အနောက်နိုင်ငံမှ နည်းပညာများအပေါ် အမှီသဟဲပြုနေရခြင်းကို  လျှော့ချနိုင်ရန်အတွက် အိန္ဒိယနိုင်ငံက ၎င်းတို့၏ကိုယ်ပိုင် AI chip များကို ထုတ်လုပ်မည်ဟု တာဝန်ရှိသူများ၏ ပြောကြားချက်ကို ကိုးကား၍ Mint သတင်းစာတွင် ဖော်ပြထားသည်။

ကိုယ်ပိုင် AI chip များ ထုတ်လုပ်နိုင်ရန်အတွက်   အိန္ဒိယအီလက်ထရွန်နစ်နှင့် သတင်းအချက်အလက် နည်းပညာဆိုင်ရာဝန်ကြီးဌာန (Meity) က နိုင်ငံပိုင်အိုင်တီနှင့် ကွန်ပျူတာစင်တာများနှင့် ပူးပေါင်းဆောင်ရွက်မည်ဖြစ်သည်။ အဆိုပါစင်တာများတွင် အဆင့်မြင့်ကွန်ပျူတာနည်းပညာ ဖွံ့ဖြိုးရေးစင်တာ (C-DAC) လည်း ပါဝင်လျက်ရှိသည်။

ပနားမားသည် တရုတ်နိုင်ငံ၏ Belt and Road Initiative (BRI) စီမံကိန်းတွင် ဆက်လက်ပါဝင်မည်မဟုတ်ကြောင်း သမ္မတ José Raúl Mulino က အမေရိကန် နိုင်ငံခြားရေးဝန်ကြီး Marce Rubio နှင့် တွေ့ဆုံပြီးနောက် ပြောကြားခဲ့ပါသည်။ အဆိုပါ ဆုံးဖြတ်ချက်များကြောင့် ပနားမားသည် လက်တင်အမေရိကတွင် BRI မှ ထွက်ခွာသည့် ပထမဆုံးနိုင်ငံဖြစ်လာခဲ့ကြောင်း The Economic Time သတင်းဌာနတွင် ဖော်ပြခဲ့သည်။

တံတားဦး ၊ ဖေဖော်ဝါရီ - ၅

တံတားဦးခရိုင်၊ တံတားဦးမြို့နယ်တွင် ကျန်းမာရေးဝန်ထမ်းများက ပုံမှန်ကာကွယ်ဆေးထိုးခြင်း နှင့် တိုက်ကျွေးလုပ်ငန်းကို တံတားဦးမြို့ပေါ်ရှိ ရပ်ကွက် ( ၁ ၊ ၂ ၊ ၃ )အုပ်စုများမှ ရပ်ကွက်များအတွင်းရှိ မွေးကင်းစမှ အသက်(၁)နှစ်ခွဲအထိကလေးငယ်များနှင့် ကိုယ်ဝန်ဆောင်မိခင်လောင်းများအား ဖေဖော်ဝါရီ ၅ ရက်နေ့၊ နံနက်ပိုင်းက  အမှတ်( ၁ ၊ ၂ ၃ )ရပ်ကွက် အုပ်ချုပ်ရေးမှူးရုံး အသီးသီးတွင် ကာကွယ်ဆေးများကို ထိုးနှံပေးလျက်ရှိကြောင်း သိရသည် ။