TNLA အကြမ်းဖက်အဖွဲ့၏ စခန်းကုန်း ၁ ခု သိမ်းပိုက်ရရှိ

saceditor

News Image

  • TNLA အကြမ်းဖက်အဖွဲ့၏ စခန်းကုန်း ၁ ခု သိမ်းပိုက်ရရှိ

တပ်မတော်စစ်ကြောင်းများအား နှောင့်ယှက်တိုက်ခိုက်နေသည့် နောင်ချိုမြို့အနီး TNLA အကြမ်းဖက် စခန်းကုန်း ၁ ခု အား မေလ ၆ ရက်နေ့ ညနေပိုင်းအချိန်က တောင်ခမ်းစစ်သည်တော်များက စီးနင်းသိမ်းပိုက်ရရှိခဲ့ကြောင်း သိရသည်။

ဖြစ်စဉ်တွင် တပ်မတော်သား ၂ဦး ထိခိုက်ဒဏ်ရာရရှိပြီး TNLA အကြမ်းဖက်သမား ၂ လောင်း၊ AK-47 သေနတ် ၁ လက်၊ ကျည်အိမ်/ကျည်ဆန်များ၊ လက်ပစ်ဗုံး/မိုင်းများ၊ ကွန်ကရစ်ဘန်ကာ ၂ လုံး၊ သဲအိတ်ဘန်ကာ ၆ လုံး၊ ဆသရမြောင်း ၅၀၀ ပေခန့်၊ ပစ်ကျင်း ၅ ကျင်း၊ Fox Hole ၆ ကျင်း တို့အား သိမ်းပိုက်ရရှိခဲ့သည်။

တပ်မတော်က ငလျင်ဘေး ကူညီရေးနှင့်ပြန်လည်ထူထောင်ရေးအတွက် ယာယီပစ်ခတ်တိုက်ခိုက်မှု ရပ်စဲရေးကာလကို မေလ (၃၁) ရက်နေ့အထိ တိုးမြှင့်ထားသော်လည်း အကြမ်းဖက်အဖွဲ့များက တိုက်ခိုက်လာလျှင် ပြည်သူလူထုကို ကာကွယ်သောအားဖြင့် တုန့်ပြန်ဆောင်ရွက်သွားမည်ဖြစ်ကြောင်း ထုတ်ပြန်ထားသည်။

ကိုးကား-Myanmar National Post

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

အီရန်-အမေရိကန် နျူကလီးယားကိစ္စ ၄ ကြိမ်မြောက် ဆွေးနွေးပွဲ မေ ၁၉ တွင် အိုမန်၌ ပြုလုပ်မည်
အီရန်-အမေရိကန် နျူကလီးယားကိစ္စ ၄ ကြိမ်မြောက် ဆွေးနွေးပွဲ မေ ၁၉ တွင် အိုမန်၌ ပြုလုပ်မည်
အီရန်-အမေရိကန်တို့၏ နျူကလီးယားအစီအစဉ်ဆိုင်ရာ စတုတ္တအကြိမ် ဆွေးနွေးပွဲကို ၂၀၂၅ ခုနှစ်၊ မေလ ၁၉ ရက်တွင် အိုမန်နိုင်ငံတွင် ကျင်းပရန် စီစဉ်ထားကြောင်း၊ အချိန်နှင့်နေရာကို သက်ဆိုင်ရာ အိမ်ရှင်နိုင်ငံက သတ်မှတ်ပေးမည်ဖြစ်ကြောင်း အီရန်နိုင်ငံခြားရေးဝန်ကြီး Abbas Araghchi က ၎င်း၏ Telegram မှတစ်ဆင့် ပြောကြားလိုက်ပါသည်။ကိုးကား-TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 11-မေလ-2025
ပါကစ္စတန်က အပစ်ရပ်ရေး သဘောတူညီချက်ကို ချိုးဖောက်ဟု အိန္ဒိယစွပ်စွဲ
ပါကစ္စတန်က အပစ်ရပ်ရေး သဘောတူညီချက်ကို ချိုးဖောက်ဟု အိန္ဒိယစွပ်စွဲ
