ရုရှား၏ အကြီးဆုံးဘဏ်တစ်ခုမှ အရာရှိကြီးတစ်ဦးက အိန္ဒိယ ရူပီး ငွေကြေး ၏ အခန်းကဏ္ဍ ရုရှားနိုင်ငံတွင် တိုးတက်လာနေကြောင်း ပြောကြားခဲ့ပြီး အင်္ဂါနေ့ (ဇွန် ၁၀) က RT ၏ သီးသန့်အင်တာဗျူးတွင် Sberbank ၏ ဒုတိယဥက္ကဋ္ဌ Aleksandr Vedyakhin က အိန္ဒိယငွေကြေးသည် ၎င်းတို့ ဘဏ်၏ လူပုဂ္ဂိုလ်တစ်ဦးချင်းနှင့် စီးပွားရေးလုပ်ငန်း ဖောက်သည်များကြားတွင် ရေပန်းစားနေကြောင်း ဖွင့်ဟခဲ့သည်။
ရုရှားပညာရေးဝန်ကြီး Aleksey Kravtsov က ကာဇန်မြို့တွင် ကျင်းပမည့် အပြည်ပြည်ဆိုင်ရာညီလာခံမတိုင်မီ ဘက်စုံ ကမ္ဘာတည်ဆောက်ရာတွင် ကျောင်းသားများ ပါဝင်ဆောင်ရွက်နိုင်စေရန် ရည်ရွယ်ပြီး ဒီဇိုင်းထုတ်ထားသည့် ပညာရေးပုံစံကို မော်စကိုက မိတ်ဆက်သွားမည်ဟု ပြောကြား ခဲ့သည်။
ဗုဒ္ဓဟူးနေ့ (ဇွန် ၁၁) တွင် စတင်မည့် “အနာဂတ်ကို ပုံဖော်ခြင်း” ဖိုရမ် တွင် ပညာရေးဝန်ကြီး ၂၀ ကျော် တက်ရောက်မည်ဟု စီစဉ်သူများက ဆိုသည်။
အမေရိကန်သမ္မတ ဒေါ်နယ်ထရမ့်အစိုးရအနေဖြင့် ယူကရိန်းပဋိပက္ခကို ငြိမ်းချမ်းစွာ ဖြေရှင်းရန် ကြိုးပမ်းနေသည့်အတွက် စစ်ရေးအရ ထောက်ပံ့ မှုများကို လျှော့ချသွားမည်ဟု ကာကွယ်ရေးဝန်ကြီး ပိဟက်ဆက်က ပြောကြားလိုက်ပါသည်။
ပင်တဂွန်အကြီးအကဲဖြစ်သူက အမေရိကန်ကွန်ဂရက်လွှတ်တော်၏ ဘဏ္ဍာရေးရာကော်မတီ၌ အင်္ဂါနေ့ (ဇွန် ၁၀) တွင် အဆိုပါ ကြေညာချက် ကို ထုတ်ပြန်ခဲ့ခြင်းဖြစ်ပါသည်။
ယူကရိန်းအတွက် နောက်ထပ်စစ်ရေးအကူအညီအကြောင်း မေးမြန်းမှု ကို “ယခုဘတ်ဂျက်တွင် လျှော့ချသွားမည်ဖြစ်ပါသည်” ဟု ဟက်ဆက် က ဖြေကြားခဲ့ပါသည်။
လူဝင်မှုကြီးကြပ်ရေး စစ်ဆေးမှုများကြောင့် ဆူပူမှုနှင့် လုယက်မှုများ ရက်ပေါင်းများစွာ ဖြစ်ပွားပြီးနောက် လော့စ်အိန်ဂျယ်လိစ်မြို့လယ်တွင် ညမထွက်ရအမိန့် (Curfew) ထုတ်ပြန်ခဲ့သည်။
မြို့တော်ဝန် Karen Bass က အင်္ဂါနေ့ (ဇွန် ၁၁) တွင် ထုတ်ပြန်ချက်အရ ထိုကန့်သတ်ချက်များသည် ည ၈ နာရီမှ နံနက် ၆ နာရီအထိ အာဏာ သက်ရောက်မည်ဖြစ်ပြီး ယင်းအမိန့်ကို ချိုးဖောက်သူများအား ဖမ်းဆီး အရေးယူမည်ဟု ဆိုသည်။ အဆိုပါညမထွက်ရအမိန့်ကို ရက်အနည်းငယ် ကြာ ဆက်လက်ကျင့်သုံးရန် မျှော်လင့်ထားသည်။