အိန္ဒိယနိုင်ငံတွင်လာမည့် ရက်သတ္တပတ်အတွင်း အပူချိန် ၄၄ ဒီဂရီအထိ မြင့်တက်ဖွယ်ရှိ

sacadmin

News Image

  • အိန္ဒိယနိုင်ငံတွင်လာမည့် ရက်သတ္တပတ်အတွင်း အပူချိန် ၄၄ ဒီဂရီအထိ မြင့်တက်ဖွယ်ရှိ

အိန္ဒိယနိုင်ငံတွင် လာမည့် ရက်သတ္တပတ်အတွင်း အပူချိန်သည် ၄၄ ဒီဂရီအထိမြင့်တက်လာနိုင်ကြောင်း မိုးလေဝသဌာနက ခန့်မှန်းထားသည်။

အပူချိန်မြင့်တက်မှုသည် အဓိကအားဖြင့် ဒေလီမြို့နှင့်နိုင်ငံ အနောက်မြောက်ပိုင်းရှိ ဒေသများတွင် ဖြစ်ပွားလာနိုင်ကြောင်း၊ ယင်းကာလအတွင်း အဆိုပါဒေသများ၌ မိုးရွာသွန်းနိုင်မည် မဟုတ်ကြောင်း မိုးလေ ဝသဌာနက ထုတ်ပြန်သည်။

အိန္ဒိယနိုင်ငံအတွင်း၌ အပူချိန်မြင့်တက်မှုသည် ဇွန်လ ၈ ရက်တွင် ၄၂ ဒီဂရီအထိ မြင့်တက်လာခဲ့ပြီး လာမည့်အပတ်တွင် ၄၄ ဒီဂရီအထိ  မြင့်တက်လာနိုင်သည်ဟု ထုတ်ပြန်ထားသည်။ ဒေလီမြို့တွင် ဇွန်လ ၇ ရက်က အပူချိန်သည် ၃၉ ဒသမ ၈ ဒီဂရီအထိ မြင့်တက်လာခဲ့ပြီး ယင်းမြို့အတွင်းရှိ လေထုအရည်အသွေးမှာလည်း ကျဆင်းလာခဲ့ကြောင်း ထုတ်ပြန်ထားသည်။

ဒေလီမြို့တွင် အာဏာပိုင်များက အပူလှိုင်းဖြတ်သန်းမှုနှင့် စပ်လျဉ်း၍ သတိပေးချက်များ ထုတ်ပြန်ထားခြင်းမရှိသော်လည်း ပန်ဂျပ်ပြည်နယ်၊ ဟာယာနာပြည်နယ်၊ ချိန်ဒီဂါပြည်နယ်၊ အွတ်တာပရာဒေ့ရှ်ပြည်နယ်နင့် မက်ဒရာပရာဒေ့ရှ် ပြည်နယ် များအပါအဝင် နိုင်ငံအနောက်ပိုင်းတွင်လည်း အပူလှိုင်းဖြတ်သန်းနိုင်သည်ဟု မိုးလေဝသဌာနက ထုတ်ပြန်ထားသည်။

အိန္ဒိယနိုင်ငံတွင် ဇွန်လမှစ၍ မိုးရွာသွန်းလေ့ရှိသော်လည်း   ယခုအခါ  အပူချိန် ဆက်လက်မြင့်တက်လျက်ရှိသည်။

MWD Web Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

လွန်ခဲ့သည့် နှစ်ပေါင်း ၃၂၀၀ ခန့် ထရိုဂျင်စစ်ပွဲကာလ အတွင်းက အသုံးပြုခဲ့သည့် သံချပ်ကာအင်္ကျီတစ်ထည်အား ပညာရှင်များက ချက်သမ္မတနိုင်ငံတွင် တူးဖော်တွေ့ရှိ
လွန်ခဲ့သည့် နှစ်ပေါင်း ၃၂၀၀ ခန့် ထရိုဂျင်စစ်ပွဲကာလ အတွင်းက အသုံးပြုခဲ့သည့် သံချပ်ကာအင်္ကျီတစ်ထည်အား ပညာရှင်များက ချက်သမ္မတနိုင်ငံတွင် တူးဖော်တွေ့ရှိ
