အမေရိကန်နိုင်ငံ အနေဖြင့် ကုန်သွယ်ရေး သဘောတူညီချက်ကို ပြောင်ပြောင်တင်းတင်း ချိုးဖောက်ဟု တရုတ်ပြော

sacadmin

News Image

  • အမေရိကန်နိုင်ငံ အနေဖြင့် ကုန်သွယ်ရေး သဘောတူညီချက်ကို ပြောင်ပြောင်တင်းတင်း ချိုးဖောက်ဟု တရုတ်ပြော

အမေရိကန်နိုင်ငံအနေဖြင့် တရုတ်နိုင်ငံ နှင့်ရရှိသော ကုန်သွယ်ရေး သဘောတူညီချက်ကို ပြောင်ပြောင်တင်းတင်း ချိုးဖောက်ကြောင်း တရုတ်ကုန်သွယ်ရေး ဝန်ကြီးဌာန က ဇွန်လ ၂ ရက်တွင် ပြောသည်။ ထို့ပြင် တရုတ်နိုင်ငံ၏   အကျိုးစီးပွားများကို ကာကွယ်နိုင်ရေးအတွက် လိုအပ်သည်များကို ဆောင်ရွက်သွားမည်ဖြစ်ကြောင်း ဝန်ကြီးဌာနက ကတိပြုထားသည်။ တရုတ်နိုင်ငံ အနေဖြင့် နှစ်နိုင်ငံကြား ကုန်သွယ်ရေး သဘော တူညီချက်များကို ချိုးဖောက်သည်ဟု အမေရိကန်သမ္မတဒေါ်နယ်ထရမ့်က ပြောပြီးနောက် တရုတ်အစိုးရဘက်က ယခုကဲ့သို့ ထုတ်ပြန်လာခြင်းဖြစ်သည်။

အဆိုပါနှစ်နိုင်ငံမှ ကုန်သွယ်ရေးတာဝန် ရှိသူများက ဂျီနီဗာမြို့၌ တွေ့ဆုံဆွေးနွေးမှုများ လုပ်ဆောင်ပြီးနောက် မေလ ၁၂ ရက် တွင်ကြေညာလိုက်သော သဘောတူညီချက်အရ ဧပြီလအစောပိုင်းတွင် ချမှတ်လိုက်သည့် သွင်းကုန်အခွန်တိုးမြှင့်မှုများကိုဆိုင်းငံ့ရန် နှစ်နိုင်ငံစလုံးက သဘောတူထားသည်။

တရုတ်နိုင်ငံက ဖော်ပြထားသည့် အမေရိကန်အစိုးရက ချိုးဖောက်သော သဘောတူညီချက်များတွင် ဟွားဝေကုမ္ပဏီ၏ ချစ်ပြားများ အသုံးပြုမှုကိစ္စ၊ တရုတ်ကုမ္ပဏီ များသို့ ချစ်ပြားဒီဇိုင်းဆော့ဝဲများ ရောင်းချမှုဆိုင်းငံ့ခြင်းနှင့် တရုတ်ကျောင်းသားများကို ဗီဇာများ ပယ်ဖျက်ခြင်းတို့ ပါဝင်သည်။

အမေရိကန်သမ္မတ ဒေါ်နယ်ထရမ့်က စွပ်စွဲထားသည့် တရုတ်နိုင်ငံက ကုန်သွယ်ရေး သဘောတူညီချက်ကိုချိုးဖောက်သည် ဟူသော ပြောဆိုချက်တွင်မူ တရုတ်နိုင်ငံအနေဖြင့် မည်သည့်အချက်များကို ချိုးဖောက်သည်ဟူ၍ အသေးစိတ်ဖော်ပြထားခြင်း မရှိဘဲ တရုတ်နိုင်ငံကို စီးပွားရေးအရ အန္တရာယ်ကြီး ဖြစ်သည်ဟုသာ ပြောထား ကြောင်း သိရသည်။     

Source: MWD Web Portal

