ထရောနစ် မဲပေးစက်များဖြင့် ခလုတ်နှိပ်မဲပေးရမည်ဖြစ်ကြောင်း၊ နောက်တစ်ချက်အနေဖြင့် ရွေးကောက်ပွဲကျင်းပသည့်ပုံစံဖြစ်ပြီး ရွေးကောက်ပွဲကို အပိုင်းများခွဲ၍ ကျင်းပသွားမည်ဖြစ်ကြောင်း၊ ရွေးကောက်ပွဲဆိုင်ရာ ဥပဒေ၊ နည်းဥပဒေများကို ပြဋ္ဌာန်းထုတ်ပြန်ထားပြီး ကော်မရှင်အဖွဲ့ခွဲ အဆင့်ဆင့်သို့ ဖြန့်ဝေပေးနိုင်ရေး ဆောင်ရွက်ထားကြောင်း၊ ကော်မရှင်အဖွဲ့ခွဲအဆင့်ဆင့်သည် မိမိတို့အတွက်အားဖြစ်ပါကြောင်း၊ ကော်မရှင်အဖွဲ့ခွဲများရှိ အများယုံကြည် လေးစားခြင်းခံရသော ပုဂ္ဂိုလ်များ၊ ဌာနဆိုင်ရာအဖွဲ့ဝင်များ၊ ရွေးကောက်ပွဲဝန်ထမ်းများအနေဖြင့် အောင်မြင်အောင် ဆောင်ရွက်နိုင်မည်ကို ယုံကြည်ပါကြောင်း၊ အတူလက်တွဲပြီး ရွေးကောက်ပွဲအောင်မြင်စွာ ကျင်းပနိုင်ရေးဆောင်ရွက်ကြရမည်ဖြစ်ကြောင်း ပြောကြားသည်။ရွေးကောက်ပွဲဆိုင်ရာ စွမ်းရည်မြှင့်သင်တန်းကို ဩဂုတ် ၁၉ ရက်မှ ၂၁ ရက်အထိဖွင့်လှစ်မည်ဖြစ်ပြီး ဗီဒီယိုကွန်ဖရင့်မှတစ်ဆင့် တက်ရောက်သည့် သင်တန်းသား သင်တန်းသူများအပါအဝင် စုစုပေါင်း ၂၀၀ တက်ရောက်လျက်ရှိ ကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
နေပြည်တော် ဩဂုတ် ၁၉လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်သည် မြန်မာ-ထိုင်း ချစ်ကြည်ရေးအသင်းဥက္ကဋ္ဌ ဦးတင်ဝင်းနှင့်အဖွဲ့ကို ယနေ့မွန်းလွဲပိုင်းက နေပြည်တော်ရှိ အဆိုပါဝန်ကြီးဌာန အစည်းအဝေးခန်းမ၌ တွေ့ဆုံဆွေးနွေးသည်။တွေ့ဆုံပွဲသို့ ဒုတိယဝန်ကြီး ဦးဌေးလှိုင်၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ တာဝန်ရှိသူများ၊ မြန်မာ-ထိုင်း ချစ်ကြည်ရေးအသင်းမှ တာဝန်ရှိသူများ တက်ရောက်ကြသည်။ဦးစွာ ပြည်ထောင်စုဝန်ကြီးက မြန်မာ-ထိုင်း ချစ်ကြည်ရေး အသင်းအနေဖြင့် နှစ်နိုင်ငံ ချစ်ကြည်ရင်းနှီးမှုနှင့် ကုန်သွယ်မှုဆိုင်ရာ လုပ်ငန်းများတွင် တစ်ဖက်တစ်လမ်းက ကြိုးပမ်းဆောင်ရွက်မှုအပေါ် အသိအမှတ်ပြုပါကြောင်း၊ မိမိတို့ဝန်ကြီးဌာနအနေဖြင့်လည်း နှစ်နိုင်ငံ ပြည်သူများ နယ်စပ်ဒေသများမှ ဝင်ထွက်မှုအဆင်ပြေစေရေး၊ နှစ်နိုင်ငံပြည်သူများ ပြည်ဝင်ဗီဇာနှင့် နေခွင့်ဆိုင်ရာကိစ္စရပ်များ အဆင် ပြေစေရေးအတွက် ဥပဒေနှင့်အညီ ခွင့်ပြုဆောင်ရွက်ပေးလျက်ရှိပါကြောင်း၊ ထို့ပြင် ထိုင်းနိုင်ငံရောက် မြန်မာရွှေ့ပြောင်း အလုပ်သမားများ ကူညီစောင့်ရှောက်ရေးနှင့် နေခွင့်ဆိုင်ရာ ကိစ္စရပ်များကိုလည်း သက်ဆိုင်ရာဆက်စပ်ဌာနများနှင့် ပူးပေါင်းကာ ထိုင်းနိုင်ငံအတွင်း စခန်းများ ဖွင့်လှစ်ဆောင်ရွက်ပေးလျက်ရှိပါကြောင်း၊ မြန်မာ-ထိုင်း ချစ်ကြည်ရေးအသင်းအနေဖြင့် ဝန်ကြီးဌာနနှင့် ပတ်သက်သည့် လုပ်ငန်းဆိုင်ရာကိစ္စရပ်များရှိပါက ပွင့်ပွင့်လင်းလင်း ရှင်းလင်းပြောကြားရန်နှင့် လုပ်ထုံးလုပ်နည်းနှင့်အညီ ကူညီဆောင်ရွက်ပေးသွားမည်ဖြစ်ကြောင်း ရှင်းလင်းပြောကြားသည်။ထို့နောက် မြန်မာ-ထိုင်း ချစ်ကြည်ရေးအသင်းဥက္ကဋ္ဌက မြန်မာ-ထိုင်း ချစ်ကြည်ရေးအသင်း ဖြစ်ပေါ်လာပုံနှင့် ဖွဲ့စည်းထားရှိမှု၊ လက်ရှိလုပ်ငန်းဆောင်ရွက်မှုအခြေအနေများကို လည်းကောင်း၊ အဖွဲ့ဝင်များက နှစ်နိုင်ငံအကျိုးအတွက် နှစ်နိုင်ငံအသင်း တာဝန်ရှိသူများ ပူးပေါင်းဆောင် ရွက်နေမှု၊ ထိုင်းနိုင်ငံရောက် မြန်မာရွှေ့ပြောင်း အလုပ်သမားများ ကူညီစောင့်ရှောက်ရေးအတွက် ကြိုးပမ်းဆောင်ရွက်နေမှုနှင့် ဝန်ကြီးဌာနအနေဖြင့် ယင်းလုပ်ငန်းစဉ်အပေါ် ကူညီဆောင်ရွက်ပေးနိုင်ရေး အခြေအနေ များကိုလည်းကောင်း ရှင်းလင်းတင်ပြကြသည်။ယင်းနောက် ပြည်ထောင်စုဝန်ကြီးက ရှင်းလင်းတင်ပြချက်များအပေါ် လိုအပ်သည်များ ညှိနှိုင်းဆောင်ရွက်ပေးပြီး အသင်း၏ လုပ်ငန်းဆောင်ရွက်ချက်များအပေါ် ဝန်ကြီးဌာနနှင့် ပတ်သက်သည်များကို လုပ်ထုံးလုပ်နည်းနှင့်အညီ ကူညီဆောင်ရွက်ပေးမည့် အခြေအနေများနှင့် စပ်လျဉ်း၍ ရှင်းလင်းပြောကြားခဲ့ကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
ကိုင်ရို၊ ဩဂုတ် ၁၉ ရက် (ဆင်ဟွာ)“မဟာအစ္စရေးနိုင်ငံ” ဖော်ဆောင်ရေးဟူသော အစ္စရေးဝန်ကြီးချုပ် ဘင်ဂျမင်နေတန်ယာဟု၏ ပြောကြားချက်အပေါ် အာရပ်နှင့် အစ္စလာမ်မစ်နိုင်ငံ ၃၁ နိုင်ငံ၊ အာရပ်အဖွဲ့ချုပ်၊ အစ္စလာမ်မစ် ပူးပေါင်းဆောင်ရွက်ရေးအဖွဲ့နှင့် ပင်လယ်ကွေ့ ပူးပေါင်းဆောင်ရွက်ရေးကောင်စီတို့က