ရှေးဟောင်းသုတေသနပညာရှင်များသည် လွန်ခဲ့သည့်နှစ်ပေါင်း  ၃၂၀၀  ခန့် ကြေးခေတ်နှောင်းပိုင်း     ထရိုဂျင်စစ်ပွဲကာလအတွင်းက     အသုံးပြုခဲ့သည့် သံချပ်ကာအင်္ကျီတစ်ထည်အား ချက်သမ္မတနိုင်ငံတွင် တူးဖော်တွေ့ရှိခဲ့သည်။အဆိုပါ  ကြေးခေတ်သံချပ်ကာအင်္ကျီအား ပညာရှင်များက ဘော်နိုမြို့အနီးရှိ မိုရာဗီးယားဒေသ    တောင်ပိုင်းတွင် နှစ်နှစ်ကြာတူးဖော်ခဲ့ရာမှ တွေ့ရှိခဲ့ခြင်းဖြစ်သည်။ ထို့ပြင် သုတေသီများသည် အဆိုပါသံချပ်ကာအင်္ကျီနှင့်အတူ လှံခေါင်း၊ တံစဉ်၊ အပ်ချောင်း၊ မှိန်းနှင့် ကြေးဖြင့် ပြုလုပ်ထား သည့် အခြားပစ္စည်းအစိတ်အပိုင်းများကိုပါ တူးဖော်တွေ့ရှိခဲ့ကြသည်။ယခုရှာဖွေတွေ့ရှိခဲ့သည့် ပစ္စည်းများကို ရှေးရိုးရာဓလေ့အရ     မြှုပ်နှံသင်္ဂြိုဟ်မှုမပြုလုပ်မီ အဆိုပါ လက်နက်ပစ္စည်းများအား ရည်ရွယ်ချက်ရှိရှိ ဖျက်ဆီးခဲ့ခြင်းဖြစ်သည်ဟု ပညာရှင်များက ယူဆထားသည်။သုတေသီများ  တူးဖော်တွေ့ရှိခဲ့သည့် ကြေးခေတ်သံချပ်ကာအင်္ကျီသည်  ဘီစီ ၁၆၀၀ မှ  ဘီစီ ၁၂၀၀ အတွင်းဖြစ်ပွားခဲ့သည့် ထရိုဂျင်စစ်ပွဲနှင့် ဆက်စပ်နေပြီး ထိုစဉ်က ရာထူးအဆင့်အတန်းအားဖြင့်   မြင့်မားသည့်  သူရဲကောင်းအချို့ကသာ  ထိုသို့သော သံချပ်ကာအင်္ကျီမျိုးကို   ဝတ်ဆင်လေ့ရှိကြောင်း၊ ထို့ကြောင့် ထရိုဂျင်စစ်ပွဲကာလအတွင်းအသုံးပြုခဲ့သည့် သံချပ်ကာအင်္ကျီ ကဲ့သို့သော    ရှားပါးအမွေအနှစ်မျိုးကို တူးဖော်တွေ့ရှိခဲ့ခြင်းသည် ထူးခြားမှုပင်ဖြစ်ကြောင်း      ဘော်နိုမြို့ပြတိုက်မှ ညွှန်ကြားရေးမှူး     ဇစ်ဘ်နက်ဆော့က ပြောကြားထားသည်။         Ref: AoMWD Web Portal
Sun, 27-Jul-2025
မြန်မာ-ရုရှား နှစ်နိုင်ငံကျားထိန်းသိမ်းရေးအထိမ်းအမှတ်မှသည် နည်းပညာပူးပေါင်းဆောင်ရွက်မှုဖြင့် ကျားကောင်ရေတည်တံ့မှုကို အထောက်အကူပြုနိုင်
မြန်မာ-ရုရှား နှစ်နိုင်ငံကျားထိန်းသိမ်းရေးအထိမ်းအမှတ်မှသည် နည်းပညာပူးပေါင်းဆောင်ရွက်မှုဖြင့် ကျားကောင်ရေတည်တံ့မှုကို အထောက်အကူပြုနိုင်
