ပြည်တွင်းဖြစ် ဖူကျန့်လေယာဉ်တင် သင်္ဘော မကြာမီကာလတွင် တရုတ်ရေတပ်၌ တာဝန်ထမ်းဆောင်မည်ဟု ခန့်မှန်း

sacadmin

News Image

  • ပြည်တွင်းဖြစ် ဖူကျန့်လေယာဉ်တင် သင်္ဘော မကြာမီကာလတွင် တရုတ်ရေတပ်၌ တာဝန်ထမ်းဆောင်မည်ဟု ခန့်မှန်း

လူမှုမီဒီယာများတွင် ထွက်ပေါ်လာနေသည့်ဓာတ်ပုံအသစ်များ အရ ပြည်တွင်းဖြစ် ဖူကျန့်လေယာဉ်တင်သင်္ဘောသည် မကြာမီကာလတွင် တရုတ်ရေတပ်၌    တာဝန် ထမ်းဆောင်နိုင်ဖွယ်ရှိသည်ဟု ခန့်မှန်းရသည်။

အလားတူ တရုတ်နိုင်ငံပိုင်သတင်းဌာန တစ်ခုကလည်း ဖူကျန့်အမည်ရှိလေယာဉ်တင်သင်္ဘောသည် တရုတ်ရေတပ်အတွက် တတိယမြောက် လေယာဉ်တင်သင်္ဘော ဖြစ်လာတော့မည်ဟု    အရိပ်အမြွက် ပြောထားသည်။

အွန်လိုင်းပေါ်မှ မြင်တွေ့ရသောဂြိုဟ်တု ဓာတ်ပုံများအရ လေယာဉ်တင်သင်္ဘော၏ ကုန်းပတ်ပေါ်တွင် လေယာဉ်များအတွက် ဆေးသုတ်ထားသည့် နေရာအသစ် ၃၆ ခု ကိုမြင်တွေ့ရသည်။   ထိုနေရာများကို ကြည့်ခြင်းအားဖြင့် ဖူကျန့်လေယာဉ်တင်သင်္ဘောသည် ရေတပ်ကလက်ရှိ အသုံးပြုနေသော လေယာဉ်တင်သင်္ဘောများထက် ပိုမိုများပြားသည့်   လေယာဉ်များကို တင်ဆောင်နိုင်မည်ဟု ယုံကြည်ရသည်။

ထိုအမှတ်အသားများသည် ဖူကျန့်ကို တပ်တော်သွင်းရန် အသင့်ပြင်ဆင်နေခြင်းဖြစ်ကြောင်း၊ တပ်တော်သွင်းပြီးနောက် ထိုသင်္ဘောနှင့်လေယာဉ်တို့ကြား သဟဇာတဖြစ်စေရေးနှင့်  အခြားလက်နက်များကို စမ်းသပ်နိုင်ရေးတို့ အတွက် လေယာဉ်တင်သင်္ဘောကို    လက်တွေ့စမ်းသပ်မှုများ ဆက်လက်လုပ်ဆောင် သွားဦးမည်ဖြစ်ကြောင်း တရုတ်တပ်မတော်မှ နည်းပြဟောင်း တစ်ဦးဖြစ်သည့် ဆုန်ကျောင့်ပင်းက မှတ်ချက် ပြုပြောထားသည်။

ဒုတိယမြောက် တရုတ်ပြည်တွင်းဖြစ် လေယာဉ်တင်သင်္ဘောဖြစ်သော ဖူကျန့်သည် အမေရိကန်ရေတပ်ပြီးနောက် လျှပ်စစ်သံလိုက်စနစ်ဖြင့် လေယာဉ်လွှတ်တင် စနစ်နှင့် ပြန်လည်ဖမ်းယူသည့်စနစ်တို့ကို ပထမဆုံး တပ်ဆင်ထားသည့် လေယာဉ်တင်သင်္ဘော ဖြစ်လာကြောင်း သိရသည်။

