ပြင်သစ်ရှိ ရုရှားကောင်စစ်ဝန်ရုံးကို တိုက်ခိုက်သူများအား ပြစ်ဒဏ် သက်သာစွာချမှတ်

မာဆေးမြို့ရှိ ရုရှားကောင်စစ်ဝန်ရုံးအား လက်လုပ်ဗုံးများဖြင့် ပစ်ပေါက် တိုက်ခိုက်ခဲ့သော ယူကရိန်းလိုလားသူ ပြင်သစ်နိုင်ငံသားနှစ်ဦးကို ဖေဖော်ဝါရီ ၂၄ ရက်တွင် ပြင်သစ်တရားရုံးက နေအိမ်အကျယ်ချုပ် ၈ လ ချမှတ်ခဲ့ကြောင်း မီဒီယာများက ဖော်ပြခဲ့ကြသည်။

ပြင်သစ်နိုင်ငံရှိ ရုရှားသံရုံးက အကြမ်းဖက်တိုက်ခိုက်ရန် ကြိုးပမ်းမှု အတွက် ချမှတ်သည့်ပြစ်ဒဏ်မှာ လျှော့ပေါ့လွန်းသည်ဟု ပြစ်တင်ရှုတ်ချ ခဲ့သည်။

ပြင်သစ်နိုင်ငံသားနှစ်ဦးဖြစ်သည့် Vasile H. (၄၈ နှစ်) နှင့် Georges S. (၅၉ နှစ်) တို့သည် “ပေါက်ကွဲစေနိုင်သော (သို့မဟုတ်) မီးလောင် လွယ်စေ နိုင်သောပစ္စည်းများကို ခွင့်ပြုချက်မရှိဘဲ ထုတ်လုပ်ခြင်း” နှင့် “လူနှင့် အဆောက်အဦများအား ထိခိုက်စေနိုင်သော အန္တရာယ်ရှိသည့် ပြစ်မှု ကျူးလွန်ခြင်း” ဟူသော စွပ်စွဲချက်များဖြင့် တရားစွဲဆိုခံခဲ့ရကြောင်း Le Figaro က ဖေဖော်ဝါရီ ၂၇ ရက်နေ့တွင် ရေးသား‌ဖော်ပြခဲ့ကာ ၎င်းတို့ နှစ်ဦးအား နေအိမ်အကျယ်ချုပ် ၈ လ ပြစ်ဒဏ်ကျခံစေရန် အမိန့်ချမှတ်ခဲ့သည်ဟု ဖော်ပြခဲ့ပါသည်။ 

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