ရန်ကုန် ဇူလိုင် ၂၆မြန်မာ-ရုရှား နှစ်နိုင်ငံကျားထိန်းသိမ်းရေးအထိမ်းအမှတ် Block of Stamp အထူးထုတ် စာပို့တံဆိပ်ခေါင်းသစ်တစ်မျိုးကို ဇူလိုင် ၂၀ ရက်က မြန်မာ့စာတိုက်လုပ်ငန်းမှ ထုတ်ဝေခဲ့ပြီး မြန်မာ-ရုရှား နှစ်နိုင်ငံကျားထိန်းသိမ်းရေးအထိမ်းအမှတ်မှသည် နည်းပညာပူးပေါင်းဆောင်ရွက်မှုဖြင့် ကျားကောင်ရေတည်တံ့မှုကို အထောက်အကူပြုနိုင်မည်ဖြစ်ကြောင်း သိရသည်။ရုရှားနိုင်ငံ ဗလာဒီဗော့စတော့မြို့တွင် ၂၀၂၂ ခုနှစ် စက်တင်ဘာ ၅ ရက်မှ ၈ ရက်အထိ ကျင်းပခဲ့သည့် ဒုတိယအကြိမ် အပြည်ပြည်ဆိုင်ရာ ကျားထိန်းသိမ်းရေးဖိုရမ်တွင် ကျားကျက်စားရာနိုင်ငံပေါင်း ၁၄ နိုင်ငံ ပါဝင်တက်ရောက်ခဲ့သည်။ ဖိုရမ်အောင်မြင်စွာကျင်းပနိုင်ခြင်း အထိမ်းအမှတ်အဖြစ် ၂၀၂၂ ခုနှစ် စက်တင်ဘာ ၅ ရက်နေ့စွဲဖြင့် ကျားတံဆိပ်ခေါင်းပူးတွဲ ထုတ်ဝေမည့် သဘောတူညီမှုကိုရရှိခဲ့သည်။ မြန်မာနိုင်ငံက အတည်ပြုထားသည့် ကျားတံဆိပ်ခေါင်းသုံးခုအား ရုရှားဖက်ဒရေးရှင်းနိုင်ငံ တံဆိပ်ခေါင်းထုတ်ဝေမည့် MARKA သို့ ပေးပို့ခဲ့၍ မြန်မာနိုင်ငံ၌ ဇူလိုင် ၂၀ ရက်တွင် နေပြည်တော်စာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးနှင့် တိုင်းဒေသကြီးနှင့် ပြည်နယ်တို့ရှိ စာတိုက်များတွင် တစ်ပြိုင်တည်း ထုတ်ဝေရောင်းချခဲ့ခြင်းဖြစ်သည်။တံဆိပ်ခေါင်း သုံးခုပေါ်၌ မြန်မာ့ကျားပုံနှင့်အတူ မြန်မာ-ရုရှား နှစ်နိုင်ငံအလံအမှတ်တံဆိပ်ပါရှိပြီး ဇူလိုင် ၂၀ ရက် (တနင်္ဂနွေနေ့) တွင် ထုတ်ဝေသည့်အတွက် ထိုနေ့စွဲအမှတ်အသားကိုလည်း စာပို့တံဆိပ်ခေါင်းပေါ်၌ ရိုက်နှိပ်ထားသည်။“ကျားထိန်းသိမ်းရေးဆိုတာ တစ်နိုင်ငံတည်း ထိန်းသိမ်းလို့ရတာမဟုတ်တဲ့အတွက် တစ်နိုင်ငံနဲ့ တစ်နိုင်ငံဝိုင်းဝန်းပူးပေါင်းထိန်းသိမ်းသွားမယ်ဆိုရင် မျိုးသုဉ်းပျောက်ကွယ်မယ့် အန္တရာယ်ကိုလည်း တားဆီးနိုင်မှာပါ။ ရုရှားနိုင်ငံနဲ့ နည်းပညာပိုင်းဆိုင်ရာ ထိန်းသိမ်းရေးလုပ်ငန်းစဉ်မှာ ပူးပေါင်းဆောင်ရွက်သွားမယ်ဆိုရင် မြန်မာနိုင်ငံရဲ့ ကျားကောင်ရေတည်တံ့မှုကို အထောက်အကူဖြစ်စေမှာ အမှန်ပါ” ဟု တနင်္သာရီ သဘာဝကြိုးဝိုင်းဦးစီးအရာရှိ ဦးငြိမ်းအောင်က ပြောသည်။မြန်မာ-ရုရှားနှစ်နိုင်ငံ ကျားထိန်းသိမ်းရေးအထိမ်းအမှတ်အဖြစ် ထုတ်ဝေသည့် ၂၀၀ ကျပ်တန် သုံးခုပါ စာပို့တံဆိပ်ခေါင်းသစ်ထုတ်ဝေနိုင်ရန် ရန်ကုန်၊ မန္တလေးနှင့် နေပြည်တော်တိရစ္ဆာန်ဥယျာဉ်၊ ဟူးကောင်းနှင့် ထမံသီတောရိုင်းတိရစ္ဆာန်ဘေးမဲ့တောတို့တွင် ရိုက်ကူးခဲ့သောပုံများနှင့် ကင်မရာထောင်ချောက်များမှ ရိုက်ကူးခဲ့သော ကျားပုံများကို အသုံးပြု၍ ကျားတံဆိပ် ခေါင်း ၂၆ ခု ဒီဇိုင်းရေးဆွဲခဲ့ပြီး အဆိုပါဒီဇိုင်းများမှ သုံးခုကို သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပို့ဆောင်ရေးနှင့်ဆက်သွယ်ရေးဝန်ကြီးဌာနတို့ ညှိနှိုင်းပူးပေါင်းဆောင်ရွက်မှုဖြင့် တံဆိပ်ခေါင်းအဖြစ် ထုတ်ဝေနိုင်ခဲ့ခြင်းဖြစ်ကြောင်း သိရသည်။ဥဿ၊ ဓာတ်ပုံ - ကိုကိုလွင်
Sun, 27-Jul-2025
ကျွန်းစုမြို့နှင့် မြိတ်မြို့သို့ ပြေးဆွဲနေသော အမြန်ရေယာဉ်များ ရာသီဥတုကောင်းမွန်မှုကြောင့် ပုံမှန်အတိုင်း ပြန်လည်ပြေးဆွဲ
ကျွန်းစုမြို့နှင့် မြိတ်မြို့သို့ ပြေးဆွဲနေသော အမြန်ရေယာဉ်များ ရာသီဥတုကောင်းမွန်မှုကြောင့် ပုံမှန်အတိုင်း ပြန်လည်ပြေးဆွဲ
ကျွန်းစု ဇူလိုင် ၂၆တနင်္သာရီတိုင်းဒေသကြီးအတွင်းရှိ ကျွန်းစုမြို့နှင့် မြိတ်မြို့သို့ ပြေးဆွဲနေသော အမြန်ရေယာဉ်များနှင့် ကုန်တင်စက်လှေများသည် ဇူလိုင် ၂၃ ရက်မှစ၍ ရာသီဥတုအခြေအနေကြောင့် ခေတ္တရပ်နားထားရှိရာမှ ယနေ့နံနက်ပိုင်းတွင် အမြန်‌ရေယာဉ်များ ပုံမှန်အတိုင်း ပြန်လည်ပြေးဆွဲနေပြီဖြစ်ကြောင်း သိရသည်။တနင်္သာရီတိုင်းဒေသကြီး မိုးလေဝသနှင့်ဇလဗေဒညွှန်ကြားမှုဦးစီးဌာနက တစ်နာရီလျှင် လေတိုက်နှုန်း ၃၅ မိုင်မှ မိုင် ၄၀ နှင့် ပင်လယ်ပြင်အခြေအနေမှာ လှိုင်းကြီးရာမှ လှိုင်းအလွန်ကြီးမည်ဖြစ်သဖြင့် မြိတ် - ကျွန်းစု - မြိတ်ခရီးစဉ် ပြေးဆွဲနေသော သစ်သားခွံကုန်တင်စက်လှေများ၊ အပျော်စီးရေယာဉ်များနှင့် ကမ်းရိုးတန်းသွားခရီးသည်တင် အမြန်ရေယာဉ်များအားလုံး ထွက်ခွာခွင့် လုံးဝ (လုံးဝ) မပြုကြောင်း၊ ရေယာဉ်ထွက်ခွာခဲ့ပါက ဖြစ်ပေါ်လာနိုင်မည့် နောက်ဆက်တွဲပြဿနာများအတွက် ရေယာဉ်ပိုင်ရှင်၏ တာဝန်သာဖြစ်ကြောင်း၊ မြိတ် - ကျွန်းစု - မြိတ်ခရီးစဉ်ပြေးဆွဲမည့် ခရီးသည်တင်အမြန်ရေယာဉ်များအနေဖြင့် ပင်လယ်ပြင်တွင် လှိုင်းကြီးမည်ဖြစ်ပါ၍ ခရီးသည်အားလုံးကို ရေယာဉ်အတွင်း၌သာ စီးနင်းကြရန်တို့ကို ဇူလိုင် ၂၂ ရက်က ထုတ်ပြန်ထားကြောင်း သိရသည်။ကျွန်းစုမြို့တွင် နေ့စဉ်အမြန်ရေယာဉ်အတက်၊ အဆင်းနှစ်ခေါက်နှင့် သစ်သားခွံကုန်တင်စက်လှေအတက်၊ အဆင်းတစ်ခေါက်ပြေးဆွဲလျက်ရှိရာ ယခုအချိန်တွင် ရာသီဥတုအခြေအနေကြောင့် ခေတ္တရပ်နားထားရှိသော အမြန်ရေယာဉ်များသည် တိုင်းဒေသကြီး မိုး/ဇလမှ ရာသီဥတုကောင်းမွန်၍ ရေယာဉ်များ ထွက်ခွာခွင့်ရရှိကာ ပုံမှန်အတိုင်း ပြန်လည်ပြေးဆွဲနေပြီဖြစ်ကြောင်း သိရသည်။ထက်မြင့် (ကျွန်းစု)
