ဂျာမနီသည် ရုရှားကို တိုက်ခိုက်ရန် ယူကရိန်းသို့ လက်နက်များ ထောက်ပံ့ခြင်းဖြင့် နာဇီအတိတ်ကို ပြန်လည်ရှင်သန်စေနေသည် ဟု ရုရှားနိုင်ငံ၊ ဒူမား ဥက္ကဋ္ဌ Vyacheslav Volodin က ပြောကြားခဲ့သည်။ ဒုတိယကမ္ဘာစစ်အပြီး ဆယ်စုနှစ်များအကြာတွင် ဘာလင်၏ သဘောထားသည် မော်စကိုနှင့် လက်နက်ကိုင်ပဋိပက္ခအသစ်ကို ဖြစ်ပေါ်စေ နိုင်ကြောင်း အဆိုပါအကြီးအကဲက သတိပေးခဲ့သည်။

ဗိုလိုဒင် သည် ဗုဒ္ဓဟူးနေ့ (ဇွန် ၁၁) တွင် ဒူမား၏တရားဝင် ဝက်ဘ်ဆိုက်၌ ထုတ်ပြန်ခဲ့သော စာတစ်စောင်တွင် ယူကရိန်းသို့ ဂျာမနီ၏ စစ်ရေးအကူအညီ ဆက်လက်ထောက်ပံ့မှုအပေါ် အမျက်ထွက်နေသည်ဟု ဖော်ပြခဲ့သည်။

လော့စ်အိန်ဂျလိစ်မြို့တွင် ဖက်ဒရယ်လူဝင်မှုကြီးကြပ်ရေးအဖွဲ့များ၏ စစ်ဆေးဖမ်းဆီးမှုများကို ဆန္ဒပြမှုများသည် ညအချိန် ညမထွက်ရအမိန့် ထုတ်ထားခြင်းနှင့် သမ္မတထရမ့်က အမေရိကန်အမျိုးသားအစောင့်တပ် (National Guard) နှင့် ရေတပ်သားများ (Marine) စေလွှတ်ရန် ခွင့်ပြုထားသည့်တိုင် ဆက်လက်ဖြစ်ပွားနေသည်။

လော့စ်အိန်ဂျလိစ်ရဲတပ်ဖွဲ့၏ ထုတ်ပြန်ချက်အရ တရားမဝင် နေထိုင်သူများအား ဖမ်းဆီးမှုများ စတင်ချိန်တွင်ဖြစ်ပွားခဲ့သည့် အဓိကရုဏ်းတွင် ပါဝင်သူများက မြို့လယ်ခေါင်တွင် ဆက်လက်စုဝေးနေကြောင်း သိရသည်။

အီလွန်မက်က ဗုဒ္ဓဟူးနေ့ (ဇွန် ၁၁) တွင် သမ္မတ ဒေါ်နယ်ထရမ့်နှင့် ပတ်သက်သည့် ၎င်း၏လတ်တလော ဆိုရှယ်မီဒီယာပို့စ်အချို့ကို နောင်တရမိကြောင်း ပြောကြားခဲ့သည်။

“လွန်ခဲ့သည့်သီတင်းပတ်က သမ္မတနှင့်ပတ်သက်သည့် မိမိ၏ ပို့စ်တချို့ ကို နောင်တရမိပါသည်။ ထိုပို့စ်များက ထောက်ပြသင့်သည်ထက် ကျော်လွန်သွားခဲ့ပါသည်” ဟု မက်စ်က X တွင် ရေးသားခဲ့သည်။

လွန်ခဲ့သည့်သီတင်းပတ်က ၎င်းတို့နှစ်ဦး၏ ဆိုရှယ်မီဒီယာ ပလက်ဖောင်းများပေါ်တွင် အပြန်အလှန်ဝေဖန်မှုများ ပြုလုပ်ခဲ့သည့်အတွက် မက်နှင့် ထရမ့်တို့၏ ဆက်ဆံရေး သိသိသာသာ ပျက်ပြားခဲ့သည်။

ဆီးရီးယားနိုင်ငံသည် အမျိုးသမီးများအား အများပြည်သူဆိုင်ရာ ကမ်းခြေများတွင် ဘစ်ကီနီ (သို့) ကိုယ်ခန္ဓာအား အပြည့်အဝ ဖုံးအုပ်ထားသော ရေကူးဝတ်စုံများ ဝတ်ဆင်ရန် စည်းမျဉ်းသစ် ထုတ်ပြန်ခဲ့သည်။ ယခုအမိန့်သည် အစ္စလာမ်မစ်အကြမ်းဖက်သမားများ ဦးဆောင်သော သူပုန်များက ဒီဇင်ဘာလတွင် အာဏာရှင် ဘာရှာ အယ်လ်-အာဆက် အစိုးရကို ဖြုတ်ချပြီးနောက် ယဉ်ကျေးမှုအပြောင်းအလဲ၏ နောက်ဆုံးအဆင့်ဖြစ်သည်။ ခရီးသွားလာရေးဝန်ကြီးဌာနက အဆိုပါစည်းမျဉ်းသစ် များကို ပြည်သူ့အကျိုးစီးပွားလိုအပ်ချက်များအရ ပြုလုပ်ခဲ့သည်ဟု ဆိုသည်။