ပြည်ထောင်စုဝန်ကြီးဦးလှမိုး (၁၀၃)ကြိမ်မြောက် အပြည်ပြည်ဆိုင်ရာ သမဝါယမနေ့အခမ်းအနား တက်ရောက်

saceditor

News Image

  • ပြည်ထောင်စုဝန်ကြီးဦးလှမိုး (၁၀၃)ကြိမ်မြောက် အပြည်ပြည်ဆိုင်ရာ သမဝါယမနေ့အခမ်းအနား တက်ရောက်

နေပြည်တော် ဇူလိုင် ၅

(၁၀၃)ကြိမ်မြောက် အပြည်ပြည်ဆိုင်ရာသမဝါယမနေ့အခမ်းအနားကို ယနေ့နံနက်ပိုင်းက ရန်ကုန်မြို့ သမဝါယမစီးပွားရေးဗဟိုဌာန၌ကျင်းပရာ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ပါမောက္ခချုပ်များ၊ ဗဟိုသမဝါယမအသင်းလီမိတက် နာယက၊ ဥက္ကဋ္ဌနှင့် ဒါရိုက်တာအဖွဲ့ဝင်များ၊ တိုင်းဒေသကြီး/ ပြည်နယ်သမဝါယမဦးစီးဌာနများမှ ညွှန်ကြားရေးမှူးများ၊ သမဝါယမကောလိပ်များမှ ကျောင်းအုပ်ကြီးများ၊ တိုင်းဒေသကြီး/ ပြည်နယ်သမဝါယမအသင်းစုချုပ်များမှ ဥက္ကဋ္ဌများနှင့် ဝန်ထမ်းများ တက်ရောက်ကြသည်။

အပြည့်အစုံဖတ်ရှုရန်- https://www.moi.gov.mm/news/71905

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ပျောက်ဆုံးနေသည့် လူရည်ချွန်သမီးငယ်ကိုတွေ့ပါက ငွေကျပ် သိန်းနှစ်ရာဆု ချီးမြှင့်မည်ဟု မိခင်ဖြစ်သူပြော
ပျောက်ဆုံးနေသည့် လူရည်ချွန်သမီးငယ်ကိုတွေ့ပါက ငွေကျပ် သိန်းနှစ်ရာဆု ချီးမြှင့်မည်ဟု မိခင်ဖြစ်သူပြော
ရန်ကုန်တိုင်း၊ လှည်းကူးမြို့၌ ကျောင်းလာတက်ရင်း လနှင့်ချီကြာ ပျောက်ဆုံးနေသည့်လူရည်ချွန် နှစ်ထပ်ကွမ်းဆုရှင်သမီးငယ်ကိုတွေ့ပါက သိန်းနှစ်ရာ ဆုချီးမြှင့်မည်ဟု မိခင်ဖြစ်သူက ဆုကြေးထုတ်ထားသည်။ပျောက်ဆုံးနေသော မိန်းကလေးငယ် မဆုရတနာအောင်သည် အသက် (၁၇) နှစ်ကျော်အရွယ်ဖြစ်ကာ G12 တက်ရောက်နေသူဖြစ်ပြီး ရခိုင်ပြည်နယ်၊ကျောက်ဖြူမြို့နယ်မှ မငြိမ်သက်သည့်နိုင်ငံရေးအခြေအနေကြောင့် ရန်ကုန်မြို့သို့ ပြောင်းရွှေ့ကျောင်းတက်နေခြင်း ဖြစ်သည်။“ကျွန်မအသဲနှလုံး အရှင်လတ်လတ်ဆွဲထုတ်ခံထားရတဲ့ မိခင်တစ်ယောက်ပါ။ ကျွန်မသမီးဘယ်ရောက်သွားလဲ။ ကျွန်မအသက်ရှင်နေသရွေ့သမီးငယ်လေးဆုရတနာအောင်ကိုရှာနေမှာပါ။ အခုတော့ ဘယ်တွေများရောက်နေပြီလဲ၊ သမီးငယ်လေးရယ်။ မေမေ့ကို ​သေဒဏ်ထက်ပိုဆိုးတဲ့ပြစ်ဒဏ်ကို ချပေးခဲ့တာလား သမီးငယ်လေးရယ်” ဟု  မိခင်ဖြစ်သူ ဒေါ်စမ်းစမ်းအေး က လူမှုကွန်ရက်၌ ရေးသားထားသည်။မဆုရတနာအောင်သည် သူမ ပညာသင်နေသည့် လှည်းကူးမြို့ဘော်ဒါဆောင်မှ ဧပြီ (၂၄) ရက်တွင် မုန့်ထွက်ဝယ်စားရင်း ပျောက်သွားခဲ့ကာ ရှာမတွေ့သေးသောကြောင့် ထိုကဲ့သို့ဆုကြေးထုတ်ရခြင်း ဖြစ်ကြောင်းလည်း ရေးသားထားသည်။ဖြစ်စဉ်နှင့်ပက်သက်၍ အသေးစိတ်သိရှိနိုင်ရန် သက်ဆိုင်သူများနှင့် နယ်မြေရဲစခန်းဆီ ဆက်သွယ်မေးမြန်းနိုင်ရန် ကြိုးစားနေဆဲဖြစ်သည်။Popular Myanmar
Sun, 6-Jul-2025
ငလျင်ကြောင့်ထိခိုက်ပျက်စီးခဲ့ရသည့် ပြည်သူများ၏ နေအိမ်ပေါင်း (၅၀၀၀၀)ကျော်အတွက် (၁ ဒသမ ၆)ထရီလီယံကျော်ထောက်ပံ့ပေးသွားမည်
ငလျင်ကြောင့်ထိခိုက်ပျက်စီးခဲ့ရသည့် ပြည်သူများ၏ နေအိမ်ပေါင်း (၅၀၀၀၀)ကျော်အတွက် (၁ ဒသမ ၆)ထရီလီယံကျော်ထောက်ပံ့ပေးသွားမည်
မန္တလေးငလျင်ကြီးကြောင့်ထိခိုက်ပျက်စီးခဲ့ရသည့် ပြည်သူများ၏ နေအိမ်ပေါင်း (၅၀၀၀၀)ကျော်အတွက် ဆောက်လုပ်ရေးဆိုင်ရာပစ္စည်းများဝယ်ယူရန် (၁ ဒသမ ၆) ထရီလီယံကျော် ထောက်ပံ့ပေးသွားမည်ဖြစ်ကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရယ်ဆိုင်ရာစီမံခန့်ခွဲမှုဦးစီးဌာနမှသိရသည်။မန္တလေးငလျင်ကြီးကြောင့် နေပြည်တော်အပါအဝင် တိုင်းဒေသကြီးနှင့် ပြည်နယ် (၈) ခုရှိ မြို့နယ် (၅၄) ခုတွင် ထိခိုက်ပျက်စီးခဲ့ရသည့် ပြည်သူများ၏ နေအိမ်ပေါင်း (၅၀၀၀၀) ကျော်အတွက် ဘိလပ်မြေ၊ သံချောင်း၊ သစ်၊ အိမ်မိုးသွပ်များကို အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ ရန်ပုံငွေဖြင့် ထောက်ပံ့ပေးသွားမည်ဖြစ်သည်။ထိုကဲ့သို့ ထောက်ပံ့ရာတွင် နေအိမ်အမျိုးအစားပေါ်မူတည်၍ ထောက်ပံ့ပေးသွားမည်ဖြစ်ပြီး ငွေသားနှင့်ပစ္စည်း ထောက်ပံ့ပေးသွားမည်ဖြစ်ကြောင်း သိရသည်။Popular Myanmar
Sun, 6-Jul-2025
တေးသံရှင် ရဲလေး၏ တေးဂီတဖျော်ဖြေပွဲကို တာမွေမြို့နယ်ရှိ iFour Bar Lounge and BBQ တွင် ပြုလုပ်မည်
တေးသံရှင် ရဲလေး၏ တေးဂီတဖျော်ဖြေပွဲကို တာမွေမြို့နယ်ရှိ iFour Bar Lounge and BBQ တွင် ပြုလုပ်မည်
