ဩစတြေးလျအရှေ့ပိုင်းတွင် အပူပိုင်းဆိုင်ကလုန်း အယ်လ်ဖရက်ကြောင့် မိုးသည်းထန်ပြီး ရေကြီးမှုများ ဖြစ်ပွားနေ

saceditor

News Image

  • ဩစတြေးလျအရှေ့ပိုင်းတွင် အပူပိုင်းဆိုင်ကလုန်း အယ်လ်ဖရက်ကြောင့် မိုးသည်းထန်ပြီး ရေကြီးမှုများ ဖြစ်ပွားနေ

ဩစတြေးလျအရှေ့ပိုင်း၌ အပူပိုင်းဆိုင်ကလုန်း အယ်လ်ဖရက်ကြောင့် အိမ်ရာတစ်သန်းကျော်၏ လေးပုံတစ်ပုံကျော် လျှပ်စစ်ဓာတ်အား ပြတ်တောက်သည်အထိ လေပြင်းတိုက်ခတ်ပြီး မိုးသည်းထန်စွာ ရွာသွန်းခြင်းတို့ ဖြစ်ပွားခဲ့ကြောင်း တာဝန်ရှိသူများက မတ်လ ၉ ရက်တွင် ပြောကြားခဲ့ပါသည်။

ရာသီဥတုကြောင့် လူတစ်ဦးသေဆုံးကာ လူဦးရေ တစ်ဒါဇင်ခန့် ဒဏ်ရာရရှိခဲ့သည်ဟု တာဝန်ရှိသူများက ပြောကြားသည်။ အပူပိုင်းဆိုင်ကလုန်း မုန်တိုင်း အယ်လ်ဖရက်သည် အမျိုးအစား ၂ အပူပိုင်း ဆိုင်ကလုန်း မုန်တိုင်းအဖြစ် ကမ်းလွန်ပင်လယ်ပြင်တွင် ရက်အတန်ကြာ ရွေ့လျားနေပြီး ကီလိုမီတာ ၄၀၀ ရှည်လျားသော ကမ်းရိုးတန်းကို ဝင်ရောက် တိုက်ခတ်ပြီးနောက် အားလျော့သွားကာ မတ်လ ၈ ရက် ညနေပိုင်း၊ ကုန်းတွင်းပိုင်းမဝင်ရောက်မီ အပူပိုင်းမုန်တိုင်းငယ်အဖြစ် ပြောင်းလဲသွားမည်ဟု သိရပါသည်။

သို့သော် ဆိုင်ကလုန်းမုန်တိုင်း အကြွင်းအကျန်အနေဖြင့် ကုန်းတွင်းပိုင်း ရွေ့လျားနေချိန် မိုးသည်းထန်စွာရွာသွန်းခဲ့ခြင်းကြောင့် မတ် ၉ ရက်တွင် ကွင်းစလန်း အရှေ့တောင်ပိုင်းနှင့် အရှေ့မြောက် နယူးဆောက်ဝေးလ်စ် ၏ဒေသအချို့ လမ်းများပေါ်တွင် ဒူးဆစ်ထိမြင့်သည့် ရေကြီး ရေလွှမ်းမိုး မှုများ ရှိလာသည်ဟု သိရပါသည်။

လျှပ်စစ်မီးလိုင်းပြတ်တောက်မှုများလည်းရှိခြင်းကြောင့် ရက်ရှည် မီးပြတ်တောက်ခြင်းအတွက် ပြင်ဆင်ထားရန် ကွင်းစလန်း Essential Energy က ထုတ်ပြန်ခဲ့ပါသည်။

ကိုးကား-NP News

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အမေရိကန် ကျန်းမာရေးဝန်ထမ်း ၈၀,၀၀၀ ကို လျော်ကြေးပေး၍ အလုပ်နုတ်ထွက်ရန် ကမ်းလှမ်းထားကြောင်း မီဒီယာများ ပြောကြား
အမေရိကန် ကျန်းမာရေးဝန်ထမ်း ၈၀,၀၀၀ ကို လျော်ကြေးပေး၍ အလုပ်နုတ်ထွက်ရန် ကမ်းလှမ်းထားကြောင်း မီဒီယာများ ပြောကြား
