အမေရိကန် အမျိုးသားလုံခြုံရေးကောင်စီ ဝန်ထမ်း ၁၆၀ ကို အိမ်ပြန်ပို့

saceditor

News Image

  • အမေရိကန် အမျိုးသားလုံခြုံရေးကောင်စီ ဝန်ထမ်း ၁၆၀ ကို အိမ်ပြန်ပို့

အမေရိကန် အမျိုးသားလုံခြုံရေးကောင်စီ ဝန်ထမ်းများကို ခန့်အပ်တာဝန်ပေးအပ်နိုင်ရေး ဒေါ်နယ်ထရမ့်၏ အစီအစဉ်များနှင့် ကိုက်ညီမှုရှိ၊ မရှိ ချိန်ညှိနိုင်ရန် ထရမ့်အစိုးရ အဖွဲ့က ပြန်လည်သုံးသပ်နေစဉ် ဇန်နဝါရီ ၂၂ ရက် (ဗုဒ္ဓဟူးနေ့)တွင် အမျိုးသားလုံခြုံရေးဆိုင်ရာအကြံပေး Mike Waltz က အိမ်ဖြူတော်ရှိ အမျိုးသားလုံခြုံရေး ကောင်စီဝန်ထမ်း ၁၆၀ ကို နေအိမ်များသို့ ပြန်ပို့လိုက်ပါသည်။

ကောင်စီတွင် ခန့်အပ်တာဝန်ပေးအပ်နိုင်ရေး ဝန်ထမ်းများရွေးချယ်ရာတွင် “နိုင်ငံရေးလုပ်ဆောင်ချက် မည်မျှ ရှိသလဲ၊ ၂၀၂၄ ခုနှစ် ရွေးကောက်ပွဲတွင် မည်သူ့ကို မဲပေးခဲ့သလဲ၊ ယခင်က ရွေးကောက်ခံသမ္မတ ထရမ့်နှင့် အဖွဲ့ကို လူမှုမီဒီယာများတွင် ပြစ်တင်စွပ်စွဲရေးသားခဲ့ခြင်း ရှိ၊ မရှိ” စသည့်အချက်များကို ထရမ့်အစိုးရအဖွဲ့က မေးမြန်းလျက်ရှိကြောင်း သိရပါသည်။ 

အမေရိကန်အမျိုးသားလုံခြုံရေးကောင်စီသည် လုံခြုံရေးနှင့် နိုင်ငံခြားရေးမူဝါဒဆိုင်ရာ အကြံဉာဏ်များကို သမ္မတ ထံ တင်ပြရပါသည်။ 

ကိုးကား-AP

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပူတင်နှင့်ထရမ့် လာမည့်အပတ် တွေ့နိုင်ဖွယ်ရှိသည် ဟု အမေရိကန် အထူးကိုယ်စားလှယ် ပြော
ပူတင်နှင့်ထရမ့် လာမည့်အပတ် တွေ့နိုင်ဖွယ်ရှိသည် ဟု အမေရိကန် အထူးကိုယ်စားလှယ် ပြော
ရုရှားသမ္မတ ဗလာဒီမာ ပူတင်နှင့် အမေရိကန် သမ္မတ ဒေါ်နယ်ထရမ့် တို့သည် လာမည့်အပတ်တွင် တွေ့ဆုံဆွေးနွေးနိုင်ဖွယ်ရှိကြောင်း အမေရိကန် သမ္မတ အထူးကိုယ်စားလှယ် စတီဗင်ဝှစ်ကော့က CNN ကို ပြောကြားလိုက် ပါသည်။ခေါင်းဆောင်နှစ်ဦး တွေ့ဆုံမှုက အမှန်တကယ်ကောင်းမွန်ပြီး အနာဂတ်အတွက် အကျိုးအမြတ် ရရှိနိုင်မည် ဟု ထင်မြင်ကြောင်း အမေရိကန် အနေဖြင့်လည်း ယူကရိန်းတာဝန်ရှိသူများကို လိုအပ်သည့် အကြံပြုချက်များ ပံ့ပိုးပေးလျက်ရှိကြောင်း ၎င်းက ပြောကြားထားပါသည်။အထူးကိုယ်စားလှယ် စတီဗင်ဝှစ်ကော့သည် ရုရှားသမ္မတ ပူတင်နှင့် ပြီးခဲ့သည့် မတ်လ ၁၃ ရက် (ကြာသပတေးနေ့) ညနှောင်းပိုင်းတွင် ၃ နာရီမှ ၄ နာရီ အထိ တွေ့ဆုံဆွေးနွေးခဲ့ကြကြောင်း သိရှိရပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
တရုတ်-ဥရောပသမဂ္ဂ သံတမန်ထူထောင်ခြင်း နှစ် ၅၀ ပြည့် အခမ်းအနားတက်ရန် ရှီကျင့်ဖျင် ငြင်းပယ်
တရုတ်-ဥရောပသမဂ္ဂ သံတမန်ထူထောင်ခြင်း နှစ် ၅၀ ပြည့် အခမ်းအနားတက်ရန် ရှီကျင့်ဖျင် ငြင်းပယ်
ဘရပ်ဆဲလ်တွင် ကျင်းပမည့် တရုတ်-ဥရောပသမဂ္ဂ သံတမန် ထူထောင်ခြင်း နှစ် ၅၀ ပြည့်အခမ်းအနား တက်ရောက်ရန် ဥရောပသမဂ္ဂ၏ ဖိတ်ကြား ချက်ကို တရုတ်သမ္မတ ရှီကျင့်ဖျင်က ငြင်းပယ်လိုက်ပါသည်။ထိုအခမ်းအနားသို့ ၎င်းအစား တရုတ်ဝန်ကြီးချုပ် Li Qiang တက်ရောက် သွားမည် ဖြစ်ပါသည်။ ပုံမှန်အားဖြင့် ထိုအခမ်းအနားမျိုးကို ဝန်ကြီးချုပ် အဆင့်သာ တက်ရောက်လေ့ရှိသော်လည်း နှစ် ၅၀ (ရွှေရတု) ပြည့် ဖြစ်သည့်အတွက် သမ္မတကိုယ်တိုင် လာရောက်တက်စေလိုသဖြင့် ဥရောပသမဂ္ဂက ဖိတ်ကြားခဲ့ခြင်းဖြစ်ပါသည်။၂၀၂၂ ခုနှစ် ရုရှား-ယူကရိန်းစစ်ပွဲစတင်ကတည်းက ဥရောပက တရုတ် အပေါ် ရုရှားဘက်ကို ထောက်ခံသည်ဟု စွပ်စွဲလာခဲ့ပြီး တရုတ်ထုတ် လျှပ်စစ်ကားများအတွက် အခွန်များတိုးမြှင့်ခဲ့သော်လည်း ယခုအခါ ဥရောပ က အမေရိကန် အစားထိုးရေး ပြင်ဆင်နေချိန်တွင် တရုတ်- ဥရောပ ဆက်ဆံရေး ရှုပ်ထွေးနေမှုကို ထင်ရှားစွာ ပြသနေပါသည်။ကိုးကား- Reutersဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ဆော်ဒီဆွေးနွေးပွဲ၌ ကိယက်ဗ်က အောင်မြင်ခဲ့ကြောင်း အများကလက်ခံ ဟု ဇီလန်စကီးဆို
ဆော်ဒီဆွေးနွေးပွဲ၌ ကိယက်ဗ်က အောင်မြင်ခဲ့ကြောင်း အများကလက်ခံ ဟု ဇီလန်စကီးဆို
