PDF အမည်ခံ အကြမ်းဖက်သမားများက အုပ်ချုပ်ရေးပိုင်းဆိုင်ရာ တာဝန်ရှိသူများအား အကြောင်းမဲ့ လုပ်ကြံသတ်ဖြတ်

sacadmin

News Image

  • မန္တလေးတိုင်းဒေသကြီး၊ မိတ္ထီလာမြို့နယ်၊ ဝန်းဇင်းရပ်ကွက်၌ သေနတ်ဖြင့် ပစ်ခတ်ခံရ၍ အမျိုးသား တစ်ဦး သေဆုံးမှု မှတ်တမ်းဓာတ်ပုံ။

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍ လည်းကောင်း၊ “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များအသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဖေဖော်ဝါရီ ၂၃ ရက် နံနက် ၆ နာရီတွင် မကွေးတိုင်း ဒေသကြီး၊ မကွေးမြို့နယ်၊ သက်ရင်းတောကျေးရွာ၌ သေနတ်ဖြင့် ပစ်ခတ်ခံရ၍ အမျိုးသား တစ်ဦး သေဆုံးသွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါ ကျေးရွာနေ ကျေးရွာအုပ်ချုပ်ရေးမှူး ဦးသန်းဇော်(၅၂)နှစ်သည် ၎င်း၏နေအိမ်၌ရှိနေစဉ် PDF အမည်ခံ အကြမ်းဖက်သမား နှစ်ဦး(စိစစ်ဆဲ)က ဆိုင်ကယ် တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ် သတ်ဖြတ်သွားခဲ့သဖြင့် ဦးသန်းဇော်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ခြင်းဖြစ်ကြောင်း သိရသည်။
 အလားတူ နံနက် ၈ နာရီ ၃၀ မိနစ်တွင် မန္တလေးတိုင်းဒေသကြီး၊ မိတ္ထီလာမြို့နယ်၊ ဝန်းဇင်း ရပ်ကွက်၌ သေနတ်ဖြင့် ပစ်ခတ်ခံရ၍ အမျိုးသား တစ်ဦး သေဆုံးသွားကြောင်း သတင်းအရ လုံခြုံရေး တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါရပ်ကွက်နေ ရာအိမ်မှူး ဦးဇော်မင်းဦး(၅၀)နှစ်သည် အဆိုပါရပ်ကွက်ရှိ “ဦးရှမ်းကြီး” လက်ဖက်ရည်ဆိုင်၌ ရှိနေစဉ် PDF အမည်ခံ အကြမ်းဖက်သမား နှစ်ဦး(စိစစ်ဆဲ)က ဆိုင်ကယ် တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်ထွက်ပြေး သွားခဲ့သဖြင့် ဦးဇော်မင်းဦးတွင် ကျည်ထိမှန်ဒဏ်ရာများရရှိခဲ့၍ မိတ္ထီလာခရိုင်ပြည်သူ့ဆေးရုံကြီးသို့ ပို့ဆောင်ဆေးကုသမှုခံယူနေစဉ် ရရှိထားသောဒဏ်ရာများဖြင့် သေဆုံးသွားခဲ့ခြင်းဖြစ်ကြောင်း သိရသည်။
ထိုသို့ အုပ်ချုပ်ရေးပိုင်းဆိုင်ရာတာဝန်ရှိသူများအား “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ အကြောင်းမဲ့ ပစ်ခတ်သတ်ဖြတ်မှု ကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင် များက ဆက်လက်ဆောင်ရွက်လျက်ရှိကြောင်း သတင်းရရှိသည်။