အမေရိကန်ပြည်ထောင်စု ကျန်းမာရေးနှင့် လူသားဝန်ဆောင်မှုဌာန (The US Department of Health and Human Service - HHS) သည် ဝန်ထမ်း ၈၀,၀၀၀ ဦးအား လျော်ကြေးငွေ ဒေါ်လာ ၂၅,၀၀၀ ပေးအပ်ပြီး အလုပ်မှ နုတ်ထွက်ရန် ကမ်းလှမ်းထားကြောင်း၊ ထိုလုပ်ဆောင်ချက်မှာ သမ္မတဒေါ်နယ်ထရမ့်၏ ဖက်ဒရယ် အစိုးရဝန်ထမ်းများ လျှော့ချရေး အစီအစဉ်၏ တစ်စိတ်တစ်ပိုင်းဖြစ်ကြောင်း သိရပါသည်။ ပြီးခဲ့သည့် သောကြာနေ့ည (မတ်လ ၇ ရက်နေ့) က ကျန်းမာရေးဌာနရှိ ဝန်ထမ်းများထံ အဆိုပါ ကမ်းလှမ်းချက်ကို အီးမေးလ်မှတစ်ဆင့် ပေးပို့လာခြင်းဖြစ်ပြီး ဝန်ထမ်းများအနေဖြင့် မတ်လ ၁၄ ရက်မတိုင်မီ လျှောက်ထားရမည်ဖြစ်ကာ ထွက်ခွင့်ကို ဘဏ္ဍာနှစ်မကုန်ဆုံးမီ ဆောင်ရွက်နိုင်ကြောင်း သတင်းများက ဖော်ပြထားပါသည်။HHS သည် အစားအသောက်နှင့်ဆေးဝါးကွပ်ကဲမှုအဖွဲ့ (FDA)၊ ရောဂါထိန်းချုပ်မှုနှင့် ကာကွယ်ရေးစင်တာ (CDC) စသည့် အရေးကြီးသော ကျန်းမာရေးအေဂျင်စီများကို ထိန်းချုပ်ကြီးကြပ်လျက်ရှိပါသည်။ ထိုသို့ ထွက်ပေါ်လာနေသည့် ကမ်းလှမ်းမှုသတင်းများအပေါ် အိမ်ဖြူတော်နှင့် HHS တို့က တရားဝင် ထုတ်ပြန်ပြောကြားထားခြင်း မရှိသေးကြောင်း သိရပါသည်။ကိုးကား- RT Internationalဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ဖိလစ်ပိုင်နိုင်ငံ၏ သမ္မတဟောင်း Rodrigo Duterte က (ICC) မှ ၎င်းအား ဖမ်းဝရမ်းထုတ်ပါက ဖမ်းဆီးခံရန် သဘောတူကြောင်းပြော
ဖိလစ်ပိုင်နိုင်ငံ၏ သမ္မတဟောင်း Rodrigo Duterte က (ICC) မှ ၎င်းအား ဖမ်းဝရမ်းထုတ်ပါက ဖမ်းဆီးခံရန် သဘောတူကြောင်းပြော
ဖိလစ်ပိုင်နိုင်ငံ၏ သမ္မတဟောင်း Rodrigo Duterte သည် အပြည်ပြည် ဆိုင်ရာရာဇဝတ်ခုံရုံး (ICC) မှ ၎င်းအား ဖမ်းဝရမ်းထုတ်ပါက ဖမ်းဆီးခံရန် သဘောတူကြောင်း ပြောကြားခဲ့သည်။ Duterte သည် ၎င်း၏ သမ္မတ သက်တမ်းအတွင်း မူးယစ်ဆေးဝါးတိုက်ဖျက်ရေး စစ်ဆင်ရေးများတွင် လူ့အသက်ပေါင်းများစွာဆုံးရှုံးမှုများနှင့်ပတ်သက်၍ စုံစမ်းစစ်ဆေးမှုများ ပြုလုပ်နေသည့် ICC ၏ စုံစမ်းစစ်ဆေးမှုကို ရင်ဆိုင်နေရသည်။Duterte က “ICC က ဖမ်းဝရမ်းထုတ်ပါက ဖမ်းခံမည်ဖြစ်ကြောင်း၊ ၎င်းအား ဖမ်းဆီးရန် ရဲတွေလာရင်း ၎င်း မတော်တဆ သေသွားမည်ဆိုလျှင်တောင်မှ ဖမ်းဆီးခံမည်ဖြစ်ကြောင်း” ပြောကြားခဲ့သည်။ ၎င်းက ဖိလစ်ပိုင်နိုင်ငံသည် ICC မှ နုတ်ထွက်ပြီးဖြစ်သောကြောင့် ICC ၏ စုံစမ်းစစ်ဆေးမှုအား အသိအမှတ်မပြုကြောင်း ထပ်လောင်း ပြောကြား ခဲ့သည်။Duterte ၏ အဆိုပါကြေညာချက်သည် ၎င်း၏သမ္မတသက်တမ်းအတွင်း မူးယစ်ဆေးဝါးတိုက်ဖျက်ရေး စစ်ဆင်ရေးများတွင် လူ့အသက်ပေါင်း များစွာ ဆုံးရှုံးမှုများနှင့် ပတ်သက်၍ နိုင်ငံတကာမှ ဝေဖန်မှုများနှင့် ရင်ဆိုင်နေရသည့် အချိန်တွင်ထွက်ပေါ်လာခြင်း ဖြစ်သည်။ ဖိလစ်ပိုင်၏ သမ္မတဟောင်း Rodrigo Duterte က လာမည့် ဖိလစ်ပိုင် ရွေးကောက်ပွဲတွင် ၎င်း၏ ဆီးနိတ်လွှတ်တော် ကိုယ်စားလှယ်လောင်းများအတွက် ထောက်ခံမှုများတိုးတက်စေရန် ဖိလစ်ပိုင် အလုပ်သမား ထောင်ပေါင်းများစွာ တက်ရောက်သည့် ရွေးကောက်ပွဲ မဲဆွယ်ကာလတွင်မိန့်ခွန်းပြောကြားရန် ဟောင်ကောင်သို့ရောက်ရှိစဉ် နှစ်ပေါင်းများစွာ ဆင်နွှဲခဲ့သည့် မူးယစ်ဆေးဝါးတိုက်ဖျက်ရေးစစ်ဆင်ရေးကြောင့် လူပေါင်း ထောင်ချီသေဆုံးခဲ့ရပြီး ICC မှ ဖမ်းဝရမ်းထုတ်နိုင်သည့် အခြေအနေတွင် ဖမ်းဆီးခံရန်အသင့်ရှိကြောင်း ပြောကြားခဲ့ခြင်းဖြစ်သည်။မူးယစ်ဆေးဝါးတိုက်ဖျက်ရေးစစ်ဆင်မှုသည် Duterte အား ၂၀၁၆ ခုနှစ် တွင် သမ္မတအဖြစ် အာဏာရရှိစေခဲ့သည့် ၎င်း၏ထင်ရှားသော မူဝါဒ ဖြစ်ပြီး မူးယစ်ဆေးဝါးရောင်းဝယ်သူများအား ပြင်းထန်စွာနှိမ်နင်းရန် ကတိပေးခဲ့သည့် စည်းရုံးမှုများဖြင့် သမ္မတအဖြစ် ရွေးကောက်ခံခဲ့ရသူ ဖြစ်သည်။ဖိလစ်ပိုင်၏ လက်ရှိသမ္မတ Ferdinand Marcos Jr ၏ ရုံးသည် မတ်လ ၁၀ ရက်(တနင်္လာ)နေ့တွင် Interpol ထံမှ တရားဝင် အကြောင်းကြားချက် မရရှိသေးကြောင်း ပြောကြားခဲ့သော်လည်း Duterte အား လွှဲအပ်နိုင်သည့် အလားအလာကို ညွှန်ပြခဲ့သည်။ကိုးကား-CNAဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
ဩစတြေးလျအရှေ့ပိုင်းတွင် အပူပိုင်းဆိုင်ကလုန်း အယ်လ်ဖရက်ကြောင့် မိုးသည်းထန်ပြီး ရေကြီးမှုများ ဖြစ်ပွားနေ
ဩစတြေးလျအရှေ့ပိုင်းတွင် အပူပိုင်းဆိုင်ကလုန်း အယ်လ်ဖရက်ကြောင့် မိုးသည်းထန်ပြီး ရေကြီးမှုများ ဖြစ်ပွားနေ