ပူးတွဲ ကြေညာချက်ထုတ်ပြန်ကာ ပြင်းပြင်းထန်ထန် ရှုတ်ချခဲ့သည်။ ဩဂုတ် ၁၅ ရက်နှောင်းပိုင်းတွင် ထုတ်ပြန်ခဲ့သည့် ယင်းကြေညာချက်၌ အစ္စရေးဝန်ကြီးချုပ်၏ ပြောကြားချက်များမှာ နိုင်ငံတကာ ဥပဒေနှင့် ကုလသမဂ္ဂလုံခြုံရေးကောင်စီ၏ သက်ဆိုင်ရာ ဆုံးဖြတ်ချက်များကို ပြောင်ပြောင် တင်းတင်း ချိုးဖောက်နေသည်ဟု ရှုတ်ချထားပြီး သိမ်းပိုက်ခံ ပါလက်စတိုင်းနယ်မြေ၌ အခြေချ နေထိုင်သည့် လုပ်ရပ်များအပါအဝင် အတင်းအဓမ္မ သိမ်းပိုက်ထားမှုအား တရားဝင်ဖြစ်စေရန် ကြိုးပမ်းနေသည့် အစီအမံ သို့မဟုတ် ဆုံးဖြတ်ချက်မှန်သမျှမှာ တရားဝင်မှုမရှိဟု အခိုင်အမာဖော်ပြ ခဲ့သည်။ယင်းထုတ်ပြန်ကြေညာချက်၌ လက်မှတ်ရေးထိုးထားသည့် နိုင်ငံများထဲတွင် အယ်လ်ဂျီးရီးယား၊ ဘာရိန်း၊ ဘင်္ဂလားဒေ့ရှ်၊ ချတ်၊ ကိုမိုရော့စ်၊ ဂျီဘူတီ၊ အီဂျစ်၊ ဂမ်ဘီယာ၊ အင်ဒိုနီးရှား၊ အီရတ်၊ ဂျော်ဒန်၊ ကူဝိတ်၊ လက်ဘနွန်၊ လစ်ဗျား၊ မော်လ်ဒိုက်၊ မော်ရစ်တေးနီးယား၊ မော်ရိုကို၊ နိုင်ဂျီးရီးယား၊ အိုမန်၊ ပါကစ္စတန်၊ ပါလက်စတိုင်း၊ ကာတာ၊ ဆော်ဒီအာရေဗျ၊ ဆီနီဂေါ၊ ဆီယာရာလီယွန်၊ ဆိုမာလီယာ၊ ဆူဒန်၊ ဆီးရီးယား၊ တူကီယဲ၊ အာရပ်စော်ဘွားများပြည်ထောင်စုနှင့် ယီမင်နိုင်ငံတို့ ပါဝင်ကြောင်း သိရသည်။အစ္စရေး၏ ပြောကြားချက်များမှာ အာရပ်နိုင်ငံများ၏ အမျိုးသားလုံခြုံရေးနှင့် နိုင်ငံများ၏ အချုပ်အခြာအာဏာတို့ကိုသာမက ဒေသတွင်းနှင့် နိုင်ငံတကာ၏ ငြိမ်းချမ်းမှု၊ လုံခြုံမှုတို့ကိုလည်း တိုက်ရိုက် ခြိမ်းခြောက်လျက်ရှိသည်ဟု ကြေညာချက်၌ သုံးနှုန်းပြောဆိုထားသည်။ ထို့ပြင် လက်ယာစွန်း အစ္စရေးဝန်ကြီး ဘီဇာလာစမော့ထရစ်ချ်က “E1” ဒေသ၌ အခြေချနေထိုင်မှု အစီအစဉ်အား အတည်ပြုခဲ့ခြင်းနှင့် ပါလက်စတိုင်းနိုင်ငံ တည်ထောင်မှုအား လက်သင့်မခံဟု ဆိုသော ၎င်း၏ အစွန်းရောက်သော ပြောကြားချက်များကိုလည်း ယင်းကြေညာချက်၌ ပြင်းထန်စွာ ရှုတ်ချထားပြီး အစ္စရေးအနေဖြင့် သိမ်းပိုက်ခံ ပါလက်စတိုင်းနယ်မြေအား အချုပ်အခြာအာဏာ ပိုင်ဆိုင်ခွင့်မရှိဟု အလေးအနက်ဖော်ပြခဲ့သည်။ကိုးကား- Xinhua
အင်္ဂါနေ့, 19-သြဂုတ်လ-2025
