နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား) မှ ငြိမ်းချမ်းရေးကိုယ်စားလှယ်အဖွဲ့အား လက်ခံတွေ့ဆုံ

saceditor

News Image

  • နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား) မှ ငြိမ်းချမ်းရေးကိုယ်စားလှယ်အဖွဲ့အား လက်ခံတွေ့ဆုံ

နေပြည်တော် မေ ၂၅

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား)မှ ငြိမ်းချမ်းရေးနှင့်စည်းလုံးရေးကော်မတီ ဒုတိယဥက္ကဋ္ဌ ဦးစန်ပေ့ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့အား ယနေ့နံနက်ပိုင်းတွင် တြိဂံဒေသတိုင်းစစ်ဌာနချုပ်၊ ရွှေတြိဂံရိပ်သာ၌ လက်ခံတွေ့ဆုံသည်။

အဆိုပါတွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်အတူ ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးကျော်စွာလင်းနှင့် ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ တက်ရောက်ကြပြီး အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား) မှ ငြိမ်းချမ်းရေးနှင့် စည်းလုံးရေးကော်မတီဒုတိယဥက္ကဋ္ဌ ဦးစန်ပေ့နှင့်အတူ ဒုတိယဥက္ကဋ္ဌ ဦးဆန်လူ၊ ဦးကြည်မြင့်နှင့် တာဝန်ရှိသူများတက်ရောက်ကြသည်။

ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား) မှ ဒုတိယဥက္ကဋ္ဌ ဦးစန်ပေ့နှင့်အဖွဲ့ဝင်များအား ရင်းရင်းနှီးနှီးနှုတ်ဆက်သည်။

အပြည့်အစုံဖတ်ရှုရန်- https://www.moi.gov.mm/news/70388

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေဟု အစိုးရအား ဗြိတိန်ပြည်သူ ထောင်ပေါင်းများစွာက ဆန္ဒပြ
ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေဟု အစိုးရအား ဗြိတိန်ပြည်သူ ထောင်ပေါင်းများစွာက ဆန္ဒပြ
ဗြိတိန်နိုင်ငံရှိ လေဘာအစိုးရသည် ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေသည်ဟု ယင်းနိုင်ငံပြည်သူ ထောင်ပေါင်းများစွာက လန်ဒန်မြို့လယ်သို့ ချီတက်ဆန္ဒပြခဲ့ကြောင်း သိရသည်။ဗြိတိန်ပြည်သူများသည် အဆိုပါချီတက် ဆန္ဒပြမှုကို ဇွန်လ ၇ ရက်တွင် လုပ်ဆောင်ခဲ့ခြင်းဖြစ်ပြီး ဆန္ဒပြသူများတွင် ကုန်သွယ်ရေး သမဂ္ဂအဖွဲ့များ၊ စည်းရုံးလှုံ့ဆော်သူများ၊ နိုင်ငံတစ်ဝန်းမှ တက်ကြွလှုပ်ရှားသူများ ပါဝင်သည်။အစိုးရအနေဖြင့် ကာကွယ်ရေးအသုံးစရိတ် တိုးမြှင့်နေစဉ် ကာလအတွင်း လူမှုဖူလုံရေး ဝန်ဆောင်မှုများအတွက် အသုံးစရိတ်ဖြတ်တောက်မှုများအား စွန့်လွှတ်ရန် ဆန္ဒပြသူများက အစိုးရအား တောင်းဆိုခဲ့သည်။ထို့ပြင် ဆန္ဒပြသူများက   ဝန်ကြီးချုပ် ကီယာစတားမား၏ မူဝါဒများကို ပြစ်တင်ရှုတ်ချခဲ့ပြီး  ၎င်း၏စစ်လိုလားသည့် ပြောဆိုမှုများနှင့် ခြိမ်းခြောက်မှုဟူသော ပြောဆိုမှုများသည် နိုင်ငံအတွင်းရှိ ပြည်သူများ၏ လူမှုဖူလုံရေး အသုံးစရိတ်လျှော့ချမှုအတွက် အကြောင်းပြချက်များသာဖြစ်ကြောင်း စွပ်စွဲခဲ့ကြောင်း သိရသည်။MWD Web Portal
Mon, 9-Jun-2025
အမေရိကန်နှင့် တရုတ်နိုင်ငံတို့ကြား ကုန်သွယ်ရေး ဆွေးနွေးပွဲတစ်ရပ်ကို လန်ဒန်မြို့၌ ကျင်းပမည်
အမေရိကန်နှင့် တရုတ်နိုင်ငံတို့ကြား ကုန်သွယ်ရေး ဆွေးနွေးပွဲတစ်ရပ်ကို လန်ဒန်မြို့၌ ကျင်းပမည်
အမေရိကန်နှင့် တရုတ်နိုင်ငံတို့ကြား ကုန်သွယ်ရေးဆိုင်ရာ ဆွေးနွေးပွဲတစ်ရပ်ကို ဗြိတိန်နိုင်ငံ  လန်ဒန်မြို့၌  ဇွန်လ ၉ တွင် ကျင်းပမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့ကြောင်း သိရသည်။အဆိုပါ  ဝန်ကြီးအဆင့်ဆွေးနွေးပွဲကို အမေရိကန်နှင့်   တရုတ်နိုင်ငံတို့ကြား ကုန်သွယ်ရေးတင်းမာနေစဉ် ကျင်းပခြင်းဖြစ်ပြီး ၎င်းဆွေးနွေးပွဲသို့ အမေရိကန်ဘဏ္ဍာရေး ဝန်ကြီး စကော့ဘက်ဆန့်၊ ကူးသန်းရောင်းဝယ်ရေး ဝန်ကြီး ဟောင်းဝပ်လက်နစ်၊ အမေရိကန်ကုန်သွယ်ရေး စေ့စပ်ညှိနှိုင်းသူ ဂျမီဆင်ဂရီးယားတို့က တရုတ်ကိုယ်စားလှယ် အဖွဲ့နှင့်   တွေ့ဆုံဆွေးနွေးမည်ဖြစ်သည်။အဆိုပါ  တွေ့ဆုံဆွေးနွေးပွဲသည် နှစ်နိုင်ငံကြား လက်သင့်ခံနိုင်လောက်သည့် ရလဒ်များကို ထွက်ပေါ်လာစေနိုင်မည်ဟု ယုံကြည်ကြောင်း ထရမ့်က ဇွန်လ ၆ ရက်တွင် ပြောသည်။ဗြိတိန်နိုင်ငံ လန်ဒန်မြို့တွင် ကျင်းပမည့် နှစ်နိုင်ငံကြား ကုန်သွယ်ရေးဆွေးနွေးပွဲ၌ မြေရှားသတ္တုကဏ္ဍနှင့် စပ်လျဉ်း၍ အဓိကဦးစားပေး  ဆွေးနွေးမည်ဖြစ်ကြောင်း ထရမ့်၏ ကုန်သွယ်ရေးဆိုင်ရာ အကြံပေး ပီတာနာဗာရိုက   ပြောကြားခဲ့ကြောင်း သိရသည်။MWD Web Portal
Sun, 8-Jun-2025
မက်ခရွန်က နိုင်ငံ၏ ဘဏ္ဍာအားလုံးကို ယူကရိန်းနိုင်ငံအတွက်  အသုံးပြုလျက်ရှိဟုဆို
မက်ခရွန်က နိုင်ငံ၏ ဘဏ္ဍာအားလုံးကို ယူကရိန်းနိုင်ငံအတွက်  အသုံးပြုလျက်ရှိဟုဆို
ပြင်သစ်သမ္မတ အီမန်နျူရယ်မက်ခရွန်သည် နိုင်ငံ၏ ဘဏ္ဍာအားလုံးကို ယူကရိန်းနိုင်ငံအတွက်  အသုံးပြုလျက်ရှိကြောင်း ပြင်သစ်နိုင်ငံရေး ပါတီကြီးတစ်ခုဖြစ်သည့် မျိုးချစ်သူများပါတီမှ ခေါင်းဆောင်ဖလော်ရီယန်း ဖိလစ်ပေါ့က ပြောကြားလိုက်သည်။သမ္မတမက်ခရွန်သည်    နိုင်ငံ့ဘဏ္ဍာအားလုံးကို ယူကရိန်းနိုင်ငံအတွက် အသုံးပြုလျက်ရှိရာ ပြင်သစ်တပ်မတော်အတွက် ဘဏ္ဍာငွေကြေးများ မကျန်တော့ကြောင်း၊ မက်ခရွန်သည်   ဘဏ္ဍာငွေသုံးစွဲမှုတွင် လိမ်ညာနေသည်မှာ  ကြာမြင့်နေပြီဖြစ်ကြောင်း ဖလော်ရီယန်းဖိလစ်ပေါ့က ၎င်း၏ တွစ်တာဝက်ဆိုက်တွင်  ဇွန်လ ၆ ရက်က ရေးသားဖော်ပြခဲ့ကြောင်း သိရသည်။ဘဏ္ဍာငွေကြေး ပြတ်လပ်မှုကြောင့် ပြင်သစ်တပ်မတော်၏   အခြေအနေမှာ ယခင်ကထက်  ပိုမိုဆိုးရွားလာလျက်ရှိကြောင်း ၎င်းကဆက်လက် ဖော်ပြသည်။ထို့ပြင် ယူကရိန်းနိုင်ငံသည် ရုရှားနှင့် ၎င်းတို့ကြား ဖော်ဆောင်သည့် ငြိမ်းချမ်းရေး လုပ်ငန်းစဉ်အားလုံးကို   အဟန့်အတားပြုနိုင်ရန်  ကြိုးပမ်းလျက်ရှိပြီး လက်ရှိတွင် ယူကရိန်းနိုင်ငံသည် ပြင်သစ်နိုင်ငံ တစ်နိုင်ငံတည်းမှ ယူရို သန်း ၂၀၀ ကို လက်ခံရရှိပြီး ဖြစ်ကြောင်း ဖလော်ရီယန်း ဖိလစ်ပေါ့က ၎င်း၏ တွစ်တာဝက်ဆိုက်တွင် ဆက်လက် ရေးသားထားသည်။ပြင်သစ်နိုင်ငံအတွင်း၌ ကျန်းမာရေး စောင့်ရှောက်မှုအတွက် ကုန်ကျစရိတ်များ မြင့်တက်မှုနှင့် အခွန်တိုးမြှင့်ကောက်ခံမှုတို့ ဖြစ်ပွားနေစဉ် ပြင်သစ်အစိုးရက ယူကရိန်းနိုင်ငံသို့ ငွေကြေးထပ်မံ ထောက်ပံ့ခြင်းသည်   လက်သင့်ခံနိုင်ဖွယ် မရှိဟု ၎င်းကဆက်လက် ပြောကြားခဲ့ကြောင်း သိရသည်။MWD Web Portal
Sun, 8-Jun-2025
Trump နှင့် Elon Musk ပြန်လည်ပေါင်းစည်းရေးအကြောင်းကို Medvedev က ဟာသလုပ်
Trump နှင့် Elon Musk ပြန်လည်ပေါင်းစည်းရေးအကြောင်းကို Medvedev က ဟာသလုပ်
ရုရှား လုံခြုံရေးကောင်စီ ဒုတိယဥက္ကဋ္ဌ Dmitry Medvedev က သင့်လျော်သောအခကြေးငွေဖြင့် ထရမ့်နှင့် အီလွန်မက်ကြား သင့်မြတ်ရေး စေ့စပ်ပေးရန် မော်စကိုက အဆင်သင့်ရှိကြောင်း ပြောသည်။ “ဒေါ်နယ် ထရမ့် နှင့် အီလွန်မက်တို့ကြား ငြိမ်းချမ်းရေး သဘောတူညီချက်ရရှိရန် မိမိတို့သည် တရားဝင်ကြေးတစ်ရပ်ဖြင့် စေ့စပ်ပေးရန် အဆင်သင့်ဖြစ် နေပါသည်။ ငွေပေးချေမှုအဖြစ် Starlink ရှယ်ယာများကို လက်ခံမည်။ ရန်ဖြစ်ခြင်းကို ရပ်တန့်ပါ!” ဟု ရုရှား လုံခြုံရေးကောင်စီ ဒုတိယဥက္ကဋ္ဌ Dmitry Medvedev က ဇွန်လ ၆ ရက်နေ့တွင် X တွင် ရေးသားခဲ့သည်။Starlink သည် အီလွန်မက်၏ SpaceX ကုမ္ပဏီမှ ဖွံ့ဖြိုးဆဲ ဂြိုဟ်တု အင်တာနက် စီမံကိန်းဖြစ်သည်။ အမေရိကန် ဘီလီယံနာ အီလွန်မက်က ထိုပိုစ့်ကို ရီရီမောမောဖြင့် တုံ့ပြန်ခဲ့ပြီး သမ္မတ ထရမ့် ကမူ ရုရှား လုံခြုံရေး ကောင်စီ ဒုတိယဥက္ကဋ္ဌ၏ ထုတ်ပြန်ချက်ကို မှတ်ချက်မပြုသေးပါ။အမေရိကန်သမ္မတ ထရမ့်နှင့် အီလွန်မက်တို့သည် ယခင်က မဟာမိတ် များဖြစ်သော်လည်း ထရမ့်က အခွန် ၄.၅ ထရီလီယံ လျှော့ချရေး အစီအစဉ်ကို အားပေးစည်းရုံးခဲ့စဉ် မက်က ကန့်ကွက်ခဲ့သည့်အချိန်မှစ၍ ဆက်ဆံရေး ပျက်ပြားခဲ့သည်။ ထို့နောက် နှစ်ဦးစလုံးသည် လူမှု ကွန်ရက် ပေါ်တွင် တစ်ဦး၏ကိုယ်ရေးကိုယ်တာ အကြောင်းအရာများကို ထောက်ပြ ကာ အပြင်းအထန် အငြင်းပွားခဲ့ကြသည်။ရုရှားအရာရှိများက အငြင်းပွားမှုနှင့်ပတ်သက်၍ မှတ်ချက်များ ပြုလုပ်ခဲ့ကြသည်။ ရုရှားနိုင်ငံတော်ဒူမား၏ နိုင်ငံခြားရေးကော်မတီ ပထမ ဒုတိယ ဥက္ကဋ္ဌ Dmitry Novikov က အမေရိကန်ဘီလီယံနာ အီလွန်မက် လိုအပ်ပါက မော်စကိုမှ ခိုလှုံခွင့်ပေးရန် အဆင်သင့်ရှိကြောင်း ပြောကြားခဲ့သည်။ “မက်သည် လုံးဝကွဲပြားသော ဂိမ်းကိုကစားနေပြီး နိုင်ငံရေးခိုလှုံခွင့် မလိုအပ်ဟု မိမိထင်ပါသည်။ သို့သော် အကယ်၍ ၎င်းအနေဖြင့် တကယ် လိုအပ်ပါက ရုရှားနိုင်ငံက ခိုလှုံခွင့်ပေးနိုင်ပါသည်” ဟု Novikov က အီလွန်မက် အား Edward Snowden ကဲ့သို့ ခိုလှုံခွင့် ပေးနိုင်မည်လားဟူသော မေးခွန်းကို တုံ့ပြန်သည့်အနေဖြင့် ပြောကြားခဲ့သည်။“မိမိတို့အားလုံး ငြိမ်းချမ်းစွာ အတူနေထိုင်နိုင်ရန် အဘယ်ကြောင့် မဖြစ်နိုင်ရမည်နည်း” ဟု ရုရှားနိုင်ငံ၏ အချုပ်အခြာအာဏာပိုင် ရန်ပုံငွေ RDIF ၏ CEO နှင့် သမ္မတပူတင်နှင့် နီးစပ်သူ Kirill Dmitriev က ၁၉၉၁ ခုနှစ်တွင် လော့စ်အိန်ဂျလိစ်ရဲများက ရိုက်နှက်မှုကြောင့် ကျော်ကြားလာခဲ့သော အာဖရိကန်-အမေရိကန် နိုင်ငံသား Rodney King ၏ နာမည်ကျော် စကားကို ကိုးကား၍ X တွင် ရေးသားခဲ့သည်။RDIF အမှုဆောင်များက မက်၏ AI ချက်ဘော့ Grok အား မက်နှင့် အမေရိကန်သမ္မတကြား ပဋိပက္ခနှင့်ပတ်သက်၍ မည်သို့ဆောင်ရွက်သင့်သည်ကို မေးမြန်းခဲ့သည်။ Grok က သီးသန့်ဆွေးနွေးပွဲများနှင့် အများပြည်သူသို့ တောင်းပန်ခြင်းတို့ကို အကြံပြုခဲ့သော်လည်း ပဋိပက္ခ၏ အဆင့်သည် လက်ရှိအချိန်တွင် သင့်မြတ်ရေး ဖြစ်နိုင်ခြေနည်းကြောင်း ဖြေကြားခဲ့သည်။အီလွန်မက်သည် ရုရှားပြည်သူများ၏ အထူးစိတ်ဝင်စားမှုကို ရရှိထားသော ကော့တေးလ်ကဲ့သို့ ပုဂ္ဂိုလ်တစ်ဦးဖြစ်သည်။ ၎င်းသည် ရုရှား နှင့် ယူကရိန်းပဋိပက္ခတွင် ယူကရိန်းကို စစ်ရေးအကူအညီပေးရန် ကန့်ကွက်ခဲ့ပြီး ကိယက်ဗ်အစိုးရအား အကြိမ်ကြိမ် အဂတိလိုက်စားမှုဖြင့် စွပ်စွဲခဲ့သော်လည်း၊ ယခင်ကခြိမ်းခြောက်ခဲ့သကဲ့သို့ ယူကရိန်းသို့ Starlink ဂြိုဟ်တုကွန်ရက်ဝန်ဆောင်မှုကို ဖြတ်တောက်ခြင်း မပြုခဲ့ပေ။ ရုရှား အာကာသ အေဂျင်စီ Roscosmos ၏ ယခင်အကြီးအကဲဖြစ်ပြီး အာကာသ နယ်ပယ်တွင် မက်၏ ပြိုင်ဘက်ဖြစ်ခဲ့သူ Dimitry Rogozin က မက်အား “အမေရိကန်ကို စွန့်ခွာပြီး ရုရှားဘက်မှ တိုက်ပွဲဝင်ရန်” ဖိတ်ခေါ်ခဲ့သည်။“စိတ်မညစ်ပါနဲ့ မက်ရေ! ရုရှားမှာ မင်းကို လေးစားကြတယ်။ အမေရိကန်မှာ မဖြေရှင်းနိုင်သည့် ပြဿနာတွေရှိရင် ငါတို့ဆီလာပါ၊ Bars-Sarmat တိုက်ခိုက်ရေးသမား တစ်ယောက်ဖြစ်လာပါ” ဟု လက်ရှိတွင် ရုရှား ထိန်းချုပ်ထားသော ယူကရိန်းနယ်မြေများတွင် လုပ်ဆောင်နေသည့်Bars-Sarmat အထူးတပ်ဖွဲ့၏ ခေါင်းဆောင် Rogozin က X တွင် ရေးသားခဲ့သည်။ထိုအတောအတွင်း ကရင်မလင်၏ ပြောရေးဆိုခွင့်ရှိသူ Dmitry Peskov က အဆိုပါကိစ္စနှင့်ပတ်သက်၍ မှတ်ချက်ပြုရန် တောင်းဆိုမှုအား ငြင်းဆိုခဲ့သည်။ “ဒါက အမေရိကန်၏ ကိုယ်ပိုင်ကိစ္စဖြစ်ပြီး မိမိတို့သည် ဝင်ရောက် စွက်ဖက်ရန် ရည်ရွယ်ချက်မရှိပါ။ အမေရိကန်သမ္မတသည် အဆိုပါ ကိစ္စကို ၎င်းဘာသာ ကိုင်တွယ်နိုင်မည်ဟု မိမိတို့ယုံကြည်ပါသည်” ဟု Peskov ကပြောကြားခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sat, 7-Jun-2025
