ကမ္ဘာ့ပျမ်းမျှအပူချိန်မြင့်တက်လာမှုကြောင့် အမျိုးသမီးများကြား ကင်ဆာဖြစ်ပွားမှု မြင့်တက်လာနိုင်

News Image

ကိုင်ရို ဇွန် ၁

ရာသီဥတုပြောင်းလဲမှုပြဿနာနှင့်အတ ကမ္ဘာ့အပူချိန်မြင့်တက်လာမှုကြောင့် အမျိုးသမီးများ၌ ကင်ဆာရောဂါများဖြစ်နိုင်ခြေ မြင့်တက်လာနိုင်ကြောင်း သုတေသနပညာရှင်များက မေ ၃၁ ရက်တွင် ပြောကြားသည်။

အရှေ့အလယ်ပိုင်းဒေသနှင့် မြောက်အာဖရိကဒေသတို့၌ အပူချိန်မြင့်တက်လာမှုကြောင့် အမျိုးသမီးများ၌ ရင်သားကင်ဆာ၊ သားအိမ်ကင်ဆာများအဖြစ်များလာနိုင်ကြောင်း အီဂျစ်နိုင်ငံ အမေရိကန်တက္ကသိုလ်မှ သုတေသနပညာရှင်များက ပြောကြားသည်။

အီဂျစ် သုတေသနပညာရှင်များ၏ လေ့လာတွေ့ရှိချက်အရ အပူချိန် တစ်ဒီဂရီဆဲလ်စီးယပ်စ် တိုးလာတိုင်း အမျိုးသမီးများကြား ကင်ဆာရောဂါဖြစ်ပွားမှုနှုန်းနှင့် သေဆုံးမှုနှုန်းလည်း တိုးလာကြောင်း သိရသည်။

အပူချိန်မြင့်တက်လာသည်နှင့်အမျှ ကင်ဆာလူနာအမျိုးသမီးများကြား အထူးသဖြင့် မျိုးဥအိမ်ကင်ဆာရောဂါနှင့် ရင်သားကင်ဆာလူနာများ သေဆုံးမှုနှုန်းလည်း တိုးလာသည်ကို တွေ့ရကြောင်း သုတေသနပညာရှင်များက ပြောကြားသည်။

သုတေသနပညာရှင်များ၏ လေ့လာတွေ့ရှိချက်အရ အရှေ့အလယ်ပိုင်းနှင့် မြောက်အာဖရိက၌ အပူချိန် တစ်ဒီဂရီဆဲလ်စီးယပ်စ် တိုးလာတိုင်း အမျိုးသမီးများကြား ကင်ဆာ ဖြစ်ပွားနှုန်းမှာလည်း ၁၇၃ မှုထပ်တိုးလာပြီး လူ ၁၀၀၀၀၀ လျှင် ကင်ဆာဖြစ်ပွားမှု ၂၈၀ ထိ မြင့်တက်လာကြောင်း သိရသည်။

Source: ရတနာပုံသတင်းစာ

MM-News-Category

လူမှုရေးကဏ္ဍသတင်း

လူမှုရေး-ကျန်းမာရေး

မန်ယူအသင်းကို အနိုင်ဂိုးသွင်းယူခဲ့သည့် မောင်မောင်လွင်အား ဂုဏ်ပြုဆုငွေကျပ်သိန်း(၁,၀၀၀)ချီးမြှင့်

