TikTok ကို အမေရိကန်မှာ ပြန်ဒေါင်းလို့ရပြီ

saceditor

News Image

  • TikTok ကို အမေရိကန်မှာ ပြန်ဒေါင်းလို့ရပြီ

အမေရိကန် Apple နဲ့ Google ရဲ့ app store တွေမှာ TikTok ကို ကြာသပတေးနေ့က စပြီး ပြန်ဒေါင်းလို့ရပြီလို့ သိရပါတယ်။ သမ္မတ ဒေါ်နယ်ထရမ့်က TikTok ပိတ်ပင်တားမြစ်မှုအကောင်အထည်ဖော်ခြင်းကို ရက်ရွှေ့ဆိုင်းလိုက်တဲ့နောက်ပိုင်းမှာ ခုလို ပြန်လည်ရရှိလာတာပါ။

Bloomberg နဲ့ CNBC သတင်းဌာနတွေကလည်း TikTok ကို ကြာသပတေးနေ့ညနေပိုင်းမှာ app store တွေကနေ ပြန်ဒေါင်းလို့ရလာကြောင်း သတင်းထုတ်ပြန်ခဲ့ပါတယ်။ CNN က ဖုန်းအမျိုးမျိုးမှာ app ကို ဒေါင်းလုဒ်လုပ်ဖို့ ကြိုးစားကြည့်တဲ့အခါ app store တွေမှာ ကြာသပတေးနေ့ညနေပိုင်းမှာ ဒေါင်းလို့ရလာတယ်လို့ ဆိုပါတယ်။

TikTok ရဲ့ မသေချာတဲ့ အနာဂတ်က ပြီးခဲ့တဲ့နှစ် ဧပြီလအတွင်း သမ္မတ ဂျိုးဘိုင်ဒင် က လက်မှတ်ရေးထိုးခဲ့တဲ့ ဥပဒေကြောင့် ဖြစ်ပါတယ်။ အဲဒီဥပဒေက TikTok ကို အမေရိကန် ဒါမှမဟုတ် ၎င်းရဲ့မဟာမိတ်တစ်ဦးဦးဆီကို ရောင်းချဖို့ ဒါမှမဟုတ် အမေရိကန်ရဲ့ အမျိုးသားလုံခြုံရေး စိုးရိမ်မှုတွေအပေါ် အခြေခံပြီး ပိတ်ပင်တားမြစ်မှုကို ရင်ဆိုင်ရဖို့ စီစဉ်ချမှတ်ခဲ့တာပါ။

TikTok က ဒီနှစ် ဇန်နဝါရီလအတွင်း အမေရိကန်မှာ ၁၄ နာရီလောက် ပိတ်သွားခဲ့ပေမယ့် ဆက်ပြီးရှိနေစေရမယ်လို့ ဒေါ်နယ်ထရမ့်က သမ္မတရွေးကောက်ပွဲမှာ ကတိပေးခဲ့တာကြောင့် မြန်မြန်ပြန်ရခဲ့တယ်လို့ ဆိုပါတယ်။

ဒါပေမယ့် app store တွေမှာ TikTok ကို ဒေါင်းလို့တော့ မရကြတော့ပါဘူး။ အဲဒီကတည်းက ဒေါင်းလို့မရတော့တဲ့ TikTok ဟာ မနေ့ ကြာသပတေးနေ့ ညနေပိုင်းမှ ပြန်ဒေါင်းလို့ရလာတာပဲဖြစ်ပါတယ်။

