ခရီးသည်နှင့်လေယာဉ်အမှုထမ်း စုစု ပေါင်း ၂၄၂ ဦး လိုက်ပါလာသည့် အိန္ဒိယလေကြောင်းလိုင်းမှ  ခရီးသည်တင် လေယာဉ်တစ်စင်းသည်  ဇွန်လ ၁၂ ရက်တွင် ပျက်ကျမှုဖြစ်ပွားရာ လူအများအပြား သေဆုံးကြောင်းနှင့်    ခရီးသည်တစ်ဦး အသက်ရှင်ကျန်ရစ်ကြောင်း    သိရသည်။

အသက်ရှင်ကျန်ရစ်သူတစ်ဦး၏ အမည်မှာ ဗစ်ရှဝါကူးမားရာမက်ဖြစ်ပြီး ထိုင်ခုံ နံပါတ် 11A တွင်ထိုင်သူဖြစ်ကြောင်းနှင့် ၎င်းကိုရဲတပ်ဖွဲ့ဝင်များက တွေ့ရှိပြီးနောက် ဆေးရုံသို့ ပို့ဆောင်ပေးထားကြောင်း တာဝန်ရှိသူများ ကပြောသည်။

နေပြည်တော် ဇွန် ၁၂

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့တွင် အိန္ဒိယသမ္မတနိုင်ငံ အမီဒါဘတ်မြို့အနီး၌ အိန္ဒိယလေကြောင်း AI-171 ပျက်ကျခဲ့မှုကြောင့် လူပေါင်းများစွာ အသက်ဆုံးရှုံးခဲ့ရမှုများအတွက် ဝမ်းနည်းကြောင်းသဝဏ်လွှာကို အိန္ဒိယသမ္မတ နိုင်ငံသမ္မတ ရှရီမတီ ဒရောပါဒီ မာမူထံသို့ ပေးပို့သည်။

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်စီမံခန့်ခွဲမှုကော်မတီ၏ ဦးဆောင်မှုဖြင့် မော်တော် ယာဉ်များနှင့် မော်တော်ဆိုင်ကယ်မောင်းနှင်သူများအား ယာဉ်အန္တရာယ်ကင်းရှင်းရေးနှင့် မော်တော်ယာဉ် စီမံခန့်ခွဲမှု ဥပဒေ အသိပညာပေးလုပ်ငန်းများကို ဇွန် ၁၁ ရက်၊ နံနက် (၈) နာရီက တံတားဦးမြို့ အမှတ် (၃) ရပ်ကွက် တံတားဦး-မြို့သာ ကားလမ်း၌ ဆောင်ရွက်ခဲ့ကြကြောင်းသိရသည်။