ယူကရိန်းအထူးတပ်ဖွဲ့များက လေဆိပ်ကို ဝင်ရောက်တိုက်ခိုက်ပြီး ရုရှားတိုက်လေယာဉ် နှစ်စီးကို ဖျက်ဆီး

saceditor

News Image

  • ယူကရိန်းအထူးတပ်ဖွဲ့များက လေဆိပ်ကို ဝင်ရောက်တိုက်ခိုက်ပြီး ရုရှားတိုက်လေယာဉ် နှစ်စီးကို ဖျက်ဆီး

ယူကရိန်း အထူးတပ်ဖွဲ့များသည် ရုရှားနယ်မြေအတွင်းရှိ Kinzhal ဒုံးပျံတင်ဆောင်ထားသော MiG-31 တိုက်လေယာဉ်များ တပ်စွဲထားသည့် လေတပ်စခန်းကို ဝင်ရောက်တိုက်ခိုက်ပြီး တိုက်လေယာဉ် နှစ်စီးကို ထိမှန်ခဲ့သည်ဟု ပြောကြားခဲ့ပါသည်။

ယူကရိန်းတပ်မတော် စစ်ဌာနချုပ်က ဇွန်လ ၉ ရက်နေ့တွင် အထူး တပ်ဖွဲ့များနှင့် တပ်ဖွဲ့ဝင်အများအပြားသည် ရုရှားနိုင်ငံ Nizhny Novgorod ခရိုင်ရှိ Savasleyka လေဆိပ်ကို ဝင်ရောက်တိုက်ခိုက်ခဲ့ကြောင်း ထုတ်ပြန် ခဲ့ပါသည်။ အဆိုပါလေဆိပ်သည် Kinzhal ဟိုက်ပါဆောနစ် ဒုံးပျံများ တပ်ဆင်ထားသည့် MiG-31K တိုက်လေယာဉ်များ ပုံမှန် ပျံတက်လေ့ ရှိပါသည်။

“ကနဦးအချက်အလက်များအရ ရန်သူလေယာဉ် နှစ်စီးကို ထိမှန်ခဲ့ပြီး MiG-31 တိုက်လေယာဉ်နှင့် Su-30 (သို့) Su-34 တို့ဖြစ်နိုင်ပြီး အချက် အလက်များကို အတည်ပြုနေဆဲဖြစ်သည်” ဟု ယူကရိန်းတပ်မတော်က ပြောကြားခဲ့ပါသည်။ ယူကရိန်းဘက်က တိုက်ခိုက်မှုနည်းလမ်းနှင့် ပတ်သက်၍ ရှင်းလင်းချက်မပေးခဲ့ဘဲ သက်သေအထောက်အထားလည်း မဖော်ပြခဲ့ပေ။

Nizhny Novgorod ခရိုင်အုပ်ချုပ်ရေးမှူး Gleb Nikitin က ပျက်စီး သွားသည့် ဒရုန်းအပိုင်းအစအချို့ လူနေရပ်ကွက်အတွင်း ကျရောက်ခဲ့သော်လည်း လူသေဆုံးမှုမရှိကြောင်း ပြောကြားခဲ့ပါသည်။ ရုရှားတိုက် လေယာဉ်မှူးများ၏ လူမှုကွန်ရက်စာမျက်နှာ Fighter Bomber တွင် ယူကရိန်းတပ်ဖွဲ့များသည် Savasleyka လေဆိပ်ကို အသေခံဒရုန်း များဖြင့် တိုက်ခိုက်ခဲ့သော်လည်း “လေယာဉ်ပျက်စီးမှု (သို့) ထိခိုက်မှုမရှိ” ဟု ဆိုပါသည်။

ထိုနေ့တွင်ပင် ယူကရိန်းတပ်မတော်က ရုရှားနိုင်ငံ Chuvashia သမ္မတ နိုင်ငံ Cheboksary ဒေသရှိ ရုရှား၏ UAV နှင့် ဒုံးပျံများအတွက် လမ်းညွှန်စနစ်ပစ္စည်းများ ထုတ်လုပ်သည့် စက်ရုံတစ်ခုကို အနည်းဆုံး အသေခံ ဒရုန်း (၂) စီးဖြင့် တိုက်ခိုက်ခဲ့ပြီး မီးလောင်မှုဖြစ်ပွားကာ စက်ရုံ လည်ပတ်မှု ရပ်ဆိုင်းသွားရကြောင်း ကြေညာခဲ့သည်။

ရုရှားကာကွယ်ရေးဝန်ကြီးဌာနက ဇွန် ၉ ရက်နေ့တွင် ယူကရိန်း၏ အရွယ်အစားကြီးမားသော UAV (၄၉) စီးကို ပစ်ချဖျက်ဆီးနိုင်ခဲ့ကြောင်း ထုတ်ပြန်ခဲ့သည်။ ၎င်းတို့အနက် (၂) စီးကို Chuvashia သမ္မတနိုင်ငံတွင်၊ (၁၃) စီးကို Nizhny Novgorod ဒေသတွင် ပစ်ချခဲ့ပြီး ကျန်ဒရုန်းများကို Kursk၊ Voronezh၊ Oryol၊ Bryansk နှင့် Belgorod ဒေသများအပေါ် ပျံသန်းနေစဉ် ပစ်ချဖျက်ဆီးခဲ့ခြင်းဖြစ်သည်။

