ပါလက်စတိုင်းမှ ဟားမက်အဖွဲ့က အစ္စရေးဓားစာခံ ငါးဦးအား ဖေဖော်ဝါရီလ ၂၂ ရက်တွင် နိုင်ငံတကာကြက်ခြေနီအဖွဲ့သို့ လွှဲပြောင်းပေးအပ်ခဲ့ကြောင်း သိရသည်။
ဟားမက်အဖွဲ့သည် ဓားစာခံသုံးဦးအား ဂါဇာဒေသအလယ်ပိုင်းရှိ အယ်နူဆေရက်ဒုက္ခသည် စခန်း၌ ပြန်လည်လွှဲပြောင်းပေးခြင်းဖြစ်ပြီး အခြားနှစ်ဦးကို ရာဖာမြို့၌ လွှဲပြောင်းပေးခဲ့ခြင်းဖြစ်ကြောင်း အစ္စရေးတပ်မတော်က အတည်ပြုထားသည်။
5G နည်းပညာသည် နိုင်ငံ၏လူမှုစီးပွားရေး အခင်းအကျင်းများကို အသွင်ကူးပြောင်းနိုင်သည့် အလားအလာကောင်းများ ရှိသောကြောင့် အဆိုပါနည်းပညာအား လူမှုရေး၊ စီးပွားရေးအသွင် ကူးပြောင်းမှုအတွက် ပါကစ္စတန်က အသုံးပြုမည်ဖြစ်သည်။
ရုရှားနိုင်ငံသည် တင့်များတွင် ဒရုန်းနည်းပညာများကို ပေါင်းစပ်အသုံးပြုနိုင်ရေးအတွက် ကြိုးပမ်းလျက်ရှိသည်ဟု ရုရှားနိုင်ငံ၏အကြီးဆုံး တင့်ကားထုတ်လုပ်ရေးကုမ္ပဏီ Uralvagonzavod ကပြောသည်။
ယူကရိန်းပဋိပက္ခအပါအဝင် မျက်မှောက်ခေတ်စစ်ပွဲများတွင် ဒရုန်းများ၏ ပိုမိုအရေးပါလာသည့် အခန်းကဏ္ဍကြောင့် ၎င်းဒရုန်းနည်းပညာအား တင့်များတွင် ပေါင်းစပ်အသုံးပြုနိုင်ရန် ကြိုးပမ်းလာခြင်းဖြစ်သည်။
အမေရိကန် စွန့်ဦးတီထွင်သူနှင့် အမေရိကန်အစိုးရ စွမ်းဆောင်ရည်ဌာန (DOGE)အကြီးအကဲ အီလွန်မက်သည် လာမည့်နှစ်တွင် အင်္ဂါဂြိုဟ်သို့ ဉာဏ်ရည်တု (AI) နည်းပညာသုံး စက်ရုပ်များအား စေလွှတ်ရန် ဆန္ဒရှိနေကြောင်း သိရသည်။
အင်္ဂါဂြိုဟ်သို့ ၂၆ လလျှင် တစ်ကြိမ်သွားရောက်ရန် ဖြစ်နိုင်သောကြောင့် ၎င်းဂြိုဟ်သို့စေလွှတ်မည့် မစ်ရှင်ကို ၂၀၂၆ ခုနှစ် နိုဝင်ဘာလတွင် ပြုလုပ်ရန် စီစဉ်ထားကြောင်း မက်က ဖေဖော်ဝါရီလ ၁၈ ရက်တွင် ၎င်း၏ လူမှုကွန်ရက်စာမျက်နှာပေါ်တွင် ရေးသားဖော်ပြထားသည်။