ဒရုန်းတွေရဲ့ ပျံသန်းနိုင်စွမ်းကို ၈၈ ရာခိုင်နှုန်းတိုးစေမယ့် တရုတ်ရဲ့ နည်းပညာအသစ်

sacadmin

News Image

  • ဒရုန်းတွေရဲ့ ပျံသန်းနိုင်စွမ်းကို ၈၈ ရာခိုင်နှုန်းတိုးစေမယ့် တရုတ်ရဲ့ နည်းပညာအသစ်

စစ်ဆင်ရေးမှာ ဒရုန်းတွေရဲ့အခန်းကဏ္ဍက မပါမဖြစ်ပါဝင်လာတဲ့အချိန်မှာ ဒရုန်းများရဲ့ ပျံသန်းနိုင်စွမ်းကလည်း မရှိမဖြစ်အရေးကြီးလာပါတယ်။ အထူးသဖြင့် အမြင့်ပျံဒရုန်းများအနေနဲ့ တာဝေးပျံသန်းနိုင်စွမ်းကပိုလို့ အရေးကြီးလာတာဖြစ်ပါတယ်။ ဒီလိုမျိုးအရေးကြီးမှုကို    တရုတ်ကာကွယ်ရေးဆိုင်ရာ သိပ္ပံပညာရှင်များက ရှုမြင်ထားတာကြောင့် ဒရုန်းများအနေနဲ့ ခရီးဝေး ပိုမိုပျံသန်းနိုင်မယ့်  နည်းပညာတစ်ခုကိုတီထွင်လိုက်ပါတယ်။

တရုတ်သိပ္ပံပညာရှင်များ တီထွင်လိုက်တဲ့နည်းပညာက ပလာစမာနိုးကြားမှုနည်းပညာဖြစ်ပါတယ်။ ဒီနည်းပညာက လေစီးဆင်းမှုကို ထိန်းချုပ်ကိုင်တွယ်ခြင်းဖြင့် ဒရုန်းရဲ့လေခွင်းနိုင်မှုစွမ်းရည်ကို ပိုမိုတိုးတက်စေကာ ခရီးဝေးပျံသန်းမှုစွမ်းရည်ကို ရရှိပိုင်ဆိုင်နိုင်စေမှာဖြစ်ပါတယ်။

အမေရိကန်ရဲ့ RQ-4 Global Hawk ဒါမှမဟုတ် တရုတ်ရဲ့ CH-9 လိုမျိုးအမြင့်ပျံဒရုန်းများက မြေပြင်အထက်မှမီတာ ၁၀၀၀၀ အကွာအဝေးကနေ လေထဲမှာ နာရီပေါင်း ၄၀ အထိနေနိုင်စွမ်းရှိပါတယ်။ ဒါပေမဲ့ ဒီလောက်ထိမြင့်တဲ့အမြင့်ကနေ ပျံသန်းချိန်မှာ လေထုကပါးလွှာလာတာကြောင့် ဒရုန်းရဲ့လေခွင်းနိုင်စွမ်းကိုလျော့ကျသွားစေတာပါ။ လေခွင်းနိုင်စွမ်းလျော့ကျသွားချိန်မှာ ဒရုန်းရဲ့အရှိန်သည်လည်း တစ်စက္ကန့်ကို ၁၅ မီတာကနေ ၈ မီတာ အထိကျဆင်းသွားတဲ့အခါ လေပင့်အားက ၆၀ ရာခိုင်နှုန်းအထိ ထိုးကျသွားတာကို သုတေသီများက တွေ့ရှိလိုက်ပါတယ်။

ဒါကြောင့် တရုတ်နိုင်ငံရဲ့လေကြောင်း နည်းပညာသုတေသနနဲ့ ဖွံ့ဖြိုးတိုးတက်ရေးစင်တာမှ သုတေသနပညာရှင်များက ဒရုန်းတောင်ပံများမှာ ပလာစမာနိုးကြားမှုကိရိယာကိုတပ်ဆင်ပြီး လေဥမင်ထဲမှာ စမ်းသပ်မှုတွေ လုပ်ဆောင်ခဲ့ပါတယ်။ ဒီကိရိယာက လေအမှုန်များကို ဓာတ်အားပေးနိုင်တဲ့ ပလာစမာပေါက်ကွဲမှုများကို ဖြစ်ပေါ်စေတာတွေ့လိုက်ရပါတယ်။

တောင်ပံတစ်ဝိုက်မှာဖြစ်ပေါ်လာတဲ့ ပလာစမာများက လေစီးကြောင်းနဲ့အပြန်အလှန်တုံ့ပြန်မှုဖြစ်ပေါ်ပြီး လေပင့်အား အချိုးကို ၈၈ ရာခိုင်နှုန်းအထိမြင့်တက် လာစေတာကို တွေ့ရပါတယ်။ ဒါကြောင့် ဒီနည်းပညာက အလွန်နှေးကွေးတဲ့အရှိန်နဲ့ပျံသန်းနေတဲ့ ဒရုန်းတွေကိုတောင်မှ လေထဲမှာအချိန်ကြာမြင့်စွာ တည်ရှိနေနိုင်စေတယ်လို့ ဆိုပါတယ်။

ဒါပေမဲ့ အားနည်းချက်တစ်ခုက ပလာစမာလေဝဲများကြောင့် ဒရုန်းကိုကွေ့တဲ့အခါ ဒါမှမဟုတ် အထက်ကိုတက်တဲ့အခါမျိုးတွေမှာ မတည်ငြိမ်မှုကိုဖြစ်ပေါ်စေတာဖြစ်ပါတယ်။ ဒီအတွက် သင့်လျော်တဲ့ ထိန်းချုပ်မှုစနစ်ရှိဖို့လိုအပ်ပြန်ပါတယ်။ ဒီလိုအပ်ချက်ကို  ဖြည့်ဆည်းနိုင်ဖို့အတွက် သုတေသနပညာရှင်များက ထိန်းချုပ်ရေးစနစ်တစ်ခုကို ဖန်တီးထားတယ်လို့ဆိုပါတယ်။ အဲဒီစနစ်က ဒရုန်းရဲ့လုပ်ဆောင်မှုအပေါ်မူတည်ပြီး ပလာစမာထွက်ရှိမှုကို လိုအပ်သလို ထိန်းချုပ်ပေးမယ့်စနစ်ဖြစ်တာကြောင့် အခုတီထွင်မှုက ဒရုန်းစစ်ဆင်ရေးအတွက် အရေးကြီးတယ်လို့ ဆိုနိုင်ပါတယ်။