Chuvashia သမ္မတနိုင်ငံ၏ ခေါင်းဆောင် Oleg Nikolaev က Cheboksary ရှိ VNIIR စက်ရုံတွင် UAV (၂) စီး ပျက်ကျခဲ့ပြီး ဝန်ထမ်း များ၏ ဘေးကင်းရေးအတွက် စက်ရုံလည်ပတ်မှုကို ယာယီ ရပ်ဆိုင်းခဲ့ ရကြောင်း အတည်ပြုခဲ့သည်။ ဒရုန်းအကြွင်းအကျန်များသည် Cheboksary နှင့် Krasnoarmeysky ခရိုင်များရှိ လူသူမနီးသော နေရာများတွင် ကျရောက်ခဲ့ပြီး အရပ်သားများအတွက် အန္တရာယ်မရှိကြောင်း ၎င်းက ဖြည့်စွက်ပြောကြားခဲ့သည်။

ကိုးကား- VN Express

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အီရန်ကိုတိုက်ခိုက်ပါက ဆိုးရွားသည့်အကျိုးဆက်များ ရှိလာမည်ဟု အမေရိကန်ကို အီရန်ခေါင်းဆောင်သတိပေး
အီရန်ကိုတိုက်ခိုက်ပါက ဆိုးရွားသည့်အကျိုးဆက်များ ရှိလာမည်ဟု အမေရိကန်ကို အီရန်ခေါင်းဆောင်သတိပေး
တီဟီရန် ဇွန် ၁၈ အမေရိကန်နိုင်ငံ အနေဖြင့် အီရန်ကို စစ်ရေးအရတိုက်ခိုက်ခဲ့ပါက ပြန်လည်ကုစား၍မရနိုင်သည့်အကျိုးဆက်များနှင့် ရင်ဆိုင်ရလိမ့်မည်ဖြစ်ကြောင်း အီရန် ခေါင်းဆောင်အယာတိုလာခါမေနီ က ယနေ့တွင် သတိပေးခဲ့သည်။ ခြွင်းချက်မရှိ လက်နက်ချရန် အမေရိကန်သမ္မတ ဒေါ်နယ်ထရမ့်က အီရန်နိုင်ငံကို ဇွန် ၁၇ ရက်တွင် တောင်းဆိုခဲ့ပြီးနောက် အီရန် ခေါင်းဆောင် အယာတိုလာခါမေနီ ၏ သတိပေးချက်ပေါ်ထွက်လာခြင်းဖြစ်သည်။အီရန်ပြည်သူများ အနေဖြင့် ခြိမ်းခြောက်မှုများအား အသာတကြည်လက်ခံမည်မဟုတ်သလို အတင်းဖန်တီးထားသော ငြိမ်းချမ်းရေးနှင့်စစ်ပွဲများကိုလည်း လက်ခံမည်မဟုတ်ကြောင်း အီရန် ခေါင်းဆောင် အယာတိုလာခါမေနီ က ပြောကြားခဲ့သည်။ အစ္စရေးနှင့်အီရန်တို့ကြားငါးရက် မြောက်နေ့အဖြစ် စစ်ရေးပဋိပက္ခ များဖြစ်ပွားနေချိန်တွင် အီရန်ကို ခြွင်းချက်မရှိလက်နက်ချရန် အမေရိကန်သမ္မတ ဒေါ်နယ်ထရမ့်က တောင်းဆိုခဲ့ခြင်းဖြစ်သည်။ယင်းအပြင် အမေရိကန် အစိုးရသည် အီရန်နျူကလီးယား အဆောက်အအုံများကို တိုက်ခိုက်ရာတွင် အစ္စရေးနှင့်ပူးပေါင်းပါဝင်ရေးအတွက် စဉ်းစားနေကြောင်းလည်း သတင်းများထွက်ပေါ်လျက်ရှိသည်။လက်ရှိဖြစ်ပွားနေသော အီရန်-အစ္စရေးစစ်ရေးပဋိပက္ခ၌ အမေရိကန်နိုင်ငံ တိုက်ရိုက်ကြားဝင်ခဲ့ပါက လက်တုံ့ပြန်မည်ဖြစ်ကြောင်း ကုလသမဂ္ဂဆိုင်ရာ သံအမတ်ကြီးက သတိပေးထားသည်။Ref: RTTrs: KKO
Thu, 19-Jun-2025
အမေရိကန်ထောက်လှမ်းရေးဌာနက တီဟီရန်မှ ဝါရှင်တန်ကို ပြန်လည် တုံ့ပြန်မှုအန္တရာယ်အကြောင်း သတိပေးထား
