လွန်ခဲ့သောနှစ်ပတ်က တောမီးလောင်ကျွမ်းခဲ့သည့် လော့စ်အိန်ဂျလိစ်ရှိနေရာများသို့ ဇန်နဝါရီ ၂၄ ရက်နေ့ တွင် သွားရောက်ကြည့်ရှုမည်ဖြစ်ကြောင်း ဒေါ်နယ်ထရမ့်က ၎င်း၏ သမ္မတ ကျမ်းသစ္စာဆိုပွဲ တွင် ပြောကြားခဲ့ပါသည်။

“သမ္မတထရမ့်၏ လာရောက်လည်ပတ်မှုကို လှိုက်လှဲစွာ ကြိုဆိုပါကြောင်း၊ အမေရိကန်ပြည်ထောင်စုသမ္မတ၏ စီမံခန့်ခွဲမှုဖြင့် ပြည်နယ်ပြန်လည် ထူထောင်ရေးလုပ်ငန်းများကိုဆောင်ရွက်ပေးသွားမည်ဟု ယုံကြည်ပါကြောင်း” ကာလီဖိုးနီးယားပြည်နယ်အုပ်ချုပ်ရေးမှူး Gavin က ဇန်နဝါရီ ၂၀ ရက်(တနင်္လာနေ့)တွင် ပြောကြားလိုက်ပါသည်။

အမေရိကန်သမ္မတဒေါ်နယ်ထရမ့်က ဖေဖော်ဝါရီ ၁ ရက်နေ့မှစ၍ ကနေဒါနိုင်ငံနှင့် မက္ကဆီကိုနိုင်ငံတို့အပေါ် အခွန် ၂၅ ရာခိုင်နှုန်း ကောက်ခံသွားရန် စဉ်းစား ထားကြောင်း ဇန်နဝါရီ ၂၀ ရက်(တနင်္လာနေ့)ညတွင် ပြောကြားခဲ့မှုအပေါ် တုံ့ပြန်ဆောင်ရွက်သွားရန်အသင့်ရှိကြောင်း ကနေဒါထိပ်တန်းဝန်ကြီးများက ပြောကြားလိုက်ပါသည်။

အမေရိကန်အစိုးရသည် အမျိုးသားနှင့် အမျိုးသမီး လိင်နှစ်မျိုးကိုသာ အသိအမှတ်ပြုကြောင်း၊ အမေရိကန် သမ္မတ ဒေါ်နယ်ထရမ့်က စီမံအုပ်ချုပ်ရေးအမိန့်ကို ဇန်နဝါရီ ၂၀ ရက်(တနင်္လာနေ့)တွင် လက်မှတ်ရေးထိုး ထုတ်ပြန်လိုက်ပါသည်။   

လာမည့်ဖေဖော်ဝါရီတွင် Made in China ကုန်ပစ္စည်းများ တင်သွင်းမှုအပေါ် အခွန် ၁၀ ရာခိုင်နှုန်း တိုးမြှင့် ကောက်ခံရန် စဉ်းစားနေကြောင်း အမေရိကန် သမ္မတ ဒေါ်နယ်ထရမ့်က သမ္မတ တာဝန်ယူသည့် ပထမဆုံး ရက်တွင် ပြောကြားလိုက်ပါသည်။

ကိုးကား-BBC