Sun, 27-Jul-2025
နယူးဒေလီမြို့အနီးတွင် သံရုံးအတုဖွင့်လှစ်ခဲ့သည့် စီးပွားရေး သမားတစ်ဦးအား ရဲတပ်ဖွဲ့က ဖမ်းဆီး
နယူးဒေလီမြို့အနီးတွင် သံရုံးအတုဖွင့်လှစ်ခဲ့သည့် စီးပွားရေး သမားတစ်ဦးအား ရဲတပ်ဖွဲ့က ဖမ်းဆီး
အိန္ဒိယနိုင်ငံ နယူးဒေလီမြို့အနီးတွင် သံရုံးအတုဖွင့်လှစ်ခဲ့သည့် စီးပွားရေးသမားတစ်ဦးအား ရဲတပ်ဖွဲ့က ဖမ်းဆီးခဲ့ကြောင်းသိရသည်။အိန္ဒိယရဲတပ်ဖွဲ့သည်   အသက် ၄၅ နှစ်အရွယ်   ဟာ့ရှ်ဗာဒန်ဂျိန်းအမည်ရှိ အမျိုးသားတစ်ဦးအား လက်တွေ့တွင် တကယ်မရှိသည့် နိုင်ငံများအား ကိုယ်စားပြုသည့် သံရုံးအတု ဖွင့်လှစ်မှုဖြင့် ဂါဇီယာဘတ်မြို့တွင် ဖမ်းဆီးခဲ့ခြင်း ဖြစ်ကြောင်း အာဏာပိုင်အဖွဲ့မှ တာဝန်ရှိသူတစ်ဦးက ဇူလိုင်လ ၂၄ ရက်တွင် ပြောသည်။ဖမ်းဆီးခံခဲ့ရသည့် ဗာဒန်ဂျိန်းသည် အနောက်အာဖရိကရှိ နိုင်ငံအတုများဖြစ်သည့် ဆာဘော်ဂါ၊ ပူဗီယားနှင့် လန်ဒန်နီးယား စသည့်နိုင်ငံများ၏  သံအမတ်သို့မဟုတ် ကောင်စစ်ဝန်အဖြစ် ဟန်ဆောင်ခဲ့ပြီး ငှားရမ်းထားသည့် ၎င်း၏နေအိမ်တွင်လည်း သံမှူးအဆောင်အယောင်များကို နေအိမ်တွင် ချိတ်ဆွဲဖော်ပြထားကြောင်း အွတ်တာပရာဒေ့ရှ်ပြည်နယ် အထူးရဲတပ်ဖွဲ့က ထုတ်ပြန်သည်။ထို့ပြင် ဗာဒန်ဂျိန်းသည် ၎င်းနေထိုင်သည့် နေအိမ်တွင်လည်း တကယ်မရှိသည့် အလံများကို လွှင့်ထူထားပြီး စာရွက်စာတမ်းအတုများနှင့် လိမ်လည်မှုများကို လုပ်ဆောင်လျက်ရှိသည်ဟု  ရဲတပ်ဖွဲ့က စွပ်စွဲထားသည်။ရဲတပ်ဖွဲ့သည်  ၎င်းအား ဖမ်းဆီးစဉ် ၎င်း၏နေအိမ်အတွင်း၌   သံအမှုထမ်း နံပါတ်ပြားတပ် မော်တော်ကားလေးစင်း၊ နံပါတ်ပြားအတု ၂၀ ခု၊ သံအမှုထမ်းများကိုင်ဆောင်သည့် နိုင်ငံကူးလက်မှတ်အတု ၁၂ ခု၊ အိန္ဒိယနိုင်ငံခြားရေး ဝန်ကြီးဌာနက တရားဝင်   အသိအမှတ်ပြုထားသည့် သက်သေအထောက်အထား အတုများနှင့် အခြားစာရွက်စာတမ်းများကိုပါ သိမ်းဆည်းနိုင်ခဲ့ကြောင်း သိရသည်။   MWD Web Portal 
