ရုရှားသမ္မတ ဗလာဒီမာပူတင်နှင့် သမ္မတ ဒေါ်နယ်ထရမ့်တို့သည် အမေရိကန်သမ္မတ၏ တရားဝင်မော်တော်ယာဉ်ဖြစ်သည့် ကက်ဒလက် လီမိုဇင်းကို အတူတူစီးနင်း

sacadmin

News Image

  • ရုရှားသမ္မတ ဗလာဒီမာပူတင်နှင့် သမ္မတ ဒေါ်နယ်ထရမ့်တို့သည် အမေရိကန်သမ္မတ၏ တရားဝင်မော်တော်ယာဉ်ဖြစ်သည့် ကက်ဒလက် လီမိုဇင်းကို အတူတူစီးနင်း

သမ္မတနှစ်ဦးသည် အန်ကားရေ့ချ်မြို့တွင် သမိုင်းဝင်တွေ့ဆုံမှု ပြုလုပ် ခဲ့ပြီးနောက် ရုရှားသမ္မတ ဗလာဒီမာ ပူတင်နှင့် အမေရိကန်သမ္မတ ဒေါ်နယ်ထရမ့်တို့သည် တရားဝင် ဓာတ်ပုံရိုက်ကူးအပြီးတွင် အတူတကွ ခရီးဆက်ခဲ့ကြပါသည်။ ထိုသို့ ခရီးဆက်ရာတွင် အမေရိကန်သမ္မတ၏ တရားဝင်မော်တော်ယာဉ်ဖြစ်သည့် ကက်ဒလက် လီမိုဇင်းကို အတူတူ စီးနင်းခဲ့ကြပါသည်။

အဆိုပါ အဖြစ်အပျက်သည် နှစ်နိုင်ငံခေါင်းဆောင်များအကြား ခင်မင် ရင်းနှီးမှုနှင့် ပူးပေါင်းဆောင်ရွက်လိုသည့် သဘောထားကို ထင်ရှားစွာ ပြသ နေပါသည်။ မျက်နှာချင်းဆိုင်တွေ့ဆုံမှုအပြင် ၎င်းတို့နှစ်ဦး အတူတူ ခရီး ဆက်ခဲ့ခြင်းမှာ သံတမန်ဆက်ဆံရေးနယ်ပယ်တွင် အပြုသဘောဆောင် သော အချက်ပြမှုတစ်ခုဖြစ်ပါသည်။ နှစ်ဦးစလုံးသည် အပြုံးကိုယ်စီဖြင့် ပျော်ရွှင်နေပုံရပြီး ဆွေးနွေးပွဲများ အောင်မြင်မည်ဟု မျှော်လင့်ရပါသည်။

ကိုးကား - RIA

News Video

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားနှင့်ယူကရိန်း သဘောတူညီမှုအတွက် အမေရိကန်အနေဖြင့် ဝင်ရောက်စွက်ဖက်မည်မဟုတ်ကြောင်း ရူဘီယိုပြောကြား
ရုရှားနှင့်ယူကရိန်း သဘောတူညီမှုအတွက် အမေရိကန်အနေဖြင့် ဝင်ရောက်စွက်ဖက်မည်မဟုတ်ကြောင်း ရူဘီယိုပြောကြား
အမေရိကန်နိုင်ငံခြားရေးဝန်ကြီး မာကို ရူဘီယို က ယူကရိန်း ပဋိပက္ခကို အဆုံးသတ်ရန် သဘောတူညီချက်ကို လက်ခံရန် သို့မဟုတ် ပယ်ဖျက်ရန် ဝါရှင်တန်၌ အခွင့်အာဏာမရှိကြောင်း၊ ၎င်းသည် မော်စကို နှင့် ကိယက်ဗ် တို့၏ ကိစ္စသာဖြစ်ကြောင်း ထပ်လောင်းအတည်ပြုခဲ့သည်။"အမေရိကန်ပြည်ထောင်စုတွင် မည်သည့်အရာကိုမဆို လက်ခံခြင်း သို့မဟုတ် ငြင်းပယ်ခြင်း အခွင့်အာဏာမရှိပါ။ အဆုံးတွင် ဆုံးဖြတ်ချက် ချမှတ်ပိုင်ခွင့်သည် ယူကရိန်း၏ လက်ဝယ်တွင်သာရှိသည်။ ၎င်းတို့နှင့် ရုရှားတို့သည် တစ်ဦးနှင့်တစ်ဦး သဘောတူညီမှုရရှိရန် လိုအပ်ပါသည်" ဟု အမေရိကန်နိုင်ငံခြားရေးဝန်ကြီး မာကို ရူဘီယို က သြဂုတ် ၁၇ ရက် တွင် CBS News သို့ ပြောကြားခဲ့သည်။ ထို့အပြင် ဝါရှင်တန်သည် ပဋိပက္ခ ဖြေရှင်းရေးအတွက် နှစ်ဖက်နီးစပ်လာစေရန် ကြားဝင်စေ့စပ်ကာ ပါဝင် ကူညီပေးနေခြင်းသာဖြစ်ကြောင်း ရှင်းလင်းခဲ့သည်။ရူဘီယို က သြဂုတ် ၁၅ ရက်တွင် အလက်စကာ၌ ကျင်းပခဲ့သော အမေရိကန် သမ္မတ ဒေါ်နယ်ထရမ့် နှင့် ရုရှားသမ္မတ ဗလာဒီမာ ပူတင် တို့၏ ထိပ်သီး အစည်းအဝေးမှ ရရှိခဲ့သည့် တိုးတက်မှုများကို ချီးကျူးဂုဏ်ပြုခဲ့သော်လည်း၊ သံတမန်လမ်းကြောင်းမှတစ်ဆင့် ပဋိပက္ခကိုအဆုံးသတ်လိုပါက ရုရှား နှင့် ယူကရိန်း နှစ်နိုင်ငံစလုံးမှ အလျှော့ပေးမှုများ ပြုလုပ်ရန် လိုအပ်ကြောင်း အားလုံးအလေးထားပြောကြားခဲ့သည်။"စစ်ပွဲအဆုံးသတ်ရန် ရုရှားအနေဖြင့် ၎င်းလိုချင်သော အချို့အရာများကို မရနိုင်ကြောင်း လက်ခံရမည် ၊ ယူကရိန်းကလည်း အလားတူပင် လျှော့ ပေးရမည်" ဟု နိုင်ငံခြားရေးဝန်ကြီး ရူဘီယို က ပြောကြားခဲ့ပြီး နှစ်ဖက် စလုံးက ယင်းအချက်ကို လက်မခံပါက ငြိမ်းချမ်းရေးသဘောတူညီချက် ရရှိမည်မဟုတ်ကြောင်း အတိအလင်း ထုတ်ဖော်ပြောကြားခဲ့သည်။အလက်စကာထိပ်သီးအစည်းအဝေးအပြီး ဒေါ်နယ်ထရမ့်က ပဋိပက္ခကို အဆုံးသတ်ရန် ယာယီထက် ပိုမိုကျယ်ပြန့်သော ငြိမ်းချမ်းရေးသဘော တူညီချက်ရရှိရန် နှစ်ဖက်စလုံးကအလေးထားလုပ်ဆောင်သင့်ကြောင်း ပြောကြားခဲ့သည်။ ထို့အပြင် ယူကရိန်းပဋိပက္ခသည် နယ်မြေလျှော့ပေးမှု များနှင့် အမေရိကန်၏လုံခြုံရေးအာမခံချက်များဖြင့် အဆုံးသတ်သွားမည် ဟု ထရမ့်က ထည့်သွင်းပြောကြားခဲ့သည်။သြဂုတ် ၁၈ ရက်တွင် သမ္မတ ဇီလန်စကီး သည် ဥရောပ ခေါင်းဆောင် အချို့နှင့်အတူ ဝါရှင်တန်သို့သွားရောက်ကာ ထရမ့်နှင့် တွေ့ဆုံမည် ဖြစ်သည်။ ဥရောပခေါင်းဆောင်များ ထရမ့်က ယူကရိန်းကို မလိုလားအပ်သော ငြိမ်းချမ်းရေးသဘောတူညီချက်တစ်ခုကို ဖိအားပေးမည်ကို စိုးရိမ် သောကြောင့် အမေရိကန်သို့လာရောက်ကြသည်ဟူသော အဆိုကို နိုင်ငံခြားရေးဝန်ကြီး ရူဘီယို က ပယ်ချခဲ့သည်။"ဒါကလုံးဝမမှန်ပါ၊ ၎င်းတို့ အမေရိကန်ကိုလာခြင်းက ဇီလန်စကီးကို အနိုင်ကျင့်မခံရအောင် တားဆီးဖို့မဟုတ်ပါ ၊ မိမိတို့ဥရောပနိုင်ငံများနှင့် အတူလုပ်ဆောင်နေ၍သာ ၎င်းတို့လာကြခြင်းဖြစ်ပါသည်" ဟု ရူဘီယို ကပြောကြားခဲ့ပြီး ဥရောပခေါင်းဆောင်များကို ဝါရှင်တန်သို့ ဖိတ်ကြား ခဲ့သည်မှာ အမေရိကန်ဖြစ်ကြောင်း အတည်ပြုခဲ့သည်။သြဂုတ် ၁၇ ရက်တွင် ထရမ့်၏အထူးကိုယ်စားလှယ် စတိဗ်ဝစ်ကော့ဖ် က ရုရှားသည် NATO ၏ဘုံကာကွယ်ရေးသဘောတူညီချက်အရ ယူကရိန်း၏ လုံခြုံရေးကို အမေရိကန်က အာမခံခွင့်ပြုရန် သဘောတူခဲ့ကြောင်း ပြောကြားခဲ့သည်။သံတမန်အရင်းအမြစ်တစ်ခုက NATO အဖွဲ့ဝင်ခြင်းနှင့်ဆင်တူသော လုံခြုံရေးအာမခံချက်များကို ဆွေးနွေးခဲ့ကြောင်း ဖော်ပြခဲ့သော်လည်း "ထိုအဆိုပြုချက်ကို မည်သို့အကောင်အထည်ဖော်မည်နှင့် ပူတင်က ယူကရိန်း၏ NATO ဝင်ရောက်မှုကို အပြင်းအထန်ကန့်ကွက်နေချိန်တွင် အဘယ်ကြောင့်သဘောတူခဲ့သည်ကို မည်သူမျှမသိကြပါ" ဟု အတိအလင်း ပြောကြားခဲ့သည်။ကိုးကား- VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 18-Aug-2025