ဗလာဒီမာဇီလန်စကီးက ဆော်ဒီအာရေဗျတွင် လွန်ခဲ့သည့် သီတင်းပတ်အတွင်းက အမေရိကန်နှင့် ပြုလုပ်ခဲ့သည့်ဆွေးနွေးပွဲများ၌ ကိယက်ဗ်၏ သံတမန်ရေးရာ ကျွမ်းကျင်မှုများကို ၎င်းအားထောက်ခံသူ အနောက် ဥရောပနိုင်ငံများက လှိုက်လှဲစွာချီးကျူးဂုဏ်ပြုခဲ့ကြကြောင်း ပြောကြား ခဲ့သည်။ ၎င်းက ကိယက်ဗ်၏ သံတမန်ရေးရာအောင်ပွဲသည် ရုရှားကို ခက်ခဲသောအခြေအနေတစ်ရပ်သို့ ရောက်ရှိစေပြီး ရုရှားအနေဖြင့် ထို အခြေအနေမှလွတ်မြောက်ရန်ခက်ခဲနိုင်ကြောင်း ပြောကြားခဲ့သည်။မတ်လ ၁၃ ရက်နေ့က ဂျီဒါမြို့တွင် ကျင်းပခဲ့သည့် အစည်းအဝေးတစ်ခုတွင် ယူကရိန်းကိုယ်စားလှယ်အဖွဲ့သည် အမေရိကန်မှ အဆိုပြုထားသည့် ၃၀ ရက်ကြာ စစ်ရပ်စဲရေးကို သဘောတူညီခဲ့သည်။အစည်းအဝေးမစတင်မီ ရက်ပိုင်းအတွင်း ယူကရိန်းတို့ ကျူးကျော် သိမ်းပိုက် ထားသော Kursk ဒေသတွင် ရုရှားက တန်ပြန်ထိုးစစ် ပြင်းထန်စွာ ဆင်နွှဲ ခဲ့ကာ ၎င်း၏နယ်မြေ စတုရန်းကီလိုမီတာရာနှင့်ချီကာ ပြန်လည် သိမ်းပိုက် နိုင်ခဲ့ပြီး ယူကရိန်းတပ်များ ယခင်က သိမ်းပိုက်ထားခဲ့သည့် Sudzha မြို့ ကို ပြန်လည်သိမ်းပိုက်နိုင်ခဲ့သည်။ရုရှားစစ်ဦးစီးချုပ် General Valery Gerasimov က ထိုဒေသတွင်ရှိသော ယူကရိန်းတပ်များသည် ရုရှားတပ်ဖွဲ့များ၏ ဝိုင်းပတ်ပိတ်ဆို့မှုကို ခံနေ ရကြောင်းပြောကြားခဲ့သည်။ အမေရိကန်သမ္မတ ဒေါ်နယ်ထရမ့်က ထိုဒေသ တွင်ပိတ်မိနေသည့် ထောင်ချီသောယူကရိန်းစစ်သားများကို မသတ်ဖြတ် ရန် မော်စကိုကို တောင်းဆိုခဲ့ပြီး ရုရှားသမ္မတ ဗလာဒီမာပူတင်က ပိတ်ဆို့ ခံထားရသည့် ယူကရိန်းစစ်သားများ လက်နက်ချပါက ကျင့်ထုံးများနှင့် အညီ ဆောင်ရွက်မည်ဟု အာမခံခဲ့သည်။ယူကရိန်းစစ်ဦးစီးချုပ်နှင့် ဇီလန်စကီးတို့က သတင်းထောက်များနှင့် တွေ့ဆုံစဉ် ယူကရိန်းတပ်များ Kursk ဒေသတွင် ဝိုင်းပတ် ပိတ်ဆို့ ခံထားရသည်ဟူသော အချက်ကိုငြင်းဆိုခဲ့သည်။ယူကရိန်းခေါင်းဆောင်က အမေရိကန်မှ အဆိုပြုထားသည့် စစ်ရပ်စဲရေး အစီစဉ်ကို မော်စကိုမှ “ကန့်သတ်ချက်မရှိ” သဘောတူညီရန် တောင်းဆို ခဲ့သည်။ ပူတင်က အမေရိကန်၏ စစ်ရပ်စဲရေးအဆိုပြုချက်ကို အကြမ်းဖျင်း အားဖြင့် လက်ခံနိုင်ကြောင်း၊ ထပ်မံဆွေးနွေးရမည့် အသေးစိတ်အချက်များ ကျန်ရှိနေသေးကြောင်းနှင့် Kursk ဒေသတွင်ရှိသော ယူကရိန်း တပ်များ ၏ ကံကြမ္မာအပါအဝင် စစ်ရပ်စဲရေးကို