အပစ်အခတ်ရပ်စဲရေး သဘောတူညီပြီး နာရီပိုင်းအတွင်း ပါကစ္စတန် သည် ဂျမူးနှင့် ကက်ရှ်မီးယားပြည်နယ်ရှိ ဆရီနာဂါမြို့ရှိ ပစ်မှတ်များကို မောင်းသူမဲ့လေယာဉ်ဖြင့် ပစ်ခတ်တိုက်ခိုက်ခဲ့သည်ဟု အိန္ဒိယက စွပ်စွဲလိုက် ပါသည်။ “အပစ်အခတ်ရပ်စဲရေးက ဘာဖြစ်သွားသနည်း။ ဆရီနာဂါ မှာ ပေါက်ကွဲသံတွေ ကြားလိုက်ရသည်!!!” ဟု ဂျမူးနှင့်ကက်ရှ်မီးယား ဝန်ကြီးချုပ် အိုမာအဘ်ဒူလာ က ၎င်း၏ X မီဒီယာ အကောင့်တွင်ရေးသားခဲ့ပါသည်။ “ထိန်းချုပ်ရေးမျဉ်းတစ်လျှောက် ပစ်ခတ်ခြင်းကို ပါကစ္စတန်တပ်ဖွဲ့များ စနေနေ့ (မေ ၁၀) က ပြုလုပ်ခဲ့ပြီး နာရီပိုင်းအတွင်း အပစ်အခတ်ရပ်စဲရေး သဘောတူညီချက်ကို ချိုးဖောက်ခဲ့သည်။ ထို့နောက် အပြန်အလှန် ပစ်ခတ်မှုများ စတင်ခဲ့ပါသည်” ဟု အိန္ဒိယတူဒေး သတင်းဌာနက စနေနေ့ (မေ ၁၀ ရက်) ညနေပိုင်းတွင် သတင်းထုတ်ပြန်ခဲ့ပါသည်။ “အပစ်အခတ်ရပ်စဲရေး မရှိပါ” ဟု အဘ်ဒူလာက ပြောခဲ့ပြီး “ဆရီနာဂါ မြို့အလယ်တွင် လေကြောင်းရန် ကာကွယ်ရေးတပ်ဖွဲ့များကို အသင့်အနေအထား တပ်လှန့်ထားသည်” ဟု ဆိုပါသည်။ အိန္ဒိယ - ပါကစ္စတန် အပစ်ရပ်ရေးနှင့်ပတ်သက်ပြီး အမေရိကန်သမ္မတ ဒေါ်နယ်ထရမ့်က စနေနေ့ (မေ ၁၀) အစောပိုင်းတွင် “အပစ်အခတ်ရပ်စဲရေး ချက်ချင်းသဘောတူညီခဲ့ကြသည်” ဟု ကြေညာထားပါသည်။ကိုးကား- MNP
Sun, 11-မေလ-2025
အိန္ဒိယက ရုရှားနှင့်ပူးပေါင်း၍ အသံထက်မြန်သော ခရုဇ်ဒုံး ထုတ်လုပ်သည့် စက်ရုံဖွင့်လှစ်
အိန္ဒိယက ရုရှားနှင့်ပူးပေါင်း၍ အသံထက်မြန်သော ခရုဇ်ဒုံး ထုတ်လုပ်သည့် စက်ရုံဖွင့်လှစ်
အိန္ဒိယနိုင်ငံ မြောက်ပိုင်း အက်တာပရာဒေ့ရှ် ပြည်နယ်တွင် ဘရာမို အသံ ထက်မြန်သော ခရုဇ်ဒုံးကျည် ထုတ်လုပ်ရေးစက်ရုံကို ဖွင့်လှစ်လိုက်ပြီဖြစ်ကြောင်း အိန္ဒိယကာကွယ်ရေးဝန်ကြီးဌာန တာဝန်ရှိသူများက ပြောကြား ခဲ့ပါသည်။ ကာကွယ်ရေးဝန်ကြီး ရာဇနတ်သ်ဆင်းဂ်က ဖွင့်လှစ်လိုက်သည့် အဆိုပါစက်ရုံသည် အကွာအဝေး ၂၉၀ - ၄၀၀ ကီလိုမီတာနှင့် အမြန်နှုန်း မက်ချ် ၂.