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ရန်ကုန်-မော်လမြိုင်ကားလမ်းပေါ်ရှိ မိုးကောင်းတံတား ဒုတိယကြိမ်မိုင်းခွဲခံရပြန်
ရန်ကုန်-မော်လမြိုင်ကားလမ်းပေါ်ရှိ မိုးကောင်းတံတား ဒုတိယအကြိမ်မိုင်းခွဲခံရပြန်
မွန်ပြည်နယ်၊ သထုံမြို့နယ်၊ မော်လမြိုင် – သထုံ – ရန်ကုန် ပြည်ထောင်စုကားလမ်းမပေါ်ရှိ မိုးကောင်းတံတားသည် ယမန်နေ့ (မေသုံးရက်) ညက မိုင်းခွဲခံရပြန်သည်။လက်ရှိတွင် တံတားမှာ ပြိုကျပျက်စီးသွားပြီး အိမ်စီးကားများအနေဖြင့် ရွာလမ်းထဲမှ ဖြတ်၍ရသော်လည်း ကုန်ကားကြီးများအနေဖြင့် ရှေ့ဆက်၍မရဘဲ လမ်းပေါ်တွင် ပိတ်မိနေကြခြင်းဖြစ်ကြောင်း သိရသည်။မိုးကောင်းတံတားသည် မော်လမြိုင် – သထုံ – ရန်ကုန် လမ်းမကြီးပေါ်တွင် တည်ရှိပြီး ယခု မိုင်းခွဲခံရမှုမှာ ဒုတိယအကြိမ် မိုင်းခွဲမှုဖြစ်ပြီး ၂၀၂၄ ခုနှစ် ဖေဖော်ဝါရီလ ၂၈ ရက်နေ့တွင်လည်း မိုင်းခွဲခံရ၍ မိုးကောင်းတံတား ပျက်စီးခဲ့ကြောင်း သိရသည်။Source: Popular Myanmar
Mon, 5-မေလ-2025
အိန္ဒိယက ပါကစ္စတန်နှင့်ပတ်သက်သောလေယာဉ်များအားလုံးကို ဝေဟင်အသုံးပြုခွင့်တားမြစ်
အိန္ဒိယက ပါကစ္စတန်နှင့်ပတ်သက်သောလေယာဉ်များအားလုံးကို ဝေဟင်အသုံးပြုခွင့်တားမြစ်
နယူးဒေလီ၊ ဆက်ဆံရေးအိန္ဒိယနိုင်ငံက ပါကစ္စတန်နိုင်ငံနှင့်ပတ်သက်သော လေယာဉ်များကို ဝေဟင်အသုံး ပြုခွင့်တားမြစ်ကြောင်း ထုတ်ပြန်လိုက်သည်။ အဆိုပါလေယာဉ်များတွင် စစ်သုံးလေယာဉ်များလည်းပါဝင်သည်။ ယခုကဲ့သို့ ပါကစ္စတန်နိုင်ငံအတွက် ဝေဟင်ကိုအသုံးပြုခွင့်တားမြစ်ခြင်းသည် ပြီးခဲ့သည့် သီတင်းပတ်တွင် ပါကစ္စတန်အစိုးရကအိန္ဒိယနိုင်ငံမှ   လေယာဉ်များအတွက် ဝေဟင်အသုံးပြုခွင့်ကို တားမြစ်ပြီးနောက် လက်တုံ့ပြန်သည့်အနေဖြင့် လုပ်ဆောင်ခြင်းဖြစ်သည်။တစ်ချိန်တည်းမှာပင် အိန္ဒိယနိုင်ငံခြားရေးဝန်ကြီးက ပါဟယ်ဂမ်အကြမ်းဖက်တိုက်ခိုက်မှုကို နောက်ကွယ်မှစီစဉ်သူများ၊ ကျူးလွန်သူများအနေဖြင့် တရားဥပဒေနှင့်အညီအပြစ်ပေးခံရမည်ဖြစ်ကြောင်း မေလ ၁ ရက်တွင်ပြောထားသည်။အိန္ဒိယနိုင်ငံကထိန်းချုပ်ထားသည့်ကက်ရှမီးယားဒေသရှိ ပါဟယ်ဂမ်မြို့၌ စစ်သွေးကြွများက ခရီးသွားပြည်သူများကို အကြမ်းဖက်တိုက်ခိုက်မှုကြောင့် လူ ၂၆ ဦးသေဆုံးပြီးနောက် အိန္ဒိယနိုင်ငံနှင့် ပါကစ္စတန်နိုင်ငံတို့ကြား တင်းမာမှုများ မြင့်တက်လာခြင်းဖြစ်သည်။အဆိုပါအကြမ်းဖက်တိုက်ခိုက်မှုဖြစ်ပွားပြီးနောက် နယ်စပ်ရှိထိန်းချုပ်မျဉ်းတစ်လျှောက်၌ အိန္ဒိယနှင့်ပါကစ္စတန်စစ်သည်များကြား အပြန်အလှန်ပစ်ခတ်မှုများဖြစ်ပွားရာ ယခုအခါသီတင်းပတ်တစ်ပတ်ရှိလာပြီဖြစ်သည်။ ယင်းပစ်ခတ်မှုများတွင်ထိခိုက်ဒဏ်ရာရရှိသူမရှိကြောင်းနှင့်ထိုပစ်ခတ်မှုများကိုပါကစ္စတန်ဘက်ကစတင်ခြင်းဖြစ်ကြောင်း အိန္ဒိယဘက်ကထုတ်ပြန်ထားသည်။      Ref: RT, AGCSource: https://myawady.net.mm/
Fri, 2-မေလ-2025
ဆီးရီးယား တိုက်ခိုက်မှုများအတွင်း လူပေါင်း ၁၀၀ ကျော် သေဆုံးခဲ့ကြောင်း ဆီးရီးယားနိုင်ငံဆိုင်ရာ လူ့အခွင့်အရေးအဖွဲ့ကပြော
ဆီးရီးယား တိုက်ခိုက်မှုများအတွင်း လူပေါင်း ၁၀၀ ကျော် သေဆုံးခဲ့ကြောင်း ဆီးရီးယားနိုင်ငံဆိုင်ရာ လူ့အခွင့်အရေးအဖွဲ့ကပြော
ဆီးရီးယားနိုင်ငံအတွင်းဖြစ်ပွားခဲ့သည့် တိုက်ခိုက်မှုများအတွင်း လူပေါင်း ၁၀၀ ကျော် သေဆုံးခဲ့ကြောင်း ဆီးရီးယား နိုင်ငံဆိုင်ရာလူ့အခွင့်အရေးစောင့်ကြည့်လေ့လာရေးအဖွဲ့က မေလ ၁ ရက် နေ့တွင် ထုတ်ဖော်ပြောကြားခဲ့ပါသည်။ပြီးခဲ့သည့် ဒီဇင်ဘာလနှောင်းပိုင်းက သမ္မတ ဘာရှာအယ်လ်အာဆပ် အစိုးရပြုတ်ကျပြီးနောက် ဆီးရီးယားကို ကြားဖြတ်အစိုးရအဖွဲ့က အုပ်ချုပ်လျက်ရှိသည်။ယခုသီတင်းပတ်အစောပိုင်းက လူနည်းစုဖြစ်သော Druze အသိုင်းအဝန်းများ အဓိကနေထိုင်ရာ မြို့တော် Damascus အနီးတွင် တိုက်ခိုက်မှုများ ပြင်းပြင်းထန်ထန်ဖြစ်ပွားခဲ့ပြီး နောက်ပိုင်းတွင် နေရာအနှံ့အပြားသို့ ပျံ့နှံ့ဖြစ်ပွားခဲ့သည်။တိုက်ခိုက်မှုများတွင် လူနည်းစုဖြစ်သော Druze အသိုင်းအဝန်းမှ လက်နက်ကိုင်အဖွဲ့များ၊ Sunni မွတ်ဆလင် များနှင့် ကြားဖြတ်အစိုးရများ တပ်ဖွဲ့များ ပါဝင်ကြသည်။“လွန်စွာထိလွယ်ရှလွယ်နိုင်ခြေရှိသည့် တိုက်ခိုက်မှုများ ထပ်မံဖြစ်လာနိုင်ကြောင်း၊ အစ္စရေး၏ တိုက်ခိုက်မှုများလည်း ဖြစ်လာနိုင်ခြေရှိကြောင်း၊ ယခုဖြစ်ပွားလျက်ရှိသည့် တိုက်ခိုက်မှုများကို ရပ်တန့်ရမည်ဖြစ်ကြောင်း” ဆီးရီးယား နိုင်ငံဆိုင်ရာ ကုလသမဂ္ဂ၏အထူးကိုယ်စားလှယ် Geri Pedersen က ဧပြီလ ၃၀ ရက်နေ့တွင် ကြေညာချက်တစ်ရပ် ထုတ်ပြန် ပြောကြားခဲ့ကြောင်း NHK သတင်းစာမျက်နှာတွင် ရေးသားဖော်ပြထားပါသည်။ကိုးကား- NHK Worldဘာသာပြန်ဆိုသူ-ဦးထက်ထက်အောင်၊ ဒုတိယဦးစီးမှူး၊ နစက-၄