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ရေနံစိမ်းဈေးနှုန်း ကျဆင်းမှုနှင့် အကျိုးအမြတ်ပမာဏ လျော့ကျလာခြင်းတို့ကြောင့် Petronas ကုမ္ပဏီက လုပ်သားအင်အား ၁၀ ရာခိုင်နှုန်း လျှော့ချမည်
ရေနံစိမ်းဈေးနှုန်း ကျဆင်းမှုနှင့် အကျိုးအမြတ်ပမာဏ လျော့ကျလာခြင်းတို့ကြောင့် Petronas ကုမ္ပဏီက လုပ်သားအင်အား ၁၀ ရာခိုင်နှုန်း လျှော့ချမည်
ကျဆင်းလာသည့် ရေနံစိမ်းဈေးနှုန်းနှင့် အကျိုးအမြတ် ပမာဏလျော့ကျလာခြင်းတို့ကြောင့် မလေးရှားနိုင်ငံပိုင် ရေနံကုမ္ပဏီကြီးဖြစ်သည့် Petronas က ကုန်ကျစရိတ်ကို လျှော့ချရန်အတွက် ၎င်း၏လုပ်သားအင်အားကို ၁၀ ရာခိုင်နှုန်း လျှော့ချမည်ဖြစ်သည်။Petronas ကုမ္ပဏီအနေဖြင့် အကျိုးအမြတ် ကျဆင်းလာမှုနှင့် ဈေးကွက် မတည်ငြိမ်မှုများ၏ သက်ရောက်မှုများကြောင့် လုပ်သားဦးရေ ၅၀၀၀ ခန့်ကို လျှော့ချမည်ဖြစ်ကြောင်း အလုပ်အမှုဆောင်ချုပ် မူဟာမက် တောဖစ်က ဇွန်လ ၅ ရက်တွင်ကျင်းပသည့် သတင်းစာ ရှင်းလင်းပွဲ၌ပြောသည်။ ထို့ပြင် အဆိုပါကုမ္ပဏီက လုပ်ဆောင်နေသည့် ဝန်ထမ်း အလုပ်ခန့်ထားခြင်းကိုလည်း လာမည့် ၂၀၂၆ ခုနှစ် ဒီဇင်ဘာလအထိ ရပ်ဆိုင်းထားမည်ဖြစ်သည်။Petronas ရေနံကုမ္ပဏီ၏ အကျိုးအမြတ် ပမာဏသည် ၂၀၂၃ ခုနှစ်တွင် ၂၁ ရာခိုင်နှုန်း၊ ၂၀၂၄ ခုနှစ်တွင် ၃၂ ရာခိုင်နှုန်းအသီးသီး ကျဆင်းခဲ့သည်။ ထို့ပြင် ရေနံစိမ်းဈေးနှုန်းများ ကျဆင်းလာမှုနှင့် ဈေးကွက်မတည်ငြိမ်မှုတို့ကြောင့် ၎င်းကုမ္ပဏီ၏ အကျိုးအမြတ်သည် ယခု ၂၀၂၅ ခုနှစ်တွင် ဆက်လက်ကျဆင်း လာနိုင်သည်ဟု ခန့်မှန်းထားသည်။MWD Web Portal
Fri, 6-Jun-2025
ကုန်သွယ်ရေး တင်းမာမှုကြောင့် တရုတ်နှင့် အမေရိကန်တို့၏ နှစ်နိုင်ငံအပြန်အလှန် ကုန်သွယ်မှု ၂၀ ရာခိုင်နှုန်း လျော့ကျ
ကုန်သွယ်ရေး တင်းမာမှုကြောင့် တရုတ်နှင့် အမေရိကန်တို့၏ နှစ်နိုင်ငံအပြန်အလှန် ကုန်သွယ်မှု ၂၀ ရာခိုင်နှုန်း လျော့ကျ
တရုတ်နိုင်ငံနှင့်  အမေရိကန်ပြည်ထောင်စုတို့ကြား ဖြစ်ပွားသည့် ကုန်သွယ်ရေးတင်းမာမှုကြောင့် နှစ်နိုင်ငံအပြန်အလှန် ကုန်သွယ်မှုသည် ယခုနှစ် ဧပြီလတွင် ၂၀ ရာခိုင်နှုန်း လျော့ကျသွားသည်ဟု တရုတ်အကောက်ခွန်ဌာန၏ ထုတ်ပြန်ချက်တွင် ဖော်ပြသည်။နှစ်နိုင်ငံကြား အပြန်အလှန် ကုန်သွယ်မှုသည် ပြီးခဲ့သည့် ၂၀၂၄ ခုနှစ် အလားတူကာလအတွင်း၌ ဒေါ်လာ ၅၆ ဒသမ ၄ ဘီလီယံရှိခဲ့သော်လည်း ယခုနှစ် ဧပြီလတွင်မူ ဒေါ်လာ ၄၅ ဒသမ ၆ ဘီလီယံအထိ ကျဆင်းသွားသည်။ အကယ်၍ ကုန်သွယ်ရေး တင်းမာမှုအခြေအနေသည် ပိုမိုဆိုးရွားလာမည်ဆိုပါက နှစ်နိုင်ငံကြား ကုန်သွယ်မှုသည် ထပ်မံကျဆင်းလာနိုင်ကြောင်း ကျွမ်းကျင်သူတစ်ဦးဖြစ်သူ အိုလ်ဂါ ဘီလန်ကာယာက သတိပေးထားသည်။ထို့ပြင် တရုတ်နှင့်အမေရိကန် ပြည်ထောင်စုတို့ကြား အပြန်အလှန် ကုန်သွယ်မှု ကျဆင်းလာခြင်းသည် တရုတ်နိုင်ငံအတွင်းရှိ   စက်မှုထုတ်ကုန်ပစ္စည်း ဝယ်လိုအားကို ကျဆင်းလာစေနိုင်သည်။ လက်ရှိတွင် တရုတ်နိုင်ငံသည် စက်မှုကုန်ကြမ်းပစ္စည်း အများဆုံးကို တင်သွင်းနေသည့် နိုင်ငံဖြစ်ကြောင်း အကဲဖြတ်တစ်ဦးဖြစ်သူ နီကိုလိုင် ဒက်ချင်ကိုက ပြောသည်။ထို့ပြင် ကုန်သွယ်ရေး တင်းမာမှုကြောင့် တရုတ်နိုင်ငံ အနေဖြင့် ၎င်းတို့၏ ထုတ်ကုန်များကို အခြားနိုင်ငံများသို့ ဖြန့်ကြက်တင်ပို့ရန် လိုအပ်နိုင်ဖွယ်ရှိကြောင်း ကျွမ်းကျင်သူများက ပြောသည်။MWD Web Portal
Fri, 6-Jun-2025
ဘိုကလေးမြို့နယ်မှ ရန်ကုန်ဈေးကွက်သို့ မေလအတွင်း ငါးရှဉ့်ပိဿာချိန် အများအပြား တင်ပို့ရောင်းချနိုင်ခဲ့
ဘိုကလေးမြို့နယ်မှ ရန်ကုန်ဈေးကွက်သို့ မေလအတွင်း ငါးရှဉ့်ပိဿာချိန် အများအပြား တင်ပို့ရောင်းချနိုင်ခဲ့
ဘိုကလေး   ဇွန် ၄ဧရာဝတီတိုင်းဒေသကြီး ဘိုကလေးမြို့နယ်မှ ရန်ကုန်ဈေးကွက်သို့ မေလအတွင်း ငါးရှဉ့်ပိဿာချိန် အများအပြားတင်ပို့ရောင်းချနိုင်ခဲ့ကြောင်း ဘိုကလေးမြို့နယ် ရေထွက်ကုန်ရောင်းဝယ်ရေးပွဲရုံပိုင်ရှင် ဒေါ်ဇာခြည် က ပြောပြ၍ သိရသည်။ဘိုကလေးမြို့နယ်သည် ငါးရှဉ့်များထွက်သောဒေသဖြစ်ပြီး ထွက်ရှိလာသည့် ငါးရှဉ့်များကို ဒေသဈေးကွက်အပြင် ရန်ကုန်ဈေးကွက်သို့ တင်ပို့ရောင်းချလျက်ရှိပြီး ဘိုကလေးမြို့နယ်မှ ရန်ကုန်ဈေးကွက်သို့ ဧပြီလအတွင်းက ငါးရှဉ့်ပိဿာချိန် ၄၅၀၀၀ သာ တင်ပို့ရောင်းချနိုင်ခဲ့ပြီး မေလအတွင်းက