မကွေးတိုင်းဒေသကြီး၊ ပေါက်မြို့နယ်၌ PDF အမည်ခံ အကြမ်းဖက်အဖွဲ့က ထောင်ထားသည့် မိုင်း တစ်လုံး ပေါက်ကွဲခဲ့မှုကြောင့် ကျေးရွာပြည်သူ့စစ်အဖွဲ့ဝင် တစ်ဦး ထိခိုက်ဒဏ်ရာရရှိ

sacadmin

News Image

  • မကွေးတိုင်းဒေသကြီး၊ ပေါက်မြို့နယ်၌ PDF အမည်ခံ အကြမ်းဖက်အဖွဲ့က ထောင်ထားသည့် မိုင်း တစ်လုံး ပေါက်ကွဲခဲ့မှုကြောင့် ကျေးရွာပြည်သူ့စစ်အဖွဲ့ဝင် တစ်ဦး ထိခိုက်ဒဏ်ရာရရှိမှု မှတ်တမ်းဓာတ်ပုံ။

19 June 2025

အစွန်းရောက်အကြမ်းဖက်သမားများသည် အေးချမ်းစွာနေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာ အသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများ အသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၈ ရက် မွန်းလွဲ ၃ နာရီတွင် မကွေးတိုင်းဒေသကြီး၊ ပေါက်မြို့နယ်၊ ယာကြီးပြင်ကျေးရွာအနီး၌ လုံခြုံရေးတပ်ဖွဲ့ဝင်များနှင့် ကျေးရွာပြည်သူ့စစ် အဖွဲ့ဝင်များပါဝင်သော ပူးပေါင်းအဖွဲ့သည် ကျေးရွာလုံခြုံရေးဆောင်ရွက်နေစဉ် အဆိုပါကျေးရွာ အရှေ့မြောက်ဘက် မီတာ ၁၀၀၀ ခန့်အကွာ တောတန်းအနီး၌ PDF အမည်ခံ အကြမ်းဖက်အဖွဲ့ ထောင်ထားသည့် မိုင်း တစ်လုံး ပေါက်ကွဲခဲ့မှုကြောင့် ကျေးရွာပြည်သူ့စစ်အဖွဲ့ဝင် ဦးဇော်မြင့်(၃၅)နှစ်တွင် မိုင်းပေါက်ကွဲစထိမှန် ဒဏ်ရာများရရှိခဲ့၍ ဆေးကုသနိုင်ရေး ပေါက်မြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။
အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။

MOHA

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

တရားမဝင် သစ်မျိုးစုံ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များ ဖမ်းဆီးရမိ
တရားမဝင် သစ်မျိုးစုံ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များ ဖမ်းဆီးရမိ
နေပြည်တော် ဇွန် ၁၉တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးအရေးယူနိုင်ရေး ဆောင်ရွက်လျက်ရှိသည်။အကောက်ခွန်ဦးစီးဌာန၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဇွန် ၁၇ ရက်တွင် အေးရှားဝေါလ်ဆိပ်ကမ်း၌ ကုန်သေတ္တာ သုံးလုံးအတွင်းမှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းနှစ်မျိုး (ခန့်မှန်းတန်ဖိုး ငွေကျပ် ၃၄၁၁၈၆၄၇၀) ကိုလည်းကောင်း၊ သီလဝါဆိပ်ကမ်း၌ ကုန်သေတ္တာ ၁၆ လုံးအတွင်းမှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ၁၀၂ မျိုး (ခန့်မှန်းတန်ဖိုး ငွေကျပ် ၁၅၆၀၈၁၀၈၅) ကိုလည်းကောင်း၊ ဇွန် ၁၈ ရက်တွင် ရန်ကုန်အပြည်ပြည်ဆိုင်ရာလေဆိပ်၌ Singapore Airlines လေယာဉ်ခရီးစဉ်အမှတ် SQ-762/ SF - 5799 ဖြင့် စင်ကာပူနိုင်ငံမှ မြန်မာနိုင်ငံသို့ လိုက်ပါလာသည့် မြန်မာနိုင်ငံသား ခရီးသည်တစ်ဦး ၏ ဝန်စည်အတွင်းမှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လူသုံးကုန်ပစ္စည်းတစ်မျိုး (ခန့်မှန်းတန်ဖိုးငွေကျပ် ၃၆၀၀၀၀၀) ကိုလည်းကောင်း၊ မရမ်းချောင်အမြဲတမ်းစစ်ဆေးရေးစခန်း၌ ဘားအံမြို့မှ ရန်ကုန်မြို့သို့ မောင်းနှင်လာသည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လူသုံးကုန်ပစ္စည်းတစ်မျိုး (ခန့်မှန်းတန်ဖိုးငွေကျပ် ၈၉၆၀၀၀၀) နှင့် အဆိုပါပစ္စည်းများ တင်ဆောင်လာသည့် Nissan Condor Truck တစ်စီး (ခန့်မှန်းတန်ဖိုး ငွေကျပ် ၄၀၀၀၀၀၀၀) ကိုလည်းကောင်း၊ အမှတ် (၂) လမ်းမကြီး လေးထောင့်ကန် Max ဆီဆိုင်အနီး၌ ဘားအံမြို့မှ ရန်ကုန်မြို့သို့ မောင်းနှင်လာသည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ခြောက်မျိုး (ခန့်မှန်းတန်ဖိုး ငွေကျပ် ၁၅၃၃၈၅၀၀) နှင့် အဆိုပါပစ္စည်းများ တင်ဆောင်လာသည့် Dong Feng Truck တစ်စီး (ခန့်မှန်းတန်ဖိုးငွေကျပ် ၄၅၀၀၀၀၀၀) ကိုလည်းကောင်း စုစုပေါင်းခန့်မှန်းတန်ဖိုးငွေကျပ် ၆၁၀၁၆၆၀၅၅ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ဇွန် ၁၈ ရက်တွင် နေပြည်တော် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှု ဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ပျဉ်းမနားခရိုင် ဇမ္ဗူသီရိမြို့နယ်အတွင်း၌ တရားမဝင်ကျွန်းသစ် ၀ ဒသမ ၅၀၂ တန် (ခန့်မှန်းတန်ဖိုး ငွေကျပ် ၄၄၂၂၀၀) ကို ဖမ်းဆီးရမိခဲ့ပြီး သစ်တော ဥပဒေနှင့်အညီ အရေးယူဆောင်ရွက်လျက်ရှိသည်။ထို့ပြင် တနင်္သာရီတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ မြိတ်မြို့ ရှမ်းချောင်းလမ်းမကြီး AST ဆီဆိုင်အနီး၌ မြိတ်မြို့မှ ရန်ကုန်မြို့သို့ သွားရောက်မည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း သုံးမျိုး၊ လူသုံးကုန်ပစ္စည်းနှစ်မျိုး (ခန့်မှန်းတန်ဖိုးငွေကျပ် ၂၅၃၈၀၀၀၀) နှင့် အဆိုပါပစ္စည်းများ တင်ဆောင်လာသည့် Zhong Tong Bus တစ်စီး (ခန့်မှန်းတန်ဖိုးငွေကျပ် ၁၁၀၀၀၀၀၀၀) စုစုပေါင်းခန့်မှန်းတန်ဖိုးငွေကျပ် ၁၃၅၃၈၀၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ယင်းအပြင် ပဲခူးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ ညောင်လေးပင်ခရိုင်အတွင်း၌ တရားမဝင်ကျွန်းသစ် ၁ ဒသမ ၂၀၅ တန် (ခန့်မှန်းတန်ဖိုး ငွေကျပ် ၁၀၆၀၄၀၀) ကို ဖမ်းဆီးရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိသည်။အလားတူ မန္တလေးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ကျွဲတပ်ဆုံစစ်ဆေးရေးဂိတ်၌ မန္တလေးမြို့မှ တောင်ကြီးမြို့သို့ သွားရောက်မည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လူသုံးကုန်ပစ္စည်း ၁၆ မျိုး (ခန့်မှန်းတန်ဖိုးငွေကျပ် ၄၃၃၈၉၃၀၀)နှင့် အဆိုပါပစ္စည်းများ တင်ဆောင်လာသည့် Mitsubishi Canter Truck တစ်စီး (ခန့်မှန်း တန်ဖိုးငွေကျပ် ၂၈၀၀၀၀၀၀) ကိုလည်းကောင်း၊ ကျောက်ဆည်မြို့ မြို့ရှောင်လမ်း ဝင်းထက်ဆီဆိုင်အနီး၌ အေးသာယာမြို့မှ မန္တလေးမြို့သို့ မောင်းနှင်လာသည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းရှစ်မျိုး (ခန့်မှန်းတန်ဖိုး ငွေကျပ် ၁၀၅၂၃၆၂၅၀) နှင့် အဆိုပါပစ္စည်းများ တင်ဆောင်လာသည့် Hino Profia Truck တစ်စီး (ခန့်မှန်းတန်ဖိုးငွေကျပ် ၃၀၀၀၀၀၀၀) ကို လည်း ကောင်း စုစုပေါင်းခန့်မှန်းတန်ဖိုးငွေကျပ် ၂၀၆၆၂၅၅၅၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်း များနှင့်အညီ အရေးယူဆောင်ရွက်လျက်ရှိသည်။ဇွန် ၁၈ ရက်တွင် ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့၏ ဖမ်းဆီးရမိမှုစာရင်းများအရ လိုင်စင်မဲ့မော်တော်ယာဉ် ၁၂ စီးနှင့် လိုင်စင်မဲ့မော်တော်ဆိုင်ကယ် ၅၉ စီး ဖမ်းဆီးရမိခဲ့ပြီး သက်ဆိုင်ရာလုပ်ထုံးလုပ်နည်း၊ ဥပဒေများနှင့်အညီ အရေးယူဆောင်ရွက်လျက်ရှိသည်။ဇွန် ၁၇ ရက်နှင့် ၁၈ ရက်တို့တွင် ဖမ်းဆီးရမိမှု စုစုပေါင်းမှာ အမှုတွဲ ၁၈ မှု (ခန့်မှန်းတန်ဖိုးငွေကျပ် ၉၅၃၆၇၄၂၀၅)ကို ဖမ်းဆီးရမိခဲ့သည်။ တရားမဝင် ကုန်သွယ်မှုများကြောင့် အသေးစား၊ အငယ်စားနှင့် အလတ်စား