အမေရိကန်၏ အကောက်ခွန်စည်းကြပ်မှုဆိုင်ရာ စိုးရိမ်ပူပန်မှုများကြား ထိုင်းဗဟိုဘဏ်က အတိုးနှုန်း လျှော့ချ

saceditor

News Image

  • အမေရိကန်၏ အကောက်ခွန်စည်းကြပ်မှုဆိုင်ရာ စိုးရိမ်ပူပန်မှုများကြား ထိုင်းဗဟိုဘဏ်က အတိုးနှုန်း လျှော့ချ

ထိုင်းဗဟိုဘဏ်သည် အမေရိကန်သမ္မတ ဒေါ်နယ်ထရမ့်၏ ကုန်သွယ်ရေးအကောက်ခွန်စည်းမျဉ်းများကြောင့် ဘဏ်အတိုးနှုန်းကို ၂.၅ ရာခိုင်နှုန်း လျှော့ချထားရာမှ ၂ ရာခိုင်နှုန်းသို့ ထပ်မံလျှော့ချလိုက်ကြောင်းနှင့် အဆိုပါ အတိုးနှုန်းလျှော့ချမှုသည် လေးလအတွင်း ပထမဆုံးအကြိမ်ဖြစ်ကြောင်း  NHK သတင်းဌာနက ဖေဖော်ဝါရီ ၂၇ ရက်နေ့တွင် ရေးသားဖော်ပြခဲ့ပါသည်။ မူဝါဒချမှတ်သူများက ထိုင်းနိုင်ငံ၏စီးပွားရေးသည် အဓိကစီးပွားရေး အင်အားကြီးနိုင်ငံများ၏ ကုန်သွယ်ရေးမူဝါဒများကြောင့် စိုးရိမ်ခြေအမှတ်သို့ တဖြည်းဖြည်းဦးတည်လာနေသည် ဟု ထိုင်းဗဟိုဘဏ်က ပြောဆိုခဲ့ပြီး ယင်းသို့ ပြောဆိုမှုသည် အမေရိကန်ကို ရည်ညွှန်းထားခြင်းဖြစ်သည်။

ထိုင်းနိုင်ငံ၏ စီးပွားရေးဖွံ့ဖြိုးတိုးတက်မှုနှုန်း နှေးကွေးလာနိုင်ကြောင်းကိုလည်း ဗဟိုဘဏ်က ခန့်မှန်းပြောကြားထားသည်။ အထူးသဖြင့် မော်တော်ကားနှင့် ရေနံဓာတုပစ္စည်းများ ထုတ်လုပ်သည့် ထိုင်းလုပ်ငန်းရှင်များသည် သွင်းကုန်ပစ္စည်းများနှင့် ဈေးကွက်ယှဉ်ပြိုင်နိုင်ရန် ခက်ခက်ခဲခဲရုန်းကန်နေရသောကြောင့် ဖြစ်သည်။

နိုင်ငံရေးနှင့် စီးပွားရေးနယ်ပယ်ဦးဆောင်သူများက အတိုးနှုန်းလျှော့ချရန် တောင်းဆိုသံများ ကျယ်လောင်လျက်ရှိသော်လည်း ထိုင်းဗဟိုဘဏ်သည် ဘဏ်တိုးနှုန်းလျှော့ချရေးကို အထူးဂရုပြုလုပ်ဆောင်လျက်ရှိသည်။

အခြားအာရှနှင့် ပစိဖိတ်ဒေသများရှိဗဟိုဘဏ်များကလည်း အမေရိကန်၏ အကောက်ခွန်စည်းကြပ်မှုအပေါ် စိုးရိမ် ပူပန်မှုများ မြင့်တက်လာမှုနှင့် ငွေကြေးဖောင်းပွမှုကိုထိန်းချုပ်နိုင်ရန် အတိုးနှုန်းလျှော့ချမှုများကို လုပ်ဆောင်လျက် ရှိကြောင်း NHK သတင်းစာမျက်နှာတွင်ရေးသားဖော်ပြထားပါသည်။

ကိုးကား- NHK World

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

အီရန်မှ ရေနံထွက်ကုန်ပစ္စည်းများဝယ်ယူသူများ ထပ်ဆင့်အရေးယူပိတ်ဆို့ခံရမည်ဟု အမေရိကန်ထုတ်ပြန်
