တရုတ်က ထရမ့်နှင့်ပူတင်တို့၏ ဆွေးနွေးမှုကို အိမ်ရှင်အဖြစ် လက်ခံ ကျင်းပလို

ယူကရိန်းပဋိပက္ခအဆုံးသတ်နိုင်ရေး ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့အကြား ထိပ်သီးဆွေးနွေးပွဲကို တရုတ်နိုင်ငံက အိမ်ရှင်အဖြစ်လက်ခံကျင်းပရန် အဆိုပြုခဲ့သည်ဟု Wall Street Journal က ခိုင်လုံသော သတင်းရင်းမြစ်များကို ကိုးကား၍ ဖေဖော်ဝါရီ ၁၂ ရက်နေ့တွင် ဖော်ပြခဲ့သည်။

တရုတ်နိုင်ငံသည် မော်စကိုနှင့်ကိယက်ဗ် အကြား ပဋိပက္ခ အဆုံးသတ် နိုင်ရေး အကောင်အထည်ဖော်ဆောင်နိုင်မည့် ငြိမ်းချမ်းရေး အကျိုးဆောင် အဖြစ်ဆောင်ရွက်ရန် လိုလားလျက်ရှိပြီး ၎င်း၏လမ်းပြမြေပုံကို တင်ပြ ထားခဲ့သည်။

ထရမ့် အိမ်ဖြူတော်သို့ပြန်လည်ရောက်ရှိပြီး ပထဆုံးအကြိမ်အဖြစ် ပူတင်နှင့် တယ်လီဖုန်းမှတစ်ဆင့် အချိန်ကြာမြင့်စွာဆွေးနွေးခဲ့ပြီး လွန်စွာအကျိုးရှိသည့် ဆွေးနွေးမှုတစ်ခု ဖြစ်ခဲ့သည်ဟု ထရမ့်ကဆိုသည်။

ယူကရိန်းနှင့် ပဋိပက္ခအတွက် ချက်ချင်းစတင်နိုင်ရေး ၎င်းနှင့် ပူတင်တို့ သဘောတူညီခဲ့ကြကြောင်းလည်း ထရမ့်က ပြောကြားခဲ့ပါသည်။

မကြာသေးမီရက်သတ္တပတ်များအတွင်း၊ တရုတ်တာဝန်ရှိသူများသည် နှစ်နိုင်ငံခေါင်းဆောင်များကြား ထိပ်သီးဆွေးနွေးပွဲတစ်ခုပြုလုပ်ရန် အကြံပြုကာ အလားအလာရှိသော အပစ်အခတ်ရပ်စဲပြီးနောက် ငြိမ်းချမ်းရေး ထိန်းသိမ်းမှုဆိုင်ရာ ကြိုးပမ်းမှုများတွင် ကူညီပေးရန် ထရမ့် အဖွဲ့အား ကြားခံများမှတစ်ဆင့် အဆိုပြုတင်ပြခဲ့ကြောင်း WSJ က ပေကျင်းနှင့် ဝါရှင်တန်ရှိ သတင်းရင်းမြစ်များကို ကိုးကား၍ ဖော်ပြခဲ့ သည်။

ကိုးကား-RT