ဗန်းမော်တက္ကသိုလ်အား KIA အကြမ်းဖက် ၂၅၀ ဦးခန့် က ဒီဇင်ဘာ ၂၀ ရက်နေ့တွင် လက်နက်ကြီး/ငယ်များဖြင့် လာရောက်တိုက်ခိုက်သဖြင့် လေကြောင်းပစ်ကူယူကာ ပြန်လည်ရှင်းလင်းဆောင်ရွက်ခဲ့ရကြောင်း သိရသည်။
ဖြစ်စဉ်တွင် တပ်မတော်သား ၂ ဦး ဒဏ်ရာရရှိပြီး KIA အကြမ်းဖက်သမား ၁ လောင်း၊ တရုတ်စက်လတ် ၁ လက်၊ M-22 သေနတ် ၁ လက်၊ ၄၀ မမ ဗုံးသီး ၁၀ လုံး၊ တရုတ်ထုတ် လက်ပစ်ဗုံး ၅ လုံး၊ ကျည်မျိုးစုံ ၆၀၀ တောင့် တို့အား သိမ်းဆည်းရရှိခဲ့ ကြောင်း သိရသည်။
ရှမ်းပြည်နယ် (မြောက်ပိုင်း)၊ နောင်ချိုမြို့နယ်၊ တောင်ခမ်း ဒေသတွင် ဒီဇင်ဘာ ၂၀ ရက် နေ့လယ်ပိုင်းက နယ်မြေရှင်း စစ်ကြောင်းနှင့် TNLA အကြမ်းဖက်သမား၂၀ ဦးခန့်တို့ ထိတွေ့တိုက်ပွဲဖြစ်ပွားခဲ့ပြီး TNLA အကြမ်းဖက်သမား အလောင်း ၂ လောင်း၊ Type-81 သေနတ် ၁ လက် တို့အား သိမ်းဆည်းရရှိခဲ့ကြောင်း သိရသည်။
မန္တလေးတိုင်း၊ ပုသိမ်ကြီးမြို့နယ်နှင့် မတ္တရာမြို့နယ် ကြားရှိ ထန်းပင်ကုန်းကျေးရွာ တိုက်ပွဲအတွင်း TNLA/PDF အကြမ်းဖက်သမား အသေဖမ်းဆီးရမိမှု များပြား လာသည်ကို တွေ့ရသည်။
တပ်မတော်သားများနှင့် ပြည်သူ့စစ်တပ်ဖွဲ့ဝင်များ ပူးပေါင်း၍ TNLA/PDF အကြမ်းဖက်အဖွဲ့များကို ရှင်းလင်း ဆောင်ရွက်လျက်ရှိရာ ဒီဇင်ဘာ ၁၉ ရက်နေ့က အကြမ်းဖက်သမား သေဆုံးရုပ်အလောင်းမှတ်တမ်းများ ထွက်ပေါ်လာပြီး ဒီဇင်ဘာ ၂၁ ရက်တွင် အကြမ်းဖက် သမား သေဆုံးဓာတ်ပုံများ ထပ်မံဖော်ပြထားသည်။
Foxconn ဟုလူသိများသော Hon Hai Precision Industry သည် ဂျပန်နိုင်ငံ၏ Nissan Motor ကုမ္ပဏီ၏ ရှယ်ယာအများစုကို ဝယ်ယူရန်အတွက် ပြင်သစ်ကား ထုတ်လုပ်ရေးကုမ္ပဏီ Renault နှင့် ဆွေးနွေးနေကြောင်း ထိုင်ဝမ်မီဒီယာတစ်ခုက ဖော်ပြထားပါသည်။
၎င်းလုပ်ငန်း၏ အဓိကတာဝန်ရှိသူ ၂ ဦးကို ကိုးကားပြီး ဗဟိုသတင်းအေဂျင်စီ (CNA) က ဒီဇင်ဘာ ၁၉ ရက်နေ့ တွင် အဆိုပါသတင်းကို ဖော်ပြခဲ့ပါသည်။