MWD Web Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ကျောက်ဆည်မြို့၌ ပလတ်စတစ်အိတ်သုံးစွဲမှု လျော့နည်းပပျောက်စေရေးနှင့် အစားထိုးသုံးစွဲမှုများ လိုက်နာရေး အသိပညာပေးခြင်းနှင့် လက်ကမ်းစာစောင်များဖြန့်ဝေ
ကျောက်ဆည်မြို့၌ ပလတ်စတစ်အိတ်သုံးစွဲမှု လျော့နည်းပပျောက်စေရေးနှင့် အစားထိုးသုံးစွဲမှုများ လိုက်နာရေး အသိပညာပေးခြင်းနှင့် လက်ကမ်းစာစောင်များဖြန့်ဝေ
ကျောက်ဆည်၊ ဩဂုတ်-၁၈မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ ပလတ်စတစ်အိတ်သုံးစွဲမှု လျော့နည်း ပပျောက်စေရေးနှင့် အစားထိုးသုံးစွဲမှုများလိုက်နာရေး အသိပညာပေးခြင်းနှင့် လက်ကမ်းစာစောင် ဖြန့်ဝေခြင်းကို ခရိုင်ပတ်ဝန်းကျင်ထိန်းသိမ်းရေးဦးစီးဌာနနှင့်စည်ပင်သာယာရေးအဖွဲ့တို့ပူးပေါင်းပြီး ယနေ့နံနက် (၇)နာရီက ကျောက်ဆည်မြို့ အေးမြကြည်လင်ဈေးကြီးတွင် ပြုလုပ်ခဲ့ကြောင်း သိရသည်။အသိပညာပေးလုပ်ငန်းများ ဆောင်ရွက်ရာ၌ ခရိုင်ပတ်ဝန်းကျင်ထိန်းသိမ်းရေးဦးစီးဌာနမှ ဦးစီးအရာရှိ ဒေါ်စိုးစံနှင့် မြို့နယ်စည်ပင်သာယာရေးအဖွဲ့မှ လက်ထောက်ညွှန်ကြားရေးမှူး ဒေါ်ကျော့မွန်ကံတို့က ဈေးရောင်းချသူများ အနေဖြင့် ကြွပ်ကြွပ်အိတ်၊ ပလတ်စတစ်အိတ်များ အစား ငှက်ပျောဖက်၊ အင်ဖက်၊ သတင်းစာစက္ကူစသည့် သင့်လျော်ရာများနှင့် အစားထိုး ထုပ်ပိုး သုံးစွဲသွားကြစေရေး ရှင်းလင်းပြောကြားခဲ့ပြီး ပတ်ဝန်းကျင်သာယာလှပဖို့ ပလတ်စတစ်အမှိုက်ကင်းစင်ရေး လိုက်နာဆောင်ရွက်သွားကြရန်အတွက် ပလတ်စတစ်၏ ဆိုးကျိုးများဖြစ်သည့် မြို့ပြ၏သန့်ရှင်းသာယာလှပမှုကို ထိခိုက်ခြင်း၊ မြေထုကိုညစ်ညမ်းခြင်း၊ ရေထုကိုညစ်ညမ်းခြင်း၊ လေထုကို ညစ်ညမ်းခြင်း အကြောင်းများနှင့် ပလတ်စတစ်အမျိုးအစားများအကြောင်း၊ ဖြေရှင်းရန်နည်းလမ်းများအကြောင်း ပါဝင်သည့်  အသိပညာပေးလက်ကမ်းစာစောင်များနှင့် ရေရှည်အသုံးပြုနိုင်သည့်အိတ်များ  ဖြန့်ဝေခဲ့ကြောင်း သိရသည်။သက်မောင်(ကျောက်ဆည်)
တနင်္လာနေ့, 18-သြဂုတ်လ-2025