ပြည်တွင်းစီးပွားရေးလုပ်ငန်းများမှ ထုတ်လုပ်သည့်ကုန်ပစ္စည်းများ စျေးကွက်အတွင်း မျှတစွာ ယှဉ်ပြိုင်နိုင်မှုမရှိခြင်းနှင့် စျေးကွက်ပျောက်ဆုံးခြင်းတို့ ဖြစ်ပေါ်စေပြီး ပြည်တွင်းကုန်ထုတ်လုပ်ငန်းများ ရေရှည်ရပ်တည်နိုင်ရေးအတွက် ကြီးမားသည့် ခြိမ်းခြောက်မှုများကို ဖြစ်ပေါ်စေပါသဖြင့် တရားမဝင်ကုန်သွယ်မှုများအား သက်ဆိုင်ရာတာဝန်ရှိသူများက ယခုထက်ပိုမို၍ တားဆီးစစ်ဆေးကြပ်မတ်ဆောင်ရွက်သွားမည်ဖြစ်ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သတင်းရရှိသည်။MNP
Fri, 20-Jun-2025
အီရန်က နျူကလီးယားဗုံးလုပ်နေသည့် သက်သေမရှိဟုဆို
အီရန်က နျူကလီးယားဗုံးလုပ်နေသည့် သက်သေမရှိဟုဆို
ဗီယန်နာ၊ ပဋိပက္ခအီရန်နိုင်ငံက နျူကလီးယားဗုံးကိုထုတ်လုပ်နိုင်ရေး အစီအစဉ်တကျလုပ်ဆောင်နေသည်ဟူသော မည်သည့်သက်သေမျှမရှိကြောင်း အပြည်ပြည်ဆိုင်ရာအဏုမြူစွမ်း အင်အေဂျင်စီအကြီးအကဲ ရာဖေးဂရော့စီကပြောသည်။အီရန်နိုင်ငံအနေဖြင့် နျူကလီးယားဗုံး ကိုရရှိရန် အလွန်နီးစပ်နေပြီဖြစ်ကြောင်း ယုံကြည်သည်ဟု အမေရိကန်သမ္မတ ဒေါ်နယ်ထရမ့်ကပြောပြီးနောက်အပြည်ပြည် ဆိုင်ရာ အဏုမြူစွမ်းအင်အေဂျင်စီက ဇွန်လ ၁၉ ရက်တွင်ပြောခြင်းဖြစ်သည်။  အလားတူ အမေရိကန်နိုင်ငံ၏အမျိုး သားထောက်လှမ်းရေးဌာနအကြီးအကဲ ဖြစ်သည့် တူစီဂတ်ဘာ့ကလည်း အီရန် နိုင်ငံသည် နျူကလီးယားဗုံးများကိုဖန်တီးနေခြင်းမရှိကြောင်း ပြောသည်။ Ref: RTPhoto- Al jazeeraMWD Daily Newspaper
Fri, 20-Jun-2025
အမေရိကန်စစ်တပ်သည် အရှေ့အလယ်ပိုင်းရှိ လေယာဉ်အချို့နှင့် သင်္ဘောအချို့ကို ရွှေ့ပြောင်းထားဟု ကာကွယ်ရေးအရာရှိများပြောဆို
အမေရိကန်စစ်တပ်သည် အရှေ့အလယ်ပိုင်းရှိ လေယာဉ်အချို့နှင့် သင်္ဘောအချို့ကို ရွှေ့ပြောင်းထားဟု ကာကွယ်ရေးအရာရှိများပြောဆို
ကာကွယ်ရေးအရာရှိနှစ်ဦး၏ ပြောကြားချက်အရ အစ္စရေးနှင့် အီရန် အကြား ပဋိပက္ခကျယ်ပြန့်နေစဥ်တွင် အမေရိကန်စစ်တပ်သည် အရှေ့ အလယ်ပိုင်းရှိ ၎င်းတို့၏စစ်အင်အားနှင့် ပစ္စည်းများကို ကာကွယ်ရန် အဆင့်များစွာဆောင်ရွက်ခဲ့သည်။ ၎င်းတွင် ကာတာရှိ Al Udeid လေတပ် ၏ အကာအရံမဲ့လေယာဉ်အားလုံးကို ရွှေ့ပြောင်းခြင်းနှင့် ဘာရိန်းတွင် တပ်စွဲထားသော အမေရိကန်ရေတပ်သင်္ဘောများကို ရွှေ့ပြောင်းခြင်းတို့ ပါဝင်သည်ဟု သိရှိရပါသည်။ထို့အပြင် US Central Command သည် ဒေသတွင်း သွေးသိုလှောင်မှု အပိုများကို ကြိုတင်စုဆောင်းထားကြောင်း အရာရှိများနှင့် နီးစပ်သူ တစ်ဦးက ပြောကြားခဲ့သည်။ ၎င်းမှာ အမေရိကန်စစ်အင်အား တိုက်ခိုက် နိုင်ခြေရှိသည့်အခါတိုင်း ကျင့်သုံးလေ့ရှိသော စံလုပ်ငန်းစဉ်တစ်ခုဖြစ်သည်။အရာရှိတစ်ဦးက အဆိုပါပြောင်းလဲမှုများအား အမေရိကန်က အီရန်၏ နျူကလီးယားစက်ရုံများကို အစ္စရေးနှင့်အတူ တိုက်ခိုက်ရန် ဆုံးဖြတ်ပါက အရှေ့အလယ်ပိုင်းရှိ အမေရိကန်စစ်သည်များနှင့်စခန်းများကို အီရန်က တိုက်ခိုက်မည်ဟု ခြိမ်းခြောက်ထားသည့်အချိန်တွင် သတိထား၍ အစီအမံ ကြိုတင်ပြုလုပ်ထားခြင်းဟု ဖော်ပြခဲ့သည်။အကာအရံမဲ့ အမေရိကန်လေယာဉ်များကို ယခုသီတင်းပတ် အစောပိုင်း တွင် ကာတာရှိ Al Udeid လေတပ်စခန်းမှ ရွှေ့ပြောင်းခဲ့ကြောင်း ဂြိုလ်တု ဓာတ်ပုံများတွင် လေယာဉ်မရှိတော့သည်ကို တွေ့ရပြီးနောက် အရာရှိ တစ်ဦးက အတည်ပြုခဲ့သည်။ ထို့အပြင် ဘာရိန်းရှိ Naval Support Activity (အမေရိကန်ရေတပ်၏ အခြေစိုက်စခန်း) တွင် ရှေ့တန်း တပ်စွဲ ထားသော အမေရိကန်ရေတပ်သင်္ဘောအားလုံးသည်လည်း ယခုသီတင်းပတ် အစောပိုင်းတွင် ဆိပ်ကမ်းမှ ထွက်ခွာသွားခဲ့သည်။ တင်းမာမှုမြင့်တက် နေစဥ်ကာလအတွင်း ထိုလေယာဉ်များနှင့် သင်္ဘောများကို မည်သည့် နေရာသို့ ရွှေ့ပြောင်းထားသည်ကိုမူ မသိရသေးပေ။(CNN ၏သတင်းအရ သမ္မတ Donald Trump သည် အီရန်၏ နျူကလီးယား စက်ရုံများကို တိုက်ခိုက်ရန် မဆုံးဖြတ်ရသေးပေ။ သို့သော် အကယ်၍ ၎င်းက တိုက်ခိုက်ပါက တီဟီရန်က အမေရိကန်ကို တိုက်ရိုက်ပြန်လည်တုံ့ပြန်မည်ဟု ခြိမ်းခြောက်ထားသည်။ အီရန်တွင် အမေရိကန်စစ်အင်အားနှင့် စခန်းများကို ဒုံးကျည်များ၊ ဒရုန်းများဖြင့် တိုက်ခိုက်နိုင်သည့် ကြားခံအဖွဲ့များစွာ ရှိနေသည်။ ၂၀၂၄ ခုနှစ် ဇန်နဝါရီတွင် အီရန်မှထောက်ခံသော Shia မွတ်စ်လင်အဖွဲ့က ဆီးရီးယား-အီရတ်နယ်စပ်ရှိ အမေရိကန်စခန်း Tower 22 ကို ဒရုန်း တိုက်ခိုက်မှု ပြုလုပ်ခဲ့ပြီး အမေရိကန်စစ်သား ၃ ဦးသေဆုံးကာ ဒါဇင်နှင့်ချီ ဒဏ်ရာ ရခဲ့သည်။)ကိုးကား- CNNPhoto: Arab Newsဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 19-Jun-2025