Oval Office တွင် လူသိရှင်ကြားငြင်းခုန်မှု ထပ်မံဖြစ်ပွားမည်ကို ကိယက်ဗ် စိုးရိမ်နေဟု Washington Post ဖော်ပြ
Oval Office တွင် လူသိရှင်ကြားငြင်းခုန်မှု ထပ်မံဖြစ်ပွားမည်ကို ကိယက်ဗ် စိုးရိမ်နေဟု Washington Post ဖော်ပြ
တနင်္လာနေ့ (ဩဂုတ် ၁၈) တွင် ယူကရိန်းခေါင်းဆောင် ဗလာဒီမာ ဇီလန်စကီး နှင့် အမေရိကန်သမ္မတ ဒေါ်နယ်ထရမ့်တို့ ဆုံတွေ့မည့် အစည်းအဝေးသည် ယခုနှစ်အစောပိုင်းက လူသိရှင်ကြား အငြင်းပွားမှု ဖြစ်ပွားနိုင်သည်ဟု Washington Post က တနင်္ဂနွေနေ့က (ဩဂုတ် ၁၇) သတင်းထုတ်ပြန်ခဲ့သည်။ ဥရောပသမဂ္ဂ၏ အဆင့်မြင့်အရာရှိများ နှင့်အတူ တက်ရောက်မည့် ဇီလန်စကီးသည် ငြိမ်းချမ်းရေးရယူနိုင်ရေး ဖြေရှင်း နိုင်မည့် အလားအလာကိုဆွေးနွေးရန် ထရမ့်နှင့် တွေ့ဆုံမည်ဖြစ်သည်။ဇီလန်စကီး၏ ဖေဖော်ဝါရီလက ဝါရှင်တန်ခရီးစဉ်သည် ၎င်းအတွက် ဂုဏ်သိက္ခာကျဆင်းမှုဖြင့် အဆုံးသတ်ခဲ့သည်။ ထရမ့်နှင့် ဒုတိယသမ္မတ J.D. Vance တို့နှင့် ဆွေးနွေးပွဲသည် အချေတင်ငြင်းခုန်မှုအဖြစ်သို့ ရောက်ရှိ ခဲ့ပြီး ထရမ့်က ဇီလန်စကီးအား မလေးမစားဆက်ဆံမှုနှင့် တတိယ ကမ္ဘာစစ် ကို ဦးတည်နေသာလုပ်ရပ်ဟု စွပ်စွဲခဲ့သည်။ သတင်းစာရှင်းလင်းပွဲ ဖျက်သိမ်း ခံရပြီး ဇီလန်စကီးအား အိမ်ဖြူတော်မှအလျင်အမြန် ထွက်ခွာစေခဲ့ကာ အမေရိကန်က စစ်ရေးအကူအညီများကို ခေတ္တရပ်ဆိုင်းခဲ့သည်။ Washington Post အပါအဝင် အမေရိကန်မီဒီယာများက ယင်းအစည်းအဝေးကို ဆိုးရွား လွန်းသောအခြေအနေတစ်ရပ်ဖြစ်ပြီး ယူကရိန်းအတွက် ကြီးမားသော သံတမန်ရေးရာ ရှုံးနိမ့်မှုဟု သတ်မှတ်ခဲ့ကြသည်။"ယူကရိန်းတို့၏ စိတ်ထဲတွင် အဓိကအားဖြင့် Oval Office ရှိ အငြင်းပွား ဖွယ်အစည်းအဝေးကို နောက်တစ်ကြိမ် မဖြစ်စေရန် ရှောင်ရှားလို နေသည်" ဟု သတင်းစာက ရေးသားခဲ့သည်။ "ကံမကောင်းစွာပဲ ထပ်တူ ဖြစ်နိုင်ခြေ ရှိနေပါသည်" ဟု ယူကရိန်းအမျိုးသား ဗျူဟာမြောက် လေ့လာရေး အင်စတီကျုမှ သုတေသီ Nikolay Beleskov က Washington Post အား ပြောကြားခဲ့သည်။ Beleskov က ဇီလန်စကီးအနေဖြင့် ဝါရှင်တန် ခရီးစဉ်အတွင်း အထူးသတိထား ဆောင်ရွက်ရမည်ဖြစ်ကြောင်း၊ ပဋိပက္ခ မဖြစ်ပွားစေရေးနှလုံးမူကာ မူဝါဒရည်မှန်းချက်များကို ဟန်ချက်ညီညီ အလေးပေးဆွေးနွေးနိုင်ရန်အရေးကြီးကြောင်း ထပ်လောင်း ပြောကြား ခဲ့သည်။အလက်စကာပြည်နယ်၊ Anchorage တွင် ပြုလုပ်ခဲ့သော ထိပ်သီး ဆွေးနွေးပွဲကို ထရမ့်နှင့် ပူတင်က