Source: Popular Myanmar

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

တံတားဦးမြို့နယ် မီးသတ်ဦးစီးဌာနမှ ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ်များအား မီးဘေးလုံခြုံရေးလုပ်ငန်းကွင်းဆင်းစစ်ဆေး
တံတားဦးမြို့နယ် မီးသတ်ဦးစီးဌာနမှ ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ်များအား မီးဘေးလုံခြုံရေးလုပ်ငန်းကွင်းဆင်းစစ်ဆေး
မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ် မီးသတ်ဦးစီးဌာနမှ ပြည်သူများ ပွင့်လင်းရာသီ ရောက်ရှိပြီဖြစ်၍ မီးဘေးအန္တရာယ်ကင်းဝေးရေးနှင့် မီးလောင်ကျွမ်းမှုမဖြစ်ပေါ်စေရေး၊ မီးဘေး သတိရှိရေး စသည်တို့ကို ရည်ရွယ်ပြီးမီးဘေးအန္တရာကြိုတင်ကာကွယ်ရေးအတွက် မတ်လ ၁၈ ရက်၊ နံနက် (၁၀) နာရီ အချိန်က ၂၀၂၄-၂၀၂၅ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ် များအား မီးဘေးလုံခြုံရေးလုပ်ငန်းကွင်းဆင်းစစ်ဆေးဆောင်ရွက်ကြကြောင်းသိရသည် ။ထိုသို့အသိပေးနှိုးဆော်ဆောင်ရွက်ရာတွင် မြို့နယ်မီးသတ်ဦးစီးဌာန၊ မြို့နယ်ဦးစီးမှူး ဦးကျော်သူအောင် ဦးဆောင်ပြီး တပ်ဖွဲ့ဝင်များနှင့်အတူ မီးဘေးအန္တရာယ်ကြိုတင်ကာကွယ်ရေးအတွက် မီးဖိုများကို သတ်မှတ်ချိန်အတွင်းသာ မီးကို အသုံးပြုကြစေလိုကြောင်း၊ ထို့အပြင် နေအိမ်များတွင် မီးလောင်လွယ်သော လောင်စာများမထားရှိရေး၊ မီးချိတ် ၊ မီးကတ် ၊ သဲ ၊ ရေ ၊ လှေကားနှင့် မီးသတ်ဆေးဘူးများ ပြည့်စုံစွာထားရှိရေး တို့ကို အကြံပြုဆွေးနွေး စစ်ဆေးခဲ့ကြောင်းသိရသည်။မြို့နယ်မီးသတ်ဦးစီးဌာနအနေဖြင့် ပြည်သူများမီးဘေးလုံခြုံရေးအတွက် ရပ်ကွက်ကျေးရွာများသို့ တစ်အိမ်တက် တစ်အိမ်ဆင်းစစ်ဆေးခြင်း၊ မြို့မဈေးစစ်ဆေးခြင်း၊ စက်သုံးဆီဆိုင်များစစ်ဆေးခြင်း၊ ဌာနဆိုင်ရာများ မီးဘေး အန္တရာယ်သရုပ်ပြခြင်း ၊ ပြည်သူလူထုအတွင်းမီးဘေးလုံခြုံရေး စိမ့်ဝင်ပျံ့နှံ့စေရန် အသိပညာပေးခြင်းများ၊ လက်ကမ်းစာစောင်ဖြန့်ဝေခြင်းများ အကောင်အထည်ဖော်ဆောင်ရွက်လျက်ရှိကြောင်းသိရသည်။ဦးရဲတင့် (ပြန် / ဆက်)၀၉-၇၉၇၄၃၈၃၀၅ 
၅ မိနစ် အားသွင်းရုံဖြင့် မိုင် ၂၅၀ မောင်းနှင်နိုင်မည့် အားသွင်းစနစ် တရုတ် EV ကုမ္ပဏီ BYD က မိတ်ဆက်
