ဘားအံဒေသသို့ လာရောက်လည်ပတ်သူ များပြား

saceditor

News Image

  • ဘားအံဒေသသို့ လာရောက်လည်ပတ်သူ များပြား

ကရင်ပြည်နယ်တွင် ခရီးသွားပြည်သူများအကြား ရေပန်းစားနေသည့် ဘားအံခရီးစဉ်ဒေသသည် သဘာ၀အလှတရားများနှင့် စိမ်းစိုနေသဖြင့် လာရောက်လည်ပတ်သူများ ပြားလျက်ရှိကြောင်း ဒေသခံများ၏ ပြောပြချက်အရ သိရသည်။

” မိုးတွင်းဆိုရင် ဘားအံဒေသက လည်လို့အကောင်းဆုံးပဲ။ မိုးရာသီဆို လာတဲ့သူများတယ်။ ခရီးသွားဧည့်သည်တွေအဝင်များတော့ ဒေသခံတွေအတွက်လည်း ဝင်ငွေရတာပေါ့။ ပြည်တွင်းခရီးသွားက ပိုများပါတယ်” ဟု ဘားအံရှိ ဒေသခံတစ်ဦးကဘပေါ်ပြူလာနယူးစ်သို့ ပြောသည်။

ဘားအံဒေသသို့ လာရောက်လည်ပတ်ပါက သံလွင်မြစ်ဘေးရှိ ရွှေရင်မျှော် စေတီ၊ ဘားအံမြို့ထဲရှိ ကန်သာယာ ရေကန်ကြီး၊ ဘားအံမြို့ တောင်ဘက် (၇) မိုင်ခန့်တွင် ပင်လယ်ရေမျက်နှာပြင် အထက် အမြင့်ပေ (၃,၂၇၂) ပေရှိ ဇွဲကပင်တောင်၊ ဘားအံမြို့ တောင်ဘက် (၇) မိုင်ရှိ ကျောက်ကလပ်စေတီ၊ ဘုရင့်ညီဂူ နှင့် ရေပူစမ်းရှိကြောင်း သိရသည်။

Popular Myanmar

MM-News-Category
တိုင်းရင်းသားရေးရာကဏ္ဍသတင်း
တိုင်းရင်းသားရေးရာ-အထင်ကရနေရာများ

ဆက်စပ်သတင်းများ

ဘားအံဒေသသို့ လာရောက်လည်ပတ်သူ များပြား
ဘားအံဒေသသို့ လာရောက်လည်ပတ်သူ များပြား
ကရင်ပြည်နယ်တွင် ခရီးသွားပြည်သူများအကြား ရေပန်းစားနေသည့် ဘားအံခရီးစဉ်ဒေသသည် သဘာ၀အလှတရားများနှင့် စိမ်းစိုနေသဖြင့် လာရောက်လည်ပတ်သူများ ပြားလျက်ရှိကြောင်း ဒေသခံများ၏ ပြောပြချက်အရ သိရသည်။” မိုးတွင်းဆိုရင် ဘားအံဒေသက လည်လို့အကောင်းဆုံးပဲ။ မိုးရာသီဆို လာတဲ့သူများတယ်။ ခရီးသွားဧည့်သည်တွေအဝင်များတော့ ဒေသခံတွေအတွက်လည်း ဝင်ငွေရတာပေါ့။ ပြည်တွင်းခရီးသွားက ပိုများပါတယ်” ဟု ဘားအံရှိ ဒေသခံတစ်ဦးကဘပေါ်ပြူလာနယူးစ်သို့ ပြောသည်။ဘားအံဒေသသို့ လာရောက်လည်ပတ်ပါက သံလွင်မြစ်ဘေးရှိ ရွှေရင်မျှော် စေတီ၊ ဘားအံမြို့ထဲရှိ ကန်သာယာ ရေကန်ကြီး၊ ဘားအံမြို့ တောင်ဘက် (၇) မိုင်ခန့်တွင် ပင်လယ်ရေမျက်နှာပြင် အထက် အမြင့်ပေ (၃,၂၇၂) ပေရှိ ဇွဲကပင်တောင်၊ ဘားအံမြို့ တောင်ဘက် (၇) မိုင်ရှိ ကျောက်ကလပ်စေတီ၊ ဘုရင့်ညီဂူ နှင့် ရေပူစမ်းရှိကြောင်း သိရသည်။Popular Myanmar
