အမေရိကန်မှ အလိုရှိနေသည့် ရုရှားဟက်ကာများကို ထိုင်းတွင် ဖမ်းဆီးရမိ

ကုမ္ပဏီများကို ခြိမ်းခြောက်ငွေညှစ်ခဲ့သော အမေရိကန်နှင့် ဆွစ်ဇာလန် တို့မှ အလိုရှိနေသည့် ရုရှားနိုင်ငံသား လေးဦးအား ဖူးခက်တွင် ဖမ်းဆီးရမိကြောင်း ထိုင်းအာဏာပိုင်များက ပြောသည်။

အသက် ၂၇ နှစ်မှ ၃၉ နှစ်ကြားရှိ သံသယရှိသူများအား Muang နှင့် Thalang ခရိုင်ရှိ နေအိမ်များတွင် ဖမ်းဆီးထိန်းသိမ်းထားကြောင်း Cyber Crime Investigation Bureau အကြီးအကဲ Trairong Phiwpan က ဖေဖော်ဝါရီ ၁၀ ရက်နေ့တွင် ပြောကြားခဲ့သည်ဟု ဘန်ကောက်ပို့စ် သတင်းတွင် ဖော်ပြထားသည်။

အခင်းဖြစ်ရာနေရာမှ ကွန်ပျူတာများနှင့် လက်ကိုင်ဖုန်းများကို သိမ်းဆည်းရမိခဲ့ပြီး သံသယရှိသူလေးဦးသည် ဆွစ်ဇာလန်နိုင်ငံရှိ ကုမ္ပဏီ ၁၇ ခုအား ပစ်မှတ်ထားရန် ransomware ကိုအသုံးပြုကာ ၂၀၂၃ ခုနှစ်၊ ဧပြီလ ၃၀ ရက်နှင့် ၂၀၂၄ ခုနှစ်၊ အောက်တိုဘာလ ၂၆ ရက်ကြားတွင် အပေးအယူလုပ်ထားသောစနစ်များ၏ Log ဖွင့်နိုင်ရေး ငွေပေးချေရန် တောင်းဆိုခဲ့သည်ဟု စုံစမ်းစစ်ဆေးသူများက ပြောကြားခဲ့သည်။

၎င်းတို့သည် ခြိမ်းခြောက်သော အီးမေးလ်များပေးပို့ပြီး ငွေပေးချေရန် ငြင်းဆိုထားသည့် အဖွဲ့အစည်းများသို့ ဖုန်းခေါ်ဆိုမှုများလည်း ပြုလုပ်ခဲ့သည်ဟု စွပ်စွဲခံထားရသည်။

ဟက်ကာများသည် ကမ္ဘာတစ်ဝှမ်းရှိ သားကောင် ၁၀၀၀ ထံမှ ခန့်မှန်းခြေ အမေရိကန်ဒေါ်လာ ၁၆ သန်းတန်ဖိုးရှိ Crypto ငွေကြေးများကို ခိုးယူခဲ့သည်ဟု Trairong မှ ပြောကြားခဲ့သည်ဟု The Nation သတင်းတွင် ဖော်ပြထားသည်။

ဖမ်းဆီးရမိသူများအား အရေးယူမှုများ ဆက်လက်လုပ်ဆောင်နိုင်ရန်အတွက် ၎င်းတို့အား အမေရိကန်နှင့် ဆွစ်ဇာလန်နိုင်ငံတို့သို့ လွှဲပြောင်းပေးမည်ဖြစ်ကြောင်း Trairong Phiwpan က ပြောကြားခဲ့သည်။

ကိုးကား-VN Express

Photo: Bangkok Post