ကျောက်ဆည်မြို့နယ်တွင် လိုင်စင်မဲ့မော်တော်ယာဉ်များနှင့် မော်တော်ဆိုင်ကယ်များ စီးနင်းမှု ရှိ/မရှိ စစ်ဆေးခြင်း နှင့် ယာဉ်စည်းကမ်း၊ လမ်းစည်းကမ်းများ လိုက်နာရေးအသိပညာပေး
ကျောက်ဆည်မြို့နယ်တွင် လိုင်စင်မဲ့မော်တော်ယာဉ်များနှင့် မော်တော်ဆိုင်ကယ်များ စီးနင်းမှု ရှိ/မရှိ စစ်ဆေးခြင်း နှင့် ယာဉ်စည်းကမ်း၊ လမ်းစည်းကမ်းများ လိုက်နာရေးအသိပညာပေး
ကျောက်ဆည်၊ ဩဂုတ်-၁၈မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် လိုင်စင်မဲ့မော်တော်ယာဉ်များ နှင့် မော်တော်ဆိုင်ကယ်များ စီးနင်းသွားလာမှု ရှိ/မရှိစစ်ဆေးခြင်းနှင့် ယာဉ်စည်းကမ်း၊ လမ်းစည်းကမ်းများ လိုက်နာရေး အသိပညာပေးလုပ်ငန်းများကို ကြက်မင်းတွန်ရပ်ကွက် ရန်ကုန်-မန္တလေးကားလမ်းမကြီး လမ်းဆုံ မီးပွိုင့်တွင် ယနေ့နံနက် (၉) နာရီက စစ်ဆေးခြင်း၊ အသိပညာပေးခြင်းများ ဆောင်ရွက်လျက်ရှိကြောင်း သိရသည်။ထိုသို့စစ်ဆေးရာတွင် ကျောက်ဆည်မြို့နယ်လုံခြုံရေးအရာရှိ ဗိုလ်မှူးဟိန်းကိုလတ်နှင့်တပ်ဖွဲ့ဝင်များ၊  မြို့နယ် အထွေထွေအုပ်ချုပ်ရေးဦးစီးဌာနမှ ဒုဦးစီး ဦးစိုးလင်းထွန်းနှင့်ဝန်ထမ်းများ၊  ကျောက်ဆည်မြို့နယ် ရဲတပ်ဖွဲ့၊ မြို့မ ရဲစခန်းမှ ဒုရဲအုပ်ရတနာထွန်းနှင့်တပ်ဖွဲ့ဝင်များ၊ အမှတ်(၉၂)ယာဉ်ထိန်းရဲတပ်ဖွဲ့စုမှ ရဲအုပ် မိုးကျော်စိုးနှင့် တပ်ဖွဲ့ဝင် များနှင့် သက်ဆိုင်ရာအဖွဲ့အစည်းများပူးပေါင်း၍  ကျောက်ဆည်မြို့နယ်အတွင်း မောင်တော်ယာဉ်လိုင်စင်၊  ယာဉ်မောင်းလိုင်စင်နှင့် သတ်မှတ်ထားသည့် စည်းကမ်းချက်များ ပြည့်စုံမှု ရှိ/မရှိ  စစ်ဆေး ဆောင်ရွက်ခြင်းများ နှင့်ယာဉ်မောင်းသူများ လိုက်နာရန်၊ မော်တော်ဆိုင်ကယ်စီးနင်းသူများလိုက်နာရန်၊ လမ်းဖြတ်ကူးသူများ လိုက်နာရန် စသည့် အသိပညာပေးလုပ်ငန်းများ ဆောင်ရွက်ခဲ့ကြောင်း သိရသည်။ အောင်ပိုင်ပိုင်ကျော်
တနင်္လာနေ့, 18-သြဂုတ်လ-2025
ကျောက်ဆည်ခရိုင် လူထုအခြေပြုဗဟိုဌာနတွင် လုပ်ငန်းစွမ်းဆောင်ရည်တိုးတက်မြင့်မားရေး ရုံးစာရေးသားနည်း သင်တန်း ဖွင့်လှစ်
