အာရပ်စော်ဘွားများပြည်ထောင်စု၏    ဒုတိယဝန်ကြီးချုပ်နှင့် ကာကွယ်ရေးဝန်ကြီး ဒူဘိုင်းအိမ်ရှေ့မင်းသားသည် ကမ္ဘာ့အမြင့်ဆုံးအဆောက်အအုံပေါ်မှ လေထီးဖြင့်ခုန်ချပြခဲ့ကြောင်း သိရသည်။

ဒူဘိုင်းအိမ်ရှေ့မင်းသား ရှိတ်ဟမ်ဒန်ဘင်မိုဟာမက်ဘင် ရာရှစ်အယ်မက်တွန်းသည် ကမ္ဘာပေါ်တွင် အမြင့်ဆုံး အဆောက်အအုံဖြစ်သည့် Burj Khalifa ပေါ်မှ လေထီးဖြင့်ခုန်ချပြသည့် ဗီဒီယိုပြကွက်ကို   ၎င်း၏ ဆိုရှယ်မီဒီယာဝက်ဆိုက်တွင် ဖေဖော်ဝါရီလ ၂၂ ရက်တွင် ဖော်ပြထားသည်။

တူကီယဲနိုင်ငံ     အစ္စတန်ဘူမြို့တွင် နှင်းမုန်တိုင်းတိုက်ခတ်မှုကြောင့် သယ်ယူပို့ဆောင်ရေး လမ်းကြောင်းများ ပြတ်တောက်သွားပြီး    စာသင်ကျောင်းများကိုလည်း ပိတ်ပစ်ခဲ့ရကြောင်း သိရသည်။

နှင်းမုန်တိုင်းသည်  အစ္စတန်ဘူမြို့၌ ဖေဖော်ဝါရီလ ၂၀ ရက်မှ စတင်တိုက်ခတ်ခဲ့ခြင်းဖြစ်ပြီး မြို့အတွင်းရှိ စာသင်ကျောင်းများကို နှစ်ရက်ဆက်တိုက် ပိတ်ထားခဲ့ရကြောင်း၊ နှင်းမုန်တိုင်းတိုက်ခတ်မှုကြောင့် အပူချိန်သည် ဖေဖော်ဝါရီလ ၂၁ ရက်တွင် ပိုမိုကျဆင်းခဲ့ပြီး ဆီးနှင်းများကျဆင်းမှုမှာလည်း အမြင့်ဆုံးအဆင့်သို့ ရောက်ရှိလာခဲ့သည်။

အီဂျစ်ဖာရိုဘုရင် ဒုတိယမြောက် သုမို့၏ ဂူသင်္ချိုင်းသစ်တစ်ခုကို  နှစ်ပေါင်း ၁၀၀ ကျော်အတွင်း  ပထမဆုံး အကြိမ်အဖြစ် အီဂျစ်နိုင်ငံတောင်ပိုင်းတွင်    တွေ့ရှိခဲ့ကြောင်း သိရသည်။

ယူကရိန်းပဋိပက္ခတွင် ရုရှားနိုင်ငံက မှားယွင်းမှုမရှိကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့ကြောင်း သိရသည်။

လက်ရှိဆက်လက်ဖြစ်ပွားနေသည့် ယူကရိန်းလက်နက်ကိုင် ပဋိပက္ခတွင် ရုရှားနိုင်ငံက မှားယွင်းခြင်းမရှိဘဲ ယင်းပဋိပက္ခနှင့် စပ်လျဉ်း၍ ယူကရိန်းသမ္မတ ဇီလန်စကီနှင့် ယခင်အမေရိကန်  သမ္မတဟောင်း ဂျိုးဘိုင်ဒင်တို့ကိုသာ အပြစ်တင်ရမည်ဖြစ်ကြောင်း ထရမ့်က ဖေဖော်ဝါရီလ ၂၁ ရက် တွင် Fox News  ရေဒီယိုနှင့် လုပ်ဆောင်သည့်    တွေ့ဆုံမေးမြန်းခန်း တစ်ခု၌ ပြောကြားသည်။