ငါးရှဉ့်ပိဿာချိန် ၇၃၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။“ဘိုကလေးမြို့နယ်က တောင်သူတွေက လယ်ယာထွက်ကုန်တွေအပြင် ငါးရှဉ့်နဲ့ အခြားရေထွက်ကုန်တွေ တင်ပို့ရောင်းချနေပါတယ်။ ရေလုပ်ငန်းကတော့ ဒေသခံတွေအတွက် စီးပွားရေးလုပ်ငန်းတစ်ခုထဲမှာ အပါအဝင် ဖြစ်ပါတယ်။ ပြီးခဲ့တဲ့ မေလထဲမှာ ရန်ကုန်ဈေးကွက်က ငါးရှဉ့်ဝယ်ယူမှု အားကောင်းခဲ့ပါတယ်။ ဝယ်ယူမှုအားကောင်းခဲ့တဲ့အတွက် ငါးရှဉ့်မွေးမြူသူတွေနဲ့ ရေလုပ်သားတွေ အလုပ်အကိုင်အခွင့်အလမ်းကောင်းလာတာတွေ့ရပါတယ်” ဟု ဘိုကလေးမြို့နယ် ငါးရှဉ့် ရောင်းဝယ်ရေးပွဲရုံပိုင်ရှင် ဒေါ်ဇာခြည်က ပြောပြသည်။ဘိုကလေးမြို့နယ်မှ ရန်ကုန်ဈေးကွက်သို့ မေလအတွင်း တင်ပို့ရောင်းချခဲ့သည့် ငါးရှဉ့်တစ်ပိဿာလျှင် ငွေကျပ် ၁၉၅၀၀ ထိ ပေါက်ဈေးရှိကြောင်းသိရသည်။ကျော်ကျော်လင်းSource: ရတနာပုံသတင်းစာ
Thu, 5-Jun-2025
ကမ္ဘာ့ကုန်သွယ်ရေးတင်းမာမှုက လုပ်အားဈေးကွက်ကို ရိုက်ခတ်လျက် ရှိကြောင်း အပြည်ပြည်ဆိုင်ရာ အလုပ်သမားအဖွဲ့ (ILO) ညွှန်ကြားရေးမှူးချုပ် ပြောကြား
ကမ္ဘာ့ကုန်သွယ်ရေးတင်းမာမှုက လုပ်အားဈေးကွက်ကို ရိုက်ခတ်လျက် ရှိကြောင်း အပြည်ပြည်ဆိုင်ရာ အလုပ်သမားအဖွဲ့ (ILO) ညွှန်ကြားရေးမှူးချုပ် ပြောကြား
ရိုက်ခတ်မှုများဖြစ်ပေါ်စေကြောင်း အပြည်ပြည်ဆိုင်ရာ အလုပ်သမားအဖွဲ့ (ILO) ညွှန်ကြားရေးမှူးချုပ် Gilbert F. Houngbo က ဇွန် ၂ ရက် အပြည်ပြည်ဆိုင်ရာ အလုပ်သမား ညီလာခံတွင် ပြောကြားခဲ့သည်။၁၁၃ ကြိမ်မြောက် အပြည်ပြည်ဆိုင်ရာ အလုပ်သမားညီလာခံကို ဇွန် ၂ ရက်တွင် ဂျီနီဗာ၌ ဖွင့်လှစ် ကျင်းပ ခဲ့သည်။ ၂၀၂၅ ခုနှစ် ကမ္ဘာတစ်ဝန်း အသစ်တိုးလာသည့် အလုပ်အကိုင်အရေအတွက်သည် ၅၃ သန်း ရှိမည် ဟု ခန့်မှန်းထားပြီး ယမန်နှစ် အောက်တိုဘာလတွင် ခန့်မှန်းထားသည့် သန်း ၆၀ ထက် ၇ သန်း လျော့နည်း သွားရာ အဆိုပါအပြောင်းအလဲ၏ အဓိကအကြောင်းအရင်းမှာ ကုန်သွယ်ရေးတင်းမာမှုအခြေအနေ ပိုမို ဆိုးရွား လာခြင်းကြောင့် ကမ္ဘာ့စီးပွားရေးတိုးတက်မှု နှောင့်နှေးလာရခြင်း ဖြစ်ကြောင်း အပြည်ပြည်ဆိုင်ရာ အလုပ်သမား