မန်ယူအသင်းနှင့်ယှဥ်ပြိုင်ကစားခဲ့သော ASEAN ALL STAR အသင်းတွင်ပါဝင်ခဲ့ပြီး အနိုင်ဂိုးသွင်းယူခဲ့သည့် မြန်မာ့လက်ရွေးစင်အသင်းကစားသမား မောင်မောင်လွင်အား MFF အလုပ်အမှုဆောင်အဖွဲ့မှ ဂုဏ်ပြုဆုငွေကျပ်သိန်း(၁,၀၀၀)နှင့်အမှတ်တရဆုချီးမြှင့်ခဲ့သည်။မြန်မာ့လက်ရွေးစင်ကစားသမား မောင်မောင်လွင်အား မြန်မာနိုင်ငံဘောလုံးအဖွဲ့ချုပ်အလုပ်အမှုဆောင်အစည်းအဝေး(၂/၂၀၂၅)ကျင်းပရာ၌ ချီးမြှင့်ပေးအပ်ခဲ့ခြင်းဖြစ်သည်။ထို့ပြင် အစည်းအဝေး၌ (၃၃)ကြိမ်မြောက် အရှေ့တောင်အာရှအားကစားပွဲတော်(ဆီးဂိမ်းစ်)ပြိုင်ပွဲဝင် မြန်မာယူ-၂၂ အသင်း၊ အမျိုးသမီးလက်ရွေးစင်အသင်း၊ အမျိုးသားနှင့် အမျိုးသမီး ဖူဆယ်လက်ရွေးစင်အသင်းများ အောင်မြင်ရေးကြိုတင်ပြင်ဆင်မှုများ၊ မြန်မာ့လက်ရွေးစင်အမျိုးသား၊ အမျိုးသမီး၊ လူငယ်သက်တမ်းအလိုက်အသင်းများနှင့် ဖူဆယ်အသင်းများအားလုံး အာရှ၊ အာဆီယံ ပြိုင်ပွဲများအတွက် ရည်မှန်းချက်များနှင့် ပြင်ဆင်မှုများကို သုံးသပ်ဆွေးနွေးခဲ့ကြသည်။ထို့အတူ ငလျင်ဒဏ်ကြောင့်ပျက်စီးခဲ့သည့် မြန်မာဘောလုံးအကယ်ဒမီ(မန္တလေး)ရှင်းလင်းခြင်း၊ တည်ဆောက်ခြင်းနှင့် ၂၀၂၅ ပညာသစ်နှစ် ယာယီအဆောက်အဦးဖြင့်စီစဉ်နေမှု၊ ကစားကွင်းသစ်များနှင့် လေ့ကျင့်ရေးစင်တာများ အတူတကွဖော်ထုတ်ခြင်း၊ FIFA Football For Schools အစီအစဉ် အကောင်အထည်ဖော်ခြင်း၊ ဆီးဂိမ်းအပါအဝင် နိုင်ငံတကာပွဲများအား ရုပ်သံထုတ်လွှင့်ခြင်း၊ နိုင်ငံဒေသနေရာများအလိုက် ဘောလုံးလေ့ကျင့်ရေးစင်တာများဖွင့်လှစ်ရေး၊ ယူ-၁၅ လိဂ်နှင့် လူငယ်ပြိုင်ပွဲများပိုမိုအဆင့်မြှင့်တင်ရေးတို့ကိုလည်း ဆွေးနွေးခဲ့ကြသည်။ကိုးကား : Popular Myanmar

Wed, 4-Jun-2025

အင်ဒိုနီးရှားက ကိုဗစ်-၁၉ ရောဂါအတွက် သတိပေးချက်ထုတ်ပြန်

အာရှဒေသ၌ ကိုဗစ်-၁၉ ရောဂါဖြစ်ပွား မှုပြန်လည်မြင့်တက်လာနေစဉ် အင်ဒိုနီး ရှားအစိုးရက အဆိုပါရောဂါအတွက်သတိပေးချက်ထုတ်ပြန်လိုက်သည်။ထိုင်း၊ မလေးရှား၊ စင်ကာပူနှင့် ဟောင်ကောင်တို့အပါအဝင် ဒေသတွင်း၌ ကိုဗစ် ၁၉ ရောဂါဖြစ်ပွားမှုများ ပြန်လည် မြင့်တက်လာကြောင်း၊ ထိုင်းနိုင်ငံတွင် XEC နှင့် JN1 မျိုးကွဲ၊ စင်ကာပူတွင် LF.7 နှင့် NB.1.8 မျိုးကွဲ၊ ဟောင်ကောင်တွင် JN.J မျိုးကွဲနှင့် မလေးရှားတွင် XEC မျိုးကွဲတို့ ကူးစက်ပျံ့နှံ့နေခြင်းဖြစ်ကြောင်း အင်ဒိုနီးရှားကျန်းမာရေးဝန်ကြီးဌာန၏ထုတ် ပြန်ချက်တွင်ဖော်ပြထားသည်။ရောဂါပိုးကူးစက်ပျံ့နှံ့မှုများမြကူးစက်င့်တက် လာနေသော်လည်း သေဆုံးနှုန်းမှာအလွန် နည်းပါးကြောင်း၊ သို့သော် ကျန်းမာရေး ဌာနများသည် ကိုဗစ်-၁၉ ရောဂါ ပျံ့နှံ့မှုများကို ကောင်းစွာထိန်းချုပ်နိုင်ရန် လုပ်ငန်းများကို အချိန်နှင့်တစ်ပြေးညီ ဆောင်ရွက်ရမည်ဖြစ်ကြောင်းနှင့် ပြည်သူ များအနေဖြင့် လူထူထပ်သောနေရာများ တွင်နှာခေါင်းစည်းတပ်ရမည်ဖြစ်ကြောင်း ထုတ်ပြန်ထားသည်။ Ref: SCMPMWD NewspaperPhoto -WHO

Tue, 3-Jun-2025

ကိုယ်ဝန်ဆောင်စဉ် မျက်နှာအသွင်ပြောင်းလဲသွားပြီး မှတ်မိရန်ပင် ခက်ခဲသည်အထိ ဖြစ်သွားကြောင်း Li Wei ၏ မျှဝေမှုက လူများစွာကို အံ့အားသင့်စေခဲ့

ယူနန်ပြည်နယ်၊ ကူမင်းမြို့မှ တရုတ်အမျိုးသမီး Li Wei သည် ကိုယ်ဝန်ဆောင် ပထမလများအတွင်း ခန္ဓာကိုယ်တွင် စွမ်းအင်ပြည့်ဝနေပြီး အသားအရေ လည်း ပိုမိုချောမွေ့လာသည်ဟု ဆိုသည်။ ဆရာဝန်များက အဆိုပါ ဖြစ်စဉ်ကို အီစထရိုဂျင်နှင့် ပရိုဂျက်စထရုန်း ဟော်မုန်းများ တိုးလာခြင်း ကြောင့် “ကိုယ်ဝန်ဆောင်ချိန်တွင် နုပျိုချောမောမှု” (Pregnancy Glow) အဖြစ် ရှင်းပြခဲ့သည်။သို့သော် ကိုယ်ဝန် ပဉ္စမလ အရောက်တွင် Li ၏မျက်နှာသည် တဖြည်းဖြည်း ထူးဆန်းစွာ ပြောင်းလဲလာခဲ့သည်။ သူမ၏နှာခေါင်းသည် ပိုကြီးလာပြီး အရေးအကြောင်းများလည်း ပိုမိုထင်ရှားလာကာ တစ်ခါတစ်ရံ မှန်ထဲတွင် မိမိကိုယ်ကိုပင် မှတ်မိရန် ခက်ခဲသည်အထိ ဖြစ်လာခဲ့သည်။ကိုယ်ဝန်၏ အလယ်နှင့် နောက်ဆုံးကာလများတွင် Li ၏ ခန္ဓာကိုယ်သည် ဆက်လက်ပြောင်းလဲမှုများ ကြုံတွေ့ခဲ့သည်။ သူမ၏ ပါးပြင်များတွင် အမည်းစက်များ ပေါ်လာပြီး လက်နှင့်ခြေထောက်များ ဖောရောင်လာခဲ့သည်။ ဆရာဝန်က ထိုအရာများသည် သဘာဝပြောင်းလဲမှုများသာဖြစ်ကြောင်း အာမခံပြောဆိုသော်လည်း Li သည် သူမ၏ အစားအသောက်ကို ချိန်ညှိလိုက်ပြီး သကြားနှင့် အဆီများကို လျှော့စားကာ လေ့ကျင့်ခန်း ပုံမှန်လုပ်ခဲ့သည်။ကလေးမွေးပြီးနောက် Li သည် ဆံပင်ကျွတ်ခြင်းကို ကြုံတွေ့ခဲ့ပြီး အသားအရေသည် အဆီပြန်သည့်အသားအရေမှ ခြောက်သွေ့ လာခဲ့သည်။ သူမ၏ မိတ်ဆွေများနှင့် မိသားစုက ယင်းပြောင်းလဲမှုများကို ပုံမှန် ဖြစ်သည်ဟု ထင်မြင်ခဲ့ကြသည်။ ထို့နောက် သူမသည် အာဟာရညီမျှသော အစားအစာများ စားသုံးခြင်းနှင့် ပုံမှန်လေ့ကျင့်ခန်းလုပ်ခြင်းကို စတင် အာရုံစိုက်ခဲ့သည်။ လအနည်းငယ်အကြာတွင် သူမ၏ အပြင်အဆင်သည် တဖြည်းဖြည်း ပုံမှန်အတိုင်း ပြန်ဖြစ်လာခဲ့သည်။“ကိုယ်ဝန်ဆောင်ရတာ ခက်ခဲပေမယ့် သားသားမီးမီးလေးတွေ ကြီးပြင်းလာတာကိုကြည့်ရတာနဲ့ပဲ အားလုံးတန်ပါတယ်” ဟု Li က Weibo တွင် သူမ၏အသွင်ပြောင်းလဲမှုများကို မှတ်တမ်းတင်ထားသည့် ဓာတ်ပုံများနှင့်အတူရေးသားခဲ့သည်။ သူမ၏ပို့စ်သည် လျှင်မြန်စွာ ပျံ့နှံ့သွားပြီး လူများစွာ ၏ အာရုံစိုက်မှုကို ဆွဲဆောင်နိုင်ခဲ့သည်။ သူမ၏ကလေးနှင့်အတူ ရိုက်ကူး ထားသည့် ဓာတ်ပုံများတွင် မျက်နှာပေါ်က အပြောင်းအလဲများမှာ လုံးဝ နီးပါး ပျောက်ကွယ်သွားခဲ့သည်။မီးယပ်အထူးကုဆရာဝန်များက ကိုယ်ဝန်ဆောင်အမျိုးသမီးများအား ထိုကဲ့သို့ ရုပ်ပိုင်းဆိုင်ရာ အပြောင်းအလဲများကြုံတွေ့ရပါက စိုးရိမ်ပူပန်မှုမရှိဘဲ အကောင်းမြင်စိတ်ထားရှိကာ ကျန်းမာရေးနှင့်ညီညွတ်သော နေထိုင်မှုပုံစံကို ထိန်းသိမ်းရန် အကြံပြုထားသည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