Source: Myawady Web Portal

နည်းပညာသတင်း

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

မိုးရာသီစတင်နေပြီဖြစ်၍ သဘာဝဘေးများကို ကြိုတင်ပြင်ဆင်ထားရန် တောင်ကိုရီးယားတွင် ပြည်သူများထံ သတိပေးချက်ထုတ်ပြန်
မိုးရာသီစတင်နေပြီဖြစ်၍ သဘာဝဘေးများကို ကြိုတင်ပြင်ဆင်ထားရန် တောင်ကိုရီးယားတွင် ပြည်သူများထံ သတိပေးချက်ထုတ်ပြန်
ဆိုးလ် ဇွန် ၁၉တောင်ကိုရီးယားနိုင်ငံတွင် မိုးရာသီ ဝင်ရောက်လာပြီး မိုးရွာသွန်းမှုများလည်း ယနေ့မှစတင်နေပြီဖြစ်သည့်အတွက် ကြိုတင်ပြင်ဆင်မှုများ ပြုလုပ်ထားရန် ပြည်ထဲရေးဝန်ကြီးက သတိပေးချက်ထုတ်ပြန်ခဲ့ကြောင်း ယနေ့ သတင်းများတွင်ဖော်ပြထားသည်။မိုးရာသီအတွင်း ပြည်သူများ အန္တရာယ် ကင်းစေရေးအတွက် သက်ဆိုင်ရာ အာဏာပိုင်အဖွဲ့အစည်းများကိုလည်း ကြိုတင်ပြင်ဆင်မှုများနှင့် ကူညီကယ်ဆယ် ရေးလုပ်ငန်းများ ပြုလုပ်ထားရန် ပြည်ထဲရေးဝန်ကြီးက ထုတ်ပြန်ထားကြောင်း၊ ပြည်ထဲရေးဝန်ကြီးသည် ဆိုးလ်မြို့တွင်အစိုးရအဖွဲ့ဝင်များဖြင့် အစည်းအဝေးတစ်ရပ် ကျင်းပခဲ့ပြီး ဖြစ်ပေါ်လာနိုင်သည့်သဘာဝဘေးအန္တရာယ်အတွက် ကြိုတင်ပြင်ဆင်ရေးဆိုင်ရာ ဆွေးနွေးညှိနှိုင်းမှုများလည်း ပြုလုပ်ခဲ့ကြောင်း၊ မိုးရာသီကာလအတွင်း မိုးရွာသွန်း မှုများနှင့်ပတ်သက်ပြီး ပြည်သူများ အတွက် မိုးလေဝသခန့်မှန်းချက်များကို အချိန်နှင့်တစ်ပြေးညီ ထုတ်ပြန်ပေးသွားမည်ဖြစ် ကြောင်းလည်း Korea Meteorological Administration (KMA) က ထုတ်ပြန်ခဲ့သည်။“တောင်ကိုရီးယားနိုင်ငံမှာ မိုးရာသီ စတင်ပြီဖြစ်ပါတယ်။ မိုးရာသီအတွင်း ရင်ဆိုင်ရနိုင်တဲ့ သဘာဝဘေးဒဏ်တွေနဲ့ပတ်သက်ပြီးတော့ ကြိုတင်ပြင်ဆင်မှုတွေ ပြုလုပ်ထားဖို့နဲ့ ကူညီကယ်ဆယ်ရေးလုပ်ငန်းတွေလုပ်ဖို့ စီစဉ်နေပါပြီ။ အဓိကကတော့ ရေကြီးရေလျှံမှုအတားအဆီးတွေ တည်ဆောက်သွားဖို့ ပြင်ဆင်သွားပါ မယ်”ဟု ပြည်ထဲရေးဝန်ကြီး ပြောရေးဆိုခွင့်ရှိသူတစ်ဦးက ပြောကြားခဲ့ကြောင်း သိရသည်။Ref: Sputnik NewsTrs: Sai SatYDNB Newspaper
Fri, 20-Jun-2025
အမေရိကန်နိုင်ငံ NAACP က အီလွန်မက်စ်၏ xAI ကုမ္ပဏီကို လေထုညစ်ညမ်းစေမှုဖြင့် တရားစွဲဆိုရန်ပြင်ဆင်နေကြောင်း ထုတ်ပြန်
အမေရိကန်နိုင်ငံ NAACP က အီလွန်မက်စ်၏ xAI ကုမ္ပဏီကို လေထုညစ်ညမ်းစေမှုဖြင့် တရားစွဲဆိုရန်ပြင်ဆင်နေကြောင်း ထုတ်ပြန်
ဝါရှင်တန် ဇွန် ၁၉အမေရိကန်နိုင်ငံ တန်နက်စီ ပြည်နယ် မပ်ဖစ်မြို့တွင် ဘီလီယံနာ အီလွန်မက်စ်ပိုင်ဆိုင်သည့် xAI ကုမ္ပဏီကြောင့် လေထုညစ်ညမ်းမှုများ ဖြစ်ပေါ်နေသဖြင့် National Association for the Advancement of colored People (NA-ACP) က တရားစွဲဆိုရန်ပြင်ဆင်နေ ကြောင်း ယနေ့သတင်းများတွင် ဖော်ပြထားသည်။NAACP အနေဖြင့် အီလွန်မက်စ်ကုမ္ပဏီကို တရားဥပဒေလမ်းကြောင်းအတိုင်းရင်ဆိုင်သွားမည်ဖြစ်ပြီး မကြာမီ တရားစွဲဆိုမှု ပြုလုပ်သွားမည်ဖြစ်ကြောင်း xAI ကုမ္ပဏီ၏ အချက်အလက် စုဆောင်းသည့်စင်တာမှ ဖန်လုံအိမ်အာနိသင်ဓာတ်ငွေ့များ ထုတ်လွှတ်နေမှုသည် မမ်ဖစ်မြို့၏ လေထုညစ်ညမ်းမှုကို ဆိုးရွားစွာ ဖြစ်ပေါ်လာစေကြောင်း NAACP က အချက်အလက်များနှင့်တကွ ထုတ်ပြန်ခဲ့သည်။"မမ်ဖစ်မြို့က ပြည်သူတွေရဲ့ ကျန်းမာရေးလုံခြုံမှုကို ခြိမ်းခြောက် နေတဲ့အရာတွေကို တားမြစ်သွားဖို့အတွက် တရားဥပဒေလမ်း ကြောင်းအတိုင်း ဆောင်ရွက်သွားမယ်။ xAI ကုမ္ပဏီရဲ့ အချက်အလက်စုဆောင်းတဲ့ စင်တာကနေ ဖန်လုံအိမ်အာနိသင် ဓာတ်ငွေ့ထုတ်လွှတ်မှုနှုန်းက အရမ်းကို မြင့်မားနေတယ်။ စင်တာအတွက် လိုအပ်တဲ့ လျှပ်စစ်စွမ်းအင်တွေကို သဘာဝဓာတ်ငွေ့ တာဘိုင်တွေ တည်ဆောက်ပြီး ထုတ်ယူ​​နေတယ်။ ဒီတာဘိုင်တွေဟာ ခွင့်ပြုချက်မရှိဘဲ တည်ဆောက်ထားတာဖြစ်ပါတယ်။ သဘာဝပတ်ဝန်းကျင်ထိန်းသိမ်းရေးဥပဒေနဲ့ ငြိစွန်းနေပါတယ်။ လေထုညစ်ညမ်းမှုတွေလဲ ဖြစ်ပေါ်စေတဲ့အတွက်ကြောင့်တရားဥပဒေလမ်းကြောင်းအတိုင်း ရင်ဆိုင်သွားဖို့ ပြင်ဆင်နေပါတယ်" ဟု Southem Envi ronmental Law Center (SELC) မှ စီနီယာရှေ့နေတစ်ဦးဖြစ်သူ ပက်ထရစ်အန်ဒါဆင်က ပြောကြားခဲ့သည်။Ref: Russia TodayTrs:  Sai SatYDNB Newspaper
Fri, 20-Jun-2025
တိုင်းဒေသကြီးနှင့် ပြည်နယ်များတွင် ဒေသအလိုက် နေရာကွက်၍ မိုးကြီးမည်
တိုင်းဒေသကြီးနှင့် ပြည်နယ်များတွင် ဒေသအလိုက် နေရာကွက်၍ မိုးကြီးမည်
နေပြည်တော် ဇွန် ၁၉ယနေ့ညနေ ၅ နာရီခွဲအချိန်တိုင်းထွာချက်များအရ အိန္ဒိယနိုင်ငံ အနောက်ဘင်္ဂလား ပြည်နယ်တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း၏အရှိန်ကြောင့်လည်းကောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအားကောင်းရာမှ အားအလွန်ကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှရွေ့လျားလာသော