ကော်လိုရာဒိုတိုက်ခိုက်မှု သံသယရှိသူအား သောကြာနေ့တွင် ရုံးထုတ်မည်

saceditor

News Image

  • ကော်လိုရာဒိုတိုက်ခိုက်မှု သံသယရှိသူအား သောကြာနေ့တွင် ရုံးထုတ်မည်

Colorado ပြည်နယ် Boulder တွင် ဂျူးမုန်းတီးရေး တိုက်ခိုက်မှု ကျူးလွန်သည်ဟုစွပ်စွဲခံရသူ အီဂျစ်နိုင်ငံသား Mohamed Soliman (၄၅နှစ်) အား ဖက်ဒရယ်တရားရုံးသို့ သောကြာနေ့ (ဇွန် ၆) တွင် ရုံးထုတ် စစ်ဆေးမည်ဖြစ်ပြီး မီးခိုးဗုံးဖြင့်တိုက်ခိုက်မှုနှင့်စပ်လျဉ်း၍ လူသတ်ရန် ကြံစည်မှုစွဲချက်၂၈ ခုဖြင့် တရားစွဲဆိုခံထားရသည်။

၎င်းသည် Gaza ရှိ အစ္စရေးဓားစာခံများလွတ်မြောက်စေရေး ထောက်ခံ အားပေးသည့် ပွဲတစ်ခုတွင် Molotov မီးလောင်ဗုံးများဖြင့် လူအုပ်ကို တိုက်ခိုက်ခဲ့သည်ဟု စွပ်စွဲခံရသည်။ ယင်းတိုက်ခိုက်မှုသည် ဂျူးဘာသာဝင် များ၏ Shavuot ပွဲတော်မတိုင်မီညတွင်ဖြစ်ပွားခဲ့ပြီး ဝါရှင်တန်ဒီစီတွင် အစ္စရေးသံရုံးဝန်ထမ်း ၂ဦး ပစ်ခတ်သတ်ဖြတ်ခံရသည့် ဂျူးဆန့်ကျင်ရေး တိုက်ခိုက်မှုမှ ၂ ပတ်အတွင်းဖြစ်ပွားခဲ့ခြင်းဖြစ်သည်။

FBI နှင့် ပြည်တွင်းလုံခြုံရေးဌာနတို့က ကြာသပတေးနေ့ ထုတ်ပြန်ချက် တွင် “အစ္စရေးနှင့်ဂျူးလူမျိုးများအား ဆက်လက်ခြိမ်းခြောက်နေသည့် အန္တရာယ်များနှင့်ပတ်သက်၍ ပြည်သူ့လုံခြုံရေးအတွက် စိုးရိမ်ဖွယ်ရာ များရှိနေကြောင်း” သတိပေးခဲ့သည်။

တရားရုံးအထောက်အထားများအရ Soliman အား Boulder တိုက်ခိုက်မှု နှင့်ဆက်စပ်သည့် ဖက်ဒရယ်မုန်းတီးရေးရာဇဝတ်မှုဖြင့် တရားစွဲထားပြီး အပြစ်ရှိကြောင်းထင်ရှားပါက ထောင်ဒဏ်တစ်သက်တစ်ကျွန်း ချမှတ် နိုင်ကြောင်း Colorado ခရိုင် ယာယီအမေရိကန်ရှေ့နေ J. Bishop Grewell က တနင်္လာနေ့ (ဇွန် ၂) က ပြောကြားခဲ့သည်။

ကိုးကား- CNN

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဂျာမနီဝန်ကြီးချုပ် Merz က “အစ္စရေးသည် မိမိတို့ကိုယ်စား လုပ်ဆောင်ပေးနေသည်” ဟု ချီးကျူးပြောဆို
ဂျာမနီဝန်ကြီးချုပ် Merz က “အစ္စရေးသည် မိမိတို့ကိုယ်စား လုပ်ဆောင်ပေးနေသည်” ဟု ချီးကျူးပြောဆို