စောင့်ကြည့်ဖြေရှင်းရန် အစီအမံ များ လိုအပ်ကြောင်း ဆိုခဲ့သည်။ပြင်သစ်နှင့် ဗြိတိန်တို့ကလည်း ရုရှားအား ကန့်သတ်ချက်မရှိသော ယာယီ အပစ်အခတ်ရပ်စဲရေးကို သဘောတူရန်တောင်းဆိုခဲ့ပြီး ရုရှားသမ္မတ ဟောင်း Dmitry Medvedev က ဗြိတိန်သည် ထိုကဲ့သို့သော အကြံဉာဏ် များကို မည်သည့်နေရာမှ ရရှိခဲ့သည်ကို ပြန်လည်စဉ်းစားသင့်ကြောင်း ပြင်းပြင်းထန်ထန် ပြန်လည်ဝေဖန်ခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Putin နှင့် Witkoff တွေ့ဆုံမှုသတင်းအပေါ် သတင်းမှားများ ဖော်ပြခဲ့သည့် မီဒီယာများကို Trump ပြင်းထန်စွာဝေဖန်
Putin နှင့် Witkoff တွေ့ဆုံမှုသတင်းအပေါ် သတင်းမှားများ ဖော်ပြခဲ့သည့် မီဒီယာများကို Trump ပြင်းထန်စွာဝေဖန်
အမေရိကန်သမ္မတ ဒေါ်နယ်ထရမ့်သည် ၎င်း၏အထူးကိုယ်စားလှယ် Steve Witkoff သည် မကြာသေးမီက မော်စကိုတွင် ရုရှားသမ္မတ ဗလာဒီမာပူတင်နှင့်တွေ့ဆုံမှုမတိုင်မီ ကြာမြင့်စွာ စောင့်ဆိုင်းခဲ့ရသည်ဟု ဖော်ပြခဲ့ကြသည့် မီဒီယာသတင်းများကို ပြင်းပြင်းထန်ထန် ရှုတ်ချခဲ့ပြီး ထိုသတင်းများကို “အဆင့်အတန်းမရှိသော သတင်းမှားများ” ဟု ပယ်ချ ခဲ့သည်။မီဒီယာကျင့်ဝတ် စောင့်ထိန်းမှုမရှိသော သတင်းဌာနများသည် ၎င်းတို့၏ အလေ့အထများအတိုင်း သတင်းမှားများဖြန့်ကာ အထင်အမြင်မှားစေရန် လုပ်ဆောင်နေကြသည်ဟု ထရမ့်က ၎င်း၏ Social Platform ၌ ရေးသားခဲ့သည်။ ထရမ့်က Witkoff သည် ပူတင်နှင့်တွေ့ဆုံရန် စောင့်ဆိုင်း ခဲ့ရခြင်းမရှိဟု အတိအလင်းပြောကြားခဲ့သည်။Sky News ၏ သတင်းတစ်ရပ်တွင် Witkoff သည် “ကရင်မလင်တွင် ပူတင်နှင့်တွေ့ဆုံရန် အနည်းဆုံးရှစ်နာရီကြာစောင့်ဆိုင်းခဲ့ရသည်” ဟု ဖော်ပြခဲ့ပြီး ထိုသတင်းကို မီဒီယာများစွာက ထပ်ဆင့်ဖော်ပြခဲ့ကြသည်။ထရမ့်၏ ကိုယ်စားလှယ်အဖွဲ့နှင့် ပူတင်အပါအဝင် ရုရှားအစိုးရ တာဝန်ရှိ ပုဂ္ဂိုလ်များသည် အခြားဆက်စပ်အစည်းအဝေးများကိုလည်း ကျင်းပ ဆွေးနွေးခဲ့ကြပြီး အချိန်ကြာမြင့်မှုရှိခဲ့သော်လည်း ထိုဆွေးနွေးမှုများသည် လွန်စွာအကျိုးရှိခဲ့သည်ဟုဆိုသည်။မီဒီယာများသည် သံတမန်၏ စောင့်ဆိုင်းမှုဆိုင်ရာသတင်းကို ဂုဏ်သိက္ခာ ကျစေရန် လုပ်ကြံဖန်တီးခဲ့ခြင်းဖြစ်ကာ ၎င်းတို့သည် သတင်းမှန်များကို ဖော်ပြရန်စိတ်မဝင်စားဘဲ လုပ်ကြံသတင်းများကိုသာ ဖော်ပြနေကြပြီး “စိတ်ဓာတ်ရေးရာ ယိုယွင်းပျက်စီးနေသူများဖြစ်သည်” ဟု ထရမ့်က ဆိုသည်။ထရမ့်၏ ရေရှည်လုပ်ဖော်ကိုင်ဖက်ဖြစ်သူ အိမ်ခြံမြေလုပ်ငန်းရှင် Witkoff သည် ယူကရိန်းပဋိပက္ခတွင် ငြိမ်းချမ်းရေးညှိနှိုင်းဆွေးနွေးရန် ကြိုးပမ်းမှု များအပါအဝင် အရေးပါသည့် သံတမန်ရေးရာတာဝန်များကို ထမ်းဆောင် လျက်ရှိသည်။အမေရိကန်နှင့် ရုရှား နှစ်ဘက်ကိုယ်စားလှယ်များသည် စစ်ရေး ရပ်စဲရေး ၏ အလားအလာကို ကောင်းမွန်သော ခြေလှမ်းများဖြင့် အစပြုနိုင်ရေး ကြိုးပမ်းလျက်ရှိပြီး အမေရိကန်နိုင်ငံခြားရေးဝန်ကြီး Marco Rubio က စိန်ခေါ်မှုများ ရှိနေသေးသော်လည်း ဆွေးနွေးပွဲများသည် ပဋိပက္ခကို အဆုံးသတ်ရန် လှေကားထစ်တစ်ခုဖြစ်သည်ဟု မှတ်ချက်ပြုခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
အမေရိကန်နှင့် ရုရှားတို့ကြား ဆက်ဆံရေးနောက်တစ်ဆင့် ထပ်မံတက်လှမ်းရန် ရူဘီယိုနှင့် လက်ရော့ဆွေးနွေး
အမေရိကန်နှင့် ရုရှားတို့ကြား ဆက်ဆံရေးနောက်တစ်ဆင့် ထပ်မံတက်လှမ်းရန် ရူဘီယိုနှင့် လက်ရော့ဆွေးနွေး
ဝါရှင်တန်၊ နိုင်ငံရေးအမေရိကန်နှင့် ရုရှားနိုင်ငံတို့ကြား ဆက်ဆံရေးပြန်လည်တည်ထောင်ရန်အတွက်နောက်တစ်ဆင့်ထပ်မံတက်လှမ်းရေးနှင့်စပ်လျဉ်း၍ အမေရိကန်နိုင်ငံခြားရေးဝန်ကြီး မားကို့ရူဘီယိုက ရုရှားနိုင်ငံခြားရေးဝန်ကြီး ဆာဂျီလက်ရော့နှင့် ဖုန်းမှတစ်ဆင့်ပြောဆိုဆွေးနွေးခဲ့သည်ဟု အမေရိကန်နိုင်ငံခြားရေးဝန်ကြီးဌာနက ထုတ်ပြန်သည်။ရူဘီယိုသည် ရုရှားနိုင်ငံခြားရေးဝန်ကြီး လက်ရော့နှင့် မတ်လ ၁၅  ရက်တွင် ဖုန်းမှတစ်ဆင့် ဆက်သွယ်၍   နှစ်နိုင်ငံကြားတိုက်ရိုက်ဆက်သွယ်ရေး    ပြန်လည်တည်ဆောက်ရန် ဆွေးနွေးခြင်းဖြစ်ပြီးအဆိုပါဆွေးနွေးမှုအတွင်း နှစ်နိုင်ငံကြားဆက်ဆံရေးပြန်လည်တည်ထောင်ရန်နှစ်ဖက်စလုံးက သဘောတူညီခဲ့ကြောင်း  