လေပွေလှိုင်းများ၏အရှိန်ကြောင့်လည်းကောင်း ယနေ့ညမှ ဇွန်၂၅ ရက်အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည် နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်သည်။ မိုးသက်လေပြင်းကျစဉ် ရေပြင်၊ မြေပြင်လေသည် တစ်နာရီလျှင် မိုင် ၃၀ ထိ တိုက်ခတ်နိုင်သည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ၁ဝ ပေ မှ ၁၂ ပေခန့်ရှိနိုင်သည်။သို့ဖြစ်ပါ၍ မိုးသည်းထန်စွာ ရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက် ရေကြီးခြင်းနှင့် မြေပြိုခြင်း စသည့်သဘာဝဘေးအန္တရာယ်များ ဖြစ်ပေါ်နိုင်သဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှု အန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့်   ဆည်မြောင်း တာတမံများအနေ​ဖြင့် လိုအပ်သည်များ ကြိုတင်ပြင်ဆင်ဆောင်ရွက်ထားနိုင်ရန် သတိပေးနှိုးဆော်အပ်ပါသည်။(မိုး/ဇလ)
Fri, 20-Jun-2025
ဘင်းမ်စတက်အဖွဲ့ဝင်နိုင်ငံများ၌ စိုက်ပျိုးရေးဆိုင်ရာကုန်သွယ်မှုနှင့် ရင်းနှီးမြှုပ်နှံမှုများမြှင့်တင်နိုင်ရန် အမျိုးသားပို့ကုန်ဆိုင်ရာ မဟာဗျူဟာများ မျှဝေဖလှယ်ခြင်းဆိုင်ရာ ဒေသတွင်းအလုပ်ရုံဆွေးနွေးပွဲ မြန်မာနိုင်ငံက အိမ်ရှင်အဖြစ် လက်ခံကျင်းပ
ဘင်းမ်စတက်အဖွဲ့ဝင်နိုင်ငံများ၌ စိုက်ပျိုးရေးဆိုင်ရာကုန်သွယ်မှုနှင့် ရင်းနှီးမြှုပ်နှံမှုများမြှင့်တင်နိုင်ရန် အမျိုးသားပို့ကုန်ဆိုင်ရာ မဟာဗျူဟာများ မျှဝေဖလှယ်ခြင်းဆိုင်ရာ ဒေသတွင်းအလုပ်ရုံဆွေးနွေးပွဲ မြန်မာနိုင်ငံက အိမ်ရှင်အဖြစ် လက်ခံကျင်းပ
နေပြည်တော် ဇွန် ၁၉ဘင်းမ်စတက်အဖွဲ့ဝင်နိုင်ငံများ၌ စိုက်ပျိုးရေးဆိုင်ရာကုန်သွယ်မှုနှင့် ရင်းနှီးမြှုပ်နှံမှုများ မြှင့်တင်နိုင်ရန် အမျိုးသားပို့ကုန်ဆိုင်ရာမဟာဗျူဟာများ မျှဝေဖလှယ်ခြင်းဆိုင်ရာ ဒေသတွင်းအလုပ်ရုံဆွေးနွေးပွဲ (Regional Workshop on Sharing National Export Strategies to Enhance Agricultural Trade & Investment in BIMSTEC) ကို ယမန်နေ့ နံနက် ၉ နာရီတွင် အွန်လိုင်းစနစ်ဖြင့် ကျင်းပရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စီမံကိန်းဦးစီးဌာန ညွှန်ကြားရေးမှူးချုပ် ဒေါက်တာသန္တာကြည်က သဘာပတိအဖြစ် ဆောင်ရွက်သည်။ဆွေးနွေးပွဲသို့ အပြည်ပြည်ဆိုင်ရာစားရေရိက္ခာနှင့် မူဝါဒသုတေသနမှ ကျွမ်းကျင်ပညာရှင်၊ မြန်မာနိုင်ငံ ဆန်စပါးအသင်းချုပ်ဥက္ကဋ္ဌ၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ နိုင်ငံခြားရေးဝန်ကြီးဌာနနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတို့မှ ကိုယ်စားလှယ်များ၊ ဘင်းမ်စတက်အဖွဲ့ဝင်နိုင်ငံများမှ ကိုယ်စားလှယ်များနှင့် ဘင်းမ်စတက်အတွင်းရေးမှူးရုံးမှ တာဝန်ရှိသူများ တက်ရောက်ကြသည်။ဘင်းမ်စတက် ပူးပေါင်းဆောင်ရွက်မှုအစီအစဉ်အောက်ရှိ ကဏ္ဍများအနက် စိုက်ပျိုးရေးနှင့် စားရေရိက္ခာဖူလုံရေးကဏ္ဍအား ဦးဆောင်နိုင်ငံအဖြစ် တာဝန်ယူထားသည့် မြန်မာနိုင်ငံအနေဖြင့် ဘင်းမ်စတက် စိုက်ပျိုးရေးပူးပေါင်းဆောင်ရွက်မှု အားကောင်းလာစေရေးဆိုင်ရာ လုပ်ငန်းအစီအစဉ် (၂၀၂၃-၂၀၂၇) အရ ယနေ့ဆွေးနွေးပွဲကို အိမ်ရှင်အဖြစ် လက်ခံကျင်းပခြင်းဖြစ်ကြောင်း၊ ဆွေးနွေးပွဲတွင် ဘင်းမ်စတက်ဒေသတွင်းနိုင်ငံများ စိုက်ပျိုးရေးကဏ္ဍ ဖွံ့ဖြိုးတိုးတက်စေရေး၊ လယ်သမားများ၏ လူနေမှုဘဝမြှင့်တင်ရေးတို့အတွက် အမျိုးသားပို့ကုန်ဆိုင်ရာ မဟာဗျူဟာများ၏ အခန်းကဏ္ဍကို အပြည်ပြည်ဆိုင်ရာ စားရေရိက္ခာ မူဝါဒသုတေသနဌာန၏ ကျွမ်းကျင်ပညာရှင်က လည်းကောင်း၊ ဘင်းမ်စတက်ဒေသတွင်းရှိ စိုက်ပျိုးရေးထွက်ကုန်များ၏ ကုန်သွယ်ရေး လွယ်ကူချောမွေ့စေရေးအတွက် ကြုံတွေ့ရသော စိန်ခေါ်မှုများ၊ အခွင့်အလမ်းများနှင့် ကုန်သွယ်မှု ဆိုင်ရာ အတားအဆီးများကို သတ်မှတ်ဖော်ထုတ်ခြင်းခေါင်းစဉ်ဖြင့် မြန်မာနိုင်ငံဆန်စပါးအသင်းချုပ်၏ ဥက္ကဋ္ဌကလည်းကောင်း၊ ဘင်းမ်စတက်ဒေသတွင်းရှိ စိုက်ပျိုးရေးဆိုင်ရာ ကုန်သွယ်မှုအလားအလာကောင်းများ၊ အခွင့်အလမ်းများနှင့် စိန်ခေါ်မှုများအပေါ် ခြုံငုံသုံးသပ်ခြင်း၊ အဖွဲ့ဝင်နိုင်ငံများရှိ အမျိုးသားပို့ကုန်ဆိုင်ရာ မဟာဗျူဟာများ၊ အလားအလာရှိသော ရင်းနှီးမြှုပ်နှံမည့်နယ်ပယ်များ စသည်တို့ကို ဘာသာရပ်ဆိုင်ရာကိုယ်စားလှယ်များကလည်းကောင်း တင်ပြဆွေးနွေးကြပြီး ဘင်းမ်စတက်ဒေသတွင်းရှိ စိုက်ပျိုးရေးဆိုင်ရာကုန်သွယ်မှုနှင့် ရင်းနှီးမြှုပ်နှံမှုများ မြှင့်တင်နိုင်ရန် အမျိုးသားပို့ကုန်ဆိုင်ရာ မဟာဗျူဟာများ မျှဝေဖလှယ်ခြင်းနှင့် သက်ဆိုင်သည့် ရှေ့ဆက်လက်ဆောင်ရွက်ရမည့်လုပ်ငန်းများကို သတ်မှတ်ဖော်ထုတ်ခဲ့ကြကြောင်း သိရသည်။MNP
Fri, 20-Jun-2025
weather forecast , weather forecast , weather forecast