Fri, 2-မေလ-2025
အိန္ဒိယနှင့် ပါကစ္စတန် လေကြောင်းပိုင်နက် အသုံးပြုခွင့် အပြန်အလှန် ပိတ်ပင်
အိန္ဒိယနှင့် ပါကစ္စတန် လေကြောင်းပိုင်နက် အသုံးပြုခွင့် အပြန်အလှန် ပိတ်ပင်
ပါကစ္စတန်လေယာဉ်အားလုံး အိန္ဒိယလေကြောင်းပိုင်နက်ထဲ ဝင်ရောက် ဖြတ်သန်း အသုံးပြုခွင့်ကို မေလ ၂၃ ရက်နေ့အထိ တားမြစ် ပိတ်ပင်လိုက်ပြီ ဖြစ်ကြောင်း အိန္ဒိယအစိုးရက ဧပြီ ၃၀ (ဗုဒ္ဓဟူးနေ့)တွင် ထုတ်ပြန် ကြေညာလိုက်သည့် NOTAM (လေယာဉ်များအတွက် အသိပေးချက်) အရ သိရပါသည်။“အိန္ဒိယလေကြောင်းပိုင်နက်ကို ပါကစ္စတန်၌ မှတ်ပုံတင်ထားသည့် လေယာဉ်များ၊ ပါကစ္စတန်လေကြောင်းလိုင်းများပိုင်ဆိုင်သည့် လေယာဉ်များ (ငှားရမ်းထားသည်ဖြစ်စေ) ၊ စစ်ဘက်သုံး လေယာဉ်များအား အသုံးပြု ခွင့်မပြု” ဟု ထုတ်ပြန်ချက်တွင် ဖော်ပြထားသည်။ ပါကစ္စတန်ဘက်မှလည်း ပြီးခဲ့သည့် ရက်အနည်းငယ်က အိန္ဒိယ လေယာဉ်များအား ၎င်းတို့၏ လေကြောင်းပိုင်နက် ဖြတ်သန်းခွင့်ကို ပိတ်ပင်ခဲ့သဖြင့် နှစ်နိုင်ငံဆက်ဆံရေး တင်းမာမှု ပိုမိုမြင့်တက်လာခြင်း ဖြစ်ပါသည်။ကိုးကား- TASSPhoto: FlightGlobalဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
PNO ပြည်သူ့စစ်အဖွဲ့ အဆင့်မြင့်စစ်ရေး အထူးကွန်မန်ဒို သင်တန်း ဆင်းပွဲ PNO ခေါင်းဆောင် ဦးအောင်ခမ်းထီ တက်ရောက် မိန့်ခွန်း ပြောကြား , PNO ပြည်သူ့စစ်အဖွဲ့ အဆင့်မြင့်စစ်ရေး အထူးကွန်မန်ဒို သင်တန်း ဆင်းပွဲ PNO ခေါင်းဆောင် ဦးအောင်ခမ်းထီ တက်ရောက် မိန့်ခွန်း ပြောကြား
PNO ပြည်သူ့စစ်အဖွဲ့ အဆင့်မြင့်စစ်ရေး အထူးကွန်မန်ဒို သင်တန်း ဆင်းပွဲ PNO ခေါင်းဆောင် ဦးအောင်ခမ်းထီ တက်ရောက် မိန့်ခွန်း ပြောကြား
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် PNO ပြည်သူ့စစ်အဖွဲ့က အဆင့်မြင့်စစ်ရေး အထူး ကွန်မန်ဒိုသင်တန်း ဖွင့်လှစ်ခဲ့ပြီး သင်တန်းဆင်းပွဲကို ၂၀၂၅ခုနှစ် မေလ(၁) ရက်နေ့ တွင် ပြုလုပ်ခဲ့ကြောင်း သိရှိရသည်။သင်တန်းဆင်းပွဲကို ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့ရှိ ပအိုဝ်း အမျိုးသားတပ်မတော် (PNA)၊ တပ်ရင်း (၄) ၊ လေ့ကျင့်ရေးကွင်း (အောင်ဆုဗ္ဗေစခန်း)တွင် ပြုလုပ်ရာ PNO ခေါင်းဆောင် ဦးအောင်ခမ်းထီ တက်ရောက်ပြီး မိန့်ခွန်းပြောကြားခဲ့သည်ဟု သိရသည်။သင်တန်းကို (၅)လနီးပါးကြာ ပို့ချခြင်းဖြစ်ပြီး သင်တန်းတွင် ထောက်လှမ်းရေး ပညာ၊ ဒရုန်းအသုံးပြုနည်း၊ လက်နက်ကြီးပစ်ခတ်မှုနှင့် အထူး တိုက်ခိုက်ရေး ပညာများကို သင်ကြားပေးခဲ့ခြင်းဖြစ်ကြောင်း သိရသည်။ကိုးကား-Myanmar National Post
