တရုတ်(တိုင်ပေ)အစိုးရနှင့် တွေ့ဆုံဆွေးနွေးမှုများ လုပ်ဆောင်ရန် ဆန္ဒ ရှိသည်ဟု တရုတ်အစိုးရပြော

saceditor

News Image

  • တရုတ်(တိုင်ပေ)အစိုးရနှင့် တွေ့ဆုံဆွေးနွေးမှုများ လုပ်ဆောင်ရန် ဆန္ဒ ရှိသည်ဟု တရုတ်အစိုးရပြော

တရုတ်(တိုင်ပေ)အစိုးရနှင့် တွေ့ဆုံဆွေးနွေးမှုများလုပ်ဆောင်ရန် ဆန္ဒ ရှိသည်ဟု တရုတ်အစိုးရက ထုတ်ပြန်ပြောကြားခဲ့ပါသည်။ သို့သော်လည်း အဆိုပါတွေ့ဆုံဆွေးနွေးမှုများသည် အခြေအနေအမျိုးမျိုး သတ်မှတ်ထားခြင်း ရှိလိမ့်မည်ဟုလည်း တရုတ်အစိုးရကပြောကြားခဲ့ပါသည်။

တရုတ်နိုင်ငံနှင့် ဆက်သွယ်မှုများလုပ်ဆောင်ရန် အဆင်သင့်ရှိသည်ဟု တရုတ်(တိုင်ပေ)သမ္မတလိုင်ချန်တေးက ထုတ်ဖော်ပြောဆိုခဲ့ပြီးနောက် တရုတ်အစိုးရ၏ ပြောဆိုချက်များ ထွက်ပေါ်လာခြင်းဖြစ်ပါသည်။ တရုတ်၏ တရုတ်(တိုင်ပေ)ရေးရာရုံး ပြောရေးဆိုခွင့်ရှိသူ ချန်းဘင်ဟွာ က “တရုတ်တစ်နိုင်ငံတည်းမူဝါဒကို အခြေခံပြီး ပြန်လည် ပေါင်းစည်းရေးကို မြှင့်တင်ပေးမည့်ကိစ္စရပ်များအတွက် တွေ့ဆုံဆွေးနွေးမှုများလုပ်ဆောင်ရန် တရုတ်ဘက်က အဆင်သင့်ရှိပါသည်” ဟု ပြောဆိုခဲ့ ပါသည်။

တရုတ်အစိုးရသည် လိုင်ချန်တေးကို ခွဲထွက်ရေးသမားတစ်ဦးအဖြစ် သတ်မှတ်ထားပြီး ဆွေးနွေးမှုများလုပ်ဆောင်ရန် လိုင်ချန်တေး၏ ကမ်းလှမ်းမှုများကို အကြိမ်ကြိမ်ငြင်းဆန်ပယ်ချခဲ့ကြောင်းလည်းသိရပါသည်။ ထို့အပြင် တရုတ်အစိုးရသည် တရုတ်(တိုင်ပေ)ကျွန်းကို ၎င်း၏ ပိုင်နက်နယ်မြေအဖြစ် အခိုင်အမာရှုမြင်ထားသော်လည်း တရုတ် (တိုင်ပေ)အစိုးရကမူ ၎င်း၏ပြည်သူများကသာ ၎င်းတို့၏အနာဂတ်ကို ဆုံးဖြတ်နိုင်သည်ဟု အခိုင်အမာပြန်လည်တုံ့ပြန်ပြောကြားခဲ့ပါသည်။

ကိုးကား- NP News

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အီရန်ရောက်နိုင်ငံသားများကို တရုတ်နိုင်ငံ စတင်ခေါ်ထုတ်
အီရန်ရောက်နိုင်ငံသားများကို တရုတ်နိုင်ငံ စတင်ခေါ်ထုတ်
