တရုတ်နိုင်ငံက အွန်လိုင်းလိမ်လည်မှုလုပ်ငန်းများတွင် အဓမ္မခိုင်းစေခြင်းခံရသည့် ၎င်းတို့၏ နိုင်ငံသား ၂၀၀ ခန့်ကို မြန်မာနိုင်ငံမှ ပြန်လည်ခေါ်ဆောင်ရန်စီစဉ်

sacadmin

News Image

ဖေဖော်ဝါရီ ၁၈

ထိုင်း-မြန်မာနယ်စပ်ရှိ တရားမဝင်အွန်လိုင်းငွေကြေးလိမ်လည်မှုလုပ်ငန်းများကို နိုင်ငံစုံ ပူးပေါင်းဖြိုခွင်းခြင်း လုပ်ငန်းစဉ်၏ အစိတ်အပိုင်းတစ်ရပ်အနေဖြင့် တရုတ်နိုင်ငံက အဆိုပါလုပ်ငန်းများမှ ထိန်းသိမ်းထားရှိသည့် ၎င်းတို့၏နိုင်ငံသား ၂၀၀ ခန့်ကို ပြန်လည်ခေါ်ဆောင်သွားမည် ဖြစ်ကြောင်း ထိုင်းနိုင်ငံလုံခြုံရေးဆိုင်ရာ အရာရှိ တစ်ဦးက ထုတ်ဖော်ပြောကြားခဲ့ပါသည်။

ဒုစရိုက်အဖွဲ့များက ထိုင်း-မြန်မာနယ်စပ်အပါအဝင် အရှေ့တောင်အာရှဒေသတခွင်တွင် မယုံကြည်နိုင် လောက်အောင် ပျံ့နှံ့လာသည့် ယင်းကဲ့သို့သော တရားမဝင်အွန်လိုင်းငွေကြေး လိမ်လည်မှုလုပ်ငန်းများတွင် အဓမ္မလုပ်ကိုင်စေရန်အတွက် လူထောင်ပေါင်းများစွာကို လူကုန်ကူးခဲ့ကြောင်း ကုလသမဂ္ဂက ထုတ်ဖော်ပြောကြား ခဲ့သည်။

ထိန်းသိမ်းခံ တရုတ်နိုင်ငံသားများသည် ဖေဖော်ဝါရီ ၂၀ ရက် (ကြာသပတေးနေ့)တွင် ထိုင်းနိုင်ငံ၊ တာ့ခ်ခရိုင်၊ မဲဆောက်မြို့မှတစ်ဆင့် တရုတ်နိုင်ငံသို့ ခရီးသည်တင်လေယာဉ်ဖြင့် ပြန်လည်ထွက်ခွာကြမည်ဖြစ်ကြောင်း ထိုင်း ကာကွယ်ရေးဝန်ကြီးဌာန၏ ပြောရေးဆိုခွင့်ရှိသူ ဗိုလ်ချုပ် Thanathip Sawangsaeng က ပြောကြားခဲ့ကြောင်း Bangkokpost သတင်းစာတွင် ရေးသားဖော်ပြထားပါသည်။

ကိုးကား- Bangkokpost.com         

ဘာသာပြန်ဆိုသူ

ဦးထက်ထက်အောင်(နစက-၄)
 

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အမေရိကန်နိုင်ငံ CIA ဌာနချုပ်အပြင်ဘက်တွင် တစ်လုံးထိုး သေနတ်ကို ဝှေ့ယမ်း၍ လုံခြုံရေးတပ်ဖွဲ့ဝင်များအား ခြိမ်းခြောက်ခဲ့သူအား ရဲတပ်ဖွဲ့ဖမ်းဆီး
အမေရိကန်နိုင်ငံ CIA ဌာနချုပ်အပြင်ဘက်တွင် တစ်လုံးထိုး သေနတ်ကို ဝှေ့ယမ်း၍ လုံခြုံရေးတပ်ဖွဲ့ဝင်များအား ခြိမ်းခြောက်ခဲ့သူအား ရဲတပ်ဖွဲ့ဖမ်းဆီး