၈ အထိရှိသည့် ကမ္ဘာ့အမြန်ဆုံး အသံထက်မြန်သော ခရုဇ် ဒုံးကျည်များ ထုတ်လုပ်မည်ဖြစ်ကြောင်း ပြောကြားခဲ့ပါသည်၊၊ဘရာမို အာကာသသိပ္ပံ သည် ၂၀၀၅ ခုနှစ်တွင် စတင်ခဲ့သော အိန္ဒိယ - ရုရှား ဖက်စပ်လုပ်ငန်းတစ်ခုဖြစ်ပြီး အိန္ဒိယရှိ ဗြဟ္မပုတ္တရမြစ်နှင့် ရုရှားရှိ မိုစကာဗာမြစ်များကို အစွဲပြု၍ အမည်ပေးထားခြင်းဖြစ်သည်။ အိန္ဒိယ၏ ကာကွယ်ရေး သုတေသနနှင့် ဖွံ့ဖြိုးတိုးတက်ရေးအဖွဲ့သည် ကုမ္ပဏီတွင် ရှယ်ယာ ၅၀.၅% ရှိပြီး ရုရှား မှ ၄၉.၅% ပိုင်ဆိုင်ထားသည်။ ဒုံးပျံများ စမ်းသပ်ခြင်းနှင့် တပ်ဆင်ခြင်းအတွက် အဆိုပါစက်ရုံသည် အရေးကြီးကြောင်း ကာကွယ်ရေးဝန်ကြီးဌာနမှ တာဝန်ရှိသူများက ပြောကြားခဲ့သည်။အဆိုပါ အခမ်းအနားတွင် ကာကွယ်ရေးဆိုင်ရာ ထုတ်ကုန်များကို စမ်းသပ်ရန်နှင့် အသိအမှတ်ပြုရန်အတွက် ယူနစ်တွင်တီထွင်မည့် ကာကွယ်ရေးစမ်းသက်မှု အခြေခံအဆောက်အအုံ ယူနစ် (DTIS) အတွက် အုတ်မြစ်ချခြင်းကိုလည်း တွေ့မြင်ခဲ့ရပါသည်။ လက်ခ်နောင်းရှိ ဘရာမို ထုတ်လုပ်မှုယူနစ်အား ဒေါ်လာ ၃၅ သန်း အကုန်အကျခံ တည်ဆောက်ခဲ့ပြီး သုံးနှစ်ခွဲအတွင်း ပြီးစီးခဲ့ကြောင်း တာဝန်ရှိသူများက ပြောကြားခဲ့ ပါသည်။ အိန္ဒိယစစ်တပ်မှ ထုတ်လုပ်ပြီး ခရုဇ် ဒုံး ၂၅၀ ကို ဝယ်ယူပြီး ကြောင်းလည်း သိရပါသည်။ ဘရာမို ဒုံးကျည်သည် အိန္ဒိယစစ်တပ် လက်နက်တိုက်၏ အရေးကြီးသော အစိတ်အပိုင်းတစ်ခု ဖြစ်လာပြီး ၎င်းသည် မြေပြင်ပစ်မှတ်များကို တိကျ သေချာသော တာဝေးပစ်တိုက်ခိုက်မှုများအတွက် ဒီဇိုင်းထုတ်ထားပြီး ကုန်းမြေ၊ ပင်လယ်နှင့် ရေအောက် ခြိမ်းခြောက်မှုများကို ထိတွေ့ကိုင်တွယ်နိုင်မည်ဖြစ်သည်။ကိုးကား- MNP
Sun, 11-မေလ-2025
တာတိုပစ်ပဲ့ထိန်းဒုံးစမ်းသပ်ပစ်ခတ်မှုကို ခေါင်းဆောင် ကင်ဂျုံအန် ကြီးကြပ် ဆောင်ရွက်
တာတိုပစ်ပဲ့ထိန်းဒုံးစမ်းသပ်ပစ်ခတ်မှုကို ခေါင်းဆောင် ကင်ဂျုံအန် ကြီးကြပ် ဆောင်ရွက်
မြောက်ကိုရီးယားက တာတိုပစ်နှင့် တာဝေးပစ်ပဲ့ထိန်းဒုံး ပူးတွဲပစ်ခတ် လေ့ကျင့်မှုတစ်ရပ်ကို မေလ ၈ ရက်နေ့တွင် လုပ်ဆောင်ခဲ့ပြီး ခေါင်းဆောင် ကင်ဂျုံအန်က ကြီးကြပ်ဆောင်ရွက်ခဲ့ကြောင်း အာဏာရအလုပ်သမားပါတီ၏ သတင်းစာတွင် ရေးသားဖော်ပြခဲ့ပါသည်။အဆိုပါပစ်ခတ်စမ်းသပ်မှုတွင် ၆၀၀ မီလီမီတာ အတွဲလိုက်ပစ်ဒုံးစနစ်နှင့် Hwasong –11-Ka အမျိုးအစား တာတိုပစ် ပဲ့ထိန်းဒုံးများ ပါဝင်ပစ်ခတ်လေ့ကျင့်ခဲ့ကြကြောင်း၊ ယခုလေ့ကျင့်မှုသည် နျူကလီးယားလက်နက် တုံ့ပြန်တိုက်ခိုက်ရာတွင် မြောက်ကိုရီးယားစစ်သည်များအနေဖြင့် လုပ်ဆောင်ဖွယ်ရာများနှင့် လုပ်ငန်းစဉ်အဆင့်ဆင့် ကို လျင်မြန်စွာ ဆောင်ရွက်နိုင်စေရန် ရည်ရွယ်လုပ်ဆောင်ခြင်းဖြစ်ကြောင်းကိုလည်း ရေးသားဖော်ပြခဲ့သည်။ခေါင်းဆောင် ကင်က စစ်မက်တားဆီးရေးနှင့် စစ်မက်မဟာဗျူဟာတို့တွင် နျူကလီးယားတပ်ဖွဲ့၏ ပဓာနကျသည့် အခန်းကဏ္ဍကို ပုံမှန်တိုးတက်လုပ်ဆောင်ရန် လိုအပ်ကြောင်းနှင့် နျူကလီးယားတပ်ဖွဲ့အနေဖြင့် သမားရိုးကျစစ်ပွဲများအတွက်လည်း တိုက်ပွဲဝင်အသင့်ဖြစ်ရန် လိုအပ်ကြောင်း အလေးအနက်ထား ပြောကြားခဲ့သည်။အဆိုပါလေ့ကျင့်မှုနှင့်ပတ်သက်၍ “မြောက်ကိုရီးယားက တာတိုပစ်အတွဲလိုက် ပဲ့ထိန်းဒုံးများကို ဂျပန်ပင်လယ် အတွင်းသို့ စမ်းသပ်ပစ်လွှတ်ခဲ့ကြောင်း၊ ယခုစမ်းသပ်မှုသည် ရုရှားနိုင်ငံသို့ လက်နက်များ မတင်ပို့မီ စွမ်းဆောင်ရည် စမ်းသပ်လုပ်ဆောင်မှုတစ်ရပ်ဖြစ်နိုင်ကြောင်း” တောင်ကိုရီးယားစစ်ဘက်က မေလ (၈) ရက်နေ့တွင် ပြောကြားခဲ့မှု ကို NHK သတင်းစာမျက်နှာတွင် ရေးသားဖော်ပြထားပါသည်။အလွတ်သဘောဘာသာပြန်သူ-ဦးထက်ထက်အောင်၊ နစက-၄
Fri, 9-မေလ-2025
ဒိန်းမတ်က အမေရိကန်သံတမန်အား ဆင့်ခေါ်၍ “အမေရိကန်က ဂရင်းလန်း ကျွန်းအပေါ် သူလျှိုလှုပ်ရှားမှုများ တိုးမြှင့်လာခြင်း” ကိစ္စကို ဆွေးနွေးမည်
ဒိန်းမတ်က အမေရိကန်သံတမန်အား ဆင့်ခေါ်၍ “အမေရိကန်က ဂရင်းလန်း ကျွန်းအပေါ် သူလျှိုလှုပ်ရှားမှုများ တိုးမြှင့်လာခြင်း” ကိစ္စကို ဆွေးနွေးမည်
ဒိန်းမတ်နိုင်ငံခြားရေးဝန်ကြီး Lars Løkke Rasmussen က မေ ၇ ရက်တွင် ၎င်းအနေဖြင့် ဒိန်းမတ် နိုင်ငံ ဆိုင်ရာ အမေရိကန်သံရုံး တာဝန်ရှိပုဂ္ဂိုလ်အားဆင့်ခေါ်၍ အမေရိကန်က ဒိန်းမတ်ကိုယ်ပိုင် အုပ်ချုပ်ခွင့်ရ နယ်မြေ ဂရင်းလန်းကျွန်းတွင် သူလျှိုနှင့်ထောက်လှမ်းရေးလှုပ်ရှားမှုများ လုပ်ဆောင်ရန် စီစဉ်ထားသည် ဟူသော အမေရိကန်မီဒီယာများ၏ သတင်းဖော်ပြချက်အကြောင်း ဆွေးနွေးသွားမည်ဖြစ်ကြောင်း ပြောကြားခဲ့သည်။သတင်းအရင်းအမြစ်ပုဂ္ဂိုလ်နှစ်ဦး၏ ပြောကြားချက်အရ အမေရိကန်သည် ဂရင်းလန်းကျွန်းနှင့် ပတ်သက်၍ သတင်းအချက်အလက် စုဆောင်းမှုလုပ်ငန်းအား မြှင့်တင်လုပ်ဆောင်လျက်ရှိကြောင်း၊ အမေရိကန်သူလျှို အဖွဲ့အစည်းကို သမ္မတထရမ့်က အဆိုပါကျွန်းအား “လက်လွှဲရယူသည့်” လှုပ်ရှားမှုအတွင်း ထည့်သွင်း ထားကြောင်း အမေရိကန် “The Wall Street Journal” က မေ ၆ ရက်တွင် သတင်းဖော်ပြထားသည်။အဆိုပါသတင်းဖော်ပြချက်ကို ဖတ်ရှုပြီးနောက် ၎င်းအနေဖြင့် များစွာပူပန်ပြီး အထူးဂရုပြုမိကြောင်း၊ အဘယ်ကြောင့်ဆိုသော် “မိတ်ဖက်များအကြားမှာ သူလျှိုလှုပ်ရှားမှု မလုပ်ဆောင်သင့်” ကြောင်း Lars Løkke Rasmussen က ဒိန်းမတ်ရေဒီယို (DR) ကို ပြောကြားခဲ့သည်။လက်ရှိတွင် အဆိုပါသတင်းအကြောင်းအရာ၏ စစ်မှန်မှုကို အတည်ပြုနိုင်ခြင်း မရှိသေးကြောင်း၊ သို့သော်လည်း အမေရိကန်ဘက်က သက်ဆိုင်ရာသတင်းနှင့်စပ်လျဉ်း၍ အတိအလင်းငြင်းဆိုမှု မလုပ်သေးကြောင်း၊ ယင်းကြောင့် ၎င်း၏ပူပန်မှုကို တစ်ဆင့်တိုးစေကြောင်း၊ ထို့အတွက် ၎င်းသည် ဒိန်းမတ်နိုင်ငံဆိုင်ရာ အမေရိကန်သံရုံး တာဝန်ရှိပုဂ္ဂိုလ်အား ဆင့်ခေါ်တွေ့ဆုံသွားမည်ဖြစ်ကြောင်း ၎င်းက ပြောကြားခဲ့သည်။“ဒိန်းမတ်၏ ရင်းနှီးသည့်မဟာမိတ်တစ်ဦးက ထောက်လှမ်းရေးလှုပ်ရှားမှု၊ ဩဇာလွှမ်းမိုးမှုတိုးချဲ့သည့် နည်းဖြင့် ဒိန်းမတ်ဘုရင်နိုင်ငံ၏ စည်းလုံးညီညွတ်မှုကို ဖျက်ဆီးရန်၊ ယုတ်စွအဆုံး ဂရင်းလန်းကျွန်းကို လက်လွှဲရယူရန် စဉ်းစားနေသည်ဆိုပါက ဒါကအရမ်းကိုဆိုးရွားပါသည်” ၊ အမေရိကန်၏ အဆိုပါ ကြိုးပမ်းမှုသည် “ဘယ်လိုမှ အောင်မြင်နိုင်သည့် ဖြစ်နိုင်ခြေရှိပါသည်” ဟု မယူဆကြောင်း Lars Løkke Rasmussen က ပြောကြား ခဲ့သည်။အမေရိကန်မီဒီယာ၏ အဆိုပါသတင်းဖော်ပြချက်ကလည်း ဂရင်းလန်းကျွန်း၌ ဆွေးနွေးမှုများ ဖြစ်စေခဲ့သည်။ ဂရင်းလန်းကျွန်း ကိုယ်ပိုင်အုပ်ချုပ်ခွင့်ရနယ်မြေလွှတ်တော် နိုင်ငံခြားရေးနှင့် လုံခြုံရေးမူဝါဒကော်မတီဥက္ကဋ္ဌ Pipaluk Lynge က DR တွေ့ဆုံမေးမြန်းမှုကို ဖြေကြားရာ၌ ဂရင်းလန်းကျွန်း မြို့တော် Nuuk အခြေစိုက် အမေရိကန် ကောင်စစ်ဝန်ချုပ်ရုံးအား ပိတ်ပစ်ရန် စဉ်းစားသင့်ကြောင်း ပြောကြားခဲ့သည်။ ဂရင်းလန်းကျွန်းသည် မြောက်အမေရိကတိုက် အရှေ့မြောက်ပိုင်းတွင်တည်ရှိပြီး