ဘယ်လာရုစ်သမ္မတ လူကာရှန်ကိုက “အိုရက်ရှ်နစ်” (Oreshnik) ဒုံးပစ် စနစ်အတွက် ဒုံးပစ်စင်များကို ထုတ်လုပ်နေကြောင်း ပြောကြား

saceditor

News Image

  • ဘယ်လာရုစ်သမ္မတ လူကာရှန်ကိုက “အိုရက်ရှ်နစ်” (Oreshnik) ဒုံးပစ် စနစ်အတွက် ဒုံးပစ်စင်များကို ထုတ်လုပ်နေကြောင်း ပြောကြား

ဘယ်လာရုစ်သည် လက်ရှိတွင် “အိုရက်ရှ်နစ်” အတွက် ဒုံးပစ်စင်များ ထုတ်လုပ်လျက်ရှိပြီး ရုရှားဖက်ဒရေးရှင်းထံမှ ဒုံးကျည်များ စောင့်မျှော်နေကြောင်း ဘယ်လာရုစ်သမ္မတ အလက်ဇ်ဇန်းဒါ လူကာရှန်ကို က ကြေညာခဲ့ပါသည်။ 

“မိမိသည် ထိုကိစ္စကို (ရုရှားသမ္မတ) ဗလာဒီမာ ဗလာဒီမီရိုဗစ် ပူတင်က စတင်ဖော်ပြချိန်တွင် နက်နက်ရှိုင်းရှိုင်း လေ့လာခဲ့ရာမှ ဒုံးကျည်အပြင် အခြားပစ္စည်းကိရိယာများ ထုတ်လုပ်ရန် လိုအပ်ကြောင်း သိရှိခဲ့ရပြီး ဘယ်လာရုစ်နိုင်ငံက ၎င်းတို့ကို ထုတ်လုပ်လျက်ရှိပါသည်။ “အိုရက်ရှ်နစ်” အတွက် အသုံးပြုမည့် ဒုံးပစ်စင် အမြောက်အမြားကို ယခုအခါတွင် လက်တွေ့ပြီးစီးနေပြီ ဖြစ်ပါသည်” ဟု ဘယ်လာရုစ်သမ္မတလူကာရှန်ကို က ပြောကြားခဲ့ပါသည်။ 

“အစ်ကိုကြီး (ရုရှား) ထံမှ ဒုံးကျည်များ လိုအပ်လိမ့်မည်” ဟု ဘယ်လာရုစ် သမ္မတက ကောက်ချက်ချခဲ့ပါသည်။ 