အမေရိကန်ပြည်ထောင်စု ဗာဂျီးနီးယားပြည်နယ်ရှိ CIA ဌာနချုပ်အပြင်ဘက်တွင် တစ်လုံးထိုးသေနတ်ကို ဝှေ့ယမ်း၍ လုံခြုံရေး တပ်ဖွဲ့ဝင်များအား ခြိမ်းခြောက်ခဲ့သူ တစ်ဦးအား  ရဲတပ်ဖွဲ့က ဖမ်းဆီးလိုက်ကြောင်းသိရသည်။အဆိုပါဖြစ်စဉ်သည်  မက္ကလင်းမြို့ရှိ CIA ဌာနချုပ်အပြင်ဘက်တွင် မတ်လ ၁၉ ရက်က ဖြစ်ပွားခြင်းဖြစ်ပြီး အဆိုပါဖြစ်စဉ်အတွင်း သေနတ်သမားသည် ၎င်း၏ဦးခေါင်းကိုသာမက ဒေသတွင်းရဲတပ်ဖွဲ့မှ ရဲတပ်ဖွဲ့ဝင်များနှင့် ၎င်းအားလာရောက် ဖျောင်းဖျပြောဆိုခဲ့သည့် လုံခြုံရေး တပ်ဖွဲ့ဝင်များကိုပါ သေနတ်ဖြင့်ချိန်ခဲ့ကြောင်း အရင်းအမြစ်များက ပြောသည်။ယင်းနောက် အာဏာပိုင်အဖွဲ့က အဆိုပါသေနတ်သမား အမျိုးသားအား နာရီပေါင်းများစွာကြာ ဖျောင်းဖျပြီးနောက် ၎င်းအမျိုးသားအား မတ်လ ၁၉ ရက်မွန်းလွဲပိုင်းတွင် ဖမ်းဆီးနိုင်ခဲ့ခြင်းဖြစ်ကြောင်း ဖဲဖက်ကောင်တီ ရဲတပ်ဖွဲ့၏ ထုတ်ပြန်ချက်အရသိရသည်။ရဲတပ်ဖွဲ့သည် ၎င်းဖြစ်စဉ်နှင့်စပ်လျဉ်း၍ အသေးစိတ်အချက်အလက်များကို စစ်ဆေးနေဆဲဖြစ်ပြီး   သေနတ်သမား အမျိုးသားမှာ မည်သူမည်ဝါဖြစ်ကြောင်းကို ထုတ်ပြန်ထားခြင်း မရှိသေးကြောင်း သိရသည်။ Source: https://myawady.net.mm/ 
အပစ်အခတ်ရပ်စဲရေး သဘောတူညီခဲ့သည့် အမေရိကန်နှင့် ရုရှားနိုင်ငံတို့၏ ဆွေးနွေးမှုအား တရုတ်နိုင်ငံက ကြိုဆို
အပစ်အခတ်ရပ်စဲရေး သဘောတူညီခဲ့သည့် အမေရိကန်နှင့် ရုရှားနိုင်ငံတို့၏ ဆွေးနွေးမှုအား တရုတ်နိုင်ငံက ကြိုဆို
ယူကရိန်းတွင် အပစ်အခတ်ရပ်စဲရေး သဘောတူညီခဲ့သည့် အမေရိကန်နှင့် ရုရှားနိုင်ငံတို့၏ ဆွေးနွေးမှုအား တရုတ်နိုင်ငံက ကြိုဆိုကြောင်း တရုတ်နိုင်ငံခြားရေးဝန်ကြီး ဌာနက မတ်လ ၁၉ ရက်တွင် ထုတ်ပြန်သည်။တရုတ်နိုင်ငံသည် ယူကရိန်းအရေးအား တွေ့ဆုံဆွေးနွေးခြင်းနှင့် စေ့စပ်ညှိနှိုင်းခြင်းအားဖြင့် ငြိမ်းချမ်းစွာ ဖြေရှင်းရေးကို အစကတည်းက ထောက်ခံထားပြီး အဆိုပါပဋိပက္ခအား  ဖြေရှင်းနိုင်ရေး လုပ်ဆောင်သည့် ကြိုးပမ်းမှုအားလုံးကို ကြိုဆိုကြောင်း