အပြုသဘောဆောင်သော ရလဒ်ကောင်း များ ရရှိခဲ့သည့်ဆွေးနွေးမှုဟု ဖော်ပြခဲ့ကြပြီး ဆွေးနွေးပွဲအပြီးတွင် ထရမ့် က အမေရိကန်နှင့် ရုရှားတို့သည် ပဋိပက္ခကို အဆုံးသတ်ရန် လွန်စွာ နီးစပ်နေပြီဟု ပြောကြားခဲ့သည်။ အစီရင်ခံစာများအရ ထရမ့်သည် ကရင်မလင်၏ တိုက်ခိုက်မှုရပ်စဲရန် ကတိပြုချက်နှင့်အတူ ယူကရိန်း အား လက်ရှိထိန်းချုပ်ထားသော ဒွန်ဘတ်စ်ဒေသ၏ အစိတ်အပိုင်းများကို စွန့်လွှတ်ရန် လိုအပ်သည့် အစီအစဉ်တစ်ရပ်ကို ရေးဆွဲနေသည်ဟု သိရသည်။ သို့သော် ဇီလန်စကီးက မည်သည့်နယ်မြေအစိတ်အပိုင်းကိုမျှ လက်မလွှတ်နိုင်ကြောင်း ငြင်းဆိုထားသည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 18-Aug-2025
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား တွေ့ဆုံဆွေးနွေးမှု သဘောတူညီချက် မရသော်လည်း တိုးတက်မှုများရရှိ
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား တွေ့ဆုံဆွေးနွေးမှု သဘောတူညီချက် မရသော်လည်း တိုးတက်မှုများရရှိ
အန်ကားရေ့၊ ချစ်ကြည်ရေးရုရှားသမ္မတဗလာဒီမာပူတင်နှင့် အမေရိကန်သမ္မတဒေါ်နယ်ထရမ့်တို့က ဩဂုတ် လ ၁၅ ရက်တွင် အမေရိကန်နိုင်ငံ အလက်စကာပြည်နယ် အန်ကားရေ့မြို့ရှိစစ်အခြေ စိုက်စခန်းတစ်ခု၌ တွေ့ဆုံဆွေးနွေးမှုများ လုပ်ဆောင်ရာ နှစ်နိုင်ငံခေါင်းဆောင်များ ကြား သဘောတူညီချက် တစ်စုံတစ်ရာမရရှိသော်လည်း နှစ်နိုင်ငံကြား ဆက်ဆံရေးနှင့် ပတ်သက်၍ တိုးတက်မှုများ ရရှိခဲ့ကြောင်း သိရသည်။ယခုဆွေးနွေးပွဲသို့   ဗလာဒီမာပူတင် တက်ရောက်မှုသည် ရုရှားနိုင်ငံ၏ အကြီး အကဲတစ်ဦးအနေဖြင့်    ဆယ်စုနှစ်တစ်ခုနီးပါးကြာပြီးမှ အမေရိကန်သို့သွားရောက် ခြင်းဖြစ်သကဲ့သို့ ၂၀၂၁ ခုနှစ်နောက်ပိုင်း နှစ်နိုင်ငံသမ္မတများကြား ပထမဆုံးမျက်နှာချင်းဆိုင် တွေ့ဆုံမှုလည်းဖြစ်သည်။မူလက    သမ္မတနှစ်ဦးတည်း တွေ့ဆုံဆွေးနွေးမည်ဟု ခန့်မှန်းထားသော်လည်း တကယ်တမ်းတွင်    တစ်ဖက်သုံးဦးစီဖြင့် ဆွေးနွေးမှုကို စတင်ခဲ့ခြင်းဖြစ်သည်။ ရုရှား ကိုယ်စားလှယ်အဖွဲ့က သမ္မတအပြင် နိုင်ငံခြားရေးဝန်ကြီး ဆာဂျီလက်ရော့၊ သမ္မတရုံးမှ တာဝန်ရှိသူ      ယူရီယူရှာကော့တို့တက်ရောက်ပြီး အမေရိကန် ကိုယ်စားလှယ်အဖွဲ့က ထရမ့်အပြင် နိုင်ငံခြားရေးဝန်ကြီးမာ ကိုရူဘီယိုနှင့် သမ္မတ၏ အထူးကိုယ်စားလှယ် စတိဝစ်ကော့တို့ တက်ရောက်သည်။ထို့နောက် နှစ်နိုင်ငံတာဝန်ရှိသူများက ဆွေးနွေးမှုများ လုပ်ဆောင်မှုအပြီးတွင် ပူတင်နှင့်ထရမ့်တို့က     ပူးတွဲသတင်းစာ ရှင်းလင်းပွဲတစ်ရပ် ကျင်းပသည်။ ထိုသတင်း စာရှင်းလင်းပွဲတွင် ထရမ့်က ယခုဆွေးနွေး မှု၌ မည်သည့်တရားဝင် သဘောတူညီချက် မျှရရှိခြင်းမရှိသော်လည်း ကောင်းမွန်သော တိုးတက်မှုများရရှိပြီး အချက်အလက်များ စွာနှင့်ပတ်သက်၍ အပြန်အလှန်နားလည် မှုများရရှိခဲ့ကြောင်းပြောသည်။ယင်းနောက် ပူတင်က ယူကရိန်းနိုင်ငံ အနေဖြင့် လုံခြုံရေးစိုးရိမ်မှု မရှိသင့်သည် ကိုသဘောတူကြောင်း၊     ယခုရရှိသည့်နားလည်မှုသည် ငြိမ်းချမ်းရေးဆီသို့ဦးတည် နိုင်စေမည်ဖြစ်ကြောင်း ပြောထားသည်။ထို့ပြင် လက်ရှိဖြစ်ပျက်နေသောအရာ အားလုံးသည် အဖြစ်ဆိုးတစ်ခုဖြစ်သည့် အပြင် ဆိုးရွားလှသည့် ဒဏ်ရာတစ်ခုလည်း ဖြစ်ကြောင်းနှင့် ထိုအဖြစ်ဆိုးကြီးပြီးဆုံး စေရန်  ရုရှားနိုင်ငံကစိတ်ရင်းဖြင့် အမှန်တကယ်ဆန္ဒရှိကြောင်း၊   ထို့ကြောင့် ပဋိ ပက္ခဖြစ်ပွားရသည့် အခြေခံအကြောင်းရင်းများကို     ကိုင်တွယ်ဖြေရှင်းရမည် ဖြစ်ကြောင်းနှင့် ယူကရိန်းနိုင်ငံနှင့် ဥရောပရှိ နိုင်ငံများအနေဖြင့် အခွင့်အရေးကိုအမိ အရဆုပ်ကိုင်သင့်ကြောင်း     ပူတင်ကဆက်ပြောထားသည်။အလားတူ ယခုလုပ်ဆောင်သည့် ဆွေးနွေးမှုသည် ယူကရိန်းပဋိပက္ခကို ဖြေရှင်း ရေးအတွက်သာမက ရုရှားနိုင်ငံနှင့် အမေရိကန်နိုင်ငံတို့ကြား လက်တွေ့ဆန်ကာ အကျိုးရှိသော ဆက်ဆံရေးကို  ပြန်လည် ထိန်းသိမ်းနိုင်ရေးအတွက် စမှတ်တစ်ခုဖြစ်ကြောင်း၊ ရုရှားနှင့် အမေရိကန်နိုင်ငံတို့ကြား ကုန်သွယ်ရေး၊ အဆင့်မြင့်နည်းပညာ၊ အာကာသလေ့လာရေးနှင့်     အာတိတ်ဒေသဆိုင်ရာ ကိစ္စရပ်များတွင် ပူးပေါင်းမှုများ   လုပ်ဆောင်နိုင်မည်ဟု မျှော်လင့်ကြောင်း ပူတင်ကပြောသည်။ရုရှားနှင့်အမေရိကန်တာဝန်ရှိသူများ ကြား ဆွေးနွေးမှုသည်   အချိန်အားဖြင့် သုံးနာရီကြာမြင့်ပြီး သတင်းစာ ရှင်းလင်းပွဲကို ၁၂ မိနစ်ကြာ လုပ်ဆောင်ခဲ့ခြင်းဖြစ်သည်။ သို့သော် ပူတင်နှင့်ထရမ့်တို့သည် သတင်း ထောက်များကို မေးခွန်းများ မေးခွင့်မပြု ခဲ့ကြောင်းသိရသည်။ ခေါင်းဆောင်နှစ်ဦး အနေဖြင့် အချိန်ကြာမြင့်စွာ ဆွေးနွေးမှုများ လုပ်ဆောင်ထားကြောင်း၊၎င်းတို့ပြောသွားသည့် အချက်များသည် ဆွေးနွေးပွဲ၏ အနှစ်ချုပ်များဖြစ်သောကြောင့် သတင်းထောက်များကို မေးခွန်းမေးခွင့်မပြုခြင်း ဖြစ်ကြောင်း    ရုရှားသမ္မတရုံးမှပြောရေးဆိုခွင့်ရှိသူ   ဒီမီထရီပက်စကော့က ပြောသည်။ထရမ့်က ပူတင်နှင့်ဆွေးနွေးပွဲ အပြီး၌ Fox News သတင်းဌာနနှင့် အင်တာဗျူး လက်ခံဖြေကြားစဉ် အပစ်အခတ်ရပ်စဲရေး သဘောတူညီချက်ရရှိရေးသည် ယူကရိန်း သမ္မတ ဇီလန်စကီအပေါ်တွင်သာ မူတည်တော့ကြောင်း၊ ရုရှားနှင့် ယူကရိန်းတို့ကြား နယ်မြေလဲလှယ်မှု၊    လုံခြုံရေးအာမခံမှုတို့နှင့် ပတ်သက်၍     ပူတင်နှင့်တွေ့ဆုံစဉ် ထည့်သွင်းဆွေးနွေးခဲ့ကြောင်း