မီလန်မြို့က အများပြည်သူနှင့် ဆိုင်သောနေရာများတွင် ဆေးလိပ်မီးညှိလျှင်ပင် ဒဏ်ငွေရိုက်မည်

News Image

  • မီလန်မြို့က အများပြည်သူနှင့် ဆိုင်သောနေရာများတွင် ဆေးလိပ်မီးညှိလျှင်ပင် ဒဏ်ငွေရိုက်မည်

အီတလီနိုင်ငံ၏ စီးပွားရေးမြို့ဖြစ်သည့် မီလန်မြို့တွင် အများပြည်သူနှင့် သက်ဆိုင်သောနေရာများတွင် ဆေးလိပ်သောက်ရန် ဆေးလိပ်မီးညှိလျှင်ပင် လာရောက် ဖမ်းဆီးပြီး ဒဏ်ငွေအများအပြားရိုက်မည်ဟု အမိန့် ထုတ်လိုက်ပါသည်။ အဆိုပါအမိန့်သည် ဇန်နဝါရီလ ၁ ရက်နေ့မှစတင် အသက်ဝင်ကြောင်းသိရှိရပြီး ထုတ်ပြန် သည့်အမိန့်စာ၌ ဒေသတွင်းလေထုသန့်စင်စေရန်နှင့် ပြည်သူ့ကျန်းမာရေးအတွက် ရည်ရွယ်ပြီးထုတ်ပြန်ရကြောင်း ပါရှိပါသည်။ ချမျတ်ထားသောအမိန့်၌ ဖမ်းဆီးမှုတစ်ခု အတွက် ယူရို ၄၀ မှ ၂၄၀ အတွင်းချမှတ်မည်ဟု ဆိုပါသည်။ ၎င်းအမိန့်နှင့်ပတ်သက်ပြီး မြို့ခံများက ကြိုက်နှစ်သက်မှုမရှိကြသော်လည်း အချို့က လူမှုကွန်ယက်စာမျက်နှာပေါ်၌ လူတစ်ဦးချင်းဆိုင်ရာ လွတ်လပ်မှုကို ထိခိုက်နေကြောင်း ရေးသားထားမှု များရှိပါသည်။

အချို့က ဆေးလိပ်သောက်သူများအနေဖြင့် ဆေးလိပ်မသောက်သည့်သူများအပေါ် ကိုယ်ချင်းစာတရားထား ရှိသင့်ကြောင်းနှင့် မိမိ၏လုပ်ဆောင်မှုသည် အခြားသူ များအား ထိခိုက်စေခြင်းကို နားလည်သင့်သည်ဟု ဆိုကြပါသည်။ 

ဆေးလိပ်ကြိုက်သူအချို့ကလည်း နိုင်ငံတော်စီမံကိန်းများ၊ လေယာဉ်များ၊ ကားများနှင့် စက်ရုံများမှ ထွက်ရှိသော ကာဗွန်ဒိုင်အောက်ဆိုက်များနှင့် နှိုင်းယှဉ်ပါက ဆေးလိပ် သောက်ခြင်းကြောင့် ထွက်ရှိသည့် လေထုညစ်ညမ်းမှု သည် ပြောပဖွယ်ရာမရှိကြောင်း အခြေတင် ပြောဆိုမှု များလည်းရှိပါသည်။ မည်သို့ပင်ဆိုစေကာမူ မီလန်မြို့မှ အများပြည်သူအနေဖြင့် အဆိုပါတင်းကျပ်သည့်အမိန့် ကို မလွဲမသွေလိုက်နာကြရမည်ဖြစ်ကြောင်း ဖော်ပြထားရှိပါသည်။ 

ကိုးကား-Myanmar National Post