အီရန်မှ ရေနံထွက်ကုန်ပစ္စည်းများဝယ်ယူသူများ ထပ်ဆင့်အရေးယူပိတ်ဆို့ခံရမည်ဟု အမေရိကန်ထုတ်ပြန်
အီရန်နိုင်ငံမှ ရေနံနှင့်ရေနံထွက်ကုန်ပစ္စည်းများဝယ်ယူသူများသည် ထပ်ဆင့်အရေးယူပိတ်ဆို့ခံရမည်ဟု အမေရိကန် သမ္မတဒေါ်နယ်ထရမ့်က လူမှုကွန်ရက်တွင် ရေးထားသည်။အီရန်၏နျူကလီးယား အစီအစဉ်နှင့်ပတ်သက်၍ အမေရိကန်နှင့်အီရန်တို့ကြား ဆွေးနွေးမှုများ လုပ်ဆောင်နေစဉ် အမေရိကန်အစိုးရက ယခုကဲ့သို့ထုတ်ပြန်လာခြင်းဖြစ်သည်။အကယ်၍ အမေရိကန်အနေဖြင့် ပိတ်ဆို့မှုများကို ဖြေလျှော့ပေးပါက ၎င်းတို့၏ နျူကလီးယားအစီအစဉ်များကို စစ်ဘက်အတွက်အသုံးမပြုရန်ဆန္ဒရှိကြောင်း အီရန်အစိုးရက ပြောထားသည်။သို့သော် အီရန်နိုင်ငံနှင့်ရေနံကုန်သွယ်မှုလုပ်သောနိုင်ငံများအနေဖြင့် အမေရိကန်ပြည်ထောင်စုနှင့်မည်သို့သော ပုံစံ၊ နည်းလမ်းဖြင့်မဆိုစီးပွားရေးလုပ်ခွင့်မရှိကြောင်း၊ ထို့ကြောင့် အီရန်မှရေနံနှင့် ရေနံထွက်ကုန်ပစ္စည်းများဝယ်ယူမှုကို ချက်ချင်းရပ်တန့်သင့်ကြောင်း ထရမ့်က မေလ ၁ ရက်တွင်လူမှုကွန်ရက်၌ရေးထားသည်။ကုမ္ပဏီခုနစ်ခုက အီရန်မှရေနံနှင့်ရေနံထွက်ကုန်ပစ္စည်းများကို တရားမဝင်ကုန်သွယ်မှုပြုလုပ်သည် ဟူသောစွပ်စွဲချက်ဖြင့် အမေရိကန်နိုင်ငံခြားရေးဝန်ကြီးဌာနက ထိုကုမ္ပဏီများအပေါ် အရေးယူပိတ်ဆို့မှုများချမှတ်ပြီးနောက် ထရမ့်ကယခုကဲ့သို့ ပြောလာခြင်းဖြစ်သည်။ ထိုကုမ္ပဏီများတွင် ယူအေအီးနိုင်ငံအခြေစိုက်ကုမ္ပဏီခြောက်ခုနှင့်  တူကီယဲနိုင်ငံအခြေစိုက်ကုမ္ပဏီတစ်ခုတို့ ပါဝင်ကြောင်း သိရသည်။Ref: RTSource: https://myawady.net.mm/ 
Sat, 3-မေလ-2025
သွင်းကုန်အခွန်ကိစ္စဆွေးနွေးရန် အမေရိကန်၏ကမ်းလှမ်းမှု တရုတ်စဉ်းစား
သွင်းကုန်အခွန်ကိစ္စဆွေးနွေးရန် အမေရိကန်၏ကမ်းလှမ်းမှု တရုတ်စဉ်းစား