တရုတ်နိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူ မောင်နင်းက ပြောသည်။အမေရိကန်သမ္မတ  ဒေါ်နယ်ထရမ့်နှင့် ရုရှားသမ္မတ ဗလာဒီမာပူတင်တို့ကြား မတ် လ ၁၈ ရက်တွင် လုပ်ဆောင်ခဲ့သည့် ဖုန်းဖြင့် ဆွေးနွေးမှုသည် ယူကရိန်းငြိမ်းချမ်းရေး ရရှိရန်အတွက်  လိုအပ်သည့်ခြေလှမ်းတစ်ရပ်ဖြစ်သည်ဟု   ၎င်းကဆက်လက် ပြောကြားခဲ့ကြောင်း သိရသည်။ရုရှားနိုင်ငံသည် ၎င်းတို့၏အမျိုးသား လုံခြုံရေးအတွက် ယူကရိန်းနိုင်ငံအတွင်း ၂၀၂၂ ခုနှစ်  ဖေဖော်ဝါရီလမှစ၍ အထူးစစ်ဆင်ရေး စတင်ဆင်နွှဲပြီးနောက် အနောက်နိုင်ငံများက ယူကရိန်းအား လက်နက်ခဲယမ်းနှင့်   ငွေကြေးအထောက်အပံ့များ ပေးအပ်ခဲ့ရာမှ ပဋိပက္ခမှာ ပိုမိုဆိုးရွားလာခြင်း ဖြစ်ကြောင်း သိရသည်။Source: https://myawady.net.mm/ 
ဗြိတိန်က ၎င်းတို့၏ အထူးတပ်ဖွဲ့ဝင်များအား ယူကရိန်းသို့ စေလွှတ်ရန် ပြင်ဆင်ထားဟုဆို
ဗြိတိန်က ၎င်းတို့၏ အထူးတပ်ဖွဲ့ဝင်များအား ယူကရိန်းသို့ စေလွှတ်ရန် ပြင်ဆင်ထားဟုဆို
လန်ဒန်၊   စစ်ရေးရုရှားနှင့်အမေရိကန်တို့ကြား ယူကရိန်းတွင် အပစ်အခတ်ရပ်စဲရေး သဘောတူညီချက်ချမှတ်ပြီးနောက်   ဗြိတိန်နိုင်ငံက ၎င်းတို့၏   အထူးတပ်ဖွဲ့ဝင်များအား ယူကရိန်းသို့စေလွှတ်ရန်    အသင့်အနေ အထားပြင်ဆင်ထားကြောင်း   ဗြိတိန်သတင်းစာကြီး တစ်စောင်တွင် ဖော်ပြထားသည်။ဗြိတိန်နိုင်ငံအနေဖြင့် ၎င်းတို့၏ငြိမ်းချမ်းမှုထိန်းသိမ်းရေး မစ်ရှင်အရ ယူကရိန်းသို့ အထူးတပ်ဖွဲ့ဝင်များ စေလွှတ်ရေးပြင်ဆင်ထားရန် ဗြိတိန်စစ်ရေးဆိုင်ရာ စီမံကိန်းချမှတ်ရေးတပ်ဖွဲ့ဌာနချုပ်က   ပြီးခဲ့သည့် ရက်သတ္တပတ် အတွင်းကတည်းက ညွှန်ကြားထားခြင်းဖြစ်သည်။ဗြိတိန်စစ်ရေးဆိုင်ရာ  စီမံကိန်းချမှတ်ရေး တပ်ဖွဲ့ဌာနချုပ် ညွှန်ကြားချက်အရ   ယူကရိန်းသို့   ဗြိတိန်အထူးတပ်ဖွဲ့မှ အရန်တပ်ဖွဲ့ဝင်များအား  စေလွှတ်မည်ဖြစ်ကြောင်း လန်ဒန်မြို့မှ ထုတ်ဝေသည့်  i paper ၏ဖော်ပြချက်အရ သိရသည်။ဗြိတိန်နိုင်ငံသည် ရုရှား-ယူကရိန်း အပစ်အခတ်ရပ်စဲရေးကို ထောက်ခံသည့် နိုင်ငံများအဖွဲ့မှ စစ်ဘက်အကြီးအကဲများ၏ ဆွေးနွေးပွဲကို အိမ်ရှင်အဖြစ်လက်ခံ ကျင်းပရန်   ပြင်ဆင်နေစဉ် ယူကရိန်းသို့ အထူးတပ်ဖွဲ့ဝင်များ စေလွှတ်ရေး ပြင်ဆင်မှု ထွက်ပေါ်လာခြင်းဖြစ်ကြောင်း   သိရသည်။ဗြိတိန်အထူးတပ်ဖွဲ့ဝင်များသည် အစဉ်အလာအရဖြစ်သည့် ငြိမ်းချမ်းမှုထိန်းသိမ်းရေး တပ်ဖွဲ့မဟုတ်ဘဲ စစ်မြေပြင်တွင် အလျင်အမြန်ဖြန့်ကြက်နိုင်စွမ်း ရှိသည့်အပြင် ၎င်းတပ်ဖွဲ့များ၏ ထောက်လှမ်းရေးနှင့် ကင်းထောက်မှုတို့တွင် ကျွမ်းကျင်မှုများကြောင့် ရုရှား-ယူကရိန်း အပစ်အခတ်ရပ်စဲရေးကို ထောက်ခံသည့် နိုင်ငံများအဖွဲ့မှ တပ်မတော်များအား  ဦးဆောင်နိုင်သည့် စွမ်းရည်ကိုပိုင်ဆိုင်ထားသည့် တပ်ဖွဲ့များ ဖြစ်သည်ဟု စစ်ရေးကျွမ်းကျင်သူများက ပြောကြားထားသည်။ Source: https://myawady.net.mm/ 
အနောက်နိုင်ငံများက အရေးယူပိတ်ဆို့မှုများဖြင့် ရုရှားအပေါ် ဗျူဟာမြောက် ဖိအားပေးနေကြောင်း ရုရှားသမ္မတ ပြောကြား
အနောက်နိုင်ငံများက အရေးယူပိတ်ဆို့မှုများဖြင့် ရုရှားအပေါ် ဗျူဟာမြောက် ဖိအားပေးနေကြောင်း ရုရှားသမ္မတ ပြောကြား
အနောက်နိုင်ငံများက ရုရှားအပေါ် လုပ်ဆောင်သော အရေးယူပိတ်ဆို့မှုများသည် ယာယီသဘော အစီအမံများ မဟုတ်ဘဲ ယင်းတို့ဖြင့် ရုရှားအပေါ် ဗျူဟာမြောက် ဖိအားပေးရန်ဖြစ်ကြောင်း ရုရှားသမ္မတ ပူတင်က မတ် ၁၈ ရက် တွင် ပြောကြားခဲ့သည်။ အနောက်နိုင်ငံများ၏ ရုရှားအပေါ် အရေးယူပိတ်ဆို့မှုများသည် “ယာယီသဘော သို့မဟုတ် ရှင်းလင်းတိကျသော အစီအမံများ မဟုတ်ဘဲ” ရုရှားအပေါ်“စနစ်ကျသော ဗျူဟာမြောက် ဖိအားယန္တရား” ဖော်ဆောင်ခြင်းဖြစ်သည်ဟု ပူတင်က အဆိုပါနေ့တွင် မော်စကိုမြို့၌ ကျင်းပသော ရုရှားနိုင်ငံ စက်မှုလုပ်ငန်းရှင်နှင့် ကုမ္ပဏီလုပ်ငန်းရှင်များအဖွဲ့ချုပ် မျက်နှာစုံညီအစည်းအဝေး တက်ရောက်စဉ် ပြောကြားခဲ့သည်။ အခြေအနေ မည်သို့ပင် ဖြစ်လာပြီး နိုင်ငံတကာဆက်ဆံရေး မည်သို့ပင် ပြောင်းလဲလာစေကာမူ ရုရှား၏ ပြိုင်ဖက်များအားလုံးက ရုရှား၏ စီးပွားရေးနှင့် နည်းပညာစွမ်းရည်များကို