Sat, 26-Jul-2025
လော့ဟိမာတင်ကုမ္ပဏီမှ ရဟတ်ယာဉ် နှစ်စင်းဝယ်ယူရန် ဗီယက်နမ် သဘောတူ
လော့ဟိမာတင်ကုမ္ပဏီမှ ရဟတ်ယာဉ် နှစ်စင်းဝယ်ယူရန် ဗီယက်နမ် သဘောတူ
ဗီယက်နမ်နိုင်ငံသည် အမေရိကန်ပြည်ထောင်စု လော့ဟိမာတင်ကုမ္ပဏီမှ Sikorsky ရဟတ်ယာဉ်နှစ်စင်းဝယ်ယူရန် ဗီယက်နမ်ပြည်သူ့ လုံခြုံရေးဝန်ကြီးဌာနက သဘောတူညီလိုက်ပြီဖြစ်ကြောင်း ဝန်ကြီးဌာနနှင့် နီးစပ်သူများကပြောသည်။ဗီယက်နမ်ပြည်သူ့လုံခြုံရေးဝန်ကြီးဌာနသည် အဆိုပါရဟတ်ယာဉ်များ ဝယ်ယူနိုင်ရေး အတွက် ပြီးခဲ့သည့် ၂၀၂၂ ခုနှစ်မှစ၍ အမေရိကန်အစိုးရနှင့် ဆွေးနွေးမှုများကို လုပ်ဆောင်ခဲ့ခြင်းဖြစ်သည်။ အမေရိကန်ပြည်ထောင်စုသည် ဗီယက်နမ်နိုင်ငံသို့ ကာကွယ်ရေးပစ္စည်းများ တင်ပို့ရောင်းချခြင်းကို လွန်ခဲ့သည့်ဆယ်စုနှစ် တစ်ခုခန့်မှစ၍ ဖြေလျှော့ပေးခဲ့ပြီးနောက် နှစ်နိုင်ငံအကြား ကာကွယ်ရေးအရ ပူးပေါင်းဆောင်ရွက်မှုများကို ပိုမိုလုပ်ဆောင် လာခြင်းဖြစ်သည်။ထို့ပြင် လော့ဟိမာတင်ကုမ္ပဏီသည် ဗီယက်နမ်နိုင်ငံသို့ C-130 အမျိုးအစား စစ်ဘက်သုံးသယ်ယူ ပို့ဆောင်ရေးလေယာဉ်များ ရောင်းချရေးနှင့်စပ်လျဉ်း၍ ဗီယက်နမ် ကာကွယ်ရေးဝန်ကြီးဌာနနှင့် စေ့စပ်ဆွေးနွေးမှုများ ဆက်လက် လုပ်ဆောင်လျက်ရှိသည်။တစ်ချိန်တည်းမှာပင် အဆိုပါ Sikorsky ရဟတ်ယာဉ်များ မောင်းနှင်ပျံသန်းနိုင်ရေး အတွက် လောဟိမာတင်ကုမ္ပဏီက ဗီယက်နမ် လေယာဉ်မှူးများအား လေ့ကျင့်သင်ကြားပေးလျက်ရှိကြောင်း နီးစပ်သည့် အရင်းအမြစ် များကပြောသည်။  ဗီယက်နမ်နှင့်   အမေရိကန်လော့ဟိမာတင် ကုမ္ပဏီတို့အကြား   လက်မှတ်ရေးထိုးခဲ့သည့်  ကာကွယ်ရေးပစ္စည်း လွှဲပြောင်းပေးရေး သဘောတူညီချက်သည် တန်ဖိုးအားဖြင့် အမေရိကန်ဒေါ်လာ သန်း ၁၀၀ ကျော်ရှိပြီး  နောက်ပိုင်းတွင် ရဟတ်ယာဉ်များ ပိုမိုဝယ်ယူရေး သဘောတူညီချက်လည်း ပါဝင်ဖွယ်ရှိသည်။MWD Web Portal 
Sat, 26-Jul-2025
နောင်ချိုမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းစတင်တက်ရောက်ခြင်းနှင့် ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက် , နောင်ချိုမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းစတင်တက်ရောက်ခြင်းနှင့် ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်