အဖွဲ့ (ILO) “ကမ္ဘာ့အလုပ်အကိုင်နှင့် လူမှုအဖွဲ့အစည်း အလားအလာများ အစီရင်ခံစာ” ၏ နောက်ဆုံး ခန့်မှန်းချက်အရ သိရသည်။ဉာဏ်ရည်တုအား ကျယ်ကျယ်ပြန့်ပြန့် အသုံးပြုလာခြင်းသည် ကမ္ဘာ့လုပ်အားဈေးကွက်အပေါ် နေ့စဉ် နှင့်အမျှ သိသာစွာသက်ရောက်လျက်ရှိပြီး မီဒီယာ၊ ဆော့(ဖ်)ဝဲ တီထွင်မှုနှင့် ဘဏ္ဍာရေးစသည့် ဒစ်ဂျစ်တယ် နည်းပညာအသွင် မြင့်မားသောအလုပ်အကိုင်များသည် နေ့စဉ်နှင့်အမျှ မြင့်တက်လာသော အန္တရာယ်များနှင့် ရင်ဆိုင်ရမည်ဖြစ်သလို တစ်ချိန်တည်းမှာပင် အလုပ်ပုံစံတစ်မျိုးတည်းအား ထပ်တလဲလဲလုပ်ကိုင်ရသည့် ကာယအားကိုးရသော အလုပ်အကိုင်များသည် “ပို၍ ထိလွယ် ခိုက်လွယ်ဖြစ်” လာမည်ဖြစ်ကြောင်း Houngbo က ပြောကြားခဲ့သည်။ယခုအကြိမ် အပြည်ပြည်ဆိုင်ရာ အလုပ်သမားညီလာခံကို ဇွန် ၁၃ ရက်အထိ ကျင်းပသွားမည်ဖြစ်ပြီး အပြည်ပြည်ဆိုင်ရာအလုပ်သမားအဖွဲ့ (ILO) မှ အဖွဲ့ဝင် ကိုယ်စားလှယ် ၁၈၇ ဦးက ဇီဝဘေး အန္တရာယ် ကာကွယ်ရေး၊ ဂုဏ်သိက္ခာရှိသောအလုပ်နှင့် “ပင်လယ်ရေကြောင်း အလုပ်သမားရေးဆိုင်ရာ သဘောတူ စာချုပ်” ပြင်ဆင်ရေး စသည့်ကိစ္စရပ်များကို အာရုံစိုက်ကာ အဓိကထားဆွေးနွေးသွားမည်ဖြစ်သည်။အပြည်ပြည်ဆိုင်ရာ အလုပ်သမားညီလာခံသည် အပြည်ပြည်ဆိုင်ရာအလုပ်သမားအဖွဲ့ (ILO) ၏ အာဏာ အကြီးဆုံး အဖွဲ့အစည်းဖြစ်ပြီး ညီလာခံကို မေလနှင့် ဇွန်လကြားတွင် ဂျီနီဗာ၌ နှစ်စဉ် တစ်ကြိမ် ကျင်းပ လေ့ရှိသည်။ အပြည်ပြည်ဆိုင်ရာအလုပ်သမားအဖွဲ့ (ILO) ကို ၁၉၁၉ ခုနှစ်တွင် စတင်ထူထောင်ခဲ့ပြီး အစိုးရ၊ အလုပ်ရှင်နှင့် အလုပ်သမားကိုယ်စားလှယ်တို့က ဖွဲ့စည်းထားသော သုံးပွင့်ဆိုင်အဖွဲ့အစည်းဖြစ်ရာ ၎င်း၏ အဓိက ရည်ရွယ်ချက်မှာ အလုပ်အကိုင် အပြည့်အဝဖန်တီးရန်၊ အလုပ်သမားနှင့် အလုပ်ရှင်ကြား ပူးပေါင်း ဆောင်ရွက်မှုမြှင့်တင်ရန်၊ အလုပ်သမား၏ အခြေအနေများ ပိုမိုကောင်းမွန်စေရန်၊ လူမှုဖူလုံရေးခံစားခွင့် ကျယ်ပြန့်စေရန်၊ အလုပ်သမားအခွင့်အရေးနှင့် အကျိုးစီးပွားကို အာမခံရန်၊ လူမှုတရားမျှတမှု ထိန်းသိမ်းရန် ဖြစ်သည်။ ကိုးကား- Xinhua
Wed, 4-Jun-2025