ထုတ်ပြန်ချက်တွင် ဆက်လက်ဖော်ပြသည်။နှစ်နိုင်ငံစလုံးမှ   နိုင်ငံခြားရေးဝန်ကြီးများ၏ဆွေးနွေးမှုသည်   အမေရိကန်နှင့် ရုရှားနိုင်ငံတို့က နှစ်နိုင်ငံကြားဆက်ဆံရေးကိုပြန်လည်တည်ထောင်ရေးနှင့် ယူကရိန်းနိုင်ငံတွင် အပစ်အခတ်ရပ်စဲရေးသဘောတူညီချက်တစ်ရပ်ချမှတ်နိုင်ရေး ကြိုးပမ်းနေစဉ် ထွက်ပေါ်လာခြင်းဖြစ်ကြောင်း သိရသည်။ရူဘီယိုနှင့်လက်ရော့တို့ကြား ဆွေးနွေးမှုအတွင်းပြောကြားခဲ့သည့် အခြားအသေးစိတ်အချက်အလက်များကိုမူ ထုတ်ပြန်ထားခြင်းမရှိပေ။သို့သော် အဆိုပါဆွေးနွေးမှုအတွင်း ယီမင်နိုင်ငံအတွင်းရှိ    ဟူသီသူပုန်များအပေါ် အမေရိကန်က လုပ်ဆောင်ခဲ့သည့် လေကြောင်းတိုက်ခိုက်မှုများနှင့် အဆိုပါသူပုန်အဖွဲ့အား ပင်လယ်နီအတွင်းအမေရိကန်က ဆက်လက်တိုက်ခိုက်မည့်အစီအစဉ်များကိုလည်း ရူဘီယိုက လက်ရော့အား အကျဉ်းချုပ်ပြောကြားခဲ့ကြောင်းသိရသည်။                                   Ref:RTSource: https://myawady.net.mm/
မေ ၉ အခမ်းအနားတက်ရောက်ရန် ဗင်နီဇွဲလားသမ္မတ အား ပူတင် ဖိတ်ကြား
မေ ၉ အခမ်းအနားတက်ရောက်ရန် ဗင်နီဇွဲလားသမ္မတ အား ပူတင် ဖိတ်ကြား
၂၀၂၅ ခုနှစ်၊ မေ ၉ ရက်တွင် မော်စကို၌ ကျင်းပမည့် ဆိုဗီယက်အောင်ပွဲနေ့ အခမ်းအနား တက်ရောက်ရန် ရုရှားသမ္မတ ဗလာဒီမာပူတင်က ဗင်နီဇွဲလား သမ္မတ နီကိုလစ် မာဒူရိုကို ဖိတ်ကြားလိုက်ပါသည်။ ထိုဖိတ်ကြားချက်မှာ ၁၉၄၅ ခုနှစ်က မဟာမိတ်အောင်ပွဲ ရရှိစေရန် ဗင်နီဇွဲလား၏ ပါဝင်ကူညီမှု ကို မီးမောင်းထိုးပြလိုက်ခြင်း ဖြစ်ပါသည်။ သမိုင်းဝင် အောင်ပွဲခံမှု နှစ် ၈၀ ပြည့်အခမ်းအနား တက်ရောက်ရန် နိုင်ငံ အများအပြားမှ ခေါင်းဆောင်များကို ရုရှားသမ္မတက ဖိတ်ကြားထားပါသည်။ ဂျာမန်နာဇီဝါဒကို တိုက်ခိုက်ခဲ့သော မိတ်ဆွေနိုင်ငံများအနက် အီတလီနှင့် ဂျပန်တို့က မော်စကိုရှိ ရင်ပြင်နီတွင် ပြုလုပ်မည့် အဆိုပါ အခမ်းအနားတွင် စစ်ရေးပြ ပါဝင်ချီတက်ရန် တပ်ဖွဲ့ဝင်များစေလွှတ်မည်ဖြစ်ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
© Copyright 2024 SAC All Rights Reserved.