၅ မိနစ် အားသွင်းရုံဖြင့် မိုင် ၂၅၀ မောင်းနှင်နိုင်မည့် အားသွင်းစနစ် တရုတ် EV ကုမ္ပဏီ BYD က မိတ်ဆက်
ထိပ်တန်းလျှပ်စစ်ကားထုတ်လုပ်သည့် ကုမ္ပဏီ BYD က တရုတ်နိုင်ငံတွင် မတ်လ ၁၇ ရက်နေ့က အားသွင်းစနစ်အသစ်တစ်ခုကို မိတ်ဆက်ခဲ့ပြီး ကမ္ဘာ့အကြီးဆုံး EV ကားဈေးကွက်တွင် ပြိုင်ဆိုင်မှုများကို ပိုမိုပြင်းထန်စေခဲ့ကာ Tesla အပါအဝင် အခြားပြိုင်ဘက်များထက် ပိုမို ရှေ့ရောက်စေခဲ့သည်။ရှင်းကျန့်အခြေစိုက် ကားထုတ်လုပ်ရေးကုမ္ပဏီက ၎င်းတို့၏ “Super E-Platform” ဟုအမည်ပေးထားသော စနစ်သည် ၎င်းတို့၏ နောက်ဆုံးပေါ် မော်ဒယ် EV ကားများကို မိနစ်အနည်းငယ်အတွင်း အားသွင်းနိုင်ပြီး မိုင် ၂၅၀ အထိ မောင်းနှင်နိုင်ကြောင်း ကြေညာခဲ့သည်။ နည်းပညာအသစ်ကို ပံ့ပိုးရန်အတွက် BYD သည် တရုတ်နိုင်ငံတစ်ဝှမ်းတွင် အလွန်မြန်ဆန် သော အားသွင်းစက်ပေါင်း ၄,၀၀၀ ကို တည်ဆောက်ရန် စီစဉ်ထားသည်။BYD ၏ အားသွင်းစနစ်အသစ်သည် လျှပ်စစ်ကားဈေးကွက်ကို ပြောင်းလဲရာတွင် အဓိကအခန်းကဏ္ဍမှ ပါဝင်နိုင်သည့် ဆန်းသစ်တီထွင်မှုတစ်ခု ဖြစ်သည်။ Tesla ၏ Superchargers သည် ၁၅ မိနစ် အားသွင်းပြီး မိုင် ၂၀၀ အထိ မောင်းနှင်နိုင်သည်။“BYD ၏ ရည်မှန်းချက်မှာ လျှပ်စစ်ကားအားသွင်းခြင်းကို ဓာတ်ဆီကား တစ်စီးအား ဆီဖြည့်သည့်အမြန်နှုန်းနှင့်တူညီရေး လုပ်ဆောင်နိုင်ရန်ဖြစ်သည်" ဟု BYD ဥက္ကဋ္ဌ Wang Chuanfu က မိတ်ဆက်ပွဲတွင်ပြောကြားခဲ့သည်။ နောက်ဆုံးပေါ်အားသွင်းနည်းပညာဖြင့် ပြင်ဆင် ထားသော BYD ၏ မော်ဒယ်အသစ်များအတွက် ကြိုတင်မှာယူမှုများကို မတ်လ ၁၇ ရက်နေ့တွင် စတင်လက်ခံခဲ့ပြီး လာမည့်လမှစတင်၍ ပေးပို့ သွားမည်ဖြစ်သည်။BYD ၏ ဟောင်ကောင်စတော့ဈေးကွက်ရှယ်ယာများသည် မတ်လ ၁၈ ရက်နေ့တွင် ၆% ကျော် တက်ခဲ့ပြီး အမြင့်ဆုံးစံချိန်သစ်တင်ခဲ့သည်။Tesla ၏ နှစ်စဉ် ကမ္ဘာလုံးဆိုင်ရာ ကားရောင်းချမှုသည် လွန်ခဲ့သည့် နှစ်က ပထမဆုံးအကြိမ် ကျဆင်းခဲ့ပြီး တရုတ်နိုင်ငံတွင် ၎င်း၏ နည်းပညာဆန်းသစ်နိုင်မှုသည် အဓိကပြိုင်ဘက် BYD နောက်သို့ ကျန်ရစ်ခဲ့သည်။ တရုတ်လျှပ်စစ်ကားကုမ္ပဏီ BYD ၏ အားသွင်းနည်းပညာအသစ်သည် ဆန်းသစ်တီထွင်မှုနှင့်စျေးနှုန်းနှစ်ခုစလုံးတွင် Tesla ထက် သာလွန်နေကြောင်း နောက်ဆုံးဖော်ပြမှုတစ်ခုဖြစ်သည်။ကိုးကား-CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
