လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့

saceditor

News Image

  • လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့

လပွတ္တာ  မတ် ၂၁

ဧရာဝတီတိုင်းဒေသကြီး လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း  ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့ကြောင်း လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ရည်ရည်ဝင်းက ပြောပြသည်။

လပွတ္တာမြို့နယ်မှ ငါးတန်များအပါအဝင် ရေထွက်ကုန်များကို ရန်ကုန်ဈေးကွက်သို့ တင်ပို့ရောင်းချလျက်ရှိပြီး လပွတ္တာမြို့နယ်မှ ရန်ကုန်ဈေးကွက်သို့ ဇန်နဝါရီလအတွင်း ငါးတန်ပိဿာချိန် ၅၅၀၀၀ သာ တင်ပို့ရောင်းချနိုင်ခဲ့ပြီး ဖေဖော်ဝါရီ ၁ ရက်မှ ၂၈ ရက်ထိ ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။

“ပြီးခဲ့တဲ့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချခဲ့ရပါတယ်။ လပွတ္တာမြို့နယ်ကနေထွက်တဲ့ ရေထွက်ကုန်တွေကို ရန်ကုန်ဈေးကွက်ထဲ တင်ပို့ရောင်းချလျက်ရှိပါတယ်။ ရန်ကုန်ဈေးကွက်က ပြီးခဲ့တဲ့ တစ်လအတွင်းကော အခုလက်ရှိကော ရေထွက်ကုန်တွေကို ဝယ်ယူမှုများပြားနေပါတယ်။ ငါးတန်က ပြည်တွင်းဈေးကွက်မှာကို အရောင်းအဝယ်ကောင်းမွန်နေပါတယ်။ တင်ပို့အားတက်လာတော့ ငါးလုပ်ငန်းလုပ်ကိုင်သူတွေ အဆင်ပြေလာပါတယ်” ဟု လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ရည်ရည်ဝင်း က ပြောပြသည်။

လပွတ္တာမြို့နယ်မှ ရန်ကုန်ဈေးကွက်သို့ တင်ပို့ရောင်းချခဲ့သည့် ငါးတန် ၁၀ ပိဿာလျှင် ငွေကျပ် ၁၀၅၀၀၀ ထိ ပေါက်ဈေးရှိကြောင်း သိရသည်။