ဩစတြေးလျအရှေ့ပိုင်း၌ အပူပိုင်းဆိုင်ကလုန်း အယ်လ်ဖရက်ကြောင့် အိမ်ရာတစ်သန်းကျော်၏ လေးပုံတစ်ပုံကျော် လျှပ်စစ်ဓာတ်အား ပြတ်တောက်သည်အထိ လေပြင်းတိုက်ခတ်ပြီး မိုးသည်းထန်စွာ ရွာသွန်းခြင်းတို့ ဖြစ်ပွားခဲ့ကြောင်း တာဝန်ရှိသူများက မတ်လ ၉ ရက်တွင် ပြောကြားခဲ့ပါသည်။ရာသီဥတုကြောင့် လူတစ်ဦးသေဆုံးကာ လူဦးရေ တစ်ဒါဇင်ခန့် ဒဏ်ရာရရှိခဲ့သည်ဟု တာဝန်ရှိသူများက ပြောကြားသည်။ အပူပိုင်းဆိုင်ကလုန်း မုန်တိုင်း အယ်လ်ဖရက်သည် အမျိုးအစား ၂ အပူပိုင်း ဆိုင်ကလုန်း မုန်တိုင်းအဖြစ် ကမ်းလွန်ပင်လယ်ပြင်တွင် ရက်အတန်ကြာ ရွေ့လျားနေပြီး ကီလိုမီတာ ၄၀၀ ရှည်လျားသော ကမ်းရိုးတန်းကို ဝင်ရောက် တိုက်ခတ်ပြီးနောက် အားလျော့သွားကာ မတ်လ ၈ ရက် ညနေပိုင်း၊ ကုန်းတွင်းပိုင်းမဝင်ရောက်မီ အပူပိုင်းမုန်တိုင်းငယ်အဖြစ် ပြောင်းလဲသွားမည်ဟု သိရပါသည်။သို့သော် ဆိုင်ကလုန်းမုန်တိုင်း အကြွင်းအကျန်အနေဖြင့် ကုန်းတွင်းပိုင်း ရွေ့လျားနေချိန် မိုးသည်းထန်စွာရွာသွန်းခဲ့ခြင်းကြောင့် မတ် ၉ ရက်တွင် ကွင်းစလန်း အရှေ့တောင်ပိုင်းနှင့် အရှေ့မြောက် နယူးဆောက်ဝေးလ်စ် ၏ဒေသအချို့ လမ်းများပေါ်တွင် ဒူးဆစ်ထိမြင့်သည့် ရေကြီး ရေလွှမ်းမိုး မှုများ ရှိလာသည်ဟု သိရပါသည်။လျှပ်စစ်မီးလိုင်းပြတ်တောက်မှုများလည်းရှိခြင်းကြောင့် ရက်ရှည် မီးပြတ်တောက်ခြင်းအတွက် ပြင်ဆင်ထားရန် ကွင်းစလန်း Essential Energy က ထုတ်ပြန်ခဲ့ပါသည်။ကိုးကား-NP News
အင်္ဂလန်နိုင်ငံတွင် မိုးရွာသွန်းမှုမြင့်တက်ပြီး ဆိုးရွားသောရေဘေးဖြင့် ရင်ဆိုင်ရဖွယ်ရှိနေ
အင်္ဂလန်နိုင်ငံတွင် မိုးရွာသွန်းမှုမြင့်တက်ပြီး ဆိုးရွားသောရေဘေးဖြင့် ရင်ဆိုင်ရဖွယ်ရှိနေ
လန်ဒန်   မတ် ၁၀အင်္ဂလန်နိုင်ငံတွင် ရာသီဥတုဖောက်ပြန်မှုများကြောင့် မိုးရွာသွန်းမှုနှုန်း မြင့်တက်လျက်ရှိပြီး အနာဂတ်တွင်လည်း ဆိုးရွားသော ရေဘေးအန္တရာယ်ဖြင့် ရင်ဆိုင်ရဖွယ်ရှိနေကြောင်း အင်္ဂလန်သဘာဝပတ်ဝန်းကျင် အေဂျင်စီ (EA) ကသုတေသနရလဒ်များနှင့်တကွ ထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။လက်ရှိတွင် အင်္ဂလန်နိုင်ငံအတွင်း အခြေခံအဆောက်အအုံထက်ဝက်ခန့်မှာ ရေဘေးအန္တရာယ်ဖြင့် ရင်ဆိုင်ရမည့်အခြေအနေဖြစ်ပြီး ၂၀၅၀ ပြည့်နှစ်အရောက်တွင် အခြေခံ အဆောက်အအုံရှစ်သန့်ခန့်ထိ ရေနစ်မြုပ်သွားဖွယ်ရှိနေကြောင်း၊ ရေလွှမ်းမိုးမှုဖြင့် အဓိက ရင်ဆိုင်ရဖွယ်ရှိနေသည့် ဧရိယာများမှာ စိုက်ပျိုးမြေများဖြစ်ပြီး လက်ရှိ စိုက်ပျိုးရေးလုပ်ငန်းများ ဆောင်ရွက်နေသည့် စိုက်ပျိုးမြေအများစုမှာ ၂၀၅၀ ပြုည့်နှစ်အရောက်တွင် ရေအောက် ရောက်သွားကာ စိုက်ပျိုးမှုများ ပြုလုပ်နိုင်ဖွယ်မရှိတော့ကြောင်း၊ ၂၀၅၀ ပြည့်နှစ် အရောက်တွင် ရေအောက်ရောက်ဖွယ်ရှိနေသည့် စိုက်ပျိုးမြေပမာဏမှာ ဧက ၂ ဒသမ ၈ သန်းခန့်ရှိပြီး ၎င်းပမာဏသည် အင်္ဂလန်နိုင်ငံ တစ်နိုင်ငံလုံးရှိ စိုက်ပျိုးမြေပမာဏ၏ ၁၃ ရာခိုင်နှုန်းထိရှိနေကြောင်း EA က သုံးသပ်ထုတ်ပြန်ခဲ့သည်။ရေအောက်ရောက်ဖွယ်ရှိနေသည့် အခြေခံအဆောက်အအုံပမာဏ၏ ၃၈ ရာခိုင်နှုန်းမှာ ဆက်သွယ်သွားလာရေးလမ်းများဖြစ်ပြီး မော်တော်ကားလမ်းများနှင့် မီးရထားလမ်းများဖြစ်ကြောင်း EA ကထုတ်ပြန်ခဲ့သည်။ Source: ရတနာပုံသတင်းစာ
၂၀၂၅ ခုနှစ် တက္ကသိုလ်စာမေးပွဲကျင်းပနေစဉ်ကာလအတွင်း YBS ယာဉ်အစီးရေများ တိုးမြင့်ပြေးဆွဲပေးသွားမည်
၂၀၂၅ ခုနှစ် တက္ကသိုလ်စာမေးပွဲကျင်းပနေစဉ်ကာလအတွင်း YBS ယာဉ်အစီးရေများ တိုးမြင့်ပြေးဆွဲပေးသွားမည်
တာမွေ   မတ် ၁၀ရန်ကုန်တိုင်းဒေသကြီးအတွင်း ပြေးဆွဲနေသော YBS ခရီးသည်တင် ယာဉ်လိုင်းများမှ ယာဉ်များအား ၂၀၂၅ ခုနှစ် တက္ကသိုလ်ဝင်‌ စာမေးပွဲ ကျင်းပနေစဉ်ကာလအတွင်း ယာဉ်အစီးရေများ တိုးမြှင့် ပြေးဆွဲပေးသွားမည်ဖြစ်ကြောင်း ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC) မှ သိရသည်။“၂၀၂၅ ခုနှစ် တက္ကသိုလ်ဝင်စာမေးပွဲကို ၂၀၂၅ ခုနှစ် မတ်လ ၁၇ ရက်ကနေ ၂၂ ရက်အထိ နေ့စဉ် နံနက် ၉ နာရီမှ ၁၂ နာရီအထိ ကျင်းပမယ့် စာမေးပွဲဖြေဆိုမယ့် အချိန်မတိုင်ခင်မှာ YBS ယာဉ်များကို အစီးရေများများနဲ့ ခပ်စိပ်စိပ်ပြေးဆွဲပေးဖို့ ဆောင်ရွက်သွားမှာဖြစ်ပါတယ်။ CNG ကိုလည်း တန်းစီတဲ့အချိန် မကြာအောင် မြန်မာ့ရေနံနှင့် သဘာဝဓာတ်ငွေ့လုပ်ငန်းနဲ့ ညှိနှိုင်းထားတာရှိပါတယ်” ဟု ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC) မှ တွဲဖက်အတွင်း‌ရေးမှူး ဦးလျန်ကျင့်မန်က ပြေသည်။၂၀၂၅ ခုနှစ် တက္ကသိုလ်ဝင်စာမေးပွဲ ကျင်းပနေစဉ်ကာလအတွင်း ကျောင်းသား ကျောင်းသူများ သွားလာမှုအဆင်ပြေစေရေးအတွက် YBS ခရီးသည်တင်ယာဉ်လိုင်းများ စနစ်တကျပြေးဆွဲစေရေး၊ ယာဉ်ကြောပိတ်ဆို့ကျပ်တည်းမှု မရှိစေရေးအတွက် YRTC စည်းကမ်းထိန်းသိမ်းရေးနှင့် စစ်ဆေးရေးဌာနမှ စစ်ဆေးရေးအဖွဲ့ ၁၀ ဖွဲ့နှင့် မှတ်တိုင် ၁၀ ခုတို့တွင် စစ်ဆေးဆောင်ရွက်သွားမည်ဖြစ်သည့်အပြင် စစ်ဆေးရေးဝန်ထမ်းနှစ်ဦးစီ ပါဝင်သည့် ခရိုင်သုံးခရိုင် ပူးပေါင်းစစ်ဆေးရေးအဖွဲ့ဖြင့် စည်းကမ်းထိန်းသိမ်းရေးနှင့် စစ်ဆေးရေးလုပ်ငန်းများကို ကြပ်မတ်ဆောင်ရွက်သွားမည်ဖြစ်ကြောင်းနှင့် စာမေးပွဲမတိုင်မီကာလနှင့် စာမေးပွဲဖြေဆိုသည့်ကာလအတွင်း ကျောင်းသား ကျောင်းသူများအနေဖြင့် သက်ဆိုင်ရာ စာစစ်ဌာနကျောင်းများသို့ သွားလာမှုအဆင်ပြေစေရေးအတွက် YBS ယာဉ်လိုင်းများမှ နေ့စဉ်ထွက်ရှိသော ယာဉ်အစီးရေများ တိုးမြှင့်ပြေးဆွဲပေးသွားမည်ဖြစ်ကြောင်း သိရသည်။Source: မြန်မာ့အလင်းသတင်းစာ
COVID 19 ဆက်စပ်ပြဿနာအတွက် ဒေါ်လာ ၂၄ ဘီလီယံကို တရုတ်က ပေးဆောင်ရန် အမေရိကန်တရားသူကြီးက အမိန့်ချမှတ်
COVID 19 ဆက်စပ်ပြဿနာအတွက် ဒေါ်လာ ၂၄ ဘီလီယံကို တရုတ်က ပေးဆောင်ရန် အမေရိကန်တရားသူကြီးက အမိန့်ချမှတ်
ကိုဗစ်ကပ်ရောဂါဖြစ်ပွားမှုအစပိုင်းကာလက မှန်ကန်မှုမရှိသည့် သတင်းအတုအယောင်များ ဖြန့်ချိခြင်းနှင့် ကာကွယ်ရေးပစ္စည်းများ သိမ်းဆည်းထားခြင်းတို့ကြောင့် တရုတ်အစိုးရကို ဒေါ်လာ ၂၄ ဘီလီယံ ပေးဆောင်ရန် အမေရိကန်ဖက်ဒရယ်တရားသူကြီးက မတ်လ ၇ ရက် တွင် အမိန့်ချမှတ်လိုက်ကြောင်း သိရပါသည်။အဆိုပါကိစ္စနှင့်ပတ်သက်၍  ၂၀၂၀ ပြည့်နှစ်၊ ဧပြီလတွင်  Missouri ပြည်နယ် ဥပဒေချုပ်က တရုတ်နိုင်ငံသည်  ကိုဗစ်ကပ်ရောဂါ စတင်ကူးစက်ချိန်ကာလ၌ ရောဂါပြန့်ပွားမှုနှင့် အသိပေး အကြောင်းကြားမှုများကို လိမ်လည်ခဲ့ကြောင်း၊ ရောဂါကာကွယ်ရေးပစ္စည်း (PPE) တို့ကို သိမ်းဆည်းထားပြီး အခြားနိုင်ငံများသို့ ထောက်ပံ့မှု လျှော့ချဆောင်ရွက်ခဲ့ကြောင်း စွဲချက်တင်ခဲ့ပါသည်။ ထိုသို့လုပ်ဆောင်ခဲ့သဖြင့် ကာကွယ်ရေးပစ္စည်းများမှာ ဈေးနှုန်းမြင့်တက်ခဲ့ပြီး အခြားလိုအပ်သော နိုင်ငံများအတွက် အခက်အခဲများ ဖြစ်ပေါ်ခဲ့ကြောင်း စွဲချက်တွင် ဖော်ပြထားပါသည်။Missouri ပြည်နယ်သည် ကိုဗစ်ကပ်ရောဂါကာလ ၂၀၂၀-၂၀၂၁ ခုနှစ်များတွင် သေဆုံးမှုအများဆုံး တတိယနေရာတွင် ရှိခဲ့သည်ဟု ထုတ်ဖော်ပြောကြားထားပါသည်။ကိုးကား-RTဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
© Copyright 2024 SAC All Rights Reserved.