Thu, 10-Jul-2025
မိုင်းပျဥ်းမြို့နယ်၌ တိုင်းရင်းသား(၅၀၀)ဦးကျော် ဗုဒ္ဓအဆုံးအမခံယူပြီး (၂၄၇)ဦး ရဟန်းခံရှင်ပြု
မိုင်းပျဥ်းမြို့နယ်၌ တိုင်းရင်းသား(၅၀၀)ဦးကျော် ဗုဒ္ဓအဆုံးအမခံယူပြီး (၂၄၇)ဦး ရဟန်းခံရှင်ပြု
ရှမ်းပြည်နယ်(အရှေ့ပိုင်း)၊ မိုင်းပျဥ်းမြို့နယ်၊ လွယ်လုံးကျေးရွာအုပ်စုနှင့် တာကော်ကျေးရွာအုပ်စုတို့ရှိ ကျေးရွာပေါင်း(၂၂)ရွာမှ တိုင်းရင်းသား(၅၀၀)ဦးကျော် ဗုဒ္ဓအဆုံးအမခံယူခြင်းနှင့် (၂၄၇)ဦး ရဟန်းခံရှင်ပြုပွဲအား ဇွန် ၃ ရက်နံနက်ပိုင်းက သုဝဏ္ဏသျှံတောင်ခြေတာကော်၊ ဟွေဟင်၊ (၇)မိုင်သီရိမင်္ဂလာကျောင်းတိုက်၌ကျင်းပခဲ့သည်။လွယ်လုံးကျေးရွာအုပ်စု၊ တာကော်ကျေးရွာအုပ်စုတို့ရှိ ကျေးရွာ(၂၂)ရွာမှ ရှမ်း၊ လားတူ၊ လီဆူ၊ ပလောင်တိုင်းရင်းသား၊ တိုင်းရင်းသူ(၅၀၀)ကျော်မှ ဗုဒ္ဓအဆုံးအမခံယူခဲ့ကြခြင်းဖြစ်ပြီး (၂၄၇)ဦးမှာ ရဟန်းခံရှင်ပြုခဲ့ကြခြင်းဖြစ်ကာ အလှူရှင်မှာ ဦးဘိုလေး လူမှုထူးချွန်(ဒုတိယအဆင့်)၊ မြန်မာ-ထိုင်း-လာအို(သုံးနိုင်ငံ)နယ်ခြားကော်မတီဆက်ဆံရေးတာဝန်ခံနှင့် မိသားစုတို့ဖြစ်သည်။ထို့ပြင် ဗုဒ္ဓအဆုံးအမများကိုယုံကြည်သည့် တိုင်းရင်းသား မိသားစုဝင်များအား ဘုရားဆင်းတုတော်၊ ဆန်နှင့် အလှူငွေများ၊ 6000w sola ၂၄ စုံ၊ စတုပစ္စယာနုဂ္ဂဟပစ္စည်းလေးပါးထောက်ပံ့လှူဒါန်းခြင်းတို့ကိုလည်း ပြုလုပ်ခဲ့ကြသည်။Source: Popular Myanmar
Fri, 6-Jun-2025
ဟိုင်းကြီးကျွန်းမြို့ရှိ ငွေတောင်ကမ်းခြေသို့ ခရီးသွားဧည့်သည် (၃၇,၅၆၆) ဦးထိ လာရောက်လည်ပတ်ခဲ့
ဟိုင်းကြီးကျွန်းမြို့ရှိ ငွေတောင်ကမ်းခြေသို့ ခရီးသွားဧည့်သည် (၃၇,၅၆၆) ဦးထိ လာရောက်လည်ပတ်ခဲ့
