မကြာမီ ရာထူးမှထွက်ခွာတော့မည့် အမေရိကန်သမ္မတ ဂျိုးဘိုင်ဒင်သည် သမ္မတသစ်အဖြစ် တက်ရောက်လာမည့် ဒေါ်နယ်ထရမ့်အတွက် ရင်ဆိုင်ဖြေရှင်းစေရန် ပြဿနာများ ဖန်တီးလျက်ရှိကြောင်း ရုရှားနိုင်ငံခြားရေးဝန်ကြီး ဆာဂျီလက်ရော့က ပြောသည်။
တစ်ကမ္ဘာလုံးတွင် ၂၀၂၄ ခုနှစ်အတွင်း ရောင်းချနိုင်ခဲ့သည့် လျှပ်စစ်ကား အရေအတွက်သည် ၁၇ ဒသမ ၁ သန်းအထိ စံချိန်တင်မြင့်တက်လာခဲ့ကြောင်း လျှပ်စစ်ကားဆိုင်ရာ သုတေသနအဖွဲ့ တစ်ခုဖြစ်သည့် Rho Motion က ထုတ်ပြန်သည်။
အဆိုပါရောင်းချနိုင်သည့် ပမာဏသည် ပြီးခဲ့သည့်နှစ်က ပမာဏနှင့်နှိုင်းယှဉ်ပါက ၂၅ ရာခိုင်နှုန်း မြင့်တက်လာခြင်း ဖြစ်သည်။
ရုရှားသမ္မတ ဗလာဒီမာပူတင်သည် ဇန်နဝါရီ ၁၇ ရက် နေ့တွင် အီရန်သမ္မတ Masoud Pezeshkian နှင့် မော်စကို၌ တွေ့ဆုံစဉ် ဒေသတွင်းနှင့်ကမ္ဘာလုံးဆိုင်ရာ ပြဿနာအများအပြားကို ဆွေးနွေးမည်ဖြစ်ကြောင်း ကရင်မလင်နန်းတော်က ဇန်နဝါရီ ၁၆ ရက်နေ့တွင် အတည်ပြုခဲ့သည်။
ရုရှားနှင့်အီရန်အကြား နှစ်နိုင်ငံဆက်ဆံရေး ရေရှည်ဖွံ့ဖြိုးတိုးတက်မှုအတွက် ကရင်မလင်က “မူဘောင်”အဖြစ် ဖော်ပြထားသည့် ဘက်စုံမဟာဗျူဟာမြောက် မိတ်ဖက်ဆက်ဆံရေး သဘောတူညီချက်ကို ခေါင်းဆောင်များ လက်မှတ်ရေးထိုးရန် မျှော်လင့်ရသည် ။
ထိုင်းတက်ကြွလှုပ်ရှားသူတစ်ဦးက ထိုင်းဝန်ကြီးချုပ် ပေထုံတန်ရှင်နာဝါထရာကို ရှေ့နေချုပ်ရုံး၌ တိုင်ကြားတရားစွဲလိုက်ကြောင်းသိရပါသည်။ ထိုင်းဝန်ကြီးချုပ်သည်ထောင်ဒဏ်ကျခံရဖူးသည့် တက်ကြွလှုပ်ရှားသူတစ်ဦးကို သူမ၏ အကြံပေးအဖြစ်ခန့်အပ်ခဲ့ခြင်းနှင့် ပတ်သက်ပြီး တိုင်ကြားခံရခြင်းဖြစ်ပါသည်။ ရှေ့နေချုပ်ရုံးသည် ထိုင်း ဝန်ကြီးချုပ်၏ အမှုကိစ္စအား ထိုင်း ဖွဲ့စည်းပုံအခြေခံ ဥပဒေခုံရုံးထံ ဆက်လက်တိုင်ကြားဖွယ်ရှိနေပါသည်။