ကိုးကား - RIA Novosti

Photo: www.pravda.com.ua

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

၂၀၂၄ တွင် ကမ္ဘာ့စစ်အသုံးစရိတ် ၉.၄% မြင့်တက်ပြီး ဒေါ်လာ ၂.၇၁၈ ထရီလီယံအထိ သုံးစွဲခဲ့ကြောင်း SIPRI ဖော်ပြ
၂၀၂၄ တွင် ကမ္ဘာ့စစ်အသုံးစရိတ် ၉.၄% မြင့်တက်ပြီး ဒေါ်လာ ၂.၇၁၈ ထရီလီယံအထိ သုံးစွဲခဲ့ကြောင်း SIPRI ဖော်ပြ
၂၀၂၄ ခုနှစ်က ကမ္ဘာ့စစ်ရေးအသုံးစရိတ်များသည် ဒေါ်လာ ၂.၇၁၈ ထရီလီယံအထိ မြင့်တက်ခဲ့ပြီး ယခင် ၂၀၂၃ ခုနှစ်နှင့်နှိုင်းယှဉ်ပါက ၉.၄% တိုးမြင့်လာခဲ့ကြောင်း၊ ထိုပမာဏမှာ စစ်အေးတိုက်ပွဲကာလအပြီးမှစ၍ အမြင့်ဆုံးနှစ်စဉ်တိုးတက်နှုန်းဖြစ်ကြောင်း စတော့ဟုမ်းရှိ အပြည်ပြည်ဆိုင်ရာ ငြိမ်းချမ်းရေးသုတေသနအဖွဲ့ (SIPRI) ၏ အစီရင်ခံစာက ဖော်ပြ ထားပါသည်။အဆိုပါတိုးတက်မှုမှာ တစ်ကမ္ဘာလုံးအနှံ့ စစ်ရေးအသုံးစရိတ်များ ကျယ်ပြန့်စွာ မြင့်တက်လာမှုကို ရောင်ပြန်ဟပ်နေပါသည်။ အထူးသဖြင့် ထိုစစ်သုံးစရိတ်များမှာ ဥရောပနှင့် အရှေ့အလယ်ပိုင်းဒေသတို့တွင် အလျင်အမြန် တိုးတက်မြင့်တက်ခဲ့ပါသည်။ထင်ရှားသည့်အချက်မှာ အမေရိကန်၊ တရုတ်၊ ရုရှား၊ ဂျာမနီနှင့် အိန္ဒိယ စသည့် ၅ နိုင်ငံသည် ကမ္ဘာ့စစ်ရေးအသုံးစရိတ်၏ ၆၀% (ဒေါ်လာ ၁.၆၃၅ ထရီလီယံ) ကို သုံးစွဲခဲ့ကြပါသည်။ ထို့အပြင် စစ်ရေးဘဏ္ဍာငွေအများဆုံး နိုင်ငံ ၁၅ နိုင်ငံမှာလည်း ၂၀၂၄ ခုနှစ်တွင် ၎င်းတို့၏ အသုံးစရိတ်များကို တိုးမြှင့်ခဲ့ကြကာ ကမ္ဘာ့စုစုပေါင်းပြည်တွင်းထုတ်ကုန် (GDP) ခန့်မှန်းခြေ ၂.၅% ကို စစ်ရေးအတွက် သုံးစွဲလာခဲ့ကြပါသည်။၂၀၂၄ ခုနှစ်က ရုရှား၏ စစ်ရေးအသုံးစရိတ်သည် ဒေါ်လာ ၁၄၉ ဘီလီယံ အထိ ရှိမည်ဟု ခန့်မှန်းရပြီး၊ ယခင်နှစ် (၂၀၂၃) နှင့်နှိုင်းယှဉ်ပါက ၃၈% အထိ သိသိသာသာ တိုးမြင့်သုံးစွဲခဲ့ပါသည်။ ထိုပမာဏသည် ၂၀၁၅ ခုနှစ် ကထက် နှစ်ဆ ပိုမိုများပြားနေပါသည်။ကိုးကား- TASSPhoto: Vredeဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 28-Apr-2025
ရုရှားစစ်ဗိုလ်ချုပ်ကြီးကို သတ်ဖြတ်ခဲ့သည်ဟု သံသယရှိသူကို အချုပ် တစ်လ ချမှတ်
ရုရှားစစ်ဗိုလ်ချုပ်ကြီးကို သတ်ဖြတ်ခဲ့သည်ဟု သံသယရှိသူကို အချုပ် တစ်လ ချမှတ်