ပေကျင်း ဇွန် ၁၈အီရန်နှင့် အစ္စရေးတို့ကြား စစ်ရေးပဋိပက္ခများ ပိုမိုပြင်းထန်လာချိန်တွင် အီရန်နိုင်ငံရောက် တရုတ်နိုင်ငံသားများကို တရုတ်အစိုးရက ဇွန် ၁၇ ရက်တွင် စတင် ခေါ်ထုတ်နေပြီဖြစ်သည်။တရုတ်နိုင်ငံအနေဖြင့် အီရန် နိုင်ငံရောက် တရုတ်နိုင်ငံသားများအနက် ပထမဆုံးအသုတ်ကို ဇွန် ၁၇ ရက်တွင် တီဟီရန်မြို့မှ တာ့ခ်မင်နစ္စတန်နိုင်ငံသို့ ကုန်းလမ်း ခရီးဖြင့် စတင်ခေါ်ထုတ်နေကြောင်း တရုတ်အစိုးရ မီဒီယာများက သတင်းထုတ်ပြန်ထားသည်။လက်ရှိအချိန်တွင် အီရန်နိုင်ငံရောက် တရုတ်နိုင်ငံသား ၇၉၁ ဦး ကို တာ့ခ်မင်နစ္စတန်သို့ ရွှေ့ပြောင်းပေးထားပြီးဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူက ထုတ်ဖော်ပြောကြားထားသည်။ရေနံသယံဇာတကြွယ်ဝသည့် အီရန်နိုင်ငံ၌ တရုတ်နိုင်ငံသားများ အရေအတွက် ထောင်နှင့်ချီနေထိုင်နေကြောင်း သိရသည်။အီရန်နိုင်ငံသို့ ရောက်ရှိနေသော တရုတ်နိုင်ငံသားအများစုမှာ အီရန်ရှိတရုတ်ကုမ္ပဏီများ၌ အလုပ်လုပ်နေသည့် အင်ဂျင်နီယာများ​ဖြစ်ကြသည်။တရုတ်နိုင်ငံသည် ၂၀၀၇ ခုနှစ် မှစ၍ လက်ရှိအချိန်ထိ အီရန်နိုင်ငံ၌ အမေရိကန်ဒေါ်လာ ငါးဘီလီယံထိရင်းနှီးမြှုပ်နှံထားကြောင်း သိရသည်။Ref: XinhuaTrs: KKOYDNB Newspaper
Thu, 19-Jun-2025
သံအမတ်ကြီးများ ပြန်လည်စေလွှတ်ရန် အိန္ဒိယနှင့် ကနေဒါခေါင်းဆောင်များသဘောတူ
သံအမတ်ကြီးများ ပြန်လည်စေလွှတ်ရန် အိန္ဒိယနှင့် ကနေဒါခေါင်းဆောင်များသဘောတူ
အော့တဝါ ဇွန် ၁၈ အပြန်အလှန် နှင်ထုတ်ထားသည့် သက်ဆိုင်ရာသံအမတ်ကြီးများကို ပြန်လည်စေလွှတ်ကြရန် အိန္ဒိယနှင့် ကနေဒါနိုင်ငံတို့က ဇွန် ၁၇ ရက်တွင် သဘောတူခဲ့ကြကြောင်း သိရသည်။ကနေဒါဝန်ကြီးချုပ် မာ့ခ်ကာနေးနှင့် ဂျီ-၇ ထိပ်သီးညီလာခံတက်ရောက်ရန် ကနေဒါနိုင်ငံသို့ရောက်ရှိနေသော အိန္ဒိယဝန်ကြီးချုပ် မိုဒီ တို့ ဇွန် ၁၇ ရက်တွင် တွေ့ဆုံ ဆွေးနွေးခဲ့သည်။အဆိုပါဆွေးနွေးပွဲတွင် ဆစ်ခ် လူမျိုး ခွဲထွက်ရေးခေါင်းဆောင် တစ်ဦး လုပ်ကြံခံရမှုပြဿနာကို အကြောင်းပြု၍ နှစ်နိုင်ငံဆက်ဆံ ရေးတင်းမာနေစဉ် အပြန်အလှန် နှင်ထုတ်ထားသည့် သံအမတ်ကြီးများကို ပြန်လည်စေလွှတ်ရန် အိန္ဒိယနှင့် ကနေဒါခေါင်းဆောင်များက သဘောတူခဲ့ကြခြင်း ဖြစ်သည်။ကနေဒါနိုင်ငံ၌ ဆစ်ခ်လူမျိုး ခွဲထွက်ရေး ဝါဒီခေါင်းဆောင်တစ်ဦး လုပ်ကြံခံရမှုတွင် အိန္ဒိယနိုင်ငံပါဝင် ပတ်သက်နေကြောင်း ကနေဒါ အစိုးရက ၂၀၂၄ ခုနှစ်တွင် စွပ်စွဲခဲ့ပြီး ကနေဒါနိုင်ငံဆိုင်ရာ အိန္ဒိယသံအမတ်ကြီးကို နှင်ထုတ်ခဲ့သည်။အိန္ဒိယနိုင်ငံက ကနေဒါအစိုးရ၏အဆိုပါစွပ်စွဲချက်ကို ငြင်းပယ်ခဲ့ပြီး အိန္ဒိယနိုင်ငံဆိုင်ရာ ကနေဒါ သံအမတ်ကြီးကို ပြန်လည်နှင်ထုတ်ခဲ့ရာ နှစ်နိုင်ငံဆက်ဆံရေး အကြီးအကျယ် တင်းမာခဲ့ရကြောင်း သိရသည်။ဇွန် ၁၇ ရက် ဆွေးနွေးပွဲသည် အိန္ဒိယနှင့် ကနေဒါနိုင်ငံတို့ကြား ဆက်ဆံရေးကို ပြန်လည်တည်ဆောက်ရေးအတွက် အထောက်အကူပြုနိုင်မည်ဟု မျှော်လင့်ထားကြောင်း ကနေဒါဝန်ကြီးချုပ်ကပြော ကြားထားသည်။Ref: XinhuaTrs: KKO
Thu, 19-Jun-2025
ဗဟိုအာရှနိုင်ငံများနှင့် ဆက်ဆံရေးမြှင့်တင်မှုဆိုင်ရာစာချုပ် တရုတ်သမ္မတရှီကျင့်ဖျင် လက်မှတ်ရေးထိုး
ဗဟိုအာရှနိုင်ငံများနှင့် ဆက်ဆံရေးမြှင့်တင်မှုဆိုင်ရာစာချုပ် တရုတ်သမ္မတရှီကျင့်ဖျင် လက်မှတ်ရေးထိုး
အက်စတာနာ ဇွန် ၁၈ တရုတ်သမ္မတရှီကျင့်ဖျင်သည် ဗဟိုအာရှနိုင်ငံများနှင့် ဆက်ဆံရေးမြှင့်တင်မှုဆိုင်ရာ စာချုပ်တစ်ရပ်ကို ဇွန် ၁၇ ရက်တွင် လက်မှတ်ရေးထိုးခဲ့သည်။သဘာဝသယံဇာတ ကြွယ်ဝသည့်ဗဟိုအာရှဒေသနှင့်ကုန်သွယ်ရေးကဏ္ဍ၊ စွမ်းအင်ကဏ္ဍ၊ အခြေခံ အဆောက်အအုံ ကဏ္ဍများ၌ ပူးပေါင်းဆောင်ရွက်မှုမြှင့်တင်ရန် တရုတ်အစိုးရက ကြိုးပမ်းလျက်ရှိသည်။တရုတ်သမ္မတရှီကျင့်ဖျင်သည် ဗဟိုအာရှနိုင်ငံ ငါးနိုင်ငံနှင့်ဆက်ဆံရေးမြှင့်တင်မှုဆိုင်ရာ စာချုပ်ကို ကာဇက်စတန်နိုင်ငံ အက်စတာနာ မြို့၌ကျင်းပခဲ့သော ဒေသတွင်း ထိပ်သီး ညီလာခံတစ်ခုတွင် လက်မှတ်ရေးထိုးခဲ့ခြင်းဖြစ် ကြောင်းသိရသည်။အဆိုပါ ထိပ်သီးညီလာခံတွင် တရုတ်သမ္မတ ရှီကျင့်ဖျင်သည် ကာဇက်စတန်၊ ကာဂျစ်စတန်၊ တာဂျစ်ကစ္စတန်၊ တာ့ခ်မင်နစ္စတန် နှင့် ဥဇဘက်ကစ္စတန်နိုင်ငံတို့မှ ခေါင်းဆောင်များနှင့် တွေ့ဆုံ ဆွေးနွေးခဲ့ကြောင်း သိရသည်။အက်စတာနာ ထိပ်သီးညီလာခံ တွင် တရုတ်သမ္မတရှီကျင့်ဖျင်က ယခုနှစ်အတွင်း ဗဟိုအာရှနိုင်ငံ ငါးနိုင်ငံအတွက် အမေရိကန် ဒေါ်လာသန်း ၂၀၀ ကျော် ကူညီ မည်ဖြစ်ကြောင်း ကတိပြုခဲ့သည်။ ယူကရိန်းပဋိပက္ခ စတင်ခဲ့ပြီး နောက်ပိုင်း တရုတ်နိုင်ငံသည် ယခင်ကရုရှား၏ဩဇာရိပ်အောက် တွင်ရှိခဲ့ကြသော ဗဟိုအာရှနိုင်ငံ များနှင့် ဆက်ဆံရေးမြှင့်တင်ရန် ကြိုးပမ်းလာခဲ့ကြောင်း သိရသည်။Ref: XinhuaTrs: KKOYDNB Newspaper
Thu, 19-Jun-2025
အိန္ဒိယသည် ကက်ရှ်မီးယားကိစ္စတွင် တတိယပါတီ၏ ကြားဝင်စေ့စပ်ခြင်းကို မည်သည့်အခါမျှ လက်မခံနိုင်ဟု မိုဒီမှ ထရမ့်အား ပြောကြား
အိန္ဒိယသည် ကက်ရှ်မီးယားကိစ္စတွင် တတိယပါတီ၏ ကြားဝင်စေ့စပ်ခြင်းကို မည်သည့်အခါမျှ လက်မခံနိုင်ဟု မိုဒီမှ ထရမ့်အား ပြောကြား
 အိန္ဒိယနိုင်ငံသည် ဂျမူးနှင့် ကက်ရှ်မီးယားပြဿနာနှင့်ပတ်သက်၍ အစ္စလာမ်မာဘတ်နှင့် ဖြေရှင်းရန် ကြားဝင်စေ့စပ်ဆောင်ရွက်မှုကို မည်သည့်အခါမျှ လက်ခံမည်မဟုတ်ကြောင်း ဝန်ကြီးချုပ် နာရိန်ဒရာမိုဒီ က အမေရိကန်သမ္မတ ဒေါ်နယ်ထရမ့်အား ပြောကြားခဲ့သည်။ကနေဒါနိုင်ငံတွင် ကျင်းပသည့် G7 ထိပ်သီးအစည်းအဝေးမှ အချိန် မတိုင်မီ ရုတ်တရက် ထွက်ခွာသွားသော အမေရိကန်သမ္မတနှင့် မိုဒီတို့သည် ဇွန်လ ၁၇ ရက်နေ့တွင် ၃၅ မိနစ်ကြာ တယ်လီဖုန်းစကားပြောဆိုခဲ့ကြပြီး နယူးဒေလီ၏ နှစ်နိုင်ငံကိစ္စရပ်များနှင့်ပတ်သက်သည့် သဘောထား ရပ်တည်ချက်ကို မိုဒီ မှ ထပ်မံအတည်ပြုခဲ့ပါသည်။“ဝန်ကြီးချုပ်မိုဒီက အိန္ဒိယသည် ကြားဝင်စေ့စပ်ဆောင်ရွက်မှုကို ယခင် ကလည်း လက်မခံခဲ့ပါ၊ ယခုလည်းလက်မခံပါ၊ နောင်လည်း လက်မခံ နိုင်ကြောင်း အားလုံးသိအောင် ပြောခဲ့သည်” ဟု