အီရန်က အမေရိကန်၏ ဗုံးကြဲမည့် ခြိမ်းခြောက်မှုကို ရုရှားက ပယ်ချသည့်အပေါ် အတူပူးပေါင်းဆောင်ရွက်ရန် အသိအမှတ်ပြုခဲ့
အီရန်က အမေရိကန်၏ ဗုံးကြဲမည့် ခြိမ်းခြောက်မှုကို ရုရှားက ပယ်ချသည့်အပေါ် အတူပူးပေါင်းဆောင်ရွက်ရန် အသိအမှတ်ပြုခဲ့
အီရန်လွှတ်တော်၏ အမျိုးသားလုံခြုံရေးနှင့် နိုင်ငံခြားရေး မူဝါဒ ကော်မတီဝင် ဝါရင့်အမတ် Abolfazl Zohrevand က အီရန်၏ နျူကလီးယားအစီအစဉ်နှင့်ပတ်သက်၍ အမေရိကန်၏ ခြိမ်းခြောက်မှု များကို ရုရှားက ရှုတ်ချသည့်အတွက် ကျေးဇူးတင်ရှိကြောင်း ထုတ်ဖော် ပြောကြားခဲ့သည်။ RT နှင့်သီးသန့်အင်တာဗျူးတစ်ခုတွင် ၎င်းက ဝါရှင်တန်သည် တီဟီရန်ကို “မုသားကျော့ကွင်း” ဆီသို့ ဆွဲဆောင်ရန် ကြိုးစားနေကြောင်း ဆိုသည်။နှစ်နိုင်ငံသည် ဧပြီလတွင် အိုမန်နိုင်ငံ၌ ညှိနှိုင်းဆွေးနွေးမှုများ စတင်ခဲ့ပြီး အမေရိကန်သမ္မတ ဒေါ်နယ်ထရမ့်က အီရန်အနေဖြင့် “သဘောတူညီချက် မပြုလုပ်ပါက ဗုံးကြဲတိုက်ခိုက်မည်” ဟု သတိပေးခဲ့သည်။သောကြာနေ့ (ဇွန် ၆) က RT နှင့်ပြုလုပ်သော အင်တာဗျူးတွင် အီရန် လွှတ်တော်ကိုယ်စားလှယ် Zohrevand က ရုရှား နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova ၏ မော်စကို၏ ကန့်ကွက် ရှုတ်ချချက်ကို ရှင်းလင်းစွာဖော်ပြခဲ့မှုကို ချီးကျူးဂုဏ်ပြုခဲ့သည်။ ထို့အပြင် ၎င်းက အီရန်သည် အမေရိကန်အကွက်ချဖန်တီးထားသော “ထောင်ချောက်” အတွင်းသို့ မကျရောက်စေရန် သတိထားရမည်ဟု သတိပေးခဲ့သည်။“အမေရိကန်တို့ ဖန်တီးနေသော အခြေအနေသည် ယုံကြည် စိတ်ချ ရသည်ဟု မမှတ်ယူနိုင်ပါ” ဟု Zohrevand က ပြောကြားခဲ့ပြီး ဤသည်မှာ ၎င်း၏ကိုယ်ပိုင်အမြင်သာဖြစ်ကြောင်း အားလုံးသိရှိစေရန် ထပ်လောင်းဖော်ပြခဲ့သည်။ဗုဒ္ဓဟူးနေ့ (ဇွန် ၄) က သတင်းစာရှင်းလင်းပွဲတစ်ခုတွင် Zakharova က အီရန်၏နျူကလီးယားစက်ရုံများကို ပစ်မှတ်ထားသည့် ခြိမ်းခြောက်မှု များကို တာဝန်မဲ့သော အပြုအမူဟု ရှုတ်ချခဲ့ပြီး ထိုသို့တိုက်ခိုက်ပါက ကမ္ဘာတစ်ဝှမ်းအတွက် ကပ်ဘေးဆိုက်ရောက်နိုင်သည့် အကျိုးဆက်များ ဖြစ်ပေါ်လာနိုင်ကြောင်း