ကျောက်ဆည်ခရိုင် လူထုအခြေပြုဗဟိုဌာနတွင် လုပ်ငန်းစွမ်းဆောင်ရည်တိုးတက်မြင့်မားရေး ရုံးစာရေးသားနည်း သင်တန်း ဖွင့်လှစ်
ကျောက်ဆည်၊ ဩဂုတ်-၁၈မန္တလေးတိုင်းဒေသကြီး၊ ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟို ဌာနတွင် ယနေ့နံနက်ပိုင်းက ဝန်ထမ်းများလုပ်ငန်းစွမ်းဆောင်ရည်မြင့်မားရေးနှင့် ရုံးလုပ်ငန်းများ စနစ်ကျပြီး လျင်မြန်စွာဆောင်ရွက်နိုင်ရေး ရုံးစာရေးသားနည်းသင်တန်း ဖွင့်လှစ်ခဲ့ကြောင်း သိရသည်။သင်တန်းတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်တင်တင်ထွေး က ရုံးစာရေးသားရခြင်း၏ ရွယ်ချက်များ၊ ရုံးစာရေးသားရာတွင် အခြေခံရမည့်အချက်(၄)ချက်၊ ရုံးစာ ရေးသားနည်း (၉)မျိုး၊ စာအထားအသိုနှင့်ခေါင်းစဉ်တပ်ခြင်းအကြောင်းများနှင့် ဦးစီးအရာရှိဒေါ်ခင်နှင်းရီက ရုံးစာအမျိုးအစားများ အလိုက် နိဒါန်း၊ စာကိုယ်၊ နိဂုံး ရေးသားနည်းများ၊ ရုံးလုပ်ငန်း သဘောတရားများနှင့် အစည်းအဝေးကျင်းပခြင်း၊ မှတ်တမ်းတင်ခြင်း၊ ဝင်စာထွက်စာ၊ စာရွက်စာတမ်းများလုံခြုံစွာ ကိုင်တွယ်ထိန်းသိမ်းခြင်း စသည့် အကြောင်းအရာ များ သင်ကြားပေးခဲ့ကြောင်း သိရသည်။ရုံးစာရေးသားနည်းသင်တန်းတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ကျောက်ဆည်ခရိုင် ရုံးနှင့်  စဉ့်ကိုင်၊ တံတားဦး၊ မြစ်သားမြို့နယ်ရုံးများမှ သင်တန်းသား/ သင်တန်းသူ (၉)ဦး တက်ရောက်ခဲ့ပြီး သင်တန်း ကာလမှာ ဩဂုတ်(၁၈)ရက်မှ(၁၉)ရက်နေ့အထိ (၂) ရက်အကြာ ဖွင့်လှစ်သင်ကြားသွားမည်ဖြစ်ကြောင်း သိရသည်။သက်မောင်(ကျောက်ဆည်) 
တနင်္လာနေ့, 18-သြဂုတ်လ-2025
ထိုင်းဘုရင့် သမီးတော် Bajrakitiyabha ၏ ကျန်းမာရေးအခြေအနေကို ဆရာဝန်များက အနီးကပ် စောင့်ကြည့်လျက်ရှိ
ထိုင်းဘုရင့် သမီးတော် Bajrakitiyabha ၏ ကျန်းမာရေးအခြေအနေကို ဆရာဝန်များက အနီးကပ် စောင့်ကြည့်လျက်ရှိ