ဧရာဝတီတိုင်းဒေသကြီး၊ ငပုတောမြို့နယ် ဟိုင်းကြီးကျွန်းမြို့၊ တင်းချောင်းကျေးရွာအနီးရှိ ငွေတောင်ကမ်းခြေသို့ ပြီးခဲ့သည့် ဧပြီလအတွင်းက ခရီးသွားဧည့်သည် (၃၇,၅၆၆) ဦးအထိ လာရောက်လည်ပတ်ခဲ့ကြောင်း ငပုတောမြို့နယ် ခရီးသွားလုပ်ငန်းအသင်းမှ သိရသည်။ပြီးခဲ့သည့် မတ်လက ခရီးသွားဧည့်သည် (၁၆,၁၅၅) ဦးသာ လာရောက်လည်ပတ်ခဲ့ပြီး ဧပြီလ (၁) ရက်မှ (၃၀)ရက်ထိ တစ်လတာကာလအတွင်းမှာ ခရီးသွားဧည့်သည် (၃၇,၅၆၆) ဦးအထိ လာရောက်လည် ပတ်ခဲ့ကြောင်း သိရသည်။လာရောက်လည်ပတ်အပန်းဖြေသည့် ခရီးသွားဧည့်သည်များတွင် ရန်ကုန်တိုင်းဒေသကြီးက အများဆုံးဖြစ်ပြီး ကမ်းခြေသို့လာရောက်အပန်းဖြေသည့် ခရီးသွား ဧည့်သည်များအနေဖြင့် ခရီးစဉ်အဆင်ပြေစေရန်၊ သန့်ရှင်းမှုရရှိစေရန်၊ စနစ်တကျအနားယူနိုင်ရန်၊ လုံခြုံရေးနှင့်စည်းကမ်းထိန်းသိမ်းရေး စသည့် လုပ်ငန်းများကို ခရီးသွားလုပ်ငန်းရှင်များ၊ သက်ဆိုင်ရာတာဝန်ရှိသူများ၊ ဒေသခံများက ပူးပေါင်းဆောင်ရွက်ပေးလျက်ရှိကြောင်း သိရသည်။Source: Popular Myanmar
Sat, 31-မေလ-2025
ကျိုက်ထီးရိုး စေတီတော်မြတ်ကြီးသို့ ပြည်တွင်းပြည်ပ ခရီးသွားဧည့်သည် (၁,၁၇၀,၀၀၀)ကျော် ဝင်ရောက်
ကျိုက်ထီးရိုး စေတီတော်မြတ်ကြီးသို့ ပြည်တွင်းပြည်ပ ခရီးသွားဧည့်သည် (၁,၁၇၀,၀၀၀)ကျော် ဝင်ရောက်
ကျိုက်ထီးရိုး စေတီတော်မြတ်ကြီးသို့ ၂၀၂၄ ခုနှစ်၊ အောက်တိုဘာလမှ ၂၀၂၅ ခုနှစ်၊ မေလ (၁၉)ရက်အထိ ပြည်တွင်းပြည်ပခရီးသွားဧည့်သည် (၁,၁၇၀,၀၀၀)ကျော်ဝင်ရောက်ခဲ့ကြောင်း စေတီတော်ဘဏ္ဍာတော်ထိန်း ဂေါပကအဖွဲ့ထံမှ သိရသည်။ဆံတော်ရှင် ကျိုက်ထီးရိုးစေတီတော်မြတ်ကြီး၏ ဗုဒ္ဓပူဇနိယပွဲတော်ကို သီတင်းကျွတ်လပြည့်နေ့မှ ကဆုန်လပြည့်နေ့အထိ ကျင်းပရာ အနယ်နယ်အရပ်ရပ်မှ ဘုရားဖူးပြည်သူများ စည်ကားသိုက်မြိုက်စွာဖြင့် နေ့စဉ်လာရောက်ဖူးမြော်ခဲ့ကြပြီး ပြီးခဲ့သည့် ၂၀၂၄ ခုနှစ် ဒီဇင်ဘာလတွင် လာရောက်သူအများဆုံးဖြစ်ကြောင်း သိရသည်။ဘုရားဖူးလာရောက်ကြသည့် ပြည်သူများ၊ အန္တရာယ်ကင်းဝေးစေရန်နှင့် စိတ်ချမ်းမြေ့စွာ ဘုရားဖူးမြော်နိုင်ရန်အတွက် စေတီတော် ဘဏ္ဍာတော်ထိန်းဂေါပကအဖွဲ့နှင့် တာဝန်ရှိသူများက လုံခြုံရေး၊ အခမဲ့တည်းခိုနေထိုင်ရေး၊ စားသောက်ရေးနှင့် ကျန်းမာရေးစောင့်ရှောက်မှုများကို ကြပ်မတ်ဆောင်ရွက်ပေးလျက်ရှိကာ တောင်တက် မော်တော်ယာဉ်အစီးရေ (၁၅၀) ကိုလည်း နေ့စဉ်ပြေးဆွဲပေးနေကြောင်း သိရသည်။ကျိုက်ထီးရိုး‌ တောင်တော်တလျှောက် အထင်ကရနေရာများဖြစ်သည့် မုဆိုးတောင်တော်၊ ကျီးကန်းပါးစပ် လိုဏ်ဂူတော်၊ ကျောက်ထပ်ကြီး စေတီတော်၊ ရေတံခွန် စသည့်နေရာများ၊ ရင်ပြင်တော် ဈေးဆိုင်တန်းတစ်လျှောက်ရှိ ထမင်းဆိုင်များ၊ အမှတ်တရအရောင်းဆိုင်များ၌ ဘုရားဖူးများဖြင့် စည်ကားလျက်ရှိကြောင်းလည်း သိရသည်။Source: Popular Myanmar
Wed, 28-မေလ-2025
ကရင်ပြည်နယ်၊ ဘားအံမြို့တွင် မဟာသင်္ကြန်ပွဲတော်ကို မြန်မာ့ရိုးရာယဉ်ကျေးမှုနှင့်အညီ တည်ငြိမ်အေးချမ်းစွာကျင်းပ
ကရင်ပြည်နယ်၊ ဘားအံမြို့တွင် မဟာသင်္ကြန်ပွဲတော်ကို မြန်မာ့ရိုးရာယဉ်ကျေးမှုနှင့်အညီ တည်ငြိမ်အေးချမ်းစွာကျင်းပ
ဘားအံ - ဧပြီ (၁၃)မြန်မာသက္ကရာဇ် ၁၃၈၆ ခုနှစ် မြန်မာ့ရိုးရာမဟာသင်္ကြန်ပွဲတော်ကို အပျော်အပါးသီဆိုကခုန်မှုများမပါဝင်ဘဲ မြန်မာတို့၏ရိုးရာယဉ်ကျေးမှုနှင့်အညီ အေးချမ်းသာယာသောသင်္ကြန်(အေးသင်္ကြန်)အဖြစ် တည်ငြိမ်အေးချမ်းစွာ ဆင် ယင်ကျင်းပသွားမည်ဖြစ်ရာ တန်ခူးလပြည့်ကျော် ၁ ရက်နေ့ မဟာသင်္ကြန်အကြိုနေ့ ဧပြီလ ၁၃ ရက်နေ့တွင် ကရင်ပြည်နယ်၊ ဘားအံမြို့၌ လမ်းလျှောက်သင်္ကြန်နှင့်စတုဒိသာမဏ္ဍပ်များဖွင့်ပွဲကို ကျင်းပသည်။ငလျင်ဒဏ်ခံစားရသည့်ပြည်သူများအား စာနာထောက်ထားအလေးထားသောအားဖြင့် ယခုကဲ့သို့ကျင်းပခြင်း ဖြစ်ပြီး ပြည်နယ်ဝန်ကြီးချုပ်ဦးစောမြင့်ဦး၊ ပြည်နယ်အမျိုးသမီးရေးရာအဖွဲ့နာယက၊ ပြည်နယ်တရားလွှတ်တော် တရားသူကြီးချုပ်ဦးညွန့်လင်း၊ အရှေ့တောင်တိုင်းစစ်ဌာနချုပ်ဒုတိယတိုင်းမှူး၊ ပြည်နယ်အစိုးရအဖွဲ့ဝင်များက ဘားအံမြို့၊ မန်းနဲစန်လမ်းနှင့်ကျော်ဇေယျလမ်းဆုံရှိ လမ်းလျှောက်သင်္ကြန်ကို ဖဲကြိုးဖြတ်ဖွင့်လှစ်ပေးကြပြီး လမ်းလျှောက်သင်္ကြန်ဧရိယာအတွင်း ရေအေးသင်္ကြန်နှင့် စတုဒိသာမဏ္ဍပ်များမှ တည်ခင်းဧည့်ခံသည့် မဟာသင်္ကြန် အစားအစာများကိုသုံးဆောင်၍ မြန်မာတို့၏ရိုးရာ ယဉ်ကျေးမှုအစဉ်အလာကိုထိန်းသိမ်းသောအားဖြင့် လမ်းလျှောက် သင်္ကြန်(အေးသင်္ကြန်)ကို အေးချမ်းတည်ငြိမ်စွာပါဝင်ဆင်နွှဲခဲ့ကြသည်။ထို့နောက် ပြည်နယ်ဝန်ကြီးချုပ်နှင့်အဖွဲ့သည် ဘားအံမြို့၊ အမှတ်(၃)ရပ်ကွက်၊ မြို့မဘောလုံးကွင်းအတွင်းရှိ ဂုဏ်ယူမြတ်နိုးတန်ဖိုးထား မြန်မာ့ရိုးရာသနပ်ခါးမဏ္ဍပ်၌ ယူနက်စကို၏ လူသားမျိုးနွယ်ကိုယ်စားပြုဒြပ်မဲ့ယဉ်ကျေးမှု အမွေအနှစ်စာရင်းဝင်အဖြစ် ပါဝင်နိုင်ရန်ကြိုးပမ်းဆောင်ရွက်နေမှုကိုဂုဏ်ပြုသောအားဖြင့် တစ်ဦးနှင့်တစ်ဦး သနပ်ခါး လိမ်းခြယ်ပေးကြပြီး အောင်သပြေခက်နှင့်အတာရေအေးပက်ဖြန်းပေးကြကာ မည်သူမဆိုဝင်ရောက်သုံးဆောင်နိုင် သော ကရင်ပြည်နယ်အစိုးရအဖွဲ့၏ စတုဒိသာဗဟိုမဏ္ဍပ်၌ စားသောက်ဖွယ်ရာများကိုလာရောက်သုံးဆောင်နေသူများ အား မြန်မာ့ရိုးရာယဉ်ကျေးမှုနှင့်အညီ အောင်သပြေခက်ဖြင့်အတာရေအေးပက်ဖြန်၍ ရေပက်ကစားခဲ့ကြသည်။ယင်းနောက် ပြည်နယ်ဝန်ကြီးချုပ်နှင့်အဖွဲ့သည် ဘားအံမြို့၊ ကမ်းနားလမ်းတစ်လျှောက်ရှိ လမ်းပန်း ဆက်သွယ်ရေးဝန်ကြီးဌာနစတုဒိသာမဏ္ဍပ်၊ သယံဇာတရေးရာဝန်ကြီးဌာနစတုဒိသာမဏ္ဍပ်၊ လုံခြုံရေးနှင့်နယ်စပ်ရေး ရာဝန်ကြီးဌာနစတုဒိသာမဏ္ဍပ်၊ စီးပွားရေးရာဝန်ကြီးဌာနစတုဒိသာမဏ္ဍပ်၊ လူမှုရေး၊တိုင်းရင်းသား၊ဥပဒေ၊တရားရေး၊ လွှတ်တော်၊လဝက စုပေါင်းစတုဒိသာမဏ္ဍပ်တို့တွင် စတုဒိသာအဖြစ်တည်ခင်းဧည့်ခံသော သင်္ကြန်ထမင်း၊ ရွှေရင်အေး၊ မုန့်လုံးရေပေါ် စသည်တို့ကို သုံးဆောင်၍ မြန်မာ့ရိုးရာသင်္ကြန်ပွဲတော်အစဉ်အလာနှင့်အညီ အေးချမ်းစွာရေပက်ကစား ခဲ့ကြပါသည်။Source​: Myanmar National Portal 
Sun, 13-Apr-2025
ပြည်ထောင်စုဝန်ကြီး ခွန်သန့်ဇော်ထူး ကရင်ပြည်နယ်နှင့် မွန်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