သွင်းကုန်အခွန်ကိစ္စနှင့်ပတ်သက်၍ ဆွေးနွေးရန် အမေရိကန်၏ကမ်းလှမ်းလာမှုကို စဉ်းစားသုံးသပ်နေကြောင်း တရုတ်ကုန်သွယ်ရေးဝန်ကြီးဌာနက မေလ ၂ ရက် တွင်ပြောသည်။အမေရိကန်ဘက်မှ အဆင့်မြင့်တာဝန်ရှိသူများက သွင်းကုန်အခွန်ကိစ္စကိုတရုတ်နှင့်ဆွေးနွေးလိုသည်ဟု တိုက်ရိုက်မဟုတ်ဘဲ ကြားလူမှတစ်ဆင့်ပြောဆိုချဉ်းကပ်လာခြင်းဖြစ်ကြောင်း တရုတ်ကုန်သွယ်ရေးဝန်ကြီးဌာနက ထုတ်ပြန်ထားသည်။အမေရိကန်သမ္မတဒေါ်နယ်ထရမ့်က တရုတ်နိုင်ငံမှ သွင်းကုန်များအပေါ် အခွန် ၁၄၅ ရာခိုင်နှုန်းအထိ တိုးမြှင့်ကောက်ခံရန် ထုတ်ပြန်ပြီးနောက် အပြန်အလှန်အနေဖြင့် တရုတ်နိုင်ငံကလည်း  အမေရိကန်မှ သွင်းကုန်များကို အခွန် ၁၂၅ ရာခိုင်နှုန်းအထိ တိုးမြှင့်ကာ ပို့ကုန်များကိုကန့်သတ်လိုက် ပြီးနောက် ကမ္ဘာ့စီးပွားရေး အင်အားကြီး နှစ်နိုင်ငံကြားတွင် တင်းမာမှုများဖြစ်ပွားလာခြင်းဖြစ်သည်။ သွင်းကုန်အခွန်ကိစ္စ ဆွေးနွေးရန် တရုတ်ဘက်ကကမ်းလှမ်း လာသည်ဟု ပြီးခဲ့သည့်သီတင်းပတ်တွင် အမေရိကန်အစိုးရ၏ ပြောဆိုမှုကို တရုတ်အစိုးရက ငြင်းပယ်ထားသည်။Ref: RTSource: https://myawady.net.mm/ 
Sat, 3-မေလ-2025
မော်တော်ယာဥ် အစိတ်အပိုင်းများအပေါ် စည်းကြပ်ခွန် ၂၅ ရာခိုင်နှုန်း အမေရိကန်ပြည်ထောင်စု ချမှတ်
မော်တော်ယာဥ် အစိတ်အပိုင်းများအပေါ် စည်းကြပ်ခွန် ၂၅ ရာခိုင်နှုန်း အမေရိကန်ပြည်ထောင်စု ချမှတ်
အမေရိကန်သမ္မတ Donald Trump အစိုးရအဖွဲ့သည် မော်တော်ယာဉ် အင်ဂျင်နှင့် ဂီယာများအပါအဝင် အဓိက ကားပစ္စည်းအစိတ်အပိုင်းများအပေါ် နောက်ထပ် ၂၅ ရာခိုင်နှုန်း အခွန်စည်းကြပ်လိုက်ပါသည်။ဧပြီလ ၃ ရက်နေ့တွင် နိုင်ငံခြားထုတ်မော်တော်ယာဉ်များအပေါ် ၂၅ ရာခိုင်နှုန်း အခွန်စည်းကြပ်လိုက်ပြီးနောက် မကြာမီ စနေနေ့ (မတ်လ ၃) UTC စံတော်ချိန် ၄း၀၀ နာရီတွင် ယခုကဲ့သို့ လုပ်ဆောင်လိုက်ခြင်း ဖြစ်ပါသည်။အမေရိကန်အစိုးရက နိုင်ငံ့လုံခြုံရေးကို ခြိမ်းခြောက်သည့်သွင်းကုန်များကို သမ္မတက ကန့်သတ်မှု ခွင့်ပြုထားသည့် ၁၉၆၂ ခုနှစ် ကုန်သွယ်ရေးတိုးချဲ့မှုဥပဒေ ပုဒ်မ ၂၃၂ ကို အကြောင်းပြခဲ့ပါသည်။သို့သော် အမေရိကန် ကားထုတ်လုပ်သူများ၏ စိုးရိမ်ကြောင်း ပြောဆိုချက်များကြောင့် Trump အစိုးရသည် ၎င်း၏ မော်တော်ယာဉ်ဆိုင်ရာ စည်းကြပ်ခွန် အချို့ကို ဖြေလျှော့ရန် ဆုံးဖြတ်ချက်ကို ယခုသီတင်းပတ် အစောပိုင်းက ကြေညာခဲ့ပါသည်။ အဆိုပါထုတ်လုပ်သူများသည် အခြားနိုင်ငံမှ ပစ္စည်း အစိတ်အပိုင်းများ တင်သွင်းနေသည့်အတွက် အဆိုပါအခွန်စည်းကြပ်မှု