အိန္ဒိယ နိုင်ငံခြားရေး ဝန်ကြီးဌာန အတွင်းဝန် Vikram Misri က ဇွန်လ ၁၇ ရက်နေ့တွင် ကျင်းပသော သတင်းစာရှင်းလင်းပွဲတွင် ပြောကြားခဲ့သည်။ အဆိုပါကိစ္စ နှင့်ပတ်သက်၍ အိန္ဒိယတွင် နိုင်ငံရေးအရ လုံးဝသဘောတူညီမှု ရှိပါသည် ဟု ၎င်းက ဖြည့်စွက်ပြောကြားခဲ့သည်။အိန္ဒိယနိုင်ငံခြားရေးအတွင်းဝန်က အမေရိကန်ဘက်မှ စတင်ဆက်သွယ်ခဲ့သည်ဟု ဖော်ပြခဲ့သော ထိုဖုန်းဆက်ဆွေးနွေးမှုတွင် သမ္မတထရမ့်က G7 ထိပ်သီးအစည်းအဝေးတက်ပြီးနောက် အမေရိကန်သို့ လာရောက်ရန် မိုဒီအား ဖိတ်ကြားခဲ့သော်လည်း ကြိုတင်စီစဉ်ထားသော အစီအစဉ်များကြောင့် အိန္ဒိယခေါင်းဆောင်က ထိုဖိတ်ကြားချက်ကို လက်မခံနိုင်ခဲ့ကြောင်း Misri က ဖြည့်စွက်ပြောကြားခဲ့သည်။တောင်အာရှနိုင်ငံနှစ်ခုဖြစ်သော အိန္ဒိယနှင့် ပါကစ္စတန်တို့အကြား လွန်ခဲ့သည့်လက စစ်ရေးတင်းမာမှုများ ဖြစ်ပွားပြီးနောက် အိန္ဒိယက ကြားဝင်စေ့စပ်ဆောင်ရွက်မှုကို ပြင်းပြင်းထန်ထန် ငြင်းဆိုလိုက်ခြင်း ဖြစ်သည်။မေလ ၇ ရက်တွင် အိန္ဒိယက ပါကစ္စတန်ထိန်းချုပ်ထားသော နယ်မြေအတွင်းရှိ အကြမ်းဖက်သံသယရှိသည့်နေရာများကို “ဧပြီလက ဂျမူးနှင့် ကက်ရှ်မီးယား (အိန္ဒိယနယ်မြေ) တွင် ဖြစ်ပွားခဲ့သော ပါကစ္စတန်ကို စွပ်စွဲထားသည့် အကြမ်းဖက်တိုက်ခိုက်မှုအား တုံ့ပြန်သည့်အနေဖြင့်” လေကြောင်းတိုက်ခိုက်မှုပြုလုပ်ခဲ့သည်။ ပါကစ္စတန်က အိန္ဒိယ၏ တိုက်ခိုက်မှု ကို ပြန်လည်တုံ့ပြန်ခဲ့ပြီး မေလ ၁၀ ရက်တွင် စစ်ပြေငြိမ်းရေး ကြေညာချက် ထုတ်ပြန်သည်အထိ နှစ်နိုင်ငံအကြား တင်းမာမှုများ ဆက်လက် ဖြစ်ပွား ခဲ့သည်။ထရမ့်က အဆိုပါစစ်ပြေငြိမ်းရေးအတွက် ကိုယ့်ကိုယ်ကို ဂုဏ်ယူစွာ အသိ အမှတ်ပြုခဲ့ပြီး နောက်ပိုင်းတွင်လည်း ထိုသို့ပြောဆိုမှုများ ထပ်လောင်း ပြုလုပ်ခဲ့သည်။ သို့သော် နယူးဒေလီအစိုးရက ထရမ့်၏ ထိုပြောဆိုချက် ကို ငြင်းဆိုခဲ့သည်။ဇွန်လ ၁၇ ရက်က မိုဒီနှင့် ထရမ့်တို့၏ဖုန်းစကားပြောဆိုမှုသည် ဇွန်လ ၁၈ ရက်တွင် ထရမ့်နှင့် ပါကစ္စတန်တပ်မှူး ဗိုလ်ချုပ်ကြီး Syed Asim Munir တို့ နေ့လယ်စာ စားပွဲကျင်းပမည့်အချက်နှင့်ပတ်သက်၍ အထူး အရေးပါမှု ရှိလာသည်။ (ဗိုလ်ချုပ်ကြီး Munir သည် လက်ရှိတွင် အမေရိကန်သို့ရောက်ရှိနေပါသည်။)မေလတွင် နှစ်နိုင်ငံစစ်ပြေငြိမ်းရေးကြေညာပြီးနောက် ထရမ့်က ၎င်းသည် ကုန်သွယ်မှုကို အခြေပြုကာ ငြိမ်းချမ်းရေးအတွက် ကြားဝင်စေ့စပ်သူအဖြစ် ဆောင်ရွက်ပေးခဲ့သည်ဟု ပြောဆိုခဲ့သည်။ သို့သော် မိုဒီက ဇွန်လ ၁၇ ရက်ဖုန်းဆက်ဆွေးနွေးမှုတွင် အိန္ဒိယ-အမေရိကန် ကုန်သွယ်ရေး သဘောတူညီချက်သည် စစ်ပြေငြိမ်းရေးနှင့် မည်သို့မျှသက်ဆိုင်မှုမရှိကြောင်း ရှင်းလင်းစွာပြောကြားခဲ့သည်ဟု အတွင်းဝန် Misri က ဖြည့်စွက် ပြောကြားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ထိုင်းနိုင်ငံနှင့် နယ်စပ်အခြေအနေ တင်းမာနေချိန်တွင် ကမ္ဘောဒီးယား နိုင်ငံသား မြောက်မြားစွာက မြို့တော် ဖနွမ်းပင်တွင် အစိုးရထောက်ခံပွဲ ပြုလုပ်
ထိုင်းနိုင်ငံနှင့် နယ်စပ်အခြေအနေ တင်းမာနေချိန်တွင် ကမ္ဘောဒီးယား နိုင်ငံသား မြောက်မြားစွာက မြို့တော် ဖနွမ်းပင်တွင် အစိုးရထောက်ခံပွဲ ပြုလုပ်
ဇွန် ၁၈ ရက်နေ့တွင် ဝန်ကြီးချုပ် ဟွန်မနက်ကို ထောက်ခံရန်နှင့် ထိုင်းနှင့် နယ်စပ်တွင် တပ်စွဲထားသော စစ်သည်များအား အားပေးရန် ဒုတိယ ဝန်ကြီးချုပ် ဟွန်မနီ (ဝန်ကြီးချုပ်၏ညီငယ်) ဦးဆောင်ကာ ဖနွမ်းပင် မြို့တော်တွင် “စည်းလုံးညီညွတ်ရေး ချီတက်ပွဲ” ကျင်းပခဲ့သည်။ဆန္ဒပြသူများသည် နိုင်ငံတော်သီချင်း သံပြိုင်သီဆိုကာ ကမ္ဘောဒီးယား အလံများကို လွှင့်ထူပြီး၊ ဝန်ကြီးချုပ် ဟွန်မနက်နှင့် ၎င်း၏ဖခင် ဆီးနိတ် ဥက္ကဋ္ဌ ဟွန်ဆန်တို့၏ ဓာတ်ပုံများကို ကိုင်ဆောင်လျက် မြို့တော်၏ဗဟိုရှိ လွတ်လပ်ရေးအထိမ်းအမှတ်ကျောက်တိုင်သို့ ချီတက်သွားကြသည်။ဟွန်မနီက “ဤချီတက်ပွဲသည် အစိုးရနှင့် တပ်မတော်ကို အားပေးသည့် လှုံ့ဆော်မှုတစ်ရပ်ပဲ” ဟု