လာမည့်သီတင်းပတ် ၂ ပတ်အတွင်း ဇီလန်စကီးနှင့် တွေ့ဆုံဆွေးနွေးရန် ပူတင် သဘောတူကြောင်း Friedrich Merz ဆို
ဝါရှင်တန်၊ ဩဂုတ် ၁၉ ရက် (ဆင်ဟွာ)ရုရှားသမ္မတ ပူတင်သည် လာမည့်သီတင်းပတ် ၂ ပတ်အတွင်း ယူကရိန်းသမ္မတ ဇီလန်စကီးနှင့် တွေ့ဆုံ ဆွေးနွေးရန် သဘောတူကြောင်း၊ တွေ့ဆုံဆွေးနွေးပွဲကျင်းပမည့်နေရာအား မဆုံးဖြတ်ရသေးကြောင်း၊ ဂျာမနီ ဝန်ကြီးချုပ် Friedrich Merz က ဩဂုတ် ၁၈ ရက်တွင် အမေရိကန်နိုင်ငံ မြို့တော် ဝါရှင်တန်၌ ပြောကြား ခဲ့သည်။ပူတင်က အမေရိကန်သမ္မတ ထရမ့်နှင့် ဖုန်းဖြင့် ဆက်သွယ်ဆွေးနွေးစဉ် ဇီလန်စကီးနှင့် တွေ့ဆုံဆွေးနွေးရန် သဘောတူခဲ့ကြောင်း Merz က မီဒီယာများထံ ပြောကြားခဲ့သည်။အဆိုပါနေ့ အစောပိုင်းတွင် ထရမ့်နှင့် ဇီလန်စကီးတို့သည် အိမ်ဖြူတော်တွင် တွေ့ဆုံဆွေးနွေးခဲ့သည်။ ယင်းနောက် ထရမ့်နှင့် Merz စသည့် ဥရောပခေါင်းဆောင်များ တွေ့ဆုံဆွေးနွေးပွဲ ကျင်းပခဲ့သည်။ တွေ့ဆုံ ဆွေးနွေးမှုအပြီး ထရမ့်နှင့် ပူတင် ဖုန်းဖြင့်ဆက်သွယ်ခဲ့သည်။ “သမ္မတပူတင်နှင့် သမ္မတ ဇီလန်စကီးတို့ တွေ့ဆုံဆွေးနွေးရန် စတင်စီစဉ်နေပြီ” ဟု ထရမ့်က လူမှုမီဒီယာတွင် ရေးသားဖော်ပြခဲ့သည်။ပူတင် က ဖိတ်ကြားမှုအရ ထရမ့်နှင့် ဖုန်းဖြင့် ဆက်သွယ်ခဲ့ပြီး ရုရှား-ယူကရိန်းကိုယ်စားလှယ်အဖွဲ့များ တိုက်ရိုက်စေ့စပ်ညှိနှိုင်းမှု ဆက်လက်ပြုလုပ်ရန် နှစ်ဖက်လုံးက ထောက်ခံအားပေးသည်ဟု ပြောကြား ခဲ့ကြောင်း ရုရှားသမ္မတ လက်ထောက် Yuri Ushakov က အကြောင်းကြားစာ ထုတ်ပြန်၍ ပြောခဲ့သည်။ အကြောင်းကြားစာတွင် ရုရှား-ယူကရိန်း သမ္မတ တွေ့ဆုံဆွေးနွေးမှု အစီအစဉ်များနှင့် စပ်လျဉ်း၍ ဖော်ပြ ထားခြင်းမရှိပေ။ကိုးကား- Xinhua
အင်္ဂါနေ့, 19-သြဂုတ်လ-2025
တောင်ကိုရီးယားနိုင်ငံ သမ္မတဟောင်း ယွန်းဆက်ယို၏ ဇနီးဖြစ်သူ ဂင်မ်ဂွန်ဟီး (Kim Keon-hee) သည် ဩဂုတ် ၁၈ ရက်တွင် ဖမ်းဆီး ခံရပြီးနောက် ဒုတိယအကြိမ် ဆင့်ခေါ်စုံစမ်းမေးမြန်းမှုအတွင်း ယေဘုယျ အားဖြင့် ရှင်းလင်းတင်ပြရန်ငြင်းပယ်ခွင့် ဆက်လက်ကျင့်သုံးခဲ့ကြောင်း သိရသည်။ “ဂင်မ်ဂွန်ဟီး အထူးစုံစမ်းစစ်ဆေးရေးအဖွဲ့” သည် ထိုနေ့တွင် ဂင်မ်ဂွန်ဟီးအား ထပ်မံဆင့်ခေါ်၍ ၎င်းက အစိုးရအရာရှိ ရွေးကောက် တင်မြောက်မှုတွင် ဝင်ရောက်စွက်ဖက်ခြင်းနှင့် အစုရှယ်ယာ ဈေးနှုန်း အား ထိန်းချုပ်ခြင်း စသည်တို့ လုပ်ဆောင်ကြောင်း သံသယရှိမှုအတွက် ထပ်တိုးစုံစမ်းစစ်ဆေးမှုများ လုပ်ဆောင်ခဲ့သည်ဟု တောင်ကိုရီးယား မီဒီယာများက ဖော်ပြခဲ့သည်။ နံနက်ပိုင်း စုံစမ်းစစ်ဆေးမှုသည် နံနက် ၁၀ နာရီမှ ၁၁ နာရီ ၄၂ မိနစ် ဝန်းကျင်အထိ လုပ်ဆောင်ခဲ့သည်။ အထူးစုံစမ်းစစ်ဆေးရေးဘက်က ဂင်မ်ဂွန်ဟီး အနေဖြင့် စစ်ဆေးမေးမြန်းမှု အများစုတွင် ရှင်းလင်းတင်ပြရန် ငြင်းပယ်ခွင့်အား အသုံးပြုခဲ့ပြီး အချို့သော တင်ပြချက်များတွင်သာ “မသိဘူး” ၊ “မမှတ်မိဘူး” ဟု ပြောဆိုခဲ့ကြောင်း ပြောကြားခဲ့သည်။ ညနေပိုင်းစုံစမ်းစစ်ဆေးမှုတွင် ဂင်မ်ဂွန်ဟီးအနေဖြင့် Deutsch Motors ကုမ္ပဏီ ဥက္ကဋ္ဌဟောင်းက ၂၀၀၉ ခုနှစ်မှ ၂၀၁၂ ခုနှစ်အတွင်း အစုရှယ်ယာ ဈေးနှုန်းအား ထိန်းချုပ်ရန် ညွန်ကြားမှုအတွင်း ၎င်းအတွက် အရင်းအနှီး ပံ့ပိုးပေးမှု စသည်တို့နှင့်စပ်လျဉ်း၍ စုံစမ်းစစ်ဆေးမှု လုပ်ဆောင်ခဲ့သည်။“ဂင်မ်ဂွန်ဟီး အထူးစုံစမ်းစစ်ဆေးရေးအဖွဲ့” သည် ဩဂုတ် ၇ ရက်တွင် “အရင်းအနှီးဈေးကွက်ဥပဒေ” ၊ “နိုင်ငံရေးရန်ပုံငွေဥပဒေ” ၊ “အထူးသတ်မှတ် ထားသော ပြစ်မှုကျူးလွန်မှုအတွက် ပြစ်ဒဏ် တိုးမြှင့်ခြင်း ဥပဒေ” တို့အား ချိုးဖောက်ကြောင်း သံသယရှိမှုဖြင့် ဂင်မ်ဂွန်ဟီးအား ဖမ်းဆီးမိန့် ခွင့်ပြုရန် တရားရုံးထံ လျှောက်ထားခဲ့သည်။တောင်ကိုးရီးယားနိုင်ငံ ဆိုးလ်ဗဟိုခရိုင်တရားရုံးက ဩဂုတ် ၁၂ ရက် သန်းခေါင်ချိန်တွင် ဂင်မ်ဂွန်ဟီးအား ဖမ်းဆီးရန်အမိန့်ထုတ်ပြန်ခဲ့သည်။ အထူးစုံစမ်းစစ်ဆေးရေးအဖွဲ့က ဩဂုတ် ၁၄ ရက်တွင် ဂင်မ်ဂွန်ဟီးအား ဖမ်းဆီးခံရပြီးနောက် ပထမဆုံးအကြိမ် ဆင့်ခေါ်စုံစမ်းစစ်ဆေးမှု လုပ်ဆောင် ခဲ့ရာ ဂင်မ်ဂွန်ဟီးက မေးမြန်းမှုအများစုအပေါ် ရှင်းလင်း တင်ပြရန် ငြင်းပယ်ခွင့် ကျင့်သုံးခဲ့သောကြောင့် စုံစမ်းစစ်ဆေးမှုသည် အချိန်စော၍ အဆုံးသတ် ခဲ့ရသည်။ ကိုးကား- Xinhua
အင်္ဂါနေ့, 19-သြဂုတ်လ-2025