အီရန်နိုင်ငံခြားရေးဝန်ကြီးက အစ္စရေးနိုင်ငံသားများအား “စစ်ဘက် ဆိုင်ရာ နေရာများ၊ ထောက်လှမ်းရေးအခြေစိုက်နေရာများနှင့် နီးကပ်သောနေရာများကို ရှောင်ကြဉ်ရန်” တိုက်တွန်းနှိုးဆော်
အီရန်နိုင်ငံခြားရေးဝန်ကြီးက အစ္စရေးနိုင်ငံသားများအား “စစ်ဘက် ဆိုင်ရာ နေရာများ၊ ထောက်လှမ်းရေးအခြေစိုက်နေရာများနှင့် နီးကပ်သောနေရာများကို ရှောင်ကြဉ်ရန်” တိုက်တွန်းနှိုးဆော်
အီရန်နိုင်ငံခြားရေးဝန်ကြီးက အစ္စရေးနိုင်ငံသားများအား စစ်ဘက်ဆိုင်ရာနေရာများ၊ ထောက်လှမ်းရေးအခြေစိုက်နေရာများနှင့် နီးကပ်သော နေရာများကို ရှောင်ရှားရန် တိုက်တွန်းခဲ့ပြီး ၎င်းတို့၏တိုက်ခိုက်မှုများကို ဆက်လက်လုပ်ဆောင်နေကြောင်း ပြောကြားခဲ့သည်။Abbas Araghchi က X တွင် အီရန်စစ်တပ်သည် အစ္စရေး၏ ကွပ်ကဲမှု၊ ထိန်းချုပ်မှုနှင့် ထောက်လှမ်းရေးဌာနချုပ်ကို တိကျစွာဖျက်ဆီးနိုင်ခဲ့ပြီး နောက်ထပ်အရေးကြီးသော ပစ်မှတ်တစ်ခုကိုပါ ထည့်သွင်းဖျက်ဆီး ခဲ့ကြောင်း ဖော်ပြခဲ့သော်လည်း နေရာအချက်အလက်ကို ဖော်ပြခဲ့ခြင်း မရှိပေ။၎င်းက ပေါက်ကွဲမှု၏အရှိန်သည် အနီးရှိ Soroka ဆေးရုံကို “အပေါ်ယံ ပျက်စီးမှု” ဖြစ်ပေါ်စေခဲ့ကြောင်း၊ ၎င်းဆေးရုံတွင် ဂါဇာတွင် ဒဏ်ရာရခဲ့သော အစ္စရေးစစ်သားများကို ကုသပေးနေသည်ဟု ဆိုသည်။အစ္စရေးဘက်က အီရန်သည် ဆေးရုံကို တိုက်ရိုက်ပစ်မှတ်ထားခဲ့သည်ဟု ဆိုသော်လည်း အီရန်ဘက်က ဆေးရုံအနီးရှိ ကွပ်ကဲမှုစင်တာကို ပစ်မှတ်ထားခဲ့ခြင်းသာဖြစ်ကြောင်း ငြင်းဆိုခဲ့သည်။“လွန်ခဲ့သောသီတင်းပတ်ကတည်းက အစ္စရေးက တရားမျှတမှု ကင်းမဲ့စွာဖြင့် အီရန်ပြည်သူများကို စတင်တိုက်ခိုက်ခဲ့ခြင်းကြောင့် များစွာသော အပြစ်မဲ့အီရန်နိုင်ငံသားများ သေဆုံးခဲ့ရသည်” ဟု Araghchi က ဆိုသည်။“မိမိတို့၏အင်အားကြီးမားသော လက်နက်ကိုင်တပ်ဖွဲ့များသည် မိမိတို့၏ ပြည်သူများကို ပစ်မှတ်ထားသည့် ရာဇဝတ်သားများကို ရပ်တန့်ပြီး မိမိတို့နိုင်ငံအပေါ် ကျူးလွန်ခဲ့သော ရာဇဝတ်မှုအတွက် လက်နက်ချသည် အထိ ဆက်လက်တိုက်ခိုက်သွားမည်” ဟု ၎င်းက ထပ်လောင်း ပြောကြား ခဲ့သည်။အီရန်နိုင်ငံခြားရေးဝန်ကြီးသည် သောကြာနေ့ (ဇွန် ၂၀) တွင် ဆွစ်ဇာလန်နိုင်ငံ၊ ဂျနီဗာမြို့သို့ သွားရောက်ကာ ဥရောပနိုင်ငံခြားရေးဝန်ကြီးများနှင့် တွေ့ဆုံဆွေးနွေးမည်ဖြစ်သည်။ သံတမန်တစ်ဦးက အဆိုပါ ဆွေးနွေးပွဲသည် စမ်းသပ်ဆန်းစစ်ရန် ရည်ရွယ်ပြီး “မည်သည့်အရာများ ရရှိနိုင်မည်ဆိုသည့် အခြေအနေကို စမ်းသပ်ရန်” ဖြစ်ကြောင်း CNN သို့ ပြောကြားခဲ့သည်။ကိုးကား- CNNPhoto: DWဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 19-Jun-2025
