လွန်ခဲ့သည့် ၂၀၂၀ ရွေးကောက်ပွဲတွင် ရှုံးခဲ့သော ဒေါ်နယ်ထရမ့်ကို ထောက်ခံခဲ့သည့် ၎င်း၏အမာခံ ပရိသတ် ထောင်ပေါင်းများစွာတို့သည် ထိုစဉ်က အနိုင်ရ ခဲ့သည့် ဂျိုးဘိုင်ဒန်ကို ကန့်ကွက်သည့်အနေဖြင့် ၂၀၂၁ ဇန်နဝါရီလ ၆ ရက်နေ့က ကယ်ပီတယ် အဆောက်အအုံကို သိမ်းပိုက်မှုလုပ်ခဲ့ပြီး အမြောက်အမြား ဖမ်းဆီးခံခဲ့ရသည်။ အဆိုပါဖမ်းဆီးခံခဲ့ရသူများတွင်  ဂျိုးဘိုင်ဒန်သမ္မတသက်တမ်း ၄ နှစ်ပြည့်မြောက်သွားသည့်တိုင် မလွတ်သေးသောသူများရှိနေခြင်းကြောင့် ထရမ့် သမ္မတဖြစ်ဖြစ်ချင်း ၎င်းကိုထောက်ခံသူများကို ချက်ချင်း လွှတ်ပေးခဲ့ခြင်းဖြစ်ပါသည်။

ကရင်ပြည်နယ်၊ မြဝတီ - ရွှေကုက္ကိုလ်နှင့် KK Park နယ်မြေအတွင်း တရားမဝင် အွန်လိုင်းလောင်းကစားအပါအဝင် ဒုစရိုက်မှုများ ဖြစ်ပေါ်လျက်ရှိသည့် အခြေအနေနှင့် ပတ်သက်၍ နိုင်ငံတော်အစိုးရမှ သတင်းထုတ်ပြန်ထားရာ မြန်မာနိုင်ငံအတွင်းသို့ တရားမဝင် ဝင်ရောက် နေထိုင်ပြီး Online လိမ်လည်မှုများ၊ Online လောင်းကစားမှုများကျူးလွန်နေကြသည့် ပြည်ပ နိုင်ငံသားများအား စိစစ်ဖော်ထုတ်ခဲ့ပြီး တရုတ်နိုင်ငံသို့ တရုတ်နိုင်ငံသား  ၅၃,၃၈၈ ဦးအထိ လွှဲပြောင်းပေးခဲ့ပြီဖြစ်ကြောင်း သိရသည်။

အမေရိကန်သမ္မတ ဒေါ်နယ်ထရမ့်သည် ကမ္ဘာ့ကျန်းမာရေးအဖွဲ့ (WHO) မှ အမေရိကန်နုတ်ထွက်ရေးလုပ်ငန်းစဉ်စတင်ရန် အမိန့်ကို လက်မှတ်ရေးထိုးခဲ့သည်။ အဆိုပါ လက်မှတ် ရေးထိုးမှုသည် ထရမ့် ရာထူးတက်သည့်နေ့တွင် လက်မှတ်ရေးထိုးထားသည့် ဒါဇင်များစွာသော လုပ်ဆောင်ချက်များအနက်တစ်ခုဖြစ်ပြီး WHO ကနေ အမေရိကန် နုတ်ထွက်ရန် ထရမ့် က ဒုတိယအကြိမ် အမိန့်ပေးလိုက်ခြင်း ဖြစ်ပါသည်။