Fri, 2-မေလ-2025
အစ္စရေးအတွက် သူလျှိုလုပ်ပေးသည်ဟု စွပ်စွဲခံထားရသည့် အမျိုးသားတစ်ဦးကို အီရန်အစိုးရ ကွပ်မျက်
အစ္စရေးအတွက် သူလျှိုလုပ်ပေးသည်ဟု စွပ်စွဲခံထားရသည့် အမျိုးသားတစ်ဦးကို အီရန်အစိုးရ ကွပ်မျက်
အီရန်အစိုးရသည် အစ္စရေး သူလျှိုလုပ်မှုနှင့် ထောက်လှမ်းရေး ပူးပေါင်းဆောင်ရွက်မှုတို့အတွက် ပြစ်ဒဏ်ချမှတ်ခံထားရသည့် အီရန်အမျိုးသား တစ်ဦးကို ဧပြီလ ၃၀ ရက်တွင် ကွပ်မျက်ခဲ့ကြောင်း သိရပါသည်။ အီရန်၏ နျူကလီးယားအစီအစဉ်နှင့်ပတ်သက်၍ အီရန်နှင့်အမေရိကန်ကြား အဆင့်မြင့် ဆွေးနွေးပွဲများ လုပ်ဆောင်နေချိန်တွင် ယခုကဲ့သို့ ကွပ်မျက်မှု ထွက်ပေါ်လာခြင်းဖြစ်သည်။ အစ္စရေးနှင့် နှစ်ပေါင်းများစွာ တင်းမာမှုများ ရှိနေခဲ့သည့် အီရန်သည် အစ္စရေး၏မော့ဆက်ထောက်လှမ်းရေး ဝန်ဆောင်မှု များနှင့်အဆက်အစပ်ရှိပြီး အီရန်နိုင်ငံအတွင်းတွင် သူလျှိုလုပ်မှုများကို ကူညီဆောင်ရွက်ပေးသည်ဟု စွပ်စွဲခံခဲ့ရသည့် လူအများအပြားကိုကွပ်မျက်မှုများ ဆက်တိုက်လုပ်ဆောင်ခဲ့ကြောင်းလည်း သိရပါသည်။ အီရန် မီဒီယာ Mizan ၏ အဆိုအရ တရားခံ Mohsen Langarneshin သည် ၂၀၂၂ ခုနှစ် အီရန်တပ်ဖွဲ့၏ ဗိုလ်မှူးကြီးတစ်ဦး သေဆုံးမှုအပါအဝင် အမှု များစွာ၌ ပါဝင်ခဲ့သည်ဟု စွပ်စွဲခံခဲ့ရခြင်းဖြစ်ကြောင်းလည်း သိရပါသည်။ အီရန်မီဒီယာ Mizan က “အချိန်(၂)နှစ်အတွင်း အကြမ်းဖက် စစ်ဆင်ရေး များကို ပံ့ပိုးကူညီမှုနှင့် အီရန်တပ်ဖွဲ့ဗိုလ်မှူးကြီး Sayad Khodai လုပ်ကြံ ခံရမှု အခင်းဖြစ်ပွားရာနေရာ၌ ရှိနေခြင်းများ အပါအဝင် အရေးကြီးသည့် လုပ်ဆောင်ချက်များအားလုံးအတွက် Mohsen Langarneshin မှာ တာဝန် ရှိပါသည်” ဟု ပြောဆိုခဲ့ပါသည်။ထို့အပြင် Mohsen Langarneshin သည် Isfahan မြို့တွင်ရှိသော စက်မှုစင်တာကိုတိုက်ခိုက်ရန်အတွက် စစ်ဆင်ရေး ဆိုင်ရာ ပံ့ပိုးကူညီမှုများလည်း လုပ်ဆောင်ပေးခဲ့ကြောင်း အီရန်မီဒီယာ Mizan က ရေးသားဖော်ပြခဲ့ပါသည်။ကိုးကား-NP News
Fri, 2-မေလ-2025
© Copyright 2024 SAC All Rights Reserved.