ထည့်သွင်းပြောကြားခဲ့သည်။“အီရန်၏နျူကလီးယားအစီအစဉ်နှင့်ပတ်သက်သည့် ပြဿနာများကို ဖြေရှင်းရန် နည်းလမ်းမှာ သံတမန်ရေးနည်းလမ်းသာဖြစ်သည် ဆိုသည် ကို လူတိုင်းသိသင့်ပါသည်” ဟု သူမက ဖြည့်စွက်ပြောကြားခဲ့သည်။ထိုနေ့တွင်ပင် ရုရှားသမ္မတ ဗလာဒီမာ ပူတင်နှင့် ဖုန်းဆက် ဆွေးနွေးပြီးနောက် အမေရိကန်သမ္မတ ဒေါ်နယ်ထရမ့်က ၎င်း၏ Truth Social လူမှုမီဒီယာတွင် “သမ္မတပူတင်က အီရန်နှင့်ဆွေးနွေးမှုများတွင် ပါဝင်မည် ဖြစ်ပြီး အဆိုပါကိစ္စကို အမြန်ပြီးဆုံးစေရန် အထောက်အကူ ဖြစ်နိုင် ကြောင်း အကြံပြုခဲ့သည်” ဟု ရေးသားခဲ့သည်။ကရင်မလင်ပြောရေးဆိုခွင့်ရှိသူ Dmitry Peskov က “သမ္မတပူတင်က မိမိတို့သည် တီဟီရန်နှင့်ရင်းနှီးသောဆက်ဆံရေးကို အသုံးချ၍ လက်ရှိ ဆွေးနွေးနေမှုများတွင် အပြုသဘောဆောင်သော အထောက်အကူဖြစ်စေရန် အဆင်သင့်ဖြစ်နေကြောင်း” ပြောကြားခဲ့သည်ဟု ကြာသပတေး နေ့တွင် သတင်းထောက်များနှင့် တွေ့ဆုံစဉ် အတည်ပြုခဲ့သည်။တနင်္လာနေ့ (ဇွန် ၂) တွင် အီရန်နိုင်ငံခြားရေးဝန်ကြီး Abbas Araghchi က ၎င်းတို့နိုင်ငံသည် “မိမိတို့၏နျူကလီးယားအစီအစဉ်၏ ငြိမ်းချမ်းရေး ဆန်သော သဘောသဘာဝနှင့်ပတ်သက်၍ ဘက်ပေါင်းစုံသို့ အာမခံချက် ပေးရန် အဆင်သင့်ဖြစ်နေပြီ” ဟု ပြောကြားခဲ့သည်။ လွန်ခဲ့သည့်လက ဝါရှင်တန်၏ တီဟီရန်အား ယူရေနီယမ် ထပ်တိုး သန့်စင်မှုအားလုံးကို ရပ်တန့်ရန် တောင်းဆိုမှုကို တုံ့ပြန်ရာတွင် အဆိုပါ သံတမန်က “ဆွေးနွေးညှိနှိုင်းမှု အခြေအနေမှ လုံးဝမကိုက်ညီသော” တောင်းဆိုမှုဟု ပယ်ချခဲ့သည်။အီရန်သည် လက်ရှိတွင် ယူရေနီယမ်ကို ၆၀% အထိ ထပ်တိုးသန့်စင် လျက်ရှိပြီး ၂၀၁၅ ခုနှစ်က ပျက်ပြယ်သွားသည့် နျူကလီးယား သဘောတူညီချက်အရ သတ်မှတ်ထားသော ၃.၆၇% အကန့်အသတ်ထက် သိသိ သာသာ ကျော်လွန်နေသည်။Joint Comprehensive Plan of Action (JCPOA) သည် အမေရိကန် သမ္မတ ထရမ့်၏ ပထမသက်တမ်းအတွင်း အမေရိကန်က ၎င်းသဘော တူညီချက်မှ တစ်ဖက်သတ်နုတ်ထွက်ခဲ့ပြီး အာမခံချက်မရှိဟု ဆိုကာ ပယ်ဖျက်ခဲ့ပြီးနောက် ပျက်ပြယ်သွားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sat, 7-Jun-2025