ဟန်ဂေရီ ရဲတပ်ဖွဲ့က ဘူဒါပက်စ်မြို့၌ ကျင်းပမည့် Pride ချီတက်ပွဲကို တားမြစ်
ဟန်ဂေရီ ရဲတပ်ဖွဲ့က ဘူဒါပက်စ်မြို့၌ ကျင်းပမည့် Pride ချီတက်ပွဲကို တားမြစ်
ဟန်ဂေရီ ရဲတပ်ဖွဲ့က လာမည့် ဇွန်လ ၂၈ ရက်နေ့တွင် ကျင်းပမည့် LGBTQ+ လိင်တူချစ်သူများ အသိုင်းအဝိုင်း၏ ဘူဒါပက်စ် Pride ချီတက်ပွဲကို တားမြစ်လိုက်ကြောင်း ကြာသပတေးနေ့ (ဇွန် ၁၉) က ထုတ်ပြန်ကြေညာခဲ့ ပါသည်။ဝန်ကြီးချုပ် ဗစ်တာ အော်ဘန်၏ လက်ယာယိမ်းအစိုးရ Fidesz ပါတီ အင်အားကြီးထွားနေသည့် ဟန်ဂေရီပါလီမန်က မတ်လအတွင်းတွင် ကလေး သူငယ်များကို ကာကွယ်ရန်ဆိုသည့် အကြောင်းပြချက်နှင့် LGBTQ ချီတက်ပွဲများကို ရဲတပ်ဖွဲ့က တားမြစ်နိုင်သည့် ဥပဒေတစ်ရပ်ကို အတည်ပြု ပြဋ္ဌာန်းခဲ့ပါသည်။ဘူဒါပက်စ်မြို့တော်ဝန် လစ်ဘရယ်ဝါဒီ Gergely Karacsony က ယင်း ဥပဒေကို ဆန့်ကျင်ရန်ကြိုးစားခဲ့ပြီး တနင်္လာနေ့ (ဇွန် ၁၆) က ဘူဒါပက်စ် Pride ချီတက်ပွဲကို မြို့တော်အစိုးရပွဲအဖြစ်ကျင်းပမည်ဟု ကြေညာကာ “အာဏာပိုင်တွေဆီက ခွင့်ပြုချက်တောင်းစရာ မလို” ဟု ဆိုခဲ့ပါသည်။သို့သော် ဘူဒါပက်စ်မြို့တော်ရဲတပ်ဖွဲ့က မြို့တော်ဝန် ကျင်းပမည့်ပွဲကိုလည်း အဆိုပါဥပဒေအတိုင်း သက်ရောက်စေမည်ဟုဆိုကာ တားမြစ်လိုက် ပါသည်။Karacsony က ဖေ့စ်ဘွတ်တွင် ရဲတပ်ဖွဲ့၏ တားမြစ်ချက်က အရေးမပါဟု ပြောဆိုပြီး အာဏာပိုင်များထံသို့ ပွဲစီစဉ်မှုအကြောင်း တရားဝင် အကြောင်းကြားထားခြင်း မရှိသေးဟု ဆိုပါသည်။“မြို့တော်အစိုးရအနေဖြင့် ဟန်ဂေရီလွတ်လပ်ရေးနေ့ဖြစ်သည့် ဇွန်လ ၂၈ ရက်တွင် ဘူဒါပက်စ် Pride လွတ်လပ်ရေးချီတက်ပွဲကို မြို့တော်ပွဲ အဖြစ် ကျင်းပမည်” ဟု မြို့တော်ဝန်က ရေးသားခဲ့ပါသည်။ လူပေါင်း သောင်းချီ၍ ၎င်းချီတက်ပွဲကို တက်ရောက်မည်ဟု မျှော်မှန်းထားကြောင်း ဆိုသည်။အော်ဘန်သည် ၂၀၂၆ ခုနှစ်တွင် စိန်ခေါ်မှုများပြည့်နှက်နေသည့် ရွေးကောက်ပွဲကို ရင်ဆိုင်ရမည်ဖြစ်ပြီး အာဏာရှင်စနစ်ကို ခြိမ်းခြောက်နေသည့် အတိုက်အခံပါတီသစ်တစ်ခု