ပြည်ထောင်စုဝန်ကြီး ခွန်သန့်ဇော်ထူး ကရင်ပြည်နယ်နှင့် မွန်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များနှင့် တွေ့ဆုံဆွေးနွေး
မော်လမြိုင်   မတ် ၁၉တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ခွန်သန့်ဇော်ထူးသည် ဒုတိယဝန်ကြီး ဦးဇော်အေးမောင်၊ မွန်ပြည်နယ် တိုင်းရင်းသားရေးရာဝန်ကြီး ဦးခင်မောင်ဦးနှင့်အတူ ယနေ့မွန်းလွဲပိုင်းတွင် တိုင်းရင်းသားစာပေနှင့် ယဉ်ကျေးမှု အသင်းအဖွဲ့များနှင့် တွေ့ဆုံဆွေးနွေးသည်။တွေ့ဆုံစဉ် ပြည်ထောင်စုဝန်ကြီးက မိမိတို့ဝန်ကြီးဌာနသည် တိုင်းရင်းသားများ၏ စာပေနှင့် ယဉ်ကျေးမှုများ ထိန်းသိမ်းမြှင့်တင်ခြင်းနှင့် တိုင်းရင်းသားရေးရာကိစ္စရပ်များကို ဆောင်ရွက်ပေးလျက်ရှိသည့်အပြင် နိုင်ငံတော်အတွက် “We are Myanmar” ဆိုသည့် ပြည်ထောင်စု စိတ်ဓာတ်တိုးတက်ခိုင်မာစေရန် ဆောင်ရွက်ရပါကြောင်း၊ မိမိတို့ တိုင်းရင်းသားရေးရာကိစ္စရပ်များနှင့် ပတ်သက်၍ ပွင့်လင်းစွာ တင်ပြဆောင်ရွက်ကြရန် ပြောကြားသည်။ယင်းနောက် ကရင်ပြည်နယ်နှင့် မွန်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များက တိုင်းရင်းသားရေးရာကိစ္စရပ်များနှင့် စပ်လျဉ်း၍ ဆွေးနွေးတင်ပြကြရာ ဒုတိယဝန်ကြီး ဦးဇော်အေးမောင်၊ မွန်ပြည်နယ် တိုင်းရင်းသားရေးရာဝန်ကြီး ဦးခင်မောင်ဦးတို့က ပြန်လည်ရှင်းလင်းဆွေးနွေးပြီး ပြည်ထောင်စုဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။ထို့နောက် ပြည်ထောင်စုဝန်ကြီး၊ ဒုတိယဝန်ကြီးနှင့် ပြည်နယ် တိုင်းရင်းသားရေးရာဝန်ကြီးတို့သည် ကရင်ပြည်နယ်နှင့် မွန်ပြည်နယ်အတွင်းရှိ မွန်၊ ကရင်၊ ပအိုဝ်း၊ ရှမ်းနှင့် ဗမာတိုင်းရင်းသားယဉ်ကျေးမှုအဖွဲ့များကို ရင်းနှီးစွာ နှုတ်ဆက်ပြီး အခမ်းအနားကို ရုပ်သိမ်းခဲ့ကြောင်း သိရသည်။Source: ကြေးမုံသတင်းစာ
Thu, 20-Mar-2025
© Copyright 2024 SAC All Rights Reserved.