နိုင်ငံ၏အချုပ်အခြာအာဏာပိုင်ဆိုင်မှုကိုကာကွယ်ရန် အစိုးရနှင့် တပ်မတော်တို့က အတူတကွရပ်တည်လျက်ရှိဟု ထိုင်းဝန်ကြီးချုပ်ပြော
နိုင်ငံ၏အချုပ်အခြာအာဏာပိုင်ဆိုင်မှုကိုကာကွယ်ရန် အစိုးရနှင့် တပ်မတော်တို့က အတူတကွရပ်တည်လျက်ရှိဟု ထိုင်းဝန်ကြီးချုပ်ပြော
နိုင်ငံ၏အချုပ်အခြာအာဏာပိုင်ဆိုင်မှုကို ကာကွယ်ရန်အတွက် ထိုင်းအစိုးရနှင့် တပ်မတော်တို့က အတူတကွရပ်တည်လျက်ရှိကြောင်း ထိုင်းဝန်ကြီးချုပ် ပေထုံတန် ရှင်နာဝပ်ထရာက   ဇွန်လ  ၆ ရက်တွင် ပြောကြားခဲ့ကြောင်း သိရသည်။ထိုင်းနိုင်ငံအနေဖြင့် အိမ်နီးချင်းနိုင်ငံများနှင့်ဆက်ဆံရေးကို ထိန်းသိမ်းနေစဉ် နိုင်ငံ၏ အချုပ်အခြာ အာဏာပိုင်ဆိုင်မှုကို ကာကွယ်သွားမည်ဖြစ်ကြောင်း ပေထုံတန်က   အိမ်နီးချင်း ကမ္ဘောဒီးယားနိုင်ငံနှင့် ဖြစ်ပွားသည့် နယ်စပ်အရေးနှင့်စပ်လျဉ်း၍ ကျင်းပသည့် ဆွေးနွေးပွဲ ပြီးဆုံးပြီးနောက် ပြောကြားခြင်းဖြစ်သည်။ထိုင်းနှင့်ကမ္ဘောဒီးယားနယ်စပ်၌ ထပ်မံဖြစ်ပေါ်လာနိုင်သည့် အခြေအနေများအတွက် ကြိုတင်ပြင်ဆင်မှုများ လုပ်ဆောင်ရန်နှင့် စပ်လျဉ်း၍ ယခုကျင်းပသည့် ဆွေးနွေးပွဲတွင် ထိုင်းအစိုးရက အဓိကထား ဆွေးနွေးခဲ့ကြောင်း သိရသည်။ထို့ပြင် နယ်စပ်အငြင်းပွားမှုတွင် ပါဝင်သည့် အဖွဲ့အစည်းများအနေဖြင့် ထပ်မံလုပ်ဆောင်မည့်အစီအစဉ်များကို အကောင်အထည်ဖော်ဆောင်ခြင်းမပြုမီ ဆွေးနွေးရမည်ဖြစ်ကြောင်း ပေထုံတန်က ဆက်လက်ပြောကြားသည်။လက်ရှိတွင် ထိုင်းတပ်မတော်အနေဖြင့် ဖြစ်ပေါ်လာနိုင်သည့် မည်သည့်အခြေအနေမျိုးအတွက်မဆို ကြိုတင်အသင့်ပြင်ဆင်ထားသော်လည်း အငြင်းပွားမှုကို တတ်နိုင်သမျှ    ငြိမ်းချမ်းသည့်နည်းလမ်းဖြင့် ဖြေရှင်းရန် ဝန်ကြီးချုပ် ပေထုံတန်က ပြောကြားထားကြောင်း ထိုင်းတပ်မတော်က  ထုတ်ပြန်ထားသည်။ယခုနှစ် မေလ ၂၈ ရက်တွင် ထိုင်းနှင့် ကမ္ဘောဒီးယားတပ်မတော်များကြား လက်နက်ကိုင်ပဋိပက္ခများ   ဖြစ်ပွားခဲ့ပြီးနောက် ထွက်ပေါ်လာသည့်တင်းမာမှုများ လျော့ကျစေရန်အတွက် နှစ်နိုင်ငံကြား တွေ့ဆုံဆွေးနွေးပွဲကို ကမ္ဘောဒီးယားနိုင်ငံ ဖနောင်ပင်မြို့၌   ဇွန်လ  ၁၄ ရက်တွင် ကျင်းပရန်   စီစဉ်ထားကြောင်း   သိရသည်။Ref: TpMWD Web Portal
Sat, 7-Jun-2025
© Copyright 2024 SAC All Rights Reserved.