ကုန်သွယ်ရေးစင်္ကြံအတွက် ထိုင်း-ဗီယက်နမ်-တရုတ်တို့အား ဆက်သွယ် ပေးမည့် R12 လမ်းမကြီးတည်ဆောက်ရေးစီမံကိန်း လာအိုတွင် စတင်
ကုန်သွယ်ရေးစင်္ကြံအတွက် ထိုင်း-ဗီယက်နမ်-တရုတ်တို့အား ဆက်သွယ်ပေးမည့် R12 လမ်းမကြီးတည်ဆောက်ရေးစီမံကိန်း လာအိုတွင် စတင်
ထိုင်း၊ ဗီယက်နမ်နှင့် တရုတ်နိုင်ငံတို့ကို ဆက်သွယ်ပေးမည့် R12 အမည်ရှိ ကုန်သွယ်ရေးလမ်းမကြီးအား လာအိုနိုင်ငံတွင် စတင်တည်‌ဆောက်နေပြီ ဖြစ်ကြောင်း အိမ်နီးချင်းနိုင်ငံများ စီးပွားရေးဖွံ့ဖြိုးတိုးတက်မှု ပူးပေါင်း ဆောင်ရွက်ရေးအေဂျင်စီ (Neighbouring Countries Economic Development Cooperation Agency-Neda) ဥက္ကဋ္ဌ Perames Vudthitornetiraks က ပြောကြားလိုက်ပါသည်။ အဆိုပါလမ်းမကြီး၏ စုစုပေါင်းအရှည်မှာ ၁၄၇ ကီလိုမီတာရှိမည်ဖြစ်ပါသည်။R12 အမြန်လမ်းမကြီးတည်ဆောက်ခြင်းအား ထိုင်းနိုင်ငံ Nakhon Phanom နယ်စပ်ဂိတ်မှ ၁၇ ကီလိုမီတာအကွာတွင် တည်ရှိသည့် လာအိုနိုင်ငံ၏ Khammouane ပြည်နယ်ရှိ Thakhek မြို့မှ စတင်ဆောင်ရွက်မည် ဖြစ်ပြီး Yommalath နှင့် Boualapha မြို့များကိုလည်း ဆက်သွယ် ပေးမည်ဖြစ်ပါသည်။ ထို့နောက် လမ်းမကြီးတည်‌ဆောက်မှုမှာ ဗီယက်နမ် နိုင်ငံ Quang Binh ပြည်နယ်ရှိ Cha Lo နယ်စပ်ဂိတ်နှင့် မျက်နှာချင်း ဆိုင်တွင်ရှိသည့် လာအိုနိုင်ငံ Napao နယ်စပ်ဂိတ်တွင် ပြီးဆုံးမည် ဖြစ်သည်။ အဆိုပါလမ်းမကြီးသည် ထိုင်း-ဗီယက်နမ် ကုန်သွယ်ရေးလမ်းကြောင်းကို လွယ်ကူချောမွေ့စေရုံသာမက ထိုင်းနိုင်ငံမှ တရုတ်နိုင်ငံသို့ ဆက်သွယ် နိုင်ရန် လမ်းကြောင်းတစ်ခုအဖြစ်လည်း အရေးပါသည့်စီမံကိန်း ဖြစ်ပါသည်။ အဆိုပါအမြန်လမ်းမကြီးတည်ဆောက်မှုပြီးစီးပါက ထိုင်းနိုင်ငံ Nakhon Phanom မှ ဗီယက်နမ်သို့ ကားဖြင့်သွားရောက်ရာတွင် လက်ရှိကြာမြင့်ချိန် ၁၀ နာရီမှ  ၄ နာရီသို့ လျှော့ချပေးနိုင်မည်ဖြစ်ပါသည်။ လမ်းမကြီး ဖွင့်လှစ်ပြီး ပထမနှစ်အတွင်း ထိုင်းနိုင်ငံ၏ GDP မှာ ဘတ် ၁.၅၁ ဘီလီယံ အထိ လည်း‌ကောင်း၊ ဒုတိယနှစ်မှ ပဉ္စမနှစ်အတွင်း နှစ်စဉ် ဘတ် ၂.