ထူးခြားသည့် သမ္မတ ပူတင် တောင်းဆိုသည့် အမေရိကန်-ရုရှား ဟော်ကီ ပြိုင်ပွဲ
ထူးခြားသည့် သမ္မတ ပူတင် တောင်းဆိုသည့် အမေရိကန်-ရုရှား ဟော်ကီ ပြိုင်ပွဲ
မတ်လ ၁၈ ရက်နေ့တွင် အရှေ့အလယ်ပိုင်း အပစ်အခတ်ရပ်စဲရေးကိစ္စနှင့်စပ်လျဉ်းပြီး အမေရိကန်သမ္မတ ထရမ့် နှင့် ရုရှားသမ္မတ ပူတင်တို့ တယ်လီဖုန်း ဆက်သွယ်ပြောဆိုစဉ်အတွင်း သမ္မတ ပူတင်သည် အမေရိကန်နှင့် ရုရှားနိုင်ငံတော်အဆင့် ဟော်ကီပြိုင်ပွဲများ စီစဉ်ရန် အစီအစဉ်ကို သမ္မတ ထရမ့်က ထောက်ခံခဲ့သည်ကို တွေ့ရကြောင်း သတင်းရရှိပါသည်။ကိုးကား- ဒေသတွင်းမီဒီယာ
ဂျိုးဘိုင်ဒင်အစိုးရက အသက် ၁၀၀ ကျော်အရွယ် သေဆုံးသူ သုံးသန်းကျော်အား ချေးငွေ ဒေါ်လာ ၃၃၃ သန်း ထုတ်ပေးခဲ့ကြောင်းတွေ့ရှိဟုဆို
ဂျိုးဘိုင်ဒင်အစိုးရက အသက် ၁၀၀ ကျော်အရွယ် သေဆုံးသူ သုံးသန်းကျော်အား ချေးငွေ ဒေါ်လာ ၃၃၃ သန်း ထုတ်ပေးခဲ့ကြောင်းတွေ့ရှိဟုဆို
ဝါရှင်တန်၊ လူမှုဖူလုံရေးဂျိုးဘိုင်ဒင်ဦးဆောင်သည့် ယခင်အမေ ရိကန်အစိုးရသည် အသက် ၁၀၀ ကျော်အရွယ် သေဆုံးသူသုံးသန်းကျော်အားဒေါ်လာ ၃၃၃ သန်းကို ချေးငွေအဖြစ်ထုတ်ပေးခဲ့သည်ဟု အီလွန်မက်ဦးဆောင်သည့် အမေရိကန်အစိုးရစွမ်းဆောင်ရည်ဌာနက မတ်လ ၁၈ ရက်တွင် ထုတ်ပြန်သည်။အမေရိကန်လူမှုဖူလုံရေးအာဏာပိုင်အဖွဲ့သည်  ယခင်အစိုးရက  အကောင်အထည်ဖော်ဆောင်ခဲ့သည့် လူမှုဖူလုံရေး ဆိုင်ရာချေးငွေမှတ်တမ်းများကို ပြန်လည်စိစစ်ခဲ့ရာမှ အသက် ၁၂၀ ကျော်အရွယ် ချေးငွေစာရင်းဖွင့်ထားသူ ၃ ဒသမ ၂ သန်းကျော်အား ဂျိုးဘိုင်ဒင်အစိုးရက ချေးငွေများပေးအပ်ခဲ့ခြင်းဖြစ်ကြောင်းကို ဖော်ထုတ် တွေ့ရှိခဲ့ခြင်းဖြစ်ကြောင်းသိရသည်။ဂျိုးဘိုင်ဒင်လက်ထက်    အမေရိကန်အာဏာပိုင်အဖွဲ့သည် ၎င်းအသက် ၁၂၀ ကျော်အရွယ် လူပုဂ္ဂိုလ်များအား အသက်ရှင်နေသူများအဖြစ် လူမှုဖူလုံရေးမှတ်တမ်းတွင်ရေးသွင်းထားပြီး ချေးငွေအဖြစ် ဒေါ်လာ၃၃၃ သန်းကို