တားဆီးရန် မျှော်လင့်ကြသည်ဟု ပူတင်က ပြောကြားခဲ့သည်။ ပူတင်က ရုရှားနိုင်ငံစီးပွားရေးအခြေအနေကိုလည်း အစည်းအဝေးတွင် ဆွေးနွေးခဲ့သည်။ ရုရှား စီးပွားရေး အေးစက် လာမှုသည် ရှောင်လွှဲ၍မရသော်လည်း စီးပွားရေး တိုးတက်မှုနှုန်းမှာ သိသိသာသာ ကျဆင်းသွားခြင်း မရှိသင့်ကြောင်း ၎င်းက ပြောကြားခဲ့သည်။အလုပ်အကိုင်မဲ့နှုန်းနည်းပါးမှုကို ထိန်းသိမ်းထားရန် ငွေကြေးဖောင်းပွမှု ထိန်းချုပ်ရေး အစီအမံများ ချမှတ်ရန်လည်း ပူတင်က ညွှန်ကြားခဲ့သည်။ကိုးကား -ဆင်ဟွာ 
ရုရှားဒေသရှိ ဓာတ်အားပေးစက်ရုံကို ယူကရိန်းတိုက်ခိုက်မှုမှာ ဘုံသဘောတူညီချက်ကို ချိုးဖောက်ခြင်းဖြစ်သည်ဟု ကရင်မလင်ပြောကြား
ရုရှားဒေသရှိ ဓာတ်အားပေးစက်ရုံကို ယူကရိန်းတိုက်ခိုက်မှုမှာ ဘုံသဘောတူညီချက်ကို ချိုးဖောက်ခြင်းဖြစ်သည်ဟု ကရင်မလင်ပြောကြား
ရုရှားနိုင်ငံ၊ ကူဘင်ဒေသရှိ ဓာတ်အားပေးစက်ရုံကို ယူကရိန်းစစ်တပ်က မတ်လ ၁၉ ရက် (ဗုဒ္ဓဟူးနေ့)တွင် တိုက်ခိုက်မှုမှာ ရုရှားသမ္မတ ဗလာဒီမာ ပူတင်နှင့် အမေရိကန်သမ္မတဒေါ်နယ်ထရမ့်တို့အကြား ရရှိထားသော သဘောတူညီချက်ကို ပြောင်ပြောင်တင်းတင်း ချိုးဖောက်သည့်လုပ်ရပ် ဖြစ်သည်ဟု ရှုမြင်ကြောင်း ကရင်မလင် ပြောခွင့်ရပုဂ္ဂိုလ် Dmitry Peskov က ပြောကြားလိုက်ပါသည်။“ရုရှားသမ္မတဗလာဒီမာပူတင်၊ ရုရှားစစ်ဦးစီးချုပ်၏ ညွှန်ကြားမှုဖြစ်သည့် ရက်ပေါင်း ၃၀ အတွင်း ယူကရိန်းဓာတ်အားပေးစက်ရုံများကို တိုက်ခိုက်မှု မပြုလုပ်ရန် အားလုံးကို ညွှန်ကြားထားပြီးဖြစ်သော်လည်း ယခု ယူကရိန်း အစိုးရသည် အဆိုပါဘုံသဘောတူညီချက်များကို ဖောက်ဖျက်ရာ ရောက်သည့် လုပ်ရပ်တစ်ခုဆိုသည်မှာ သေချာနေပါသည်” ဟု ၎င်းက အလေးအနက် ပြောကြားထားပါသည်။ ကိုးကား- ကရင်မလင်ဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃
ဗဟိုဘဏ်အတိုးနှုန်းများကို အမေရိကန်ဗဟိုဘဏ်ဥက္ကဌ Jerome Powell က တည်ငြိမ်အောင် ထိန်းထားဆဲဖြစ်
ဗဟိုဘဏ်အတိုးနှုန်းများကို အမေရိကန်ဗဟိုဘဏ်ဥက္ကဌ Jerome Powell က တည်ငြိမ်အောင် ထိန်းထားဆဲဖြစ်