ရန်ကုန်   ဇူလိုင် ၅တေးသံရှင် ရဲလေး၏ Monsoon Raindrops Melody Solo Night တေးဂီတဖျော်ဖြေပွဲကို ရန်ကုန်တိုင်းဒေသကြီး တာမွေမြို့နယ်ရှိ iFour Bar Lounge and BBQ ၌ ပြုလုပ်သွားမည် ဖြစ်ကြောင်း အဆိုတော် ရဲလေး ထံမှ သိရသည်။အဆိုပါ တေးသံရှင် ရဲလေး၏ Monsoon Raindrops Melody Solo Night တေးဂီတဖျော်ဖြေပွဲကိုရကောက်ဟု အမည်ပေးထားပြီး တေးသံရှင် ရဲလေးနှင့်အတူ HI BIRD Music Band တေးဂီတအဖွဲ့က တီးခတ်ပေးသွားမည်ဖြစ်ကြောင်း သိရသည်။“ကျွန်တော်နဲ့ HI BIRD တို့ရဲ့ ပူးပေါင်းတင်ဆက်ဖျော်ဖြေမှုတွေကို အားပါးတရခံစားပေးဖို့ မိုးစက်တွေနဲ့အတူ ငယ်ဘဝကို ပြန်ခံစားမယ်။ ငယ်ဘဝက အမှတ်တရတွေ ပြည့်နှက်နေတဲ့ သီချင်းလေးတွေကို ပြန်ခံစားရင်း အတိတ်ထဲ ပြန်ရောက်သွားဖို့ Ready ပဲဆိုရင်တော့ ဇူလိုင် ၈ ရက်နေ့မှာ iFour ကို လာခဲ့ဖို့ ဖိတ်ခေါ်ပါရစေ " ဟု တေးသံရှင် ရဲလေးက ပြောပြသည်။တေးသံရှင် ရဲလေး၏ Monsoon Raindrops Melody Solo Night တေးဂီတဖျော်ဖြေပွဲကို ရန်ကုန်တိုင်းဒေသကြီး တာမွေ iFour Bar Lounge and BBQ ၌ ဇူလိုင် ၈ ရက် ည ၇ နာရီတွင် စတင်ပြုလုပ်သွားမည်ဖြစ်ကြောင်း သိရသည်။ရတနာပုံသတင်းစာ
Sun, 6-Jul-2025
နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးမည်
နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးမည်
နေပြည်တော် ဇူလိုင် ၅ယနေ့ညနေ ၅ နာရီခွဲ တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေအားအသင့်အတင့်မှ အားကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏အရှိန်ကြောင့် လည်းကောင်း၊ အနောက်ဘက်မှ ရွေ့လျားလာသော လေပွေလှိုင်းများ၏အရှိန်ကြောင့် လည်းကောင်း ယနေ့ညမှ ဇူလိုင် ၇ ရက်အတွင်း မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ကယားပြည်နယ်တို့တွင် နေရာကျဲကျဲနှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြစ်ဝကျွန်းပေါ်၊ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမည်။ မိုးသက် လေပြင်းကျစဉ်ရေပြင်၊ မြေပြင်လေသည် တစ်နာရီ လျှင် ၃၅ မိုင်အထိ တိုက်ခတ်နိုင်သည်။ လှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၁ ပေ မှ ၁၃ ပေ ခန့်ရှိနိုင်သည်။ မုတ္တမကွေ့၊ မွန်-တနင်္သာရီကမ်းရိုး တန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်သည်။ မိုးသက်လေပြင်းကျစဉ်ရေပြင်၊ မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင်သည်။ လှိုင်းအမြင့်မှာ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ခုနစ်ပေမှ ကိုးပေခန့် ရှိနိုင်သည်။အကြံပြုချက်သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြု ရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက်ထားနိုင်ပါရန် သတိပေးနှိုးဆော်အပ်ပါသည်။MOI