ထုတ်ပေးခြင်းဖြစ်သည်။ချေးငွေပေးအပ်ခံရသူများအနက် တစ်ဦးမှာ အသက် ၁၅၇ နှစ်အရွယ် သေဆုံးသူ အမျိုးသား သက်ကြီးရွယ်အိုတစ်ဦးပါဝင်ပြီး ၎င်းအား အာဏာပိုင်များက ချေးငွေအဖြစ် ဒေါ်လာ   ၃၆၀၀၀   ပေးအပ်ခဲ့ကြောင်း အမေရိကန်အစိုးရ စွမ်းဆောင်ရည်ဌာနက ဖော်ထုတ်တွေ့ရှိခဲ့သည်။အစိုးရ၏အခွန်ဘဏ္ဍာများအနက်မှ ဒေါ်လာသန်းပေါင်းများစွာအား အသက် ၁၀၀ ကျော် သေဆုံးသူများအား ပေးအပ်ခဲ့ခြင်းအပေါ် ဒေါသဖြစ်ရသည်ဟု သမ္မတဒေါ်နယ်ထရမ့်က အစောပိုင်းတွင် ပြောကြားခဲ့ပြီး ထိုသို့လုပ်ဆောင်မှုများသည် ယခင်သမ္မတဟောင်း ဂျိုးဘိုင်ဒင်လက်ထက်မှ ကြွင်းကျန်သည့်  လိမ်ညာမှုတစ်ရပ်ဖြစ်သည်ဟု ၎င်းကဖော်ပြခဲ့သည်။အဆိုပါအသက် ၁၀၀ ကျော် သေဆုံးသူလူပုဂ္ဂိုလ်များအား ယခုအခါ သေဆုံးသူများအဖြစ်  လူမှုဖူလုံရေးမှတ်တမ်းတွင်ရေးသွင်းခဲ့ပြီးဖြစ်ကြောင်းသိရသည်။Ref: IvtSource: https://myawady.net.mm/
ရှမ်းပြည်နယ်(တောင်ပိုင်း)၊ ပင်လောင်းမြို့နယ်၊ ပင်တီးကျေးရွာအနီး ဘိန်းခင်းများဖျက်ဆီးမှု မှတ်တမ်းဓာတ်ပုံ။ , ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ ဟဲနန်းကျေးရွာအနီး ဘိန်းခင်းများဖျက်ဆီးမှု မှတ်တမ်းဓာတ်ပုံ။
ရှမ်းပြည်နယ်(တောင်ပိုင်း)၊ ပင်လောင်းမြို့နယ်နှင့် လွိုင်လင်မြို့နယ်တို့၌ ဘိန်းခင်းများဖျက်ဆီး
၂၀၂၅ ခုနှစ်၊ မတ် ၁၅ ရက်တွင် ရှမ်းပြည်နယ်(တောင်ပိုင်း)၊ ပင်လောင်းမြို့နယ်နှင့် လွိုင်လင်မြို့နယ်တို့၌ ရဲတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့မှ ဘိန်းခင်းဖျက်ဆီးခြင်းများ ဆောင်ရွက်ခဲ့ကြောင်း သိရသည်။ပင်လောင်းမြို့နယ်ရဲတပ်ဖွဲ့မှတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့သည် မတ် ၁၅ ရက် နံနက် ၈ နာရီ ၃၅ မိနစ်တွင် ပင်လောင်းမြို့နယ်၊ ပင်တီးကျေးရွာ၏မြောက်ဘက် ခြောက်ဖာလုံခန့်အကွာ၌ အမြင့် သုံးပေခန့်ရှိ ဘိန်းခင်း ၂၅ ဧကခန့်အား ဖျက်ဆီးခြင်းများ ဆောင်ရွက်ခဲ့ကြောင်း သိရှိရသည်။အလားတူ နံနက် ၇ နာရီ ၅၀ မိနစ်တွင် လွိုင်လင်မြို့နယ်ရဲတပ်ဖွဲ့မှ တပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့သည် လွိုင်လင်မြို့နယ်၊ ဟဲနန်းကျေးရွာ၏အရှေ့မြောက်ဘက် ခြောက်မိုင်ခွဲခန့်အကွာ၌ အမြင့် သုံးပေခန့်ရှိ ဘိန်းခင်း ခုနစ်ဧကခန့်၊ ဟဲနန်းကျေးရွာ၏အရှေ့ဘက် ခြောက်မိုင်ခွဲခန့်အကွာ၌ အမြင့် သုံးပေခန့်ရှိ ဘိန်းခင်း ခြောက်ဧကခန့်၊ စုစုပေါင်း ဘိန်းခင်း ၁၃ ဧကခန့်အား ဖျက်ဆီးခြင်းများ ဆောင်ရွက်ခဲ့ကြောင်း သတင်းရရှိသည်။Source: www.moha.gov.mm 
တောင်ကိုရီးယားတွင် ဆေးရုံ ၁၃ ရုံ၏ ကုသမှုပေးရန် ငြင်းဆိုခြင်းကြောင့် ကိုယ်ဝန်ဆောင်အမျိုးသမီးတစ်ဦး လူနာတင်ယာဉ်ပေါ်တွင် ကလေးမီးဖွားခဲ့ရ
တောင်ကိုရီးယားတွင် ဆေးရုံ ၁၃ ရုံ၏ ကုသမှုပေးရန် ငြင်းဆိုခြင်းကြောင့် ကိုယ်ဝန်ဆောင်အမျိုးသမီးတစ်ဦး လူနာတင်ယာဉ်ပေါ်တွင် ကလေးမီးဖွားခဲ့ရ
တောင်ကိုရီးယားနိုင်ငံတွင် ကိုယ်ဝန်ဆောင်အမျိုးသမီးတစ်ဦးသည် ဆေးရုံ ၁၃ ရုံ၏ ငြင်းဆိုမှုကြောင့်   လူနာတင်ယာဉ်တစ်စီးအတွင်း၌ ကလေးမီးဖွားခဲ့ရကြောင်း အင်ချုန်ကယ်ဆယ်ရေး အာဏာပိုင်အဖွဲ့က မတ်လ  ၁၇ ရက်တွင် ပြောသည်။အဆိုပါကိုယ်ဝန်ဆောင်အမျိုးသမီးမှာအသက် ၃၀ ကျော်အရွယ်ရှိ ဗီယက်နမ်နိုင်ငံသား တစ်ဦးဖြစ်ပြီး မတ်လ  ၁၆ ရက် သန်းခေါင်ယံကျော်တွင် အင်ချုန်အပြည်ပြည်ဆိုင်ရာ လေဆိပ်အတွင်း၌ မေ့လဲသွားခြင်းကြောင့် ကျန်းမာရေးအာဏာပိုင်အဖွဲ့သို့ အကြောင်းကြားခဲ့သည်။ယင်းနောက်  ကယ်ဆယ်ရေးအဖွဲ့များသည် ၎င်းအား အင်ဟာတက္ကသိုလ်ဆေးရုံသို့ ပို့ဆောင်ရန် ကြိုးပမ်းခဲ့သော်လည်း ဆေးရုံမှ ဝန်ထမ်းများက ၎င်းအမျိုးသမီးအား ကုသမှုပေးအပ်ရန် ငြင်းဆိုခဲ့ကြောင်းသိရသည်။ထို့ပြင်  အနီးအနားရှိ  ဆေးရုံများကလည်း ၎င်းအား ကုသပေးရန် ငြင်းဆိုခဲ့ရာမှ  ကယ်ဆယ်ရေးအဖွဲ့ဝင်များက ၎င်းအမျိုးသမီးအား လူနာတင်ယာဉ်တစ်စီးအတွင်းသို့ ပို့ဆောင်ပေးခဲ့ရခြင်းဖြစ်သည်။ ယင်းနောက် ၂ နာရီအကြာတွင် ၎င်းအမျိုးသမီးသည် ကျန်းမာသန်စွမ်းသည့် ကလေးငယ်တစ်ဦးကို အောင်မြင်စွာမွေးဖွားနိုင်ခဲ့ကြောင်းသိရသည်။ယင်းနောက် ဆေးရုံတစ်ရုံက ကလေးမွေးဖွားပြီးချိန်မှသာ ၎င်းအမျိုးသမီးအား ဆေးကုသမှုပေးရန် လက်ခံခဲ့ခြင်းဖြစ်ကြောင်းသိရသည်။Ref: KT,STSource: https://myawady.net.mm/ 
© Copyright 2024 SAC All Rights Reserved.