Tue, 3-Jun-2025

ကိုဗစ်-၁၉ ရောဂါ ဓာတ်ခွဲအတည်ပြုလူနာသစ် ၁၇ ဦးတွေ့ရှိ

နေပြည်တော် ဇွန် ၂ကျန်းမာရေးဝန်ကြီးဌာနသည် ကိုဗစ်-၁၉ ရောဂါ စောင့်ကြပ်ကြည့်ရှုခြင်းလုပ်ငန်းများကို စဉ်ဆက်မပြတ်ဆောင်ရွက်လျက်ရှိရာ ၂၅-၅-၂ဝ၂၅ရက် ည ၈ နာရီမှ ၁-၆-၂ဝ၂၅ ရက် ည ၈ နာရီအထိရက်သတ္တပတ်အတွင်း ဓာတ်ခွဲနမူနာစုစုပေါင်း ၁၇၇၈ ခုအား စစ်ဆေးပြီးစီးခဲ့ရာ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ် ၁၇ ဦးတွေ့ရှိရသည်။ ထို့ကြောင့် ရောဂါပိုးတွေ့ရှိမှု ရာခိုင်နှုန်းမှာ သုည ဒသမ ၉၆ ရာခိုင်နှုန်းဖြစ်သည်။ အစီရင်ခံကာလအတွင်း ပြင်းထန်လူနာ၊ အထူးကြပ်မတ်ကုသမှုပေးရသောလူနာနှင့် ကိုဗစ်-၁၉ ရောဂါဖြင့် သေဆုံးလူနာမရှိပါ။ကိုဗစ်-၁၉ ရောဂါဆိုင်ရာ အသေးစိတ် သတင်းအချက်အလက်များကို ကျန်းမာရေးဝန်ကြီးဌာန၏ အင်တာနက်စာမျက်နှာ moh.gov.mm တွင် ဝင်ရောက်ကြည့်ရှုနိုင်သည်။မြန်မာနိုင်ငံရောဂါကာကွယ်ထိန်းချုပ်ရေးဗဟိုဌာန(Myanmar CDC) ပြည်သူ့ကျန်းမာရေးဦးစီးဌာန၊ကျန်းမာရေးဝန်ကြီးဌာန

Tue, 3-Jun-2025

ရွှေတံဆိပ်ဆုဆွတ်ခူးခဲ့သည့် မြန်မာ့လက်ရွေးစင်ပိုက်ကျော်ခြင်းအသင်း

တရုတ်နိုင်ငံမှ အိမ်ရှင်အဖြစ်လက်ခံကျင်းပလျက်ရှိသော တရုတ်-အာဆီယံ ပိုက်ကျော်ခြင်းပြိုင်ပွဲ၌ မြန်မာ့လက်ရွေးစင်ပိုက်ကျော်ခြင်းအသင်းသည် ရွှေတံဆိပ်တစ်ခုဆွတ်ခူးထားကြောင်း သိရသည်။မြန်မာ့လက်ရွေးစင်အမျိုးသားပိုက်ကျော်ခြင်းအသင်းသည် (၃)ယောက်တွဲ Men Regu event ၏ ဗိုလ်လုပွဲ၌ မလေးရှားအသင်းကို ထိုက်တန်စွာအနိုင်ယူပြီးနောက် ရွှေတံဆိပ်ဆုဆွတ်ခူးခဲ့ခြင်းဖြစ်ကြောင်း သိရသည်။အဆိုပါ (၃)ယောက်တွဲပြိုင်ပွဲ၌ မြန်မာ့လက်ရွေးစင်ပိုက်ကျော်ခြင်းအသင်းသည် အုပ်စုတွင်းပွဲစဥ်များတွင် အိမ်ရှင်တရုတ်နိုင်ငံအသင်း၊ မလေးရှားနိုင်ငံအသင်းတို့ကိုအနိုင်ရခဲ့ပြီး ဆီမီးဖိုင်နယ်ပွဲစဉ်တွင်လည်း လာအိုနိုင်ငံအသင်းကိုအနိုင်ယူခဲ့ပြီးနောက် ဗိုလ်လုပွဲစဥ်တွင် မလေးရှားနိုင်ငံအသင်းကို ထပ်မံအနိုင်ရရှိခဲ့ခြင်းဖြစ်ကြောင်း သိရသည်။Source: Popular Myanmar