အမေရိကန်ထောက်လှမ်းရေးဌာနက တီဟီရန်မှ ဝါရှင်တန်ကို ပြန်လည် တုံ့ပြန်မှုအန္တရာယ်အကြောင်း သတိပေးထား
အမေရိကန်ထောက်လှမ်းရေးအဖွဲ့များ၏ အဆိုအရ အကယ်၍ ထရမ့်က အမေရိကန်စစ်တပ်အား အစ္စရေး၏ လေကြောင်း တိုက်ခိုက်ရေး လုပ်ငန်းစဉ်တွင် ပါဝင်ရန် အမိန့်ပေးပါက အရှေ့အလယ်ပိုင်းဒေသရှိ အမေရိကန်စခန်းများသည် တီဟီရန်၏ ပစ်မှတ်ဖြစ်လာနိုင်သည်ဟု ယုံကြည်ထားသည်။အမည်မဖော်လိုသော အမေရိကန်အရာရှိများက ဇွန်လ ၁၇ ရက်တွင် တီဟီရန်အနေဖြင့် အရှေ့အလယ်ပိုင်းဒေသရှိ အမေရိကန်စခန်းများကို တိုက်ခိုက်လိုပါက “အထူးပြင်ဆင်မှုများ မလိုအပ်ဘဲ လွယ်ကူစွာ လုပ်ဆောင်နိုင်ကြောင်း” ပြောဆိုခဲ့သည်။ ၎င်းတို့ထဲမှ တစ်ဦးက “အီရန် စစ်တပ်သည် ဘာရိန်း၊ ကာတာနှင့် အာရပ်စော်ဘွားများပြည်ထောင်စု (UAE) ကဲ့သို့သော အမေရိကန်စစ်စခန်းများရှိသည့် နိုင်ငံများအားလုံးကို လွယ်ကူစွာပစ်မှတ်ထားနိုင်သည့် ဒုံးကျည်များကို တပ်ဆင်ထားပြီး ဖြစ်သည်” ဟု ဖြည့်စွက်ပြောကြားခဲ့သည်။ထိုအကဲဖြတ်ချက်များသည် အီရန်၏ ဒုံးကျည်တပ်ဆင်မှုဆိုင်ရာ အမေရိကန် ထောက်လှမ်းရေးအဖွဲ့များ၏ အစီရင်ခံစာများအပေါ် အခြေခံထားခြင်း ဖြစ်သည်။အမေရိကန်ထောက်လှမ်းရေးအဖွဲ့များက တီဟီရန်သည် အကယ်၍ သမ္မတ ဒေါ်နယ်ထရမ့်က အမေရိကန်စစ်တပ်အား အစ္စရေး၏ လေကြောင်း တိုက်ခိုက်ရေးတွင်ပါဝင်ရန် အမိန့်ပေးပါက အရှေ့အလယ်ပိုင်းဒေသရှိအမေရိကန်တပ်ဖွဲ့များနှင့် အကျိုးစီးပွားများကို ပစ်မှတ်ထားသည့် လက်စားချေမှုများအတွက် ဒုံးကျည်များနှင့် လိုအပ်သော လက်နက်များ ကို အဆင်သင့်ပြင်ဆင်ထားပြီဟု ယုံကြည်ထားသည်။အမေရိကန်အရာရှိများက ယီမင်နိုင်ငံမှ Houthi သူပုန်များသည် အနီးစပ်ဆုံးဖြစ်ပြီး ပင်လယ်နီတွင် သင်္ဘောများကို ပြန်လည် တိုက်ခိုက် မည်ဟု ပြောကြားခဲ့ပြီး အီရတ်နှင့် ဆီးရီးယားရှိ အီရန်ထောက်ခံသည့် လူမျိုးစုများကလည်း အမေရိကန်စစ်စခန်းများကို တိုက်ခိုက်နိုင်သည်ဟု ဆိုသည်။ တီဟီရန်သည် Hormuz ရေလက်ကြားတွင်လည်း မိုင်းခင်းနိုင် သည်ဟု သတင်းရင်းမြစ်များက ဆိုသည်။ အမေရိကန်နှင့် အစ္စရေး အရာရှိများက အဆိုပါသတင်းအချက်အလက်နှင့်ပတ်သက်၍ မှတ်ချက် မပြုသေးပါ။အမေရိကန်တွင် အရှေ့အလယ်ပိုင်းဒေသတွင် စစ်သည် ၄၀,၀၀၀ ခန့် တပ်စွဲထားပြီး ဒေသတွင်းရှိ အမေရိကန်စစ်စခန်းများကို အမြင့်ဆုံး သတိ အဆင့်သို့ မြှင့်တင်ထားသည်။ဇွန် ၁၈ ရက်တွင် CNN က အဆိုပါကိစ္စနှင့်ရင်းနှီးသည့် အမည်မဖော် လိုသူ သတင်းရင်းမြစ် ၂ ဦး၏ ပြောကြားချက်ကို ကိုးကား၍ အမေရိကန် စစ်တပ်သည် သမ္မတ ထရမ့်က အီရန်ကို တိုက်ခိုက်ရန် အစ္စရေးလေ ယာဉ်များအားပံ့ပိုးရန် အမိန့်ပေးသည့် အခြေအနေအတွက် အသင့် ပြင်ဆင်နေကြောင်း ဖော်ပြခဲ့သည်။ “ထို့ကြောင့်ပင် လွန်ခဲ့သည့် ရက် အနည်းငယ်အတွင်း လောင်စာဆီတင် လေယာဉ်ပေါင်း ၃၀ ကျော်ကို အရှေ့အလယ်ပိုင်းဒေသသို့ စေလွှတ်ခဲ့ခြင်းဖြစ်သည်” ဟု ဆိုသည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ခါမေနီက အမေရိကန်နှင့် အီရန်ညှိနှိုင်းနေစဉ်အတွင်း အစ္စရေးက တိုက်ခိုက်မှုများလုပ်ဆောင်ခဲ့ခြင်းကို ပြင်းထန်စွာဝေဖန်
ခါမေနီက အမေရိကန်နှင့် အီရန်ညှိနှိုင်းနေစဉ်အတွင်း အစ္စရေးက တိုက်ခိုက်မှုများလုပ်ဆောင်ခဲ့ခြင်းကို ပြင်းထန်စွာဝေဖန်
အီရန်ခေါင်းဆောင် အယ်လီ ခါမေနီက အမေရိကန်နှင့် အဏုမြူ အစီအစဉ် ဆိုင်ရာ ဆွေးနွေးညှိနှိုင်းမှုများ ပြုလုပ်နေစဉ် အစ္စရေးက တိုက်ခိုက်မှုများ စတင်ခဲ့သည်ကို ပြင်းပြင်းထန်ထန် ဝေဖန်ခဲ့သည်။အစ္စရေးက အီရန်ကို လွန်ခဲ့သည့်သီတင်းပတ်က တိုက်ခိုက်ခဲ့စဉ် အမေရိကန်သမ္မတ ဒေါ်နယ်ထရမ့်က အမေရိကန်-အီရန် ဆွေးနွေးမှုများ ဆက်လက်ရှိနေချိန်တွင် စစ်ဆင်ရေးလုပ်ရပ်များ မဆောင်ရွက်ရန် အစ္စရေးကို အစပိုင်းတွင် သတိပေးခဲ့ပြီး နိုင်ငံခြားရေးဝန်ကြီး မာကို ရူဘီယိုကလည်း အစ္စရေး၏လုပ်ရပ်သည် တစ်ဖက်သတ်ဖြစ်ကြောင်း ထောက်ပြခဲ့သည်။သို့သော် ထရမ့်အစိုးရအရာရှိများက နောက်ပိုင်းတွင် အစ္စရေး၏ လုပ်ရပ်ကို ထောက်ခံပြောဆိုမှုများ ပြုလုပ်လာကာ အမေရိကန်သည်လည်း ၎င်းစစ်ဆင်ရေးတွင် ပါဝင်လာနိုင်သည်ဟု ခန့်မှန်းမှုများ ရှိနေသည်။ ထရမ့်က လွန်ခဲ့သည့်သီတင်းပတ်က အီရန်၏အဏုမြူချဲ့ထွင်မှု အစီအစဉ် ကို ရပ်ဆိုင်းရန် “သဘောတူညီမှုရရှိရေး အခွင့်အလမ်းများစွာ ပေးခဲ့ကြောင်း” ပြောကြားခဲ့ပြီး အီရန်က ထိုသို့မလုပ်ဆောင်ခဲ့ဟု ဆိုသည်။သို့သော် ယနေ့ထုတ်လွှင့်ခဲ့သည့် ဗီဒီယိုသတင်းစကားတွင် ခါမေနီက အစ္စရေး၏တိုက်ခိုက်မှုသည် “မိမိတို့၏အရာရှိများ အမေရိကန်နှင့် သွယ်ဝိုက်ညှိနှိုင်းမှုများ ပြုလုပ်နေစဉ် ဖြစ်ပွားခဲ့ပြီး အီရန်ဘက်မှ စစ်ရေး သို့မဟုတ် တင်းမာသည့်လုပ်ရပ်များ လုပ်ဆောင်မည့်အရိပ်အယောင် လုံးဝမရှိခဲ့ကြောင်း” အားလုံးသိရှိစေရန် ထည့်သွင်းပြောကြားခဲ့သည်။အစ္စရေး၏ “အမေရိကန်မဟာမိတ်များ ဝင်ရောက်စွက်ဖက်လာခြင်းသည် ဇီယွန်ဝါဒီအစိုးရ၏ အားနည်းချက်နှင့် မစွမ်းဆောင်နိုင်မှု၏ လက္ခဏာ တစ်ရပ်ဖြစ်သည်” ဟု ၎င်းက ပြောကြားခဲ့သည်။ “အီရန်နိုင်ငံသားများနှင့် လက်နက်ကိုင်တပ်ဖွဲ့များက ယခင်က ပြင်းထန်စွာ အရေးယူခဲ့ပြီး၊ ဆက်လက်အရေးယူနေဆဲဖြစ်ကာ၊ အနာဂတ်တွင်လည်း အလားတူ အရေးယူမှုများ စီစဉ်ထားသည်မှာ ရန်သူကို အားနည်းစေ ခဲ့သည်” ဟု ၎င်းက ဖြည့်စွက်ပြောကြားခဲ့သည်။ခါမေနီက အီရန်နိုင်ငံသားများအား ၎င်းတို့၏ဘဝများကို အားမာန် အပြည့်ဖြင့် ဆက်လက်ရှင်သန်ရန် တိုက်တွန်းခဲ့သည်။ကိုးကား- CNNPhoto: The New York Timesဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ထရမ့်၏ အီရန်အပေါ်တိုက်ခိုက်ရေးနှင့်ပတ်သက်၍ အလွန်အရေးကြီးသော ဆုံးဖြတ်ချက်ချရန် ဝိရောဓိ အချက်များရှိနေ
ထရမ့်၏ အီရန်အပေါ်တိုက်ခိုက်ရေးနှင့်ပတ်သက်၍ အလွန်အရေးကြီးသော ဆုံးဖြတ်ချက်ချရန် ဝိရောဓိဖြစ်နေသော အချက်များရှိနေ
အမေရိကန်သမ္မတ ဒေါ်နယ်ထရမ့်၏ အီရန်ကို ပစ်ခတ်တိုက်ခိုက်ရန် ဆုံးဖြတ်ချက်သည် ဝိရောဓိ ဖြစ်နေသော အချက်အလက်များကြောင့် ရှုပ်ထွေးနေသည်ကိုတွေ့ရှိရသည်။အမေရိကန် ထောက်လှမ်းရေးအဖွဲ့များ၏ အကဲဖြတ်ချက်အရ အီရန် သည် နျူကလီးယားလက်နက် ထုတ်လုပ်နိုင်ရန် နောက်ထပ် (၃) နှစ်ခန့် ကြာမည်ဟု ဆိုသည်။ သို့သော် အစ္စရေးက အထောက်အထားမပြဘဲ အီရန်သည် အချိန်တိုအတွင်း နျူကလီးယားဗုံးပြုလုပ်ရန် အလျင်အမြန် ကြိုးစားနေသည်ဟု ဆိုသည်။ အဆိုပါအချက်နှစ်ခု၏ မှန်ကန်နိုင်မှုရာခိုင်နှုန်းအပေါ် ထရမ့်အနေဖြင့် စဉ်းစားသုံးသပ်နေနိုင်ကြောင်း ဆိုကြသည်။ အစ္စရေးသည် လွန်ခဲ့သော (၅) ရက်အတွင်း အီရန်၏ လုံခြုံရေး အခြေစိုက်စခန်းများနှင့် အခြေခံအဆောက်အအုံများကို တိကျစွာသိရှိပြီး ထိုအချက်ကို အသုံးချကာ ပြင်းထန်သော တိုက်ခိုက်မှုများ ပြုလုပ်နိုင်ခဲ့သည်။သို့သော် အမေရိကန်၏ ထောက်လှမ်းရေးစနစ်သည် ကမ္ဘာ့အဆင့်မီအကောင်းဆုံးဖြစ်သည်။ ထို့ကြောင့် ထရမ့်၏ ဆုံးဖြတ်ချက်သည်ဆန့်ကျင်ဘက်ဖြစ်နေသော အချက်အလက်များနှင့် ကျိုးကြောင်း ဆင်ခြင်မှုများကြောင့် လွှမ်းမိုးခံရမည် ဖြစ်သည်။ မိမိ၏ ထောက်လှမ်းရေးအဖွဲ့များက နျူကလီးယားဗုံးထုတ်လုပ်နိုင်ရန် အချိန်ကာလ ဝေးကွာသည်ဟု အကဲဖြတ်ထားသော နိုင်ငံတစ်ခုကို တိုက်ခိုက်ရန် ဆုံးဖြတ်မှုသည် လွန်စွာအရေးကြီးသည်ဟု ဆိုကြသည်။ အဘယ်ကြောင့် မိမိ၏ ထောက်လှမ်းရေးအဖွဲ့များက ဖြစ်နိုင်ခြေမရှိဟု ဆုံးဖြတ်ထားသော အရာတစ်ခုကို တားဆီးရန် ရည်ရွယ်ချက် တစ်ခုတည်း ဖြင့် ပဋိပက္ခတစ်ခုထဲသို့ ဇွတ်ဆွဲသွင်းခံမည်ဆိုပါက နောင်ဖြစ်ပေါ်လာမည့် အကျိုးဆက်များအတွက် စဉ်းစားချင့်ချိန်နေဟန်ရှိသည်ဟု သုံးသပ်နေ ကြသည်။အစ္စရေး၏ လုပ်ဆောင်ချက်တွင် ပါဝင်ခြင်းသည် ကိုယ်ပိုင် စိန်ခေါ်မှုများကို ဖြစ်ပေါ်စေမည်ဖြစ်သည်။ အစ္စရေးဝန်ကြီးချုပ် ဘင်ဂျမင် နေတန် ယာဟုက အီရန်သည် နျူကလီးယားလက်နက်ဖန်တီးရန် လျှို့ဝှက်စွာ အလျှင်အမြန်လုပ်ဆောင်နေသည်ဟု ဆိုသည်။ အကယ်၍ ထိုသို့ဆိုလျှင် အီရန်သည် လျှို့ဝှက်စွာ လုပ်ဆောင်နေပြီး Fordow တောင်ကုန်း၌ တည်ရှိသော ယူရေနီယမ် ထပ်တိုးသန့်စင်သည့် အဆောက်အဦကို တစ်ကြိမ်တည်း ပစ်ခတ်ဖျက်ဆီးခြင်းဖြင့် လုံးဝရပ်တန့်နိုင်မည် မဟုတ်ဘဲပုန်းကွယ်နေသော ပစ်မှတ်များစွာကို ထပ်ခါထပ်ခါ တိုက်ခိုက်ရမည် ဖြစ်သည်။ အမေရိကန်သည် Fordow နျူကလီးယားစက်ရုံကို GBU-57 “ဘန်ကာ-ဘာစတာ” ဗုံးဖြင့် တိုက်ခိုက်ရန် စဉ်းစားနေသော်လည်း ထိုဗုံးသည် အဆောက်အဦကို ဖောက်ထွင်းနိုင်မည်ဟု အာမခံချက် မရှိပေ။ ၂၀၁၉ ခုနှစ် New York Times အစီရင်ခံစာအရ စမ်းသပ်မှုများက ဖောက်ထွင်း နိုင်သည်ဟု ဖော်ပြထားသော်လည်း ထရမ့်သည် “ဖြစ်နိုင်ခြေရှိသည်” ဆိုသော အချက်ပေါ်မူတည်ကာ အခြားပဋိပက္ခတစ်ခုထဲသို့ မဝင်လိုဟု ရှုမြင်နေကြသည်။ထရမ့်အတွက် အိပ်မက်ဆိုးတစ်ခုမှာ အစ္စရေး၏ လုပ်ဆောင်ချက်တွင် ပါဝင်ပြီး Fordow ကို ဖျက်ဆီးမိသော်လည်း အီရန်၏ နျူကလီးယား အစီအစဉ်သည် တစ်နည်းနည်းဖြင့် ဆက်လက်ရှင်သန်နေသည်ကို တွေ့ရှိရခြင်းဖြစ်နိုင်သည်။ ထိုအခါ အီရန်ခေါင်းဆောင်များသည် ၎င်းတို့၏ အသက်ရှင်ရေးအတွက် နျူကလီးယားလက်နက်ထုတ်လုပ်ရန် အပြင်းအထန် ကြိုးစားလာနိုင်သည်။အစ္စရေး၏ ထောက်လှမ်းရေးသည် လွန်ခဲ့သော (၁၈) လအတွင်း အလွန် တိကျမှန်ကန်ခဲ့သော်လည်း ၂၀၂၃ ခုနှစ် အောက်တိုဘာလတွင် ဟားမက် ၏ အကြီးစား တိုက်ခိုက်မှုကို ကြိုတင်မသိရှိခဲ့ပေ။ ထိုအချက်ကို ကြည့်ခြင်း အားဖြင့် မည်သည့်အရာမျှ ပြီးပြည့်စုံခြင်း မရှိသည်ကို တွေ့နိုင်သည်။ ထိုအချက်သည် ထရမ့်၏ အီရန်အပေါ် တိုက်ရိုက် ဝင်ရောက်တိုက်ခိုက်ရန် စဉ်းစားဆင်ခြင်မှုကို နှောင့်ယှက်နေသည်ဟု သုံးသပ်ကြသည်။ကိုးကား- CNNPhoto: aa.com.trဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
အာဒိုဂန်က အီရန်အနေဖြင့် အစ္စရေးကို လက်တုံ့ပြန်မှုအပေါ် ထောက်ခံ
အာဒိုဂန်က အီရန်အနေဖြင့် အစ္စရေးကို လက်တုံ့ပြန်မှုအပေါ် ထောက်ခံ
အစ္စရေး၏ တိုက်ခိုက်မှုများကို အီရန်အနေဖြင့် တုံ့ပြန်ရန် တရားဝင် အခွင့်အရေးရှိကြောင်း တူရကီသမ္မတ Recep Tayyip Erdogan က ပြောကြားခဲ့ပြီး အနောက်ဂျေရုဆလင်အား “တရားမဲ့ပြုကျင့်မှုနှင့် နိုင်ငံတော် အကြမ်းဖက်မှု” ကျူးလွန်သည်ဟု စွပ်စွဲခဲ့သည်။ထို့အပြင် ၎င်းက အစ္စရေးဝန်ကြီးချုပ် ဘင်ဂျမင် နေတန်ယာဟုအား အဒေါ့ဖ် ဟစ်တလာနှင့် နှိုင်းယှဉ်ခဲ့သည်။အစ္စရေးသည် ဇွန် ၁၃ က အီရန်ကို ဗုံးကြဲတိုက်ခိုက်မှု စတင်ခဲ့ပြီး တီဟီရန်သည် နျူကလီးယားဗုံး ပိုင်ဆိုင်ရန် နီးကပ်နေသည်ဟု စွပ်စွဲ ခဲ့သည်။ အီရန်က