အထူးမိုးလေဝသသတင်း ( ၂၀၂၅ ခုနှစ်၊ ဇွန်လ ၁၉ ရက်နေ့၊ မြန်မာစံတော်ချိန် ၁၉:၀၀ နာရီအချိန် ထုတ်ပြန်ချက်)
ယနေ့မြန်မာစံတော်ချိန် ၁၇:၃၀ နာရီအချိန် တိုင်းထွာချက်များအရ အိန္ဒိယနိုင်ငံ၊ အနောက် ဘင်္ဂလားပြည်နယ်တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း၏အရှိန်ကြောင့် လည်းကောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေအားကောင်းရာမှ အားအလွန်ကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညမှ ၂၅-၆-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်း ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြန်မာ့ကမ်းရိုး တန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၁၀ ပေမှ ၁၂ ပေခန့် ရှိနိုင် ပါသည်။အကြုံပြုချက် သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့်သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။မိုးဇလ
Fri, 20-Jun-2025
အိန္ဒိယ၌အရေးပေါ် ဆင်းသက်ရသည့် ဗြိတိန်မှ F-35B လေယာဉ် လေဆိပ်တွင် သောင်တင်နေ
အိန္ဒိယ၌အရေးပေါ် ဆင်းသက်ရသည့် ဗြိတိန်မှ F-35B လေယာဉ် လေဆိပ်တွင် သောင်တင်နေ
အိန္ဒိယနိုင်ငံတောင်ပိုင်းရှိ သီရူဗာနမ် သာပူရမ်လေဆိပ်သို့ အရေးပေါ်ဆင်းသက်ရသည့် ဗြိတိန်မှ F-35B တိုက်လေယာဉ်သည် ယခုအခါ လေဆိပ်တွင်သောင်တင်နေပြီဖြစ်ကြောင်း သိရသည်။အဆိုပါလေယာဉ်သည် ပြီးခဲ့သည့် သီတင်းပတ်တွင် နည်းပညာပိုင်းဆိုင်ရာ ချွတ်ယွင်းချက်ကြောင့် အိန္ဒိယရှိလေဆိပ်သို့ အရေးပေါ် ဆင်းသက်ရခြင်းဖြစ်ပြီး ယခု အချိန်အထိ ပြင်ဆင်မှုများ လုပ်ဆောင်၍ မပြီးသေးဘဲ သောင်တင်နေခြင်းဖြစ်သည် ဟု ဒေသတွင်းသတင်း ဌာနများက ဇွန်လ ၁၉ ရက်တွင် ဖော်ပြထားသည်။ထိုတိုက်လေယာဉ်သည် HMS Prince of Wales လေယာဉ်တင်သင်္ဘော ဦးဆောင်သည့် တိုက်ခိုက်ရေးအုပ်မှ တိုက်လေယာဉ် ဖြစ်သည်။ အိန္ဒိယရေတပ်နှင့် ပူးတွဲစစ်ရေး လေ့ကျင့်မှုများ လုပ်ဆောင်ပြီးနောက် ယခုကဲ့သို့ နည်းပညာပိုင်းဆိုင်ရာ ချွတ်ယွင်းချက်ဖြစ်ပေါ်လာခြင်းဖြစ်သည်။အဆိုပါ တိုက်လေယာဉ်ကို လော့ဟိမာ တင်ကုမ္ပဏီက ထုတ်လုပ်ထားခြင်းဖြစ်ပြီး လေယာဉ်တင် သင်္ဘောများတွင် ဒေါင်လိုက် အတက်၊ အဆင်းလုပ်နိုင်အောင် ဒီဇိုင်းဆွဲ ထားခြင်းဖြစ်သည်။     MWD Web Portal
Fri, 20-Jun-2025
© Copyright 2024 SAC All Rights Reserved.