ဂျာမနီဝန်ကြီးချုပ် Friedrich Merz က အီရန်ကို အစ္စရေး၏ စစ်ရေး တိုက်ခိုက်မှုများအား လူသိရှင်ကြား ချီးကျူးဂုဏ်ပြုလျက် အစ္စရေး အစိုးရနှင့် တပ်မတော်သည် အနောက်နိုင်ငံများအတွက် အမှိုက်ထုပ် ရှင်းလင်းရေးအလုပ် (Dirty work) ကို ရဲရင့်စွာ လုပ်ဆောင်ပေးနေသည် ဟု ပြောကြားခဲ့သည်။G7 ထိပ်သီးအစည်းအဝေး (ကိုယ်စားလှယ်အဆင့်) ကနေဒါ၌ ကျင်းပစဉ် ၎င်းပြုလုပ်ခဲ့သော အင်တာဗျူးများတွင် ဂျာမနီခေါင်းဆောင်က ထိုကဲ့သို့ ရှင်းလင်းချက်ပေးခဲ့သည်။ မူလ အီရန်နျူကလီးယား သဘောတူညီချက်ကို အာမခံခဲ့သော နိုင်ငံများအားလုံး (ရုရှား၊ တရုတ်မှလွဲ၍) အဆိုပါ အစည်းအဝေးတွင် ပါဝင်ခဲ့သည်။ZDF သတင်းဌာနနှင့် အင်တာဗျူးတစ်ခုတွင် Merz က “ဒါဟာ အစ္စရေး က မိမိတို့အားလုံးအတွက် လုပ်ပေးနေသည့် အမှိုက်ထုပ် ရှင်းလင်းရေး အလုပ်ပါ။ ဒီစနစ်၏ သားကောင်တွေလည်း မိမိတို့ပါပဲ” ဟု ဆိုကာ “ဘာသာရေးအစွန်းရောက် မူလာ (Mullah) အစိုးရဟာ ကမ္ဘာကို သေခြင်းနှင့် ဖျက်ဆီးမှုတွေ ယူဆောင် လာခဲ့သည်” ဟု စွပ်စွဲပြောဆို ခဲ့သည်။Merz က Welt သတင်းဌာနနှင့် သီးသန့်အင်တာဗျူးတစ်ခု၌ ဆက်လက် ပြောကြားရာတွင် “လွန်ခဲ့တဲ့ ရက်အနည်းငယ်အတွင်းက တိုက်ခိုက်မှုများသည် မူလာအစိုးရကို အတော်လေး အားနည်းသွားစေပြီး အရင်လို အင်အားပြန်မကောင်းနိုင်တော့ ဟု မိမိယူဆပါသည်။ ဒါဟာ ထိုနိုင်ငံ၏ အနာဂတ်ကို မရေရာမှုတွေ ဖြစ်စေနိုင်ပါသည်” ဟု ထပ်မံ ဖြည့်စွက်ပြောကြားခဲ့သည်။ဂျာမနီသည် ၂၀၁၅ ခုနှစ်က Joint Comprehensive Plan of Action (JCPOA) သို့မဟုတ် အီရန်နျူကလီးယားသဘောတူညီချက် ညှိနှိုင်းခဲ့သည့် P5+1 အဖွဲ့၏ အဖွဲ့ဝင်နိုင်ငံတစ်ခုဖြစ်သည်။ အစ္စရေး၏ တိုက်ခိုက်မှုများကို ထောက်ခံသော်လည်း Merz က ဘာလင်သည် အီရန်နိုင်ငံ နျူကလီးယားလက်နက်မရရှိစေရန် အာမခံသည့် ညှိနှိုင်းမှုအသစ်များကို ပံ့ပိုးရန် အဆင်သင့်ရှိကြောင်း ပြောကြားခဲ့သည်။တနင်္လာနေ့ (ဇွန် ၁၆) တွင် ထုတ်ပြန်သော ပူးတွဲကြေညာချက် တစ်ရပ်တွင် G7 ခေါင်းဆောင်များက အီရန်အား “ဒေသတွင်း မတည်ငြိမ်မှု နှင့် အကြမ်းဖက်မှု၏ အဓိကအရင်းအမြစ်” အဖြစ် ရှုတ်ချပြီး “အီရန်သည် နျူကလီးယားလက်နက်ကို မည်သည့်အခါမျှ ပိုင်ဆိုင်ခွင့်မရှိစေရ” ဟု ထပ်လောင်းပြောကြားခဲ့သည်။G7 ထိပ်သီးညီလာခံမှ အချိန်မတိုင်မီ ထွက်ခွာသွားခဲ့သည့် အမေရိကန် သမ္မတ ဒေါ်နယ်ထရမ့်က အင်္ဂါနေ့ (ဇွန် ၁၇) တွင် အီရန်ထံမှ “ကန့်သတ်ချက် မရှိ လက်နက်ချရန်” တောင်းဆိုခဲ့သည်။ ဝါရှင်တန်က ယခင်က တီဟီရန် အား ယူရေနီယမ်ချဲ့ထွင်မှု အားလုံးကို ရပ်တန့်ရန် တောင်းဆိုခဲ့ သော်လည်း အီရန်အရာရှိများက ယင်းတောင်းဆိုချက်မှာ “လက်တွေ့နှင့် လုံးဝမကိုက်ညီသော” အရာဖြစ်သည်ဟု ပြောဆိုခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ရှမ်းပြည်နယ်(မြောက်ပိုင်း)၊ မူဆယ်မြို့နယ်၌ တရားမဝင် Online ငွေကြေးလိမ်လည်မှုလုပ်ငန်း (ကျားဖြန့်)လုပ်ကိုင်သူ မြန်မာနိုင်ငံသား ၉၇ ဦးနှင့် တရုတ်နိုင်ငံသား ၄၁ ဦးတို့အား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ
ရှမ်းပြည်နယ်(မြောက်ပိုင်း)၊ မူဆယ်မြို့နယ်၌ တရားမဝင် Online ငွေကြေးလိမ်လည်မှုလုပ်ငန်း (ကျားဖြန့်)လုပ်ကိုင်သူ မြန်မာနိုင်ငံသား ၉၇ ဦးနှင့် တရုတ်နိုင်ငံသား ၄၁ ဦးတို့အား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ
18 June 2025၂၀၂၅ ခုနှစ်၊ ဇွန် ၁၆ ရက် မွန်းလွဲ ၂ နာရီတွင် မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ရှမ်းပြည်နယ်(မြောက်ပိုင်း)၊ မူဆယ်မြို့၊ စွမ်စော်ရပ်ကွက်နှင့် ကောင်းမှုတုံရပ်ကွက်အတွင်း၌ တရုတ်နိုင်ငံသားများနှင့် မြန်မာနိုင်ငံသားများ ပူးပေါင်းကာ Online ငွေကြေးလိမ်လည်မှုလုပ်ငန်း(ကျားဖြန့်) လုပ်ကိုင်နေကြောင်း သတင်းအရ သက်သေများနှင့်အတူ ရှာဖွေစစ်ဆေးခြင်းများ လုပ်ကိုင်ခဲ့ပါသည်။ ထိုသို့ရှာဖွေစစ်ဆေးခြင်းများ ဆောင်ရွက်ခဲ့ရာ ရှမ်းပြည်နယ်(မြောက်ပိုင်း)၊ မူဆယ်မြို့၊ စွမ်စော်ရပ်ကွက်၊ အိမ်အမှတ်(မဆ-၄၀၀) ရှိ အိမ်ပိုင်ရှင်(စိစစ်ဆဲ)၏ နေအိမ်အား ဝင်ရောက်ရှာဖွေခဲ့ရာ တရားမဝင် Online ငွေကြေးလိမ်လည်မှုလုပ်ငန်း(ကျားဖြန့်) လုပ်ကိုင်နေသည့် တရုတ်နိုင်ငံသား အမျိုးသား ၄၀ ဦးနှင့် မြန်မာနိုင်ငံသား အမျိုးသား ၃၃ ဦး၊ အမျိုးသမီး ၁၀ ဦးတို့အား လက်ကိုင်ဖုန်း မျိုးစုံ ၁၂၀ လုံး၊ ကွန်ပျူတာမျိုးစုံ ၈၆ လုံး၊ WiFi စက် ၃ လုံး၊ CROWN မော်တော်ယာဉ် ၁ စီးတို့ဖြင့် လည်းကောင်း။ ရှမ်းပြည်နယ်(မြောက်ပိုင်း)၊ မူဆယ်မြို့၊ ကောင်းမှုတုံရပ်ကွက်၊ အိမ်အမှတ်(ဟန-၈)ရှိ အိမ်ပိုင်ရှင်(စိစစ်ဆဲ)၏ နေအိမ်အတွင်းမှ  တရားမဝင် Online ငွေကြေးလိမ်လည်မှုလုပ်ငန်း(ကျားဖြန့်)များ လုပ်ကိုင်နေသည့် တရုတ်နိုင်ငံသား အမျိုးသား ၁ ဦး၊ မြန်မာနိုင်ငံသား အမျိုးသား ၂၆ ဦး၊ အမျိုးသမီး ၂၈ ဦးတို့အား ကွန်ပျူတာမျိုးစုံ ၁၆ လုံး၊ လက်ကိုင်ဖုန်းမျိုးစုံ ၃၃၄ လုံး၊ WiFi စက် ၃ လုံး၊ CROWN မော်တော်ယာဉ် ၁ စီး၊ TOYOYA LANDCRUISER မော်တော်ယာဉ် ၁ စီးတို့ဖြင့်လည်းကောင်း စစ်ဆေးတွေ့ရှိသိမ်းဆည်း ဖမ်းဆီးရမိခဲ့ပါသည်။ အထက်ပါဖြစ်စဉ်တွင် ဖမ်းဆီးရမိသည့် တရုတ်နိုင်ငံသား အမျိုးသား ၄၁ ဦးနှင့် မြန်မာနိုင်ငံသား အမျိုးသား ၅၉ ဦးနှင့် အမျိုးသမီး ၃၈ ဦးတို့အား ဥပဒေနှင့်အညီ ထိရောက်စွာအရေးယူနိုင်ရေး ဆက်လက်ဆောင်ရွက်လျက်ရှိကြောင်း သတင်းရရှိပါသည်။MOHA
Wed, 18-Jun-2025
မကွေးတိုင်းဒေသကြီး၊ ပေါက်မြို့နယ်၌ PDF အမည်ခံ အကြမ်းဖက်အဖွဲ့ ထောင်ထားသည့် နင်းမိုင်း တစ်လုံး ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
မကွေးတိုင်းဒေသကြီး၊ ပေါက်မြို့နယ်၌ PDF အမည်ခံ အကြမ်းဖက်အဖွဲ့ ထောင်ထားသည့် နင်းမိုင်း တစ်လုံး ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
18 June 2025အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၇ ရက် နံနက် ၈ နာရီ ၃၅ မိနစ်တွင် မကွေးတိုင်းဒေသကြီး၊ ပေါက်မြို့၊ ရွှေပေါက်ပင်ရပ်ကွက်နေ ဦးမင်းဇော်(၄၄)နှစ်သည် သားဖြစ်သူ မောင်ဖြိုးမင်းသူ(၁၆)နှစ်၊ တစ်ရွာတည်းနေ မောင်ပြည့်ဖြိုးဇော်(၁၇)နှစ်တို့နှင့်အတူ အဆိုပါရပ်ကွက်ရှိ ဦးထွေးလင်း၏ သရက်ခြံဝင်ပေါက်အနီးအရောက်၌ PDF အမည်ခံ အကြမ်းဖက်အဖွဲ့ ထောင် ထားသည့် နင်းမိုင်း တစ်လုံးအား ဦးမင်းဇော်မှ နင်းမိပေါက်ကွဲခဲ့သဖြင့် ၎င်းတွင် ဝဲ/ယာဒူးအောက် ပြတ်ထွက်ဒဏ်ရာများ ရရှိခဲ့ပြီး မောင်ဖြိုးမင်းသူနှင့် မောင်ပြည့်ဖြိုးဇော်တို့ နှစ်ဦးတွင် ထိခိုက်ဒဏ်ရာများ ရရှိခဲ့ခြင်းမရှိကြောင်း သိရသည်။  အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA 
Wed, 18-Jun-2025
ရှမ်းပြည်နယ်(မြောက်ပိုင်း)၊ နောင်ချိုမြို့နယ်၌ TNLA အကြမ်းဖက်အဖွဲ့က အများပြည်သူ ထိခိုက်စေရန်ရည်ရွယ်၍ လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
ရှမ်းပြည်နယ်(မြောက်ပိုင်း)၊ နောင်ချိုမြို့နယ်၌ TNLA အကြမ်းဖက်အဖွဲ့က အများပြည်သူ ထိခိုက်စေရန်ရည်ရွယ်၍ လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