အဆိုပါစွပ်စွဲချက်များကို ပယ်ချခဲ့ပြီး အစ္စရေး၏ စစ်ဆင်ရေး ကို ဒရုန်းနှင့် ဒုံးကျည်များဖြင့် ပြင်းထန်စွာ တုံ့ပြန်ခဲ့သည်။“အစ္စရေး၏ တရားမဲ့ပြုကျင့်မှုနှင့် နိုင်ငံတော် အကြမ်းဖက်မှုများကို ကာကွယ်ရန် အီရန်၏ တုံ့ပြန်မှုသည် လုံးဝ သဘာဝကျပြီး တရားဝင်ကာ ဥပဒေနှင့်ညီသည်” ဟု အာဒိုဂန်က အန်ကာရာ၌ ပါလီမန် အစည်းအဝေး တစ်ခုအတွင်း ဗုဒ္ဓဟူးနေ့ (ဇွန် ၁၈) က ပြောကြားခဲ့သည်။တူရကီသမ္မတက အစ္စရေး၏ ခေါင်းဆောင်အား ၎င်း၏ စစ်ရေး ကျူးကျော်မှုများအတွက် အပြင်းအထန် ဝေဖန်ခဲ့ပြီး နေတန်ယာဟုသည် “လူမျိုးတုံးသတ်ဖြတ်မှု ရာဇဝတ်မှုတွင် အာဏာရှင် ဟစ်တလာထက် များစွာကျော်လွန်သွားပြီ” ဟု ဆိုခဲ့သည်။ထို့အပြင် ၎င်းက ဂါဇာတွင် အစ္စရေး၏ ကျူးကျော်မှုနှင့်ပတ်သက်၍ ကမ္ဘာလုံး ဆိုင်ရာ တုံ့ပြန်ဆောင်ရွက်မှုကို ရှုတ်ချခဲ့ပြီး ကုလသမဂ္ဂ လူ့အခွင့်အရေး ကော်မတီက လူမျိုးတုံးသတ်ဖြတ်မှု၏ လက္ခဏာများအဖြစ် မြင်သည့် အရာကို “အစ္စရေး၏ ကျူးလွန်မှုကို ထောက်ခံသူများ၏ လက်များနှင့် မျက်နှာများတွင် သာမက တိတ်ဆိတ်နေသူများ၏ လက်များနှင့် မျက်နှာ များတွင်လည်း သတ်ဖြတ်ခံရသော အရပ်သားများ၊ သတ်ဖြတ်ခံရသော ကလေးငယ်များ၏ သွေးများ စွန်းထင်းနေသည်” ဟု ပြောကြားခဲ့သည်။တူရကီသည် အစ္စရေး၏ အီရန်အပြင် ဂါဇာ၊ ဆီးရီးယား၊ လက်ဘနွန်နှင့် ယီမင်တို့အပေါ် လူမဆန်သော ကျူးကျော်မှုများကိုရပ်တန့်ရန် ၎င်းတို့ လုပ်ဆောင်နိုင်သမျှ အရာအားလုံးကို လုပ်ဆောင်နေကြောင်း အာဒိုဂန် က ဇွဲမလျှော့ဘဲ ပြောကြားခဲ့သည်။“အစ္စရေး၏ ကျူးကျော်မှုကို ရပ်တန့်ရန်မှာ ကမ္ဘာနှင့် လူသားမျိုးနွယ် အတွက် အရေးကြီးသည်” ဟု ၎င်းက ဆိုခဲ့သည်။အန်ကာရာသည် နိုးကြားတက်ကြွစွာရှိနေပြီး “အီရန်အပေါ် အစ္စရေး၏ အကြမ်းဖက်တိုက်ခိုက်မှုများကို နီးကပ်စွာ စောင့်ကြည့်နေသည်” ဟု ၎င်းက ပြောကြားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
ထရမ့်သည် ကြီးမားသော စွန့်စားမှုတစ်ခုကို ပြုလုပ်ရန် အလားအလာ ရှိနေ
ထရမ့်သည် ကြီးမားသော စွန့်စားမှုတစ်ခုကို ပြုလုပ်ရန် အလားအလာ ရှိနေ
သမ္မတ ဒေါ်နယ်ထရမ့် အနေဖြင့် ကြီးမားသည့် စွန့်စားမှု တစ်ခု ပြုလုပ်ရန် အခြေအနေမှာ ဖြစ်ပေါ်လာနိုင်သည့် အလားအလာရှိသည်။ သမ္မတ တစ်ဦးသည် ဖြစ်ရပ်များ၏ ဖိအား၊ အစုလိုက်အပြုံလိုက် ထိခိုက် စေနိုင်သည့် လက်နက်ကြီးများ ပိုမိုပျံ့နှံ့မည်ကို စိုးရိမ်စိတ်နှင့် မိမိကိုယ်တိုင် ပြောဆို ခဲ့သည့် စကားများကို အတည်ပြုရန် လိုအပ်မှုတို့ကြောင့် အရှေ့အလယ် ပိုင်းသို့ ဝင်ရောက်စွက်ဖက်ရန် အလားအလာ စတင်စဉ်းစားနေရသည့် အခြေအနေဖြစ်သည်။ဝါရှင်တန်တွင် ဒေါ်နယ်ထရမ့်သည် အစ္စရေး၏ တောင်းဆိုချက်ကို လိုက်နာ၍ အီရန်၏ နျူကလီးယားအစီအစဉ်ကို အထိရောက်ဆုံး တိုက်ခိုက်ရန် စီစဉ်နေသည်ဟူသော ခန့်မှန်းချက်များ တိုးပွားလျက်ရှိပြီး အမေရိကန်ပြည်ထောင်စုသာ ပေးနိုင်သည့် ဘန်ကာဖျက် လက်နက် များကို အသုံးပြုရန် စဉ်းစားနေသည်။အစ္စရေး၏ အစောပိုင်းတိုက်ခိုက်မှုသည် အီရန်၏ အဆင့်မြင့် စစ်ခေါင်းဆောင်များနှင့် နျူကလီးယား သိပ္ပံပညာရှင်များကို သုတ်သင်ပြီး အီရန်၏ ကာကွယ်ရေးစွမ်းရည်ကို ပြင်းထန်စွာ ကျဆင်းစေခဲ့သည့် အောင်မြင်မှု နှင့်အတူ သမ္မတထရမ့်၏ ပြောဆိုမှုများလည်း ပိုမိုပြင်းထန်လာခဲ့သည်။ထရမ့်သည် အီရန်၏ နျူကလီးယားစက်ရုံများကို အမေရိကန်၏ စစ် အင်အားဖြင့် တိုက်ခိုက်ရန် စဉ်းစားလာပြီး အီရန်နှင့် ညှိနှိုင်းဆွေးနွေး၍ ပြဿနာဖြေရှင်းရန် ယခင်က မအောင်မြင်ခဲ့သည့် နည်းလမ်းကို စွန့်လွှတ် လိုနေသည်။ ထရမ့်နှင့်ပတ်သက်လျှင် အမြဲပင် ၎င်း၏ မာန်ပါသော ပြောဆိုမှုများသည် အမှန်တကယ်လားဆိုသည်ကို မေးခွန်းထုတ်ရန် လိုအပ်သည်။ ၎င်းသည် အီရန်အား သံတမန်နည်းလမ်းဖြင့် ဖြေရှင်းရန် နှင့် လူမှုကွန်ရက်ပေါ်တွင် ၎င်း တောင်းဆိုခဲ့သည့် “ကန့်သတ်ချက်မရှိ အညံ့ခံမှု” သို့ ပြန်လည်ရောက်ရှိစေရန် ခြိမ်းခြောက်နေခြင်းလည်း ဖြစ်နိုင်သည်။ထရမ့်သည် ၎င်း၏ နိုင်ငံရေးအခြေခံမူများကို ငြင်းပယ်လိုက်မည့် ကြီးမားသော စွန့်စားမှုတစ်ခု၏ အစပ်တွင် ရှိနေသည်။အစိုးရစနစ်လွှဲပြောင်းရန် ကြိုးပမ်းခဲ့သည့် အမေရိကန်သမ္မတများကို ၎င်းကိုယ်တိုင် ပြင်းထန်စွာ ဝေဖန်ခဲ့သည့် အမြင်သည် ၎င်း၏ နိုင်ငံရေး လောကထဲသို့ ဝင်ရောက်လာမှုတွင် အရေးပါသည့် အခန်းကဏ္ဍမှ ပါဝင်ခဲ့သည်။ အကယ်၍ အီရန်နှင့် စစ်ဖြစ်ခဲ့မည်ဆိုပါက ထရမ့်သည် ၎င်း၏ MAGA လှုပ်ရှားမှု၏ အလွန်ကြီးမားသည့် အစိတ်အပိုင်းကို လျစ်လျူရှုလိုက်မည် ဖြစ်သည်။ “အမေရိကန်ကို ဦးစားပေး” သမ္မတ သည် ၎င်းမနှစ်သက်ခဲ့သည့် ဝင်ရောက်စွက်ဖက်ရေးသမားတစ်ဦး ဖြစ်လာ မည်ဖြစ်သည်။သို့ရာတွင် ထရမ့်၏ သီးသန့်ရပ်တည်ရေးဝါဒတွင် မရှင်းလင်းမှုတစ်ခု ရှိနေဆဲဖြစ်သည်။ အီရန်သည် အစ္စရေးကို ချေမှုန်းရန် ခြိမ်းခြောက်မှုများ ပြုလုပ်နေသည့်အပြင် အမေရိကန်နှင့်လည်း ရန်သူဖြစ်နေသည့်အတွက် နျူကလီးယားလက်နက် ရရှိခွင့် မည်သည့်အခါမျှမရနိုင်ဟု ၎င်းက အမြဲပင် ပြောဆိုခဲ့သည်။ကိုးကား- CNNPhoto: Foreign Policyဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 18-Jun-2025
© Copyright 2024 SAC All Rights Reserved.