က ၎င်းတို့၏ ထုတ်လုပ်မှုကုန်ကျစရိတ်များကို မြင့်တက်စေနိုင်ကြောင်း ဆိုနေပါသည်။နိုင်ငံခြား ပစ္စည်းအစိတ်အပိုင်းများအတွက် ပေးဆောင်ရသည့် ငွေအချို့ အတွက် ကားထုတ်လုပ်သူများကို ငွေပြန်ပေးအပ်မည်ဟု အမေရိကန် အစိုးရက ဆိုပါသည်။ပထမနှစ်၌ အဆိုပါငွေပြန်ပေးအပ်သည့်ပမာဏသည် ပြည်တွင်း၌ တပ်ဆင်သည့် ကားများ၏ မူရင်းစျေးနှုန်း၏ ၃.၇၅ ရာခိုင်နှုန်းနှင့် ညီမျှမည် ဟု အစိုးရက ဆိုပါသည်။ဂျပန်ဘဏ္ဍာရေးဝန်ကြီးဌာန၏ အချက်အလက်များအရ အမေရိကသို့ ဂျပန်၏ မော်တော်ယာဥ်ပစ္စည်းအစိတ်အပိုင်းများ တင်ပို့မှုသည် ယန်း ၁.၂၃ ထရီလီယံ တစ်နည်းအားဖြင့် အမေရိကန်ဒေါ်လာ ၈.၅ ဘီလီယံခန့် ရှိကြောင်း သိရပါသည်။ အဆိုပါပမာဏသည် အမေရိကန် ပြည်ထောင်စုသို့ ဂျပန်၏ ပို့ကုန် စုစုပေါင်းပမာဏ၏ ၅.၈ ရာခိုင်နှုန်းဖြစ်ပြီး မော်တော်ယာဉ်ပြီးနောက် ဒုတိယအများဆုံး ပို့ကုန်အမျိုးအစား ဖြစ်ပါသည်။ဂျပန်မှ ပစ္စည်းအစိတ်အပိုင်းထုတ်လုပ်သူများက အမေရိကန်၏ အခွန်စည်းကြပ်မှုအသစ်များသည် ၎င်းတို့၏ လုပ်ငန်းများကို ထိခိုက်စေနိုင်သည်ဆိုသည့် စိုးရိမ်မှုများရှိနေပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sat, 3-မေလ-2025
တရုတ်အနေဖြင့် ဈေးကွက်တွင် ဈေးချရောင်းချမည် မဟုတ်ကြောင်း အိန္ဒိယဆိုင်ရာ တရုတ်သံအမတ်ကြီး ပြောကြား
တရုတ်အနေဖြင့် ဈေးကွက်တွင် ဈေးလျှော့၍ ရောင်းချမည်မဟုတ်ကြောင်း အိန္ဒိယဆိုင်ရာ တရုတ်သံအမတ်ကြီး ပြောကြား
တရုတ်နိုင်ငံသည် အမေရိကန်နှင့် ဖြစ်ပွားနေသည့် ကုန်သွယ်ရေးနှင့် အကောက်ခွန်စစ်ပွဲကြောင့် မိမိကုန်ပစ္စည်းများကို အခြားနိုင်ငံများသို့ ဈေးချရောင်းချမည်မဟုတ်ကြောင်း အိန္ဒိယသတင်းစာ Indian Express တွင် ရေးသားထားသော ဆောင်းပါးတစ်ပုဒ်တွင် တရုတ်သံအမတ်ကြီး Xu Feihong က ပြောကြားထားပါသည်။ကမ္ဘာ့အကြီးဆုံးစီးပွားရေး ၂ နိုင်ငံဖြစ်သည့် တရုတ်နှင့် အမေရိကန်တို့သည် အပြန်အလှန်အကောက်ခွန်များ မြှင့်တင်ခဲ့ကြပြီး သမ္မတဒေါ်နယ်ထရမ့် ရာထူးတက်သည့် ဇန်နဝါရီလမှစ၍ ကုန်ပစ္စည်းတစ်ခုချင်းစီကို ၁၀၀% အထိ အကောက်ခွန်တိုးမြှင့်ခဲ့ကြပါသည်။ အဆိုပါအခြေအနေမှာ ကမ္ဘာလုံးဆိုင်ရာဈေးကွက်များကို လှုပ်ခတ်စေခဲ့ပါသည်။ကုန်သွယ်ရေးစစ်ပွဲကြောင့် တရုတ်ကုမ္ပဏီများသည် ၎င်းတို့၏ ကုန်ပစ္စည်းများကို အခြားဈေးကွက်များသို့ လွှဲပြောင်းရောင်းချနိုင်သည်ဟူသောစိုးရိမ်မှုများ ပေါ်ပေါက်လာခဲ့သည်။ ထိုသို့ဖြစ်ပါက အခြားနိုင်ငံများ၏ တင်ပို့ကုန်များ၏ ယှဉ်ပြိုင်နိုင်စွမ်းကို ထိခိုက်စေနိုင်မည်ဖြစ်ပါသည်။ကမ္ဘာ့ဒုတိယအကြီးဆုံး သံမဏိထုတ်လုပ်သည့် အိန္ဒိယနိုင်ငံသည်ပင် မကြာသေးမီက တရုတ်မှ တင်သွင်းလာသော သံမဏိပစ္စည်းများ၏ ဈေးနှုန်းကျဆင်းမှုကို ထိန်းချုပ်ရန် အကောက်ခွန်ကို ၁၂% ယာယီ သတ်မှတ်ခဲ့သည်။“ဝါရှင်တန်၏ အနိုင်ကျင့်မှုကို ရပ်တန့်ပါ” ဟူသော ခေါင်းစဉ်ဖြင့်   Indian Express သတင်းစာတွင် ဖော်ပြထားသည့် ဆောင်းပါးတွင် တရုတ်သံ အမတ်ကြီး Xu က တရုတ်နိုင်ငံသည် ပြည်တွင်းဝယ်လိုအားနှင့် စားသုံးမှုကို မြှင့်တင်ရန် အာရုံစိုက်နေကြောင်း ဖော်ပြခဲ့ပါသည်။တရုတ်နိုင်ငံသည် ကမ္ဘာ့ကုန်သွယ်ရေးအဖွဲ့ (WTO)၏ စည်းမျဉ်းစည်းကမ်းများနှင့် ဈေးကွက်သတ်မှတ်ချက်များကို တိတိကျကျ လိုက်နာလျက်ရှိပါကြောင်း၊ တရုတ်နိုင်ငံအနေဖြင့် ဈေးကွက်ဝယ်လိုအားကျဆင်းစေရန် လုပ်ဆောင်ခြင်း သို့မဟုတ် အပြိုင်အဆိုင်ဈေးဖြတ်ခြင်းမျိုး ပြုလုပ်မည် မဟုတ်သလို အခြားနိုင်ငံများ၏ စီးပွားရေးနှင့် စက်မှုလုပ်ငန်းများကိုလည်း နှောင့်ယှက်မည်မဟုတ်ပါကြောင်း သံအမတ်ကြီး Xu ၏ ပြောကြားချက်ကို ဆောင်းပါးက ဖော်ပြထားပါသည်။ကိုးကား- Reutersဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
အမေရိကန်သည် တရုတ်နှင့် ကုန်သွယ်ရေးစစ်ပွဲကို ဆင်နွှဲလိုပါက နောက်ပြန် မဆုတ်ဟု ဝမ်ယိ ပြောကြား
အမေရိကန်သည် တရုတ်နှင့် ကုန်သွယ်ရေးစစ်ပွဲကို ဆင်နွှဲလိုပါက နောက်ပြန် မဆုတ်ဟု ဝမ်ယိ ပြောကြား
တရုတ်သည် အမေရိကန်နှင့် ကုန်သွယ်ရေးစစ်ပွဲကို ဆက်လက် ဆင်နွှဲမည်ဆိုပါက နောက်ပြန်ဆုတ်တော့မည် မဟုတ်ကြောင်း တရုတ်နိုင်ငံခြားရေးဝန်ကြီး ဝမ်ယိက ဘရာဇီးနိုင်ငံ ရီယိုဒီဂျနေးရိုးမြို့တွင် ကျင်းပသည့် BRICS နိုင်ငံခြားရေးဝန်ကြီးများ အစည်းအဝေးတွင် ပြောကြားလိုက်ပါသည်။“ကုန်သွယ်ရေးစစ်ပွဲအတွက် တရုတ်၏တုံ့ပြန်မှုမှာ ရှင်းလင်းပြတ်သားပြီး ခိုင်မာပါသည်၊ မိမိတို့ကို လာစိန်ခေါ်လျှင် မိမိတို့က အဆုံးတိုင် တိုက်ပွဲဝင်သွားပါမည်၊ ဆွေးနွေးလိုပါက လေးစားမှုနှင့် တန်းတူညီမျှမှုအပေါ် အခြေခံရပါမည်” ဟု တရုတ်နိုင်ငံခြားရေးဝန်ကြီးဌာနက ဝမ်ယိက ဆက်လက် ပြောကြားထားပါသည်။   တရုတ်သည် မိမိနိုင်ငံ၏ ဂုဏ်သိက္ခာကို သာမက ကမ္ဘာ၏ အနာဂတ် တောက်ပမှုအတွက်ပါ ကာကွယ်နေခြင်းဖြစ်ပါကြောင်း၊ အမေရိကန်သည် ကမ္ဘာတစ်ဝှမ်းကို အကောက်ခွန်တိုးမြင့်နေခြင်းမှာ အပြည်ပြည်ဆိုင်ရာ အသိုင်းအဝိုင်း၌ အားကောင်းသူက အားနည်းသူကို အနိုင်ကျင့်နေသော အရိုင်းအစိုင်းခေတ်ကာလကို ပြန်သွားရန် လုပ်ဆောင်နေခြင်းလား ဆိုသည်ကို ဝိုင်းဝန်းဆုံးဖြတ်ကြရန် လိုအပ်ကြောင်း ဝမ်ယိက ဖြည့်စွက် ပြောကြားထားပါသည်။ ကိုးကား- TASSPhoto: Moneycontrolဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
တရုတ်နိုင်ငံက အမေရိကန်၏ ကုန်သွယ်ခွန် ညှိနှိုင်းဆွေးနွေးရေး ကမ်းလှမ်းချက်ကို စဉ်းစားသုံးသပ်နေဆဲဖြစ်ပြီး ပေကျင်း၏ တံခါးသည် “ဖွင့်လှစ်ထား” ဟုဆို
တရုတ်နိုင်ငံက အမေရိကန်၏ ကုန်သွယ်ခွန် ညှိနှိုင်းဆွေးနွေးရေး ကမ်းလှမ်းချက်ကို စဉ်းစားသုံးသပ်နေဆဲဖြစ်ပြီး ပေကျင်း၏ တံခါးသည် “ဖွင့်လှစ်ထား” ဟုဆို
ပေကျင်းအစိုးရသည် အမေရိကန်သမ္မတ ဒေါ်နယ်ထရမ့်၏ ၁၄၅% အထိ မြင့်တက်စေခဲ့သော ကုန်သွယ်ခွန်များနှင့်ပတ်သက်၍ ဆွေးနွေးရန် ဝါရှင်တန်၏ ကမ်းလှမ်းချက်ကို စဉ်းစားသုံးသပ်နေဆဲဖြစ်ကြောင်း သောကြာနေ့ (မေ ၂) တွင် တရုတ်နိုင်ငံကုန်သွယ်ရေးဝန်ကြီးဌာနက ထုတ်ပြန်သည်။ အဆိုပါဖြစ်စဉ်သည် ကမ္ဘာလုံးဆိုင်ရာဈေးကွက် များကို လှုပ်ခတ်ခဲ့သော ကုန်သွယ်ရေးစစ်ပွဲ ပြေလည်စေရန် အလားအလာ ရှိကြောင်း ညွှန်းဆိုနေသည်။အမေရိကန်က ၁၄၅% ကုန်သွယ်ခွန်များဆိုင်ရာ ညှိနှိုင်းမှုများအတွက် တရုတ်ထံ ချဉ်းကပ်ခဲ့ပြီး တရုတ်ကုန်သွယ်ရေးဝန်ကြီးဌာနက “ဆွေးနွေးရန် တံခါးဖွင့်ထား” ကြောင်း အတည်ပြုခဲ့ခြင်းကြောင့် နှစ်နိုင်ငံကြား ကုန်သွယ်ရေး တင်းမာမှု လျော့ကျနိုင်သည့် အလားအလာရှိသည်ဟုသိရှိရပါသည်။၂၀၁၈ ခုနှစ်မှစတင်၍ စုစုပေါင်း ကုန်သွယ်မှုတန်ဖိုး ဘီလီယံပေါင်း ၅၀၀ ကျော်အထိ သက်ရောက်ခဲ့သော အမေရိကန်-တရုတ် ကုန်သွယ်ရေး ပဋိပက္ခတွင် ယခုကဲ့သို့ ညှိနှိုင်းမှုများ ပြုလုပ်ရန် သဘောတူညီမှုသည် ကောင်းမွန်သော အလားအလာတစ်ခုဖြစ်သည်။စီးပွားရေးပညာရှင်များက အဆိုပါဆွေးနွေးမှုများသည် နှစ်နိုင်ငံ စီးပွားရေးအတွက် အပြုသဘောဆောင်သည့် အချက်တစ်ခုဖြစ်ကြောင်း မှတ်ချက်ပြုခဲ့ပြီး နှစ်ဖက်စလုံးမှ အခြေခံသဘောတူညီမှုများ ရရှိရန် လိုအပ်ဆဲ ဖြစ်သည်ဟု ဆိုသည်။ကမ္ဘာ့ကုန်သွယ်ရေးအဖွဲ့ (WTO)၏ အချက်အလက်များအရ နှစ်နိုင်ငံအကြား ကုန်သွယ်မှုသည် ၂၀၂၃ ခုနှစ်တွင် ၆၉၀ ဘီလီယံဒေါ်လာ ရှိခဲ့ ကြောင်းသိရှိရသည်။အမေရိကန်နိုင်ငံသည် “မှားယွင်းနေသော အလေ့အထများကို ပြုပြင်ရန်” လုပ်ဆောင်မှုများ ပြင်ဆင်ပြီး တစ်ဖက်သတ်ကုန်သွယ်ခွန်များကို ရုပ်သိမ်းရန် အဆင်သင့်ဖြစ်ထားသင့်ကြောင်း တရုတ်ကုန်သွယ်ရေးဝန်ကြီးဌာနက ကြေညာချက်တွင် ဖော်ပြခဲ့သည်။ ဝါရှင်တန်အနေဖြင့် ညှိနှိုင်းဆွေးနွေးမှုများတွင် “အစစ်အမှန်စိတ်ဓာတ်” ပြသရန် လိုအပ်ကြောင်း ဌာနမှ ဖြည့်စွက်ပြောကြားခဲ့သည်။၂၀၁၈ ခုနှစ်မှစတင်၍ အမေရိကန်သည် တရုတ်ထုတ်ကုန်များအပေါ် သံသယဖြစ်ဖွယ် ၃၇၀ ဒေါ်လာဘီလီယံတန်ဖိုးရှိ ကုန်သွယ်ခွန်များ စည်းကြပ်ခဲ့ပြီး၊ လက်ရှိတွင် စီးပွားရေးပညာရှင်များက အဆိုပါ အစီအမံ များကြောင့် အမေရိကန်စားသုံးသူများအနေဖြင့် ဒေါ်လာ ၅၁ ဘီလီယံ အပိုပေးဆောင်နေရကြောင်း တွက်ချက်ပြသခဲ့သည်။ဟားဗက် တက္ကသိုလ် စီးပွားရေးပါမောက္ခ ဂျက်ဖရီး ဖရန့်ကယ်က “အမေရိကန်စီးပွားရေးအတွက် ကာလရှည်အကျိုးကျေးဇူးထက် နိုင်ငံရေးအရ တိုတောင်းသောအောင်ပွဲများကို ဦးစားပေးခဲ့သည့် မဟာဗျူဟာ” ဟု ဝေဖန်ခဲ့သည်။တရုတ်စီးပွားရေးအကြံပေး လီကျန်းက “နှစ်နိုင်ငံစလုံးအတွက် အကျိုးရှိမည့် ကုန်သွယ်ရေးသဘောတူညီချက်မျိုးရရှိရန် အချိန်ကျပြီ” ဟု အကြံပြုခဲ့သည်။WTO စာရင်းများအရ နှစ်နိုင်ငံကြား ကုန်သွယ်မှုသည် ၂၀၂၃ ခုနှစ်တွင် ၂၀၁၉ ခုနှစ်ကထက် ၂၂% ကျဆင်းခဲ့ကြောင်းသိရှိရပါသည်။ကိုးကား- Reutersဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Fri, 2-မေလ-2025
© Copyright 2024 SAC All Rights Reserved.