အမေရိကန်ဗဟိုဘဏ်ဥက္ကဌ Jerome Powell က ၂၀၂၅ ခုနှစ်၊ မတ်လ ၁၉ ရက် (ဗုဒ္ဓဟူးနေ့) တွင် သမ္မတထရမ့်၏ အမေရိကန်သို့ သွင်းကုန်များအပေါ် အကောက်ခွန်နှုန်းထား တိုးမြှင့်သတ်မှတ်မှုသည် အမေရိကန် နိုင်ငံ၏ စီးပွားရေးဖွံ့ဖြိုးတိုးတက်မှုကို နှေးစေပြီး နိုင်ငံတွင်း ငွေကြေးဖောင်းပွမှု ယာယီဖြစ်ပေါ်လျက်ရှိကြောင်း ပြောကြားထားပါသည်။Powell က ဗဟိုဘဏ်အတိုးနှုန်းများကို ၄.၂၅ % မှ ၄.၅၀% အတွင်း တည်ငြိမ်အောင် ထိန်းထားနိုင်သည်ဟု ကြေညာပြီးနောက်တွင် သမ္မတ ထရမ့်သည် အမေရိကန်၏ စီးပွားရေးမိတ်ဖက်နိုင်ငံများမှ သွင်းကုန်များကို အကောက်ခွန်နှုန်းထား တိုးမြှင့်ကောက်ခံလျက်ရှိသည့်အတွက် ဈေးကွက်အတွင်း ဈေးနှုန်းမြင့်တက်မှုမြန်ဆန်နေကြောင်း ပြောကြားထားပါသည်။ သို့သော် တစ်ဖက်တွင် Powell ၏ မူဝါဒဆိုင်ရာ အကြံပေးများက ၂၀၂၅ ခုနှစ်၊ ဒုတိယ သုံးလပတ်တွင် အတိုးနှုန်းများကို လျှော့ချရန် မျှော်လင့်နေကြောင်း သတင်းရရှိပါသည်။ Powell က နိုင်ငံ၏ စီးပွားရေးဆိုင်ရာ အချက်အလက်များသည် ခိုင်မာလျက်ရှိသည်ကို နိုင်ငံ၏ လက်ရှိ အလုပ်လက်မဲ့နှုန်းသည် ၄.၁  ရာခိုင်နှုန်း ဖြစ်နေခြင်း၊  အလုပ်အကိုင်ဈေးကွက်သည် အကြမ်းဖျင်းအားဖြင့် မျှတလျက်ရှိနေခြင်းတို့ကို ကြည့်ပါက သိရှိနိုင်ပါကြောင်း ပြောကြားထားပါသည်။  သို့သော် ငွေကြေးဖောင်းပွမှုကြောင့် အလုပ်လက်မဲ့နှုန်းများ တိုးမြင့်လာခြင်း ရှိ၊ မရှိကို ဆက်လက်စောင့်ကြည့်သွားမည်ဟုလည်း  Powell က ဆက်လက်ပြောကြားထားပါသည်။ အဆိုပါကိစ္စရပ်များနှင့် စပ်လျဉ်း၍ သမ္မတထရမ့်က အမေရိကန်၏ အကောက်ခွန်မူဝါဒအသစ်ကို အထောက်အပံ့ဖြစ်စေရန် Powell အနေဖြင့် အတိုးနှုန်းများကို ပြင်ဆင်သတ်မှတ်သင့်ကြောင်း ၎င်း၏ Truth ဆိုရှယ်မီဒီယာပလက်ဖောင်းတွင် ရေးသားထားကြောင်း သိရှိရပါသည်။ ကိုးကား - CNA Photo: The Jakarta Postဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃
© Copyright 2024 SAC All Rights Reserved.