ပေါ်ထွက်လာနေကြောင်း သိရှိရ ပါသည်။၎င်းအစိုးရ၏ ခရစ်ယာန် ရှေးရိုးစွဲမူဝါဒများနှင့် LGBTQ အသိုင်းအဝိုင်းကို တိုက်ဖျက်ရေး စည်းရုံးမှုများသည် Fidesz ပါတီ၏ အခြေခံမဲဆန္ဒရှင်များကို ကျေနပ်စေရန် ရည်ရွယ်ပါသည်။ အထူးသဖြင့် ကျေးလက်ဒေသ မှ မဲဆန္ဒရှင်များဖြစ်သည်။အော်ဘန်က ဖေဖော်ဝါရီလအတွင်းတွင် Pride ပွဲကို ဘူဒါပက်စ်၌ ယခု နှစ်ကျင်းပရန် စဉ်းစားစရာ မလိုဟု ပြောဆိုခဲ့ပါသည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 19-Jun-2025
အီရန်ကိုတိုက်ခိုက်ပါက ဆိုးရွားသည့်အကျိုးဆက်များ ရှိလာမည်ဟု အမေရိကန်ကို အီရန်ခေါင်းဆောင်သတိပေး
အီရန်ကိုတိုက်ခိုက်ပါက ဆိုးရွားသည့်အကျိုးဆက်များ ရှိလာမည်ဟု အမေရိကန်ကို အီရန်ခေါင်းဆောင်သတိပေး
တီဟီရန် ဇွန် ၁၈ အမေရိကန်နိုင်ငံ အနေဖြင့် အီရန်ကို စစ်ရေးအရတိုက်ခိုက်ခဲ့ပါက ပြန်လည်ကုစား၍မရနိုင်သည့်အကျိုးဆက်များနှင့် ရင်ဆိုင်ရလိမ့်မည်ဖြစ်ကြောင်း အီရန် ခေါင်းဆောင်အယာတိုလာခါမေနီ က ယနေ့တွင် သတိပေးခဲ့သည်။ ခြွင်းချက်မရှိ လက်နက်ချရန် အမေရိကန်သမ္မတ ဒေါ်နယ်ထရမ့်က အီရန်နိုင်ငံကို ဇွန် ၁၇ ရက်တွင် တောင်းဆိုခဲ့ပြီးနောက် အီရန် ခေါင်းဆောင် အယာတိုလာခါမေနီ ၏ သတိပေးချက်ပေါ်ထွက်လာခြင်းဖြစ်သည်။အီရန်ပြည်သူများ အနေဖြင့် ခြိမ်းခြောက်မှုများအား အသာတကြည်လက်ခံမည်မဟုတ်သလို အတင်းဖန်တီးထားသော ငြိမ်းချမ်းရေးနှင့်စစ်ပွဲများကိုလည်း လက်ခံမည်မဟုတ်ကြောင်း အီရန် ခေါင်းဆောင် အယာတိုလာခါမေနီ က ပြောကြားခဲ့သည်။ အစ္စရေးနှင့်အီရန်တို့ကြားငါးရက် မြောက်နေ့အဖြစ် စစ်ရေးပဋိပက္ခ များဖြစ်ပွားနေချိန်တွင် အီရန်ကို ခြွင်းချက်မရှိလက်နက်ချရန် အမေရိကန်သမ္မတ ဒေါ်နယ်ထရမ့်က တောင်းဆိုခဲ့ခြင်းဖြစ်သည်။ယင်းအပြင် အမေရိကန် အစိုးရသည် အီရန်နျူကလီးယား အဆောက်အအုံများကို တိုက်ခိုက်ရာတွင် အစ္စရေးနှင့်ပူးပေါင်းပါဝင်ရေးအတွက် စဉ်းစားနေကြောင်းလည်း သတင်းများထွက်ပေါ်လျက်ရှိသည်။လက်ရှိဖြစ်ပွားနေသော အီရန်-အစ္စရေးစစ်ရေးပဋိပက္ခ၌ အမေရိကန်နိုင်ငံ တိုက်ရိုက်ကြားဝင်ခဲ့ပါက လက်တုံ့ပြန်မည်ဖြစ်ကြောင်း ကုလသမဂ္ဂဆိုင်ရာ သံအမတ်ကြီးက သတိပေးထားသည်။Ref: RTTrs: KKO
Thu, 19-Jun-2025
© Copyright 2024 SAC All Rights Reserved.