နောင်ချိုမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းစတင်တက်ရောက်ခြင်းနှင့် ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်
နေပြည်တော် ဇူလိုင် ၂၆ရှမ်းပြည်နယ် (မြောက်ပိုင်း)၊ နောင်ချိုမြို့၌ အကြမ်းဖက်သောင်းကျန်းသူများကြောင့် တစ်နှစ်နီးပါးပိတ်ထားခဲ့ရသည့် အခြေခံပညာကျောင်းများကို အမြန်ဆုံးပြန်လည်ဖွင့်လှစ်ပြီး ပညာသင်ကြားနိုင်ရေးအတွက် ကျောင်းအပ်လက်ခံခြင်းကို ဇူလိုင် ၂၂ ရက်မှ ဆောင်ရွက်ပေးလျက်ရှိသည်။ထို့သို့ ဆောင်ရွက်ပေးလျက်ရှိရာ ယနေ့တွင် နောင်ချိုမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းစတင်ဖွင့်လှစ်နိုင်ခဲ့ရာ ကျောင်းသား/ကျောင်းသူ ၈၅၇ ဦး စတင်တက်ရောက်ပညာသင်ကြားလျက်ရှိကြောင်း သိရှိရသည်။ ထိုသို့ ကျောင်းသား၊ ကျောင်းသူများ အေးချမ်းပျော်ရွှင်စွာ၊ သန့်ရှင်းသပ်ရပ်စွာနှင့် လုံခြုံစွာပညာသင်ကြားနိုင်ရေးအတွက် တပ်မတော်သားများက လိုအပ်သည့် မိုင်းရှင်းလင်းရေး၊ လုံခြုံရေးနှင့် ကျောင်းပတ်ဝန်းကျင်သန့်ရှင်းရေးလုပ်ငန်းများ ဆောင်ရွက်ပေးထားခဲ့ခြင်းဖြစ်သည်။ထို့ပြင် တပ်မတော်မှ ဆရာဝန်များက ကျန်းမာရေးဝန်ကြီးဌာနမှ ဆရာဝန်များ၊ ကျန်းမာရေးဝန်ထမ်းများနှင့် ပူးပေါင်း၍ ဒေသခံတိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရေးအတွက် မြနန်းတော်ဝင်မင်္ဂလာခန်းမ၌ ယာယီဆေးရုံဖွင့်လှစ်ပြီး ဆေးကုသပေးခြင်းများ ဆောင်ရွက်ပေးလျက်ရှိရာ ယနေ့တွင် ဒေသခံတိုင်းရင်းသားပြည်သူ ၁၄၅ ဦးတို့ကို ကျန်းမာရေးစောင့်ရှောက်မှုလုပ်ငန်းဆောင်ရွက်ပေးကြသည်။၎င်းအပြင် နောင်ချိုမြို့ပေါ်ရှိ ပြည်သူ့ဆေးရုံကြီး အချိန်မီပြန်လည်ဖွင့်လှစ်နိုင်ရေးအတွက် ဌာနဆိုင်ရာဝန်ထမ်းများက ဆေးရုံပတ်ဝန်းကျင်ရှိ ချုံနွယ်ပေါင်းမြက်များအား ခုတ်ထွင်ရှင်းလင်းခြင်း၊ ရေစီးရေလာကောင်းမွန်စေရေးအတွက် ရေမြောင်းများတူးဖော်ဆယ်တင်ပေးခြင်းနှင့် သန့်ရှင်းရေးပြုလုပ်ခြင်းများ ဆောင်ရွက်ပေးခဲ့ကြကြောင်း သတင်းရရှိသည်။MOI
Sat, 26-Jul-2025
© Copyright 2024 SAC All Rights Reserved.