Sun, 6-Jul-2025
ပြည်ထောင်စုဝန်ကြီးဦးလှမိုး (၁၀၃)ကြိမ်မြောက် အပြည်ပြည်ဆိုင်ရာ သမဝါယမနေ့အခမ်းအနား တက်ရောက်
ပြည်ထောင်စုဝန်ကြီးဦးလှမိုး (၁၀၃)ကြိမ်မြောက် အပြည်ပြည်ဆိုင်ရာ သမဝါယမနေ့အခမ်းအနား တက်ရောက်
နေပြည်တော် ဇူလိုင် ၅(၁၀၃)ကြိမ်မြောက် အပြည်ပြည်ဆိုင်ရာသမဝါယမနေ့အခမ်းအနားကို ယနေ့နံနက်ပိုင်းက ရန်ကုန်မြို့ သမဝါယမစီးပွားရေးဗဟိုဌာန၌ကျင်းပရာ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ပါမောက္ခချုပ်များ၊ ဗဟိုသမဝါယမအသင်းလီမိတက် နာယက၊ ဥက္ကဋ္ဌနှင့် ဒါရိုက်တာအဖွဲ့ဝင်များ၊ တိုင်းဒေသကြီး/ ပြည်နယ်သမဝါယမဦးစီးဌာနများမှ ညွှန်ကြားရေးမှူးများ၊ သမဝါယမကောလိပ်များမှ ကျောင်းအုပ်ကြီးများ၊ တိုင်းဒေသကြီး/ ပြည်နယ်သမဝါယမအသင်းစုချုပ်များမှ ဥက္ကဋ္ဌများနှင့် ဝန်ထမ်းများ တက်ရောက်ကြသည်။အပြည့်အစုံဖတ်ရှုရန်- https://www.moi.gov.mm/news/71905
Sun, 6-Jul-2025
မန္တလေးငလျင်ကြီးကြောင့် တိုက်ပိ၊ တိုက်ပြားဖြစ်ပေါ်ခဲ့သော ဝန်ထမ်းအိမ်ရာ မြေညီထပ်အခန်းနေ ဝန်ထမ်းများအတွက် အခြေခံလိုအပ်သည့် အိမ်သုံးလျှပ်စစ်ပစ္စည်းများ ထောက်ပံ့ပေးအပ်
မန္တလေးငလျင်ကြီးကြောင့် တိုက်ပိ၊ တိုက်ပြားဖြစ်ပေါ်ခဲ့သော ဝန်ထမ်းအိမ်ရာ မြေညီထပ်အခန်းနေ ဝန်ထမ်းများအတွက် အခြေခံလိုအပ်သည့် အိမ်သုံးလျှပ်စစ်ပစ္စည်းများ ထောက်ပံ့ပေးအပ်
နေပြည်တော် ဇူလိုင် ၄ငလျင်ဒဏ်ကြောင့် ပြည်ထောင်စုနယ်မြေ နေပြည်တော်တွင် တိုက်ပိ၊ တိုက်ပြားဖြစ်ပေါ်ခဲ့သော ဝန်ကြီးဌာန၊ အဖွဲ့အစည်း ၂၅ ခုမှ ဝန်ထမ်းအိမ်ရာ မြေညီထပ်အခန်း ၄၉၉ ခန်းအတွက် အခြေခံလိုအပ်သည့် မီးဖိုချောင်သုံးနှင့် အိမ်သုံးလျှပ်စစ်ပစ္စည်း ခြောက်မျိုးထောက်ပံ့ပေးအပ်ပွဲကို ယနေ့နံနက်ပိုင်းတွင် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီဒုတိယဥက္ကဋ္ဌ ပြည်ထောင်စုဝန်ကြီးများဦးဆောင်၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန စုပေါင်းခန်းမ၌ ကျင်းပသည်။ဦးစွာ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ ဒုတိယဥက္ကဋ္ဌ (၁) ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်က ငလျင်ဒဏ်ကြောင့် ရှာဖွေကယ်ဆယ်ရေးလုပ်ငန်းများ အင်တိုက်အားတိုက်ဆောင်ရွက်ခဲ့ပြီးဖြစ်ပါကြောင်း၊ ယခုဆောင်ရွက်မှုမှာ ငလျင်ဒဏ်ကြောင့် တိုက်ပိ၊ တိုက်ပြားဖြစ်ပေါ်ခဲ့သည့် ဝန်ထမ်းအိမ်ရာမြေညီထပ်နေ ဝန်ထမ်းများကို နိုင်ငံတော်အကြီးအကဲ၏ လမ်းညွှန်ချက်နှင့်အညီ ထောက်ပံ့နိုင်ရေးအတွက် ဆောင်ရွက်မှုဖြစ်ပါကြောင်း၊ ထောက်ပံ့နိုင်ရန်အတွက် ဝန်ကြီးဌာန/အဖွဲ့အစည်းများမှ စာရင်းများတောင်းခံရယူ၍ အကြိမ်ကြိမ် သေချာစွာစိစစ်ခဲ့ရကြောင်း၊ ရရှိလာသောစာရင်းများပါ မြေညီထပ်အခန်း ၄၉၉ ခန်းအတွက် ပုံမှန်နေ့စဉ်လူနေမှုဘဝကို အတိုင်းအတာ တစ်ခုဖြည့်ဆည်းပေးနိုင်ရန် အခြေခံလိုအပ်သည့် မီးဖိုချောင်သုံးနှင့် လျှပ်စစ်ပစ္စည်းများဖြစ်သော ရေခဲသေတ္တာ၊ ရုပ်မြင်သံကြားစက်၊ ထမင်းပေါင်းအိုး၊ လျှပ်စစ်ရေနွေးအိုး၊ လျှပ်စစ်ဟင်းချက်အိုး၊ လျှပ်စစ်မီးပူတို့ကို အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ပေးအပ်ခြင်းဖြစ်ကြောင်း ပြောကြားသည်။ထို့နောက် ဒုတိယဥက္ကဋ္ဌ (၂) ပြည်ထောင်စုဝန်ကြီး ဒေါက်တာစိုးဝင်းက တင်ဒါကော်မတီဖွဲ့စည်းဆောင်ရွက်ခဲ့မှုအခြေအနေများနှင့် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီအစီအစဉ်ဖြင့် ငလျင်ဘေးအန္တရာယ် တုံ့ပြန်ဆောင်ရွက်နေမှု အခြေအနေများကို ရှင်းလင်းပြောကြား၍ ဒုတိယဥက္ကဋ္ဌများက ဝန်ကြီးဌာန/အဖွဲ့ အစည်းတစ်ခုချင်းစီအလိုက် မီးဖိုချောင်သုံးနှင့် အိမ်သုံးလျှပ်စစ်ပစ္စည်းခြောက်မျိုးကို ထောက်ပံ့ပေးအပ်သည်။ယနေ့အခမ်းအနားတွင် ပြည်ထောင်စုနယ်မြေ နေပြည်တော်ရှိ တိုက်ပိ၊ တိုက်ပြားဖြစ်ပေါ်ခဲ့သည့် ဝန်ကြီးဌာန/အဖွဲ့အစည်း ၂၅ ခုရှိ တိုက်အရေအတွက် ၁၂၄ လုံးမှ မြေညီထပ် ၄၉၉ ခန်းနေ ဝန်ထမ်းမိသားစုများကို မီးဖိုချောင်သုံးနှင့် အိမ်သုံးလျှပ်စစ်ပစ္စည်း ခြောက်မျိုးထောက်ပံ့ရန် အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေမှ ထောက်ပံ့ငွေကျပ်သိန်း ၁၀၇၈၀ ကျော် ကျခံထောက်ပံ့ပေးခဲ့ခြင်းဖြစ်ကြောင်း သိရသည်။    MOI
Sat, 5-Jul-2025
© Copyright 2024 SAC All Rights Reserved.