ကျော်ကျော်လင်း

Source: ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ကမ္ဘာ့ရွှေဈေးမြင့်တက်နေသော်လည်းပြည်တွင်းဈေးကွက်အေးနေ
ကမ္ဘာ့ရွှေဈေးမြင့်တက်နေသော်လည်း ပြည်တွင်းဈေးကွက်အေးနေ
ကမ္ဘာ့ရွှေဈေး တစ်အောင်စလျှင် (၃၀၄၉)‌ ဒေါ်လာအထိပေါက်ဈေး မြင့်တက်နေသော်လည်း ပြည်တွင်းရွှေဈေးကွက်တွင် ရောင်းအားကျဆင်းပြီး ဈေးနှုန်း အပြောင်းအလဲ နည်းပါးနေကြောင်းဈေးကွက်အတွင်းမှသိရသည်။ လက်ရှိတွင် ကမ္ဘာ့ရွှေဈေး စံချိန်တင် အတက်ကြမ်းနေသော်လည်း ပြည်တွင်းရွှေဈေးအတွင်း ဈေးအနည်းငယ်သာ မြင့်တက်မှု ရှိနေကြောင်း ဈေးကွက်အတွင်း မှသိရသည်။ ကမ္ဘာ့ရွှေဈေးသည် မတ် ၂၀ ရက်၊ နံနက်ပိုင်းတွင် တစ်အောင်စကို ဒေါ်လာ ၃၀၄၉ အထိ မြင့်တက်နေခြင်းဖြစ်ပြီး ယင်းဈေးနှုန်းသည် သမိုင်းတလျှောက် အမြင့်ဆုံး စံချိန်တင်ဈေး ဖြစ်ကြောင်း ဈေးကွက်ကျွမ်းကျင်သူများက သုံးသပ်ပြောကြားသည်။“ကမ္ဘာ့ရွှေဈေးက တစ်အောင်စ ဒေါ်လာ ၂၆၀၀ မှ သုံးလအတွင်း ၃၀၅၀ ခန့်ဖြစ်လာကြောင်း၊ အမေရိကန်အစိုးရ၏ သွင်းကုန်အခွန် သတ်မှတ်ချက် တိုးမြှင့်ကောက်ခံမှု၊ ကုန်သွယ်စစ်ပွဲအလားအလာ၊ ပထဝီနိုင်ငံရေးမတည်ငြိမ်မှု စသည့် အခြေအနေအကြောင်းတရား အရပ်ရပ်များကြောင့် ကမ္ဘာ့ဈေး အတက်ကြမ်းလာခြင်းဖြစ်ကြောင်း၊ ဈေးကွက် အတက်အားရှိနေသော်လည်း တစ်အောင်စ ဒေါ်လာ ၃၀၂၄ ဈေးတန်းအောက် breakout လုပ်နိုင်ပါက အဝယ်များ သတိထားရန် လိုအပ်ကြောင်း” ရွှေဈေးကွက် ကျွမ်းကျင်သူ တစ်ဦးကပြောသည်။ကမ္ဘာ့ရွှေဈေးမြင့်တက်နေခြင်းကြောင့် ပြည်တွင်းရွှေဈေးလည်း လိုက်ပါမြင့်တက်နေပြီး ပြင်ပအခေါက်ရွှေ တစ်ကျပ်သားလျှင် ၆၇သိန်းရှစ်သောင်းကျပ် ဝန်းကျင်ကိုရောက်ရှိနေကြောင်းသိရသည်။ယခုတစ်ပတ် ဈေးကွက်ဖွင့်ရက်ဖြစ်သည့် မတ် ၁၇ ရက်နေ့ (တနင်္လာနေ့) တွင် အခေါက်ရွှေ တစ်ကျပ်သား ခြောက်ဆယ့်ခြောက်သိန်းရှစ်သောင်းဖြင့် ဈေးဖွင့်ခဲ့ခြင်းဖြစ်ပြီး လေးရက်အတွင်း ကျပ်တစ်သိန်းဝန်းကျင် မြင့်တက် လာကြောင်းသိရသည်။ရွှေလုပ်ငန်းရှင်များပြောကြားချက်အရ ကမ္ဘာ့ရွှေဈေးကြောင့် ပြည်တွင်းရွှေဈေး မြင့်တက်နေသော်လည်း အမေရိကန်ဒေါ်လာဈေးအကျဘက်မှာ ရှိနေသောကြောင့် ထင်သလောက် ဈေးမြင့်တက်မှုမရှိကြောင်း ပြောဆိုနေ ကြသည်။ လက်ရှိတွင် ရွှေဈေးကွက်အတွင်း ရွှေအတုံးအခဲလိုက် အရောင်းအဝယ်မရှိသလောက် နည်းပါးကြောင်း ဈေးကွက်အတွင်းမှသိရသည်။ကိုးကား-NP News
လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့
လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့
လပွတ္တာ  မတ် ၂၁ဧရာဝတီတိုင်းဒေသကြီး လပွတ္တာမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း  ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့ကြောင်း လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ရည်ရည်ဝင်းက ပြောပြသည်။လပွတ္တာမြို့နယ်မှ ငါးတန်များအပါအဝင် ရေထွက်ကုန်များကို ရန်ကုန်ဈေးကွက်သို့ တင်ပို့ရောင်းချလျက်ရှိပြီး လပွတ္တာမြို့နယ်မှ ရန်ကုန်ဈေးကွက်သို့ ဇန်နဝါရီလအတွင်း ငါးတန်ပိဿာချိန် ၅၅၀၀၀ သာ တင်ပို့ရောင်းချနိုင်ခဲ့ပြီး ဖေဖော်ဝါရီ ၁ ရက်မှ ၂၈ ရက်ထိ ငါးတန်ပိဿာချိန် ၇၄၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။“ပြီးခဲ့တဲ့ ဖေဖော်ဝါရီလအတွင်း ငါးတန်ပိဿာချိန် ၇၄၀၀၀ ထိ တင်ပို့ရောင်းချခဲ့ရပါတယ်။ လပွတ္တာမြို့နယ်ကနေထွက်တဲ့ ရေထွက်ကုန်တွေကို ရန်ကုန်ဈေးကွက်ထဲ တင်ပို့ရောင်းချလျက်ရှိပါတယ်။ ရန်ကုန်ဈေးကွက်က ပြီးခဲ့တဲ့ တစ်လအတွင်းကော အခုလက်ရှိကော ရေထွက်ကုန်တွေကို ဝယ်ယူမှုများပြားနေပါတယ်။ ငါးတန်က ပြည်တွင်းဈေးကွက်မှာကို အရောင်းအဝယ်ကောင်းမွန်နေပါတယ်။ တင်ပို့အားတက်လာတော့ ငါးလုပ်ငန်းလုပ်ကိုင်သူတွေ အဆင်ပြေလာပါတယ်” ဟု လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ရည်ရည်ဝင်း က ပြောပြသည်။လပွတ္တာမြို့နယ်မှ ရန်ကုန်ဈေးကွက်သို့ တင်ပို့ရောင်းချခဲ့သည့် ငါးတန် ၁၀ ပိဿာလျှင် ငွေကျပ် ၁၀၅၀၀၀ ထိ ပေါက်ဈေးရှိကြောင်း သိရသည်။ကျော်ကျော်လင်းSource: ရတနာပုံသတင်းစာ
ရုရှားစီးပွားရေးသည် လုံခြုံစိတ်ချရသော ကွန်းခိုရာနေရာဖြစ်လာရမည်ဟု ပူတင် ပြောကြား
ရုရှားစီးပွားရေးသည် လုံခြုံစိတ်ချရသော ကွန်းခိုရာနေရာဖြစ်လာရမည်ဟု ပူတင် ပြောကြား
ရုရှားစီးပွားရေးသည် လုံခြုံစိတ်ချရသော ကွန်းခိုရာနေရာ ဖြစ်လာရမည်ဖြစ်ကြောင်း၊ ကမ္ဘာလုံးဆိုင်ရာ စီးပွားရေးပြိုင်ဆိုင်မှုမှာ ပိုမိုချဲ့ထွင်လာနေကြသည်ကို သတိထားကြလိုကြောင်း ရုရှားသမ္မတ ဗလာဒီမာ ပူတင် က   မတ်လ ၁၈ ရက်တွင် ပြုလုပ်သည့် ရုရှားစက်မှုလုပ်ငန်းရှင်များနှင့် စီးပွားရေးလုပ်ငန်းရှင်များအသင်း ညီလာခံ၌ ပြောကြားလိုက်ပါသည်။“အနောက်နိုင်ငံများသည် ရုရှားစီးပွားရေးလုပ်ငန်းများကို ပိတ်ဆို့မှုမျိုးစုံ လုပ်ဆောင်ခဲ့ကြသည်ကို အားလုံးတွေ့မြင်ရမှာ ဖြစ်ပါကြောင်း၊ အဆိုပါ ပိတ်ဆို့မှုမှာ ယာယီမဟုတ်ဘဲ ထိုနိုင်ငံများက အစဉ်တစိုက် ဖန်တီးလာမည့်ကိစ္စကြောင်း၊ ကမ္ဘာ့စီးပွားရေးလွတ်လပ်မှုမှာ ယခင်ကလို မဖြစ်လာနိုင်တော့ပါကြောင်း၊ အနောက်နိုင်ငံများ၏ ရင်းနှီးမြှုပ်နှံမှုကို မယုံကြည်သင့်ကြောင်း” ရုရှားသမ္မတက တက်ရောက်လာသူ ရုရှားလုပ်ငန်းရှင်များကို  ပြောကြားခဲ့ပါသည်။၂၀၂၂ခုနှစ်၊ ဖေဖော်ဝါရီနောက်ပိုင်း  အကြောင်းအမျိုးမျိုးပြကာ စွန့်ခွာသွားကြသော နိုင်ငံခြားကုမ္ပဏီများကို  ပြန်လာရန် အခွင့်အရေး မပေးတော့ကြောင်း၊ ထိုလစ်လပ်သွားသောနေရာတွင် ပြည်တွင်းလုပ်ငန်းရှင်များက  ဝင်ရောက်နေရာယူကာ ပိတ်ဆို့မှုကို အသုံးချကာ  အခက်အခဲများကြားမှ  ပိုမိုခိုင်မာအားကောင်းလာအောင် လုပ်ဆောင်နိုင်ခဲ့သည်ကို  မိမိချီးကျူးပါကြောင်း၊ နောက်ပိုင်းတွင်လည်း အနောက်နိုင်ငံ ကုမ္ပဏီများကို အထူးအခွင့်အရေးပေးတော့မည်မဟုတ်ကြောင်း၊ ရုရှားကုမ္ပဏီများ၏ အကျိုးစီးပွားကိုသာ ဦးစားပေးတော့မည်ဖြစ်ကြောင်း ၎င်းက ထပ်လောင်း ပြောကြားထားပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ကျောက်ဆည်မြို့နယ်၌ ပဲတီစိမ်း (ဆောင်း) သီးနှံ ရိတ်သိမ်းမှုနှင့် ဈေးကွက်
ကျောက်ဆည်မြို့နယ်၌ ပဲတီစိမ်း (ဆောင်း) သီးနှံ ရိတ်သိမ်းမှုနှင့် ဈေးကွက်
မန္တလေးတိုင်းဒေသကြီး ‌ကျောက်ဆည်မြို့နယ်သည် ဆည်ရေသောက်ဒေသဖြစ်၍ လယ်ယာစိုက်ပျိုးရေးလုပ်ငန်းကို လုပ်ကိုင်ကြပြီး သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ပဲတီစိမ်းသီးနှံကို ကျောက်ဆည်မြို့နယ်တွင် ဧက ၂၄၈၀ စိုက်ပျိုးခဲ့ပြီး ၈၉၅ ဧက ရိတ်သိမ်းပြီးဖြစ်ကြောင်း ခရိုင်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရသည်။ပဲတီစိမ်း(ဆောင်း) သီးနှံကို အောက်တိုဘာလနှင့် နိုဝင်ဘာလများတွင် စိုက်ပျိုးကြပြီး ယခုအချိန်တွင် ပဲတီစိမ်းများ ရိတ်သိမ်းလျက်ရှိကြောင်း၊ မျိုးအနေဖြင့် ကျောက်စိမ်းမျိုးနှင့် ရေဆင်း-၁၁ မျိုးများကို  ထွန်ကြောင်းဆွဲ အစေ့ချစနစ်ဖြင့် စိုက်ပျိုးကြပြီး မျိုး၊ သွင်းအားစု၊ လုပ်သားခအပါအဝင် တစ်ဧကလျှင် စုစုပေါင်း ငွေကျပ်သုံးသိန်းခန့် ကုန်ကျကြောင်း၊  အထွက်နှုန်းအနေဖြင့် တစ်ဧကလျှင် ၁၂-၁၃ တင်းခန့် ထွက်ရှိကြောင်း၊ ဈေးကွက်အနေဖြင့် ပဲစိုက်တောင်သူများက ကျောက်ဆည်မြို့ပေါ်ရှိ ပွဲရုံများသို့ တင်ပို့ရောင်းချကြပြီး ပွဲရုံများမှတစ်ဆင့် ရန်ကုန်နှင့် မန္တလေးမြို့များသို့ တင်ပို့ရောင်းချကာ အကျိုးအမြတ်များရရှိကြောင်း ပဲတီစိမ်းစိုက်တောင်သူတစ်ဦး၏ ပြောကြားချက်အရ သိရသည်။Source: မြန်မာ့အလင်းသတင်းစာ 
ပဲကြီး တစ်ဧကလျှင် ၁၂ တင်း ခန့်ထွက်
ပဲကြီး တစ်ဧကလျှင် ၁၂ တင်း ခန့်ထွက်
မန္တလေးတိုင်းဒေသကြီး ကျောက်ဆည်မြို့နယ်ရှိ ကျေးရွာများတွင် လယ်ယာစိုက်ပျိုးရေးလုပ်ငန်းကို လုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာ ပဲကြီးသီးနှံကို ယခင်က လယ်ကန်သင်းရိုးနှင့် မြောင်းဘောင်များတွင် တစ်နိုင်တစ်ပိုင် စိုက်ပျိုးခဲ့ရာ ယခုအချိန်တွင် ယာမြေနှင့် လယ်မြေများတွင် စီးပွားဖြစ် စိုက်ပျိုးလာကြကြောင်း၊ ကျောက်ဆည်မြို့နယ်တွင် ဧက ၁၂၅၀ ခန့် စိုက်ပျိုးထားရှိကြောင်း ခရိုင်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရပြီး ယခုအချိန်တွင် ပဲကြီးသီးနှံများရိတ်သိမ်းလျက်ရှိကြောင်း သိရသည်။ပဲကြီးသီးနှံကို အောက်တိုဘာလနှင့် နိုဝင်ဘာလတို့တွင် စိုက်ပျိုးကြပြီး ဖေဖော်ဝါရီလနှင့် မတ်လတို့တွင် ခူးဆွတ်ရိတ်သိမ်းလျက်ရှိကြောင်း၊ မျိုး၊ မြေပြုပြင်ခ၊ သွင်းအားစု၊ လုပ်သားခအပါအဝင် တစ်ဧကလျှင် စုစုပေါင်း ငွေကျပ် ၁၅၀၀၀၀ ခန့် ကုန်ကျပြီး ပဲကြီးသီးနှံကို ငါးရက်ခြားတစ်ကြိမ် ခူးဆွတ်ရကြောင်း၊ တစ်ကြိမ်လျှင် တစ်တင်းမှ တစ်တင်းခွဲအထိ ခူးဆွတ်ရပြီး တစ်ဧကလျှင် ၁၂ တင်းခန့်ထွက်ရှိကြောင်း၊ ဈေးကွက်အနေဖြင့် ကျောက်ဆည်မြို့ပေါ်ရှိ ပွဲရုံများသို့ တင်ပို့ရောင်းချပြီး ပွဲရုံများမှတစ်ဆင့် ရန်ကုန်နှင့် မန္တလေးမြို့များသို့ တင်ပို့ရောင်းချကြကာ တောင်သူများအနေဖြင့် အကျိုး အမြတ်ရရှိကြောင်း ပဲကြီးစိုက်တောင်သူတစ်ဦးထံမှ သိရသည်။DOCA (မန္တလေး)Source: မြန်မာ့အလင်းသတင်းစာ 
ဘိုကလေးမြို့နယ်တွင် ဒေသထွက် တီလားဗီးယားငါးများ အရောင်းအဝယ်ကောင်းမွန်နေ
ဘိုကလေးမြို့နယ်တွင် ဒေသထွက် တီလားဗီးယားငါးများ အရောင်းအဝယ်ကောင်းမွန်နေ
ဘိုကလေး   မတ် ၁၇ဧရာဝတီတိုင်းဒေသကြီး ဘိုကလေးမြို့နယ်တွင် ဒေသထွက်တီလားဗီးယားငါးများ အရောင်းအဝယ် ကောင်းမွန်နေကြောင်း ဘိုကလေးမြို့နယ် ရေထွက်ကုန်ပစ္စည်းရောင်းဝယ်ရေး ပွဲရုံပိုင်ရှင် ဒေါ်ရီထွန်းက ပြောပြသည်။ဘိုကလေးမြို့နယ် အသားငါးဈေးကွက်တွင် ယခုနှစ် မတ်လပထမပတ်မှ ယနေ့ထိ ဒေသထွက်တီလားဗီးယားငါးများ အရောင်းအဝယ်ကောင်းမွန်နေကြောင်း၊ အဆိုပါ တီလားဗီးယားငါးတစ်ရက်လျှင် ပိဿာချိန် ၇၀၀ မှ ၁၅၀၀ ထိ အရောင်းအဝယ်ဖြစ်နေကြောင်း သိရသည်။“ဒီဘက်ကနေ ရေထွက်ကုန်တွေကို ဒေသဈေးကွက်အပြင် ရန်ကုန်ဈေးကွက်ကိုပဲ အဓိကတင်ပို့ ရောင်းချနေပါတယ်။ ပြင်တွင်းစားသုံးမှုကောင်းလာလို့ အခုလို တီလာဗီးယားငါးတွေ ဝယ်ယူမှု ကောင်းနေတာကြောင့် အရောင်းအဝယ် ကောင်းနေတာပါ။ လက်ရှိ တီလားဗီးယားငါး ပိဿာချိန် တော်တော်များများ အရောင်းအဝယ် ဖြစ်နေပါတယ်။ တီလားဗီးယားငါးပိဿာချိန်တွေ တော်တော်များများ တင်ပို့ရောင်းချနေရတာကြောင့် ရေလုပ်ငန်းရှင်တွေ၊ ကုန်သည်တွေ၊ ရေလုပ်သားတွေ အဆင်ပြေနေပါတယ်” ဟု ဘိုကလေးမြို့နယ် ရေထွက်ကုန်ပစ္စည်းရောင်းဝယ်ရေး ပွဲရုံပိုင်ရှင် ဒေါ်ရီတင့်က ပြောပြသည်။ဘိုကလေးမြို့နယ်တွင် မွေးမြူသည့် တီလားဗီးယားငါးနှင့် သဘာဝအတိုင်း ဖမ်းဆီးရရှိသည့် တီလားဗီးယားငါးများ ထွက်ရှိကြောင်း၊ အဆိုပါ တီလားဗီးယားငါးသက်တမ်းသည် နှစ်လ ၁၅ ရက်သို့မဟုတ် သုံးလခန့် မွေးမြူရကြောင်းး အဆိုပါတီလားဗီးယားငါး တစ်ပိဿာလျှင် ငွေကျပ် ၉၈၀၀ ထိ ပေါက်ဈေးရှိကြောင်း သိရသည်။ကျော်ကျော်လင်းSource: ရတနာပုံသတင်းစာ
© Copyright 2024 SAC All Rights Reserved.