ပြောသည်။ထို့အတူ မကြာမီအချိန်တွင် ပူတင်၊ ဇီလန်စကီနှင့် ၎င်းကိုယ်တိုင်ပါဝင်သည့် ဆွေးနွေးပွဲတစ်ရပ် ပေါ်ထွက်လာမည်ဖြစ်ကြောင်း ထရမ့်က အင်တာဗျူးတွင် ပြောထားသည်။အမေရိကန်နိုင်ငံအနေဖြင့် ရုရှားအစိုးရ အဆင့်မြင့်ကိုယ်စားလှယ်အဖွဲ့ကို ဧည့်ဝတ် ကျေပွန်လွန်းစွာ ဧည့်ခံကြောင်း၊ အတိုက်အခံများ ရှိနေသည့်ကြားမှ နှစ်နိုင်ငံကြား ဆက်ဆံရေးကို ဆက်လက်တည်ဆောက် သွားမည်ဖြစ်ကြောင်း    ရုရှားတိုက်ရိုက် ရင်းနှီးမြှုပ်နှံမှုရန်ပုံငွေအဖွဲ့  အမှုဆောင်အရာရှိချုပ် ကီရေးမီထရိကပြောထားသည်။နှစ်နိုင်ငံ ခေါင်းဆောင်များသည် ဆွေးနွေးမှုများ လုပ်ဆောင်ပြီးနောက် အလက်စကာပြည်နယ်မှ ကိုယ်စီပြန်လည် ထွက်ခွာသွားကြောင်း သိရသည်။MWD
Sun, 17-Aug-2025
ဥရောပအနေဖြင့် မိမိလုံခြုံရေး မိမိသာ ဂရုစိုက်ရန် ကို အလက်စကာ တွေ့ဆုံပွဲက ပြသနေကြောင်း ဂျာမနီနိုင်ငံရေးသမား သတိပေး
ဥရောပအနေဖြင့် မိမိလုံခြုံရေး မိမိသာ ဂရုစိုက်ရန် ကို အလက်စကာ တွေ့ဆုံပွဲက ပြသနေကြောင်း ဂျာမနီနိုင်ငံရေးသမား သတိပေး
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ သြဂုတ် ၁၅ ရက်က အလက်စကာရှိ Elmendorf-Richardson စစ်စခန်း တွင် ကျင်းပသည့် ထိပ်သီးဆွေးနွေးပွဲမှာ ဥရောပအတွက် အရေးကြီး သော သတင်းစကားတစ်ရပ်ကို ပြောပြလိုက်ခြင်းဖြစ်ကြောင်း ယင်းမှာ ဥရောပသည် မိမိ၏လုံခြုံရေးကိုသာ ဦးစားပေးကာ မိမိ၏အရင်းအမြစ် များအပေါ် အဓိကအားထားရမည်ဆိုသော အချက်ပင် ဖြစ်ကြောင်း ဂျာမနီ Christian Democratic Union ၏ အကြီးအကဲတစ်ဦးဖြစ်သူ Norbert Roettgen က သတိပေးပြောကြားလိုက်ပါသည်။အမေရိကန်နှင့်ရုရှားတို့ဆွေးနွေးပွဲက ရရှိသော သင်ခန်းစာမှာ ဥရောပသား များအတွက် အဖြေမှာ ရှင်းလင်းနေပါကြောင်း၊ မိမိလုံခြုံရေး မိမိ ကိုယ်တိုင် သာ လုပ်ရန်သာဖြစ်ကြောင်း၊ ထိုသို့ပြုလုပ်ရန်မှာလည်း အမေရိကန်မှာမိမိတို့မိတ်ဖက်အဖြစ် ဆက်လက်ရှိနေရန် လိုအပ်ကြောင်း ၎င်းက ထုတ်ဖော် ပြောဆိုထားပါသည်။ အလက်စကာဆွေးနွေးပွဲတွင် ပူတင်သည် များစွာ အကျိုးအမြတ် ရရှိ သွားသည်ကို သတိမူသင့်ကြောင်း၊ ပြန်လည်ပေးဆပ်မည့် ကတိကဝတ် များ မပါရှိဘဲ အမေရိကန်သမ္မတ၏ သံတမန်ရေးရာ အသိအမှတ်ပြုမှုကို ရရှိခဲ့သည်ကို မြင်တွေ့ရမည်ဖြစ်ကြောင်း၊ ရုရှားအပေါ် အမေရိကန်၏ ဒဏ်ခတ်ပိတ်ဆို့မှုအရေးယူမှုများ ချမှတ်ထားသည့် သက်တမ်းကုန်ဆုံးပြီး ဖြစ်သော်လည်း ထိုအရေးယူမှုများကို ဆက်လက်သက်တမ်းမတိုးဘဲ ရှိနေပါကြောင်း Roettgen ထပ်လောင်းရှင်းပြထားပါသည်။အလားတူစွာပင် ၃ နာရီခန့်ကြာမြင့်သော အလက်စကာ ဆွေးနွေးပွဲတွင် ပူတင်က အနိုင်ရခဲ့ကြောင်း မြူးနစ်လုံခြုံရေးညီလာခံ၏ ယခင်ဥက္ကဋ္ဌ Wolfgang Ischinger ကလည်း သဘောတူကြောင်း ပြောကြားထား ပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃Photo Crd to Channel 4