ကမ္ဘာ့အကြီးဆုံးကျွန်း ဖြစ်သည်။ အဆိုပါကျွန်းသည် ဒိန်းမတ်နိုင်ငံ၏ ကိုယ်ပိုင်အုပ်ချုပ်ခွင့်ရနယ်မြေဖြစ်ပြီး အလွန်မြင့်မားသော ကိုယ်ပိုင် အုပ်ချုပ်ခွင့်ရှိကာ ကာကွယ်ရေးနှင့် နိုင်ငံခြားရေးကိစ္စရပ်များကို ဒိန်းမတ်အစိုးရက တာဝန်ယူစီမံခန့်ခွဲလျက် ရှိသည်။အမေရိကန်သည် လက်ရှိတွင် ဂရင်းလန်းကျွန်း၌ အဓိက စစ်တပ်အခြေစိုက်စခန်းတစ်ခုရှိသည်။ ယမန်နှစ် အမေရိကန်နိုင်ငံ သမ္မတ ရွေးကောက်ပွဲပြီးနောက် အမေရိကန် သမ္မတ ထရမ့်သည် ဂရင်းလန်းကျွန်း ထိန်းချုပ်ခွင့်အား ရယူလိုသည့် ပြင်းပြသောဆန္ဒကို အကြိမ်များစွာ ထုတ်ဖော်ပြောကြားခဲ့သည့်အပြင် “စစ်ရေး သို့မဟုတ် စီးပွားရေးအရ အကျပ်ကိုင်မှု” နည်းလမ်းဖြင့် အဆိုပါကျွန်း၏ထိန်းချုပ်ခွင့်အား ရယူမည့် ဖြစ်နိုင်ခြေကိုလည်း ဖယ်ရှားထား၍မရကြောင်းလည်း ပြောကြားခဲ့သည်။ ကိုးကား- Xinhua
Fri, 9-မေလ-2025
အမေရိကန်မပါဝင်ဘဲ ယူကရိန်းပဋိပက္ခ ဖြေရှင်းနိုင်မည် မထင်ကြောင်း ဂျာမန်ဝန်ကြီးချုပ် ပြောကြား
အမေရိကန်မပါဝင်ဘဲ ယူကရိန်းပဋိပက္ခ ဖြေရှင်းနိုင်မည် မထင်ကြောင်း ဂျာမန်ဝန်ကြီးချုပ် ပြောကြား
အမေရိကန်၏ နိုင်ငံရေးနှင့်စစ်ရေးအရ ဆက်လက်ပံ့ပိုးမှု မပါဝင်ဘဲ ယူကရိန်းပဋိပက္ခကို အဆုံးသတ်နိုင်မည်မဟုတ်ပါ ဟု ဂျာမန် ဝန်ကြီးချုပ် Friedrich Merz က ပြင်သစ်သမ္မတ Emmanuel Macron နှင့် ပူးတွဲပြုလုပ်သောသတင်းစာရှင်းလင်းပွဲတွင် ထုတ်ဖော် ပြောကြားလိုက်ပါသည်။ "လက်ရှိအခြေအနေတွင် ဥရောပသားများအနေဖြင့် ထိုနေရာကို အစားထိုးနိုင်စွမ်း မရှိသေးပါ။ ဥရောပသားများအနေဖြင့် ငြိမ်းချမ်းရေးဖြစ်စဉ်အတွက် ပံ့ပိုးမှုများ ဆောင်ရွက်ပေးရန်အဆင်သင့်ရှိပါသည်။အမေရိကန်အနေဖြင့် NATO အဖွဲ့ဝင်အနေဖြင့် လည်းကောင်း၊ ယူကရိန်းနှင့်ပတ်သက်ပြီး တာဝန်ရှိသူအနေဖြင့်လည်းကောင်း ဆက်လက် ပါဝင်ဆောင်ရွက်ရန် မိမိတို့မျှော်လင့်ပါသည်” ဟု Merz က ထပ်လောင်း ပြောကြားခဲ့ပါသည်။ကိုးကား-TASSPhoto: Britannicaဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
Fri, 9-မေလ-2025
© Copyright 2024 SAC All Rights Reserved.