ပရိသတ်ကို မိန့်ခွန်းပြောခဲ့သည်။“နိုင်ငံကို ခြိမ်းခြောက်မှု သို့မဟုတ် စော်ကားမှုတစ်ခုခုနှင့် ကြုံလာပါက ကမ္ဘောဒီးယားပြည်သူတွေက ဘေးကနေ ကြည့်မနေဘဲ စည်းလုံးစွာ နှင့်အတူ ရပ်တည်မှာပါ” ဟု ၎င်းက ပြောကြားသွားခဲ့ပါသည်။ကိုးကား-VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ရုရှားကို ပိတ်ဆို့အရေးယူမှုများက အမေရိကန်ကို 'ဘီလီယံပေါင်းများစွာ' ကုန်ကျစေမည်ဟု ထရမ့်ပြော
ရုရှားကို ပိတ်ဆို့အရေးယူမှုများက အမေရိကန်ကို 'ဘီလီယံပေါင်းများစွာ' ကုန်ကျစေမည်ဟု ထရမ့်ပြော
အမေရိကန်သမ္မတ ဒေါ်နယ်ထရမ့်က မဟာမိတ်နိုင်ငံများ၏ ဖိအားများ ရှိသော်လည်း ရုရှားကို ပိုမိုတင်းကျပ်သော ပိတ်ဆို့အရေးယူမှုများ ကျင့်သုံးရန် အဆင်သင့်မဖြစ်သေးကြောင်း Bloomberg သတင်းဌာနက အင်္ဂါနေ့ (ဇွန် ၁၇) တွင် ဖော်ပြခဲ့သည်။ ထပ်လောင်း အရေးယူ ဒဏ်ခတ်မှုများက ၎င်း၏နိုင်ငံအတွက် ငွေကြေးအမြောက်အမြား ကုန်ကျ မည်ကို စိုးရိမ်ကြောင်း ထရမ့်က ဖော်ပြခဲ့သည်။အမေရိကန်ခေါင်းဆောင်က မော်စကိုအပေါ် ဒဏ်ခတ်မှုအသစ်များ ချမှတ်ရန် စဉ်းစားနေကြောင်း အကြိမ်ကြိမ် ပြောဆိုခဲ့သော်လည်း ယခု အချိန်ထိ မည်သည့်အရေးယူမှုကိုမျှ မဆောင်ရွက်သေးပေ။ ကနေဒါနိုင်ငံ အယ်လ်ဘာတာတွင် ကျင်းပသော G7 ထိပ်သီးအစည်းအဝေးတွင် သတင်းထောက်များနှင့် ပြောဆိုရာတွင် ၎င်းသည် ပထမဦးစွာ “သဘော တူညီချက် လက်မှတ်ရေးထိုး၊မရေးထိုး” ကို ကြည့်လိုသည်ဟု ဆိုခဲ့သည်။“မိမိအနေဖြင့် နိုင်ငံတစ်နိုင်ငံကို ပိတ်ဆို့ဒဏ်ခတ်သည့်အခါ အမေရိကန် အတွက် ငွေအမြောက်အမြား ကုန်ကျပါသည်။ အလွန်အမင်း ကြီးမားသည့် ငွေပမာဏပါ။ ဒါက စာရွက်တစ်ရွက်မှာ လက်မှတ်ထိုးလိုက်ရုံဖြင့် ပြီး သွားမည် မဟုတ်ပါ။ သင်ပြောနေတာက ဘီလီယံပေါင်းများစွာသောဒေါ်လာတွေအကြောင်းပါ။ ပိတ်ဆို့ဒဏ်ခတ်မှုတွေက အဲ့လောက် မလွယ်ပါ။ တစ်ဖက်သတ် လမ်းကြောင်းမဟုတ်ပါ” ဟု ထရမ့်က ပြောကြားခဲ့သည်။ ရီပတ်ပလီကန် ဆီးနိတ်လွှတ်တော်အမတ် Lindsey Graham က ယခု နှစ်အစောပိုင်းတွင် ၎င်းတင်သွင်းခဲ့သည့် ဥပဒေကြမ်းတွင် ပိတ်ဆို့ အရေးယူမှုများကို အတိုင်းအတာကျော်လွန် တိုးမြှင့်ရန် ထောက်ခံ ခဲ့သည်။ ၎င်းတွင် အခြားအရေးယူမှုများအပြင် မော်စကိုက ယူကရိန်းနှင့် ငြိမ်းချမ်းရေးဆွေးနွေးပွဲများ ပြုလုပ်ရန် ငြင်းဆန်ပါက ရုရှား၏ ရေနံနှင့် ဓာတ်ငွေ့များကို ဝယ်ယူသည့် နိုင်ငံများအား ၅၀၀% အကောက်ခွန် ကျင့်သုံးခြင်းလည်း ပါဝင်သည်။ နောက်ပိုင်းတွင် ကိယက်ဗ်အား စစ်ရေး အကူအညီပေးသည့် နိုင်ငံများအတွက် ခြွင်းချက်များ ပြုလုပ်ရန် အဆိုပြုခဲ့သည့် Graham က အဆိုပြုထားသော အရေးယူမှုများသည် ရုရှား အတွက် “အလွန်အထိနာစေမည်” ဟု ဖော်ပြခဲ့သည်။လွန်ခဲ့သည့် သီတင်းပတ်က အမေရိကန် ဘဏ္ဍာရေးဝန်ကြီး Scott Bessent က အဆိုပြုထားသော ပိတ်ဆို့အရေးယူမှုများက သံတမန်ရေးဆိုင်ရာ ကြိုးပမ်းမှုများကို ထိခိုက်စေနိုင်ကြောင်း သတိပေးခဲ့ပြီး ဥပဒေပြုသူများ အား ထရမ့်အုပ်ချုပ်ရေးအား မော်စကိုနှင့် ကိယက်ဗ်နှင့် ညှိနှိုင်း ဆွေးနွေးရန် ပိုမိုကျယ်ပြန့်သောလုပ်ပိုင်ခွင့်များ ပေးအပ်ရန် တိုက်တွန်းခဲ့သည်။ယခင်က သမ္မတ Joe Biden သည် ၂၀၂၂ ခုနှစ်တွင် ယူကရိန်း ပဋိပက္ခ နှင့်စပ်လျဉ်း၍ မော်စကိုနှင့် များစွာသော ဆက်သွယ်မှုများကို ဖြတ်တောက်ခဲ့ပြီး ရုရှားအရာရှိများနှင့် ကုမ္ပဏီများအပေါ် ကျယ်ကျယ်ပြန့်ပြန့် ပိတ်ဆို့ အရေးယူမှုများ ချမှတ်ခဲ့သည်။ ထရမ့်သည် Biden အား သံတမန်ရေး နည်းလမ်းများကို ရှောင်ရှားခြင်းအတွက် ဝေဖန်ခဲ့ပြီး ရုရှားနှင့် ယူကရိန်း အကြား ငြိမ်းချမ်းရေးသဘောတူညီချက်တစ်ရပ်ကို ညှိနှိုင်းရန် ကတိပြုခဲ့သည်။ မော်စကိုက ထရမ့်၏ ကြိုးပမ်းမှုကို ကြိုဆိုခဲ့သော်လည်း သဘောတူညီချက်ရရှိရန် တိုးတက်မှုမှာ နှေးကွေးနေဆဲဖြစ်သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
© Copyright 2024 SAC All Rights Reserved.