ရုရှားဗဟိုစစ်ဌာနချုပ်မှ ဒုတိယဗိုလ်ချုပ်ကြီး Yaroslav Moskalik ကို ဗုံးခွဲသတ်ဖြတ်ခဲ့သည်ဟု သံသယရှိသူ Ignat Kuzin ကို မော်စကိုရှိ တရားရုံးက ပဏာမစုံစမ်းစစ်ဆေးရေးအဖွဲ့၏ အဆိုကို ထောက်ခံခဲ့ပြီး တစ်လကြာ ချုပ်နှောင်ထားရန် ဆုံးဖြတ်လိုက်သည်ဟု တရားရုံး သတင်းစာ ရှင်းလင်းပွဲတွင် ပြောကြားထားပါသည်။Ignat Kuzin သည် ယူကရိန်းနိုင်ငံတွင် နေထိုင်ခွင့်ရရှိသူဖြစ်ပြီး ယူကရိန်း လုံခြုံရေးဝန်ဆောင်မှု (SBU) က ငှားရမ်းထားသူဟု ရုရှားအာဏာပိုင်များက ပြောကြားထားပါသည်။Kuzin ကို ရုရှားနိုင်ငံ၏ ရာဇသတ်ပုဒ်မ ၂၀၅ (အကြမ်းဖက်မှု)၊ ပုဒ်မ ၂၂၂ ပုဒ်မခွဲ ၂ (တရားမဝင်လက်နက်ကို လက်ဝယ်ထားရှိမှု) နှင့် ပုဒ်မ ၂၂၃ ပုဒ်မခွဲ ၂ (ဗုံးပြုလုပ်မှု) တို့ဖြင့် စွဲချက်တင်ခဲ့ပြီး မော်စကိုရှိ Basmanny ခရိုင်တရားရုံးက ၎င်းကို တစ်လကြာ အချုပ်ထားရန် ဆုံးဖြတ်လိုက်ပါသည်။Kuzin သည် ၎င်း ကျူးလွန်ခဲ့မှုကို ဝန်ခံခဲ့ပြီး ယခုအကြမ်းဖက် လုပ်ဆောင်မှု အတွက် ဝန်ဆောင်ခအဖြစ် ဒေါ်လာ ၁၈၀၀၀ ရရှိမည်ဟုလည်း ထွက်ဆိုထားပါသည်။ကိုးကား- TASS   Photo: Russian Generalဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 28-Apr-2025
အိန္ဒိယမှ ပါကစ္စတန်နိုင်ငံသား အားလုံးနီးပါး ထွက်ခွာပြီ
အိန္ဒိယမှ ပါကစ္စတန်နိုင်ငံသား အားလုံးနီးပါး ထွက်ခွာပြီ
အိန္ဒိယနိုင်ငံ၊ ဂျမူးနှင့် ကက်ရှ်မီးယားတွင် အကြမ်းဖက် တိုက်ခိုက်ခံရပြီးနောက် အိန္ဒိယသို့ ရောက်ရှိနေသော ပါကစ္စတန်နိုင်ငံသားများ၏ ဗီဇာများကို ဖျက်သိမ်းရန် နယူးဒေလီက ဆုံးဖြတ်ပြီးနောက် အိန္ဒိယနိုင်ငံမှ ပါကစ္စတန်နိုင်ငံသားအားလုံးနီးပါးသည် နိုင်ငံမှ ထွက်ခွာသွားပြီဖြစ်ကြောင်း အိန္ဒိယပြည်ထဲရေးဝန်ကြီးဌာန၏ အချက်အလက်များကို ကိုးကား၍ The Hindu သတင်းစာက ဖော်ပြခဲ့ပါသည်။အစီရင်ခံစာအရ ဧပြီ ၂၄ ရက်ကတည်းက ပါကစ္စတန်နိုင်ငံသား ၅၃၇ ဦး သည် အိန္ဒိယနိုင်ငံ၊ ပန်ဂျပ်ပြည်နယ် Attari စစ်ဆေးရေးဂိတ်မှတစ်ဆင့် အိန္ဒိယနိုင်ငံသို့ ထွက်ခွာလာခဲ့ကြောင်းသိရသည်။ ပါကစ္စတန်နိုင်ငံသားများ အိန္ဒိယနိုင်ငံအတွင်းမှ ဧပြီလ ၂၇ ရက် နောက်ဆုံးထား၍ ထွက်ခွာရန် ထုတ်ပြန်ထားသည့် အမိန့်ကို လိုက်နာမှု ရှိ၊ မရှိ အိန္ဒိယလူဝင်မှုကြီးကြပ်ရေး အာဏာပိုင်များသည် ဆက်လက်စစ်ဆေးလျက်ရှိပါသည်။အိန္ဒိယပြည်ပရေးရာဝန်ကြီးဌာနသည် ဧပြီလ ၂၄ ရက်တွင် ပါကစ္စတန် နိုင်ငံသားများအား ဗီဇာထုတ်ပေးခြင်းအား ရပ်ဆိုင်းခဲ့ပြီး ဧပြီလ ၂၇ ရက်မှ စတင်ကာ ယခင်က ခွင့်ပြုထားသော ဗီဇာများကို ပယ်ဖျက်ကြောင်းကြေညာခဲ့ပါသည်။ ပါကစ္စတန်နိုင်ငံသားများအတွက် ဆေးကုသခွင့် ဗီဇာများသည် ဧပြီလ ၂၉ ရက်နေ့အထိ သက်တမ်းရှိနေဆဲဖြစ်ပါသည်။ အဆိုပါ ဆုံးဖြတ်ချက်သည် အိန္ဒိယနိုင်ငံတွင် ကာလရှည်နေထိုင်နေသော ဟိန္ဒူပါကစ္စတန်နိုင်ငံသားများနှင့် သက်ဆိုင်ခြင်းမရှိပေ။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 28-Apr-2025
ဖိလစ်ပိုင်နှင့်အမေရိကန်တို့ လေကြောင်းရန်ကာကွယ်ရေးစနစ်ကိုစမ်းသပ်
ဖိလစ်ပိုင်နှင့်အမေရိကန်တို့ လေကြောင်းရန်ကာကွယ်ရေးစနစ်ကိုစမ်းသပ်
မနီလာ၊ စစ်ရေးဖိလစ်ပိုင်နှင့်အမေရိကန်တို့က ၎င်းတို့ ၏ပူးတွဲစစ်ရေးလေ့ကျင့်ခန်းတွင် ပထမဆုံးအဖြစ် လေကြောင်းရန်ကာကွယ်ရေးစနစ်ကိုစမ်းသပ်သည့်အနေဖြင့် ဒုံးကျည် များကိုပစ်လွှတ်ကြောင်း သိရသည်။အဆိုပါနှစ်နိုင်ငံသည် ဘာလီကာတန် အမည်ရှိ ပူးတွဲစစ်ရေးလေ့ကျင့်ခန်းကို စစ်သည်အင်အား ၁၇၀၀၀ ဝန်းကျင်ဖြင့်လုပ်ဆောင်နေခြင်းဖြစ်ပြီး  လေကြောင်းရန်ကာကွယ်ရေးစနစ်စမ်းသပ်မှုကို  ဧပြီလ၂၇ ရက်တွင်လုပ်ဆောင်ခြင်းဖြစ်သည်။ယင်းကဲ့သို့လေကြောင်းရန်ကာကွယ်ရေးစနစ် စမ်းသပ်မှုတွင် အမေရိကန်မရိန်း တပ်ဖွဲ့မှ Madis အမျိုးအစား တာတိုပစ် လေကြောင်းရန်ကာကွယ်ရေးစနစ်ကဝေဟင်ရှိပစ်မှတ်ဒရုန်းများကို ထိမှန်အောင် ပစ်ချလိုက်နိုင်သည်။အလားတူ ဖိလစ်ပိုင်နိုင်ငံမှ Sypder အမည်ရှိ ဒုံးပစ်စနစ်ကလည်း ကိုယ်တိုင် ဒရုန်းတိုက်ခိုက်မှုရန်မှကာကွယ်ပြီး လေပိုင်နက်သို့ဝင်လာသော အနိမ့်ပျံဒုံးကျည်များကို ပစ်မှတ်ထားတိုက်ခိုက်မှုများလုပ်ဆောင်နိုင်ကြောင်းနှင့် ယင်းဒုံးကျည်စနစ်များကို  ပူးတွဲပစ်ခတ်ခြင်းဖြစ်ကြောင်းသိရသည်။                          Ref: TSTSource: https://myawady.net.mm/
Mon, 28-Apr-2025
၂၄ နာရီအတွင်း ပါလက်စတိုင်း အနည်းဆုံး ၄၀ ဦးသေဆုံးကြောင်း Al Jazeera ပြောကြား
၂၄ နာရီအတွင်း ပါလက်စတိုင်း အနည်းဆုံး ၄၀ ဦးသေဆုံးကြောင်း Al Jazeera ပြောကြား
