ကုလသမဂ္ဂလုံခြုံရေးကောင်စီသည် ဖေဖော်ဝါရီလ ၂၄ ရက်နေ့တွင် အမေရိကန်ပြည်ထောင်စုမှ တင်သွင်းခဲ့သည့် ယူကရိန်းဆိုင်ရာ ကြားနေဆိုင်ရာ ဆုံးဖြတ်ချက်မူကြမ်းကို မဲခွဲဆုံးဖြတ်သွားမည်ဖြစ်ကြောင်း ကုလသမဂ္ဂ ရှိ တရုတ်နိုင်ငံ၏ အမြဲတမ်းကိုယ်စားလှယ်အဖွဲ့က ပြောကြားခဲ့ပါသည်။
“မဲပေးမှုကို ညနေ ၃ နာရီ (GMT ၀၀:၀၀) တွင် ကျင်းပမည်ဖြစ်သည်” ဟု အမြဲတမ်းကိုယ်စားလှယ်အဖွဲ့က ပြောကြားခဲ့ပါသည်။
ဝါရှင်တန်သည် လာမည့်အပတ်တွင် ယူကရိန်းနှင့် သတ္တုတူးဖော်ရေး သဘောတူညီချက်ကို လက်မှတ်ရေးထိုးရန် မျှော်လင့်ထားကြောင်း အမေရိကန်သမ္မတ၏ အထူးကိုယ်စားလှယ် Steve Witkoff က ပြောကြားခဲ့ပါသည်။
Witkoff က CNN သတင်းဌာန သို့ပြောကြားရာတွင် “မိမိသည် အဆိုပါ သဘောတူညီချက်ကို ယခုအပတ်အတွင်း လက်မှတ်ရေးထိုးရန် မျှော်လင့် ထားပါကြောင်း၊ သမ္မတဇီလန်စကီးသည် လွန်ခဲ့သော တစ်ပတ်က ၎င်း၏ ကတိကဝတ်ကို ယိမ်းယိုင်နေခဲ့သော်လည်း သမ္မတ ဒေါ်နယ်ထရမ့်ထံမှ သတင်းစကားရရှိခဲ့ပြီးနောက် ယခုအခါတွင် နောက်ထပ်၎င်း၏ ကတိစကားသည် ယိမ်းယိုင်နေခြင်း မရှိတော့ကြောင်း ပြောကြားခဲ့ပါသည်။
အမေရိကန် နှင့် ယူကရိန်းအကြား သဘောတူညီမှုအစီအစဉ်တွင် ယူကရိန်းအတွက် စစ်ရေးအာမခံချက်များ မပါဝင်ကြောင်း အမေရိကန် ဘဏ္ဍာရေး ဝန်ကြီး စကော့ဘက်ဆင့်က ရှင်းလင်းပြောကြားခဲ့ပါသည်။
အနောက်နိုင်ငံများ၏ ယူကရိန်းအစီအစဉ်များတွင် အမေရိကန် မပါဝင်ဘဲ ဥရောပစစ်သားများကို ယူကရိန်းသို့စေလွှတ်နိုင်ခြေရှိကြောင်း ၎င်းက ပြောကြားခဲ့ပါသည်။
ရုရှားစစ်တပ်သည် ယူကရိန်းကို တစ်ညအတွင်း ဒရုန်းအစင်းရေ (၂၆၇) စင်းနှင့် တိုက်ခိုက်ခဲ့ပြီး ရုရှား-ယူကရိန်းပဋိပက္ခ စတင်ဖြစ်ပွားခဲ့သည့် ၂၀၂၂ ခုနှစ်နောက်ပိုင်း ဒရုန်းအများအပြားအသုံးပြုခဲ့သည့် စံချိန်တင် တိုက်ခိုက်မှုတစ်ခုဖြစ်သည်ဟု လေတပ်မှထုတ်ပြန်ချက်များအရ သိရှိရ ပါသည်။