၈၄ ဘီလီယံ အထိလည်း‌ကောင်း ရရှိလာမည်ဟု ခန့်မှန်းထားပါသည်။အဆိုပါလမ်းမကြီးစီမံကိန်းအတွက် Neda အေဂျင်စီအနေဖြင့် လာအို အစိုးရအား အတိုးနှုန်းသက်သာစွာဖြင့် တစ်နှစ်လျှင် ၁.၇၅%ဖြင့် ဘတ်ငွေ ၁.၇၄ ဘီလီယံ ချေးငွေထုတ်ပေးမည်ဖြစ်‌ကြောင်း ဥက္ကဋ္ဌ Perames က ပြောကြားခဲ့ပါသည်။ ချေးငွေပြန်ဆပ်ရမည့်ကာလမှာ စုစုပေါင်း နှစ် ၃၀ ကြာမြင့်မည်ဖြစ်သည်။ မိုးရာသီကာလပြီးဆုံးပါက လမ်းမကြီးအား စတင် တည်ဆောက်မည်ဖြစ်ပြီး တည်ဆောက်ရေးကာလမှာ လ ၃၀ ခန့် ကြာမြင့်မည်ဟု မျှော်မှန်းထားပါသည်။အဆိုပါစီမံကိန်းတွင် လမ်းမကြီးအား Asian Highway စံချိန်စံညွှန်း များနှင့်အညီ အဆင့်မြှင့်တင်ခြင်း၊ နယ်စပ်စစ်‌ဆေးရေးစခန်းများ၊ ရုံးခန်းများ၊ ကုန်သွယ်ရေးစခန်းများ၊ သိုလှောင်ရုံများ၊ အများပြည်သူသုံး ဝန်ဆောင်မှု များနှင့် နယ်စပ်အပန်းဖြေစခန်းများ တည်ဆောက်ခြင်းတို့ ပါဝင်မည် ဖြစ်ပါသည်။ ထို့ပြင် ရပ်ကွက်အတွင်းရှိ လမ်းဆုံများတွင် လျှပ်စစ် ဓာတ်အားပေးစနစ်များ ပြုပြင်သွားမည်ဖြစ်ပြီး အန္တရာယ်ရှိသော နေရာ များတွင် လုံခြုံရေးစနစ်များ တပ်ဆင်ကာ ခရီးသွားဧည့်ဝန်ဆောင်မှု များလည်း တိုးချဲ့ဆောင်ရွက်သွားမည်ဖြစ်သည်။ကိုးကား- Bangkok Postဘာသာပြန်ဆိုသူ- ဒေါ်မေသူခိုင်၊ လက်ထောက်ညွှန်ကြားရေးမှူး၊ နစက-၃
Wed, 4-Jun-2025
မျှစ်ချိုးခြင်းနှင့် တောင်ယာခုတ်ခြင်းများလာသောကြောင့် ဝါးအထွက်နှုန်း လျော့လာ
မျှစ်ချိုးခြင်းနှင့် တောင်ယာခုတ်ခြင်းများလာသောကြောင့် ဝါးအထွက်နှုန်း လျော့လာ
မြန်မာနိုင်ငံသည် ဝါးသယံဇာတပေါများသည့် နိုင်ငံဖြစ်သော်လည်း မျှစ်ချိုးခြင်းနှင့် တောင်ယာခုတ်ခြင်း များလာသည့်အတွက် ဝါးအထွက်နှုန်း လျော့နည်းလာကြောင်း မျှစ်နှင့် ဝါးစိုက်ပျိုးထုတ်လုပ်သူများအသင်းမှ ဝါးပညာရှင် ဦးကျော်ဝင်းက NP News ကို ပြောသည်။ မြန်မာနိုင်ငံအတွင်း သစ်တောဧရိယာ ဖုံးလွှမ်းမှု၊ ဝါးသယံဇာတများစွာရှိသည့် နိုင်ငံတစ်ခုဖြစ်ပြီး ယခုနောက်ပိုင်းတွင် ဝါးထုတ်လုပ်မှုအနေဖြင့် ကျဆင်းလာလျက်ရှိသည်ကို တွေ့ရှိရကြောင်း သစ်တော သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ က လည်း မေလ (၂၄)ရက်က ရှမ်းပြည်နယ် ကျိုင်း တုံမြို့၌ ဒေသဖွံ့ဖြိုးတိုးတက်ရေးဆိုင်ရာများကို ဆွေးနွေး ပြောကြားရာတွင် ထည့်သွင်းပြောကြားထားခဲ့သေးသည်။“ဝါးအထွက်နှုန်းကျသွားတာက မျှစ်ချိုးတဲ့နှုန်းများတယ်။ တောင်ယာခုတ်ကြတာများတဲ့ အခါကျတော့ ဝါးကအရင်တုန်းကတော့ လမ်းပေါက်တဲ့ နီးနီးနားနားက ခုတ်လို့ရပေမယ့် အခုတစ်ခါကျတော့ ကျွန်တော်တို့ဆီကိုရောက်တဲ့ဝါးတွေဆိုရင် တခြား တစ်နေရာကနေ နွားတွေနဲ့ဆွဲထုတ်ရတာပေါ့။ အခု သစ်တောကလူတွေဆိုရင် ဆင်တွေနဲ့ဆွဲထုတ်ကြတယ်။ နည်းနည်းဝေးသွားတာပေါ့။ နီးနီးနားနားက မျှစ်ချိုးကြတာဆိုတော့ ဝါးကောင်းကောင်းကမရှိတော့ဘူး" ဟု ဝါးအထွက်နှုန်း ကျဆင်းသွားရခြင်း အကြောင်းရင်းနှင့်ပတ်သက်၍ ဦးကျော်ဝင်းက ရှင်းပြသည်။ ထို့ပြင် လက်ရှိတွင် ဝါးဝယ်လိုအား မြင့်တက်နေသော်လည်း ပစ္စည်းရှားနေသည့်အပြင် ဝါးခုတ်လုပ်သားရှားပါးခြင်းနှင့် စက်သုံးဆီဈေးမြင့်တက်နေခြင်းကိုလည်း ကြုံတွေ့နေရကြကြောင်း ၎င်းကဆိုသည်။ “ Demand အားကြောင့်တော့ အထွက်နှုန်းကျသွားတာမဟုတ်ဘူး။ Demand အားကတော့ ကောင်းတယ်။ Supply နည်းပြီး Demand က မြင့်တက်နေတာပေါ့ ” ဟု ၎င်းကဆက်လက်ပြောသည်။ ဝါး တစ်လုံးတန်ဖိုးမှာ ပြီးခဲ့သည့်နှစ်က ငွေကျပ် (၁၂၀ဝ)သာ ကျသင့်ခဲ့သော်လည်း လက်ရှိတွင် ငွေကျပ် (၃၅၀ဝ) အထိ မြင့်တက်လာပြီဖြစ်ကြောင်း သိရသည်။ မြန်မာနိုင်ငံမှ ထွက်ရှိသောဝါးများကို နိုင်ငံတကာမှ ဝယ်လိုအားရှိနေသော်လည်း ဝါးကို စနစ်တကျ မခုတ်ခြင်း၊ မျှစ်ကို စနစ်တကျမချိုးခြင်းကြောင့် အရည်အသွေးမြင့် ဝါးတောများမရှိသည့်အတွက် ဝင်ငွေနည်းပါးနေခြင်းဖြစ်ကြောင်း သိရသည်။ဝါးသည် လျင်မြန်စွာကြီးပြင်းနိုင်သည့်အတွက် ပတ်ဝန်းကျင်ထိန်းသိမ်းခြင်း၊ ကာဗွန်ဒိုင်အောက်ဆိုက်လျော့နည်းစေခြင်း၊ မြေဆီလွှာထိန်းသိမ်းနိုင်ခြင်းနှင့် ရေဝေရေလဲဒေသများ ထိန်းသိမ်းနိုင်ခြင်း စသည့်ကောင်းကျိုးများကိုလည်း ပေးစွမ်းနိုင်ကြောင်း သိရသည်။Source: NP News
Wed, 4-Jun-2025
© Copyright 2024 SAC All Rights Reserved.