ထိုင်းနိုင်ငံ Royal Household Bureau မှ မင်းသမီး Bajrakitiyabha Narendiradebyavati သည် သွေးဆိပ်သင့်မှုပြင်းထန်နေသောကြောင့် ၎င်း၏ကျန်းမာရေးအခြေအနေကို ဆရာဝန်များက နီးကပ်စွာ စောင့်ကြည့်လျက်ရှိကြောင်း ဩဂုတ် ၁၅ ရက်နေ့က ထုတ်ပြန်ချက်အရ သိရှိရသည်။ မင်းသမီးသည် ၂၀၂၂ ခုနှစ် ဒီဇင်ဘာ ၁၄ ရက်က Nakhon Ratchasima ပြည်နယ်၊ Pak Chong ခရိုင်တွင် ၎င်း၏အိမ်မွေးခွေးကို လေ့ကျင့်နေစဉ် သတိလစ်သွားပြီးနောက် ဒီဇင်ဘာ ၁၅ ရက်မှစ၍ King Chulalongkorn Memorial ဆေးရုံတွင် တက်ရောက်ကုသမှုခံယူလျက်ရှိသည်။၂၀၂၃ ခုနှစ် ဇန်နဝါရီ ၈ ရက်က ထုတ်ပြန်ချက်အပြီး ယခုအခါ စတုတ္ထ အကြိမ်မြောက် သတင်းထုတ်ပြန်ခြင်းဖြစ်သည်။ နောက်ဆုံး ထုတ်ပြန်ချက်အရ ဆရာဝန်များသည် မင်းသမီး၏ခန္ဓာကိုယ်တွင် လွန်ခဲ့သည့် သီတင်းပတ် မှစ၍ ပြင်းထန်သောသွေးဆိပ်သင့်မှုကို တွေ့ရှိပြီးနောက် သွေးပေါင်ချိန် တည်ငြိမ်စေရန် လိုအပ်သော ကုသမှုများပြုလုပ်လျက်ရှိကြောင်း ဖော်ပြ ထားသည်။ထိုင်းဘုရင့်ဆေးဝန်ထမ်းများသည် အဆုတ်နှင့် ကျောက်ကပ် လုပ်ဆောင်မှု များကို ထောက်ပံ့ပေးရန် စက်ပစ္စည်းများအသုံးပြုလျက်ရှိပြီး ကျန်းမာရေး အခြေအနေကို အချိန်နှင့်တစ်ပြေးညီ စောင့်ကြည့်လျက်ရှိကြောင်း ထုတ်ပြန်ချက်တွင် ဖြည့်စွက်ဖော်ပြထားသည်။အသက် ၄၆ နှစ်အရွယ်ရှိ မင်းသမီး Bajrakitiyabha သည် ထိုင်းဘုရင်နှင့် မင်းသမီး Soamsawali Krom Muen Suddhanarinatha တို့၏ အကြီးဆုံး သမီးတော်ဖြစ်ပါသည်။ကိုးကား- Bangkok Postဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္လာနေ့, 18-သြဂုတ်လ-2025
ရေကြီးခြင်းသတိပေးချက်(၂၀၂၅ခုနှစ်၊ ဩဂုတ်လ ၁၇ ရက်၊ ၁၄:၀၀ နာရီအချိန် ထုတ်ပြန်ချက်)
ရေကြီးခြင်းသတိပေးချက်(၂၀၂၅ခုနှစ်၊ ဩဂုတ်လ ၁၇ ရက်၊ ၁၄:၀၀ နာရီအချိန် ထုတ်ပြန်ချက်)
တနင်္ဂနွေနေ့, 17-သြဂုတ်လ-2025
ရေကြီးမှုအခြေအနေသတင်း (၂၀၂၅ခုနှစ်၊ ဩဂုတ်လ ၁၇ ရက်၊ ၀၇:၃၀ နာရီအချိန် ထုတ်ပြန်ချက်)
ရေကြီးမှုအခြေအနေသတင်း (၂၀၂၅ခုနှစ်၊ ဩဂုတ်လ ၁၇ ရက်၊ ၀၇:၃၀ နာရီအချိန် ထုတ်ပြန်ချက်)
တနင်္ဂနွေနေ့, 17-သြဂုတ်လ-2025
© Copyright 2024 SAC All Rights Reserved.