ဂါဇာကမ်းမြောင်တွင် ဧပြီ ၂၆ ရက်(စနေနေ့) ၂၄ နာရီအတွင်း အစ္စရေး စစ်တပ်တိုက်ခိုက်မှုကြောင့် ပါလက်စတိုင်းလူမျိုး အနည်းဆုံး ၄၀ ဦး သေဆုံး သွားရကြောင်း ကာတာနိုင်ငံ Al Jazeera သတင်းဌာနက ဖော်ပြ ထားသည်။ အစ္စရေး ပိတ်ဆို့ထားမှုကြားတွင် ကယ်ဆယ်ရေးအေဂျင်စီများသည်နယ်မြေအတွင်း အစားအစာငတ်မွတ်ခေါင်းပါးမှုအန္တရာယ်နှင့် ပတ်သက်၍ အလွန်အမင်း စိုးရိမ်မိကြောင်း သတင်းဌာနက အလေးပေး ပြောကြား ခဲ့သည်။ ၂၀၂၅ ခုနှစ်၊ မတ် ၁၈ ရက်တွင် အစ္စရေးစစ်တပ်သည် ဂါဇာကမ်းမြောင်ဒေသတွင် တိုက်ပွဲများ ပြန်လည်စတင်ခဲ့ပြီး ပါလက်စတိုင်းနယ်မြေကို ကြီးမားသောတိုက်ခိုက်မှုများ ပြုလုပ်ကာ ဇန်နဝါရီက သဘောတူညီထားသော အပစ်အခတ်ရပ်စဲရေးကို ချိုးဖောက်ခဲ့ပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
သဘောတူစာချုပ်အရ မြောက်ကိုရီးယားစစ်သားများ Kursk ဒေသစစ်ဆင်ရေးတွင် ပါဝင်ကူညီခဲ့ကြောင်း ရုရှားသံတမန် ထုတ်ဖော်ပြောကြား
သဘောတူစာချုပ်အရ မြောက်ကိုရီးယားစစ်သားများ Kursk ဒေသစစ်ဆင်ရေးတွင် ပါဝင်ကူညီခဲ့ကြောင်း ရုရှားသံတမန် ထုတ်ဖော်ပြောကြား
၂၀၂၄ ခုနှစ်၊ ဇွန်လတွင် ချုပ်ဆိုခဲ့သော ပြီးပြည့်စုံသော မဟာဗျူဟာမြောက် မိတ်ဖက်ဆက်ဆံရေး စာချုပ်၏ အပိုဒ် ၄ အရ Kursk ဒေသ စစ်ဆင်ရေးတွင် မြောက်ကိုရီးယားစစ်သည်များ ပါဝင်ကူညီခဲ့ကြကြောင်း ရုရှား နိုင်ငံခြားရေးဝန်ကြီးဌာန ပြောခွင့်ရ Maria Zakharova က ထုတ်ဖော်ပြောကြားလိုက်ပါသည်။ “မြောက်ကိုရီးယား မိတ်ဆွေများ၏ စည်းလုံးညီညွတ်မှုသည် မိမိတို့၏ အမှန်တကယ် မဟာမိတ်ဖြစ်ခြင်းဆိုသည်ကို ပြသလိုက်ခြင်း ဖြစ်ပါကြောင်း၊ အဆိုပါဆက်ဆံရေးသည် အနာဂတ်တွင် ဆက်လက်ပြီး ခိုင်မာ အားကောင်းလာမည်ဟု ယုံကြည်နေပါကြောင်း” သံတမန်က ပြောကြားခဲ့သည်။ရုရှားတပ်ဖွဲ့သည် Kursk ဒေသတွင် ၂၀၂၄ ခုနှစ်၊ ဩဂုတ်လ ၆ ရက်မှ စတင်၍ ပြင်းပြင်းထန်ထန် တိုက်ပွဲဆင်နွှဲခဲ့ရာ နယ်မြေရှင်းလင်းရေး အပြီးသတ်ရန် ၂၆၄ ရက် ကြာမြင့်ခဲ့ပါသည်။ ရုရှားသမ္မတက ဒေသတွင်း လွတ်မြောက်ရေးတွင် ပါဝင်ခဲ့ကြသည့် စစ်မှုထမ်းများကို ချီးကျုး ဂုဏ်ပြုခဲ့ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
© Copyright 2024 SAC All Rights Reserved.