Tue, 3-Jun-2025

ဆေးခြောက် ရှူ/ စားသုံးခြင်းသည် နှလုံးကိုထိခိုက်နိုင်

ဆေးခြောက်ကို ကာလရှည်ရှူခြင်းနှင့် စားသုံးခြင်းတို့သည် သွေးကြောများ၏ လုပ်ဆောင်ချက်များကို သိသိသာသာ ထိခိုက်စေနိုင်ကြောင်း၊ ဆေးပြင်းလိပ်သောက်သူများတွင် တွေ့ရလေ့ရှိသည့်အတိုင်းဖြစ်ကြောင်း သိပ္ပံပညာရှင်များက သတိပေးလိုက်သည်။ကယ်လီဖိုးနီးယားတက္ကသိုလ် ဆန်ဖရန်စစ္စကိုမှ ဆေးသိပ္ပံသုတေသီများက သူတို့၏ နောက်ဆုံးတွေ့ရှိမှုကို မေလ ၂၈ ရက်နေ့ထုတ် ဂျေအေအမ်အေ ကာဒီယိုလိုဂျီဂျာနယ်တွင် ထည့်သွင်းဖော်ပြခဲ့ခြင်း ဖြစ်သည်။ ဆေးခြောက်သောက်သုံး၊ စားသုံးသူများသည် မသုံးသူများ နှင့်ယှဉ်လျှင် နှလုံးကို ၅၀ ရာခိုင်နှုန်း ပိုမိုထိခိုက်စေသည်ဟု ထိုစာတမ်းတွင် ဖော်ပြထားသည်။ သွေးကြောများ လုပ်ဆောင်ရည်ကို ထိခိုက်စေခြင်းကြောင့် နှလုံးရောဂါဖြစ်ခြင်း၊ သွေးတိုးခြင်း၊ သွေးပေါင်ချိန်မြင့်တက်ခြင်းတို့ ဖြစ်စေနိုင်သည်ဟုဆိုသည်။ဆေးသိပ္ပံပညာရှင်များက ၂၀၂၁ ခုနှစ် အောက်တိုဘာလမှ ၂၀၂၄ ခုနှစ် ဩဂုတ်လအထိ အရွယ်ရောက်ပြီး ကျန်းမာသူ ၅၅ ဦးကို သုတေသန လုပ်ခဲ့ခြင်းဖြစ်သည်။ ထိုသူများအားလုံးသည် ယခုစမ်းသပ်သည့် ကာလအပါအဝင် အနည်းဆုံး ၁၀ နှစ်အတွင်း ဆေးခြောက်ကို တစ်ပတ်လျှင် အနည်းဆုံး သုံးကြိမ်သောက်သုံးကြသူများဖြစ်ပြီး ဆေးလိပ်မသောက်ကြသူများဖြစ်သည်။ အခြားသော ထိခိုက်မှုအဖြစ် ဆေးခြောက်ရှူသူများ၏ သွေးရည်ကြည်ထဲတွင် အန္တရာယ်ဖြစ်စေမည့် အပြောင်းအလဲများကို တွေ့ရသည်ဟု ဆိုသည်။ စားသုံးသူများတွင်မူ ထိုသို့ အပြောင်းအလဲမျိုး မတွေ့ရဟုဆိုရာ ရှူခြင်းက စားသုံးခြင်းထက် အန္တရာယ်ပိုများသည်ဟု ဆိုနိုင်သည်။Source: Myanmar Digital News

Tue, 3-Jun-2025

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

အထွေထွေ

ကမ္ဘာ့ပျမ်းမျှအပူချိန်မြင့်တက်လာမှုကြောင့် အမျိုးသမီးများကြား ကင်ဆာဖြစ်ပွားမှု မြင့်တက်လာနိုင်

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link