Sun, 17-Aug-2025
ရုရှားထံ Donbass ဒေသ ပေးအပ်၍ ငြိမ်းချမ်းရေးပြုလုပ်မည့် အစီအစဉ် ကို ထရမ့်က ဥရောပခေါင်းဆောင်များထံ ဖုန်းဖြင့်ပြောကြား
ရုရှားထံ Donbass ဒေသ ပေးအပ်၍ ငြိမ်းချမ်းရေးပြုလုပ်မည့် အစီအစဉ် ကို ထရမ့်က ဥရောပခေါင်းဆောင်များထံ ဖုန်းဖြင့်ပြောကြား
ရုရှားတပ်များ၏ ထိန်းချုပ်မှုအောက်ရှိ ဒေသများအပါအဝင် Donbass ဒေသကို ယူကရိန်းက ရုရှားထံ စွန့်လွှတ်ပေးအပ်၍ ငြိမ်းချမ်းရေး ပြုလုပ်မည့် သဘောတူညီချက်ကို အမေရိကန် သမ္မတဒေါ်နယ်ထရမ့်က ရုရှား သမ္မတ ဗလာဒီမာပူတင်နှင့် အလက်စကာထိပ်သီး အစည်းအဝေးတွင် အဆိုပြု ခဲ့ကြောင်း ဥရောပထိပ်တန်းအရာရှိများ ပြောကြားချက်ကို ကိုးကား၍ New York Times က ဖော်ပြထားပါသည်။ အလက်စကာတွေ့ဆုံမှုအပြီး ဒေါ်နယ်ထရမ့်သည် ယူကရိန်းသမ္မတ၊ ဥရောပခေါင်းဆောင်များ၊ နေတိုးအတွင်းရေးမှူးချုပ်၊ ဥရောပ ကော်မရှင် ဥက္ကဋ္ဌတို့ကို ဖုန်းခေါ်ဆိုခဲ့ပါသည်။ ယူကရိန်း-ရုရှားအကြား အပစ်အခတ် ရပ်စဲရေးတောင်းဆိုမှုကို ပယ်ချကာ နောက်ဆုံးငြိမ်းချမ်းရေး သဘော တူညီချက်တစ်ရပ် တိုက်ရိုက်ပြုလုပ်သင့်ကြောင့် ဒေါ်နယ်ထရမ့်က ပြောကြားထားပါသည်။ဒေါ်နယ်ထရမ့်သည် လာမည့် ဩဂုတ် ၁၈ ရက်တွင် ဇီလန်စကီးနှင့် အိမ်ဖြူတော်၌ တွေ့ဆုံရန် စီစဉ်ထားပါသည်။ ထိုတွေ့ဆုံမှု အောင်မြင်ပါက ပူတင်နှင့် နောက်တစ်ကြိမ် ထပ်မံတွေ့ဆုံရန် စီစဉ်ထားကြောင်း ၄င်းက ပြောကြားထားပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃Photo Crd to The Guardian
Sun, 17-Aug-2025
ငြိမ်းချမ်းရေးသဘောတူညီချက်အတွက် ထရမ့်၏တွန်းအားပေးမှုကို ဇီလန်စကီး ငြင်းပယ်
ငြိမ်းချမ်းရေးသဘောတူညီချက်အတွက် ထရမ့်၏တွန်းအားပေးမှုကို ဇီလန်စကီး ငြင်းပယ်
ယူကရိန်းခေါင်းဆောင် ဇီလန်စကီးက မော်စကို-ကိယက်ဗ်အကြား ငြိမ်းချမ်းရေးသဘောတူညီချက်ရရှိရန် အမေရိကန်သမ္မတ ဒေါ်နယ်ထရမ့် ၏ တောင်းဆိုချက်ကို ပယ်ချလိုက်ပြီး နယ်မြေလွှဲပြောင်းမှု အကြောင်း အရာများကိုဆွေးနွေးမည့်အစား စစ်ပြေငြိမ်းချမ်းရေး အာမခံချက်ရရှိရန် ဦးစွာလိုအပ်ကြောင်း ထပ်လောင်း ပြောကြားလိုက်သည်။ဇီလန်စကီးက ဩဂုတ်လ ၁၇ ရက်နေ့တွင် ဥရောပကော်မရှင်ဥက္ကဋ္ဌ အာဆူလာ ဗွန်ဒါ လိုင်ယန်နှင့် ပူးတွဲကျင်းပသော သတင်းစာ ရှင်းလင်းပွဲ တွင် ထိုသို့ပြောကြားခဲ့ခြင်းဖြစ်ပြီး ဗွန်ဒါ လိုင်ယန်သည် ဇီလန်စကီးနှင့် အတူ ဝါရှင်တန်သို့ လိုက်ပါသွားမည်ဖြစ်ကာ ဩဂုတ်လ ၁၈ ရက်နေ့တွင် ထရမ့်နှင့် တွေ့ဆုံဆွေးနွေးမည်ဖြစ်သည်။ယူကရိန်းခေါင်းဆောင်က မော်စကိုသည် ပဋိပက္ခအဖြေရှာရေးအတွက် တောင်းဆိုချက်များစွာ ပြုလုပ်ထားပြီး ကိယက်ဗ်အနေဖြင့် ၎င်းတို့ကို သိရှိထားရန် လိုအပ်ကြောင်း ဆိုသည်။ "မိမိတို့ ကြားသိထားသလောက် တကယ်တမ်း တောင်းဆိုချက်တွေ အများကြီးရှိသည်ဆိုပါက အားလုံးကို စိစစ်ဖို့ အချိန်ယူရမည်" ဟု ၎င်းက ပြောကြားခဲ့သည်။ ဇီလန်စကီး၏ အဆိုအရ ယူကရိန်းအနေဖြင့် အတင်းအကျပ် ဖိအားပေးမှုအောက်တွင် ညှိနှိုင်းဆွေးနွေးရန် မဖြစ်နိုင်ပါ ဟု ဆိုသည်။ စစ်ပြေငြိမ်းရေးချမှတ်ပြီး အဆုံးသတ်သဘောတူညီချက်အတွက် အမြန်ဆုံးလုပ်ဆောင်ရန် လိုအပ် သည်ဟု ဇီလန်စကီးက အခိုင်အမာ ပြောကြားခဲ့သည်။ရုရှားဘက်မှမူ ကိယက်ဗ်၏ စစ်ပြေငြိမ်းရေး တောင်းဆိုမှုများကို အကြိမ်ကြိမ် ငြင်းဆန်ခဲ့ပြီး တိုက်ပွဲရပ်စဲမှုသည် ယူကရိန်းအား လက်နက် ပြန်ဖြည့်တင်းရန်နှင့် စစ်အင်အားပြန်လည်စုစည်းရန် အခွင့်အရေးပေးသကဲ့သို့ ဖြစ်မည်ဖြစ်ကြောင်း ပြောဆိုခဲ့သည်။ထို့အပြင် ဇီလန်စကီးက ငြိမ်းချမ်းရေးသဘောတူညီချက်၏ အစိတ်အပိုင်း အဖြစ် ရုရှားအား နယ်မြေလွှဲပြောင်းပေးအပ်ရန် အလားအလာကိုလည်း ပယ်ချခဲ့ပြီး ယူကရိန်းဖွဲ့စည်းပုံအခြေခံဥပဒေက တားမြစ်ထားကြောင်း ပြောကြားခဲ့သည်။ဇူလိုင်လအစောပိုင်းက ထရမ့်သည် ဇီလန်စကီး၏ ယူကရိန်းဖွဲ့စည်းပုံ အခြေခံဥပဒေကို အကြောင်းပြချက်အဖြစ်အသုံးချကာ ညှိနှိုင်းမှုများကို ရှောင်ရှားနေမှုအပေါ် စိတ်မသက်မသာ ဖြစ်ခဲ့ကြောင်း ဖွင့်ဟခဲ့သည်။ အမေရိကန်သမ္မတက "ဇီလန်စကီးက 'ဖွဲ့စည်းပုံအခြေခံဥပဒေအရ ခွင့်ပြုချက်လိုသည်' ဆိုသည်ကို စိတ်မသက်မသာဖြစ်မိကြောင်း ၎င်း အနေဖြင့် စစ်ပွဲထဲမှာပါဝင်ပြီး လူတွေသတ်ရန် ခွင့်ပြုချက်ရထား သော်လည်း နယ်မြေအပေးအယူလုပ်ရန်ကိုမူ ခွင့်ပြုချက်လိုသည် ဟု ဆိုလိုခြင်းကိုမူ နားမလည်ပါ" ဟု ပြောခဲ့သည်။ဇီလန်စကီးနှင့်အတူ သတင်းစာရှင်းလင်းပွဲတွင် ဗွန်ဒါ လိုင်ယန်က "ယူကရိန်း သည် သံမဏိဖြူးကောင်တစ်ကောင်ကဲ့သို့ဖြစ်လာရမည်၊ ကျူးကျော် သူများအတွက် မချေဖျက်နိုင်သော အရာဖြစ်ရမည်" ဟု ၎င်း၏ ယခင်က အသုံးပြုဖူးသော ဥပစာစကားကို ပြန်လည်အသုံးပြုကာ ပြောကြားခဲ့သည်။ ဥရောပသမဂ္ဂအနေဖြင့် ယူကရိန်း၏ ကာကွယ်ရေး စက်မှု လုပ်ငန်းကို အားဖြည့်ပေးရန် အထူးသဖြင့် ဒရုန်းထုတ်လုပ်မှု နယ်ပယ် တွင် ဆက်လက်လုပ်ဆောင်သွားမည်ဟု ၎င်းကကတိပြုခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 17-Aug-2025
© Copyright 2024 SAC All Rights Reserved.