18 June 2025လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။ ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၇ ရက် မွန်းလွဲ ၃ နာရီ ၃၀ မိနစ်တွင် မန္တလေးတိုင်းဒေသကြီး၊ ပြင်ဦးလွင်မြို့နယ်ပြည်သူ့ဆေးရုံသို့ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ရှမ်းပြည်နယ်(မြောက်ပိုင်း)၊ နောင်ချိုမြို့နယ်၊ အုမ္မသီးကျေးရွာသို့ TNLA အကြမ်း ဖက်အဖွဲ့က အများပြည်သူ ထိခိုက်စေရန်ရည်ရွယ်၍ လက်နက်ကြီးဖြင့် ပစ်ခတ်တိုက်ခိုက်ခဲ့ရာ ကျေးရွာအတွင်း လက်နက်ကြီးဗုံးသီး တစ်လုံး ကျရောက်ပေါက်ကွဲခဲ့မှုကြောင့် အဆိုပါကျေးရွာနေ ဦးအိုက်မွန်(၄၀)နှစ်တွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။ ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော မြို့၊ ရပ်ကွက်၊ ကျေးရွာများအတွင်းသို့ အကြမ်းဖက်သမားများမှ တိုက်ပွဲများဖော်ဆောင်ခြင်းနှင့် လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများ လုပ်ဆောင်မှုကြောင့် အပြစ်မဲ့ အရပ်သားပြည်သူများ ထိခိုက်ဒဏ်ရာရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။MOHA 
Wed, 18-Jun-2025
ချင်းပြည်နယ်၊ ဟားခါးမြို့နယ်၌ PDF အမည်ခံ အကြမ်းဖက်အဖွဲ့က ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်
ချင်းပြည်နယ်၊ ဟားခါးမြို့နယ်၌ PDF အမည်ခံ အကြမ်းဖက်အဖွဲ့က ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်
18 June 2025လက်နက်ကိုင်အကြမ်းဖက်အဖွဲ့များသည် မျိုးဆက်သစ်ကလေးသူငယ်များ၏ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားနေမှုအား နှောင့်ယှက်ဖျက်ဆီးလိုသည့် ရည်ရွယ်ချက်များဖြင့် ကျောင်းသုံးပုံနှိပ်စာအုပ်များ၊ စာရေးကိရိယာများအား လုယက်ယူဆောင်ဖျက်ဆီးခြင်း၊ ပညာရေးဝန်ထမ်းများနှင့် ကျောင်းသား/ကျောင်းသူများအား ခြိမ်းခြောက်ဖမ်းဆီးခြင်း၊ သတ်ဖြတ်ခြင်း၊ ပညာရေးဆိုင်ရာ အဆောက်အအုံများအား မိုင်းထောင်ဖောက်ခွဲခြင်း၊ ခြိမ်းခြောက်စာများ ပေးပို့ခြင်းစသည့် အကြမ်းဖက်မှုလုပ်ရပ်များအား လုပ်ဆောင်လျက်ရှိပါသည်။ ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၇ ရက် နံနက် ၈ နာရီတွင် ချင်းပြည်နယ်၊ ဟားခါးမြို့နယ်၊ ကျောဘုတ်ရပ်ကွက်ရှိ အခြေခံပညာအလယ်တန်းကျောင်း၌ ခြိမ်းခြောက်စာ တွေ့ရှိရကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါကျောင်း၏ ကျောင်းစည်းကမ်းချက်ကြော်ငြာသင်ပုန်းပေါ်၌ အောက်ခံအနီရောင်ပေါ်တွင် အဖြူရောင်စာလုံးဖြင့် ကျောင်းဆရာ/ဆရာမများ ကျောင်းမတက်ရန် ခြိမ်းခြောက်ထားသော စာသားများပါရှိသည့် အလျား ၄ ပေ၊ အနံ ၂ ပေရှိ ဗွီနိုင်းစ ၁ ခုအား ကပ်ထားသည်ကို တွေ့ရှိရသဖြင့် ဖယ်ရှားရှင်းလင်းခဲ့ကြောင်း သိရသည်။ အထက်ပါဖြစ်စဉ်မှ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်ခဲ့သည့် အကြမ်းဖက်သမားများအား ဖမ်းဆီးအရေးယူနိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆောင်ရွက်ပေးလျက်ရှိကြောင်း သတင်းရရှိပါသည်။MOHA
Wed, 18-Jun-2025
ပဲခူးတိုင်းဒေသကြီး၊ ပြည်မြို့နယ်၌ PDF အမည်ခံ အကြမ်းဖက်အဖွဲ့က ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်
ပဲခူးတိုင်းဒေသကြီး၊ ပြည်မြို့နယ်၌ PDF အမည်ခံ အကြမ်းဖက်အဖွဲ့က ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်
18 June 2025လက်နက်ကိုင်အကြမ်းဖက်အဖွဲ့များသည် မျိုးဆက်သစ်ကလေးသူငယ်များ၏ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားနေမှုအား နှောင့်ယှက်ဖျက်ဆီးလိုသည့် ရည်ရွယ်ချက်များဖြင့် ကျောင်းသုံးပုံနှိပ်စာအုပ်များ၊ စာရေးကိရိယာများအား လုယက်ယူဆောင်ဖျက်ဆီးခြင်း၊ ပညာရေးဝန်ထမ်းများနှင့် ကျောင်းသား/ကျောင်းသူများအား ခြိမ်းခြောက်ဖမ်းဆီးခြင်း၊ သတ်ဖြတ်ခြင်း၊ ပညာရေးဆိုင်ရာ အဆောက်အအုံများအား မိုင်းထောင်ဖောက်ခွဲခြင်း၊ ခြိမ်းခြောက်စာများ ပေးပို့ခြင်းစသည့် အကြမ်းဖက်မှုလုပ်ရပ်များအား လုပ်ဆောင်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၇ ရက် မွန်းလွဲ ၁ နာရီတွင် ပဲခူးတိုင်းဒေသကြီး၊ ပြည်မြို့နယ်၊ လယ်ဘဲ့ကျေးရွာရှိ အခြေခံပညာအထက်တန်း ကျောင်း၌ ခြိမ်းခြောက်စာ တွေ့ရှိရကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါကျောင်းရှိ Grade-5 တန်း၏ အခန်းအပြင်ဘက် ခုံတန်းပေါ်၌ A4 စာရွက်ပေါ်တွင် စာသင်ကျောင်းများ ဖွင့်လှစ်သင်ကြားမှုအား မပြုလုပ်ရန်ရည်ရွယ်၍ ရေးသားထားသော စာသားပါရှိသည့် ခြိမ်းခြောက်စာ တစ်စောင်အား တွေ့ရှိရသဖြင့် ဖယ်ရှားရှင်းလင်းခဲ့ကြောင်း သိရသည်။  အထက်ပါဖြစ်စဉ်မှ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများသို့ ခြိမ်းခြောက်စာပေးပို့ခြင်းများ လုပ်ဆောင်ခဲ့သည့် အကြမ်းဖက်သမားများအား ဖမ်းဆီးအရေးယူနိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆောင်ရွက်ပေးလျက်ရှိကြောင်း သတင်းရရှိပါသည်။MOHA
Wed, 18-Jun-2025
© Copyright 2024 SAC All Rights Reserved.